His at night Chapter- 5 ~ by Hming*i hmar

Episode kal lai dah luhna

Moderator: writers

Hming*i hmar
Posts: 5
Joined: April 8th, 2021, 10:39 pm

His at night Chapter- 5 ~ by Hming*i hmar

Unread post by Hming*i hmar » May 14th, 2021, 11:33 pm

Hming*i Hmar ka lo let leh ta e. Story ziah ṭan chiah hian buaina neuh" hi lo awm duh khawp mai :D


*****************************************************



Amit leh lam min san khum zeuhin a hmel landan chu a thutak sawt em em mai leh nghal. Tunah tak hi chuan tlanbo san daih ka duh,ka thei bawk silo. "Thei teh reng mai" tih leh a dar a min put a rual nghal. Ka mangang lutukin ka ban leh ke vel chu han len ve vak vak mah ila,ani ang palian leh taksa hrawl tham zet tan chuan a ho tham lulai deuh zawng ania nge a nuisuk duh chauh...



"Barron eng thil nge ti nia i in hriat? I â mi? Tunah min dah thla nghal rawh" tia au vak"in a hnungzângah chuan ka chum ve vak vak ringawt. Kan hmelṭhapa lah chu ala nui ang ta deuh"a.


A kal ṭan chiah tihah chuan a hlau ber"ah ṭangin rem leh rem loin kan kuah leh hnuhnawh a. Chutia a hnung lampang a ka lu an awm takah chuan a hnung lam bawk chuan ka mit an la leh tawh!!!!!awi hâ engtin nge kei hian chutiang thil ho lutuk chu tun ang hunah te ka ngaihtuah theih zawk!!!ka â tak" tawh ani ang. Ka tih ngaihna hre lo chuan a aia nain a hnung chu kan chum leh vak" a, tlai tawh viau mahse khawngaihte kan dil leh hnu hnawh a "Barron khawngaihin min dahthla hram rawh. Min chhuk tirla,i carah i thuawih deuhin ka chuang ang tih ka tiam a che. Khawngaihin min chhuk tir hram rawh" ka ngenna chuan hna a thawk pawh a ni mahna atawp"ah chuan min chhuktir ve ta hram a lawm. Ka lawm lutuk chu kan thaw chhuak leh deuh hawk a, min lo en ngurin ala kiai suk zui. Ka zak lutuk chu a hmel pawh ka enṭha ngam meuh lo.




"Kal hmasa rawh le" tiin a kut a phar chhuak a. A hmaah chuan lai ang rwng tak a kalin Aarona chu ka va hmu fuh a, a nive thung chuan kei min enloin Barron lam chu a lo melh deih.



Ka hnungah a kut chu a rawn dahin min la tiphu nghek zui. Amah chu ka han enchho deuh hâ a, hma lam melh ngurin a ṭhen suk a. Ka hnunga a kut dahna lai a piang chu arawn sa chhuak vek mai hian ka hre hial a ni.



Bar kan lut chiah chu Ivan harhfim hmel zet a lo ṭhu run ka va hmu hmasa ber a mahse,anin min rawn hmu ve chiah aban vai tum a arawn phar kang chiah chu a balance hlauin a tla ri dawp. Van che nice lo thei tak,nuih insum ṭeuh chungin ka tlan phei nghal vat.



Barron pawh chu rawn tlan phei ve nghal vatin "I ṭha em?"a rawn ti nghal sawk sawk mahse a mizawh nu chuan chhanzai reng a rello a chhan chu a nui nasa lutuk a din pawh a ding ṭha thei lo lek lek zawk. Kei pawh ka insûm thei tawh thlawt lo,Ivan nen chuan chhan awm loin kan nui ta vak vak ringawt.



Chutah kan piah a ham haih hmeldeuh a ṭhupa chuan "Thil eng emaw ka hriat ve loh a awm em ni?" a rawn tita nge nge. A ham haih lutuk chuan engnge tih tur a tih loh tur tih pawh a hriatthiam hmel loh kher mai.



Barron chuan kan pahnih chuan min han melh tawn leh zak zak zel a. Keini chu kan lo nui nasa zual sauh , a chhan chu a hawihai hmel vel han hmuh chu amah nen a inhmeh lo bawk nen kan lo nuih vak vak, ka nuihna lamah ka la tlu ṭhelh zui.



Barrona ning hmel ka hmuh takah chuan ka nui hmel chu ka tawp deuh riai"a. Ivan nui ṭhen ṭhaw chu pawm kang nawlhin "Min rawn zui rawh....Aw Lalpa min han pui hram teh......Rory i tawp lo a nih chuan...." tia min rawn vauin a kal zui nghal nal".



Insiam ṭha nghal vatin thutak hmel deuh chuan kan awm leh hnuhnawh a. Eng nge ka hriat ni ka inhre thiam thlawt lo 'Min lo zui rawh' a tihkhan ka zui ve tawp. Zui chhuakin bar chu ka kalh fel nghal thlap.



Awi ka awi thei lo! Nilo hepa hian Aston Martin a khalh a nih chu. Kan din hmun inthlauh zia ka hriatin 'Ka kawptur chi a nilo' tiin ka lo ngaihtuah, a nuih zatthlak zawk mah alawm mawle. Ka pangvel chu rawnna ṭhumin,ka mutte hlei hlei chu a chhuakin ka hria.


Ivan chu a kar chhungah a ṭhutluh tir lai vel chuan alola ṭhen ṭhaw a. Ka ṭhutna tur a passenger seat min hawnsak laite chuan min enreng bawk sia ka thawṭha hlei thei lo,ka thaw(k) a chham hial dawnin ka hria. Motor chhung a ka ṭhut fel hnu chuan motor kawtkhar chu rawn nam khar dawtin,motor chu a rawn kal hual a arawnin hnawh lut nghal vat. Driver seat a aṭhute chu a ahmel a thutak ropuisia,hepa hi engtik lai pawh hian tûmbûr reng hmel a put ka ring tawh hial zawk.



Motor khalh a hmalam melh reng tupa hmel nelawm loh zet chu ka lo en leh veng" zel chu kain hrethiam thei lo. Min rawn hmuhthut hlauin hmun dang ka melh kual deuh zuk" a,thildang ngaihtuah daih tumin ka car chuanna mek chu ngaihtuah daihin rilru ka la peng ta daih a. Ka la awih thei lo!!!Kei hi Aston Martinah ka nun pum a avawikhat nan ka chuang mek,chuta kar a sawi hmaih theih miah loh tur chu Barron hian car khalh a thiam turu buru tawp a ni mai. Engkim hi a zei velvek hianin ka hre tawh.



Ivan nuiri kerh kerh ka hriatrual chuan ka sirlam ka enphei nghal dawrh. Chutah Ivan chu kei leh Barron inkar ah chuan rawn awm pheiin a rawn ṭhen ṭhaw a nih chu.



"Barron i hria em he Rory hian maw bialpa hmelṭha tawk a nei, khapa ang a hmelṭha kha ka la hmu lo reng reng" a aua rawn auin ka sir a mipa nen chuan a sawi zawh rualin kan ṭhen chawk chawk mai.


A thusawi vang chuan mak tiin amah chu meng kawk kawk chungin ka en hû ringawt. A nive chu tukverh ah dakin thil ngaihtuah muk hmel deuhin alo ṭhufel leh at tawh.


Barron chuan min rawn en nghal chat " A nei maw?" Rawn ti supin ka en nghal vat, asawi zawi lutuk chu kan hriat tur a asawi a nih pawh ka ring chiah lo. A mitmeng thim tawhsa nak alai a rawn thim belh leh nimai hian ka hria,a taksa lian tak rawnin sangmar mar tawlh tawlhte thlengin ka hre thei hial nia mawle.


Kan hnung lam a mi chu chu Barron nen kan inkar awl ah bawk chuan rawn awn phei lehin "A bialpa chu maw a thawhna a mi rawn thawk thar a nia, ummmmm duh i thlang thiam hle mai, Rory" tia a rawn ṭawng chu seat hnung nghengin a ngawi zui leh nghal hmak. A hnuah min rawn enin "Oops, Tak takin a achhiat loh thu vel kha ka sawi chhuak tawh miah lovang. I bulah leh lek phei chuan " tia rawn nui chhuak hawkin seat hnungah chuan a bet nghal leh nghal thlawp.


Barron chu hawisawn nghal vutin hmalam a melh nghal run mai.



"Nilo,ka....."tia ka insawifiah lai chu Ivan bawk chuan min rawn ṭawngkhalh lehin ka thusawi lai chu arawn pawt chat leh nghal hmak.



"Ka mut a chhuak" tiin a rawn au leh vak. Mahse, a rawn auhvak pawn phu eih tur pawh ka awm lo,a thusawi vang khan ka ngaihtuahna te hi ala buai vekin ka hria.


Barron chu rawn hawi loin kawng chiah en angin lang mahse anau thusawi kha a hreve vek tih hrilh nawn ka ngai lo nasa a ni.


Thinrim inthunun tum ang maiin a bek pawng tawlh tawlh chu thawk la hawkin arawn thep tial tial a.....a khabe ruh kual laite chu siam tuin a duh dan tak a asiam tih hriat zetin a invuah dik thlap bawk sia, a hmelṭha thlawt...steering a humna kut te chu a ahumnat em vangin a var/dang pup mai.



Tukverh dar thlalangah chuan ka lu nghatin ka thawchhuak hawk ringawt. In thlen vata he car aṭanga chhuah vat hi ka duh ber.


Kan flat awmna kan thlenin Barron chuan a nau chu a pawm chhuak nghal vut a, flat chhungah lutin anau chu a roomah a luh tlangpui nghal daih.


Hepa hi amak reuh ngawt mai nelawm loh leh biak chakawm lo deuhin awm mahse a nau hi a ngaihsakin a duat em em lawi bawk sia.


Ivan room kawtah chuan lo nghakin bang nghengin ka ding sawi deuh nuai a, ka mut chhuak lutuk chu ka chhing deuh riai riaiin. Vawiin ni ringawtah pawh thil a van thleng nasa hman tak em(!), darkar rei lote tal pawh mut ka duh tawh takzet, anih loh pawn nikhat emaw karkhat emaw pawh a pawilo.


Kawngkhar rawnin hawng thawmah chuan ka hawi chhuak nghal vat a. Asam buk laiah chuan a kutṭang rawlhin a tuai chho deuh hrawk a, ani pawh a chauh hmelve takzet. Asuit hmalam chu pawt phelhin atie chu a pawt thawl nghal vat a. Hepa han ṭhat dan bik em em hi chu awwww.... ṭahkhum vak mai ka nâp.


"A ṭha em?"tiin zawitein ka zawt a,ka awte lah chu ka mutchhuah tawh vangin a chhâng deuh ṭiau leh ang ta nghal"a. Ka mitte lah chu ka meng ṭawk"in ka hria. A pen lai chu ding chawtin a rawnin her ṭuah"a. Ka hmaah rawn ding nghal vutin,keive chu dinṭhat a insiam rem pawh tum hlei lo chuan ka lo melh ve ngur"a.


Ka chezia leh awmdan vel chu uluk tak a enin a hnuah chuan a mitmeng rum ûl pawh hmuh a nuam ve ta deuh.


A hma â harhfim lo zet a ka ding awn uai"te hi ka duhdan pawh a ni bik lo,ka chau tawh em a tinni,keimah leh keimah pawh hi ka inhaw ve tho. Mahse, Ivan hi a ṭha em tih ka chian hmasat phawt a ṭul miau sia.


Ka taksa chu rawn melh kual dun"in ,ka taksa a melhna lai a piangte chu a sa nghal huam huam thei nia mawle. Ke lawngin ka ding a,ka coat hmalam chu inkilh phui lovin ka sam ṭawnsan vah aṭang chuan sam tlem a zawng a rawn tla hnawk deuh niai bawk a. Tunah hian ka lang ṭawp tih chu ka phalo mahse,a mitin ka mitah tak a rawn leh takah chuan ka landan tur velah ka buai hman tawh lo reng reng.



Alu min buk khum zauhin min rawn dinhnaih zual sauh a. A chetdan engkim chu hmuh loh hlau zetin ka lo enreng a. Ka biangsa hat hat a akut pahnih a arawn dawmte chuan hahdam hmel deuhin mit ka lo chhing sawk . "I chauh hmel tak zet,va mu tawh rawh".



Lu bukkhum zauh mah ila ka che sawn thei chuang silo,min khawihna avang khan ka hahdam sawng sawng miau a. Mahse min deh chhung kha ava reilo si êm....


Ka biang a dawmna kut chu la thlain a tawlh hnung nghal zat. A kut lum vawng" kha ka ngai nghal em em ringawt lehnghal a. A kut lum nuam zet kha pawt let lo turin ka taksa peng zawng zawngte hi ka thunun hram hram a ni ber mai.



Ka theih tawp chhuahin ka khawvel siam chawp aṭang chuan chhuah tumin ka bei a,he mipa kut lum nuam zet leh ka thlak nghelh ngawih" pa hi ' Tu nge a nih?' tih inzawt in chu chuan lungngaihna in min rawn bawh leh nghal chuk chuk mai. Mahse, eng vang a lungngai nghal em"nge ka nih tih hi ka hre chuang der silo.


"Nia,ka mut a chhuak lutuk chu chu ngaihdan ṭha tak a ni " ka ti deuh sup.



Amah chu ka en deuh run a,mahse a ni chuan min enve duh loin thildang a melh kual deuh sek ringawt. Ka en deuh reng vangte pawh a ni mahna,ka mitah tak chuan a rawn enve ta nge nge. A landan nel awm zet kha awm tawh loin,mipa mahni inring tawk leh hmel dur khup reng hmel kha alo pu leh deih tawh.



A nelawm loh ve ṭhin ngawt mai,thinrim niawm takin a khabe ruh chu a rawn pawng tial" a,bawlhhlawh nen a danglamna nei lo ang mai a min ennate chu tawrh har viau mahse,hei hi kain hriat nawn tir fo a ngai 'Tu nge? Eng mize pû nge nge a nih' tih leh kan dinhmun inthlauh zia hi hrilh nawn fo ka ngai a ni.


Chhuat chu bih daih mah ila ka mitsir chuan a ban a lek chhuah mek chu ka hmu reng tho. A rilru a thlakte pawh a ni mahna,a kut lek chhuah chu dahthla leh hnawkin a him ruh nghal ngawt ngawt


Ka ngaihtuahna ah chuan 'A ni hian tun lawk a min khawihna ang khan vawikhat tal min khawih leh duh a ngem le ?' Tih chu a rawn lang hlawl. Tupa hriat va ni suh . Ani chauh lo chuan a ngaihtuahna te chu an hre nang mawle.



"Ka kal tawh mai a nge" tih leh kal a rual nghal nal nal.


A taksa hnunglam melh chuan lu ka thing nung nung,min hmuthei a hlei pawh nilo chu loah chutiang lam ka ngaihtuah pha tawh lo hrim hrim.


Kawtkhar athlen chuan rawn hawilet lehin ka mitah tak arawn en a,kei chu che chang miah loin corridor laiah tak chuan ka lola ding reng a. Chhan leh vang awm chuang si lovin ka dinna ngaiah chuan dingin ka ngaihtuahna ramah chuan ka lo bo veng" mai.


"Good night, Rory. Tui deuhin imu dawn nia" min mangṭhana thu a sawi zawh meuh chuan kan flat aṭang a chhuak fel hman vek tawh.


Kelawng nen ka sam hnawk chhapte nen chuan ka dinna ngaiah chuan dingin a chhuahna kawtkhar chu ka thlir vawng vawng ringawt.


Ka tha neih zawng zawng sawm khawmin kawtkhar kalh ṭha tur chuan ka thawk chhuak a,kawtte ka kalh ṭha nghal vek a,ka room bualin panin vawiin a thil thleng zawng zawngte kha silfai vek a theih nghilh nghal vek ka duh tak zet.Hahaa....chu chuan min puih in ring em? Teuhlo minpui lo takzet. Mahse, chu tiang thil mai"in ka ngaihtuahna hneh tir a inthunun tir chu ka tum bik hauh lo.



Ka chau lutuk,thil ṭullo vang a ka duh leh mamawh nilo a rei min men hi ka mamawh lo takzet.


Inhru hul nawk nawkin ka t-shirt lian ṭha hnek hnawk chu hain khum ka pan vat. Ka lu leh lukham ain sik rual deuh thawin ka chat thla nghal ang.


Ka mumangah chuan kha mitmu buang leh thim khupte,a nui hmel min hip a min tihlim veng veng thei khan ka mumang chu a rawn luah khat nghal vek.



*****************************************************




Mangṭha vek u oooooooo,regu ka tum ve hram hram a nia.Ka post vat theih loh chhan chu fb ka postah khan a pic nen thlap ka rawn post kha oooo.... :? :lol:



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)