Emma 28

[Kookiesgf]

Kookies gf
.
"Bin ka tihpalh tak tak, i lung ala awilo em ni? " mangan hmel tak chuan alo ti leh a, thaw halhin phone chu ka hmet tawpa, khum mawngah chuan thu in ka khuma Bin ka hming lam mawlh mawlha tawngvai mek chu ka melha, tunge Caroline chu ni ta ang le! Engvangin nge Bin tiin alo koh ve! Tunge anih! Ka thluak chu abuai takzeta, ka hlauthawng ru hle bawk. Kaithoin zawt mahila abiak tlak dawn rih chuanglo ani tih ka hria, thaw halhin ka tho a, a jacket hak chu hlih sakin a kawr chu ka hlih sak bawka, thawmhnaw dang ka haktir hnu chuan puan ka sin tira, abulah chuan kalhnaiin achalah ka fawp zeuha.
.
"Muttui le" ti sapin ka lukham chu la in khum sia couch ah chuan ka mu a, rei tawk fe chu rilru buai leh nuamlo tak chungin ka awma, ka lo inngaihtuah muhil ani mahna, engmah han hriatzui ka neilo.
.
.
.
Ka hmui aza mer mera, ka hmai chu kutzungtang pakhatin alo khawih leh zeuha, ka sam hmang chuan ka hmai chu azat kuala, ka mumang emaw ka tihlaiin anilo animahna ka taksa chuan alo hre viau mai, ka kutin ka hmai chu ka tuai puak a, mipa nui ri hak ri ka hriat chuan peihlo zetin ka menga, Bin ka hmai zawna lo kunhniam chunga nui var var ka hmuh chuan ka chhing leh sek a, nizan ka mutha lo bawk nen mut ka khamlo takzet ani. Angaite bawkin ka sam chuan ka hmai alo zar leh a amut tak tak theihloh. Hepa hian min tilawmlo ani tih ahre miahlo emawni le! Inbual zo hlim tih hriat zetin asam ahnawm chepa pajama nen kawr ha miahloin a awm bawk. Alandan chu sexy tak ani. Ka enreng anihchuan ka tuiral leh mai ang tih ka hlau ani.
.
Engmah sawilo chuan ka thochhuaka, ka nuihmel pawh ka hmuhlo, ka bathrobe la in washroom ah ka lut zui ta daih. Chhunglam atang chuan kawngkhar chu ka nghenga ka chhing vang vanga. Nichina Bin min tihlawm tuma anui hmel kha ka theihnghilh hauhlo. Minlo enin a kà a àng zuau hmana washroom ah ka luhsan daih chu ani si hi!
.
Diktak chuan ka hlauthawnga, ka rilru abuai bawk ani. Engvangin nge Caroline atih khan Bin ti a alo koh ve! Chuan ani hian hmeichhedang angaihven miahloh thu asawi khan ka hre sia anih chuan engvanginnge khanu khan alo nel hmel viau si. Ani hian dawn min hrilh tihna em ni! Ughhh ka inngaihtuah thinrim chawp ani ber. Darthlalang hmaa ka hmel ka hmuh chuan ka zingtho hlim hmel nen ka rapawm lek lek. Ka shampoo ken chu ka samah ka hnawiha, ka hnawih zawh chuan ka han ngaihtuah leh riha ka thinrim chu alo thar leh hnuhnawha, shampoo bawm chu bangah ka vawm deuh thuaia, ka thaw deuh halh bawk. Ka shampoo bawm hi glass hmanga siam anih avangin akeh chiang hle bawk. Ka intihfai zawh chuan ka bathrobe chu inbelin ka chhuaka, khumah chuan a zangthal zawngin alo mu a, a ke chin zawng chu chhuatah anghata, ataksa chunglam erawh khuma, akut pahnihin ahmai chu ahup vang vanga, kawr ha miahloa a awm avang chuan ataksa phiar khauh tang chu ka hmu thei. Ka pasal hual mah nise chhelo ka ti takzet ani.
.
Engmah sawiloin dressing table hmaa thu in ka taksa ah rimtui ka chulha. Ka nghawnga perfume ka kah lai chuan khumlam chu ka melh zeuha, Bin chuan a khupa akut nghatin ahmui hnuailam seh zeuhin minlo en reng chu niin, kan mit a intawn fuh avang chuan ka lai thar hnuhnawh viau pek. Ka hawisawn nghal vat.
.
"Ka tihpalh" alo tichhuak sap a, amah pawh melh lemlo chuan ka closet chu haiin ka panty leh bra chu ka la chhuaka, ka panty ka haklai chuan minlo melh reng ani tih ka hria, ka melhlo der ngar ngar thung. Ka zahtheihlohna zawng zawng sawm khawmin ka bathrobe chu phelhin ka panty nen chauh chuan ka awm a, ka bra chu hak tumin ka inrawlh bawk. Engvanga ka taksa mawina hmanga hip tum ta mai nge ka nih ka hrelo, keilo midang ngaihtuah neilo se tih chauh ka duh. Keimahah hian lungawi bawk sela, hmeichhe dang reng reng ngaihtuah lo se ka duh takzet ani. Ka inhrethiam teh nuaih tawh biklo.
.
Ka bra hnunglam kilh ka tumlai chuan alo kalhnaia,
. "Ka lo pui ang che" thaw halh pah chuan alo ti sap a. Hnial kalh lemlo chuan ka lo tih tir maia. Ngaihven lo chhunzawmin ka hmaiah chuan make up uluk zetin ka bela chutihlai chuan ka sam amawi tawk leka kawi chu dul hnakin hnung lamah chuan ka bawk a, panty dum leh bra dum chauh haa ka awm avang chuan ka pianphung engkim mai chu alangsar em em vek. Bin chuan min melh reng ani tih ka hriaa ka chet akhawr lek lek ani.
.
Lo tho chhuakin ka hnunglam atang chuan minlo kuaha, ka dara akhabe lo nghatin darthlalang atang chuan chiang zetin minlo melha, ahmeltha takzet. A rim atuiin a fresh sar maia, nizana ka khuma zu rui chunga mu kha chu a ang leh tawhlo tawp mai.
.
"Ka ngai lutuk che" alo ti tham tiaka, ahmui sen hnawm chep chevel ka hmuh chuan ka chil ka lem khawlha, ngemaw ka laih viau pawh ka hrelo khuh kharh kharhin hmalam chu ka melha, alo nui ri deuh hak. Ahmel pawn ka en ngam tawhlo. Nemsawn duh viau mahila arim ringawt pawh hi ka thlakhlelh miau si avangin ka nemsawn phal hlawllo ani.
"I thinrim chhan ber ka la hre miahlo ania" alo ti leh a, thaw halhin ka dinga, ani pawh chuan min kuahna chu aphelha.
.
"Hmeichhe dang i ngaihvenloh thu i sawi tiraw? " ka thawmhnaw hak tur lachhuak pah chuan ka ti a.
.
"Tikhan breakfast eichhung chauh i awm thei angem? I sexy takzet" ughhh... Thaw halhin ka inhera.
.
"Bin ka fiamthulo" thutak zet chuan ka chhanga.
.
"Awle..... Anihleh i thinrim chhan chu sawi la"
.
"Ka sawi peihlo" chhum hmuk chuan ka chhanga.
.
"C'monnnn Emma i thinrim chhan i sawiloh te chuan engtinnge ka thlem lungawi theih ang che". Ka thawmhnaw chu ka thlak zung zunga, ka pheikhawk sang tha zet ka bun zawh hnu chuan ka ding chhuaka. Ka hmaa ding chu ka melh kalh bawk.
.
"Emma, i lungawi chhan ber hi ka hrelo takzet ania" hepa tehhrep, ahmel ka en ringawt pawh hian ka lungawi nghal mai dawnin ka hria.
.
"Anihleh tunge Caroline kha? " anui hmel chu atawp chat a. "Engvangin nge Bin ti a akoh che? Keimah chauhin chutiang chuan ka ko thin che tih kan hre ve ve adik em? " angawi renga, mak tihhmel tak chuan min melha "Engtiang chiaha inhnaih nge in nih? Emma Lambert ang mai alawm anih zawk le!" Elsen zet chuan ka lo ti leh a, ala ngawi reng "Khamaw!!!! Sawitur i neih tawploh kha" ti hluk pah chuan ka chhuahsana, ka car chu tinungin company lam pan chuan ka tlanchhuak zui nghala.
.
Motor ka khalh chhung zawng pawh chuan rilru insual reng rengin ka awma ahreawm takzet. Engvangin ngemaw Bin khan tha taka min chhan mailoh le! Chhan harsa tak ani tihna em ni! Ughhhh Caroline hi tu tehhrep ngemaw anih le!
.
Company kawta ka pa ka hmuh chuan ka car chu ka tiding nghal vat. Mr. Frost nen eng eng emaw sawiin an lo titi duna, Car atang chuan ka chhuak nghal vat.
.
"Ohhh Emily be tur che in ka lo kal a" min nuih sang pah chuan alo ti a.
.
"Kei maw? " ka lo ti ha a, Mr. Frost ka va melh chuan minlo enin athaw halha.
.
"Ka lo han lut hmasa ange" tipah chuan a secretary nen chuan an lut ta daih.
.
"Ka office ah kan inbe dawn em ni? " abu nghata, keini pawh chu elevator ah chuangin ka office lam pan chuan kan kala, office chhunga kan luh hnu chuan inhmatawn ranin kan thu a.
.
"Coffee i duh angem? "
.
"Angai love"
.
"Eng chungchangah nge min biak i duh tehthuta? " amah melh kar pah chuan ka ti a. Min melhin rilru hah hmel zet apu a, athaw leh halh thin.
.
"Hmanni ah ka nupuiin kut athlak che tih ka lo hria a, apawi ka ti takzet ani" inthiamloh hmel tak chuan alo ti a, ahmela inthlahrunna ka hmuh chu ka pa hmela ka la hmuh ngai miahloh ani. Hmuh ahreawm takzeta anuamlo takzet bawk.
.
"Apawi hleinem, hriatsual palh anei anih dawn kha" ka lo ti mai a.
.
"Ni e, ani ngei ang, apawi ka ti takzet"
.
"Apawilo tak tak, mahse Mr. Lambert ka rilru abuai deuh hleka, achhan ka sawi thei angem?" Ka pa hi zawi muanga hriattir tan ka duh ani.
. "Tehrengmai" polite tak chuan minlo chhang thuaia.
.
"Emma nen khan kan inkawmngeih thei lutuk asin" phawk zetin amenga.
.
"Engthilmaw i sawi? "
.
"I awihlo maithei mahse Emma khan he thu hi min hrilh thin, anun hreawm lutuk chungchang hi"
.
"Eng.... Engtinmaw? "
.
"Ani khan hlim takin nun ahmang thina mahse asawidan chuan Lambert chhungkua in pun belh hnu khan anuam tihna abo tial tial ani awm e. Ka thian tha tak anih avang leh Emma ka hriatchian em avangin dawt sawi mi anilo tih ka hria, nangpawn ihre ngeiin ka ring. Khawngaihin Emma thihna chungchang hi i ennawn leh thei angem? " amak tihmel chu areh thei lawklo.
.
"Emily ka fanu nen in inkawm thin tih hi awih aharsa takzet. Anihchuan athihna kha tihpalh ani iringlo tihna em ni? " ka bu nghat a.
.
"Emma khan rilru buai anga in puh chungchang kha minlo hrilh asin, Edward nen an inhual hma lawk khan, nangni hian mi à anihloh thu a sawi pawn in ringlo kha ani a, ani khan tihian min hrilh ani anute Reina hian report kha athlak danglam ani tiin"
.
"Chung chu ahrilh che amaw! Emily ka hrethiam ta hauhlo mai. Ka fanu hian thian angaina lo a, athian akawmngeih fe te bulah pawh heng thu hi asawichhuak hauhlo ang, eng inzawmna nge inneih ka hre thei angem? Chuan engtik atangin nge tih pawh" ka pa nge nge, afing thin e. Min rin pumhlum nghal ka lo ring hi ka tisual der ani. Kawng khat chauh a awm tawh.
.
"Ila hre mai ang, dinner min eipui i tiam anihchuan" nuih sang pah chuan ka lo ti a.
.
"Thupha chawi nan pawn atha alawm, kan inah ka lo buatsaih ange. Friday hian i hman angem? "
.
"Tehreng mai"
.
"Hmuh inuam e, ka kal tawh phawt ange, hnaa ka tlang ala ngai dawn bawk si nen. Emily Emma thian ilo ni takzet anihchuan ka lawm viau ang. Ni hman nuam le"
.
"Nangpawh le" Elevator thleng chuan ka thlah a, ka office a kir lehin meeting naa pawimawh tur file thenkhat chu ka buatsaiha. Ka kawngkhar alo rik karh karh chuan lut turin thu ka pe a.
.
"Emma... Ilo damtha em? " Gin chuan alo ti lut lang lang a.
.
"Ni tamtak inhmu lo angin alawm i awm, lo thu rawh" thutna chu kawhhmuhin keipawh chuan ka thutna chu ka thawhsana.
.
"I thurawn ka mamawh"ka mit ka lo zim khum san a
.
"Chuan"
.
"I mipa duh zawng min hrilh rawh" alo ti sap a, achevel chuan ka nuih atiza, azam hmel em em lehnghal. Lawkin, hepa hi a fall tak tak tawh tihna emawni le!
.
"Lisa nen kan inang siloa engatan nge itih? "
.
"Ka hria mahse ka hre tho duh" alo ti zung zung a.
.
"Bin ang hi animai lawm" awlsam zeta ka tawnglai chuan Caroline tih hming chu ka hrechhuak zawka ka ha chu ka sehruh teuh a "Arukin midang lo be reng thin lo phei se chuan duhthusam" ka ti leh sap a, mak tihmel takin minlo melha.
.
"Emma, Edward hian midang abia itihna em ni? " ringhlel mitmeng tih hriat tak hian alo ti a.
.
"Maw???? "Engthu ngemaw ka sawi le"chutiang ka sawiloh kha" ka ti sap a, a awihlo hmel zet hi!
.
"Awle, anihleh min hmuhdanin mipa tha tak ka ni em? " hepa zet hi. Thut pawh athu tha theilo hetiang tak hian aduh ang tih rin ngaihna ka hre miahlo.
.
"Gin, chung te chu i hmeichhe treat danin ahril ang chu, ka chungah i tha a keichuan mipa tha takah ka ngai mai che a, mahse Lisa chungah erawh chuan i nunrawng em em a, engtinnge angaih ang che ka hrelo, alaka mipa anga lan i duh anihchuan min hmachhawn ang khan hmachhawn rawh" sawitha min tih lutuk vang nge alu chu abu nghat nghat.
.
"Ka hrethiam e, ka lawm e" tipah chuan hmanhmawh zetin atlanchhuak zui lehnghal, engemaw achungah khan thleng chu le!
.
Sana ka en chuan dar 11 alo ri tep tawh. Meeting tanna turin 15 minutes chiah hun alo awm tawh. File pawimawh tur thenkhat chu lakhawmin ka remfela, Bin office lam pan chuan ka kala, akawngkhar pawnah chuan dingin ka thaw halh a, ka thinrim lai pawn ka biak reng chu angai ani sia, ughhhh he hna hi ka va han kham tak! Kawngkhar chu ka hawnga mahse Bin alo awm miahlo, ka han thlek kual leh te te a, a awm chuang miahlo. Khawngemaw akal le! Office ka chhuahsan hnu chuan bin office pawna duty lam pan cpan chuan ka kal a.
.
"Miss Emily sir chuan meeting hall lam apan chiah" duty chuan alo ti a.
.
"Ohh" tih chauh chuan ka chhanga, meeting hall lam pan chuan ka kal a. Kawngkhar pawnah chuan dingin ka han insiamtha a, kawngkhar ka hawn rual chuan an lo thukhat hmur tawh, minlo melh deuh thap hlawma, an la tan chiahlo anih hmel. Bin bul chiaha thutna awmah chuan ka thu a, amah ka va melh lemloh avangin engtinnge a awm tih pawh ka hrelo. Arim atui hle ani tih chauh ka hria.
.
Meeting tan anih hnu chuan thlarthar atana ruahmanna kan neih ang ang te kan thawhkhawm hlawma, chuta atha tha chu vote hmangin kan thlang fel bawk. Mr. Frost chuan meeting akaihruaia, sumdawngmi alo ni bawk nen azeihawi takzet.
.
"Thusawi tur pawimawh tak mai ka neia, hei hi a inthawn thlak pawh in ti ani mahna ka dem hauhlo ang che u. Mahse ka fapa hi a inpeih tawhin ka hria a, chuvang chuan ka fapa Edward Bin Frost hian Frost sumdawnna hi a enkawl chhunzawm tawh dawn ani. Naktuk zan hian sumdawngmi kan partners te leh mi challang tak tak te nen party kan nei dawna, Edward kan lawmluh naa lo tel theuh tur hian kan sawm che u ani. Akut leh ake te in nih tawh dawn avangin kawng engkima in puih ka ngen bawk e" an kut an beng dur dura, tha an tihhmel hlawm takzet bawk. Kei leh Edward chiah chu kut benglo kan awm nimaiin ka hria ka kà ka ang phuau a, Mr. Frost chu ka melh reng ringawt.
.
"Edward lo chhuak ta che" patean alo tihchuan athutna atang chuan ading chhuaka, a aia ringin an kut chu an lo benga, Bin ka melh chuan atum bura, nuih pawh anuilo. Minlo melh ve chiah avang chuan ka hawisawn thuaia.
.
Meeting azawh hnu chuan Bin chu an chibai nak naka, a secretary ka nihna angin ka mawhphurhna chu ka lo hlen ve zel bawk. Lawmpuina an lo hlan lai te chuan nuih pawh alo nuih peihlo a, keiin nui sangin ka lo chhawn zel thung. An chhuah rem tak diak hnu chuan kan pahnih chauh chuan kan awm tawh. Dawhkana file awm ho chu ka khawm malh malha. Aphone alo rik chuan achhang mailo, ka va melh chuan minlo melh rengazaphone chu enin athaw halha, kha caroline khan alo call ani mahna. Tehhrep chuan ah. Melh pawh melh zuilo in ka chhuahsan ta daih.
.
Ka office ah chuan lutin ka kawng dawmin ka thaw halh a, kawngkhar lam chu rum zetin ka melh leh thin. Hepa tehhrep hian insawifiah atumlo tak tak emawnile! Zaktheilo lutuk mai.
.
Thinrim tun chung chuan ka bag la in elevatora luh tumin ka hmeta, alo inhawn chuan Bin leh hmeichhe pakhat hi an lo ding duna, chunu abula ding chu apangai hmel ve viau. Asang tha in apian analha, ngemaw anuih sang reng le! The thaw mai. Engvanga Bin kut hi hmer tlat nge anih tehhrep ni! Ka sa up up mai. An chhuah hun chu nghakin inrintawk hmel takin ka lo dinga, ka chhunglamah erawh ka khur der dera ka puakkeh lo chauh. Ka kuttin chu siklo turin ka insum nasa takzet, ka sih mai ka hlauh avangin ka kut chu ka kuangkuah ta daiha, Bin chu ka melh duh miahloa, lo chhuahlawk tumlo a an ding reng te chu ka hua khawnthluk lawlh ka chak. Lerh tehhrep lutuk. Tihian hmeichhe dang ngaihvenlo awm ang hrimin a inawmtir ve chu ania! Hmela hi!
.
"In lo chhuak dawnlo em ni? " pangai tak chuan abula ding hmeichhia melh pah chuan ka ti a. Bin erawh ka melh duh eih chuanglo.
.
"Bin kal ang" chunu chuan alo ti sap a,
.
"Bin a!" Ka lo ti sap a, ohhh caroline ani tihna maw?hah Bin ka melh chuan minlo melh renga, ahmellandan tehhrep hi ka sawifiah thiamlo, ten hmel zeta nuihin ka hawisawn lehnghala. An chhuah hnu chuan elevatorah chuan lutin a inkhar veleh ka thu sawp hnawka, ka inrin hma chuan ka mittui alo tla nghal zung zung.
.
"Bin lehzelin maw? " ka ti sap a, ka chhungril chu ana ngawih ngawih. Sawifiah thiam phakbakin ana ani. Khawvelin min phatsan mahsela ani hi chuan atih ve ka ring ngailo. Ka mittui chu hrufai sawk sawkin elevator a inhawn rual chuan ka chhuak zui nghala, ka car ah lutin kawngpuiah chuan chak zetin ka tlan a, Bin leh Caroline hmel chu ngaihtuah chhuakin ka mittui alo tling piau a, kawng pawh chu ka hmu fiah theilo aphe ruai ruai mai. Mumal lo zet chuan ka tlan a, ka lu arawn na ngut nguta, ka stearing vawn chu thlahin ka lu chu ka dawma, thil engemawni hi ka su chawrha, mahse ka luna zet avang chuan ka hawichhuak theilo ka lu chu ka dawma ka rak vaka.
.
"Aih....... Dawtt... Dawt vek" ka rak tuarha, ka ngaihtuahnaa thu lo lut chu ka awih theilo, Sarahin cara min suthlum zana Sarah in Bin hnena ka pa fa anihthu asawilai ka hriatchhuah theih miahloh chu ka thluakah alo lut zawt zawta, ka awihlo zawk hial ani. Ka luna chu areh tial tial a, car stearing chu vuanin ka dak chhuaka. "Dawt vek ani. Ka pa hi chutiang mi chu anilo" ka ti sap a.
.
"Miss i tha em? " ka side glass chu an lo chum karh karh a, mahse ka hawichhuak eihlo.
.
"Emma lo hawng teh" Bin aw ka hriatrual chuan mittui tla phang chuan ka hawipheia, nuih sakin ka car chu ka tinunga chak zetin ka tlan a.
.
Kawnga ka tlanlai chuan Laura chu ka call a, a ina ka kal tur thu chu ka hrilha. Bin car in min zui ka hmuh chuan a aia chaka tlanin Laura in awmna lamah chuan ka tlana Laura chuan gate pawnah minlo nghaka.
.
"Emma itha em? " alo ti vata.
.
"Gate kha kalh la, kawngkhar zawng zawng khar phui vek bawk ang che. Tumah hmuh ka duhlo" tipah chuan ka luta, aroom ah luttlangin ka kalh hmaka khumah chuan ka bawk khup nghal thlawp.
.
"Sarah hi ka unaunu diktak ani tihna maw? " ka ti leh sap thin. Ka awihlo, nilo niturin ka duhlo, sawtiang mihring saw ka unaunu atan ka duh teuhlo. Ahmel saw ka tena a engkim saw ka hua, sawtiang mi tenawm thisen zawmpui nih saw ka duhlo. Tap ringlo mahila ka mittui chu alo dir zung zunga. Ka rilruna lutuk hi ka puakkeh thei mai dawnin ka hria. Hetiang tehhrepa hringnun hman ai chuan tinge ka lo inthah mailoh le!
.
"Emma lo hawng teh, hrilh tur che ka nei ani" Laura chuan alo ti a, ka chhangloa ka hawng bawklo.
.
Ka nu chu ka call a, rei oawh riallo chuan alo pick nghala.
.
"Emily bawihte minlo va call khat ve, enge i an itha em? Takin i hnathawh chu anuam zel em? " alo ti zung zunga, ka nu aw ka hriatrual ringawt pawh chuan ka tah chhuak chu azual takzet.
.
"Nu" tih chauh chu ka sawi thei ka hnuk a ulh nasat em avang chuan ka tap zung zunga, engmah pawh ka sawi hleitheilo.
.
"Emily, bawihte engthil nge thleng? Itha em? " ka ku chu ka thing mat mata.
.
"Edward engtinnge ilo luh? " Laura rak tuarh ri ka hriat chuan ka tho chhuaka.
.
"Emily, itha em? Engtinnge i awm? " ka nu chuan lehlam atangin alo ti a.
.
"Emma lo hawng teh"kawngkhar chu arawn ri bur bura, laura chuan alo khap a mahse awmzia a awmlo kher mai. Arawn beng leh vak vak thin. "Emma hriatsual inei ani" alo ti leh a.
.
"I thlawkbo thei em? " ka rak tuarha, sarah dawhkana makeup bawm chuan kawngkhar chu ka vawm bawk.
.
"Aih..... Itha tih ka chian hunah ka kal ang" alo ti hluk a.
.
"Emma engthilnge thleng ka mang iti ang takzet tawh ani" ka nu chuan mangang takin alo ti ve bawka.
.
"Nu Sarah hi ka thisen zawmpui ani" Room kawngkhar chu alo inhawng thuaia. Bin chu ka hmaah alo ding ran a(to be cont......)