MY FAVORITE MEDICINE -19

[Mimite-i renthlei]

Chapter-19.
.
JENNY'S POV.
.
Bazar atanga hla vak lo ah chuan building lian pui mai lo awm na bulah chuan kan chhuka Jesse chuan.
.
"Hei hi ania" tih pahin motor atang chuan a chhuak nghala, chhawng khat chauh mah nise a zau in a sei takzet a pawn rawng pawh an lo hnawih vek tawha, kan luh hma chuan a pawn awmdan chu ka en kual leh te te a. Timmy-a chuan Jesse nuih suk pah hian, "lut ila" a ti a, an awmdan vel chu uluk takin ka lo en vat zel mahse min hmuh hma in ka mit ka la sawn vata, inchhung awmdan vel ka en kual nghal.
.
"Achhung chu a zau tha khawp mai ti laiah hian show case tur hi awm se pawn lam lamdan atang pawha mi ten an en chian chak theih na tur in achhan chu a bang hi dangthlalang vek ani tho a bungrua pawh a hmuh chian theih dawna tah hian dah ila adang zawng chu an mahni bungraw lei sa kha kan rem mai dawn nia, chuan khawi lai nge naupang bungrua dah na tur kha keiman ka chei angai dawna mipui te mit la thei tur ang ber in kan chei ang" ka ti nghal zung zunga Timmy-a chuan.
.
"Saw lai room kan pindan lai deuh bik saw ania, tah sawn naupang cycle leh thawmhnaw chenin dah kan tuma"
.
"Anih chuan a that nasat chu mahse tinge saw lai ah kher sawn in daha a awm na saw ava hla lutuk naupang chhang chhe deuh tan luh a awlsam zawk nan kawngka bul sir dinglam ah hian dah mai ila"
.
"Mahse.......tih that leh vek angai dawn asin pindan saw kan thiah vek angai dawn bawk sia" Jesse-i chuan alo ti ve vata.
.
"Anih chuan saw idea saw tu tih nge ni reng renga hemi atan hian ani lawm ni min rawih engvang ngawt in nge kan sawn theih loh ang kan thiat leh vek angnga a ni mai alawm" ka ti leha.
.
"Mahse......." atih lai tak chuan Timmy-a chuan, "ti rawh se a sawi dik alawm heta kan dah chuan naupang tan pawh kal a awlsam zawk dawna ani lawm ni Jesse" nui sen sen chung chuan a ti a. Jesse-i chuan nui suk pahin a lu a bu nghauha, "nia i tih dan dan ani mai kei te chu mikhua lo dawn sawn bak thiam ka nei chuang hleinem, ti daih ila unau in ni tih hi tinge in va sawi chhuak lo ve, Johnny-a kha ka lo zawt a pawi in tih loh chuan phir in nih thu a sawi a" tim deuh dak chung chuan a ti banchapa. Keichuan a mitah tak ngawi rengin ka lo en kara.
.
"Ni e, phir kan nia lawm mahse kan pian tirh atang lak hran kan ni ve ve a chuvang chuan hun rei tak chhung chu kan in hmu tawh lo a, tunah kan thawk dun leh thei hi ka lawm hle mai, nang Jenny engnge i ngaih ve dan" a mit ko san ak chung chuan min rawn en a.
.
"Um, kan in hmu leh hi ka lawm khawp mai engkim ah i mi puih na ka ngai dawn ania" nui suk chung chuan ka ti a.
.
"Lawk aw phone hi ka va chhang lawk angnge tikhan lo thawk mial mial mai rawh u" pawn ah chuan a chhuak nghala, bang vela bungrua rem na tur lai chu ka en kual zung zunga, lehkhabu ah ka draw nghal a, chutia ka enkual lai chuan Faith-i chuan kan hmanrua tur alo rem fel sawk sawka.
.
"Unaupa i nei tha hle mai, Timmy-a hi a fel takzet a hna a tlin bawk si enteh hei bracelet hi min leisak anih hi analh em?" Jesse chuan nui ver ver chung chuan a rawn ti a. Ka en thuak ringawt ka lawm teh chiam lo ka thik takzet mahse thik thei ka ni lo tih ka hria.
.
"Mm, ava nalh ve i vanneih hle mai Timmy te chu mipa fel tak ania lawm a thikthu a chhia tih mai loh chu"
.
"Ani maw engtin nge i hria.......e ni dawn tak a unaunu i nia lawm tiraw nia Timmy hi chu a luhlul teh mai ania, a duh loh zawng te hi a pe na thei sia mahse chhungril takah hi chuan mi tha tak ani in ka hria" nui ver ver chung chuan a ti leha, keimah ber pawh min en lo Timmy-a phone hmang lai chu duh tih hriat tak hian a en dauh dauha. Faith-i chuan bungrua lo remfel in alo buai ve hle bawk.
.
"Hna kan han thawk tan phawt angnge nidangah kan la sawi zawk dawn nia" tih pahin Faith-i chu ka va pui nghala.
.
"Jenny, ka nau te ho ka bia a pindan siam tha tur chuan an rawn kal dawn anih chu aw tikhan tha in tih ang ang khan lo ti mai rawh u keini chu kan kal phawt mai nge Hotel lamah tih tur ka nei a anih phawt u" min rawn en chung chuan a ti a, ka en ve apiang in ka tha a khur der dera ka hmulthi ading sur sur thei kal lo tur in ka va duh si em, mahse ka thu lo ve bawk si abulah engtin mah ka duhzia ka ti lang ngam tawh bawk si lo ka hmangaih lutuk che Timmy ka rilru chuan ka ti chuai raiha. An kal liam thleng chu ka thlir renga.
.
"Hey, nanghi i la hmangaih anih te chuan kal la va hrilh tawp la ti nge engmah i sawi loha ani pawh khan a la duh chiang che alawm a awmdan atang khan ka hre vek"
.
"Maw.....i ti awm ang lo lutuk engtin nge chutiang te ka sawi theih teh lul ang bakah buai na neuh neuh kan nei leh angnga chu ai chuan ti hian ngawi reng ila nupui a neih hnu te chuan keipawn lungawi takin pasal ka nei ve thei mahna kha nu nen khan an in hnim hnai riau mai i lo hmu ve em motor an luh dawn te khan an nui dun hak hak anihkha an hlim viau aniang"
.
"Mahse ani te kha chu a assistant ani lawm ni engtin nge aduh theih teh lul ang"
.
"A ban a abun kha Timmy-a pek anihkha inngaizawng lo se a pe tawp nang"
.
"Ani maw avan mak em em engtin nge i tih ang?"
.
"Lungngai suh keipawn ngaihzawng ka la nei ve vat dawn alawm ani tih el nan te chuan tupawh ka kawp thei ang chu"
.
"Yes, tak tak maw anih chuan tunge ni angnga?"
.
"I la hre mai ang" ka ti duh chauha.
.
Hna kan thawh zawh hma chuan hmundangah ka hna thawk tur in tlai lamah ka kal chhuak leha chawhnu lam chu Faith-i kutah ka dah deuh chawt thung. Zanah chuan ka pi leh pa te nen kan nula te nen chuan sitting room ah t.v kan en mai maia, keichu ka laptop nen ka inchawp renga ka nin chang in t.v ka en thul ka rilru ah bialpa neih ringawt ka ngaihtuah tawh kha nu nen a an awmdun vel kha ka hmu kham khawp mai ka thik takzet.
.
"Pa thil pakhat min tih sak thei angem?"
.
"Engnge ni a han sawi phawt la" t.v en chung chuan a ti a, ka laptop chu ka dah thla vata abulah ka va thu tha sawk sawka.
.
"Bialpa tur min lo zawn teh mi tha deuh hlek date tur ka duh" ka tih chuan a t.v en lai chu arawn hawi let vata.
.
"Engmaw bialpa tur maw? I duh tak tak ami?"
.
"Um, duh e nula senior ka nih tawh hi"
.
"Tinge nangmah pawn zawng ve mai la nang ang fanu hmeltha leh lehkhathiam ka nei che a tupawn an duh ang che chu"
.
"Anih chuan min zawn lo mai rawh pasal ka nei lo angnga a ni mai" fiamthu ti tak deuh chuan ka ti leha.
.
"I va ho mai mai thin tak ka lo zawn ang che ka thianpa fapa doctor specialist a awm alawm ka lo bia ang"
.
"Maw doctor bawk maw ka duh lo midang an awm lo ami?"
.
"Ka hre lo midang tumah hriat ka nei lo doctor te chu an tha ber a lawm"
.
"Anih chuan naktuk ah min in hmuh pui la"
.
"Ka tel ve kher angai hleinem ka lo bia angnga thil in eichhuak mai dawn alawm"
.
"Ka va han lawm tak kum hei leh chen hnu ah pasal neih i duh ve ta chu a ni a, i pi pawh a lawm ngawt ang" nui vur vur chung chuan a ti a.
.
Atuk ah chuan Faith-i nen kan hna chu kan tan leha, bungraw lo thleng tur te a awm avangin sneaker dum leh jeans tight ve deuh leh t-shirts chu ka ha tawpa cap ka khum leh taxi chuan ka in khalh phei ta nghala. "Faith, vawiin chhun chu mi date tur ka nei a"
.
"Maw i ti tak tak ami?"
.
"Um, ka pa in min kawhhmuh alawm inhmuh na tur hmun pawh kan thlang fel vek tawh King Hotel ah ngat mawle"
.
"Anih chuan.....Timmy-a te Hotel ah maw in inhmuh dawn" phawk fe hian a rawn ti leha. Ka lo nui suk ringawt ka phone ah chuan hla ka play a zai rut rut chung chuan bungrua rawn thleng ho chu ka lo rem fel pui zung zunga. "Naktuk lamah pindan hi an siam zawh ka ring a lemziah pawh ka tan nghal ang aw"
.
"Anih chuan hna i thawk kawp nasa sia tunkar chhung in i zo fel hman dawn a mi?"
.
"Ka hre lo le, zan lamah te pawh ka ti tawh mai aniang chu tun hla chhung chuan zawh fel ngei ngei angai tawh sia, Timmy-a pawh hi arawn kal ngai miah lo a rawn en ve se ka ti asin mawle"
.
"Kha....." Faith-i chuan a rawn ti ringawta ka hre thiam chiah lo chuan, "Engmaw" ka lo ti hu a, ka ti lai mekin ka hnung ah hian tu emaw ni hian min rawn khawih thuta, ka phu chiang ngei mai te thawt pah chuan, "awii min ti phu lutuk" ka ti hman tawk Timmy-a a ni reng mai ka hnungah alo ding reng chu niin a rawn nui suka.
.
"Tun lawk khan ka hming i lam ri in ka hria min lo va ngai tawh awm ve a heheh Hotel lamah ka buai deuh a tin lawm le ka rawn kal hman lawk lo a tunah hian engnge an khawih meka pindan chu an siam fel tawh em?" Tih pahin kawngka bul a bang an chhut rik bur bur na lam chu ava pan nghal a, keipawn ka lo zui ve vata.
.
"Vawiin chuan an zo fel tawh maiang naktuk atang chuan ka chei tan tawh ang bungrua rem fel vel hi chu i hnathawk te kut ah ka dah tawh maiang hei a awmna tur lai chu ka siam zo thawkhat tawh" en mang lo chuan a beng bulah ring zet hian ka ti a, chu tia ka tih lai mek chuan Jesse pawh kan bul ah rawn kal ve in.
.
"Timmy ka ril atam tawh e .......thil eichhuak ila" pangchang aw deuh tak hian a rawn ti a. Timmy chuan a hnungah dawm pah chuan.
.
"Nia kan ei dawn nia Jenny thil in ei tawh em?" Arawn tih zawm zata.
.
"Maw......a .....aih la ei lo"
.
"Anih chuan kan bulah lo ei ve ula hei chhun thil ei a hun tawh alawm" Jesse chuan thu tak hmel tak hian a rawn ti leha.
.
"Ka hman lo mi hmuh lawk tur ka nei a chawhnu lam chu ka awm lo ang" ka tih veleh Timmy-a chuan rang fe hian min rawn en kara.
.
"Anih chuan Timmy kan pahnih in kan ei mai dawn em ni?"
.
"Keimah ka hman a lawm kan pathum in kan ei mai dawn nia" Faith-i chuan kan tawng lai chu rawn pawt chatin a lo chhang ve vata.
.
"Nia a pawi chuang hleinem" Timmy-a chuan zawi sap hian a ti a.
.
"Ti khan lo va ei ula ka va in thlak lawk angnge" tih pahin basement lamah chuan ka luhsan a, ka inthlak fel hnu chuan ka pa in hmu tur a min tih pa awmna King hotel lam pan chuan ka kal ta a. Ka thawmhnaw nalh ber ber ka ha chhuak ve a kawrfual var leh pheikhawk pink ke artui sang deuh hlek chu ka bun a dinning hall lam ah chuan zawimuang in ka va kala, table no 2 ah a awm tur thu min hrilh vek tawh bawka ka va pan nghal chata. Keimah min hnung chhawn zawnga thu anih avang in a hnunglam chiah ka la hmu thei ahnung lam lan dan ah chuan mipa smart ve tak sang lampang lu um pawh amawi tawk chiah hi ani reuha asam chu a buk deuh hlek mahse tunlai sam ang tak in a ti phir deuh a nasa phei chu a ni lo. A hma ah tak chuan ka va ding chawta ka thin a phu ve deuh dut dut mai.
.
"Hmachhuan-a i ni em?" Ka va ti tawpa ka then deuh thaw lehnghla. Ani chu ali ding vata nui deuh chung chuan.
.
"Aw ni e, nanghi Jenny-i ini ang maw?"
.
"Aw ni e, min lo nghak rei tawh em?"
.
"Nghak rei lo e, lo thu rawh i rawn kal loh ka hlau lutuka" a nui leh haka.
.
"Keipawn i lo awm loh ka hlau ve tho alawm hehehe doctor maw i nihkha?"
.
"Aw ni e, nang interior designer tiraw i nih"
.
"Aw ni e, artist ropui ka nih hi ila hre nange" fiamthu ti tak deuh chuan ka ti a, ka mitah tak min rawn en a.
.
"I hmeltha hle mai"
.
"Hehehe, i van ti lawmawm"
.
"Eitur kan lam dawn a mi niang i ril atam tawh em?"
.
"Tam tawh tho mai"
.
Eitur kan order zui nghala ka rin ai daihin kan in mil phian a fel in fiamthu a duh bawk si kan inkawm tawk khawp in ka hria ani pawn a hmelah leh min biak dan ah min duh ve chuan ka hria mahse he ka thil tih hi ka tan a ti vek ka ni si a. Timmy-a thik tur a ti mai mai chauh ka ni tih hria se chuan min haw khawp ang. Chutia kan inbiak lai tak chuan pawn lam atang lantlang vek thei anih avangin Timmy-a leh Jesse rawn inzui phei hi ka va hmu a, min hmuh theih ngei tur a awm ka duh avangin darthlalang beng dawt chuan ka nui uarh uarha, nuihzathlak kan sawi pawh ni si lo a ka nui vak mai chu Hmachhuan-a mak ti chuan min en deuh hu hu a. Rei vak lo ah chuan a rawn nui ve ringawta. Min rawn hmu ngei ani tih ka hre thei ka mitsir in ka va melh zeuha. Arawn ding deuh chuta akal tlang lehnghal.
.
"Jenny, hetah i lo awm reng a mi hmuh tur ka nei kha i ti sia?" Timmy chuan chiang fahran a min en chung chuan a ti a ka lo nui suk a.
.
"Hei ka mi hmuh tur chu ka hmu reng alawm, Dr. Hmachhuan-a anih hi chuan hei hi" ka ti chiah Hmachhuan-a chuan ding meuh in a chibaia.
.
"Timmy-a ka hria alawm Hotel nei tu hi i mi tiraw?"
.
"Aw ni e"
.
"I hre hlauh chu a tihzia khawp mai, hei ka unaupa anih hi ka phir pui ania"
.
"Ani maw ava mak ve i pa in engmah a sawi si loa unaupa i neih thu vel"
.
"Nia kan cheng dun loa kan nu leh pa te bul ve ve ah kan awm alawm"
.
"E ni maw, chuvang anih chu engmah ka hriat loh"
.
"Jenny, karleh hian Johnny-a akal leh tawh dawna naktukah thlahna hun hmang ila kan tia hmanni pawn a sawi zuai tawh kha an inah party tenau a siam a hrilh tur che in min ti a ilo kal dawn nia tlai dar 5 ah aw"
.
"Aw kan lo kal dawn nia"
.
"Kan lo a.......?" Mak tih hmel tak hian a rawn ti leha.
.
"Hmachhuan ilo kal ve ang tiraw?"
.
"Nia min sawm te chuan lo kal chu ka chak ve alawm" Timmy-a melh kar chung chuan a ti a.
.
"Um, in lo kal dawn nia" tih leh kal a rual nghal a tum bur bawk sia a hnungah Jesse i'n a unzui dawr dawra.
.
"I unaupa kha a hlauhawm hle mai" nui chung chuan arawn ti a, ka lo nuih vur vur ringawt.