SENIOR-I Chapter-7(Hlutei Jocund pachuau)

Episode kal lai dah luhna

Moderator: writers

Hluhlutei
Posts: 430
Joined: January 12th, 2017, 8:44 pm

SENIOR-I Chapter-7(Hlutei Jocund pachuau)

Unread post by Hluhlutei » February 22nd, 2021, 10:27 pm

6a10d1b0211d90ac9a4781ec37a940b8.jpg
6a10d1b0211d90ac9a4781ec37a940b8.jpg (39.72 KiB) Viewed 5144 times
Ka nau hriat hlau takin room ah chuan Lalrammawia coat ka hâk chu ka dah ṭha a, thinrima haw viau tûr ka nih laiin tinge ka thinrim theih miah lo le? Ka chhûngrilah hian phûrna leh hlimna a awm tlat nia, khumah ka muthla chiah tih in Phone call ka dawng zui zat a, Rpa call alo ni, phûr fahran lo chuan ka chhâng a.


"I mu tawh ami?"

Dam thlup hian arawn ti a, "Mmm..."
Ka lo ti ringawt, mut chu ala hun lo na in ka be châk teh chiâm lo.
"Anih chuan naktûkah kan inbe mai dawn nia, muttui aw"

A rawn ti leh a, a off zui daih, khumah chuan mu mengkarin ka in ngaihtuah vang vang a, ka nau nen hian in ngaizâwng lo se ka ti takzet a ni, naktuk mai khi school luh a ni tawh si, ngaihzâwng a neih vaih chuan a zirlaiah a rilru a pe tak tak thei dawn lo tih ka chiang.




LALRAMMAWIA (point of view)


In ah chuan phûr sûrh in ka haw a, Khatiang khân ka tih ngam pawh ka in ring lo sin le, room a ka inthlâk tûr chiah chu tu emaw hian kawngkhâr arawn kik karh karh a.


"Mawi...keimah"

Rawn ti tu chu Uruati âw a ni, "Aw lo lût la" ka tih rual chuan kawngkhâr chu arawn hawng a, a hmêl ngui raih aṭang chuan thil dik lo a awm niin ka hria.


"Mawi, thil pawimawh deuh zawh duh che ka nei a" inthlahrun hmêl zet hian arawn ti a , engtak chu ni ang maw tih ngaihtuah chungin "Aw enge?" Ka lo ti mai a, chutah a phone chu min rawn pe in, a phone a thlalâk chuan min ti phu deuh zawk mai,

Senior-i leh ka u kut inkai riala an in nuih var var lai hi alo ni, an lâk na hi a hla deuh na in an mahni tih hai rual a ni lo.

"Niminah ka ṭhiannu in min rawn thawn a, Mawi...i û hian ngaihzâwng dang a nei a ni thei mai angem?"


Min rawn enkiau a, chhân dân tûr ka hre hauh lo, Ka hamhaih bawk nên, " A Nih ka va ring lo, a ṭhian hlui pawh a ni maithei sin" a phone pêk lêt pah chuan ka lo ti mai a.


"A ṭhian techu ka hre ve nual sia, henu hi chu ka hmu ve ngai miah lo, ka ṭhiannu sawi dân chuan ka pa in a hauh thinrim laia a tlânna ṭhin In ah khân an kal dûn atia"


Arawn ti chuai leh raih a, Uruati hnungchhawn chung chuan ka chil ka lem khawlh, ka kut chu hûm ruhin "Khânû khân a luah duh tepawh niang chu, ka lo zawt ang" zângkhai vah chuan ka lo ti a, a reh ta vang vang mai.


"Awle, a nih, zanriah i ei tawh em?"

Arawn ti leh a, "Mmm...ka ṭhian pakhat nen kan ei a, chhuak tawh rawh ka inthlâk duh nia" ka tih takah chuan nui hak pahin a chhuak veleh mai a, a chhuak chiah tih in ka coat chu ka phelh sawk sawk a khumah chuan ka paih pawp, ka kaw chhûng rawn sa hulh hulh chu tih thâwl tum in thâwk ka la hawk hawk a, Zonunpari ka call ta ringawt.


"Kan plan kha chu cancel leh mai ang, ruahmanna dang i nei em?"

Ka han ti leh ringawt a, "Ka u hi keichuan ka ring, chuti maiin i u hi a pawm lo tawp ang, enthla phawt ang"

A rawn tih takah chuan ṭha ka ti viau lo na in, ruahmanna dang nei chuang hek lo le, ka pawm veleh ta nge nge a, hrilh tawp mai ka duh rum rum na in engkim ka hrilh dawn chuan lalcute-a kha ka ni tih a hre chhuak dawn si, ka va han buai tak, Uruati lah in a ringhlel tawh lehnghâl, ti hi chuan a hre chhuak vat ang.


MAMI (point of view)



Vawiin aṭangin class kan ṭan leh dawn, ka van peih lo tak, tûk ṭhuan kan eikham chuan ka nau nen angai ang bawkin school chu taxi in kan kal leh a, kan inbe tlêm khawp mai, zawh tûr chu ka ngah, mahse a hun ka tih loh vâng chauha zâwt lo ka ni, engemaw chen chu han inzui ve phawt se, mahse tinge ka chhûngril tak aṭang hian ka pawm thei tlat lo ni mai in ka hria.


School kan thleng chu ngawirengin office lam ka pan a, zêp lo chuan naupang ho ai pawh hian ka peih lo zawk, luhlul hlawm si, inhauh reng te hi ka ning ve ṭhin takzet a ni.


Lalrammawia pawh a bike nen arawn inkhalh phei pur pur a, office ka la thlen chhoh loh vângin ka lo enkar, a helmet chu phelhin step-a ka ding chu min rawn chhoh enkar a, a hmel chu a rum deuh ûl hian ka hria, min ko sân âk chuan ka lo en a, rum zeta min melh ralh pahin class room lam chu a pan daih nia, ka van ngei tak, ner nâng pahin step ah chuan ka pên chho pâwk pâwk ringawt.



Ka thleng chu an lo awmkim deuh ṭhap tawh, Miss Nancy nen chuan kan ti ti leh nghâl mawlh mawlh a, Sir Ênga pawn vawiin chu Tiffin arawn pai ve tawh, kan bula awm hi chu nuam ati ve ania.




Class kan la ṭan tak tak thei lo, result kan la peih fel lo nen, naupang ho pawn nuam an ti ngang mai, Answer paper kan check mawlh mawlh lai chuan lunch break alo hun leh dêr tawh nia,

"Mami, i nau leh Lalrammawia hi an in ngaizawng ve deuh ami?"

Miss Nancy chuan nui sûng hian arawn ti a, chhân mai nachâng pawh hre lo in ka lo en ho ringawt.

"Engtin nge i hriat?" Ka lo ti hû a, a nui zui hak.

"Naupang ho sawi thâwm ka hria a, khu an lunch dûn dawn aniang"

Tihpahin tukverh lam dâk chuan a nui var var a, rangtakin ka tho a, ka zuk thlîr ve chu ka rei! Inkai rial hian an lo kal dûn anih chu, ka chhûngril hi engemaw hian a vit zawk mai, ka thin arim ṭûn bawk, hetianga ual au taka inzui hi ka rem ti hauh lo,

"Ka chhuak lawk dawn" tihpahin rang tak chuan ka tlân chhuak zui a, ka lû ah chuan ka shawl dum in ka inkhuh a, shades dum lian zet bun in an hnungah chuan ka zui r'u zêl a.


Dawr ah an chawl dun dawn maw ka tih laiin engemaw sawi hian an phun dûn ser ser mai, an sawi chu enge anih ka hriat loh vângin bang phên aṭang chuan ka beng ka han dawh hnâi deuh a, ka la hre thei chuang lo, ka va dák dêk dêk chhin a, Lalrammawia hmel chu chiang takin ka hmu thei na in ka nau erawh chuan min hnungchhawn daih thung,

"Engmah ka hrethiam tawh lo, lo pawm lo se ka ti takzet a ni"

Lalrammawia chuan a ti dul ruih chu ka hre thei, a hmêl chu a ngui hlê bawk, an pahnih chuan an rilru a hah hmêl takzet bawk, chutia ka en reng lai chuan Lalrammawia chu ka inrin hma in arawn hawi phei ta thut mai, rangtakin ka pil nghâl vat,


"Tunge awm a?"

Arawn ti tuar a, ka ṭhen sawk thei, engtin nge ka tih tak ang? Engtin nge ka awm ang? Ka buai nghâl vek tawh, ka dinna thlang lama hnim kârah chuan âu tuar chungin ka dive thla ta ringawt a.


"Ana lutuk" ka ti nghâl mawlh mawlh pah chuan ka inbêng fai sawk sawk a, Hnim chungah chuan bawkin ṭhen nûng chungin ka zuan thlâk zawnga ka kawng ri tuar kha ka dawm vawng vawng a, chunglam ka han hawi chho chu ka hlauh ang ngeiin Lalrammawia leh Ka nau chuan phâwk fê hian min lo en reng anih chu, ka posi alâiin ka landan chu a nuihzatthlâk viau ang, mahse an nui miah lo.

"A u, min zui ru law?"

Ka nau chuan phâwk fê a min enchung hian arawn ti chhuak phawng a, hnimin min tâi na techu a thíp sup sup mai, ka zak bawk si, "A teuh lo mai, ka tla palh a nih hi, min en reng lo khân min rawn pui ta che u" vín zet chuan ka ti tuar a,

Chutah Lalrammawia chu rawn chhuk thla in min kai chho ta ṭuih ṭuih a, ka hnar hi a lian vekin ka hria, ka zak bawk si, ka chhuanlam lah kha ṭhing mai sia.


"School ah chuan inzui tawh su, miin an sawi duh lutuk che u"


Ram hmarh chuan ka ti a, ka nau chu min hlauh hmêl zetin kun dâ chuan a kal phei zâl zâl a, Lalrammawia erawh chuan thîp rûm hian min la en reng nia.

"Nangpawh, ka nau hi hmu tawh suh, dieper a hrên loh vâng mai khân naupang a ni lo tihna ni lo, kum 18 a tlin hma chu bialpa neih hi ka rem ti lo, in hmu tawh suh ang che u"

Tih hlawih hlawih pah chuan ka kawng dawmin ka bâi phei nghâl suih suih ringawt.


"Miss"

Arawn ti dul raih a, ka ding dat, hawilêtin ka va en vang vang a, a mitmeng chu ka hriatthiam phâk bâk a ni,


"Ka lakah hian eng rilru nge i put ve ṭhin?" Min enkar hian arawn ti dul ruih nia, a zawhna teh thut chu ka hamhaih lutuk vâng nge chhân ngaihna pawh ka hre lo.


"Ni leh lo, kei hi min hria ni la chu tiang rilru kha i pu âwm si lo"

Nui hak pah hian ahan ti zui leh zat a, a nui hmêlah erawh natna ka hmu thei tlat, mahse a sawi awmzia rêng ka hre lo.

"Nang hi ka hria che, minister fapa ini a, i duh duh iti thei a, nun nuam tak inei bawk, keini chu kan ni ve lo, ka nau hi hmeichhe ropui tak ka la nih tîr ang, a hma hun hi i tih chhiat loh hrâm ka beisei"
Amah enkar chuan ka ti a, a nui leh hak tawh.
"Chutiang rilru chu ipu tak tak lo tih ka hria, i nau nena kan inkâr ka sawi lo, nang leh keima inkâr zawk ka sawi"

Arawn tih chuan chal chuar nângin ka en kar a, "Nang nena kan inkârah hian sawi tûr a awmin ka hre lo, Ka student ini a chu zawng chu" ring si lo, mahse chiang taka a hriat theih tûr chuan ka ti fiah fak a, ka bai phei nghâl suih suih ringawt.



Tlai bân dâwnah chuan Rpa'n ka nau nên min rawn lam thlap a, a cara chuan ka peih lo viau na in min nghâk tlat bawk si, kan chuang ta nge nge a, ka nau erawh nichina ka hauh vâng kha nge ala ṭawng miah lo, Rpa nen chuan eng engemaw sawia kan ti ti mawlh mawlh lai chuan ka rin loh lutukin chak zet hian Lalrammawia chuan min rawn tlân pêl a nih chu, ka en zui tlawk tlawk ringawt.


"Lalrammawia nih kha"

Ka nau chuan arawn ti zauh a, ka hnunglam hawiin rum zet chuan ka melh nghâl, chutah inthlahrun hmêl fê hian alo meng khup lap ringawt,


"Tu maw kha kha?"


Rpa chuan arawn ti Deuh hû a, "Lalrammawia mawle, A u bialpa nge ka bialpa pawh kan hre lo" ka nau chuan nui hak hak hian alo ti a, a thusawi awm ang lo lutuk vâng chuan ka va melh hrâwk ringawt,

"Ava mak âwm ve" Rpa chuan nui lui deuh hak hian alo ti a, "A ti mai mai nih kha, ka student pakhat ve mai alawm, khatiang naupang te ngatân nge ka tih ang?" Ka lo ti nghâl ruai thung, Ka nau chu ka melh rum nghek nghek ringawt.




In kan thlen chuan Ka nau a chhuk a, ka chhuk ve tûr chu Rpa chuan a phal tlat lo nia, "Khawi ah emaw kal lawk ang, thu pawimawh sawi tûr ka nei" a ti deuh tlat a, a hmêl chu ka en vang vang ringawt,

"Eng thû?" Ka lo ti hâ,
"Thu pawimawh deuh a ni mai"

A tih takah chuan ka nau chu hrilh in Kan in khalh chhuak zui leh a, World bank road lam a pan nia, hmunfâl reh reih rawih ah chuan dingin ka kut chu arawn vuan lum thur thur a,


"Mami, khawngaihin, min pawm tawh hrâm la, nge midang duh ilo nei tawh zawk?"


Min enkar pah hian a ti a, a bula awm hi ka tui tawh hlawl lo, enge a chhan ka hre lo, hmânah kha chuan a kianga ka awm tawh phawt chuan ka khi sâng reng zêl kha nia,

"Rp reilotê"

"Ni lo, ka nghâk thei tawh lo che, khawngaihin min pawm rawh...aw...ka tina tawh ngai lo ang che ka tih kha, ka ti tak tak asin"
Dawh theih loh hmêl zet hian arawn ti a, hnar tuma ka ân zuau lai chuan ka inrin hmâ in min rawn fâwp anih chu, rang takin ka lo in la hrang nghâl vat a, min en ta vang vang mai.

"Min hmangaih tawh lo thû min hrilh miah suh" a rawn ti nghâl sup, tukverh lam hawi chuan ka kut hûm ruhin ka hmui hnuai ka pet fan fan ringawt, "Kum tam tak hnu ah i tân ka lo lêt asin Mami" Ngên ngawl zeta tihpahin ka chal leh a chal chu arawn insîk tîr a, a zei ngai khân ala zei reng mai, mahse ami hîpna erawh ahmâ ang kha a ni tawh hauh lo.

"Ka hre lo, ka rilru hi, eng chiah hi nge ka duh ka hre lo takzet a ni"
Ka ti chhuak sap a, ka chalah chuan arawn fâwp zauh, ka lo chhîng sawk thung,

"Khawngaihin tünah hian thutthlûkna chu siam la" arawn ti sur sur a, tenawm lamah tepawh a kal rum rum ka ti zawk, "Rp kei hian ka" ka hmui chu arawn hup a, min rawn fâwp leh tawh, "I thinlung chauh kha ngaithla rawh, kei hi min la hmangaih kha, i hria tiraw?"
Hnâi zeta min rawn en pah hian arawn ti sur sur a, ka lo bu nghauh nghauh ringawt.


Ṭha tak chuan kan inphur haw veleh mai a, a hlim hmêl viau na in kei erawh ka hlim em em phei chu ka hre hran lo, mahse hun rei tak ka nun ti hlim tu leh, hmangaih taka ka lo vawm ṭhin mipa a nih vâng khân ka tina ve thei tlat lo a ni, ni e, vawi tam tak min tina ṭhin ngei alawm, mahse keichuan ka tina thei hlawl lo.





In ka lût chu ka nau chuan ei rawng alo bâwl mial mial a,

"Khawnge in kal?" Alo ti vat, ka nu ang maiin min lo enkar zui,
"Ka pawm tawh, Rpa nen bul kan ṭan ṭha leh dawn"
ka lo ti vat a, chek hlak pahin min rawn pan hnai nghâl rawk rawk mai,
"U amak é, i â ta ami?" Arawn ti ruai a, ka lungawi hran lo bawk nen, ka thin a rim ṭûn reng mai,

"Lo in rawlh suh, naupang inih kha" chang faka tihpahin ka room lam ka pan a, khumah chuan ka muzawi nghâl hnawk.


Chutah ka phone chu arawn ri cher cher a, Rpa bawk a ni,

"Chaw ei khamah rawn chhuak lawk la, thil pêk tûr che ka nei a" Arawn tih chuan thâwk ka la hawk,
"Awle" ka lo ti mai a, chaw ei pawh ka châk lo, in ti faiin ka inthlâk fel fai a, Lalrammawia thusawi kha ka ngaihtuah vang vang pawh hian a awmzia ka hre thei thlâwt lo, eng chiah hi nge ka lakah a beisei ni ang? Nge kei hian hope ka lo pe ṭhin zawk? Haaa...ka ngaihtuah nasa lutuk hi ka lu tehi ana vek hian ka hria.



Rpa'n min rawn call veleh chuan a rûkinbka chhuak ru zâl zâl a,car a ka lût chiah chu min lo nuih suk mai,
"Iva rimtui ve?" Nui deuh suk suk chung hian arawn ti a,
"Khawnge kan kal dawn?" Ka lo ti daih thung, min chhâng ta mai lo chuan a car chu ti nungin a in khalh chhuak zui vut vut a.


Reifê hnu ah a in ah bawk khân min hruai leh tawh, phûr lo zet chuan ka zui lût ve mai a, a in ka lût chiah chu ka hnunglam aṭang chuan min rawn kuah chawt, ka lo phu zuk zui, ka nghâwngah chuan arawn thawlum huk huk a, ka ten deuh tlat vâng chuan ka lo in la hrang vat.


"Enge hetah min hruai? Haw ang" ka lo ti vat, mahse ka thusawi chu ngaipawimawh lo zetin min rawn fâwp ta bawrh bawrh a, ka lo nam ve ṭang ṭang na in, ka hneh lo nasa mai, ka theih tâwp chuan ka lo ṭang reifê ka tâl hnu chuan ka namsawn thei hrâm, ka thaw hlawp hlawp ringawt.

"Mami, tinge hetia i awm tlat a?" Thinrim zet hian arawn ti nia, khatianga min tih vâng khân ngaihdam dîl a hnêka a thinrim zawka aṭang chu ka lungawi lo kher mai,

"Ka haw dawn" tihpahin ka chhuak zui hmak a, hnehsawh zetin min pawt lût leh nawk, vawiin ka tlûk na ka kâwng bâwr ana bawk nên ka lo râk ṭhat ringawt.

"Min thlah vat rawh, ila danglam miah lo" Vîn ṭhat chuan ka ti a,
"Ka danglam tawh, chuan nangpawh, kan inkar a ṭhat theih nân hma lâk ka tum mêk a nih hi" arawn tih chuan ka nui hak, "Khatiang zâwnga hma lâk kha ilo tum a?" Ngeiawm zet chuan ka lo ti, "ka fâwp ringawt che, thil pawi dang engmah ka ti lo, min hmangaih tawh lo niin ka hria, nge mipa dang vâng zawk?" Arawn ti zui zat a,ka chhâng tawh lo, ka tlân chhuak nghâl nal nal a.



Min rawn ûm zui eih lo techu ka haw takzet a ni, foot pad ah chuan ka kal chho hlawk hlawk a, a vawt bawk nên,"Hey" ka hnunglama rawn ti tu lam ka hawi chu ka mengkâwk thei,

"Lalrammawi"
Ka ti chhuak hawk a, a helmet khum siin ke in alo kal vu vu nia,

"Khawnge i kal a? Hetah daih daih"
Chîk zet hian min en a, ka chhâng peih lo, ka hmalam hawi hmakin ka pên chho pâwk pâwk ringawt, kabpên zâwng lah chuan ka bawp hi ana zawk zawk thei, a in kalh tlat ang hian a awm ni berin ka hria.

"Haw na tûr i neih loh chuan ka lo thlah ang che" arawn ti lûng lûng a, mahse enge achhan ka hre lo, ka ânkhum hrep hnû thlah chu tlâwmah ka la tlat nia.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)