KA TA INI PROFESSOR CHAPTER - 10 to 11

Episode kal lai dah luhna

Moderator: writers

mawitei bawihtlung
Posts: 291
Joined: November 18th, 2020, 12:53 pm

KA TA INI PROFESSOR CHAPTER - 10 to 11

Unread post by mawitei bawihtlung » September 14th, 2021, 9:00 pm

KA TA INI PROFESSOR







CHAPTER 10





“ Than I inpiahah hian kan awm ange aw ,helai chu pathum tan chuan a zim bawk sia ,a hran theuhin in hnaihte hian awm ila " Kimi chuan a rawn ti a ,ka nernawng “ Tikhan awm suh kan inhnaih dawn tho a lawm ,chubakah in pa hian min melh rum thei riau in ka hria " tiin an nui pat pat a ,ka chum nghal awk chu a er ngawng ngawng a .










Ririni alo nui char char bawk “Lalthanmawi I thiante hi min thah i tum ami " tiin a thaw hak hak a “ I tawngtheih vang anihkha Nathan hi a mengrum thlawt lo a mengmawi ber ,nangni pawh hi nizan ah Khan thil thleng a awm chiang mai ,enge in zep " ka tihchuan an hmai a sen tan tan a “ Sawi vat rawh u laih kual kha angai lo in va easy ve " ka tihchuan “ Lalthanmawi" an rawn tileh thawt a .








“ Ka hming hi chu tupawh hian mawi inti a nih hi ,hmm fimkhur ula ,in pasal tur diktak hnenah chauh in thianghlimna kha hlan ang cheu ,in ngaihzawn chuan awmfal Chang a awm lo thei lo ,mahse a tu a pawh kan insumna hian thil tha zawk a thlen fo a nia ,ka thiante in nih rualin ka unau te ang in ni a ,chuvang chuan ka thusawi hi zawm ngei in tum Dawn ania ,insum a lo har viau a nihpawhin in rilru in Pathian au ula ,hmeichhe buanchak lo ti a miin an sawi cheu ka duh miah lo a nia .










Hmeichhia chu kan hmingchhiat na hi hote a ni a ,mipa ang kan nilo tih hriat reng tur ,mipa chu an thiltihsualah pawh a mualpho zawk an ni ngai lo a ,hmeichhia erawh kan vawikhat tihsual hian damchhung a daih tawh thin ,chuvang chuan nakin huna inchhir lohnan tunah hian kan fimkhur hun tak ani ,Nathan hi hnamdang mipa chu a nimai thei ,mahse vawikhatmah ka duhlo chung min la tilui lo ,a insum hmel hi ka hmu in ka khawngaih ve fo .










Mahse ka thianghlimna hi chu ka pasal tan ngei a hlan ka duh,in inluah hranga Nick leh Michele an rawn leng a nihpawhin ka thusawi hi in hre reng dawn ania ,an ni pawh mipa rintlak tak an ni tih ka hria a ,in tan an tha Dawn tih nen ,inhauh loh hram intum Dawn ania kan mipa te hi ,milar hmeichhe ho ngaihven an ni tih kha hre reng chungin a tul fe a nihloh chuan thikna mitmeng hmuh loh hram tum tur" ka tidap dap a ,ka thusawi pawm takin an lo bu nghat nghat a .










“ I va han puitling tawh bik ve ,I awm hranga I puitling chak hle mai " Ririni chuan a rawn ti a ,ka lo nui ringawt thung ,ka room luah dawt chiahah chuan a hrang ve ve in an awm a ,kan inau pha reng bawk nen chungin a hrehawm loh ,college kan kal a mahse Nathan a rawn kal lo a ,a ban tur thu ka hriat chuan ka hamhaih ,nizana Mr Keyden a thusawi ang khan a awm dawn tih a chiang tawh a .









Mahse tinge engmah min hrilh miah loh le ,zanlamah pawh min be lo a ,ka call lahin a chhang thei hek lo ani hian enge tih a tum ni ,Nick te ka call a an ni lahin engmah an hre bik silo ,rilru hah zetin ka thaw chhuak hawk a ,news an puan chu ka en a ,ka mengkawk ringawt ,Nathan leh Kaya chu induh hmel zet hian an infawp a ,an bulah an chhungte ho an nuisang a ,ka mittui a luang ngiai ngiai.








Chutah mipui hmuhlai chuan Nathan chuan a la pawmkang zui ,ka phone a chhang lo a min hmu hek lo ,enge thil awmzia hi ,ka kawngka a rawn ri a ,Kimi leh Ririni ka hmuh rualin ka lo tahkhum nghal hawm hawm “ Ell ,enge a awmzia in inthen ami " Kimi chuan hamhaih zet hian a rawn ti a ,ka lu ka thing nawk nawk “ Engmah hi ka hrethiam lo ,ka call-na vel engmah a chhang duh lo a ,a buai a nih ka ringa mahse chutiang a lo ni silo a " tiin ka tap leh hawm hawm a









Min kuahin min hnem mawlh mawlh ,niliam ta mai kha chuan ka tan a rinawm tur thu sawiin min hmangaih thu min hrilh a nihkha ,mahse zingkhua a vara a thutiam te a theihnghilh ta vek si ,Nathan thil awmzia tal min hrilh dawn lo em ni ,ka phone chu ka phawrh leh a ,a lak hma chu ka call dawn ani tawp mai ,vawi 5 a rik hnu chuan a rawn la a ,“ Aw enge " nelawmloh zet hian a rawn ti a .









“ Tinge ....tinge dawt min hrilh " tiin ka insut leh hlawp hlawp a ,a reh deuh vung vung a ,a dah emaw ka tihial “ Min chhang rawh ,engvangin nge min bum" ka tichhuak hawk a,ka kut chu ka hum na vek bawk ,ka mittui lah chu a luang zawih zawih reng leh nghal “ Ka bum awm che ka hrelo ,mipasal ka ni tih hre reng chunga min bia kha I tisual zawk ani " a rawn ti a.








A thusawi a vang chuan ka khawng deuh awt a “ Tinge hetianga min tileh tur hian min lo hnaih ,mawh? engvangin nge min phatsan leh mai tur si chuan hmangaih tur che a min siam ,ka hmangaih che tih I hre reng a nilawm ni " ka tichhuak leh tiau a ,ka vin theilo ka hrawk hi a thipin ana ,ka lung te hi a na ut ut a ,a puakkeh mai dawnin ka hria “ Min theihnghilh rawh ,engkim kha a der vek a nihkha " a rawn tileh a .









A thusawi hi a tak nilo se ka titakzet “ Ka pasal hi rawn be buai tawh suh ang che " Kaya pawh a bulah a awm amaw ,ka zaka ka rilru a na bawk ,tunah chuan ka thiltih in keimah zawk min vaw let ta si a ,phone chu dahin khumah ka mu a ,ka thiante pahnihin min biak an tum chu keimaha ka awm duh thu ka hrilh a ,an chhuah hnu chuan ka tap leh nghal hlawp hlawp .








Hun reilo te mah nise a kiangah Khan ka hlim a sin,hetiang hian ka thlah angai ang tih ka ring ngai lo ,a bulah khan ka thla amuanga ka nihna ang anga ka lanngamna awm chhun a ni a sin,kei min ngaihsakna anga Kaya a ngaihsak tur ka ngaihtuah ringawt pawh hian ka na ,ka mu thei lo a ,engmah tihchakna ka nei tawh hek lo,college pawh ka chawl rih a ,ka thiante pahnih erawh an rawn kal tawh ro ro a ,pelh lo hram se ka duh










Ka mu reng a ,chaw pawh ka ei tha peih lo ,ka chau in ka na ut ut reng lehnghal ,ka mittui a tla reng bawk si ,ka chau nghulh hian ka hria ,kawngka a rawn ri a ,Kimi te pahnih bakah Nick leh Michele an rawn kal a ,peih lo zetin ka tho chhuak nghal tiai tiai a “ Awi lo tho duh suh ,kan rawn haw tlanpui a ,i ziaawm nge awm lo an rawn kan dawn che a nih hi" an rawn tizung zung a ,ka lo nui luisak ringawt “ Ellie kan naua hian chhan neiin thil a ti nge ang tih kan hria .










Chuti nilo se hetianga a awm kan ring lo ,engkim a tha leh vek mai ang ,keini pawhin lo biak kan tum Dawn ania " Michele chuan a rawn ti a ,ka lu ka thing nar nar “ Chhan a awm ka ring lo ,awm chu nise min hrilh ngei ngei ang ,a nupui hi a hmangaih tih a Chiang reng tawh a ,inrawlh ka tum tawh lo ,a nun hlim takin hmang rawh se ,na viau dawn mah ila ,ani a hlima a nun a nawm phawt chuan keichuan ka tuar thei mai ang .











Keihi tisualtu ber chu ka nia lawm ,mipasal a ni tih hre reng chungin bul ka lo tanpui si a ,chuvang chuan a nipawh a inhmu chhuak ta ani ange ,engmah sawi a ngai lo " ka ti sap a ,pawnlam chu ka thlir vang vang ,Nat nimin thleng kha chuan ilakah beiseina neiin ,kan pahniha chhungkua kan din hun tur ka suangtuah a sin ,mahse zingkhua a lo var a ,ka suangtuahna te chu a bo ta si a ,ka tan hian hringnun hi a rawng nge ,mitthlaah kan inhmuh tirh lai te chu a rawn lang uar uara.










Nuichunga ka dara a bei lai te ,ka tihtauh changa a aw thum bula min hnem ve thin lai te chu ngaihtuahna in a chhui kir a ,mittui bawk a chhuak leh ta ,Kimi te ho chuan min khawngaih hmel zetin min en a ,“Min chhuahsan rih ru" ka tisap a ,an chhuahrualin ka tho chhuak a ,ka tho chhuak a ,tukverhah chuan dakthla in kawngpuia ,in ngaizawng inkai riala kal te chu ka en a ,en teh maw midangte chu hlim takin an nui duna ,an lengdun a sin .









Ka tawrhna reng Dawn lo in I liam ta si a , I ngaia ka mittui tla te hi rawn hmu la ,ilo let duh angem ,Nat min rawn hmuh i tum tawh lo em ni ,ngaiin ka au lawm lawm che a sin ,mahse tinge min rawn hmuh I tum loh , Nathan lutolf ,ka au che ,ka au char char che a sin ,tinge min chhawn duh miahloh a ,lo kir leh rawh mawh ,dawt a ni tih min hrilh rawh ,beiseina mei min chhit sak a,mahse mei chu a alh vung laiin alh leh tawh ngai lo turin i leih mit ta si a .









Hmangaihna awmzia min hrilhin ka hringnunah ilo lang a,hlim taka min nuihtirin ka mittui a tlak I phal ngai lo a nilawm ni ?mahse tunah hian tapin ka au che a sin ,a reh ri a ring zual a ,ka duhluat a vang Khan atthlak takin ka chet phah fo thin,mahse a tana ka thiltih te kha a lo tam tawk lo a ,a lo hlu tawk lo ania nge ,tunah chuan ka chelh zawh rual a ni silo .








A tana ka tihtheih tha ber chu kalsan a ni a ,a hlimna ka thlen ve thei tawh lo a ,ka chelh theih Dan tha ber chu a kut thlah anita si ,a chhan hre lo chunga ka thlah a ngai a,beisei reng si a ,ka beisei tawh loh a ngai bawk ,hlim sela ,a hmangaih ngei bulah chuan kal rawh se ,hliamtu sulhnu hian engtikah emaw chuan dam hun leh reh hun a nei ve mahna ,hmangaihtu nunrawng ,ka tana i thilpek hlu ber hmangaihna chu a kawltu tur diktak I pek theih nan ,ka pe let ve che ni rawh se .










Zanlamah min chhuahpui an duh a vangin min sawm ngat ngat a ,ka aw ve hram ,Nick leh Michele an min hruai a ,restaurant pakhatah min hruai a ,lui lam sa an chah nghal bawk ,keipawhin ka eilui a ,ka intih chak hram hram a ngai a ni tih ka hria ,mahse kawngka lam ka en a ,rawn lut mek te a vang chuan ka dingchhuak zawk a ,chutah Nathan nen ngei chuan kan mit a intawng nghal siah ,mahse min en rei lo in. ahawisawn a ,Kaya chu bia in a nuihsuk a .








Dawhkan lam an pan nghal zat ,ka thu thla riai riai a ,ka insum zo lo mai dawn in ka hria ,ka thil eipawh a tui tawh lo,reife hnu ah an nupa a an chhuak chu ka insum zawh tawh loh a vangin ka zui chhuak a,a kuta va chelhin a hma ah ka ding a “ Nat engvang nge a chhan tal min hrilh rawh " ka tichhuak tuar a ,Kaya lo tawng a tum chu a khap vat ,chutah kei chu min en in a nui haka ,a mitah tak ka melh ve ngar bawk .









Mahse a mitmengah chuan engmah a lang chhuak lo a “ A chhanchu maw ka infiamna ka titawp anihkha ,ka hmangaih nena kan intihbuai a vang hian ka thinrim khan ka kawp ta mai che a ni ,nangchu intihhlimna pakhat chauh ini" a rawn tichhuak sup a ,ka pai deuh dat “ Dawt a nihkha dawt ,nanghian min hmangaih ,dawt sawi suh min hmangaih thu min hrilh kha " ka tileh tuara .









Kan thiante chu kan bulah an rawn ding a ,Nathan chu a thaw hawk a “ Ka hmangaih ngai lo che ,a tawk em keichuan nupui ka nei tawh a ,ka hmangaih bawk ,nangang duh duha kawpkual theih hi ka hmangaih che i ring ami ,Nick hruai haw rawh u ,kan nupa hian intihhlim kan duh a ,boruak thalo kan mamawh lo " a tihlai te chuan rilru na zetin ka melh tlawk tlawk a ,engtin nge hetianga min tih theih ,boruak thianghlimlo ang maiin maw min lo ngaih .








An kal tur chu ka au zui leh hram a “ Engtikah emaw inchhira ilo kir leh hunah chuan I tan ka beng ka chhi ngawng ve tawh ang,chhan awm lo a min thena ,ka nun tichhe tu hi ka theihnghilh ngai bawk hek lo ang che ,I hlim ngei ka ring mahal ko,” ka hmangaih tih tawngkama min tihna ngei a ka tihlai chuan a inhum ruh chu ka hmu vek “ Mahal ko ,ka tello chuan I hlim takzet ang maw ,ka telvelohna hringnun chu nuam takin I hmang thei tak meuh ang maw .








I inchhir miah lo ang maw ,ka auh lawm lawm lai che a ,min hnungchhawn tu hian min rawn au ve miah lo ang maw ,a tha e kal rawh ,chhan awmlo a I thil tih hian a la vuak let ve ngei che ka beisei ,min auh huna eih tur che ka lo awm lo a nihpawhin vui hauh suh ang che ,hlim takin kal rawh ,ka lam penkhat pawhin I rawn pen tawh tur anilo ,ka lo pawm tawh Dawn silo che ,Nathan lutolf mangtha le " tihpahin ka inhersan a ,mahse ka mittui erawh a tla zawih zawih reng thung.









An kal Liam hnu chuan ka thiante pahnih chu kuahin ka tap chhuak hawk a “ A kal tawh a lo kir tawh Dawn lo ,tinge min kalsan ,ka thusawi kha angaihpawimawh ka ring a sin ,ana lutuk tinge hmangaih neih hi hetiang em em a min tichaklo tu nitur hian a lo awm ve .







Nghet takin ka chelh thin ,mahse akut kha ka tan chuan hling zum hriam tak ang mai a ni si ,ka hmangaih hmasa ber tan erawh a infiamna ang lek ka lo ni a , chu ka hmangaih chu ka nun tichhe tu bul a nita si ,boruaka thamral a ,a nihloh pawhin pian nawn leh a ,a hmeichhe hmangaih ber ni ila ka chak ,a kuta kaitu leh a fate nu tur ni ve ila ka chak ,Nat hlim takin aw ,inchhir a ilo in lam let hunah chuan hmangaihtu che thinlung hi a inlamlet tawh thung anga .










Ka tan chuan ka hriat reng tawh tur pakhat inih tawh ngei ka beisei ,sernung hnutchhiaha I kalsan tak thinlung hian a hmangaihzia che i hriatchhuah hunah meuh chuan i tlai mai ka hlau ani ,hmangaihtu thinlung hi tina ngai suh an tih fo kha ,a chhanchu hmangaihtu a inlamlet tawh chuan engtiang pawhin bei mah la ,a hmangaihna a dai tawh dawn si a .









Kalsantu kha nakinah chuan inchhir hun anei ve mahna ,I kalsan tak hian hmangaihtu dang a hmuh hunah chuan i lam a hawi a rem tawh dawn lo a sin ,hmangaihna hi infiamna maiah an chhuah ngailo ,a chhanchu maw hmangaihna hian thihna hial pawh a thlen thei in ,pawinasa tak a khawih thei a sin ,he khawvela natna na ber hi enge ti ila tupawhin ,hmangaihte neih theih miahloh hi a ni an ti ngei ang.











I kal a ,ka hmangaihna che i hnungchhawna ,nghaktu che i ti beidawng a ,duhtu che i hlat a ,beiseitu beiseina chu i phum hnan ta si a ,mahse ka hmangaih nang i hlimna a nihchuan ka kalsan ang che ,i nuna lut hmasak zawk chu ka tluk thei mawlh dawn silo ,an sawi thin kha ,hmangaih hmasa ber chuan thih tik an nei ve lo a ,kum a liamin midang ta nih hnu ah pawh hmangaih hmasa ber chu kan ngaihtuah leh nge nge thin an tihkha .









I hmangaih hmasa ber ka nilo hi pawi ka ti a ,I nupui hmasa ber ka ni ve thei lo hi a pawi ka tilehzual ,“ Hmanhmawh ru ,Ellie I tha em " an tihpawh chuan ka chhang thei tawh lo ,ka khawhmuh hi a phe vek ,ka taksa chu a kang lawp a ,ka nuisak ringawt ,ka chakna kha a bo tawh miau a ,ka energy hmuhna ber chuan min kalsan ta si,lo tawng lo zawk che ila ka hlim zawk angem ?ka ring chuang lo .







I tellohna khawvel chu a nawm ka ring chuanglo ,hmangaih berte awm ve lohna chu a nuam tak tak ngai silo ,ka harh leh chuan khua a lo var iar tawh a ,ka thiante ho ka zawnga mahse tumah ka hmu lo ,ka room kawngka rawn rirak chu ka en a ,Mr Keyden hmel ka hmuh rualin ka meng deuh kawk “ Kha I tha maw " a rawn tisup a ,ka lo bu nghat “ Enge I duh " ka tisap a ,a rawn kalchhan awm tur ka hre miahlo .







Ka khum bulah chuan thu thla in min en ngur a ,a mitmeng hi Nathan ang chiahin a nelawmloh riau “ Thu pehhel lo in sawi mai ila ,ka fapa hi hnaih tawh rihlo la ka duh ani " a rawn tihchuan ka nui hak a “ Engvangin maw " ka ti ve nghal vat “ A chhan chu a hna hi zo se ka duh,a hma a I rawn inlan a tang hian engkim a tikhatin kan kiangah pawh a awm tlem hle a ,nupui neilai a nitih I hriat kha ,nangpawh pasal neiin I pasal chu hmeichhe dang nen lo inkawp ta se ,I lungawi hauh lo ang..










Ka fapa hian a chhungkua chiah ngaihsak sela ka duh a ,khawngaihin ilo tibuai tawh lo hram Dawn ania ,a tul chuan pawisa pawh ka pe mai ang che " a rawn tihchuan ka nui hak a “ Rosum a vangin Nathan hi ka hnaih emaw ilo ti ami,chuan hlauthawng suh I fapa nen chuan kan inthen tawh ,khawngaihin min chhuahsan thei tawh angem ,I hmuh ang hian ka nuam lo riau a " ka tihlaka “ A that hlauh chu a nihchuan ka kal mai ange " tiin a tho a .










Ka inhum ruh vak ,ka thaw chhuak hawk bawk “ Nat min kalsan chu I tum tak tak em ni ,ka dam lo a Nia min lo kan pawh I tum lo amaw ,I sual emai mumang mai a ni tih min hrilh la ,he mumang a tang hian min harh chhuah pui rawh ,Nat a hrehawm emai hetiang mumang ka duhlo ,i sawi kha nang chauh ka hmangaih reng ang che tih ,reilote lo nghak rawh itih kha tinge ,min kalsan si .









Nat hetiang mumang ka duh lo ka harh chhuak duh ,min hruai chhuak rawh ,I kut chelh tlat turin min tihkha ,ringtur che in min ti bawk a ,ka ring che a sin ,mahse tinge ka rin anga I awm loh,bul min tanpui tu hi a tawp khar tur pawha ka duhber ini asin ,Nat ka damlo,ka mamawh che min lo hmu hram rawh" tiin ka tap chhuak rawih rawih a “ Ellie I tha em ,nichina mipa khan I chungah enge a tih" Kimi chuan arawn ti a .








“ Kim ka ngai lutuk min koh sak rawh u ,ka ngai emai,dawt min hrilh anihkha ,min ngai dawn lutuk ,anipawh Khan min hmangaih alawm ,dawt min hrilh anihkha " tiin ka tap uar sauh a,an nipawhin min tahpui bak tih theih an nei silo ,ka tap rei telh telh a ,ka taksa chu a zawi leh vek tawh ,Nat min lo kan Dawn lo em ni reilo te tal pawh.







LALRINKIMI POV...






Michele Nathan chu biak Dan tur a awm lo a mi ,ka thiannu natuar lai hmuh reng hi a har lutuk , Nathan pawh hian engvanga hetianga tinge a nih,a hmangaih tak tak lo a nihchuan pan loh mai tur alawm " ka tichhuak hlak hlak a “ Biak chu kan tum a lawm mahse,engmah a sawi duh lo ,kan naua hi miluhlul tak a ni a .










Keini pawh engmah min hrilh duh lo ,kan hmu khat hle bawk " a rawn tihchuan ka thaw hak a ,Ellie chu kan en reng ,helaia kan kal ve kher hi a fuh lo nge ,kan thlen a tanga reiloteah an inthen ta sia “ Ka khawngaih lutuk ,tihsak theihlah kan nei silo ,helaiah lah kan rawn kal laklawh si ,haw leh vek ila kan zirna a khaihlak vek dawn bawk nen,mahse Ellie tuarlai hi ka hmu thei lo ,thiante zingah pawh a hlim thei ber leh mi tiphur tuber kha ani thin a .









Mahse tunah erawh hmangaihna a vangin a tap ta si a , Nathan hi be thei ngei ula ka duh,a nihloh pawhin Ellie mithmuhah lang tawh lo se ,hetianga ka thiannu a awm hi hrehawm ka tihpui ngawih ngawih ,buaina kan neih a piangin min puih a hreh lo a ,mahse keini erawhin a buaina kan chinfel pui thei silo " ka mittui tla tur hruk pah chuan ka tisap a ,min kuah chuan ka phu zawk “ Engkim a tha leh vek mai ang ,kan naua chu kan lo be dawn ania ,kan kal phawt ange hun fal in mamawh " Michele chuan a rawn tisup a .











Ka lo bu nghat ringawt ,eng vang chiaha Nathan hian Ellie hi kalsan nge a nih ang ,hriatchhuah ngei ka duh,Ellie chu ka en thla a ,a mitte chu a bui luk tawh a ,choka lama Ririni rawngbawl pui tur chuan ka phei ve a ,buai lutuk a a lo phar chu ka nuih hak a ,ka pui ve nghal zung zung “ Hriatbelh inei em " a tihchuan ka lu ka thing a ,a rum hak .








“ Awi ka khawngaih emai ,keichu haw pui ania ka duh" a rawn tihchuan “ A duh leh dawn lo tih a Chiang alawm ,chubakah eng emaw inthup a awm ka ring tlat chuti nilo se an inthen ka ring lo ,mahse engmah hi ka hrethiam chuang lo " ka tileh a ,a lo bu ve nghat .

ZAWMNA A HNUAIAH 👇👇

HNAIHLA ,HMANGAIH RAWH ,A THEIH VEK ,MAHSE I NUN TICHHE TU TUR PAWH A NITHEI TIH HRE RENG ANG CHE.



Link:
BBcode:
HTML:
Hide post links
Show post links

mawitei bawihtlung
Posts: 291
Joined: November 18th, 2020, 12:53 pm

Unread post by mawitei bawihtlung » September 15th, 2021, 9:05 pm

ZAWMNA

CHAPTER 11

3 MONTH LATER



ELLIE MIPASAL KA NGAIHZAWN TIR DAWN TIHCHU PROLOGUE AH KA SAWI VEK TAWH KHA AW ,A AWM LO MAITHEI TIH CHU KA HRIA ,MAHSE A STORY KALHMANG TURA KA TIHKHA A NIA THLAK DANGLAM DAWN LO .CHUAN HE STORY HI A LO AWMLO VIAU A NIHPAWHIN KA THIANTE A BIKIN KIMZ MORRONE LEH U RIRINI A TAKRAMA AN MIPA DUH NGAWIH NGAWIH LENPUI CHAK ,MAHSE HNAM IN ANG SILO AN DREAM BOY TE NENA AN AWM THEIHNA AWM CHHUN STORY AH TAL HIAN HUN SIAM SAK KA DUH VANG A NI AW .






Ellie lo kal vat la aw " tia ka thiante pahnih rawn au chu ka nuih hak hak a ,tlai an hlau thei lutuk hi ka nuih an tiza thin,“Ka lo kal " tiin ka tlanchhuak a ,thla thum chhung chu Nathan chanchin ka hre ngailo a ,hriat ka tum tawh hek lo ,a tir khan ka tawrhthiam loh em a vangin ka na em em a nihkha ,mahse tunah chuan ka pangngai chho tan viau .








Theihnghilh lai erawh ka nei ngai lo ,Ava te nen kan inkawm tawh ngai lo a,engvang nge ka hrelo ,huat hmel deuh hian min en thin ,ka hnung lam a tanga min rawn kuah tu chu en chho in ka nui hak a ,“ Leng ang vawiin chu " a rawn ti nghal thawr a ,Max hi chu ka tan chuan vanneihna a ni ringawt “ Tehreng e khawilamah nge kan len ang ,Kim in lo kal ve dawn em " tiin kan thiante pahnih chu kan au a ,an lu an lo thing nghal hmawk hmawk a .











An ni pawh an bialpa te pahnih vangin ka bulah an awm tlem riau “ Kal ila " tiin Max chu ka en a ,alo nui vur vur ringawt “ Khawilamah nge len I duh ka thiannu chhelo zet hi a duhna hmuna piangah hruai ka inpeih ania ,a hlauhawm thei bawk sia" a rawn tihchuan kan nui tlang leh hawk hawk a ,a bula awm hi a hahdam thlak thin,ka rilru hahna thenkhat la bo tu a ni ringawt ,Nathan lak a tang pawhin.









Ni e ,thla thum thenkhat tan chuan a reilo pawh a niang kei a tan erawh kum rei tak ang mai a ni,ka theihnghilh ngai lo a ,mahse hriatreng ka tum tawh lo mai zawk ani ,mahse thinlung hian a lakah beisei a la nei ru reng thin,ka lak a tangin a biru hmak bawk a ,bike ah chuangin kan in um a ,min lehkhalh duh bik lo in ka hnungah a tlan a ,park Sydney ka thlen tirha ka kalna ah chuan ka ding chat ,helai hmunah hian Nathan nen Khan kan inhnial bawk a nihkha .










“ Hetah hian a mi kan len ang " Max an a rawn tihchuan ka lo bu nghat a ,ka kuta a rawn vawn chuan ka haw lem lo,thian kan ni a huat tur a awm hek lo ,tuiawmna lamah chuan inkai chung chuan kan phei a ,kan nui dun bawk bawk a ,kan hmalam a kan mitawh pa ka hmuh rual erawh in ka nui tawp chat ,min melh ngur a ,a hmel chu tlemin a cher deuhin ka hria ,a inzuah buk hle bawk ,Max nena kan inkaihna lai chu a melh ding ngur a .










Ka inthing harh vat ,ka tello a a awm thei a nihchuan a tello hian ka tlei ve thei tih ka hmuh tur a ni ,Max chu kai nghet sauhin ka nui sang a ,Nathan hmelah erawh a thil hmuh a vang chuan a thinrim hle tih ka hre thei,ka nuihlui sak a ,kan kalpelh dawn lai a a thaw hrawk chu ka hria ,ka nun kha infiamnan a lo hmang mai mai a ni tih ka hriat hian a thu min hrilh zawng zawng chu boruakah an thamral tawh .









Ka beisei ngam tawh lo a ,mahse vawikhat tal min be leh se tihchu ka beisei reng fo ,mahse ka duhzawng a ni angem ,a ni chuan a sawi ang khan infiam nan chauh min lo hmang reng si a,Max chuan min tihhlim tumin min hruai kual a ,ka tana a thiltih zozai ka hmu tawh chunga ngaihzawng anga ka la en thei lo hi ka inthiam lo thin ,kan haw lam chuan a rawn peng kawi duhlo a ,a tlai tawh viau reng a.









Khua a thim tawh vek si nen ,ka in lam pan chuan ka zai phei rat rat a ,Thian Lungdum tih a a thunawn “ Tlai ni a lo tlak dawnin thinlaian I thar,nang nena lendun hi a rem ve thei mawlh silo ,nghilh nang che engkim ka hlan tawn loh che ka nuam ,min ngaidam rawh ,ka vei lo thei lo che " tih ka sa zo chiah chu thim kara min pawtlut tu a vang chuan rak chhuah tumin ka ang ziau va .








Mahse kuthlai zetin ka hmui a rawn hup a vang chuan ka khawng nghal awt,a mah a ni tih ka chiang bawk ,ka tal nghal nawk nawk ,mahse min vuan nghet lutuk ,hnunglam a tang chuan ka darah khabe a rawn nghat a “ Ell" chauh hmel zet hian a rawn tichhuak a ,ka ka a hupna a la thla pah bawk “ Min thlah rawh ka hmu peihlo che " ka ti that a ,a kut chu laksawn tumin ka bei ngat ngat bawk .








“ Ka ngai che " a rawn tisup a ,ka nui hak ringawt ,a dawtsawiah hian ka tlu nawn leh tawh tur a nilo “ Min thlah rawh ,i infiamna ka ni tawh lo " ka tituar a ,rum hawkin min kuah nghet leh sauh bawk “ Nathan lutolf min thlah rawh ka tihchu ,i hria em min thlah rawh I hmel hmuh hi ka duh tawh lo I hria em " ka ti tawn tawn a ,“ Baby ka ngai che ka tihchu min ngai ve miah lo amaw " a rawn ti a .









“ I hria em ka auh lawm lawm lai che khan ,I tan chuan bawlhhlawh mai ka nihthu min hrilh kha ,ni e ka ngai che ka ngai thin lutuk che ,mahse kha ka ngaihna che kha inhneh tir ka duh ngai lo ,a chhan chu I tan ka pawimawh ve lo tih kha ka chiang a ,a nun a tanga inthiarfihlim tura min hrilh lawm lawm tu hi pan leh che ka duh tawh lo ,Nat ka mithmuhah lo inlan suh ,ka duhlo ka hmu duh tawh lo che .







Tunah chuan i tello a nun hman ka zir mek a ,ka tawnhma nunah che khan let leh ka duh min rawn tibuai tawh lo la ,I nupui nen chuan hlim takin awm zawk rawh u ,ka laka i thutiam te kha theihnghilh la kal rawh ,an sawi dik mi pasal ka ngaizawng hi hmeichhe tenawm ber ka ni ,ka hlatah awm la ,nun pangngai hmang ve ve tawh ang ,ka rawn tibuai lo ang che ,chuvang chuan min kalsan rawh " ka tichhuak sep sepa .









Min kuah nghet sauh ,a kut chu ka dahthla a ,amah hmachhawn zawng chuan ka inher a “ Nangnen kan thawnthu chu tawp rawh se ,midang ve ve tan kan nun hlan zawk ang,mangtha aw " ka tihchuan “ Chutiang thu sawi suh" a rawn tihrawk a ,thinrim.lutuk in a thaw chhuak hawk hawk bawk “Khapa kha I ngaihzawng a ni tih sawi hauh suh ,min lo nghak turin ka hrilh che a nilawm ni ,Lalthanmawi min lo nghak rawh ka ti lo vem ni " a rawn tichhuak leh hrawk a .











Ka inhum ruh vak “ Ka nghak lo che em ni ,thla thum chhung ka nghak che a ,I rawn kir mailo a nihpawhin vawikhat chiah tal min rawn hmuh ka beisei fan a sin ,I nupui kianga nuam I tawl lai khan keichuan natna nen ilo kir leh ringin ka nghak che a ,ka damloh laite a ka kianga awm a ,Ell ka thusawi zawng zawng kha dawt vek a nihkha ti a sawi chunga min kuah leh ka la beisei fana ,mahse ka mawl luatah nang ka lo hmangaihna che khan ka nun chu a tichhe vek tawh .








Mahse ka hmangaih vang ringawt che a ka tluk hlen ring suh ang che ,I sawi ang ngeiin i nupui keiaia I hmangaih zawk bulah chuan kal rawh ,ka theihnghilh tawh che ,ka nunah tel ve turin ka duhtawh hek lo che ,I hria em ka bulah awm reng suh ka bawlhhlawhna hi I kai palh hlauh ang e" a hma a bawlhhlawh min tihna hmang ngei chuan ka tichhuak sak a ,min rawn ban a tum chu ka lo dang vat .










“ I hria em ,ka tahni leh mangan ni a min kuah tur khan ka mamawh ngawih ngawih thin che a,mahse nangchu min hnem turin I awm ngai lo ,englai pawha ka mangan a pianga ka tan a awm thin mipa ka pan a vang hian thinrim hauh suh ang che ,I nun chu hlim takin zawh zawk rawh min rawn hmuh tum tawh suh ang che " tiin ka inher a “ Min hmangaih tawh miah lo maw Ell" a rawn tihchuan ka ding dat a .









Ka inseh ruh vek bawk ,ka chhang lo ,kal mai ka tum chu “ Min chhang rawh " a rawn tileh hrawk a “ Awi keihian ka hmangaih tawh lo che ,I sawi kha ka tan hian I thi tawh " tihmakin ka inher a ,ka room ka luh rual erawhin ka tap leh nghal hawk hawk ,kalsan ka duh bik reng reng lo ,mahse a pa thusawi kha ka zawm angai ,a hma a ka inlan leh reng a nihchuan buaina bawk a chhuak leh ang .










Chubakah Nathan pawh hian dawt min hrilh leh reng thei ka ring ngam tawh lo a ni ,tihpalh aw ka hmangaih reng chung che a,ka chunga nunrawng taka I chetna a vang hian hnaih tawh loh che ka duh ,min dem viau dawn mahsela ,a nuna buaina mai nitura luh leh kha ka duh tawh lo ,hmangaih ber a hlim phawt chuan engkim a tha an tih kha .









Khawvelah hian hmangaihte aia kalsan harsa an awm lo an ti thin,mahse hmangaihte hlimna thlentu nitura kalsan tu erawh mi ropui tawpkhawk ani ,a hmangaih hlimna duhlo tu chuan hmangaih neih a phu lo a ,a hmangaih tihrehawmtu chuan dam a phu heklo,ka hmangaih ka hlat a vanga ka chan dawn a nihchuan a pawi lo ,ka chan ang ,ralkhat atanga a hlim hmel tal ka hmuh theih chuan a tawk e .










Natna inpe tawn reng tur a in vawn reng ai chuan ,kan thinlung hahdam ve ve na kianga awm a tha zawk ,mahse anilo bulah chuan ka hahdam ngai dawn lo tih ka va chiang si em ,ka hmangaih ka kiang a tanga hla takah ka kal tir che. avang hian min dem lo la ,I kut ka thlah tak a vang hian min sel hek suh aw ,a harsa a sin ,ka hmangaih kalsan tura thutlukna siam hi ,mahse nang leh keichu a rem ve rih lo ,huat che ka duh a ,ka tum takzet bawk .









Mahse huat che ka tumna aia nasa a ,ka thinlunga nangmah hmangaihna awm hian chu ka huat tumna che chu a tibo zo thin,hmangaihna chu reiloteah a intan a ,reilo teah a tawp ve leh thei mai tawh silo ,hmangaihtu chuan vawn tlat aia a thlah mai a ngaih Chang a awm fo a ,thikna nei reng chunga thiklo anga lan angaih hun a thleng ta ania nge .









Keimah vangin tlu lo la ,keimah vangin intichak lo hauh suh ,keimah vangin I mittui luan tir lo la ,keimah vangin i nun hrehawmna ah hnuklut ngai suh,khuanu ruat kan nihchuan engtikah emaw khuanu hian min intawn tir leh ngei ang ,chu mi hunah chuan nghet takin ka vuan ve thei tawh ang che .








Min dem ngawih ngawih tu in awm ang tiru,dawihzep tia min sawi tu nen ,mahse maw a tuartu tan leh hmangaihtu tan hian a harsa ve tho a sin ,hmangaih reng chunga ka thlir angai a ,ring reng chunga rinhlelh Chang lah ka ngah ,thikthu chhiatna hmangaihna an tih thin kha maw ,awmdun luih tum pawh ni ila kan hlim rei dawn chuang ami ,ka nun tibeidawng ngawih ngawihtu vuan leh mai tur hian ka chakna in a tlin hek lo .










Khawvelah hian kan duhzawng leh neih kan duh zawng zawng kan nei theilo a ,kan duh ang diak diakin thil a thleng ngai hek lo ,mi a va inhmangaih luih tir theih lohva ,tharum hmanga hmangaihna chuan rei a daih chuang lo ang ,duhang zawng zawng leh kan hmangaih zawng zawng nei thei ni ila ,tumah mittui tla a ,mahni intihnat ngai hial khawpa nun beidawng an awm nang ,kan hmangaih takte leh min hmangaih ngawih ngawihtu pawh kan kalsan angai fo a .









Min hmangaih miahlo tu leh kan hmangaih nimiahlo kan pan angaih Chang a awm thin,I duh a i hmangaih anihchuan nei mai ta che " tih hi kan inhrilh fo a ,mahse maw hmangaih zawng zawng hi kan nei thei vek lo .
,khuanu hian kan tana an ruat loh hi chu engtiang pawhin in hmangaih mah ila ,kan awmdun thei tak tak lo ,mahse khuanu hian kan awmdun tha a ti a nih ngai chuan engtikah emaw chuan kan awm dun leh ngei ang.







Nathan midang ta inihloh hunah,buaina a kian hunah chutih hunah chuan min rawn zawngchhuak leh rawh aw ,ka ta chauh inih theih hun leh keipawh ita chauh ka nih theih hunah ,chutih hunah chuan ka lo nghak reng ang che ,tuma ta kan nih loh ve ve hunah ,chutih hunah chuan tumah venthawn ngai tawh lo in ,kan pahnihin nun zalen takin kan awm thei ve tawh mahna ,“ Barakhaih" rawn tih a vang chuan ka rak tuar a .










“ In mawl a mi ,khang Khan vawikhatmah awm tawh suh u " ka ti vin hlara,ka khum lam ka pan nal nal a ,ka thawmhnaw chu phelhin inbual turin ka lut nghal zat ,ka inbual zawh rualin chhuakin ka inthlak a ,news kan en thap ,tv a rawn lang a vang chuan ka inhum ruh a ,Kaya leh Nathan infawp ngawr ngawr lai a ni ,an bulah Mr.Keyden te ho pawh an nuisang a ,nichina ka lo hnawl kha ka lawm hnuhnawh dawheh lutuk .










Nathan lutolf min bum nawn tawh hauh lo ang ,Kimi te chuan an off vat a ,ka lo nui hak ringawt “ Engah mah ka ngai tawh hleinem" ka titaknang in ka natzia chu pui tak ani ,mahse tihlan erawh ka tum tawh lo mai ani ,ka lak a tangin i zalen ta e ,natna hnehdan min zirtir ta bawk a ,hah ,ka lawm e Nathan lutolf ka lawm e ,tunah chuan ka natna tihlan loh dan ka thiam ve ta e .









Ni a liam ve zel a ,Nathan te nupa pawh kan hmu zauh zauh reng a ,kan intawh palh changa kaya intithei zeta min en thin tu chu khawih sawk mai ania ka duh thin ni ,Nathana'n duat hmel zeta a kuah thin te ,in hmangaih tak a an awmdun te chuan lang lo lamah min tina,alang ah erawh chuan ka nuisak a ,ka bula Max chu ka kiss ve nghal thuai Max tawnglaklawh lai lah a hamhaih lutuk vang nge a ban a phar deuh uaih a .








Harhchhuak thut ang mai hian ka kawngah a rawn dawm let a ,min chhang let ve nghal vat ,thawm rihuk a vang chuan kan inthlah a ,Nathana tukkhum phe vuai chu ka hmu hman,ka nat ang chiah hian na ve sela ka duh ,min hmangaih lo mahse Max bula ka awm a pianga a thikna mitmeng hi ka hmuh hmaih bik lo .








Max chu ka en a ka nuisak “ Ellie thikthu chhiatna a vang hian khua a lo va hmuh theihloh ve ,kha a ni pawh a kal ta nul nul mai " a rawn tihchuan ka chum dawt a ,nui vur vur in “ Ilo zeiphian kha le " a rawn tihchuan ka beng leh nghal thlawp ,a hmui a la tuai kher leh nghal “ Tirawh kan company te I rawn hmu ve ang chu,intih hlim i ngai minions tetakte " a rawn tihchuan “ Mason Xavier " ka tituar a .








Nui hawk hawk a a tlanchhia chu ka umzui nghal vat ,bike ah kan inphur chhuak a ,a Chhelo bawk sia hmeichhe ho in an en vawng vawngte chuan tihluih nan ka lo kuah thak zela ,a nilah a nui leh huk thin,“ XAVIER OIL COMPANY " rih lo intar kuau leh lian zet hma ah chuan min dinpui a “ Hei inta maw " ka tihchuan a bu nghat a “ Lo kal rawh le " tihpahin min kai a ,kan inzui luh rual chuan hnathawk ho chuan zahtakin chibai min lo buk hlawm a .








Hmun changkang leh nalh zet zetah te chuan min kalkual pui a ,kan nui leh hak hak thin,apa office lam min pan pui lai erawh chuan ka zam vek ,“ Hlau suh ka pa chuan a nel vat ang che " a rawn tisup a ,ka lo bu nghat ringawt ,kawngka kikin kan lut zui a “ Pa " a tihrualin pa pakhat phone hmang chu a rawn hawi chhuak a“ Nakinah kan inbe leh dawn ania " ti a phone dah in “ Ehe bawiha ilo kal a law hei tunge a " tiin min nuihsang a .









A fel ka ring nghal ringawt “ Ka thiannu a nih hi ,Ellie ,chuan Ellie hei ka pa Raymond Xavier a nih hi " a rawn ti a ,a pa nen chuan kan in chibai a “ Ka hmu che chu ka lawm hle mai Mr .Raymond " ka tihchuan a nui hak a “ Ka fapa thian inih angin ka pa tiin min ko rawh " a rawn tihchuan mak tizetin Max chu ka en a ,a lu a lo buk nghat takah chuan ka nui var var a “ Tehreng mai..ka ...pa " ka tichhuak sepa .








Lungawi hmel deuhin a nui nghal sang a ,pa fel tak a nih ngei ka ring,nilengin kan pathum chuan kan inkawm ho a ,keipawh thla thum chhunga ka nuih nasat ber tum a ni hial ang ,haw lamah chuan Max bawkin min thlahleh a “I pa kha a fel e" ka tihchuan a rawn nui hawk hawk a “ Ka sawi reng kha ka bialnu ni phei la chuan a lawmzual ang ,a ngainat zia che kha ka hmu reng " a rawn tihchuan a hnungah ka beng dawt a .








Kawtah min dinpui chuan “ Fiamthu a nilo ania ,Ellie ka duh che ka tihtawh kha " thutak zeta a rawn tihchuan min tihamhaih,ka dingkhawng reng chu rawn kun hniamin muang raih hian min fawp a ,mahse ka taksa a tanga a hran nawlh rual chuan leiah a hlawm nghal nawk a ,Nathan chuan a hnek zawm mawlh mawlh chu Dan ka tum a ,mahse a tha a chak bawk nen ka hneh der lo “ Nathan lutolf duhtawk rawh " ka ti tuara .








Tawp chawtin a thaw hawk hawk reng a ,Max chu ka buaipui vat a “ Ka khawih leh I duhloh chuan haw tir nghal rawh " a rawn tih a vang chuan rum zetin ka melh a “ Max lova kal phawt mai rawh ka rawn bia ang che " tiin a hmui thi vel chu ka hruksak a ,kan mihringpa lo thaw hawk chu ka ngaipawimawh duh lo ,Max a tlanliam hnu chuan inchhung lamah luh tumin ka inher a ,min kuai let nghal nawk “ Khapa kha i enge a nih ,engvangin nge a fawh che " thinrim zet hian a rawn tichhuak a .








Ka nuih hak ringawt “ I hriat ve kher a ngai lo haw rawh ,ka lut dawn " ka tihchuan ka hnunglam a tangin min kuahthlawp a “ Ell ka naute ,ka ngai lutuk che " a rawn tihchuan ka inhum ruh teuh a ,“ Tenawm lutuk " ka tichhuak hluk bawk ,min kuai herin min fawp tawn tawn a ,ka nam nghal dawrh chutah au tuar in bang chu a hnek nghal dawt dawt a ,a kut a thi phung tawh “ Duhtawk rawh Nat duhtawk rawh " ka ti sap sap a .












A duhtawk duh bawk silo ,a hnunglam a tang chuan a kawngah ka kuah a ,a thaw hawk hawk reng bawk “ Duhtawk rawh nangmah leh nangmah inti na suh khawngaihin duhtawk rawh " ka ti tiau a ,ka kut chu a rawn hum hnan hmiah bawk “ Ka kal tawh ange ,min rawn hmu tawh suh ka tihkha " ka tisep a ,“ Ell min haw viau em ni ,min hmangaih tawh lo takzet em " a rawn tihchuan ka inhum ruh leh nghek a .








A awma kuah thlawp lo turin ka insum hram hram a ni ,ka hmangaih che tih chu ka chak mahse ani hian fiamthu thawhnan bawk min hman leh ka duhtawh lo “ Haw tawh rawh ,ka mu duh ka in leh a chheh velah hian rawn inlan tawh suh" tihpahin ka kal hlawk hlawk a ,mahse thil ridawp ka hriat rualin ka hawi let nghal vat ,Nathan leia lo tlu chu hlauthawng zet hian ka pan a.









“ Hey harh teh I tha em " tiin ka sawi nghal nawk nawk a ,a harh thei bawk si lo ka mittui a tla pur tawh ,ka phone phawrhin Kimi te ka call a “ Inhnuaiah lo chhuk vat rawh u ,Nathan hi a tha lo takzet " tap teuh chuan ka tichhuak a ,an rawn kalvat tur thu sawiin phone. an dah a ,Nathan chu ka sawi mawlh mawlh reng a ,mahse engmah a sawt bawk silo a ,a taksa ka dap kual a ,engtin nge ka lo hriat loh theih a ban bulah silai kahna tih hriat tak hian thisen vekin a lo chiah a .









A puanina lo tuam ve a vang Khan ka hre lawk lo a ni ngei ang ,bang a hnek Khan a thi a rawn chhuak tha leh a nih ka ring hmiah bawk ,Kimi leh Ririni chu an rawn tlan hlawk hlawk a,khua. atlai tawh bawk nen inchung lamah kan hruai chho a ,ka khumah chuan mutin kan buaipui nghal mawlh mawlh a ,Nick te kan phone pah bawk ,a hliam chu hrufaiin kan tuam a ,damdawiin panpui duh viau mah ila thil thalo zawk a thleng thei Nick ten an tih a vanga hruailo kan ni .









Ka mittui chu ka hru fap fap a ,reilote hnuah Nick leh Michele bakah Nathan pahrawn Keyden pawh a rawn tel a ,doctor pakhat nen “ A luhlul lutuk hi chu a buaithlak a ni ,engkimah boss kha a chhunfuh vek a nih ber hi " Mr.keyden chuan a tisup a ,doctor chuan a buaipui nghal mawlh mawlh ,Mr.Keyden chuan min rawn en in “ Kan inbe thei angem " a rawn tisup a ,ka lo bu nghat .









Room dangah inzui lut in kan thu a “ Ka fapa hi a pa diktak ka nilo tih chu i hria a ,mahse ka fate aia ka en hranna a awm lo a ,a ni hi boss laka ka lawm thu sawina a nibawk ,a tette a tangin nasa takin a mah a invenhim theihnan ka train a ,ka duhthusam ang takin insual a thiam hle bawk ,a pa kha thahsak ani tih a hrilh che tih ka hria a ,chuvang chuan a phuba lakna hi zo ngei se ka duh bawk .










A ti reng bawk a ,a hna tha takin a thawk bawk ,mahse nang I rawn lan hnu a tang hian a hna a thawk tha thei hauh lo ,Kaya hi a pa thattu ngei fanu a ni " a rawn tihchuan ka mengphawk vak a “ Chuvang chuan a nia Kaya ka neihtir " a rawn tihchuan zawhna ka nei “ Engvanga Kaya neihtir chiah nge inih ,Kaya pa chuan a hre ngei awm cheu sia ,a fanu in neih a phal ka ring lo " ka tihchuan a bu nghut a .








“ Mahse a fanu hi a hmu ngai miau lo a " a rawn tihchuan mak ka ti deuh deuh “ Kaya hi a hmei fa a ni a ,a nupui diktak hriat a hlauh a vangin Kaya te nufa hi a thawnbo a ,mahse an rawn let leh ta a ,phuba kan la duh ve ve nen ,a fanu hi hmanrua a a that dawn a vangin Nathan hi ka neih tir ta a,ka ngen duh che chu ka fapa hlatah hian awm rihla tih hi a ni .








I hnaih reng chuan phuba la theilo in a zui ngei dawn che a " a rawn tihchuan ka thaw hrawk a “Ka theilo tinge nangmah hian phuba chu i lak mai loh "ka tive fak a,Nathan kher a lak tir hi ka hrethiam lo “ Hriatloh i ngah hle mai ,tunah kan target hnuhnung ber hi ,mi hausa tak a ni a ,ka hmel a hre bawk ,Nathan erawh a pa hmel chhun viau mahse a piangve tih an hre hauh lo .







Boss thih dawn khan ka tiam a ,a fapa hian phuba a lak huna puiturin chutiang reng chuan ka tibawk ,Nathan pawh hian ama duhthu a phuba hi la a ni " a rawn tihzawm a ,ka thaw hak ringawt “ I hriat angin ka hmangaiha tunah chuan nangmah vanga min hlat a nitih ka Chiang bawk ,engvanga hetianga ka chunga tinge inih tih hi ka la hrethiam chuang lo " ka tichhuak halh a “ Awm bo hlen rawh ka tilo che ,mahse a nupui a then hma leh a phuba lak chhung hi chu a mithmuhah awm lo la ka duh .







A mithmuha I awm reng chuan a hmelma te hian a chaklohna I ni tih an hrechhuak thuai dawn a,chu chuan in pahnih mai bakah in thiante hi a nghawng tel dawn a ni " a rawn tihleh chuan ka rilru a buai vek tawh ,keimah ni vanga kan thiante'n an tawrh pawh ka duh chuang lo “ Reilo te a bulah hun ka hmang thei angem ,reilo te ka kuah thei angem" mittui nena ka tihchuan bu nghutin ka darah a beng thuk thuk a .








Thaw chhuak hakin Nathan awmna lam chu kan pan a ,a lo harh tawh a nih hmel “I tha tawh maw " tiin ka nuih sen sen a ,mak tihmel a pu ,a bulah chuan ka thu thla a “ Ell" a rawn titham tuak a “ Tinge i hliam tih pawh sawilo leh I hliam chunga I insual " ka tihchuan a ngawi kar reuh a ,midang chu hun min pe in a chhuak sap sap hlawm a .








An chhuah fel rualin “ Tinge engmah pawh i rawn sawiloh a ,ka ngai lutuk che a sin" tiin ka kuah a ,apa nena kan thusawi erawh hrilh ka tum lo ,min lo kuah let ve vat a“ Min hlat tawh suh aw ,misualpa " ka titiau “ Ka tihpalh mahse ka hmangaih che tihhi ringhlel ngaisuh " a rawn tihchuan ka kuah nghet sauha .






(Comment,like ,click uar ang aw,chumi zir zel chuan kan dah tawh ang ,ka story thar tur KA THLAH LO'NG CHE tih hi like leh comment min lo pek sak bawk ru aw)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)