Ohh My Boss S2 - 8 Last

Episode kal lai dah luhna

Moderator: writers

Vtei Jahau
Posts: 143
Joined: February 28th, 2021, 8:18 pm

Ohh My Boss S2 - 8 Last

Unread post by Vtei Jahau » November 25th, 2021, 3:36 pm

(A hnuaia note min lo chhiar sak theuh ula )

Rchpa's P.O.V




" Ka fanu chung ah thil tha lo a thleng a nih vaih chuan nang hian i zui ve nghal ang tih hria ang che " tu hrawk in Dinmawii chu Hmeichhe Police lam ah ka theh phei nawk a .


" Station ah lo va hruai mai rawh u , a chung a ka case file duh ka lo ngaihtuah a nge " ka ti a , thaw hawk in car ah chuan ka lut a , Brandon
pawh a rawn lut ve nghal a , Damdawiin lam kan pan zui nghal bawk .


" A tha a nih chu " kapu bul ka va thlen rual chuan a lo ti nghal a , ka thaw a veng huai mai , " Khawnge Aruattei " ka tih leh chuan Cabin lam a melh zawk a , ka va pan vat , Duati kut te tak te vawn pah in a lo tap leh pek a , duati chu a dang deuh bal mai .


" In be lawk ang " ka ti ngat a , a rawn hawi nghal vat , " Nia " a ti tha ve mai a , tha deuh in min zui chhuak bawk a , kapu a lut venghal vat bawk .



" Eng vangin nge dawt min hrilh " ka ti hrawk a , ka thaw hawk bawk , " Rin ngam i ni em ka hrelo a lawm " ti dai chuan a ti a , " Eng ah chuan maw " in beng daih tum tak chuan ka ti leh a , " Min ngaihdan ka hria e , a tir ah i fanu a ni tih ka hrilh duh lo che a , tunah puih ka ngaih vel leh ka hrilh leh si che a , nia a dik i puih na ka mamawh hun ah chauh ka pan che a " a tih mek lai chuan .


" Engvang a ka rilru hria ang a awm tlat thin nge i nih " ka ti thawt a , a phu deuh zawk ka hmuh chuan ka in thlah dul leh vat , " Ka mit ah hian en teh eng ang a hmu tur che in nge min ngaih " ka ti leh a , ka kuai dak deuh nghal bawk .


" Hmeichhe tlaw tak " a rawn ti chhuak phawng a , ka nui hawk .


" I va han aa tak , ka mit ah hian chu chu i hmu a maw " ka ti leh a , " Imm , chutiang lo in eng thil dang nge ka hmuh ang " a rawn ti ve leh ha a .


" Hmangaihna " tiin a hmui ah chuan ka fawp nghal a , muangchangin , rei vak lo hnuah a ni pawh chuan min rawn chhang let ve nghal a , a kum a kum a liam ta .





Remruatfeli's P.O.V





A duh thawh telh telh a , kan thaw dun halh halh tawh , mahse kan awmna ka hriat chhuah thut vang chuan ka nam sawn nghal rawk rawk a , a mit ti zim san chuan min melh nghal run .


" Kan awm na hi " ka ti a , a hawi kual a , tumah an awm lo tih melh tak in min rawn melh ve leh a .


" Duati kha " ka tih chuan a bu nghat a , Duati Cabin lam ah chuan kan in zui phei nghal a , kapu in a lo awm pui ran kan hmuh chuan ngawi rengin kan chhuak lehnghal a , pawn lam ah chuan in si deuh chial in kan thu dun a .


" Dinmawii kha i fawp tiraw " ka ti phawng a , ka rilru a awm a ni miau a , " Mipa in a nupui tur a fawh chu phalloh em ni " ti a min rawn melh chuan ka ner nawk a , " I van thing tak " tih leh ka hmui nuai nawk nawk chu ka rual nghal a , mahse ka kut chu a rawn man bet ve leh chat .


" I hmui i ti pilh a nga sin " a ti leh sup a , " A ho , Dinmawii ka fawp ang maiin ka in hria , ka hmui hi hleh thlak daih ka duh " ka ti kual a , a nui leh hawk .


" I van naupang chhia tak , a ni hmui chu a tui lo lutuk " a ti leh a , ka melh lehnghal kiau a .


" Tui i tih hmel kha " ka ti hmak a , ka hawi sawn deuh bawk , mahse ka hnung atang chuan a taksa lian khauh zet chuan min rawn tuam hlun a .


" Mumang ang mai a ni " a ti leh sup a , ka che tawh lo hrim hrim " Ka bulah awm reng tawh la , nitin in 'Mumang a nilo' tih min hrilh nawn ziah thei a ngem " ngenngawl zetin a tih zawm a .


" I bula ka awm i duh a maw " ka ti a , a bu deuh nghut nghut tih ka hre thei a , ka mittui a rawn luang leh ngiai ngiai thei , " Hmeichhe dang , mipa dang tel lovin , kan pahnih kan fanu nen , a unau tur tam tak kan nei leh bawk a nga , chu chu zan tin a ka duhthusam thin a ni " ka tawng ve leh hma chuan a ti leh a .



" I hlim i ring em ni , ka bul a i awm chuan kan in hau reng a nga " ka aw khur chu thup ka tum ve nasa hle na in a hriat tho ka ring , " Ka hmangaih che , chu thu chuan i thinrim ka ti reh thin a ang " chu thu ka hriat leh meuh chuan ka in dang hmang lo , min kuah na ban chu lak thlak pah in a lam ka hawi a , a nghawng ah nghet zet a ka kut suih in ka tap chhuak hak a , a ni pawn ka lu a rawn chul ve hliau hliau bawk a .


" Shh , miin ka vek che emaw an ti che a nge " nui hawk chung chuan a ti , mahse tum viau mah ila ka tap ka bang hleithei der lo .


Scarlett chu kar 3 vel damdawiin a kan awm pui hnu in kan hawn pui ta a , Rchpan a in lam ah min hruai a , kapu in a in a min hruai a tum bawk , min chuh ti tih chu a ni ber a , mahse a tawp a tawp ah Rchpan a pu chu a thlem lungawi ta hram a , a in lam min pan pui nghal nal nal .




~~~~~~~~~~~~~~~~~~~~~~~~~~~~~~~




" Kar leh hi Duati kum 1 tlin na tur a nia " ka tih chuan a hnathawh lai chu dah sawn meuh in min melh vang vang a , " I va sawi har ve " tiin a mal a thu tur chuan min pawt thla nghal a , " I buai em a , ka sawi duh rih lo mai mai a nih kha , tun ah a la tlai hleinem " ka ti a , ka dar ah a khabe nghat in a mit a chhing vang vang a , Duati a rawn tap leh tep tawh maithei , tun hnai chu tah vak a ching a , a mu nghet thei ngailo .


" Ka rilru ah a awm reng a " a ti sup a , a awmzia ka hrelo takzet , " Eng maw " ka ti a , a nin " Ka rilru a kap reng a " tih chauh a sawi leh .


" Sawi tlang la , ka hrethiam lo a lawm " ka ti leh , " In nei tha ang " a ti sup a , ka meng kawk , ka ding hluai a , a hmel chu ka en nghal kiau .


" Mahse kan in neih na te chu a ropui em kha " ka ti a , a lu a thing leh nghut nghut a , " In neih thlalak te kha i en ve lo em ni , i tum nasa lutuk a silai a tin che a in neih luih pui che ka an em kha " a tih chuan ka nui hak hak a , a ni pawh a nui suk suk ve tho .


" Bakah in then tawh kan nia , in neih that chuna sual na a awm lo " a ti leh a , ka la duh ta chuanglo , " A hau tak mai mai thla la ringawt ila aa tha mai " ka ti tlat a , a duh silo khum thlengin kan in hnial a , a hnuah phei chuan a titau a , lehlam hawii a muhil lui hmak .


~~~~~~~~~~~~~~~~~~~~~~~~~~~~~~~


Ka harh chuan a lo awm tawh lo a , hepa hi a mizia a van mak tak , tih tauh luau luau chin ka ring lo a sin le , khum chu thawh san in sitting room lam ka pan a , single Sofa a ka thil hmuh vang chuan ka nui var var , Rchpa chuan Duati chu a lo pawm a , a thumu deuh a , chutiang chuan an pafa in an lo muhil a lo ni , Duati a thang harh ang a , min tih harh duh lo in a man a thiam dan in a lo ti mu ve ni ngei tur a ni .


An pafa chuan ka pan a , ka phone la in thla ka lak sak te te a , Duati chu a te a te in apa awm ah a lo bei ve thlap a , an duhawm tak zet a ni .


Duati a room lam a pawm luh tum a lak ka tum lai chuan ka kut chu Rchpan a rawn man thut a , ka phu deuh zawk bawk nen au chhuah ka tum chu ka hmui a rawn hup nghal vat a , a kut leh lam a ka hmui hup in lehlam chu a hmui zawn ah a dah a , bengchheng lo tur in min ti tih ka hrethiam ve mai a .


" A mut na a la reilo , a tap reng a " a ti sup sup a , an thut na ban ah chuan thu rawh min ti ninawm tak in a beng deuh thuk thuk bawk a .


" Rawng ka va bawl ang Duati kha Sofa ah khan lo mut tha la in tifai ve rawh " ka ti le t ve sa sa a , Choka lam chu ka pan zui zat a .


Eitur siam a ka buai em em lai chuan ka hnung atang in min rawn kuah thut a , ka phu chiang leh rapthlak .


" I va mak thut thut tak , min ti phu zawk zawk zel a nia " ka ti hlar a , ka nghawng a hmai phum kak in a thaw leh ham ham thin , rei lo te ah ka dul chu a rawn zut riai riai a .


" Hey a chi loh " ka lo ti vat a , a ni erawh in " Aih , ka nghei rei tawh zia hi " a ti duh leh chauh a , a lam hawi tur chuan min siam rem a , ka hmui ah duh thawh zetin a rawn fawp nghal a , keipawn sawi buai tawh lo in ka chhang let ve mai .


" Ka ngai tawh " phur zet chuan a ti a , ka nui hak , hepa tak hi chu , " Ka kawr chhan ah chuan ka hnute a tam zui zat bawk a , mahse chutihai tak chuan Duati a rawn tap chhuak a ka awm ah che chang lovin a hmai a phum nghal a , keipawh chu in la hrangin Duati ka pan nghal .


" Duati ipa hian ka duat lo che i ti em ni , min hrem rei tawh lutuk " Choka atanga a au ri ka hriat chuan ka nui hak a , Duati chu ti tlei in choka lam ka pan pui a , chaw ei chu a lo siam ve mawlh mawlh a , kekawr lian zet a ha a , kawr erawh a ha lo , a pian nalh zet chu ka en vawng vawng a , hepa hi ka ta a ni , ka ta chauh a ni .


" I tih mut vat loh chuan a continue chi loh ang " ka melh reng lai a a rawn tih chuan ka zak tak zet ka hmai chu a sen vek in a nia ka rin ni , " Ka duatbawih , i zak em ni " tiin a rawn hawi a , min rawn oan vat bawk .


" Naaa khawi ei ang u " ka ti a , Duati ei tur pawh a lo siam vek tawh chu niin " I van che reng em em " Duati chaw en chung chuan ka ti a .


" Ka duatbawihi te pahnih tan chuan Superman nih a ngai a lawm " tiin a nui leh suk a , a va han hmeltha tak .


" Tlangval Senior " ka tih zauh chuan a ner nghal nawk a , " Tlangval ang in maw min lo la hmuh " a ti a , ka hma ah chuan a rawn thu nghal .


" Aih " ka ti leh hmak lawi a , " I mumal lo , Duati a mut vat a ngai a nih kha " a ti leh a , " I tenawm Rochanpui " ka tinghal hlar a , a nui hawk hawk .


" Nangmah a nih kha , i mumal loh zia te kha " a ti ve leh a , " Duati hi apu bulah kar khat vel dah ila a tha ang , a nau tur a awm hman mai ang " a tih zawm leh a , ka melh nghal rawm rawm a , Duati a rawn tap leh .


" Ka naute hmeltha , khawiah mah he Superman hian a dah lovang che " tiin Duati chu ka thlem a , " Papa " chiang vak lo a a rawn tih chuan Rchpa nen kan in melh nghal kawk .


" Papa " a hma ai mah a chiang chuan a ti nawn leh a , Rchpa chuan Duati chu ka kut atangin a rawn la a , " Ka fanu duat sawi nawn leh teh " A ti chul a , Duati lah in a sawi nawn tawh lem lova , a riat kual vek nawk nawk chauh .


" Ka hriat sual chu a nilo tiraw " tiin min rawn en a , " Nilo keipawn ka hria a lawm " ka ti a , " Duatte Papa ti leh teh le " ka tih zawm leh bawk .


" Papa " Duati bawk chuan a ti leh a , " Papa a ti a nia " tiin Rchpa chuan a vawr kang nawlh nawlh a , Duati lah chuan hlauh a hnek in a nui ang iar iar leh nghal a , " I lo hria em , Aruatte ka fanu in Papa min ti a nih chu " a ti a , kei pawh chu min rawn pawm ve nghal a , min thlauh hlau zetin ka lo kuah bet tai a , " Ka hmangaih che u , Remruatfel , Ramnunpui , ka hmangaih che u " a ti mawlh mawlh a , ka nui lo thei lo , ka hlim na hian van a tawng hial in ka ring a ni .


Kapu pawh kan call ve nghal a , " Pu " Hlim zet chuan Rchpan a ti a , " Zing zing ah engnge i hriat a i au vak vak le " Kapu lah chuan a lo ti hlur a , " Pu , i hrelo a nih kha " an ti ngawt a , " I sawi loh chuan engnge maw ka hriat ang " a lo ti leh hlur .


" Pu Duatin Papa a ti " a ti a , kapu pawh chu a rawn phul nghal hlut a , a rawn kal nghal tur thu sawi in phone a dah nghal .



~~~~~~~~~~~~~~~~~~~~~~~~~~~~~~~~


Thla thum hnuah chuan


Rchpa's P.O.V




kapu in biakin chhung a a rawn kaih luh kanupui thar , nilo , ka hmangaih em em chu ka lo melh ran a , a hmeltha takzet a ni , Duati pawh Awmawmin a pawm a , a kut a lo beng ve ter ter reng .



Kapu chuan ka kut leh Aruattei kut chu nghet tak a min in vawn tir in a mit a chhing vang vang a , reilo te hnuah a thutna lam a pan leh .



Tunah chuan dawt tel lo , zep awm lo , a tak tak in thutiam kan chham dun ta , ' Thihna in min then hma loh chuan ' tiin thu kan tiam dun ta .



Remruatfeli's P.O.V




A hriat ah hian vawi khat mah la sawi loh thu thil ti thei tak a awm a , mahse a ni chuan chu thu ka sawi ve ngailo chungin a ni chuan min hrilh nawn reng thin , a sawi ang ngei in ka thinrim beng daih nan a sawi a , ka hlim ni in emaw ka tah ni pawh in a ni chuan chu thu chu sawi a ui ngailo , " Ka hmangaih che " Biak in chhuah san tur a kan in her lai chuan ka ti sap a , a ding vang vang a , thawk a lak leh hawk hnu ah .


" i kut hi eng tik ah mah ka thlah tawh ngai lovang " ti sup in ka kut chu a hma ai a nghet zawk chuan a hum a na salh a




A tawp ta .



( ka ti tawp thut leh lutuk a , pawi ka ti , mahse zanin ah ngei ngei a Hostel luh ka ngai si a , min hrethiam mai dawn nia ❤️💃💃)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)