ZOTHANTLUANGA CHAPTER - 4 by Amy Cck

Episode kal lai dah luhna

Moderator: writers

Amy
Posts: 432
Joined: May 15th, 2019, 8:49 pm

ZOTHANTLUANGA CHAPTER - 4 by Amy Cck

Unread post by Amy » December 4th, 2020, 11:35 pm

CHAPTER - 4 đź’® by Amy Cck



* ZOTHANTLUANGA POV *



" Eng I chhanna chu ni ta? " Khum chung a min sik hlau zet a hmeichhe thu chu hnai zet a melh in ka ti sup. Room chhung chu eng viau lo mahse a meng lian leh fiah kiau chu ka hmu chiang viau.



" I duh ka hriat loh chuan engtin nge ka chhan ang che? " Min melh ve reng chung chuan a rawn ti a, kan in awm hnaih a tih vang nge a tawng chu a zawi sap. Mahse ka hriat ve chin a ta ring tak in a la tawng chuang lo. A thu sawi vang chuan then suk in hmui ka ti sawi zeuh thung.



" Chu chu i ngaihtuah ve tawh ang chu! Chuan... " Ka ti leh takah chuan duh thlan mai tur hre lo zet in thawk a la hak a, a rilru a buai a ni mai thei, a mit chu a khap fak fak bawk. A mit a ka en reng lai chuan a mit chu a rawn chhing a, a hmai fang nu ru riau chuan min hip riau bawk.



A hmui chu a pet sawi zeuh a, chik zet in ka en reng tih hre lo ang mai in mit a chhing vang vang a. " Ole... " A rawn ti zawi sap a, a mit chu a rawn meng chhuak nghal riai riai bawk. Kei pawh chu ka nui ta suk.



" Eng thil nge i duh chu? " A rawn ti nawn leh sap a, min sik hlauh hmel zet in a hnung lamah chuan a awn deuh bawk. Hmui ti sawi zauh in ka ding ngil nghal zat chu thaw chham tur ang mai hian thawk a la nghal kawk a, a awm dan vang chuan a ruk tak chuan ka nuih a za ru viau.



" Nakinah ka hrilh ang che! A tlai tawh han mu tawh rawh! " Ka tih chuan mak tih hmel zet in a rawn haa chhuak nghal vat a. " A... Ole.. Mut... Muttui! " Ti nawi nak in min sik hlau zet chuan a thutna atang chuan a tawlh sawn a, en pawh min en tawh lo chuan kawngka lam chu a pan nghal nal nal a. A hnung lam atang a melh zui ngur in ka khi ve suk.



" Zothantluang! Eng thil nge i duh chu? " Ti chhuak sup in khumah chuan ka thu thla nghal dawt a. Kei ngei pawn ka thu sawi awm zia kha ka hre lo. Neih a neih loh zia chu a mah la hre lo mah i la ka hmu chiang viau tawh a, mahse a bulah kha ti khan ka tawng tho chu a nia.



* FLASH BACK *



" U.... Dinner ei chhuak i la! " Shower ka nei zo bathroom atang a ka chhuak chu Emily chu ka room ah lo awm in a lo ti vat a. Ka nuih suk ringawt.



" Ka buai viau a sin! " Towel a ka sam hru mawlh mawlh chuan ka ti a, a hmui a rawn ti pawrh nasa mai.



" Ninawm... Engmah pawh hi i tih pui theih ngai loh. " Ti vak in ti tau tih hriat zet in min melh rawm a, ka nui chhuak hawk. Unau pahnih chiah kan nia, ka farnu neih chhun a ni a, a pang chang ve thin pawh hi a dem awm hran loh.



" Lo han in siam la, kan chhuak dawn nia. " Ka tih takah chuan a hmel tum bar chu hlim nui hmel in a rawn in thlak a, lawm lutuk chuan ka room atang chuan a tlan chhuak nghal a, lu thing ngut in ka nuih suk. Bengalore ah nurse training in kum 4 lai a awm a, a rawn haw ve chiah bawk nen chhuah harh pui chu a pawi ka ti bik hran lo.




Kei pawh chu ka in thlak nghal a, in lamah hna thawh tur ka hawn chu kan haw hunah ka en zawm leh mai ang ti rilru in ka room ka chhuah san a. Emily pawh a lo hman ve chiah. Kan nula hnenah kan ei chhuah tur thu sawi in ka motor chuan kan in khal chhuak a. Chhuah ve takah chuan tiin ka nutei damlo kan tlawh kawi a, rin aiin kan rei ta phian.



Haw lamah Emily chuan motor khalh haw a rawt ve hmiah a, kawng a reh tawh avang chuan ka hnial hran lo. Thiam chiah lo mahse a tih dan kal hmang a hre ve bawk a, kan in kawtah pawh a tlan pui ve mai zel a vang chuan ka khalh tir a. Engtik laiin nge kan hma a kawngpuiah mi an lo kal ka hre hma lo. Motor ding ri tuar in a zawm nghal a.



" Ka su a nia. U... Hmeichhe pakhat ka chil in ka hria? " Matei hlauthawng aw khur der der chu ka hre zawm zat a. Motor stearing a humna kut te chu a khur der der bawk.



" Hahdam rawh! Ka va en a nge? " Tih leh motor kawngka nem hawn ka rual a. Kawng chu a reh vek tawh a. Motor hma lam a ka kal chu kan motor hma a hmeichhe lo let reng ka hmuh rual in rang zet in ka pan nghal vat a. Emily ko in motor hnung lam kawngka lo hawng tur in ka ti nghal bawk. Rang zet in nula chu ka pawm kang lawp a. Motor chhung a dah lut in matei chu a thu lut a. Kei pawh driver seat ah thu lut in ka in khalh chhuak nghal vut.



" U... Hliam engmah a nei lo in ka hria. A hlauthawng lutuk a ni mai thei kan in lamah hruai zawk mai i la! " Matein a rawn tih tak avang chuan motor chu kan in lamah ka khalh haw a. Kan inah pawm lut in ka room ah kan mut a. Matein a buai pui zui nghal vat a.


" Han mu tawh rawh, a harh hma ka lo awm pui ang. " Ka tih chuan Emily chu a rawn hawi vat a, naktuk hian interview neih a ngaih avang a taksa hahchawlh tir a ngai miau.



" Ngati nge a harh miah loh le? Hna la thawh tur i neih kha ka lo awm zawk ang! Bakah... Ka hriat tawh hnu a ang, hmuh tawh na chu ka nei chiang a ni! Ka hmaah khan a rawn kal lai ka hmu lo tak tak kha mak ka ti. " Khum a hmeichhe mu en chuan a ti ve a.



" Naktuk a tan i hah chawlh a ngai a lawm. Awm pui chung in ka hna chu ka en mai ang. I room ah chho tawh rawh! " Ka tih takah chuan hnial lo in a chho ve ta nge nge a. Khum bulah chuan ding ngur in khum chung a hmeichhe muhil chu ka melh chhuk run a. A mit a hnawm chap a, a biang leh lam chu a vung deuh lak bawk.



Misual in an um emaw a nia nga, a hlauthawng leh hman hmawh tawh khan motor kal leh kal loh en lo in kan hmaah khan a rawn tlan lut tawp a nih ka ring deuh. Hna khawih ngei ngei tur ka neih avang in ka office ah kal in ka laptop leh file pawimawh ho chu ka la a, ka room ah ka phei leh nghal bawk.



Ka room chhung a sofaah chuan in chhawp hnawk in hna chu ka khawih phah a. Khum a hmeichhe mu kha tap ang mai a a rawn in sut leh hrai thin avang chuan ka laptop chu dawhkanah dah in ka pan nghal vat a. Mahse a lo la harh miah lo. A mit a la chhing chial a, thawm ka hriat kha ka hriat sual emaw ka ti hial.



" Kal suh! " Ti ri ka hriat avang chuan in her a kal sawn leh mai ka tum chu ka ding leh chawt a. " Ka bulah awm rawh aw! " Khum a hmeichhe mu ka melh rual chuan a rawn ti chhuak tiau. A mit erawh a meng miah lo.



Ka en reng lai chuan a mittui chu a bekah a rawn luang chhuak ngiai ngiai a, tih ngaihna ka hre mai lo chu rei lo te chhung chu ka en reng a. Hriat tham chiah lo in a phun leh sap thin. Enge a sawi ngaithla tur chuan a sirah chuan ka thu thla a, a tawng hriat tum chuan a hmai zawnah ka kun hniam nghal run bawk.



" Min hnawt chhuak lo hram rawh! " A rawn ti leh tiau a. Hnai zetah awm lo i la chuan enge a sawi ka hre hauh lo ang. Thu ngil in ka melh ngur a, ka kut chu lek chhuak in a mittui ka hruk sak ta ngawt. Hahdam huai ang mai hian thawk a la halh a, kei erawh enge ka tih ka hre lo, mahse ka che sawn thei tawh miah lo.



* END OF FLASH BACK *



" Pasal leh fanu a nei reng a maw? " Khum a thu ngur chuan ka phun sup. Nizan kha chuan nula turah ka ngai a, vawin a an in a ka va thlah khan ka tlan san zet tawh a, mahse nizan a riak bo a, a chhungte hrilh tur a neih miah loh vang khan rilru nuam lo zet in ka let leh a, ka thil va hmuh erawh mipa pakhat in in atang in a lo theh chhuak lai mek a nih thung.



Midang nun a in rawl tur ka ni lo tih chu hre chiang ber tu ka ni a, mahse ka hriat meuh chuan motor atang ka lo pen chhuak daih tawh. Ka ngaihtuah lawk dawn pawh ni lem lo chuan kan in lamah ka hruai let leh ta ngawt a.



Passenger seat a thu ngawi reng chuan a in sut leh hraih hraih thin. A lam ka hawi chu , a biangah a mittui a luang ngiai ngiai a, a ril a tam nge a pum rawn ri raih raih vang chuan hnuai lam ka melh a, a ban rek bul puar deuh chu ka hmu bawk. Eng thil nge he hmeichhia hian a tawn chiah ka hre lo mahse ka hmaah pui mamawh em em a a awm laiin kal san tawp kha ka harsat ta tlat a nih kha.



Khum bul drower a ka phone rawn ri vang chuan ka ngaihtuahna atang chuan ka harh chhuak zawk a. Ka phone chu la in phone screen a hming rawn lang ka hmuh rual in ner nawk in ka off nghal hmuk.



_________________________________________________



* LALRINDIKI POV *



" Ehee... I va tho hma awm ve a. Nizan I mu tui em? " Chokaah Emmai kha rawn lut in min hmuh rual in a rawn ti zang vah a. Nula tho thang tha veh vawh tak niin ka hria. Kei ang lo tak in!



" Umm.... Mutui lutuk. " Ka ti let ve tak na in, nizan khan chhin khat te mah ka chhing lo. Ka mutthilh theih loh vang in Zothana room ah khan ka chhuk a, mahse a room ka chhuah san hnu pawh khan ka muhil thei chuang lo. Mutthilh chu sawi loh a hma aisa zawng in ka rilru a buai zawk daih leh nghal.




" U.... Nga ti nge? Hna i kal dawn lo a mi? " Emma tawng vang chuan ka vir nawk a, chokaah Zothana rawn pen lut chu ka hmu ve nghal.



" Chawhnu lamah ka kal ang! " Ti sup in chair chu a pawt chhuak a, a thu zui nghal zat.



" Thingpui ka lo siam ve ang che! " Min rawn en vang chuan lai zet in ka ti ta ngawt. Ka sawi tawh ang khan ka chungah a tha viau nan mahse a mah hi a tawng tam loh hmel sia ka zah eu tlat a nih chu. Mami kha in chung lamah pangpar tui pe tur in a chho daih sia thingpui chu ka siam sak ve hmiah.



" Tun bak chu ti tawh suh ang che. " A hma zawn dawhkan a thingpui no ka hun rual in min rawn melh in a ti sup chu ka melh let ha.



" Nia... Adik, kan mikhual i Nia hetiang hi ti vak tum suh. " Emily pawh chuan a rawn ti ve nghal. Kei erawh ka nui sak ringawt.



" Vawin chu ka rual in i rawn chhuak ve dawn nia! " Tukthuan kan ei lai chuan Zothanan a rawn ti a. A mah va en lo i la chuan kei mah min bia tih ka hre miah lo ang.



" I fanu hmu tur in! " A rawn tih leh takah chuan ka hrethiam ve chiah. Ni e... Nizan khan min puih a tum tak kha.


*

" Heii... Hak tur ka lo ken che a! I ha tawk em han ha chhin teh! " Ka roomah Emma chu rawn lut in a thawmhnaw chu a rawn dah a, ka in thlahrun zia hi chu ka din hmun a ding ve te chiah hian an hriat ka ring. Mahse hnial thei la ni lo, phal tak a min pek chu lawm tak a lak zel bak tih theih ka nei tlat lo.



" I u nen hian in mizia a in ang lo e! " In thlak mawlh mawlh chuan ka ti ve ta nge nge. Emmai lah chu a nuih a zat hmel em em mai leh nghal.



" Nia... A tawng tlem chi hi a ni ve a. Kei tal ka tawng reng loh chuan tih ngaihna kan awm lo. I in hmeh hle mai! Vawin in va kal na tur chu duh sakna ka hlan a cheu! " A rawn ti zawm zat a. Ka sam chu ka tawn sang vah a, Emily kawe fual min rawn ken chu hak a nuam phian bawk.



" Ihh... Fakawma nu te inah Puipuii a awm i ti emaw ka tia! " Motor a kan thu chu kan veng... Ni lo... Fakawma te veng lam zawk a pan avang chuan ka ti chhuak sap.



" A dik a lawm! " Stearing vuan ngur chuan a ti hmuk. Min chhang taai teh tawp thei lutuk hi tawng tam chi vak ka ni bik lo nen taang tur ka haih chham ve vek zel. Tunah pawh saai mai dan tur hre lo in ka ngawi ka reng.



" Tunah chuan i fanu hmu tur ni lo in, i pasal nen a in remna siam tur zawk in kan kal a! " A rawn tih leh takah chuan lu ka bu ta nghat. Engmah kan sawi dun tawh lo a, eng tin tak nge tih a tum tih ka hre chak a mahse ka zawt in thlahrung bawk si chu ngawih ka chuh ta ngawt!



Kan in ka lo tih ve thin kawtah chuan motor chu a ti ding dawt a, a chhuah rual chuan kei pawh ka chhuak zui ve nghal. Zothana chuan hma hruai in a hnungah chuan ka zui ve zel a. A hma aisa thlawt kha chuan ka hahsam deuh. Nimin kha chuan kei mah chiah in ka hma chhawn a, mahse tunah chuan rin chhan tur leh in nghahna tur ka bulah a awm miau.



Doorbell chu a hmet a, rei lo teah kawngka chu a rawn in hawng a, kha nu bawk kha a rawn lang leh tawh. A hmel ka hmuh a piang hian ka na lutuk hi ka puak keh mai dawn in ka hria. Ka pasal min lan a nia. Hmeichhia kei ka ni in ti ve tan chuan... Ni lo... Tu hmeichhia pawh ka din hmunah hian awm se tuar har chu an ti ve tho ang.



" Eng thil nge in duh a? Nang nu leh bawk maw? " Min rawn melh rual in a ti zui zat. Min hmu chu a ner nghal nawng bawk.



" Kan rawn lut thei em? " Zothana tawng zawi sup vang chuan chu nu chuan a melh nghal haw a, mipa zahawm ve deuh tak ka kal pui vang nge a hma ang chuan min ti let vak ta bik lo.



" Tu te nge? " In chhung lam atang in Fakawma aw in a rawn ti a, ka taksa chu a tang nghal vak. Ka taksa te chu a rawn lum nghal pup pup bawk.



" Lo lut u la! " Kan hma a ding nu chuan a rawn tih nghal zat. Tlem in a awm hla nghal bawk. Mahse chet ngaina ka hre lo. He in atang in vawi khat mai pawh ni lo, vawi hnih lai min hnawt chhuak a nih kha. Ka kut chu ka hum ruh ngawt ngawt a. Ka taksa chu a khawng vek ni ber in ka hria.



Ka kut hum ruh tang chu kut lum thur thur in a rawn vawn hman takah chuan ka hawi chho vat a, Zothana hmel tak ngur chu mittui tling pam in ka melh a. A hmel chu tak run in nelawm loh viau mahse a mit meng erawh a dam dup thung. Engmah sawi lo mahse a mit meng chuan hahdam tur in min ti ni mai in ka hria.



Ka kut a rawn vawn chu a hmer ngheh salh rual in thawk ka la hap a, ka in thlah dul tih a hriat takah chuan a rawn then suk a, in chhungah chuan ka kut vuan reng chung chuan min luh pui a nih chu. Tunah ka din hmun hi hreawm viau mahse ka hahdam tak zet.



Fakawman min hmu chu zep rual loh in a hmelah mak a ti tih ka hmu thei. Mak a ti lo a nih chuan , chu chu a mak zawk daih ang chu. Min hre chhiang ber tu a ni a, hmelhriat ka neih loh zia leh thian ka kawm ngai loh zia pawh hre chiang tu a ni miau. Min melh vung vung in Zothanan ka kut a vawn naah chuan a mit a fu nghal chawt a. A mit meng chu a rum nghal ul bawk. Mahse ka sual chhuah in Zothana min vawnna chu phelh ka tum bik lo.



" Eng thil nge in duh? " Fakawma chuan a ti bul buk a. A bulah a nupui thar kha a rawn ding nghal zat. Tun thleng in a hming ka la hre lo.



" Eng emaw sawi pui tur che ka nei a! " Zothana chuan a ti bul hmuk. A tawngkam hi chu la in hre rei lo mah i la a bung tha ve chiang ngawt mai ka lo ti rilru. Mawi hnaiah thu tur chuan min ti a, Zothana chu a thu a, ka kut a vawn avang chuan a bulah min pawt thu ve nghal a. Ka taksa chu a khawng awt thung.




" Thu khuh mawi vak ka tum lo a. In nupa inkar hetiang a nih takah chuan Adiki hian a fanu enkawl a duh a, chu mi chung chang chu sawi pui tur cheu in kan rawn kal a ni! " Zothana chuan a ti chhuak sup a. Fakawma chu ro zet in a rawn nui chhuak hawk.




" Chu chu thil theih a ni lo! Ka fanu a nia ka bulah a awm ang. A ni khan a enkawl thei lo tih chu kan hre vek ang chu! " Fakawma tawng dan ngeiawm zet vang chuan ka in seh ruh vak. Engtin nge a mizia hi ka lo hriat miah loh thei! Kum 3 ... Ni lo... College kan kal lai nen phei chuan kum 5 lai kan in hria a mahse hetiang mize tenawm zet a nei tih hi ka hre ngai lo.



" Nang pawn I enkawl thei lo a ni lawm ni! " Zothana chuan a ti ve sup a. A sawi zawh rual in ngeiawm zet in a then ve suk a nih chu.



" Engmaw I sawi? " Fakawma chuan a rawn ti nghal hrawk.



" I hre chiang viau in ka ring. Adiki chhuah zan atang in I fanu ngei enkawl tur a I tlin tawh lo zia chu I hriat kha. Zankhat lek a nu tel lo a awm pui thei lo in damdawiinah in tlan pui nghal a! " Zothana thu sawi vang chuan ka hawi phawk nghal hra. Enge a sawi kha, Puipuii damdawiinah a awm mai?




" Kha thilah khan thiam lohna kan nei lo." A nupui zawk chuan a rawn ti chhuak vak. Zothana erawh a khi suk suh chauh.



" Ka ring chiah lo. Kha mi zan khan in pahnih in in rui a, rui tak in ni. I fanu tap thlem thei lo lek in in rui a nih kha. Enkawl thei ni u la I nu leh pa in lamah in dah phei ka ring chiah lo! " Zothana bawk chuan a ti leh hmuk. Kei erawh a thu sawi a piang chuan min thawng dawt dawt reng thung. Engmah ka hre ve tlat lo. Chuan ka in thiam lo em em bawk.




" Eng thil nge in duh a? " Fakawma chuan a rawn ti hmuk.



" Bawihtei hi enkawl ka duh! I bulah hian ka hnut chhiah thei lo. Eng tin nge I fanu tap pawh ngaihtuah lo lek a I en liam thei. Kum thum chauh a la ni a sin! " Ka in sum thei tawh lo chuan ka ti chhuak vak.




" A theih loh, nang engmah pawh nei lo ai chuan kei hian ka enkawl tha thei zawk. I bulah hruai la engtia chawm nge I tum. Nang... Khawlai a vak rawi lai sa tliah mai tur lakah hian ka fanu ka pe lul lo ang! " Fakawma chuan a rawn ti ve thawt. A tawngkam na lutuk vang chuan ka mittui a hnam sawk. Mahse chhan let ngaihna ka hre lo.



" Vak raw lai sa tliah chu a ni hauh lo. " Rawn ti hmuk tu chu en pawh ka en ngam lo. Engmah hma chhuah tur emaa han in chhuan ve na tur ka nei tlat lo.



" Chhung leh khat, tu mah neih a neih hlei nem. Nang kha tu nge I nih ve. I hriat aia tam hriat ka nei tih hi ring la, tawng ve vak lo mai teh! " Fakawma tawng chal tlai lutuk vang chuan ka kawchhung a alh hluah hluah thei.



" A hma chuan a nei lo a ni mai thei! Tunah chuan a ni tawh lo. Engtik lai pawn he hmeichhia hi ka veng him tlat tawh dawn. Chuan a fanu a enkawl leh enkawl lohah chuan I thu sawi kha engah vak ka ngai lo. Court hial pan ngai mahse ka hreh hauh lo. Tun hi chu kan rawn hrilh hria ah che I ngai dawn a nia.



Kum 3 mi lek naupang chu a nu aia enkawl tha tur an awm lo. I hlawh neih kha I lo chhuang viau a nih chuan I ti sual khawp ang. " Zothana aw nghet churh leh fiah fai hrek hrawk vang chuan kan hma a thu ve te chu an meng ling ve hlar a.



Engmah thu dang sawi lo chuan min din pui a, min pen sawn pui nghal zat bawk. Nidang ang bawk in ka tlawm nawn leh tawh. Mahse tun tum chu a dang lam, danglam tak a ni. Ni hnih chiah ka la hriat mipa hian ti tak a ka thlavang min hauh sak hi ka beisei ngai lo. Rin pawh ka ring ngam hek lo.



" I tha em? " Motor bul a min din puiin a rawn ti sup a. Ka hmui pet fan fan in ka ding ngawi ran thung.



" Lo hruai tel kher lo che I la a duh zawk mai thei! " Ti chhuak hluk in a thaw hawk a. Kei mah min bia pawh a ang lo. A mah leh a mah a in bia ni mai in ka hria.



" Ka lawm e! Ka chung a I thil tih vang hian lawmthu saai ngaihna pawh ka hre lo. Ka lawm tak zet! " Tah in sum zet chuan ka ti chhuak tiau a. Ka bul a mipa ding chu a rawn thaw chhuak hawk a. Muang chang a min rawn pan hnaiin a taksa ah chuan min ku ah khawm nghal hlun a nih chu! !



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)