ZûNLêNG S2 BY Natasha Hrahsel (Completed)

[Ngaia]

*ZûNLêNG S2* ch~13






Ka lukham ka mittui vanga huh dap chu thlâk buai peihlo in a huhlo chinah chuan ka mu rem a .Tunah chuan ka mittui chhuak tur pawh a awm tawhlo , Ramngaihzuala vangin ka mittui bawk a rawn tla leh chu nia ! Ka haw lo mahse min ringlo tehthlawt lutuk kha ana ka ti .Khatiang tehthlawt a ka insawifiah na pawh ngaithla hmasa lo a min tawngkhum dan khan min ti na a , chu ai chuan kan inkar tawp fel ta hian min ti na lehzual !
Amah ah kalo tlu lut thuk tawh lutuk ani ngei ang tun thleng a min ringlo tu vanga ka mittui ala luan reng ni !






"Mate i tlai dawn asin lo tho la " ka û chuan a rawn ti damthlup a , Ramngaihzuala nena kan inkar boruak hre ve tu ani a ,Tuntum chu tawngkam khat pawhin ka thiamloh thu emaw min zilh pawh anei lo .Ka dik ati ve deuh tawh pawh ani mahna .

Peihlo zetin ka tho chhuak a , ka intihfai thuak hnu ah thawmhnaw hak nuam leh zangkhai tur deuh inbel in ka bag ah ka mamawh ka khung a inhnuai lam panin ka chhuk a , tukthuan pawh ka ei peihlo .Mipa vanga ka taksa hrem ka duhloh rualin ka châk thlawtlo ,tum lui pawh ni ila ka luak chhuak leh vek dawn tho .
"Dawnga a hman hrih silo a , vawin chu ka thlah mai ang che " ka û in a tih chuan ka bu nghauh ringawt , ka ze zawi ta lutuk hi ka chhungte ngaih atha thei lo a mahse tunhma a Naomi harhvang tak ni leh tur chuan hun kala mamawh ani .







Hospital ka thleng a , dân ngai te in hna atam leh viau tawh . Hlawh nei a ka thawh ve theih hun tur ka nghakhlel tawh takzet . Test tur neuh neuh nei an rawn intlar leh pût tawh a , an hma ah chuan ka nui lui hram hram ani ber. Min chîk hlawm se chu ka nui lui tih an hrethei ngei ang .






"Naom kalo be lawk che " Dr.Josepha'n kan lab pan tur min lo ti ding a , "vile ho hi kalo han kengchho ang " Zualtei'n ti sep in ka sample ken ho chu min laksak a , min nuihlui zeuh in a kalsawn zui .

"Naom Gideona hi then hlen itum tak tak em?" Ka rin ang chiah , a thianpa chungchang ah bak min biakna tur aneilo .
"Min ringlo tu kiangah ka awm reng thei lo " ka ti sep a ,alo thaw halh thung . "In luhlul dun si ,in in tina dun mai mai ani .Naom Gideona hi ka thianpa ani a , in inthen dan kimchang ka hrelo mahse ka thiana hian a atchilh takzet che tih erawh ka chiang " a ti fak a , min dem te pawh a ang zawk alawm !






"Dr.Joseph kan inkar thilthleng i hriatchian loh vang anih chu , engpawh nise kan inthen tawh a sawi leh chuan tur a awm lo .Inthen hi kan pahnih tan pawh atha ve ve zawk " ti a kalsawn mai ka tum chu ka banah alo man chawt a , ka ding leh rih .
"I hma i sial mah mah in i in hre ve lo em ni " a ti ta thlawt a , ka ner nghal nak "hmasial a ! Min ringlo a midang sawi ring hmasa tu zawk anih kha , kan inthen chhan hi ka thiamloh ah min puh miah suh " ka senior anih lam ka ngaihtuah lo ,ka dikna ah chuan ka ding nghet tlat dawn .Tun tum kher kher hi chu ka thiamlohna a awm in ka hrelo .






"I tawrh ai nasa daih khan a tuar asin " a ti hnual ruih a "eng..enge awmzia !" Ka ti hap .
"Naom Gideona Lung dinhmun i hria em ? A tetlai in zaipui atawk i hriat ka ring .Tunah hian alung ala damfel tawklo , chuti chung chuan zû a taksa in a zawh bak a in fo a alung ah harsatna a tawk leh anih chuan damna chance a nei tlem tawh viau ang ." Harsa tih hmel zet chuan a ti sak talh a . "Gideona hi athiamlo zawk pawh ani maithei mahse khawngaihin i ngaidam theilo anih pawh in a mah a inti chhe tur hi dang rawh " a ti leh sup a , "ka thianpa tan ka ngen che anih chu ' tiin akalsawn zui a .
'Ramngaihzual ! Mawla ! ' ti hlakin ka mittui lo hnai kuar chu ka khap let sak .






Nileng chuan ka awm anuamlo nileng ta thak , a chang leh ka thin a rim a ,achang leh ka in haw thul . Keimah vanga ataksa in a tawrh ka duhlo a , min rin loh em vangin ka haw bawk si.A chang leh 'ka buaina tur a awmlo ' ka ti a , a nat tak tak ka phal chuang bawk silo ! Eng dinhmun ah nge maw min din tir tak hi ?

Zawi zetin kan inchhung ka lut a , alo reh leh thup tawh .Ka nu ala rawn hawlo ani phawt a , ka pa in car aneih tak chinah ka nu hian ka pa bang anghak ta kher zel a , tlai lam hi kan buai thei viau mai .Ka û lah tuition tlai lamah ape ta bawk nen keimah hi tlai lamah chuan in ka thleng hma ber zel.Dawnga tlai lamah class akal bawk a , kan inchhung chu a reh ngei mai .
Rawng ka bawl sawk sawk a , siam awlsam sam chu ka siam ani ber .Vawksa rep chu antam nen ka chhum a , salad siam leh tawp in ka thiam ang tawkin bâl ka bai ve bawk . Chawhmeh siam lamah hi chuan ka pa chhe ve a , eitlak a ka chhuah tihloh hi chu han fak na tur avâng viau ang .







Ka nu leh pa te an rawn thleng a , Dawnga leh ka û an rawn in zui lut zawm ve bawk . "Nu chaw hi han sî zo se chaw ei theih nimai aw , ka han intifai ve lawk ang " tiin inchung lamah ka chhoh san zui a , ka zawi lutuk chu keimah ka ni ta lo emaw ka inti zawk hial ..
Paliana nen kan inthen atang kar khat atling tep tawh a , minla rawn be pawp leh lo a a chanchin ka hriat leh hmasak ber leh zû a in nasa tuh ala ni zui a ! Ka ngai a , ami duatna awka thlengin ka ngai vek ,karkhat chhung lek pawhin alo tlâk theih khawp mai ! Ka dul pawh ip chawp ngai miahlo in a thep thlep a , ka awmbawr pawh ate zo vek hialin ka hria .Zân ka mut tlem vangin dark circle ka nei ruih a , ka mit abui lûk zel bawk.Makeup ka hman loh phei chuan ka hmuh tlakloh hlawm tawp .
Ka intleuh thuak hnu a , pyjama hak nuam zet chu ka inbel a inchhung a awm chuan alum deuh tawh bawk a inthuam lum angai tawh vaklo .






Ka nb save loh atang call ka dawng a ka han pick up a "hello" ka tih rualin lehlam atang chuan " Naom rawn kal vat teh " a rawn ti hluk! Dr.Josepha aw niin ka hria! "Engthil nge ni ?" Ka ti nghal vut a , "Falkland ah kan awm rawn kal thuai mai teh Gideona hi.."
"Hello ..hello" ka ti vak vak a ,line a in cut zui daih ! Enge awmzia ? Paliana chungah thil thalo athleng em ni ?

Hmanhmawh zet a inhnuai lam panin "û i chahbi minlo pe teh " thaw halh halh chuan ka û bul ka thlen rualin ka ti vat , emgmah sawi lemlo in min pe ve mai a tawng tum a aka a ân zuau lai chuan ka tlan chhuak thuai ,enge a sawi ka hre hmanlo .







Ka û scooty chu ka khalh chhuak ve tawp a , license ka nei miahlo mahse traffic police an awm tawhlo hlauh .
Khawilai ah tak nge an awm ka hriat loh vangin Falkland peng atang chuan kawngsir vel chu ka en thla nghal a , ka tlân fe hnuah kawngsir a Paliana Motor lo inhûng vang ka hmuh chuan abulah ka ding dawt .
Motor hnung lam hmun zawl laia Paliana leh Dr.Josepha lo awm dun ka hmuh rual chuan ka panhnai nghal thuai ."Dr.Joseph " ka ti sep a , Paliana zawk chu a rawn hawi ve eihlo .






"Kha han hrilh ve teh vawin ah ringawt pawh ûm engzah nge a in tawh ni ?" Ti hlukin Dr.Josepha chu akalsawn zui nghal .
Ka thaw hap a , rilru hah zetin ka pan ve em em a Paliana zu in mai mai maw alo nih ?
"Hey...tinge i taksa in a huat chu i inluih reng a ?" Ner nang chuan ka ti a , ding chungin ka kut ka kuangkuah ât bawk .Zawi muang hian a rawn hawi chho a , ni atla tawh a ala thim mup lo deuh chauh ani .A mitmeng ah pawh arui tih hai theih rual anilo , chuti chung chuan zû ûm ala dawm reng tho nia !
"Duatte " ti sup in ka ni ngei em tih pawh chu a chian hmel vak chuang lo !





"Ini tiraw ? Ka duattei " ti chhalh hian mit ti zim sun hian a nui suk a , "ka duattei" ti leh supin athle buk .
"Ti pawh khan min ko suh , mipa ve si iva tlaw ve " ka ti hlak a , ka ngei bawk si hetianga a awm ka hmuh hian ka na bawk si .Keh hrep ania ka châk ni .Min en vang vang in a mit a ti zim sun a , chutah a zu ûm bawk chu banin in leh nghal mai a tum ! Thu thla vatin a intulh leh hman tep tih ah chuan ka laksak vut a thlamg lam ah ka thehthla hmak .To hmel viau mahse thalo chu thalo ani tho tho .
"Duatte " ti sup hian hrilhhai hmel deuh hian min melh a , amitmeng pawisawi lo lutuk te chuan min ti na ,vin hrep hrep a ankhum hrep hrep ka châk takzet .






"Tihian ngati nge i awm ? Ka huat lehzual nan che pangai takin i awm theilo ami ? Tinge minti hrehawm zual turin tiang hian i awm kher a ?" Ka ti tuau a , "no..duatte tap suh ." hrehawm tih hmel zet chuan ka biang rawn khuap vutin tap lo tur chuan min thlem nghal thuai . "Bâng rawh le " ka tah chhan hre map lo chuan ati zui leh a , a rui takzet tawh anih dawn hi !
"Nangmah vanga hetianga awm ka nih hi Ramngaihzual ka haw lutuk che " ti hlar in akut chu ka thing thla hnawk .





"Min hua..ka hria Duattei'n min hua " a ti bul bul a , ka biang chu ka tuai hul nawk nawk a tho kang in Ramngaihzuala pawh chu "tho rawh " ti tungin pawhthawh mai ka tum a , apalian bawk si ka pawttho zo lo ."Ramngaihzual tho ta che " ti vin hlar mah ila ka thusawi chu a hrelo nge lei ah chuan amu zâl ta ruai ruai zawk anih chu!
"Mu ringawt suh i bâl vek ang" ka rilru na nen tuna kan awmdan hi a inhmeh lo takzet .

"Ramngaihzual tho rawh " ka sawi nawk nawk , heti lai hmunah hian a chatthla ringawt theilo .Ka ph chu ka dap rawk rawk a , Lalpa ! Kalo la ak chhuaklo zui ! Ava han hunlo tak .Dr.Josepha lah khawnge maw akalsawn daih ni kan bulhnai ah a awm tawhlo reng reng .







"Ramngaihzual tho teh , misual te pawh anlo kal thei asin " tiin ka sawi nawk nawk .A chatthla tak tak aniang aharh theilo !
Ka tihngaihna hrelo chuan a Motor chu ka va hawng a , tui bottle lo awm hlauh in ka la lawk a Ramngaihzuala chu ahnâra tui aluh loh nan alû chu dawm kâng deuhin ka tui lâk chuan ka leih ta bawrh bawrh . A rawn inthing nawk a athu chhuak hlawl .
Ka kawr bân chu pawt vakin ahmai huh zualpui chu ka hru hul nawk nawk a "i harh em ?" Tih pahin abiang chu ka beng thek thek .






"Duatte" min en chian rual chuan a ti sup .A la harhchian hmel chuang loh ,amitmeng pawh ala ni deuh set mahse ahma ai thlawt chuan a zia deuh . "Haw rawh " ti nghutin amah chuan thei leh theilo in din a tum a apai khut chu kalo dawm bet hman hram . A in la hrang thut a , apai leh nghal khut nangin a tlu em biklo .
"Haw rawh " ti leh nghut in a lu chu a dawm vang vang a , "Ramngaihzual " ka ti vin nghal that .
"Tiang hian awm suh , kan intawn hma ang kha pangai takin awm leh rawh .Tinge min tina tu zawk hetiang hian i awm " a tawp lam chu a ri chang chang chauh .Keimah zawk hi asin na chu ,mahse hetiang hian alo awm ve chhen bawk si .





"Ka theilo " a ti sep a , "Duatte ka theilo , ka tina che tih rilru fim ka put chuan ka hre thar zel a ka theilo .Mi laktlak loh tak ka ni tiraw ?" Anui hak a , a zat vang erawh ani hauhlo . "Ni e ,mi laktlakloh tak ka ni ,ka hmangaih chu ka ti na nawn mawlh mawlh a" a pai leh deuh khut thin .Mipa invawng fel tak kha ani thin a,hetiang a a awm ta mai hi hmuh a hrehawm takzet .
"Ka duatte tel lo in ka awm theilo " a phun bul bul tawh chauh .


"Let tawh zawk rawh " a rawn ti chhuak leh hmuk a "ngaihdam tal pawh min dil dawnlo maw " ka ti zawi sep .
"Ngaihdam ? Ngaihdam ka phu hleinem duatte , kei ang mi laktlak loh lutuk hian i ngaihdamna ka phu hleinem " nui sen sen chung hian a ti sup a , " min enliam tawp rawh " ti leh nghut in thei leh theilo chuan amotor hunna lam apan phei tuah tuah .



"Ramngaihzual tiang chung chuan i in khalh haw theilo ang " ngaihtuah zetin ka ti hlak , Motor chhungah athu lut fel diam tawh thung . Ka la ngaihtuah lutuk te hi ka inhua , a awmdan ang ang hian enliam tawp thei ila ka ti takzet .
"Ramngaihzual Kawngkhar hi hawng rawh " darthlalang chu ka beng dawt dawt a , a seat nghengchhan ngheng dawtin amit a chhing vang vang , a harhfim hun anghak mai dawn zawk emaw ka tih laia amotor a start chuan ka thin aphu nghal dup dup "Ramngaihzual kawngkhar hi hawng rawh " ka beng dawt dawt . Amit tle ralh chu ka hme de de thei a , amittui tih ka hailo . Keipawh ka mittui a tling pam a , ka hmu phe ruai tawh .







A tlân chhuak mai dawn takngial a ka hriat phei chuan hlauhthawn takmeuh meuh in ka hlawthawng tawh , ka lam a rawn melh duh tawhlo a , ahmalam amelh ding ngawr ngawr .Amotor chu che in hnung lamin zawngin a in her pawp a , dan dan tur ka hrelo . A accident ka hlau bawksi tihtheih ka nei bawk silo te chu ka mangang zual ngawih ngawih.Amotor thleng tur takngial pawn a pen pangai thei lo a , zán ah lehnghal phei chuan a inkhalh thleng zo dawnlo hian ka hre lutuk .







Harhchhuak thutin hmanhmawh zet in ka û scooty ah ka lawn kai a , ka theih ang tawk a chakin ka tlân chhuak ve nghal . Scooty hi khalh thiam ve mah ila ka hawl chhuak ngailo a , keimah tak phei chuan thiam ka inti lo .Engti tih a helai hmun thleng inkhalh thleng thei nge ka nih ka inhre lo a , tuna ka speed ang leh lek phei hi chuan ka û pawh in akhalh ngailo ang.

Ramngaihzuala Motor ka hmuh rual chuan a tlanchak theih dan berin ka speed ka ti sang a , a motor chu tlân pelin a kawng dal zawnga din tuma a steering ka herhkual pawp chu ka tlu zui nghal rawk !
Ka lu ahai nghal muai muai a , ka mal na lutuk chu ka theih tawpin ka dawm ngawt ngawt a ka dâr ana nghal ngut ngut bawk .Thawk harsa ka tiin Paliana Motor atanga rawn chhuak pawh chu ka hmu phe ruai tawh.






Gideon pov.




Ka hma a scooty rawn tlu rup ka hmuh rualin ka break ka hmet ri nghal tuarh ..Ka thil in vangin ka khawhmuh ala fiahlo ruai chungin Motor atang ka chhuak a , scooty lam chu ka pan hnai bat tho .
"Duatte " ti hrawkin ka harh nghal kawk .Ka hmangaih na tuar a alo rum ngawt ngawt ka hmuh rual chuan ka thu thla nghal rawk rawk .
"Duatte "




"Ka ke..ka ke hi "thei leh theilo a ti tawk tawk in amittui a luang nghal zawih zawih a , a delhtu scooty chu nem kangin ka dahsawn nghal vut . "Engthil nge ka tih tak "ka che theilo ! Ka hmangaih na tuarin a let reng a mahse ka che theilo .!!





"Ehe a accident elaw ?" Kan bula car a rawn ding a , a chhunga chuang an rawn chhuk nghal sap sap ."Thianpa a va serious hmel ve , Nula ka tawng i hre thei em ?" Duattei chu an be nghal mawlh mawlh .
"Duatte " harh chhuak thutin duattei mitmeng dul riai riai chu ka buaipui ve nghal hlut ."Hospital ah hruai vat angai dawn anih hi .Thianpa zu rim i va nam ve ? "

"Engpawh nise kan motor ah hian hlâng lut phawt ang , saw saw i Motor ani em ?" Ka bu nghut. "Ka nau hian rawn khalh mai se Nula hi i hriat zawng anih chuan rawn chuanpui mai la ." Dim zetin Duattei chu Motor hnungah kan hlang lut a , ka thu lût ve nghal zat .





A dâr veilam atanga thisen rawn chhuak reng tihtawp tumin ka rawmawl ken chuan ka dawmbet a , ka be zui mawlh mawlh chungin min chhang tawhlo !





"Khawngaihin pawn lamah hian lo awm ru " nurse in pawn lama min namchhuak tawng tawng a , ka kut a Duattei thisen kai niaih mai chu melh ngawt ngawt in lei ah ka thu thla zui dawt .







Joseph pov.



Tifuh inti zetin bike hnungah chuan ka thu vang a , ka thiana chu rui viau mahse a insawi ko zo em ang chu maw ?
"Ava hlimawm awm ver ver ve " min phur tupa kum upa lam mah tawh chuan side glass atang min rawn hmu nge a rawn ti chhuak khauh . A ramkal haw lam ni awm tak ani , ka lo phar ding ve tawp a .Silai nen a in ak tup chungin min phur ve ta tho .A silai leh thlai eng eng emaw chu ka pawm tup a , kala nui vur vur zui tih ka thiante chuan hria se an awihlo leh viau ang .






Gideona hi ka hre chiang a , Naomi hi a atchilh mai nilo in a duh takzet tih ka hria .Hetiang taka hmeichhia vanga atalbuai hi kala hmu ngai miahlo .Keichuan Naomi a duh lutuk na lamah hian rilru fim a pu theilo ni berin ka hria a, kan inhriat tirh ata nun ho tak aneih ka hrelo a , thil hrechiang hmasa lo in engmah a ti ngailo bawk.An inthen chhan tlem a zawng bak ka hrelo a , Naomi chungchang ahresual tih vel te bak ka hrelo chupawh a ruih laia a sawi chauh ani .A harsatna kan bulah a thlen ngailo a amahin a chingfel mai thin .Naupang te kan nih lai atanga inkawm tawh kan ni a , zirna lamah pawh aber ani ziah .
Naomi alo lan hnu a amize inthlakdanglam ta lutuk te hi kan hai lo ,tunah atalbuai ta chiah reng bawk a .A lung lam ngaihtuah lo lekin zû a in a , Naomi lam ka hre ve vaklo na chu Bawiha hi a duh ve tak tak anih chuan hetianga a awm hi ahmuh theih ka ring lo.Chuvanga hetiang ngaihdan atthlak nei a Naomi ko a hawsa ka ni chiah reng bawk a .An in sawi tha thei em ang chu maw .







Ka night hun ani leh tawh a , in lamah kawi lo in hospital ka tlang leh nghal zat .Min phur tupa chu khatla lam mi alo ni a , a huan a a thangkam vel ena lo chhuak ani.Ka chuan man pek ka tum lah chuan duh mauhlo in a thlai hawn chu min pek ala tum zawk zui a! Hospital a ka duty tur thu ka sawi hnu ah ka hnial ve thei hram .Pa fel ve tak chu anih dawn kha .





ER ka thlen chuan anlo buai lo hlauh , damlo serious tak an awm lemlo bawk a tiin canteen lamah in eipuarna tur dapin ka kal chhuak leh zuai a , Gideona vangin zanriah pawh ka ei hman lo kha nia ril atam ve veng veng thei alawm le .Eitur anlo in hralh zo nual tawh a , Sawhchiar anlo la nei hlauh a ka ei ta tawp . Tam chu ahnem ve viau chung in Mizo pum ah hi chuan vai buh lo hi chuan puarna athlen tak tak thei chuanglo .





ER kawta Bawiha thisen kai hnuanga alo ding ka hmuh rualin ka pan hnai vut a , enge awmzia !
"Bawiha enge awmzia " ka ti nghal vut ..
"Duattei ..duattei a accident..keimah vang keimah vang vek " alo ti bul bul ! Naomi a accident tihna maw ?
A dâr a beng thakin ka tlan lut zui a , Dr.Zaia leh nurse ten anlo buaipui hut hut chu Naomi anih ringin ka pan thuai , alo ni chiah bawk .

"Zaia enge a dinhmun "





"Sir..A malpui ruh hi a tliak anih hmel a , a dâr hi akak bawk a abak chu kanla chianglo nangin operation tih nghal vat angai ang .Thisen ahlauh hnem viau bawk a chuan...."


"Enge chuan " ka ti vut .

"Sir a spinal cord hi a sawh chhe maithei " a tih chuan a mit ka chhing sawk . Hrep a !
"OT lam be pawp ula , Blood bank ah a thisen milpui a awm em tih zawt bawk rawh u .A rang thei ang berin che nghal zung zung ru ." Ti vutin Naomi chu OT lama hruaichhoh turin ka buaipui zawm nghal mawlh mawlh . Lalpa chhanhim lul teh .

"Sir kan inpeih e , chuan damlo blood group hi kan hrelo a blood bank lamah chuan negative blood group lo chu a awm kim bawk "nurse in a tih chuan "hruai chho nghal ru " ti vutin pawn lam panin ka pen nghal vut .






"Bawiha " ka ti sup a , ka hrikh ang nge hrilh lo ang tih ka hrethiamlo.

"Thiana Duattei chu atha em ? Nilo atah tur ani .." hetiang em em a atalbuai hi kala hmu ngailo !
"Thisen pek angai , ablood group i hria em ?"thudik hrilh chi ala ni hrih lo .

"Ab...ab+ " a tih chuan ka bu zeuh a , " Zai turin OT lamah kanla chho dawn a chhungte.."





"Zai a ! Lalremmawi thudik min hrilh rawh Duattei atha tiraw ?" Ka kawr awm ah thamin a rawn ti thawt .Mi â anilo a , anilo mai nilo mi fing tak ani .Ka hmel atang ringawt pawhin thil awmdan ahrethiam leh vek tawh tih ka chiang .

"A.. aspinal cord a chhe maithei " ka ti sup chuan au chhuak thawt in kan bula thuthleng chu a chhir zui pawp pawp!






"Hrep a..ka thiamloh vek ..Hrep a " ti zui mawlh mawlh in a chhui zui pawp pawp a man beh tumin ka vuan nghal thuai , kei ai in alian zawk a thahrui pawh angah zawk .Guard lo tlân khawmin min manbeh pui ta tawp .
"Bawiha min en rawh..Naomi chu atha leh dawn i inbengdaih phawt angai , engmah chiang ala awmlo inbengdai phawt rawh " a thaw hrawk hrawk a , amah a inthiamlo nasa bawk nen han kalsan mai chi ni in ka hre bawk silo ,OT lamah ka kal angai bawk a
"Bawiha i inbendaih angai ania , Naomi'n amamawh che " ti chhuak hrawkin ka kalsan a , ph in Nu Zodini te ka ph nghal zat .Rei kalsan chi ani in ka hrelo .













# ka zia deuh tawh a rawn regu leh kan tum tawh dawn nia .Chin hi ahriat siloh a , ka damlo nen kan te ber damlo nen ka buai viau mai . In mi hriatthiamna ka dil hram hram e


Show post links
Top

[Ngaia]

*ZûNLêNG S2* ch~14







Gideon POV







ICU kawtah kan awmkhawm thup a , vawitam staff ten pawn lama chhuak turin min nawr tawh mahse Duattei kalsan a chhuah tumna ka neilo .Duattei chhungte chu an inhrut ri leh feih feih thin ,ka thawk a ipik a keimah vanga pawisawi lo Duatteii ICU hiala a awm angai ta mai chu ka inthiam thei tawh in ka ringlo .

"Bawiha hahdam tum rawh " ka dara rawn ben thak pah in Josepha chuan a ti sup a , " Pathian vang liau liau ani , a spinal cord a chhe lo a thisen ahlauh hnem em vangin leh ataksa hahdam se kan duh vangin ICU ah kan dah chauh ani.Reilo ah ward pangai ah kan insawn thei mai ang" ka thaw chhuak hrawk. Mahse Josepha thusawi vang chuan ka hahdam phah chuanglo !
Duattei chhungte chanchin hrilh turin akalsawn zui a , ka thutna ngaiah thu in ka hmalam ka en ngur ngur a engmah phei chu ka hmu pawh anilo .Kan buai chhoh tan dan ka ngaihtuah a â inti zetin ka hmai ka tuai nawk .





Flashback .





"Tabby bawihi thawhsan lo tur khan ka hrilh che si a "nur nang hian ka nai chu ka melh a "û catering lamin min rawn bia a , an rawn thleng tep dawr awmna lai an hre silo a kalo chân angai alawm " a tih chuan ka thaw halh .Vawin chu kan buai hle mai , engkim a fel vek tawh emaw tih hnu ah buaipui felloh a rawn in dawt zawt zawt ani ber .Duattei pawh ka buaipui hman meuhlo .

"Bawiha PU Kapkima hian abe lawk duh che a , thing tha leitur kawhhmuh tur che a hria anih hmel "Duattei bula kal tuma ka pen ûk tawh chu ka pa'n minlo be ding leh rih .A kil lam deuh ah chuan inbe turin kan in hruai phei a , ka rilru erawh ka pe thei meuhlo .






Duattei thutna lam ka va pan rualin a awmlo tih ka hre zawm nghal a ,amah zawngin ka hawi kual nghal ruai.
"D zawn inei em ?" Veni'n a rawn tih chuan "Naomi ilo hmu em ?" Ka ti sup .Inngaizawng tawhlo mah ila tunhma atanga inhre tha sa kan ni a ,thian angin kan la in en tho ani .
"Ka nau khan a rawn call kha .." tih pah chuan a hawikual ve nghal ruai ,ka kut ka humruh ngawt ngawt ."D ka nau leh Naomi hi an inzui thin tih i hria em ? Naomi hian Muanchhana hi alo vei thin viau ani awm a , chuan ka nau pawh in a lo duh ve tho nen an inkawp chho a .An inthen tih pawh ka hriat ve loh laiin nang nen inlo inkawp leh a ! Ha...amak e , ka nau nen hian kan inpawh viau emaw ka tia a bialnu athen thu pawh min hrilh lo hi mak kala ti reng mai .Tuntum Mizoram lama rawn awmhlen a tum chhan pawh hi Naomi vang ani emaw kalo ti char char a ..." Ka thin chu a so bulh bulh tawh , Muanchhana leh duattei maw!






End of flashback .




"Gideon " zawi muangin ka hawi chhuak a , Duattei û alo ni ." ahma a ka sawi kha ila hria ang chu tiraw " a ti hrak a , a aw anem lo hle .Duattei na taka ka siam zan khan min rawn bia a , bawihi hlat ata awm turin ..Muanchhana nena an inkar thu pawh chiang takin min rawn hrilh vek bawk . Ka thiamloh ani tih ka hria a , bawihi na taka ka siam vangin ngaihdam takngial pawh ka dil ngamlo bawk .Ka thutna nghenchhan ka ngheng dawt a , ka mit ka chhing zui vang vang .

"Naomi hi hmeichhe chak leh chhel tak angin alang mai thei , mahse a û ka ni a ka hrechiang a chak tawklo .Amah anihna ang ang a pawm thei tu leh enkawl thei tu ini a ka hriat vang chauhin ilam ka tang a , ka nau pawh ka zilh fo bawk .Mahse i enkawl zo lo mai nilo in tun dinhmun hi i thlenpui a , ka nau hian pawm leh mah che se keichuan ka pawm ve thei tawhlo ang che .Naomi hi damfel se a theihnghilh theih nan che ram pawnah ka awmpui hrih ang .Chuchu kan vai tan pawh atha ber ang " a thusawitawp lam chuan min vit sawk ani ber .Duattei ka hmuhphakloh ah ahruai ang maw ? Ka thawk ve tek tek chhung hi chuan a ti lo tawp ang le .






Zinglam dar thum a ri tawh a , kei leh Bawihi nu leh pa tih loh chu pawn lamah an awm vek tawh .Ngawi rengin kan thu tlâng a , Duattei nu insut ri leh hraih thin chuan an fanu hetiang dinhmun a din tur tu ka nih zia min hriat chian tir a , ka thawk ipik lutuk chu ka thaw leh halh thin .
Tihtheih ka nei tlem lutuk te chuan min ti thinrim a , theih chu nise ana tawrh ai tawrh sak vek ka duh takzet.
Ka nu leh pa te'n vawi tam haw turin min rawn ti mahse Duattei kalsan ka tumlo bur .An beidawng tawh nge pawn lam ah an inzui chhuak a ,an la rawn lut leh lo .







"Gideon ,matei hian engtia accident tawk ringawt nge maw anih le ?" Duattei nu in a rawn ti chhuak khauh a ,thaw chhuak hawkin "ka thiamloh ani" ka ti chhuak thei hram .

"Ekhai ,chutiangin mahni inthiamloh angailo ania .Pathian remruat ani a sawisel theih kan nei lo , inthiamlo duh suh ."Duattei pa chuan a rawn ti dam thlup a , an nu chu chûl hauh hauh in " Doctor te pawhin athat thu leh hlauhawm a awm loh thu an sawi kha hahdam tum rawh " tiin ahnem zui bawk .






"Bawiha intifai tur talin haw teh ang , zu rim i nam huam mai bawk si a zia lo emai " ka ngaihtuahna kalo kawm ngut ngut a khua avar tawh tih pawh kalo hrelo !

"Ni e , a rei nang ipa nen kanlo awm anga Naomi te chhungte lakah pawh a inthlahrun awm .A amawi pawh amawi lo " ka nu in ka pa thusawi alo tuihnih ve bawk .Duattei kalsan ka tumlohzia ka rilru hi rawn hmutlang se chuan haw turin min nawrlui reng tawh lo ang .






"Pa Remruat in nawrlui thei chuanglo ang , ka haw lawk dawn a a inthlakna tur ka rawn kensak anga Hospital ah hian intifai zawk mai rawh se .Chawhma lam ah Naomi a rawn harh theih chuan chawhnu lam chu ward pangai ah kan insawn thei nghal mai ang " Josepha chuan a rawn ti ta khauh a .Ka luhlul zia a hrechiang a ,haw turin min tur ve peih tawhlo zawk .
"Sepha Cabin ruak te ala awm mial zawk lo maw , ward pangai a awm atan chuan a chau awm emai "ka pa'n a tih chuan "ka hrelo le cabin hi awl a awm hman meuhlo a , mahse Doctor cabin ah a awm thei ang.Kalo sawi dawn nia , a ruak alawm .Naomi chhungte pawh lo hrilh hre ve hrim hrim ula ,an nin rem an tuh chuan Doctor Cabin bik ah a awm thei mai ang.In lamah buaipui lawk ngai ka nei a , ka rawn let harlo ang Bawiha thawmhnaw pawh ka rawn keng nghal dawn nia " ti supin akalsawn zui a , Bawihi chhungte be turin ka nu leh pa an kalsawn ve zui nghal bawk .








Naomi pov .





Ka mit ka meng riai riai a , a êng lutuk chu ka chhing leh sawk .Ka dang ro huam huam chu tihhnawn tumin ka chil ka lem khawlh dawn a ka ka pawh alo ro huam tho mai .Ka taksa chu ana ngawih ngawih ani ber !
"Duatte i harh tiraw ? " Paliana aw ka hriat rual chuan ka meng chhuak leh diar diar a , a zia ta phian e ."tui...tui ka duh" ka aw chu! A chhuak tha theilo reng reng ! A hre pha tho aniang bottle chhin ah tui tlem thli chhuakin ka ka ah a rawn chhung lut a , vawi thum vel a rawn chhun chuan a zia hawk thei .






"Duatte na ila nei em ?" A hlauthawng hmel chu thei ila ka nuih vak vak ang mawle .Chhang lo a ka melh ngawt ngawt chuan "i khawilai nge la na ?" A ti leh sup a , ding zawk in a hawikual nghal ruai .A che reng reng chu abuai vel vek ani ber!
"Mate ilo harh tawh ani maw ? Lalpa ka va lawm em " ka nu in a rawn ti lut a , ka nu ka hmuh rualin ka lung achhe leh nghal ringawt tawh ! Nu te nge nge hi chu a dan alo dang ani ."Na te ila nei em ? Eichak te inei em ?" A ti nghal mawlh mawlh a , ka lu zawi te in ka ti che ringawt .Ka ka vel chu tihchet harsa ka ti hrih riau .
Ramngaihzuala accident ka hlauh vangin chak takin ka ûm a ka accident zui kha ania , abak kha chu ka hre zawm tawhlo .Hospital ah kan awm tih chu ka hre chiang a , achhanchu hospital ah awmlo ilang chuan tunah hian Pathian hmaah vanrama luh ve ngei tumin ka insawifiah vel mek in ka ring .






"I pa leh i û te pawh pawn ah an awm a , ilo harh hun an nghakhlel tawh hlawm lutuk a .ICU ah khan i harh tawh an ti sia , Cabin a kan sawi che khan i meng â ruai ringawt a i tha tawh takzet em ?" Ka nu'n a tih chuan ka hrilhhai ngei mai ! ICU ah te kalo awm a ! Engmah ka hrelo hrim hrim . "Nu ka tha " kati zawi sep a , a biang tui thuak in "ka va lawm em aw , Ipa te kan hrilh ve nghal ange " ti sawk sawk in atlanchhuak zui a ,kilkhata Paliana lo ding ngawi reng chu ka melh nghal zat .





"Engmah i sawi dawnlo mi ?" Ka ti zawi sep a , pangai taka tawng theih ka châk takzet .Hnimhlum vel vang nge ka duh angin ka taksa kala chettir thei tlatlo .
Muangchang hian min rawn pan hnai a , a sam thur bam leh amitmeng nguai ruih te chuan a mut tlem zia a ti lang chiang ngang mai .

"Min ngaidam turin ka ti lo ang che , i ngaihdam ka phu lo Duatte mahse i kianga ka awm ve remti rawh ..Ka...hmulo che a ka awm chuan ka â thei mai ang " a ti hrawk a , a tih tak tak zia ahmel ah a lang chiang ngang bawk .







"Tinge min rin loh " ka ti tham chhel , ka mittui arawn hnam nghal tiam tiam bawk."hetianga ka awm hi i thiamloh ani lo ,mahse tinge min rin zawhloh " hah zetin ka thaw hap a " tun a ka taksa na ai chuan min rinloh kha na ka ti daih zawk asin " ka ti leh sup a .Ka taksa hi na viau mahse keimah min rintawk lohna khan min tina zawk tak tak .Ka thawk a ipik a , amah ka ngaih luat vangin zan tam ka muhil theilo thin bawk.

"Duatte " a ti sup a , amitmengah chuan ainchhir zia ka hmu thei .




"Sawitur i hrelo ani tiraw ?" Ka ti sup a , amit meng tle ralh ka hmuh rual chuan ka mit ka chhing sawk "Ramngaihzual ka ngai che " ka ti tham tuak ..
"Duatte engmaw.." beisei lo tih hriat zet hian a rawn ti chhuak nak . "Ka ngai thei lutuk che ,tina min tihnat viau lai pawhin ka ngaih tlat tho che ? " Ka mittui nen ka hmu phe ruai a , a awmdan chu ka khawngaihin huat luih ka duh bawk si , mahse ka theilo ! Ramngaihzuala hi ka duh lutuk vang nge ka huatna aiin amah ka thlakhlelhna anasa zawk a , tun dinhmun ah leh lek phei chuan ka kianga awm tlat turin ka mamawh takzet .





"Min tina leh dawn anih chuan ka pawm thei tawhlo che , mahse tunah chuan ka ...ka mamawh che ." Ka ti sep a , a hamhaih lutuk chu a mit pawh akhap eihlo . "God!" rawn ti chhuak hrawkin min kuah tumin a rawn awmhnai a , ka dar zawn a sik rual chuan kalo te zawk . "God! Bawihte ka tihpalh " ti bak nakin a che buai leh vek tawh !
"Ka tha...hahdam tum rawh " ka ti ta thlawt . A awmdan chuan min ti hah vek thei dawn takngial .







"Ka lawm e " ti chhuak supin ka chal a hmuiin a rawn nawr vang vanga , ka hmai zawna a rawn huh dap rual chuan a mittui atla tih hrilhchawp ka ngailo ! Lalpa ! Keimah vangin Ramngaihzuala mittui atla maw ? "Ka kaltir leh tawh ngailo ang che " a ti zawi sup a " Duatte mi famkim ka nilo a , i damchhungin i mittui ka ti tla tawhlo ang tih thu ka tiam theilo che .Mahse ka nuna hmeichhe awmchhun chu nang chauh hi i ni rawng tawh ang " ka mit a min en kalh chung chuan ati a , ka ringhlel chhin miahlo .






Nileng chuan mi an rawn inluh chhawk a ,Doctor ten ka taksa ala chakloh vangin aruala min chîm huk kha an remti lo a .Paliana'n min awmpui chawt a , mi pahnih te te bak awm an phallo nen Paliana lah achhuak duh miah bawk silo a ka chhungte leh min kan tum tu te pawh pakhat te te in an rawn in luh chhawk tawp.

Catheter (zun siakna ) min vuahsak vangin chetsawn vak ka ngailo a , mu reng ka nih vangin ka hnungzâng erawh akham ru viau tawh mai .Min biak tum tu te lah Piana'n ka tawnghnem phallo in min be vaklo turin alo ti zel a , lehlam kawngzawng tak chuan ka lawm viau thung .






"Uiii a ropui eee ! Kan tur che in a intlar a intlar angai ania !" Zualtei'n a rawn ti lut nang nang .
"I chanchin tukin lamah ka hre ve chauh a, ka hriat ve meuh chuan ahlauhawm lai ilo pel fel diam tawh " uang zet chuan a ti zui a , Paliana lo ner nak ka hmu hman zuai .

"Engtin nge i accident theih reng reng a ? A thuhrimin i spinal cord i sawh chhe lo a i vannei , Dr.Josepha'n minlo hrilh a , i spinal cord i sawhchhiat theihna chance a sâng lutuk a atia i fimkhur lo lutuk mai .Damtha lang chuan ka beng hrep ang che " a ti zui hlak hlak chu Paliana ngaihdan alo nilo leh nasa tawh "A damthat hunah pawh i kutthlak ka remti chuanglo " a rawn ti hmuk!







"I thulo ve chiang emai a , ka thiannu anih hi "





"Ka nupui tur anih kha " ka khuhzui bawrh bawrh ! "Duatte i tha em ?" Tiin hlauhthawn hmel tak hian min rawn hnaih nghal rawk rawk . "Inva over tak, i hmangaihna a hâk anih kha .Ninawm ngai viau che mah ila tlawh duh che anla awm sia ka chhuak hrih phawt mai ang .Nang nge nge hospital dân in aphuarzo ve lo che anih hi " ka melh rum ngang mai .

"Rawn kal fo lo se atha ang " Zualtei chhuah hnu chuan Paliana'n a ti hmuk a , ka nuih zui hak .Ka hnial buai peihlo tunah hrih chuan a mood a off leh vek tawh .




"enge kan an a ?" Doctor Josepha'n a rawn ti lut a , nurse pahnih in an rawn zui lut bawk . "Ka zia tawh lutuk " ka ti sep.

"Na deuh lai te inei em ? I taksa chu ala na thum dawn a ,chutiang lo danglam deuh a awm em ?" A tih chuan ka lu kalo thing mai . "Ila chau hrih dawn a , thisen i hlauh hnem bawk nen , atheih chuan mi hian la zim lutuk lo che sela kan duh a naktuk lamah pawh intlawhpawh vel in duh pawhin vawin ang khan inlo ti dawn nia .Chuan darkar nga danah nachhawkna injection hi an pe ziah che anga , a kar laka na zual i neih chuan nurse te hi in hrilh dawn nia .Naktuk emaw tukleh lamah Xray vel tihthat angai bawk ang " tiin engemaw a ziak thla mawlh mawlh a






"Joseph enge awmzia " Paliana'n alo ti vut .




"Thiana emergency anih vang khan a nakruh vel ah ruh khi emaw a awm em tih kan en hmanlo a ,kan zai nghal mai kha ania .Test neuh neuh neih ngai ala awm nuala ,hlauthawng suh " a thianpa a hrechiang thawkhat ani ngei ang , a hrilh dan chu a dam thlap .

"Naom hlauthawn tur a awmlo aw " a tih chuan ka lo nuih zeuh a , amah vangin cabin ah pawh Doctor Cabin ah ngat kan awm pha a alawmawm lutuk ringawt .






"Chuan thil i ei thei tawh a , pai tawih awlsam tur lam lo ei la tiraw .Thiana nang pawh in eipuar ang che " ati nghet charh , Paliana lo ner sak chu anuih zui hawk bawk .






"Engmah ila eilo adik em ?" Kalo ngaihtuah lo a , ka bulah a awm chawt a thil a ei awm ka hrelo reng reng !

"Ka riltam lo " a tih chuan "engemaw tal ei ve ta che , haw la zu mu hahdam rawh .Ka nu in min rawn awmpui hrih zawk rawh se " ka ti ta fak .A hmel ah achauh zia alang vek a , hrehawm ka ti .
"Ka hahdam i duh chuan haw turin min ti suh " ti hmukin ka damdawi ei tur nurse in a rawn dha chu akheh zui mawlh mawlh a , no ah tui thli chhuakin min eitir nghal zat .
"Nizan atang ila mu awm bawk silo ,mu hahdam la ka duh alawm " hrethiam ngei se ti zetin ka en a , "i bula ka awm hian ka hahdam alawm Duatte . Min ngaihtuah lo la , muhil leh tawh zawk rawh .I eitur kalo ngaihtuah ang " a tih chuan ka thaw halh .
Mi pakhat bak inriahpui an phal dawn silo a , awm a tih tlat vangin ka nu te an haw hrih tawp kha nia .Inah haw in mu hahdam se ka duh takzet .






"In zanriah tur kan rawn keng a , Gideon zanin chu Matei kalo riahpui phawt anga zanriah hi eifel la nangpawh i chhungten an ngaihtuah ang che zu haw thla ve phawt hrih rawh " ka nu chuan a rawn ti lut a , ka û in a rawn zui lut ve bawk.Security awm loh lai ani nge awlsam zeta an rawn lut tlang thei mai chu mak ka ti khawp.

"Bawihi" ti rilruih hian min rawn melh a , haw ahreh lutuk chu ka khawngaih .Hahdam se ka duh bawk si , ka thlakhlelh ang chiah hian min thlahlel ve takzet tih ka hailo . "Nu zanin chu min riahpui zawk maise pawi iti em ? Buaipui ka ngai hrih vaklo bawk a ani pawh duhtawk in amuhil thei tho ang .I chau ang lo va mu hahdam zawk la " ka ti ta tawp .Paliana min melhdan chu ka hnar thei thlawt lo .






"Keipawn ka riahpui hman reng che alawm , midang tihbuai angailo " ka û chuan a rawn ti fak a , Paliana vawin pawh khan abe miahlo .Ka û hian ahaw viau ani ngei ang .
"Mambawih nangchu exam naktuk ah ineih dawn kha , Matei'n Gideona awmpui a duh chuan zanin chu han in awmpui hrih phawt mai rawh se " ka nu chuan a ti ta hlauh a , ka û DCA exam kha naktuk hi ani tawh tak .Keimah vangin a inzir tha vak hman dawnlo anih hi .






Ka nu te an haw a , ka ei turin buh hawp an rawn keng a keimah a ka hawp pawh phal lo in Paliana'n min barh thlap.Ka ka tuilo lutuk vanga ka ei hleithei lo chu nurse koh mai te atum a , kan indang thei hram ani .
"Ka hnungzâng hi akham tawh lutuk a , ka thu châk e " ka ti nang nang .Ka ke veilam ka chet theilo a , ka taksa la na deuh thum nen keimah chuan ka che hleithei lo .

"Duati chet vak anla phallo asin " a ti sup a ,min khawngaih ve hle tih ka hre thei .





A thil ei lai chu hmuhnawm ti zet in ka en a , tam a eilo mahse ngaihthatna khawp chu a ei ve tho in ka hria .Nurse in ka IV khai vel a rawn thlâk a , jection ngai vel a raan ti nghal vek bawk .






"Ka bulah hian rawn mu ve la " chair ah ka bul te ah athu nileng deuh thaw a ,ataksa akham tawh ngawt ang . Alu thing maiin athat thu asawi ringawt .
"Lo kal rawh " ka tih chuan min tihnat hlau zetin a rawn lawnkai ve ta tho .Khum ate chhe hranlo a , ka lian vak biklo nen kan leng dun ve tho mai .
Akil lamah amu a , tlemin amah min khan tir deuh bawk a ka nuam huai thei .Ka pang kham tawh lutuk pawh azia hawk mai .






"Lo thi ta ila engtin nge i awm ang ?"




"Malsawmzel " a rawn ti nghal hrawk ..





"Ila ka ti ringawt alawm " ka tih nang nang chuan " sawi tawh suh ang che " a ti hmuk . "Duatte keimah vanga hetianga i awm pawh ka inthiamthei lo a , thihna lam chu sawi lo zawk teh " na tuar ang mai hian a rawn ti chhuak tawk ! Akut chu ka vuan vat a "inthiamlo suh aw ..I thiamloh a awmlo , ka duhthu in ka rawn pan che a , ka duhthu in ka ûm bawk che a keima thiamloh vang liau liau zawk anih hi " ka ti a , min biak dan te , ka bula a awm dan te atang a inthiamlo takzet tih hai theih rual anilo .
Min kan tu te'n ka accident dan min zawh apiangin ipik hmel zet hian alo thaw chhuak thin a , ka accident chhan ah hian a inpuh hlawm tawp ani berin ka hria .





"Mahse " a ti sup chu "mahse a awmlo , khawngaihin hetianga i awm hian hrehawm ka ti , chuvang chuan hun kaltawh chu theihnghilh zawk ang aw " ka ti dam thlup a , ka nghawng ah a hmui a rawn nawr tawk a ka lo thle sawn vat .
"Ka bâl awm si , ka rimchhe dawn bawk si ..!! Aaaa chhuk zawk teh " kalo ngaihtuah lo ! Ka rimtui dawnlo lutuk ringawt .Ka ha pawh ka la nawt eihlo ania!

"I rimtui lutuk "nui nghawr dawt hian a ti a , ka zak chem chem mai .Ka bula mu tur te khan kan sawm vel a ka va â tak .


Show post links
Top

[Ngaia]

*ZûNLêNG S2* ch~15






"I chau tawh em ?" A ti sup a , "chau ve det " ka ti zawi sep . Zeploh chuan ka chau , vawin ni leng deuh thaw in test hrang hrang kan nei kual a , cabin ah XRay vel ngat phei chu min rawn panchilh thei bawk silo nen ka che sawn nasa a ka chau ngawih ngawih ani ber .
"Ka û a rawn thleng tep tawh angem ?" Ka ti thawp leh sap a , ka tawngdan atang pawn ka chauh zia ahre thei ang. " Duatte i tha takzet em ?" Ngaihthalo zet chuan a ti ta khauh.






"Ka lu hi ana reuh lutuk a , ka û chu alo thleng tep tawh angem ?" Ka ti nawn leh sak .Ka rimtuilo bawk si ka û rawn thleng vat se intihfai thuak ka duh .Ka ha erawh Paliana'n min pui a , ka nawt ve hram tawh a thlan rim nen ka ban chep chep bawk si keimah zawk hian hrehawm ka ti tawh zawk .
"Umm thleng tep tawh ang " ngaihtha zan lo chuan a ti a " nurse ka ko mai dawn mi " a ti leh sup .
"Angailo ka tha mai ang " min awmpui chawt a , ka nu leh pa te'n chhun lamah min rawn awmpui char char tawh a , an haw na ala reilo .Ka nu in Paliana chhawk tum viau mahse a ti lui leh thei chuanglo .





Ka mutna vel min siamrem sak hnu in ka bulah chair apawt hnai a , a rawn thu ve leh nghal chat tawh .Doctor leh nurse ten min buaipui tha a , Paliana te'n hmelhriat an neih that piah lamah Doctor Josepha vang pawhin min duhsak in min ngaihsak niber hian ka hria .In lama haw ka châk tawh tluk zetin Paliana hlata awm ka hreh a , inlama kan haw theih hunah chuan a min riahpui vel a rem teh tawk tawh dawn silo a ka huphurh lawk .






"Mate i thei eitur ka rawn keng a " ka û in a rawn ti lut lang lang a , ka lo mu zawi bam min hmuh rual chuan " i nuamlo leh deuh em ni ?" A ti zui nghal thuai .
"Ka chau deuh mai mai , û wipes in emaw a rem rem in min hru teh a " ka tih chuan a thil khai vel a dahrem zung zung a , min hrukna tur awm a zawng nghal ruai bawk .

"Gideon lo va chhuak la " nelawm lo zet chuan ka û in a ti hmuk a , Paliana pawh a chhuak ve mai bawk .






"Mate Gideona hi i nihpui leh tak tak dawn ami " ka kawr min phelh pui lah chuan a ti halh . " tinge ?" Keiin kalo ti thung .
"Mate " a ti halh a , "atih nat leh che ka hlau , a tir kha chuan itan a tha ber tur ah ka ngai a mahse i ze inthlakdanglam ta lutuk te ,aaa tunhma kha i ang tawhlo .Keichuan inkawp tawh lo ula tha ka ti ber " a ti ta duah .Ka ngawi reng a , hnial in awmzia anei dawnlo tih ka hria .Ka û hi ka hrechiang a , a tan lam tawh chu tan bur mi a duhloh zawng erawh duhlo bur mi ani . Chhia leh tha ahriat theih atang tawh mize nghet nei kan tih ang kha ani a ,angaihdan a sawh sawn ve mai mai ngailo .






Ka û in min hruk zawh chuan ka kawr min thlak sak nghal a , unau mah ni ila ka û in min han buaipui chu anuamlo ru duh viau tho .
"Zanin chu ka riahpui dawn che , Gideona pawh haw ve tawh rawh se " min hrukna puanhuh vel a dahfel pah chuan a ti nghet churh a , ka hnial ngamlo .Ka mangan leh harsat laia ka pan hmasak ber ani ziah a, han hnial ngam tur ka niin ka inhre lo .






"Zanin chu kan riahpui ve tawh ange, lo zu hahdam ve tawh rawh bakah hmeichhia chuan neuh neuh kan ngah a ,i bulah sawi hreh emaw han tirh mai che te a hreh ve thei a " Paliana lo luh rual chuan ka û in alo ti nghal zung zung a , "Duatte" a tih dut chuan "i chau lutuk ang zanin chu ka û hi riak hrih mai se " kalo ti tha ve mai .

Min kalsan ahreh lutuk chu ka khawngaih , keipawhin a riahpui chu duh zawk daih mah ila ka û ka hnial ngam nganglo ani .





"Atha e " ti zawi sup in a kawrlum leh ph vel chu aban a , " i nawmloh deuh emaw chuan minlo hriattir vat ang che "min melh ngur a ti sup in a chhuak zui a , a lungawilo ta mai emaw tih tur ani .Pangai tak pawh a min thlah lo chuan ka awm a ti nuamlo .






"Eiduh i nei em ?" Ka û in a tih chuan ka lu thing in "ka muhil lawk dawn " ka ti sep a , harsa zet a inlet in bang lam ka hawi a , Paliana awmlo chu ka ruak huai nimai te hian ka inhria !
Muthilh tumin ka mit ka chhing a , ka chauh teh lul nen ka muhil thei der chuanglo !








Ka muhil theilo chu thil ka ngaihtuah neuh neuh a , kar hmasa lama ka awmdan te , Paliana min tihdan vanga ka natzia te chu ka ngaihtuah let a .Khati khawpa min tina chung khan ka harhchhuah leh hmasak ber a ahmel ka hmuh vangin ka hlim em em tho a ! Ka ngai leh lutuk te , abula awm ka thlahlel leh lutuk na vangin min tihnat dan zawng zawng kha kalo theihnghilh diam tawh ni berin ka hria ! Mahse tun ah pawh hian ka ngaihdan chu ala ngai reng .Ka hua a , mahse ka hlata awm turin ka duh chuanglo .Min tina in vawi tam ka mittui ti tla mahse amah ka thlakhlehna in keimah ah hmun a chang lian zawk a ,inthen hlen tur anga ka indah chhin rik ngawt pawhin ka hnuk a ulh dawn hial mai !







"Mate i muhil lo tiraw ?" Ka û in a rawn ti sep a ."umm" tiin ka chhang ringawt .
"Gideona ka tihdan vang khan i thinrim em ?" A tih chuan ka ngawi reng ."Thinrim suh aw , i tan vek anih kha ka tih .In inkawp rem thei tak tak dawnin ka hrelo , nakin a in inkar tihtawp ai chuan tuna tihtawp mai hi atha zawk in ka hria " ka meng kawk !
"Û tinge i huat tak em em a ?" Ka ti ta thlawt .Zawimuang in ka inher a , ka dar na chuan chet min harsat tir . "Haw lo ila amak zawk daih dawn lo em ni ? Amah vanga i tap ka thlem che a , tunah amah vang bawka ina ka buaipui leh che a "






"Min buaipui turin ka tilo che "






"Malsawmzel " a rawn ti nghal hlar ! "I accident tawh chhan hi Gideona thiamloh anilo maw? Amah va pan lo lang chuan tunah hian na tuar in i awm lo ang ." A ti nghal tawn tawn a "i tana tha tur nise in inkar ah ka inrawlh miah lo ang , ahma pawhin ka inrawlh loh kha . Athuhrimin in kum pawh a inthlau lutuk ringawt " a ti leh tawn tawn a "haw rawh " ka ti hmak .
"Engmaw ? Malsawmzel â viau teh suh "






"Min awmpui tur pawn ka tihloh che kha , i âng leh vîn ri ka ngaithla peihlo " ka ti ve hlar a , chauh sa nen ka ning . " Kei aiin Gideona i tan zawk a ! I va han mawl tak ka nau chu ini sia maw ?" A lu thing mat mat in a ti nang nang .

Ka û nen hian thinrim in kan inhau khat a , kan kum alo inthlau nen min dawh tu zawk ah atang tang tang thin . Min vin kha kha tawh hi chu ka rilru a ti na tlat zel . Bakah accident ka tawh chhan hi Paliana an puh thlazen a , amah ainthiamloh sa tawh tehlul nen .
Ka û chuan min hawsan ta bik em lo a , nurse in ka drip khai a rawn thlak laia nurse alo bia tihloh chu kan tawng tawhlo ve ve.






"I damdawi ila eilo , engemaw tal ei hmasa rawh " tawng hmasa zawk ah a rawn tang ta nge nge , " ka ei chak lo " ka ti nghat a , a thaw halh .
"I damdawi i ei hma in enge maw tal i ei angai , cake tal hi ei rawh " a tih chuan lehlam ka hawi hmak.
"Iva han luhlul tak " ti hlak in cake a rawn ken chu a dah thla ri bur a , pawn lamah a chhuak zui nghal hmak .Ka awmdan chu naupangchhia ka ti ve tho , mahse ka thinrim tawh hi chuan engmah ka ei theilo tak tak .Ka lu hai sa nen ka luak te a chhuak hlui a , ka ei luih theih ka ringlo hrim hrim .






Pawn lamah chuan ka û in ph a hmang nge a tawng ri lawng lawng a , rei vaklo ah ka ph a rawn ri ve nghal zat .Kan en chuan ka nu alo ni ! Ka û in minlo hek lehtawh ani hrim hrim ang .
"Aw nu "
"Bawihte tinge i û i hnial thin le, engmah i ei duhlo a tia , tinge damdawi ei nan tal tlem tal ei ta che " kha maw ,ka nu bulah alo sawi tak tak .
"Umm ka lo ei ang " ka ti sep a ,ka mittui ahnai kuar mai . "I û thu kha awih hram hram rawh aw , angaihtuah nasa mai si che a han awmpui zawk dawn che ila ka zeilo bawk si naktuk ah hma deuhin ka rawn kal dawn nia " tiin kan in mangtha zui a .
Rei vaklo aka û rawn lut chu rum zet in kalo melh .
"Enge " a rawn ti lut ve nghal hlar .






"Nge ka nu te i va hrilh kher "






"Naom.." a ti vak a " engemaw tal chu ei teh " a beidawng chuan a ti ta hluai ringawt . " Damdawi kha kalo ei tawp ang , ka ril atam lo"
"Tihngaihna pawh ka hre lo che " ti hluai in pawn lamah a chhuak leh tawp .Ka luhlul zia a hre chiang a , ka ka chhung ah min vuan bet te anih ngawt loh chuan engmah min ei luih tir thei dawnlo tih pawh achiang ang . Ramngaihzuala ka ngai takzet , abulah kha chuan ka hahdam in thil ei chaklo viau mah ila engemaw tal kha ka ei ve mai mawle . Vawin ka chau zual bawk si , ka û nen kan inhau thinrim hmasa khanglang abwk si nen ka fuhlo vel vek .






Ka û a rawn luh leh mai loh vang chuan keimah a damdawi ei chu ka tum ta ringawt a , dam ka duh a ka thinrim vang ngawtin damdawi kher chu eiloh rikngawt ka tumlo .
Thei leh theilo in ka damdawi an dahna chu ka ban a , ka taksa ka la chet hleithei lo chu amak zawk ! Ka malruh a tliak a , ka dâr ah hliam ka nei ani ringawt sia ! Ka taksa chaklo lutuk te chu ka damlo khât ve bawk nen a hrehawm takzet .
Ka damdawi chu hah zetin ka banfu thei hram a , tui bottle ka ban leh chiah chu chhuatah ka thlauh ri dawp .




"Duatte " mangang zeta Paliana rawn lut nawlh ka hmuh chuan ka lo en hau ringawt ." I tha em ?" A ti nghal chûl a " ilo kal leh maw " kalo ti sep thung ."Damdawi hi ei ka tum a " chhuata tui baw niah melh zeuh chuan ka ti sep a , alo in chhin nghet tawklo nge chhuata atla chiah kha abaw vek .
"I û in min rawn bia a " ti supin ka damdawi ken lai chu min laksak a , chhuata ka tui tihbuak chu puanchhia la in a hru nghal mawlh mawlh .







"Engemaw tal ei phawt rawh aw " dam thlup a tiin kan eitur kawl ho chu a melh kual a , "apple tal hi ei mai la " a melh kual dan dan hnu ah a raan ti chhuak sup .
"Ka ei châk lo tak tak , ka luak achhuak hlui bawk sia ka ei peih thlawtlo alawm "

"Pum ruak a damdawi ei chu athalo a " ati dam leh thlup a , ka bulah thu in chem leh plate a phawrh a , apple chu avel nghal mawlh mawlh .
"A zahve tal hi ei rawh le " ti in ka ka zawna a zei phel sa a rawn dah hnai a , kalo ang ve mai bawk






"Kha kha ani mai lawm " nui suk a tiin damdawi chu akheh zawm mial mial a , no ah tui thli chhuak in min eitir nghal zat .






"Gideon zanin chu lo riahpui leh law law mai teh ,a luhlul emai keimah mai chuan kan inbuaipui zankhua thei dawnin ka hrelo " ka û chuan a rawn ti lut nang nang a , a helmet leh bag banin " Malsawmzel thu awih ang che " ti ram hmarh in a chhuak zui daih! Thinrim viau mahse min ngaihtuah loh phahlo , Paliana alo zu phone hial ang tih rin ngaihna reng ka hrelo !
A huatzia a sawi zawh hnu lawk a ka thil ei duhloh vangin alo zu be pawp tawp anih hmel a , ka û nge nge hi chuan sual viau mah ila min lo hmangaih chiang ani .







Kar khar leh chanve dawn hospital a ka awm hnu ah kan chhuak ve thei ta hram a , Ka tha ve sawt tawh khawp mai . Ka dâr kak an thuina an phelh tawh a , ka mal erawh an cher khawngna phelh ala hun lo deuh thung . Ser ka neih belh phah nual dawn anih hi ..
Accident hrim hrim hi a schock ahnu lama anat vang hian ka sil awng rei viau mai a , mahse tunah chuan keimah pawhin ka chesawn ve eih eih thei tawh .Ka xray result vel atha thawkhat a , ka mal hi a damfel hunah phei chuan ka tha pangai tawh viau in ka ring .Paliana pawh hna akal leh tawh a nitin min rawn tlawh ziah thung .

Ka nu in dawr kal lo in min awmpui chawt hrih a , ka pa leh ka ûte ho erawh hna ah an kal leh vek tawh .







Door bell a rawn rik chuan ka nu in a han chhawn vat a , thuthleng ah nuamsa zeta thu awn duai in T.V. ka lo en a , Nu Zodini leh Tabby an fanu sarahi nen an rawn inzui lut dem dem mai !
"Naom enge i an tawh a ? "Tabby chuan min hmuh rualin a rawn ti nghal var .
"Ka tha tawh lutuk " kalo ti let ve thuai "ehe sarah ilo kal ve law " ti hluai in ka bula thu turin ka hui zeuh .






"Min ngen tlat sia , kan rawn hruai ve tawp anih hi .Naom i tha tawh tak tak maw ? Duh angin kan rawn lang tam thei silo a min lo hrethiam aniang chu " Nu Zodini chuan a ti damthlup a , Doctor ani a hospital a ka awm lai pawh khan a rawn kal fo a , a duh hun hun ah ani hi chu a rawn lut tlang pawp thei .
"Aa in rawn ngaihtuah nasa lutuk zawk alawm " ka nu in a tih chuan "hun hi kan neilo leh lutuk alawm le , tunhnai kan buai a zual bawk sia .In lo tha zel chu alawmawm hle mai "






"A kan tibuai leh lutuk cheu a a inthlahrun awm zawk .Gideona lah atangkai bawk si Naomi abuaipui nasa bawk sia kan lawm teh ania " ka nu leh Nu Zodini chu an titi zui bawrh bawrh .







"A û tinge i mal ah hian chinai in tah a ?" Sarahi chuan mak ti zetin ka mal a thlek a thlek a , ahlau deuhin ka hria !
"A û ke kha atliak amaw , damdawi var chi in an tidam dawn anih hi " tiin Tabby chuan Sarahi chu alo hrilhfiah thuai . " Ala á ve lutuk a , tak a Naom intern zawh ah engtia awm nge i tum ?" A rawn ti khauh a , ka hrelo tih nan ka dar kalo san euh .

"Ka nu clinic ah hian lab lam hawn tel kan duh a , lo thawk daih la " a rawn ti thawr a , teh ngawt thin hian a "kan la ngaihtuah dawn nia " ka ti tawp ringawt . Zah ruk nak laia bialpa nu te hnuaia thawh te chu ka duh teuhlo mai , ka lo taima fâl vak bawk silo min iai hma mai mai .






Ka nu chu a insum thei lehpek tawhlo , a pangpar khawi ho entir tumin Nu Zodini leh Tabby inchung lamah a chhohpui leh tawh . Pangpar lam an sawi chhuah hi chuan a dang hi petrol thun ang par par , a chîp theilo reng reng !
"Sarah i patea biak i duh em ?" A bu nghauh nghauh .Vawin ah Paliana nen kanla inbe meuhlo a , ka ngai riau Sarahi chhuanlam ah hmangin bia ila atha dawn lutuk .
Call pangai pawh a call duhlo in ka video call a , a rawn pickup rang ngei mai !
Keimah inti lang duhlo in Sarahi zawk ka ti lang daih .





"Sarah " bangbo zet hian a raan ti nghut .Ka ph a Sarahi ahmu teh daih chu mak a ti ve aniang .
"A pate api leh anu te nen a û damlo kha kan tlawh a , a û ke ah hian damdawi chinai ang kha alo in bel vak a " ka nui khûr ngat ngat , "a û chu a rawn lang ngam velo ami a " naupang chhe biak zet hian a rawn ti kher a , "ka ngam reng e " kalo ti vat chungin ka inti lang duh chuanglo .

"A zak aniang " sarahi'n a tih nang nang chuan Paliana a rawn nui ri suk . "Nia a û khan ahmai ala phihlo anga azak aniang tiraw " a rawn ti kher a ! Sarahi lah alo bu nghauh nghauh ! Anva han sual reuh tak.






"Min en rawh hei ka hmai ka phih ve tawh chiang e aw " ti nang nang in hnai tawk ah camera ka keng hnai a , a then thu tawh mai . " Vawin lam te enge i lo an le ?"
"Ka tha lutuk , tlai lam pawh Dawnga'n min lênpui dawn " ka ti chiah chu "a tullo " a rawn ti hmuk . A aw a rum lutuk a ka phu zawk thei mawle !





" In a tawm reng hi ka ning alawm , ka pa car in tlai ah Dawnga'n 'ka chhuahpui mai mai ang che ' a tia " ka ti leh a , "keiman ka chhuahpui ang che " thaw hap hian a rawn ti ta nghut . Dawnga hi chu ava han ringlo ve chiang tak !
"Angailo ka tibuai mai mai che "





"I tan chuan ka hman reng " a va han inla zei thei tak ! "Nula chhelo deuh te pawh i lo lenchhuah pui ve duh thei a " ka tih chuan a phun nghal hluk . "Sarah apatea hian nula hmeltha deuh deuh aphur kual thin em ?" Ahuat tur tawk chuan Sarahi bulah chuan ak ti kher a ,lehlam ami chu alo phun ri leh hluk tawh , " aih..apatea te chu anu in 'atar tawh lutuk a nula in an hlau ' a tia " a tih chuan uar zetin ka nui vak vak .
"Anih apu kan dah phawt mai ang aw "





"Malsawmzel " a rawn ti hluk a , a tûm lian tha veu veu tawh lutuk .Ka ph ka off san daih zui , a haw lehpek ang chu aw .Upa tawh ve viau mahse han chhaihkawlh vel hi nuam ka ti riau thin .






Ka nu te chuan pot pahnih hi an rawn chawithla a , saron ani in ka hria an in pe dawn aniang .
Chhun thingpui te kan in ho hnu ah Nu Zodini te an haw zui a , ka nu nen an in kawm tawk bawk zia ka nu pawn " a reh huai mai " ati ve nang nang . Kan inchhung ah hian naupang pakhat tal kawl ve ila chuan ka nu te khawhar fhin lutuk pawh hi a zia ang mawle
Ka nu in min bual a , ka mal tihuhlo a inbual chu harsa tak ani . Ka lu pawh min sûk sak nghal bawk a , kekawr tlawn pangai kala hâk thsihloh vangin kawrfual bawk ka inbel leh .Hospital a kan awm lai kha chuan kekawr bul thawl hnekhnawk ka ha a , puan ka sin reng mai zel a .In lamah chuan min rawn tlawh neuh neuh tu an awm ve leh zel nen kawr fual ka hák tam phah ta tawp .






"Nu tlaiah U Gideona nen chhuahvah mai mai kan tum a i phal em ?" Nula pui ni tawh si hian nu leh pate engkim ah an phalna dil thlap thlap ala ngai zel .."kan tibuai nasa tawh sia , a inthlahrunawm ve tawh alawm .Dawnga'n i duhleh chhuah harhpui zawk che sela " a ti a , in a tawm reng ka châk thu ka sawi ka sawi a ,chhuahharh chu a remti lo hranlo phawt a .

"Nia Dawnga'n min chhuahpui dawn thu ka hrilh a ,mahse amah zawkin 'ka chhuahpui ang che ' a ti tlat a " ka ti hna hna a , ka nu pawhin a sawisel zawk chuanglo .A inthlahrunawm a ti se se ringawt , U Paliana hian ka nu leh pate hi a be thiam riau a an ngaina takzet tih ka hria .Ka û erawh min hnial chuanglo in Paliana ala be tha duh vak chuanglo a, ani pawhin nakin ah chuan ala ngainat veleh mai ka ring tho .






Tlai dar thum velah Paliana a rawn thleng a , ka nu hnena min hruaina hmun tur vel a hrilh hnu in dimzet hian min pawm a , ka kal thei ti ve lawm lawm mah ila lei ka dai aphallo ani ber .
"Inah ka tawm rei tawh lutuk a ,ava nuam tak " kan tlân chhuah rual chuan ka ti ham ham .

"I chhuahharh duh apiangin min rawn hrilh zel ang che " hmalam melh ngur chung chuan a ti sup .






Hângi lunglen tlâng lamah kan tlân chho a , ahmun erawh kan thleng leh tak tak chuanglo .Aizawl chu han kalna mai tur hi avâng a ,khua a hma zawk zawk tawhlo bawk nen khawchhung han chhuahsan na hun a awm tawhlo ani .
"Enge a an le ?" Motor a tih din dawt rualin a ti sup a , "eng chu " kalo ti hû

"Ka bialnu chhuak chak et et ka hruai chhuak che a ,anuam em ?" Kher a ! Ava han ngeiawm tak .






"Chutin ka chhuak chak et et kherlo " ti hmakin glass ka down nghal .




"Innei ang "





"I mawl ami ?" Ka ti vak .





"Duati innei tawh mai ang" thutak zet hian a rawn ti leh a , "i mawl emai a ! Tumah innei turin an insawm phut phut ngailo " ka ti nawk nawk .
"In kalsan reng ngai hi ka ning " a seat nghenchhan ngheng dawt hian a ti sup a , amit a chhingzui vang vang .A uan hmel siloh a ! Tinge maw inneih chungchang a rawn sawi phut le ?

"Tinge tiang hian i awm thut a ?"




"Duatte " a ti sup a , amit rawn meng riai riai in a thu tha te te a , "lo kal teh " ti sup in dim zet hian amalchunga min thut tir nghal zat . "Hetiang vela hnai a insik reng hi ka duh " a tih chuan ka nui hak . "Iva ho tak " ti sep in a awmah ka beng dat a , amah pawh anui ve suk tho .
" Zing ka thawh rual a tui taka i muhil sak sak lai te hmuh ka chák a , ka hna kal tur te min siam hun ka nghakhlel tawh " a ti sup sup a , ava ngaihtuah ho mai mai thei tak ! " Chuan ka fate nena in in hnial buai lai tur te pawh ka hmu chak tawh bawk " a tih chuan ka ner nghal nang .






"Rampalian mahni fate em inhnialpui duh turah min ngai ami ? " Ka ti nur nang .





"I awihlo em ni ? Fanu nangmah ang deuh kan neih phei chuan in insual thelh in hna ka tlai ziah ka ring asin " kiai suk hian a ti leh kher ! Ava han sual mai mai tak !
"Duatte nupui nei rual ka ni tawh , nanglo neih tumna ka nei miahlo bawk .Rei min nghah tir suh ang che " ti thum dut hian ka sam ka hmai lo zar tu chu ka bengah a zep zeuh a , a ti tak tak tih ka hai lo .






"Ih..ka duhloh vang che anilo a ,mahse internship te zo in hna te han neih ve phawt ka duh a .." ka rilru abuai map mai .






"Hey...ka nawrlui lo che i inpeih hun ka nghakthei che " ka hawi buai lutuk chu ka biangah dawmin a rawn ti sup a , " i ti deuh thut a " ka ti hap ringawt .Anui nghawr dawt a , ka hmui a rawn fawp zeuhin min duh hmel zet hian min melh a "ka nghâk thei che ka tih vang ringawt khan rei deuh min nghah tir lo la ,i tello awm hrehawm ka tihzia erawh hre reng la " a ti dap dap a ,a awmah min kuah bet ta hlu hlu .
A kum anaupang chhe tawhlo a , ka hrethiam lutuk .Mahse duh in hmangaih viau pawh ni ila keimah kala inpeih tlat lo .Nupui tha tak ni tur chuan kala inpeihlo deuh ani .

tunlai hi ads click lam kan uar lo sawt riau mai, vawi khat theuh tal click vek ang u aw, in fel kha


Show post links
Top

[Ngaia]

*ZûNLêNG S2* ch~ 16







Vawin hi ka mal an plasterna phelh ni ani tawh a , ka hne tawh lutuk hi sawi ngaihna pawh ka hre tawhlo zawk .A chhung athak tak tak phei chuan hiah theih ni bawk si lo nen mahni in kan tuar tlawk tlawk reng ani ber mai .
Duh ang thâl in la kalpui ngam dawnlo mah ila hma kan sawn ve hret hret tho turah ka ngai .

Ka pa in chawlh la in min kalpui dawn a , ka nu pawh dawr ah kan lam phei nghal dawn bawk .Paliana'n min kalpui duh viau mahse ka pa zawkin 'kan tibuai nasa tawh emai , ka buaipui lo leh lutuk bawk che a vawin chu ka kalpui ang che ' a ti deuh tlat a , keipawh in ka hnial hran lo .







Kawrfual bawk ka inbel a , loafers bun in cardigans ka ha leh tawp a .Haw leh nghal mai tur kan ni bawk a han inchei hranpa viau angai lo .
Ka insiam zawh chuan inhnuai lamah ka chhukthla euh euh a , inlam kan haw tirh kha chuan inhnuai lamah ka riak mai thin a ,mahse tunah chuan ka room ah ka insawn chho ve leh thei tawh .






"Eh! Dawnga ila kal nange ?" Sitting room a Dawnga lo thu tûm hmuk ka hmuh chuan ka ti hâ.Vawin hian a dawr thawhna neitu pa in nupui anei dawn a , an dawr pawh an khâr vek bawk a akal ve tur ah kalo ngai a !

"Kal lo anih hi " a ti chhum hmuk ringawt a , thinrimna anei emaw tih tur in biak achakawm loh .





"Ngati nge ?" Tih pahin thuthleng ah ka thuthla ve zui. "Vanrami bawk mawle , kawngka atanga ka pên chhuak tur chiah saw min rawn then " a tih chuan ka nuih chhuah loh nan ka insum hram hram .
Vanrami hi kan kawmchhak nula ania , an kawtah khian eichawp dawr anu ten an siam sak .Dawnga nen hian anlo inngaizawng ve deuh ani awm e .Nula chêr lam sâng tha deuh mai hi ania , ango puak bawk sia a chhelo reuh lutuk .

"In in ti thiamlo nge ?" Ka tih chuan "min then chhan hria ilang chuan ka thu tum luau lo ang mawle " a ti nghut a , "naaa nge maw min rawn then ve ngawt ni ? Nizan ka lên chhoh loh vâng kha nge mawni ..." A tih nu nu chuan ka zawh zawm peih tawhlo .An inngaizawng tih kan hriat atang ringawt pawh tum thum ngawt an inthen tawh ! An tha ve leh mai ang .







"Mate i hman chuan kal ila , inu lamkawi kanla ngai dawn sia " ka pa in a rawn ti a , Motor thleng Dawnga'n min kuah thla a ka lawm viau mai .Mahni a pên hi ala harsa ve deuh tlat .

"Hospital kan kal zawh ah inu nen huan kan va en lawk angaih hmel . Nizân ruah sur kha saw lamah alo na deuh nge ni kan pal hung vel a tlu nual ani awm e . " Ka pa'n a tih chuan kal ve ka châk ru viau a , mahse ka ke kala rap tha ngamlo nen ka ti buai mai mai zawk dawn a ka hriat vangin kal loh ka ti thlu nghal tawp .Thlai rah vel hunah chuan ka kal ve chiang ngawt ang .








Ka nu kan lam kawi a , Hospital kan tlang zui nghal a .Ka hmelhriat te'n minlo be liam liam bawk .
Ka mal plaster na an han phelh chiah mai chu alo sen huam tawh ! Thak lo chi alo ni tawhlo reng reng .
"Thlakhat hnu vel ah chuan i kal pangai leh thei mai ang , la indîm viau tho la maw ruh hi chu dim angai ve nia " min phelh sak tupa chuan a ti dap dap a , ka lo pawmpui khawp . Kan taksa hi kan duatlo leh lutuk thin a , a bîk in Mizo te hi kan ni lehzual .Kan taksa in a zo angem tih ngaihtuah miah lo a rit lâk vak vak te hi sum hmuhna tur pawh nise atha chuanglo .
Tûn lai ngat phei chu GyM kal te kan intih hmuh a , hrisel nan chuan atha lutuk mahse tleirawl ruh la no tak tak ten a rit tak tak an han chawi ve mai hi chu an â hi kalo ti thin .Ruh, tihrawl na vanga buai kan tam tawh em hi maw .







In kan thleng a , ka nu leh pa te an insiam zung zung a an chhuak lehnghal a .Dawnga alo awm tawhlo bawk nen mahni in ka awm tlawng mai .Ka û te lah an zirlai naupang te board exam lai ani a , an camp pui tunkar a duty tum tak ani bawk si nen khawhar deuh in vawin chu ka awm dawn anih hmel .
Puan sin tur la in choka ah chips engemaw ei tur ka dap leh a , lays lo awm hlauh chu la in T.V ah engemaw entur ka hmetchhuak a thatchhe zet a thu mu in ka lays lak chu ka ei pah mial mial .







Doorbell thawm ka hriat chuan 'ka va ning ' ti nang nang in ka tho a , kawngkapui lam ka pan phei chhet chet . "Ehe Sangsang " pawnlama Sangsangi lo ding ka hmuh rual chuan angaihna hrelo zetin ka ti hau mai !
"Lo lût rawh " ka ti sep a , nidang a ling hlar hmel kha apu miahlo ! Amitmeng a da vai a , a chauh hmel ngawih ngawih bawk .Ngawireng hian a rawn pen lut a , kawngkhar khar lehin thutna ka kawhhmuh pah zeuh .

"Enge i an tawh a ?" A ti sep a , a ze rawn zawi lutuk te chuan ngaih ati thalo dawn dawn hial mai . "Ka tha tawh lutuk , hei ka rap ngam tawh lutuk " tih pahin ka ke chu ka khai deuh a , a bu zeuh






"I accident tih kalo hre lawk lo a , Tabby in min hrilh a "a tih chuan chhan ngaihna vak ka hrelo chuan "anih chu " ka ti dam thluam ringawt .
"Min hua em ?" A ti sep a , ka mitko kalo sân zeuh . "Ka sual ve ngawt mai tiraw "ati leh a ,ka bo telh telh mai !
Ipik hmel zet hian a thaw chhuak halh a , a kut kalo melh ngur ngur tih ahriat rual chuan a kawrban apawt thla vat . Inzaina hnuhma niawm tak hi a bân veilam ah a awm diar a , a rei ve tawh hmel deuh mai pawh a mahse ana ngawt ang .

" Thingpui i duh em ?" Ka sawi tur hrelo chuan ka ti tawp a , a duhlo tih sawi nan alu a thing ringawt . A che sek a , ahawi leh ang hrek hrek zel a min hlau te pawh a ang zawk dawn alawm le .






"Ka sawi tur a ni miahlo na chu Sangsang i depression hian ziaawm lam apan miahlo tiraw ?" Ka ti chhuak khauh .A awmdan hian ka ngaih ati thalo , Doctor Veni'n a enkawl a kalo sawi buai ve tur nilo mahse an inenkawl dan afulo emaw ni chu aw ? Tih ngaihtuahna ka putna a rei tawh .
"Ka ipik , enge ka ipik chhan ber pawh ka hre tawhlo !" Ahmai hup thawk chuan a ti sep a , "ka awmdan hi ka ning , sleeping pills ka ei chung pawn zân ka mu tha theilo a ahrehawm ,ka tawt up up mai ..aaa engngati nge maw kalo kal ni a ?Thil ka ngaihtuah nasa lutuk hian mintu buai , ka hah " a ti nawk nawk a ,a chungchang hrelo ka nibîk silo a khawngaihna nen ka en lo theilo .






"Insawithawl na tur i mamawh chuan minlo be thin la " ka ti sep a .






"Ka rawn bia ang che maw ? Ka nun a mi pawimawh ber min laksak tu hnenah ka harsatna ka rawn thlen ang che maw ?" Za lo zet hian anui hak a , a chezia chuan min thawng lo ti ila dawt ka sawi ani ngei ang . " Lo dam rawh ,ka kal dawn " ti vut in a ding thut a , kawngkapui lam panin a chhuak nghal vut !

'engemaw awmzia ni ?' ti nu nu in kawngkhar ka han kalh tha leh a , ka thutna ngaiah bawk let lehin ka thurem tha sauh sauh .T.V bawk en lehin ka mut a rawn chhuak riai riai a Sangsangi chungchang kha chu ka ngaihtuah zui duhlo. An chhungkaw zing ami ka ni lo a , pawnlam mi lo inrawlh ve sek kha amawilo .Mahse a doctor pan thlâk se chu ka duhpui takzet .Dr.Veni hi ka hre tha viaulo a chu Sangsangi dinhmun enin a enkawl dan a thalo ni ber hian ka hria .








Doorbell a rawn rik leh rual chuan " ka va ning tak " ka ti hluai a , ka mutui dawn chauh ning zetin kawngkapui lam ka pan leh hna hna .
"Tunge " ka pawh a nem tawhlo khawp mai .

"Kalo kal chu i lawm vak nange ?" Kiau suk hian Paliana'n alo ti ! "Tûnang hunah tinge ilo kal a " ka ti hap a , ka beiseiloh ber te zing ami ani .

"Ka bialnu hmu turin ka duh duh hunah kalo kal theilo em ni ?" Chimawm zeta a tih chuan ka lo ner nak ." I hnathawk te chuan 'Boss zawmthaw deuh kan nei anih hi 'an ti ngei ngei ang " ti hlak in alo luhna tur ka kian a , nui suk suk hian a rawn lût ve mai bawk .
Ka thutna a lays lo awm niah a hmuh rual chuan mit ti zîm sun hian min melh .
"Enge ka ei ani mai lawm " tih vak pahin ka hmet khawr pawp pawp a dustbin ah ka vawmlut zui .






"Timaw tûnang huna ilo kal chhan ?"ka tih leh chuan a phun hluk ! "Min ngailo viau teh suh " tih hluk pahin ka bulah a rawn insawn nghal hmak .

"Khawnge i chhungte ?" A ti zui sup a , an awmna ka sawi diat diat hnu ah " chance min pe anih chu " a ti hmak ! Ve ngawt hian a ! Khawilama chance mah min pe dawnlo lulai lutuk ringawt .







"Khawmaw thu tha teh " tih hluk pahin amah zawk a thu tha daih a! A pheikhawk bun tlawhphelh in a ke lehlam ahlâng a , akapkar ah amah ngheng thei turin min pawt lut ve nghal zat bawk . Ka puan nuam lak chu hnehsawh zet hian min sin tir a "khatiang tur kha ani " ala ti nghut zui ! Ava han ho ve chiang tak .







" Bra i ha nange ?" Tih pah a ka hnute a rawn hup thuk chuan a kut kalo manbet nghal thuai " i va mawl tak " ka ti hlak a , " i va uikawm tak " a ti ve thung . "Ina ka awm chuan mahni inhrem reng ka tum reng reng hleinem " ka ti kher a , bra hâk hi hrehawm ka ti tak tak ,period lai phei chuan ka hreng tha peih mang mang lo . Min phuar tlat hian ka hria a , ka zalenna a dâl ru riau mai ni .

"âaaa Ramngaihzual ininawm " ti hluai a thutthat ka tum chu min pawt let leh nghal zat ." Kan awmfâl tawh chuan ngaihtuahna thalo ipu ziah " ka ti leh hlak a , anui nghawr dawt .







"Ngaihtuahna thalo " ti thawp supin "tiang hian maw ?" A tih rualin ka kawrfual hak chu ka awm lamah a pawtchho vek ! " I va nghal tak " tih pah a siam that ka tum chuan " thu mai mai rawh " ti nghutin puan chuan min khuh zui a , ka siam tha peih tawhlo

A kut lehlama ka hnute khawih in leh lamin ka sam akhâl niap niap a .T.V a en ve pawhin ka hre tawhlo .






Kan awmdan chu ahahdamthlak letling phian a , a pangtilum huam mai in min ur hat hat a , in thuam lum lo mah ila ka lum pha vek tho .





"Kalo ngaihtuah mai mai a ,tinge keikher min duh le ?" Ka ti zawi sep .






"Nangkher inih vang aniang " ka awki ang chuan a ti ve kher a ! Ka nghawk sawk . "Amak Bawihi ,min cho viau lo teh " a ti nu nu .
"Naupangchhia deuh hian min be ziah anih kha " ka ti ve hlar .
"Naupang alawm inih " a tih chuan "anihchuan ti pawh hian min ti suh " tih pahin a kut laksawn ka tum a " ini lehlo " nui hawk hian a rawn ti rang ngei mai .Keipawh ka nui ve tawp .







"Ngatinge Muanchhana nena kawp tur che angah min ngaih a ?"






"Bawihi sawi tawh lo ang " a rawn ti zuai ruih .







"Aih ..ahma in kalo zawt lo che a , ka ngaihtuah ngial pawhin Muanchhana nen kan inkawp tih i rindan ka ngaihtuah chhuak thiamlo " ka ti hap . Ngati nge khatianga min rinhlelh thut ka hre chak tlat .
"Veni kha Muanchhana û ani tih i hria em ? " A tih chuan ka lu ka bu nghut a " in inkawp thu min hrilh " a tih chuan mak ka ti lutuk thawh mai ka tum a min pawt let leh nghal .







"Avan mak ve ! Muanchhana nen unau an ni tih ka hriatna pawh ala reilo a , bakah maw ka tleirawl hlim vel atang khan Muanchhana hi chu ka star thin ngei a ,mahse ilo lan ve hnu hian a reh mai nilo in a tawp hmak tawh .Bakah kanla inngaizawng chhin ngailo reng reng ,kawm pawh kan inkawm ngailo "


"Ka hria lawm " alo ti zeuh .







"Ka thusawi chu i awih fel thlap em ?" Ka ti leh a , min ring se ka duh takzet .
"Bawihi ka ringhlel leh tawh ngailo ang che " nghet charh hian a rawn ti nghut .
"Anih chuan mipa dang lo bia pawh ni ila 'ka be lo ' ka tih tlat chuan min ring dawn tho sia " ka ti fiam a , ka chal ah a rawn pen kawrh !
"Ramngaihzual " ka ti hlar .






"Ka thikthu chhiat zia i hriatchian kha , nangmah inih tawh chuan tu mipa mah ka ring zo lo .An nat loh zawk nan tu mipa mah hnaih suh ang che " a ti nghet churh a "awle Ka pa pawh kalo be tawh miah lo ang "

"Nghali " a ti hluk .Han chhaih thinrim hi chu avan nuam ve chiang tak .






Tlai rawngbawl hun awm vel ah ahaw ta chauh a , ka nu te chaw an ei nghal law law dawn vangin ka eitur te ka siam a .Artui kan leh antam tlak siam tawp ani mai .Dawnga pawh ruai atheh nghal ka ring a ka siam kep lo . Dar nga a rik chuan zanriah ka in eifel vek tawh .Chawhmeh tihlum vel buaithlak ka tih vangin asat laiin ka ei nghal law law a , mahni te a chaw ei hrehawm ka tih thin nen ka chaw chhum ang ang ka ei zo vek ! Ka vitamins ei a thawk chho tan dawn te pawh ani ta ve ang .
Ka tih tur hrelo chuan ka û lehkhabu lei thar Ana Huang ziah chu ka chhiar mai mai a , rei pawh ka chhiar peih leh chuanglo .Ka û room ah lut in anail polish hai kualin ka inhnawih ta vêl mai mai .







Zan dar riat velah ka nu leh pa te an rawn thleng a , thlai thar hun la ni chiah lo mahse eng eng emaw an rawn hawn nual mai !

"Nu tumbu te hi i rawn hawn a ,ka û a awm silo a a chhe hman ange aw " tumbu ka hmuh rual chuan ka ti sap .Ka nu hi eisiam thiam viau mahse tumbu kher kher hi chu abai duk vek zel ! Youtube te en a an siam ve ngial pawh hian a duk tho tho zel a ka û in a siam duh thut te anih loh chuan lei pawh kan lei ngailo.






"Min pe miau bawk sia , lo duhloh ngawt kha a mawilo alawm.Atha rei alawm i û lo haw hunah pawh ala siam tlâk ang .Darbengbu te hi ka tauh anga i ei dawn nia , athatna an sawi kha ka theihnghilh leh hman , mahse atha an tih hi chu ei ve zel ila " a tih chuan ka lo ner nang nang , ka nu hian ramhmul damdawi vel hi angaisang khawp a , lakhuihthei hnah tui chhum tihvel te , zawngtah ziahna phak chuap te hi a ei lui tlat zel .Kei ka tilui thei nganglo thung .Ka sawisel chuanglo a mahse damdawi mithiam ten test hrang hrang an neih hnu a an rawn siam chhuah hi ka ring zawk daih.

"I nu Zîki pasal in min rawn be tak asin " a tih chuan "enge ?" Ka ti tawp .Nu zîki ka nu thisenzawmloh unaunu ve deuh ania , a thian kawmngaih ve ber leh bum hnem tu ber ani hrim hrim ang . Nu zîki hi chuan ka nu hi a bum hnehsawh ve thei a sin aw !
Bum han tih ah atana pawi tur ni chuang silo ah , tumkhat pawh afapa "Shillong ah a thiante nen an zin " a ti ve a , home ah anlo dah lek a .Kan tet deuh lai phei chuan ka ngei thei lutuk , a fate a sawi tha thei si ka nu hian awih in min hauh phah ziah lehnghal .
"Apasal in clinic hawn ve atum a , thawk turin a duh che a " a tih chuan "a hawn hma chu awih suh " kalo ti vat a , min melh rum teh asin .





"A hawng dawn alawm , specialist te ania a hawng har zawk khawp alawm " a ti hlak hlak a , Hmeichhe lam specialist ania.Kei ka pasal hmeichhe doctor ni ve se chu ka then vang vang ang .Nitin deuhthaw mi hrang hrang englo ahmu chhen tur te kha ka ngaihtuah peihlo zawk .Ala lerh tel zui lehnghal a , ka thawk peihlo nghal .Mahse ka nu chu ka hnial duh chuanglo , intern ka zawh ah chuan keimah a dawr hawn ve ka duh .Mi hnuaia thawh ka peihlo , sawrkar a luh theih pawh atha viau na a ka peih chuanglo .





Ka nute lakhuihthei lo hawn chu kan vel a , athlum tui ngei mai ! Lakhuihthei rah hun pawh ani in ka hre silo a , nge alo hun leh reng tawh zawk .

"Mate Gideona nen hian in inkawp ve tak tak ami ?" Ka pa chuan a rawn ti nulh a , ka chil ka hak thelh . "Aw ..tinge " ka ti hap.Kan awmdan atang te pawh hian hriat ve awm .
"A fel bawk a makpa atan pawh a awhawm alawm.I û lahin ahmu zo lo nge pasal neih lam a hawi mang bawk silo a , nangtal chuan tute hmel hmu hmanin min siam ang chu maw " a ti dap dap a , kan lai leh pek ringawt ah ! Kava laktlakloh tak .






"In kum te a inthlau a , la naupang mahla nula ini tawh a awmdan mawi te hriat tur .Gideona te kha ilo rualpui kawm leh hmiah hmiah ange , i rilru apuitlinh dawn ve tan taqh ang chu tih lai in nang ai a mawl ila kawm lehnghal a " ka nu'n a tih chuan ka nui ru ngat ngat .Zualtei hi mawl a ti khawp a , Zualtei lah a uang chi alo ni ve bawk nen ka nu hi a û daih a , ka pa hi a pu leh bawk a.Kan ina alo lên chang lah hian thu ho pui pui sawi hian kan nui vak vak zel a min zilh phah fo mai .






"Nui ringawt suh , Gideona pawh atar ve tawh a inneih te pawh Pathianin rem a tih chuan a duh vat ka ring " ka nu thin hi a 'tar ' han tih kher ! Amah hi a upa daih zawk sia ! Inneih chungchang phei chu a sawi daih tawh tih hria se zawng min zawt leh si se tawh ang .
"Lo hnial tung suh ang che , i duh tak tak anih chuan kawp la i duh tak tak lo anih erawh chuan inngaihzawng reng angai lo .Ât lai hian nupui pasal in neih tur , i û anga lungfing kar nih tawh chinah chuan pasal neih te hi apeihawm tawh thin lo ania " zanin chu enge maw an hriat ni a ? Pasal min neih tir phet tum ang mai in alawm le an tawng le !
"Mahni aia upa pasal a neih chu atha tehmeuh anga , mahse in kum inthlau lutuk hian buaina a thlen mai lo cheu maw le ?" Ka pa in a rawn ti dam dap a , ka ngaihtuah ve fo thin heihi . Kan kum inthlau lutuk hi chu keima lamah chuan harsatna ka neilo hrim hrim a , mahse Paliana zawk hian min nin chin emaw ka khawsakphung nin chin aneih ka hlau ru ve viau tho mai .






"Naomi tân chuan Gideona aia tha an awm tawhlo ang , a damloh chhung zawng a buaipui dan te ka en khan keizawng ka lung a dum ngawih ngawih " Ka nu hi chuan Paliana a tan em em reng mai anih hi maw !







Dar sawm dawn ah room ah ka chho ve thei hrâm ! Zanin chu ka nu leh pate'n engemaw an hriat ni ? Paliana nen kan chungchang min ti ti pui ngat ngat nia mawle ! Awmdan mawi hre tur ten min fuih a , thianghlim taka in ngaizawng tur te'n , ka nu leh pa te mah nise ka zak ve leh tep thin . Tunhma zawngin ka ngaihzawng nun vel ah an inrawlh ngailo a , inrawlh tur pawn ka nei ngailo hrim hrim zawk .Ka û in pasal neih tumna rilru apu lo leh lutuk hi an mangang ru ni ber hian ka hre tawh .
Ka û hi chu aluhlul ve ka tih tawh kha , ka pa te hian nawrlui viau mahse a duh hun te ah lo chuan anei chuanglo ang . Bakah Lalna te , thuneihna te a chhawmluh theihloh na hmunah chuan alawi luh duh pawh ka ring lo e a .






Nula senior tih te hi kan han dem ngawt zel a , hmeichhia mahni inenkawl zo veh vawh nih tawh chin a mi thuhnuai a va awm tur a pasal neih ngawf te hi hrehawm deuh tur ania .Mipa chu kan chung en sa an ni a , mo ina lawilut tur an ni lo bawk a , kan la hriat ngailoh an mizia pawh kanla hriatchian loh ina kan han lawi lut ringawt thin te hi anlo fel vakloh phei chuan hrehawm tur deuh ania , mahse makdeuh in kei chuan ka hreh miahlo thung ! Paliana'n min duat em vang pawh ani maithei ani .






Ka muhil theilo chu ka inlet ka inlet a , Paliana biak ka châk rual in amut ahun tawh si ka ti buai hreh .Zan dar sawm velah abuailo anih chuan mutfel hi a duh tawh thin sia , zing lam pawh atho hma thei viau aniang min rawn wish hma thei emai .

Whatsapp ah 'i mu tawh em ?' tih hi ka va thawn dek dek a , ka tlai mut vang nge ka mut a chhuak thei derlo chu a hrehawm lek lek .





Minute nga vel a liam awrh tih ah a rawn call back nghal zat !
"Aw bawihi ila muhil lo em ni ?" A rawn ti thawp sup .A aw atang chuan ala mu bik lo tih ahriat reng mai . "Ka mut a chhuak theilo a ,tinge ila mut loh zawk a ?" Ka ti let ve thung .
"Naktuk a bungrua kan thawnchhuah tur vel list ka buaipui mawle , ka la buai khawp mai " a tih chuan " aw anih ti leh tawh rawh " ka ti vat a , a rum nghut .
"Itân chuan ka buailo ka tih kha Duati " a ti dut a , ka chil ka lem ri khawlh mai .






"Ka muhil theilo ka lo be mai mai che alawm " ka ti sep ringawt .Inthlahrun awm theih ngei mai .






"Umm anih chuan minlo menpui mai la " a ti sap a , kalo aw thuai .
Thu ho te te kan sawi dûn a , a rawng duh ber tih vel mai mai ani kan sawi ni .Ho a tih ruk viau a ka rin laiin tha deuh deuh in min chhang ve zel a , 'min tibuai lo ' a ti bawk a ka inthlahrung peih vel tawhlo .







Ka harh leh chuan khua alo vâr der tawh ! Nizan khan ka lo mutthluk san daih anih hmel ? "Muttui le " tih hi dar khat velah a lo thawn a , kan mengrei dun khawp mai , ala mengrei zawk zui a .
Ka hmai te phih inhnuai lamah ka chhuk a , ka la kal pangai theih chiah loh vangin Hospital pawh ka la kal hrih lo.






"Ka rin aiin i rawn tho har a " ka nu chu alo phili buai khawp ! Chaw minlo eisan daih tawh chu niin thleng vel a lo seng fel vel mek ." Nu tinge i van hmanhmawh " chair a thutthlak pah chuan ka ti sep .

"Bâktawnga ka thiannu Mazâri kha i hre ve em ?" A tih chuan ka lu ka lo thing zeuh , "nia ila nau em a i hrelo ang , tûkin zing dar thum vel khan aboral a han kal ve ka tum anih hi " a tih chuan " anih chuan insiam rawh kalo ti fel vek mai ang " ka ti nghal thuai .







"Rei ila ding thei silo a ka tia atam zawk tal hi kan sil ange " a tih chuan ka that thu leh ka sil theih thu ka hrilh a ,hmanhmawh zetin a insiam zui .Taxi an hire dawn anih hmel a , Nu Zîki nen bawk an kal leh dawn anih hmel .

"Mate ina awm inin deuh chuan dawr lamah Dawnga emaw taxi in emaw lo va inthlah tir mai la , ina tawm chawt chawt ai chuan anuam zawk hrim hrim ang ka kal ania " ti zung zung in achhuak a , engkima philli chi hi ani ve a vuihun an han nang em ang chu maw .






Tukthuan ka ei zawh chuan ka tifel thuak a , hmun te pawh ka phiat ve thlapin chhuat ka nawt nghal thlap bawk .
Dawnga hnathawk bâng a rawn haw a , room ah mu turin alut tlang nghal daih .Zîng hma deuh ah hi chuan thawk tawhlo se ka ti , a chau thei emai .






Ka ph room ah ka kalsan tih hrechhuak in ka han la leh rih , Paliana missed call vawi thum lai alo awm hman !
"Inchungah ph ka kalsan daih a " hello pawh a tih hma chuan ka ti nghal thawr .

"Ila muhil anih ka ring zawk a , enge vawin lam itih ang " a rawn ti khauh a . "Ka hrelo le , ka nu mitthi ah a zin chhuah angai sia ina awm ka nin deuh chuan dawr lama phei turin min tia " ka ti sep a , "phei ngei ngei turin a ti che em ?" A tih chuan "tilo e , ina awm ka nin a hlauh vang chauh mawle "
"Ka bulah rawn awm zawk mai ta che " ka biang a sa hat hat thei .







"Iti anglo e a ! Hna kal i ngailo ami ?"






"Duati dawr lama ka office ah zawk mawle , file chinfel tur ka ngah a ka bulah lo awm ve la ka ti " a rawn tih fiah kâk a , ka zak chem chem .Keimah zawk hi anih hi ngaihtuahna diklo pu chu a .
"Aaa "

"Ka rawn lam ang che " a ti a ka hnial leh dawn tih ahria aniang a dah nghal daih .


Show post links
Top

[Ngaia]

*ZûNLêNG S1* ch~17







Paliana chuan min rawn lam ta ngei a , a office ah mu chungin kalo tawiawm hi ani ringawt .Han puih viau dan ka hre bawk silo , a hnathawh laiin kdrama kalo en vel mai mai a , a chang leh a misualnu a chet that deuh chuan kalo âng leh hlak hlak zel a , nui tut tut hian Paliana'n minlo en leh zawk zel .
Khawih tur angah viau tak tak aniang , computer hmaah a bur deuh chawt a , file vel a keu chhen a ahui leh pap thin .Tunah dar khat apel tawh a ,chhunthil ei lam ala sawi lang lo reng reng .







"Hna i van ngah awm em em ?" Ka ti ta nge nge .





"Ram pawn lama kan thawnchhuah tur ah buaina a awm a , an demand ang kan supply hmanloh mai ahlauhawm a kan tan chân na nasa lutuk ani dawn .Kan designer pakhat a bân lai tak alo ni kher bawk a " ti nur nang hian file chu akeu leh thuak a , melh pawh min melh hman tawhlo .
"I ril atam tawh em ? Eitur ka zuk lei ang aw ?" Ka tih chuan a sana bun lai abih zawk a ,"shit ! Dar zat kalo en lo a ,enge i ei duh ang ?" A rawn ti daih !






"Ka zuk lei zawk ang ,enge i duh ?" Ka tih chuan "tirh tur an awm mai ang , kal hah angailo " a ti nghet bur .
"Ka duhzawng ka hrelo a , thlan ka duh alawm " ka ti niah niah a , ka tho nghal tharh bawk."sawila i duh chu " ka tih leh chuan "eng pawh apawilo " a ti ta sup a "inti hah lo la " ala ti tel hram zui! Naupang harh rual emaw min ti emawni ?
"Yes boss " tih vut pahin ka chapal ka bun mawlh mawlh a , min lo nuih hian a thle bâk ringawt .







An dawr bul mai kawng ân hnuai ah hian vai dawr a awm a , restaurant dang vel chu kal deuh angai a ka kal peihlo law law .
Hnathawk te hnenah an menu ka dil a , bang a intar min kawhhmuh chuan ka zak ru viau , lo hawi deuh ila chuan ka hmu ve ang mawle .
Rice , chicken momo leh alu paratha tih vel ka order a .Paliana ei duh zawng ka hrelo lutuk chu â ka inti viau .Kan inzui rei ve tawh ti ila ka sawi sual det maithei , mahse a eiduh zawng takngial pawh ka lo hrelo chu mawl ka inti viau .
Hriselna ngai pawimawh mi tak ani a , eitur lamah pawh ahrisel sel aduh ringin salad leh omlette ka chah belh a lassi ka chah tel hram bawk.
Ka thil chah ho chu alo to angreng phian a , avai in 580 man lai ani ! Thenkhat chuan to an ti lo viau mai thei a , mahse keichuan ina kan siam ve theih reng man to tak tak a lei hi ka tha ana tlat zel .






In khai bawr teuh in ka let leh a , Paliana office hi inchung ah a awm a , kawng an hi chu an showroom ani .A office a chho tur hian dawr chhung luh kher angai a , hnathawk panga vel anei in ka hria .Nula pathum leh mipa pahnih , an zinga hmeichhia upat hmel ber hi an manager ani a midang hi chu anla naupan hmel ve hlawm viau .Sikulpuikawn lama an showroom saw hei ai hian alian zawk daih a,mahse Paliana hian helai hi nuam a ti zawk nge heta tang hlir hian hna athawk a ,hmun dang chu atlawh zeuh zeuh ringawt .
Dawr chhung ka luh rual chuan hnathawkte lo titi chu an tawp chawt a ,minlo melh deuh zawk zawk ! A mawi ah tiin tawite in ka melh a , be lemlo chuan inchung lamah ka chho tlang zui a .
An tawng ka hre phak tawhlo turah an ngai nge "avan zaktheilo tak , boss bialnu pawh nise rawn kal fo kher ! Tunlai hmeichhia te hi chu an zaklo tawh e.Mipa pan dû dû ching hmeichhia hi chu hmeichhe nasa leh zaktheilo an ni tlangpui . " an ti ri chu kala hre pha ! A sawitu pawh chu tunlai hmeichhia ani ve tho sia ! "Aho e kan buaina tur ani hleinem " pakhat in alo ti ve thung a .Railing chu ka hûm ngawt ngawt . " Ani tho a ,mahse ngaihtuah ve ula ,ahmel lah midang aiin atha bîk ani lo a , apian lah nalh viau han tih tur anilo .Boss te ang thlem thlu thei tur chuan ataksa ahmang tangkai ani mai " angai bawk chuan a rawn ti leh a , zuk chhuk lawk a zu keh bawrh bawrh ania ka chak ni .Mi chanchin hrechiang lo a ngaihdan tenawm zet neia mi rêl ching te hi ka hua .Inbendaih tumin ka thaw chhuak ham ham a , khin buai a buaina zuk siam ka duhlo law law.







Tûm barin Paliana office ka lût a , atarmit vuah lai la thla vutin sofa lam a rawn pan ve nghal thuai .
"Enge ilo lei a ?" A tih chuan " ka rawn lei ho ka rawn lei " ka ti deuh hmak .Angaihna hriatloh hmel tak hian min en vawng vawng a "buaina awm em ?" A ti deuh dut .A hnathawkte min sawi dan chu hrilh ka châk viau na a ,puitling han buai na tham ani in ka hre bawk silo .
"Awmlo asat lai hian ei ang " ka ti ta ringawt .Ngaihthatloh hmel takin min en a , engmah phei chu a sawi belh tawh chuanglo .






Ka lei ang ang chu a ei ve mawlh mawlh a ,ka rin ang chiahin salad chu a ei hnem zual a ,momo leh lassi bîk chu khawih pawh akhawih lo hrim hrim .Ka hmarcha fûn tir phei chu awm ve lo ang hmak ani .Hmarcha ,lassi leh momo bîk chu a ei ngailo ani phawt anga , tiang te te hi lo chîk ila aduh zawng chu ka hre chho mai ang .
"I ning tawh em ?" A rawn ti thut a , ka lu kalo thing ringawt .
Kan eina chu a dah fel sawk sawk a , bathroom ah ka kam thuah in ka kut ka sil fai a ka chhuah rualin alût ve nghal zat bawk .







Khumah bawk chu lawn leh in a laptop atang chuan engemaw hmuhnawm deuh entur ka zawng kual leh a , ka drama enlai ber atawp tak avangin en tur ber pawh ka hrelo .
"Duati thinrimna i nei em ?" Khum bula raqn ding hian a ti sup a , "neilo e hna va khawih leh tawh rawh " en mang lo chuan ka ti tawp . Ka thinrimna chu ho ka ti viau a , ka thinrim tho si !
"I sawi loh chuan ka hrethei dawn lo ania " a tih leh chuan ning zet hian "ka thinrim lo ,atha em " ka ti fiah kak a , min melh ngur hian ka rizai sin a rawn pawt hlim thut !





Khumah rawn lawnin min bawh bet a , ka chet theihloh nan ka ke chu ake a delh betin ka kut chu akut khing khatin zu hmer bet vek thei a mawle !
"I mak emai Ramngaihzual " ti hlakin ka melh hrep a , a nui dawt ringawt.
"Sawi rawh le ?" A ti deuh nghut a "engchuu ??" Ka ti deuh vak .







"Hrelo der suh Duati , dawr i kal hma kha chuan tiang hian ila awm lo " min melh ngur chung chuan a ti sup . Min va han chîk mai mai tak "aho lutuk buaina tham anilo " ka ti ta tawp a , ka chhanna chu duhkhawp lo tih hriat zet hian aner nang .
"I chungchang anih chuan thil te tham a awm lo , sawi rawh le " a ti dam ta thlup .Ka va han sawi awmlo tak ,min nuihzat reu reu ang tih te nia ka hlauh ni .






"I sawi dawnlo a ..?" Ti fân ruih hian a kiai suk a , cho zet hian ka melh let ha "i inchhir lo ang chu maw " a tih sup rualin ka kekawr hâk a zen ta mai ! " Ramngaihzual " ka ti deuh that a , ka hneh lo nasa mai si .Mi sual deuh nise chu hah miahlo in ka phûm bo daih thei ang .
"Sawi rawh le " ti a a tawp chawt rual chuan ka ngawi leh daih a , mitmeng ti zîm sûn a min melh hian akut chu a chet leh ta mai ! Ka underwear a zen luh rual chuan " ka sawi dawn ...khawi ka sawi dawn reng alawm " ka ti nghal nawk nawk .







"Sawi rawh le " a ti a ,"i kut la chhuak phawt rawh " ka lo ti ve thung .
"Tihian sawi rawh , thup then inei lo deuh ang " a ti kher a ! Ka va ngei mai mai tak .

"Ka dawr kal ka rawn let lam khan i hnathawk pakhat in min lo sawi dan vel ka hre ru a , ka thinrim mai mai aho lutuk " ka ti ta tawp .
"Engtin nge a sawi che ?" Kher kher a ! "A pawimawh lo " ka ti chung chungin "sawi rawh "a ti deuh tlat a , ka thaw hap .Ze thup thiam deuh lo ni ila tha tur .
A hnathawkte min sawidan chu ka hrilh a , a thinrim tih hai rual loh in abek a thisenzam a rawn pawng nghal tawk tawk .




Ka kekawr a akut zen luh aphawi chhuak a , tho tha vatin "lo kal rawh le " thinrim hmel viau mahse min biakna chu adam thlap tho .
"Khawiah nge kan kal dawn? " ka kut a vawn rual chuan ka ti hâ.






"Ka hmeichhe chungchang mawilo taka lo sawi tu hremna ka pe dawn " a tih chuan ka hlauthawng nghal ruai ." Hey ..hmeichhe titi mai mai alawm " ka ti nghal mawlh mawlh .
"Duati nang inih tawh chuan mai mai ka tân a awm velo ka tih kha " ti nghut hian kawngkhar lamah min kai a , inhnuai lamah min kai thla zui nghal .Dan tum sa teh mah ila ka dang thei dawnlo chiang mangtara lutuk .






Inhnuaia kan thlenthlak rual chuan "Sama kawngkhar kha khar lawk teh " a ti vut a , min biak dan leh midang a biak dan chu a thlau hle mai , midang chu thihchilh bomb hmuam angin abia !
"Lo kal khawm rawh u " ti thum dut hian ,a melh kual a , a hnathawk te chu anlo kal khawm rnag ngei mai ."i chanchin mawilo taka sawi tu chu tunge Duati " dam thlup hian min be leh lawi si !
"Ka hrelo " ka ti zawi sep a , ka inthlahhrung lutuk chu hnuailam ka melh tawp .






"Duati " a ti deuh nghut a ." Ka hrelo tak tak alawm ahmel ka hmulo a " ka ti zawi leh sep .Hnathawk ho chu an in melh hrak hrak a , Paliana chu melh pawh an melh ngamlo an hlau viau aniang .

"Apawilo " ka kut a chelhna ti nghet zeuh hian a ti sup a "nangmahni inpuang zawk mai rawh u .Bawihi chanchin mawilo zet a sawitu chu inpuang rawh u " a ti vin that a , amah tih loh chu kan phu deuh awrh .Kei pawh tiamin mawle !
An ngawi dâk hlawm a , "in sawilo anih chuan ka bán vek ang che u " a tih leh that chuan hmeichhia ho chu an in nêk nak nak hlawm .






"U Chhan , ka pa ai ka rawn awh hma daih atang tawh heilai hmunah i rawn thawk tawh a , Bawuhi chungchang mawilo taka lo sawi tu i hriat ngei ka ring " ti supin a upat hmel ber chu a melh ngur a , 'U Chhani' a tih pawh chu a buai hmel nak mai .
" In sawi dawnlo amaw" a tih vin leh thah chuan " Teremi..teremi hian alawm sawi " nula la naupan hmel zet kan inrual dawn tih ang tur vel chuan a rawn ti nawlh . Chuan ka hrechiang chiah bawk 'kan buai ve na tur anilo ' ti tu aw kha amah ngei hi ani .Dawr ka luh khan U Chhani an tih hi counter ah athu a , an ni pahnih hi thuthleng ah lo thu in anlo ti ti kha ania .







"Ih..Teremi hian a sawi a " a rawn ti leh sep a , a hlauh hmel lutuk chu ka khawngaih hial mai.
"Boss chutiangin huat turin ka sawilo " Teremi an tih nu chuan arawn ti ve leh , ka chanchin sawi tu ngei kha ani tuh ka hrechiang thei ta .
"Duati ani hi ani em ?" Paliana'n a tih chuan ka bu deuh nghat a , "Chhani a tûnthla hlawh pe la bâng nghal rawh se ."Paliana'n a ti ta hem mai!
"Boss ka tihpalh anih kha ..ka khawngaihin " arawn ti nghal nawk nawk







"I tûnthla hlawh la la , bân ini ." A ti thum dut a ,midang chuan dêk pawh kan ti ngamlo ."midang pawh khan lo hria ang che u , in tan warning ani nghal bawk ang .Bawihi chungchang mawilo taka in sawi emaw Bawihi kher nilo pawh inhriatchianloh chu i sawi mai mai tur ani lo " a ti khaih fak a , inchung lamah min kai chho zui nghal .






"Tinge i bân kher ? A khawngaihthlak reuh em kha ..hmeichhia te chu kan tawngduh a thil nilo lo kan sawi leh palh thin alawm " ka ti na na a "midang chanchin mawilo taka sawi ah palh a awm theilo " a ti deuh bur .
"Chupawh nise i bân kher a , an chhungkaw ei bel ber te lo ni ta se " ka tih leh chuan "kan buaina tur anih tawh loh chu " a ti duh lek chauh! Ava han khawlh tak .






"Duati midang chanchin chu nise warning ka pe ngei ang, mahse midang nilo in i chanchin ani a warning pek aphulo .Bakah inthiamlo suh ang che , chhungkaw harsa tak an ni lo a buai phah na tur a awm lo " ka dar tawn tawn a min chelh chung hian a ti fiah kak a " an buai phah loh tak tak ang maw " ringhlel deuh chuan ka la ti fan .
"Yep apa pawh sawrkar hnathawk ania an buai phah lo ang " a ti sup a , ka thaw deuh huai chu ka hnâr a piai zeuh hian "rilru tha nu " a ti sup .

"Ka rilru that vang pawh anilo " ka tih chuan " i dinhmun ah hian midang ding ve se chu i ngaihtuah ang hi an ngaihtuah ve hauh lo ang " a ti a , ka rilru chhiat zia hria se chu tiang thil hi a sawi lo tawp ang mawle . " I hnathawkte tan hian hrawn i hrehawm hmel e " ka ti nang nang a , anui suk ringawt .







"Engti zawngin " ti ril ruih hian min hnaih sawt a , kalo tawlh hnung ve dat dat a bang ka nghen chuan tawlh leh chuanna tur a awm lo . " Englo i lian bawk si.." ka hmai hnaih chet a a rawn thawk lum hat hat chuan ka tawng tawp hmak ."sawi zel rawh " a ti thawp sup a , kan inhnaih takzet tawh .
"I vîn vak phei kha chuan.." ka hmui a hmui in a rawn khar chikh hmiah !
Min ei zawh vek tum ang mai hian min fawp nawk nawk a chhanlet dan mai pawh ka thiamlo hial zawk ! Akut pakhat ka kawngah muangchang a rawn rawlh lut in min pawt hnai salh a , pakhat ka kawr chhung a a rawn zenluh rual chuan kalo man bet chawt .Min fawhna thlah in a thaw deuh ham ham a , ka nghawngah ahmai phumin "innei tawh mai ang " a ti thawp sup !







Ka chil ka lem khawlh a , kan taksa inhip tawn zia ka hailo .Kan pahnih ngat phei chuan hun fâl kan ngah a , duh chu nise min tiluiin ka thianghlimna min laksak tawh ngei ang.
Mipa pangai ani a, insum harsa a tih pawhin awmlo ka tihpui miahlo .A dinhmun ah hian midang ding ve ta se insum theilo tur fe fe an tam zawk ngawt ang .Mahse ani chuan ka duhthlanna min zahsak a , ka duhlo chung min khawih luih tumna anei miahlo pawh hi ahlu ka ti takzet.


"Hna va thawk leh tawh mai la " ka ti zawi sep a , anui nghawr dawt .
"Ka bulah lo thu ve la " ka nghawnga ahmai la phûm reng chung chuan a ti sup a , "umm " kalo ti ta tawp .






Inla hrangin a dawhkan lam apan zui a , ka thutna tur chair la in ka thutnawmsam nan lukham leh puan vel a dah tel thlap bawk .Khuma ka laptop dah chu la in Paliana bulah chuan ka thu ve ta nge nge a , rei vaklo ah phei chuan amal chungah ke thluang duaiin ka thu .





"Naom Vanrami min han rîmpui teh a " lu khawih neuh neuh chung hian Dawnga'n a rawn ti ! "In ni leh tawh mi ?" Ka tih deuh hu a , "min la block a , min han sawifel pui teh " a tih chuan ka thaw hak .
"Ka room ah ka kawrlum min han lak la " ka ti ta nge nge , phur zet chuan a han la ve mai .





"Nu Dawnga nen kawmchhak dawrah kan han leng mai mai dawn aw " tiin ka nu leh pa chanchinthar en lai chu ka bia a , "leng rei lo ula " anlo ti ve mai .
"I mak e Dawnga mahni bialnu te thinrim chhan pawh han hriat loh " kan chhoh pah chuan ka ti nang nang .
Step kal hi harsa kala tih deuh vangin muang te in kan kal a , step paruk vel kan kal a kan chawl leh det thin .





"Hmeichhia hi lawm le lo mak chu , in mak ani " a tih chuan eilo zetin ka melh rawm rawm a , "ani reng alawm , in thinrim te hian achhan han sawi mai ula tihdan te a awm deuh tur ania . Ka hnial peih chhung min hnial peih dawnin ka hria a , ka hnial peih tawhlo .





Vanrami dawr te kan thleng a , min hmuh rualin alo nui ver ver a Dawnga ahmu tel chiah erawh atûm hmuk . "Enge i duh " a ti chang ram bawk .
"Naomi hi alo leng chak a " Dawng satena mai mai chuh! Chhuanlama min hman duh vangin minlo hruai lek animaw !





"I accident tih kalo hria a , lo thu rawh ka bulah hian enge i an tawh .Dawr hi ka khâr thei hrih silo a , mitthi in kan hnaih a thil rawn lei kawi duh hi an awm ve reng a ka buai lai takin i accident kher a " a ti nghal mawlh mawlh a , "ka dam tawh lutuk " tih pahin a bula chair ah chuan ka thu thla a , Dawnga erawh hmanlai YMA thuthleng sei angah khân a thu thung .
"Pu Huapzaua te sawn hmelhriat an ngah a , tunthleng hian lenglut an tam thei tawp .Kan veng phei ah kei lo dawr kai an awm silo a , an ei in rawn lam na ber ka ni sia " a ti zui mawlh mawlh a , kuhva apack pah mawlh mawlh .
Pu Huapzaua nupui hi ka accident hma hret a boral tawh kha ania , an chhungkua an rual a thenleh rual an ngah bawk a .An mahni an lo tual mi nen inleng an la ngah reng pawh chu amak lo hranlo .






"Chu mitthi sumdawnnan i hmang anih chu " Dawnga'n a rawn ti khauh a , Vanrami ameng rum tha teh e . "Lei tur i neih loh chuan haw rawh " a ti ta hmak .
"Ka nau hi ka awmpui angai alawm , ka hawsan dauh chuan patea'n min hau dawn asin " a ti nui nui a , Vanrami pawh a inbengdai hram hram .





"Kuhva hi nangman i siam tel tho ami ?" Ka ti ta tawp a , a thinrim lakpen angai .





"Panhnah hi midang kan roll tir a , kuhva rah hi chu ka pa'n a athelna khawl min lei a khawlin kan thel mai , a awlsam lutuk . Kuhva hi customer kan hîp ve na ber ania , kuhva thlum pawh ka nei tak asin " a ti hluai a " ka siam ang che " a tih chuan ka hnial lo khawp mai .
Kuhva thlum hi ka ei ve leh zeuh thin , apangai erawh ruih ka chîn em vangin ka ei talo .
Kuhva thlum chu a siam mawlh mawlh a , keiin a kuhva pangai ho kalo pack pui ve thung .
Vanrami hi kei ai kum khatin a û a , inkawm viau han tih tur chu kan nilo mahse kan inhre tha ve pangai khawp .Ka dawr ngun a , Mizoram zirna vanga ka chhuahsan hma phei kha chuan an in ah hian ka leng ve leh zeuh thin .Kan school luhna te alo inang lo a , kan kohhran alo in ang lo lehzel nen inkawm pangai tak chu ahar deuh .







Min han duhsak mai mai khawp a , akuhva thlum siam chu lian tak ani . Ka ka akhat vek a tawng pawh ka tawng tha theilo .
"Khawnge ka ta ve tur ?" Dawnga'n a rawn tih chuan " insiam ve mai rawh " a ti ram hmak a , Dawnga'n a rawn insiam ve hna hna.Han thinrim viau chu anilo phawt mai .






"Vanram ngati maw min block? " Dawnga chuan a rawn ti khauh a , ka awmlai khera han sawi !





" Ka be peihlo che a " pakhatin alo ti awlsam et thung ! "Nge min block kher , min biak peihloh thu sawi mai tur che alawm " Dawnga'n a ti veleh .






"Enteh maw Naom i unaupa chu nilo se kan hmunphian sawn ka hlap zawt zawt ang .Hman zanah min ti zak lutuk , a rawn leng a modang rawng leng ve zawng a hnawt haw vek a ,ka pa dawra rawn lut pawh 'haw rawh , ka bialnu anih hi i chang tawhlo ' alo tih khum a .Ka pa pawhin min melh hrek hrek a a chhuak leh tawp " a ti bawrh bawrh a
"Lu kawlh deuh kha i pa maw ?" Dawnga'n a rawn ti tawi tak .





"Ni ang chu , mintih zah zia kha a hmel en reng reng pawh khan i hrethiam lo ami ? Mawl leh lutuk " Vanrami'n a ti hlak hlak a , pawi tih hmel zetin Dawnga'n a khabe atuai neuh neuh . " Pa ila nei valai em a tin anih kha " ala rawn ti zawi sup .
"Athuhrimin dawrkai kan nia, rawn leng lut an awm ve reng a i hrethiam duh bawk silo " Vanrami'n a ti leh a , an inkar ah ka thu bawk si , ka thawk an ti ipik .






"Bialnu te dawra tlangval lenglut reng chu ahrehawm zia i hrethiam lo ani " Dawnga'n a ti veleh a , Dawnga thusawi pawh chu dik ka ti ru ve viau tho mai .
"Min rawn bem tirh pawn ka sawi sa vek kha ,dawrkai ka nia ,ka duh duhin mi kalo be chhe ngawt thiang hleinem. Tlangval bik phei chu kan inngaihzawn atang ka be tha tawh ngailo , min biak pawn enlo in ka chhang zel a ka mit akalh emaw an tih phah aw " ka hah vek tawh , ka ph lo ri chu ka va lawm tak .An pahnih chuan an ngawi ve ta hram .An tanchhan a dik ka ti ve ve a thiam zawk an awm pawhin ka hrelo a , an thiamlo ve ve ka ti bawk .






"Aw " ka ti nghal tawng a , "khawnge i awm a ? Kalo kal a inu te'n i lên thu anlo sawi a " lehlam atang chuan Paliana'n a rawn ti dam thluam a , abuai nen alo len hman ka ringlo in Dawnga ka zui chhuak ve tawp kha nia .
"Kawmchhak ah hei kan lêng a , step atang khan lo chho la ding lama dawr ah khan kan awm.Lo kal ve mai la " Ka haw daih chuan Dawnga tan ahrehawm dawn sia ,"ok" ti sup hian call a dah a , a rawn chho ve mai tur ah ka ngai .






"U Gideona a rawn leng ami ?" Ph ka dah rualin Dawnga'n a ti nghal vat a , ka bu deuh nghat .






"Inni tak tak ami ?" Vanrami'n alo ti ve nghal zat bawk. "Aw i hria mi ?" Ka tih chuan " ka û te indang dawn khan an dawr ami furniture kan lei nual a , khatah khan ka hmu ve a a chhelo ka ti theu rap an hausa si " a tih chuan kalo ip chawih chawih . Dawnga a awm ve reng a ,ka hmel landan atang ahrethiam aniang ka beng bula rawn kûn hnai hian " i unaupa hi chu a tluklo hret a " a ti zawi sep a , ka nuk ta hak .






Paliana a rawn lang hlawl a , dawr chhung a rawn en a min hmuh rual chuan kiai suk hian kûn zeuh in a rawn lut a , a sang lutuk nge Vanrami dawr kawngka hi ahniam zawk ? Keini chu kûn lo in kan lut thei zân zán tho !
"Lo thu ve tawp rawh " Vanrami'n alo ti var ."Naom zu thu thla daih la , Dawnga ka bulah hian rawn thu rawh " a ti leh nghal zung zung .Dawnga nen chuan kan thutna kan i thlakthleng a , kan ina tawm ngawr ngawr ai chuan a zia hrim hrim .






"I buai sia ilo lên hman ka ring lo a " ka ti zawi sep a , "a zualpui ka zo tawh a ,haw hunah tlem ka khawih leh nga ka zo mai ang " a ti ve sup a .Min ngaipawimawh in buai chung chungin a rawn leng chu ani phawt a .






"Waiwai mix ang u aw , plate inchhungah ka zu la ange " ti vutin Vanrami a tho zui a , "ava tul lemlo ve " ka bul ami in alo ti thum dut .
"Ei reng kan ni chuanglo a aho lutuk " ka lo ti mai a , a tet lai te pawhin a ei ve ngailo emawni ? Tiang thil lam hi angaina lo lutuk a amak zawk .

Vanrami chu reilo ah a rawn chhuak leh a , zimhlum chan dip sa leh purunsen zai sa a rawn keng sa thlap a , hmarcha muh leh tel a rawn keng tel bawk . "Chhunah ka ei chak in kalo chansa teuh a , a tihzia hlauh " tiin waiwai bawm thum a la a , kurkure leh lays a pawtthla zui a , kalo siampui nghal mawlh mawlh .





"Silkcut in nei em ?" Patling pakhat in a rawn tih chuan "Dawnga dawhkan hnuaiah khan a awm lo pe teh " ti in hmarcha muh chu a phul zui a , waiwai tastemaker kalo pawlh ve thung .





Kan lo ti thak deuh nge kan mipa te chuan an ei tha ngam manglo ! Paliana phei chu vawi khat a hawp ve a aduhtawk der .Vanrami nen chuan si hliam hliam in kan ei a , Dawnga'n a rawn ban veleh zeuh thin bawk a . "Haldirams pawlh belh ang aw " a tih chuan ka hnial hma in a pawtthla fel leh der tawh ! A pawlh a tel tlem kan leih belh a azia tawh viau mai .
"Duati duhtawk tawh la " Paliana'n a rawn ti thûm dut a , kala ei tui mai sia tui in khawlh khawlh in ka ei lui zel a ,min dang bik chuanglo .






"Avan tui tak ,eipui neih hian atui lehzual " ti hliai in plate a a tastemaker cham bâng chu a zut a aliak duai a , keichuan ka liak ve ngam tawhlo .
"Plate hi chu nakin ah ka sil mai ang i kut i sil ve duh em ?" Ti a tui bottle min pek chuan kalo ban vat .Fian rawn la ve bawk mahse kut ngeia kan ei duh vangin kan hmang velo a , mix vel hi chu kut ngei hian ei ila a tui zual bik.
Pawnah chhuak in ka kut chu ka tleuh zuai a ,dawr chhung ka luh leh rual chuan Paliana'n a rawmawl phawrh chhuak sawt sawt in min hrûk fai sak nghal thuai.






Kan ti ti niah niah hlawm a , Paliana erawh a ngawi ngul reng . A inthlahrun hlau in ka ve tel leh zeuh thin bawk .A ph a rawn ri a , " hna lam ania ka va chhang lawk ang aw " a tih chuan chhang turin ka ti a , pawn lamah achhuak zui nghal .






" Dispo cup in nei em ?" Rawn ti lang lang in tlangval pahnih hi an rawn lût a , zu rim anla nam em em zui ! "A loose in kan neilo a " Vanrami chuan pangai takin alo chhang .
"Min pe mai la " pakhat zawk chuan ala ti hrâm !

"A pack a in la duh te anih loh chuan a theih loh a , hmundangah zawng mai ula " Vanrami chuan a ti tha leh mai a , dawrkai tih takah customer biak dan chu athiam khawp .





"Anih chuan drinks kan lo la mai ang " tih pahin frigde an hawng a , an hai buan buan a an ti tlu rem rum mai ! "Fimkhur ve ula " Vanrami ngaihdan ni talo chuan a ti ta thak !
Pakhat zawk chuan chapi zet hian "nangmah chawpa ka khâr chhawn nghal loh che "
Dawnga thinin a tuar talo , atho lawka chu tlangval chu a hnek thal ta tawp.Hmeichhe pahnih chu kan au nghal chel chul mai .
A thianpa in Dawnga a rawn khawih ve rual chuan ka tihngaihna hrelo chuan Fanta bur lian chu ka la lawk a , Dawnga lo khawih tupa lû ah chuan ka vaw pawp . Ana viau ang a ri tawk thei mai ! A chhin sak lai takin kala vaw zui ania






"Anah.... i va ngam zawk ve " tih pahin ka saman a rawn tham nghal chawt a , Vanrami'n a bân ah alo beng ve mawlh mawlh bawk.





"Zawnga thlah nghal rawh " Paliana'n a rawn tih hrawk rualin a tlu nghal tawp a , ka sam alo la manbet ka tlu tel ve tur chu Paliana'n hneh zetin minlo chelh nghal ."i tha em ?" Min ngaihtuah hmel zeta a tih chuan ka bu nghut nghut a z ka chhip chu ana ve reng mai






Chhuata tlu reng chu atham tho lawp a ,pawn lamah a hnuk chhuak nghal hrawk .A palian bawk hneh tak ani ,pawn a ahan keuh thluk pawp rualin Dawnga leh pakhat zawk lo la inchei chu ahnung lam atang a rawn tham tawk a pawn lamah ahan hnekthlu leh tawp . Dawnga chu kan kai tho nghal a , a inrinloh lai pakhat zawkin a lo khawih thut kha nia ,a na ve reuh ngawt ang pawn lamah kan chhuak ve zui nghal a .Paliana chuan amah chauh pawhin pahnih pawh alo hneh ngang mai , min kek tu zawk alo hnek mawlh mawlh chu midang lo tlan khawm chuan an apawt then vat a , bengdaih tuma abula tlan thuai in ka kuah bet tawp .Heti em em a athinrim hi kala hmulo reng reng .
Athawk ran zia lah chu pui tak ani, a la inhûm ruh tung bawk .






"Ramte enge awmzia ni a ?" Pa Khawla Vanrami pa chuan a ti a "pa anni pahnih hi dawrah dispo lei turin anlo kal a , aloose kan zuarlo chung khan min dil tlat a ka fridge a ka thil dah te saw an ti tla rem rum a ..chuan aa an pawr hmasa a Dawnga hian a hnek a an rui bawk sia Naomi te hi an kek bawk a " Thiamlo zet chuan a ti ziah niah a , zu rim an nam huam sa bawk nen a thiamlo zawk chu zawhbelh ngailo in an hre nghal sa aniang .

"Hall lamah hruai phei ila atha ang " Pa Duhawma kan veng hruaitu alo awm ve hlauh a , anin rem a ruat nghal sak sak .





"Tunge kan nih in hrelo ami , in châk dawnlo " zurui pakhat zawk chuan a rawn ti kha kha a , a thusawi chu ala inchhir khawp ang . Pa Duhawma mihring a zawnga hausakna chapo pui haw ka mihring hriata haw ber tu chuan chupa lu ah chuan a beng ta pawp . " CM hi ipa pawh nise nang ang zilh nan chuan ka hlau lo e " a ti khur khur a , ka tih reng kha maw .Pa Duhawma te ang hma ah hi chuan thiltihtheihna chhuan chi ani lo reng reng.

"E Gideona chu ! Namgmah lo ni rengin ilo awm hlauh chu ava tihzia ve , engpawh nise anni pahnih hi hall lamah kan va hruai phei phawt ange .Police ko ila a fuh ber ang , hetah hian lo awm phawt ula , a tul chuan Gideon rawn ko che u ilang a pawilo ang chu maw " Pu Duhawma chuan a ti a
"Puih theihna cheu kan neih chuan in rawn sawi dawn nia " Paliana'n alo ti nghet churh .Chu tlangval pahnih te chu Hall lamah an hruai a , helai kawng hi chu a lûn ve deuh a hmingchhiat an hlau ve te pawh aniang .






"Na ineilo takzet em " an kaldar hnu chuan min ngaihtuah zet hian a rawn ti leh sup . " Aih neilo , fanta bur lian khan pakhat zawk lû ah khan ka vua a , a chang lamin ka vaw bawk sia alu kha ana daih zawk ang " nui hak hak hian ka ti a , ani pawh akiai ve leh suk tho .
"I inhliam ve zawk em ? Pem te hi ilo nei ange ?" Ka ti ve nghal zat . "Ka tha lawm " a tih chuan ka bu deuh nghut a .
Dawr chhungah chuan kan lut leh a , Vanrami'n Dawnga hliam vel alo tihfai sak mawlh mawlh a a ang zui hlak hlak bawk .Achangin Dawnga chu a hau a , achangin tlangval pahnih kha anchhia alawh bawk a ,paliana nen bungraw tladarh ho chu kanlo rem that sak ve thung .Chhang lam ho chu keh a awm nual a ,atlakna lama keh leh zawrh theih tawh loh tur chi chhia a awm nual bawk .

vawi khat theuh a hnuaia ads milem khu i click theuh ang u aw, in fel kha


Show post links
Top

[Ngaia]

*ZûNLêNG S2* ch~18








Police lamin min rawn koh hun nghakin kan thu reng a , Pa Duhawma te veng hruaitu mah nisw tun ang lai buaina ah chuan police kutah an dah mai thin a atha viau zawkin ka hria .
"Ka ngei e keichu , an chapo ropui si " Vanrami chuan a ti leh hlak thin .
"Police kutah an dah dawn ami ?" Dawnga'n a rawn ti veleh a, "Police inrawlhtir kher angai amawnle ?" A ti zui leh nuah nuah .





"Ngai tawh e , khawtlang emaw veng ang zawng te anih tawh hi chuan hmingchhiat a hlauhawm bakah buaina punlun a hlauhawm tawh a .Tunlai mi chu inti fing deuhin kan â ru riau thin . Tunah pawh khan Pu Duhawma te khan zilh in kut lo thlak ve tawp se , khang misual pahnih khan thubuai an ziak lut let zawk daih thei a " Vanrami chuan alo ti a , engthil pawh ti dawn ila dân anga tih ngei chu tunang lai chhan ah phei chuan a tha ber in keipawh in ka hre ve bawk.

Zân dar sawm dawn ah pawh chanchin engmah anla rawn sawiloh vang chuan haw mai kan rawt ta tawp .Ka pa te'n min rawn call ve chhen tawh bawk nen , chanchin kan hrilh ve tho nachungin min ngaihtuah ve deuh anih hmel .






"Lo lawn rawh le " ti sup a , ka hma a Paliana a thuthniam chuan " angailo...ka kal ve thei reng alawm " ka ti nghal mawlh mawlh .Step thuilo te a han inpuak kher te chu a !
"I ke la hmang tam lo la ka duh a ,lo lawn mai mai rawh " a ti leh sup a , "nanga kara pawtu i hmuh zawh chuan hnial vak angailo " tih pah hian Dawnga'n Paliana hnungah min hlâng nawlh .
"Ka kalsan dawn cheu , ka hmai mut hma a vûr a deh zuai ka duh " inla zei fahrana ti zui in step ah min pên thlak san ta nul nul.





"Min mangtha ve tal awm ania " Vanrami'n alo ti nui nui a , Dawnga han mawl zia hi chu aw !
"Anih mangtha u aw , zanin inlo awm ve hlauh chu ka va lawm tak " akut min vaikhum nghal lauh lauh .
"Muttui le " Paliana hnung atang chuan ka ti ve a , Paliana pawhin thum dut hian "anih le " a ti ve dut .
Zawi muang hian min penthlak pui a , min zawhloh vang nilo in chance a dap ve deuh ni hian ka hria .





"Duati ka tel lo chuan zân lamah hi chuan chhuak tamlo la ka duh viau .Zanina thil thleng ang te kha ,awmlo ilang an khawihna ve hman hial ang che " a ti zawi sup a , buaina a thlen hnu khan ala tawng leh mang miahlo tih ka hrechhuak .
"Ka that hi , bakah amak lutuk zân ah te hian ka chhuak ngai manglo ania.Ka chhuah ve chhunah hian buaina ka tawk fu thei tawp ! Buaina hian min ûmzui det det reng nimai in ka hria " uangthuang zet hian ka ti a , a lo thaw hak .Ka ngaih thutak loh nen a ngai thutak leh tawh ani chiang mai angawih reng dân ah .






"Ka rit em ?" A tawng ve lawk loh vang chuan ka ti sep a " Kalo la paw reng che ani maw ?" A ti fiamthu ve ngei .
"Ka rit ngawt ang " ka ti leh sap a , lian han tih tur ka nilo chung hian ka khal mar ve tang a rit lo tih tur chi ka nilo hrim hrim .
"Nangmah ang panga hi chu kala zo zán zân "





Kan in pêng kan thleng a , kawi nghal mai lo chuan a ding vang vang a , engmah pawh sawi leh chuanglo in a kal zawm veleh mai bawk a .
Kan veranda zawn ah min nghat in " atlai tawh emai kalo lût ve tawhlo mai ang " a tih sup chuan "umm " ka ti zawi sep ringawt .
"Muttui le " a tih chuan a bân ah ka vuan chawt a , "englo...â tluang deuhin i haw dawn nia " ka ti ta ringawt .Kan inhmuh reng lai pawh a ka ngai tlat hi ka hrethiamlo ! Riak tura han tih chi lah ani bawk silo a .





"Ka ru haw daih mai dawn che mi ?" Thutak zeta a tih chuan " iti anglo emai a " ka ti nghal vat .
"Kalo riak mai dawn em ni ?" A ti leh a , tunah chuan anui tel suk tawh .
"â....a tihchi loh ang " ka ti niah niah .
"Anih chuan min thlah tawh la , min chelh reng chuan ka ru haw daih tak tak duh ang che " a kut kalo la vuan reng tih ka hre miahlo ! "Min ngai ve angem ?" Zanin hi enge kan hriat ni ? Kan inthlah thei der lo !
"Umm"




"Umm chauh maw ?" Ka va ngei tak .





"Ka ngai che , ka bula i awm reng lai pawh hian " ka tih chuan min dinhnaih in min kuahbet nghal vek " Duatte keipawh itaksa si reng a ka awm pawh hian ka ngai tho che . Kan inthlakhlelh tawn zia leh kan in mamawh tawn zia hi i hrethiam tiraw ? Min nghah rei tir lo la ka ti khawp mai ." A aw zuai lutuk chu ka hre thiamlo !
"Lut tawh rawh le " ti leh in min thlah a , enliam ka duh viau na in ka ngaizual mai mai dawna ka hriat vangin ka lût hmasa zawk .







Inchhung ka luh chuan ka nu leh pa te anlo la meng a , thil thlen dan Dawnga'n a lo report mek .
"Awmlo ilang chuan thil pawi zawk athleng ngei ang .Ka awm hlauh a , nula pahnih te an na ve lo hlauh zawk a , an tan ka vûn phah ta deuh anih hi " a lo insawi thiam char char chu niin !
"Gideona anih kha aw min chhan tu ber " Paliana hming alam velo chu ka tha alo na pek .






"A awm ve tak maw khah ? Theihtawp chhuah a mipa hnih ka beihrawn lai chiah kha ka lo hria a " a tih chuan ka lo ner nawk .Pakhat pawh ahneh manglo kalo pui zawk ani reng sia . "Ka tanhmun in zirlo se chuan ka na miahlo ang mawle " a ti leh a , hei chu a dik ve ta deuh .Thingtlang mi kuthnathawk thang ani a , chak pawh a chak an insual dan khan a zirlo ve bawk em a atan tan hmun han lak vak ngaihna a awmlo ve bawk ani .

"Mate dawr thil a chhe nasa em ?" Ka pa'n a tih chuan " chhia han tih tawp tur chu awmlo mahse dawrthil biscuit tihvel an tikeh rem rum a , zawrh tlakloh chu a awm ve nual in ka ring " ka ti a . Paliana khan pawn lamah ahnuk chhuak ta hlauh zawk a nilo se chu tun ai hian Vanrami bungrua zawrhtlak loh tur a tam zawk in ka ring .






Ka nu leh pa te'n Dawnga an buaipui bawk a tiin inchung lamah ka chhoh san a , ka ha te nawtin ka hmai te ka phih zawh hnu a ka tuilumip ka charge leh zuai a . Tuilum ip hi thlasik intan chhoh vel lai khan Meesho mi ka chah ve a , te fel at , charge mai theih ani a ,atha khawp mai .Pangtilum ngahlo chi ka nih piah lamah ka kut leh ke hi a lum har bik a , ka mut dawn hi chuan ka charge lum ngei ngei tawh . A tlawm zia ngaihtuah in ala tha reng a , amak zawk . 189 man chauh a ka chah ania , thlakhat vel min daih chuan atawk ka tih laiin thlahnih leh chanve dawn ka hmang ta reng mai .Thil mantlawm nazawng hi alo chhe vek kherlo anih hi maw .






Paliana hnen atang athlen chiah thu ka dawng a , kei ka mut lum mai mai theih tawh laiin ani chu hna khawih tur ala nei ania ! Hausak phu hi chu an awm deuh ani .

Ka ngaihtuah neuh neuh a , Paliana'n inneih lam a sawi zing ta riau mai si .Pasal nei tur chuan kala inpeih lo ka ti viau a , inpeih ni erawh ka neih theih tak tak ka ringlo thung .Kum em pawh kanla inzui lohna hian neih mai min ti hreh a , chutih rualin mipa rintlak tak ani tih erawh ka chiang viau thung .A kum ka ngaihtuah a , anaupang tawhlo viau .Engpawh nise ka pa te han hrilh hre ve hrim hrim phawt ila ,lo chesual in lo rai ta thut ang ni ta ila ka neih hreh viau ka ringlo a .Ka neihduhloh chhan tur ka ngaihtuah nasa a , a chhan tha tak erawh ka ngaihtuah chhuak zo chuang miahlo thung ! Keihian Paliana nupui nih hi kalo hreh lo ru viau zawk nge mawni ?







"Mate...harh teh ..mate " min rawn sawi nawk nawk tu an awm vang chuan ka meng riai riai a , ka nu hian minlo kaihthawh alo tum nasa alo ni .
"Iva harh theilo ve ?" Ka meng tih a hriat rual chuan a ti vak .
"Nu enge zing zing ah , mitthi an awm ami ?"





"Awmlo awmlo , Vanrami alo kal tho vat rawh .Police station ah in kal ve angai anih hmel " a tih chuan ka harhchiang nghal kawk .





Thi vatin ka hmai ka phih sawk sawk a , ka hoodie dahchhuahsa lian zet chu ha in jogger pants ka hoodie hak rawng ang chiah chu ka inthawlh leh a .Crocs bun tawpin inhnuai lamah ka chhukthla zui .
"Iva tho har thei awm ve " kan sitting room a Vanrami lo thu chuan min hmuh rualin alo ti var .
"Tinge police chuan min rawn koh leh si a ,nangmah chauh an koh che ka rin nen " ka ti niah niah .






"Ka hre biklo , ka pa an rawn call a .'Nizana dawr chhunga awm ve zawng zawng rawn kal lawk se ' an ti"





"Ka va peihlo e " ka ti niah niah .Police station a koh chu sawiloh a chhung pawh kala rap chhin miahlo .





"Paliana kan call lawk "




"Gideona maw ? Inu ka hrilh tir tawh a rawn thleng tep ang . Kawngah lo zu nghak ila , Dawnga pawh kawngah a chhukthla tawh " ati zung zung a , ka nu nen number anlo innei tawn reng tih ka hre ve chiah .
" Kan rawn kal ve dawn nge " ka pa chuan thingpui no chawi chung hian a rawn ti a " â...angaihran lo ang.Ka pa a rawn kal ve dawn tho , Pu Duhawma a sawm tel bawk a ,atawk viau ang " Vanrami chuan alo ti mai a ,min han koh tak tak chuan ka hlau ru deuh riau mai!





"Vanram keichu ka hlau deuh e " pawn kan chhuah rualin ka ti chhuak sep , ka pa te tih buai ka duhloh vangin inchhungah ka sawi ngamlo mai pawh a .
"Nge i hlauh ve ngawt a ?" A ti nang nang .





"Police in minla ko ngai hleinem " ka ti hlar .





"I unaupa phei chu khu thingpui leh chhang a ken vang khu ,hlauh tur a awm lo " Kawnga Dawnga dispo cup leh paratha lo keng luau min kawhhmuh in a ti hliai a, an hlau ve miahlo chu amak .

Kawngpui kan thlenthlak rualin Paliana motor a rawn tlan lut ve chiah a , min hmuh chuan a inturn zui veleh nghal .





A enga mah hma in inti neitu tak hian ahma seat chu hawngin ka thu lut ve thawr a , ahnungah Dawnga leh Vanrami an rawn lut ve nghal zat bawk .Dawnga pek chuan a thingpui leh chhang chu a eizawm mawlh mawlh .
"Naom kan tan hlauh tur a awm lo tak tak ania aw " Vanrami chuan a rawn ti leh kher a , Paliana'n min melh zuk in " i hlau maw ?" A ti sup .

"Ka hrelo , Police station ah kala kal ngailo a ka tih deuh " ka tih chuan a kut lehlam in ka kut a rawn hûm hnan a , "ka awm hi , hlau suh " a ti zui sup .Tlem chuan ka thla amuan phah deuh e .






Police station ah chuan kan lut a , nizana tlangval pahnih te kha chair ah lo thu in an kiangah chuan nutling pakhat leh patling pahnih ka la hriat ngailoh anlo ding bawk .
Kan hnungah Pu Duhawma leh Vanrami pa an rawn inzui lut ve nghal zat a ,an lo thlen hmasak tawh zawk ka rin nen kan thlen khalh anih hmel .





"Kha inlo kal kim maw "Pu Duhawma Police pakhat in ahmuh rual chuan a lo ti var a , tlangval pahnih te bula ding te chu an rawn hawi nghal vut .
"A tu ber hian maw ka fapa chu kut lo thlak cheu a ?" Nutling pui chuan a rawn ti nghal hlak hlak .
"I fate khan hei ka fanu dawr ah hian buaina an rawn siam a , a pawi khawp mai zu rim anla nam em em zui lehnghal a " Vanrami pa chuan a rawn ti dam dap a , pa zaidam leh fing tak ani a ,tawngka vin a hmang ve eihlo .





" Thil lei turin kan lut a , hepa hian min khawih ringawt a ,abula ding pa hian a rawn pui bawk a . Ngawiteh nangnu hi nilawmni ka lu a na taka min vaw tu kha " pakhat zawk in a rawn tih rual chuan " a awihawm loh emai a , ih..fanta bur in ka vaw ringawt che anih kha.Plastic bottle lehnghal ania ana vak awmlo " kalo ti nghal nawk nawk.Palian'an ka kut a raqn hmer salh a .





"Ka pi , i fate hian mawilo takin kan nula te an be hmasa a , kut an thawh tel bawk .Dánin hneichhia te dikna chanvo a humhalh zia i hriat ngei ka ring .Buaina ti punlun lo zawng hian che zawk ula a tha ang " Paliana'n a rawn ti nghet churh .






"Zawk zamah cheu chuan tunge ka nih in hria em ? Jail ah ka duh chuan ka tân tir vek thei che u "chu nu chuan a rawn ti ta phiar phiar !
"Tum chhin la " ti thum dutin "case kan file belh ve bawk ang .Tu zawk nge jail a tang zawk chu kan hria ang chu " a ti leh nghut a , Chunu chu angawi dak tawh .






"Ni e ka pi , i fapa te hi a thiamlo hmasa zawk leh rui zawk an ni a .Dân ang zawnga kal induh phei chuan a tang tur zawk an ni . An ni hian an ngaihdam theih cheu chuan case siam kherlo pawhin in chhuak thei a ,inrem tum zawk ula atha zawk ang mawle"



"Kan .." a ti leh tur chiah chu " Nunhril ngawi tawh rawh , Malsawmkima te'n min tih zah tawh tehlul nen " abula ding pakhat chuan a rawn ti ta fak a , chutah "min ngaidam hram rawh u , anla naupang a ,case an neih chuan an tan engkim a tawp animai .Mami i dawr bungraw chhe zat te chu sawila kan rûl dawn che nia.Case chu ziahluh loh theih hram nise ka duh viau mai " a ti ta dap dap a

"Zangnadawmna ang zawng chuan angailo e , an ruih vangah kan ngaihsak mai aniang chu . Case chu keini lam chuan ziah kher ngai kan ti lo e " Vanrami pa chuan a rawn ti ve dap dap a , a rilru atha a , angaihdam leh hmak duh kha ka ring reng ani.






An sawisel lemlo bawk a tha te te in kan insawifel thei ta a , ka thaw deuh huai thei .Dawnga leh kei Paliana motor in kan haw a , Vanrami apa te bulah a chuang ve thung .Kan kal lam a ka hlauhthawn nen rin ai takin kan ti fel leh hma thei sia , tullo ah kalo inti hah ve mai mai ani .








Ka mal in damlam apan zel a , tunah chuan duh ang tawka kal thei tawh in intern pawh ka tih zawm leh tawh . Internship ka zawh dawn hnaih ah inneih lam chu ka pa te ka sawi pui ve tawh ang .
Paliana a zin chhuak deuh reng a , tunlai phei chu buai tak ani ! Sihphir a akal loh leh Bengalore ah te akal leh daih ang zel a intuha lo thei tak ani . Thing chauh hmang tawhlo in marble tih vel hmanga furniture siam chhoh an tum mek a , chuchuan a ti buai thawkhat viau mai .






"Naom Zin chungchang kha enge i chanchin ve ?" Zualtei'n a rawn tuh chuan ka thaw deuh hak, kalo theihnghilh chiang lutuk a !
"Ka hrelo ka chhungte pawh kala hrilh lo " ka ti sap .
"Thutlukna i siam har emai a , i inngaihtuah chhungin kal hun ani mai dawn " a dik reng mai , ka châk zawk zawk tawhlo nge ka ngaihven lo emai .
Karleh mai hian eng khua nge ka chiang ta chiahlo , an khaw kum 100 tlinna pualin thisen Hospital tân an rawn donate dawn a , a khua ang tawp zawnga donate hi anla tamlo viau ang nge anla awmlo zawk hial maithei ani .
Staff pangai an indaih dawnlo nen , internship tilai chu an kal deuh vek dawn .Kal turin min ti ani mah ang chu , zirlai engmaw zah an hruai tel dawn bawk a. Chhuanlam tha tak neih loh chuan kalloh athianglo ,mahse kalloh theih dán ngawt ani ka ngaihtuah ni .






"Zanin ah kalo hrilh chiang ang che " ka ti ta sep ringawt .Kal chu ka tumlo sa hrim hrim a , Zualtei pawh hian a hre deuh tawh tho ang. Zing khawvar hma atanga chhuah a , tlai thim hnua haw leh nghal angai dawn a , chutah a tuk hna a kal leh ala ngai dawn zui.Kei phei chu ka junior veleh chhawng te aiin ka internship tih hun tur chhung a rei deuh bik a ,achhan pawh ka accident vanga ka kal theihloh hunlai zawmg zawng kha rulh leh vek ka ngaih vang ani.






Bân ah chuan sum save nan tiin Bus a haw tumin ka châng a , Paliana hian min thlah mai zel a , tunlai erawh abuai em vangin ka tihbuai belh ngam lo .Zualtei pawh Bio dept a kan senior nen an inzui ve deuh a , an inphur haw ve deuh ziah .
Ramhlun lam kal tur Bus a rawn thlen rualin ka inhnawh lut ve nghal zat a , thutna erawh ka chang lem hlei lo a .






In ka thlen chuan ka û in rawng alo bawl mawlh mawlh tawh , "rin aiin ilo thleng hma a , ka nu lam tura chhuah lawk ka ngai dawn a han inthlak la chawhmeh hi lo vil mai rawh aw " alo ti nghal sawt sawt .
"Tinge ka pa ?" ka tih chuan "an puten chaw ei ah an sawm lui deuh tlat aniang ka nu'n a rawn sawi a " a ti a , ka bu liam ve mai .Ka pa hian zu hi a thlah chho ve mek zel a , vawi leh khata nghei tawp chu aharsa ve bawk dawn em a , mut dawn ah tlem a in leh zeuh thin aniang a rim nam awm pawh kan hre ngailo .Mahse ka nu hian zu bottle ruak a rawn khai chhuak leh thin a , ka nu berin a sawisel lo anih chuan sawisel ngai awm turin a awmlo tihna ani mai .






Inthlak in intifai hmasa lo chuan inhnuai ah ka chhuk leh a , ka û iskût lo bai mek chu ka vil zawm a , "i theih chuan hmarcha hring leh purun var kha lo rawt la .Ka lo haw hunah pawh ka rawt thei tho aw " ti in chahbi leh helmet ala a akal zui a , bai ahmin chuan hmarcha leh purun var chu kan rawt ve ngei a chip tha duhlo tak ani ! Hmarcha ka rawt chip thei ngai miahlo hi amak! Ka den chawrh chawrh lah hian ka mit ah a per ziah lehnghal !
Hmarcha rawt thak deuh ringawt chu tiin kawlbera leh pudina chu ka telh a , hmarcha hlang ang tawp hi chu ka ei ve hleitheilo .Thak ngam viau mah ila ka ka chhung ah hian abuai tlat zel .





Ka nute anlo thlenin zanriah kan ei nghal a,ka chaw ei a tui leh pek khawp mai. Ka taksa tana tha tur vitamins ka damloh laia min chawh ho kala ei zawm zel a , tunlai tak phei chu ka vun a nung in ka êng ve phet phet hian ka hria .
"E nu karleh hian Hospital lam zin chhuah kan ngai tak asin .Englo khaw kum za tlin pualin akhawpum angin thisen an donate dawn anih hmel " ka thleng thlengsilna hmun a dah pah chuan ka ti chhuak a

"An va titha ve , khaw entawntlak tak an nih chu mawle " ka nu in a ti hlauh .





"Ka kal peihlo deuh a , a tough dawn lutuk a " ma ti nang nang .





"In hna angah te chuan peihlo an sawi an sawi ngailo , thatchhiat viau loh tur " minti let erh! Mi kan kal peihlo ani ve mai a .




Kan nufa ho a T.V kan enthup lai chuan ka û ph a rawn ri ral ral a "hello " tiin a thu tha zui a "tu maw ?" A ti leh a , a awki apangai loh vangin ka nu nen kan lo en nghal hâ .. "a awle kanlo kal nghal ang . Nu tinge khawnge i phone ?" A ti nghal hlak .
"Room ah ka charge " a tih chuan , "Greenwood Hospital ah kan kal nghal angai , ka pa nikhawhrelo in a tlu " a ti ta mai ! Ka nu nen chuan kan in melh haw haw ani ber .





" Insiam vat ru "in ngaihtuah chhuak harh thuaiin ka nu chuan a ti that a , kan che nghal zung zung .Ahmanhamwh thlak em vangin kawrlum ka ha ringawt a , ka nu leh ka û pawhin an hak ngai tho an rawn ha chhuak .
"Nute enge a ?" Dawnga hnathawk haw a rawn lut ve nghal zat .
"Dawnga i patea nikhawhrelo in a tlu deuh thut anih hmel , i bike in min phur la hospital ah kal thuai angai .Nangni unau kha rawn inphur bawk ula" ka nu chuan a ti zung zung a , Dawnga pawh intifai hmanlo in a chhuak zui veleh nghal mai bawk .





Ka û phurh ah chuan chuangin ka tang ru teuh a , ka pa hi a chhel in a hrisel viau in ka hria a , hospital awm ngai khawp a han damloh pawh hi a nei ngai mang mang lo .Pathian zarah kan chhungkua hrim hrim hi tunhnai a kei hospital a ka awm tihloh kha chu na taka han damloh kan nei ngailo a , chuvang pawh chu ani mahna kan hlauhthawn em em hlawm ni .






Hospital kan luh dawn chuan Guards in minlo la dang zui a , kan insawi fe hnuah "reilo te lût ru" a ti sup a , a hna mah nise khawn fawk ka châk takzet .
"Nu " ka nu kan hmuh rualin kan ti nghal , Dawnga nen anni bawka an tlân chak deuh aniang .




"Nu ka pa chu enge a an ?" Ka û in a tih chuan "ICU ah a awm " a mittui hru zeuh hian a ti a , ka lo thaw hak ."ngatinge ?" Ka tih zawm ve zat .
"Doctor te sawidân ah chuan stroke anih hmel " ka pa thawhpui lo awm ve in a tih rual chuan ka nghing deuh dawt ani ber .
"Zanin pawh a daih kher a rinawm loh an ti a "ka nu chu a insut nghal hlawp hlawp .Ka û in a zuk kuah thlawp a , an insut ri zui mawlh mawlh .


Show post links
Top