REWRITE THE STAR (BYG S-2) - 27 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

REWRITE THE STAR (BYG S-2) - 27 By Bearr Chhakchhuak (Dreamer)

Unread post by Bearr » January 22nd, 2022, 11:20 pm

⭐CHAPTER-27



"I pa ber in min duh tawhloh chuan ka awm in awmzia a awm tawhlo, tho te" Pi Zoi lungchhia chuan hnuk ulh tun in ati a, Johan-a'n Nu a tih khan engtin nge a awm ang le? a thawng ve viau angem le?






"Chhuak suh...awm lo mahla keichu ka ngaihtuah awm lo mahse, i tello chuan Puia hi engtin nge ni ang? Nu te tluk a fa te enkawl tha thei an awm lo asin.. " lo awm ve reng chu tha pawh in ka hre tawhlo ka tap ve mai dawn hian ka hria!






"I kal chuan Puia hi ka ngaihsak tawh dawn lo ania, a awm awm in ka awm tir anga ka pa'n a ngaihsak loh a a an khum pawh in ka en liam mai mai tawh ang" Pi Zoi kal luih tum chu a tih khum tawp, a ngaithla tu tan chuan vau na pawh a ang mai thei mahse, Johan-a tawng dan leh rilru hi ka hrethiam ani..Pi Zoi kal a hlauh em vang a tiang sawi mai kha ani






"Awle... nang leh Puia tan hian tun tum chu ka tuar leh hram ang.. " Ti sap in Pi Zoi chuan Johan-a chu a en a, a mitmeng ah chuan tumruh na ka hmu tlat in ka hria






"Ka.. ka lawm e Nu!! " Johan-a chuan bah deuh tak hian ati a Pi Zoi chuan mittui tling leh tah na vang a mit sen ram chung hian a nuih sep a, Johan-a chu a lawm lutuk nge pawh ka hrelo a kut hnih in a hmai a hup a a nui leh hawk thin






Pi Zoi chuan in ti chak thar in kawngpui lam nilo in an kawngka pui lam chu a pan a Johan-a chuan lo nghak leh lawk tur a min ti in Puia kuah pah chuan a lut ve a, Chumi laiin ka nu in min rawn call, ka thiante nen kan pen kawi thu ka sawi a chaw kan ei nghal dawn ka ti ta ringawt! Johan-a te nufa ho vangin ka hnuk a ulh ve teuh bawk nen ka nu chuan ka aw chhuak mak a tih thu a rawn sawi nghal vat, Nu te hi an lo ropui mange aw!! mahni hrin ngei te an hmuh phak loh ah pawh awm mahse an danglam na an man nghal zung zung thei ania






"Kal ang... " Phone ka off chiah hnunglam ah Johan-a alo awm reng tawh! bu nghat in taxi chuan kan veng lam kan pan a, a tawng miah lo thinrim emaw lungngai hmel a pu chuang lo a ngawi ve tawp






"I tha em? " kan ngawi rei tawh mah mah a, a bul a awm anuam dawn lo lek lek tawh zawk, a bu nghat a a thut dan siam rem in awn deuh a thu chung in ka dar ah lu a rawn nghat a hah hmel takin a thaw leh hawk hawk thin a "Nu i ti kha mak ka ti lutuk a" Ka sawi zo chiah ka in chhir lehnghal







"Mak ami? Nu ti a koh ka chak na te chu a rei tawh a lawm mahse, ka tim thin a...ka biak dawn pawh in ka mawl biak tawp a a chang chuan Nu ti a ka koh hreh vang ringawt in ka biak loh phah for bawk a" Za vak lo hian a nui chhuak a,keipawh ka nui ve suk mahse a za hlawl lo kan boruak pawh a ni huih hian ka hre mai







"nangmah ang tho khan mak an ti vek ang tupawh in, a chhan chu ka hua emaw an tia, huat chu ka haw ngei a a chhan pawh engmah ka hriat chian loh vangin, ka nu kha a mah vang a chhuak emaw ka tia chuvang chuan ka hua a mahse thil nih na tak ka hriat chin ah chuan ka en dan pawh a danglam vek tawh.. Ka pa a Hmangaih chu thuhran ka nu ka ngaih thin em vang te khan kan in chhung a rawn lawi luh te kha a duh zual a"A ti zai sup a







"Misual tak chu anilo tiraw? " Ka tih chuan a bu nghat nghat a, kan ti ti tak chhung chuan kan in pawh kan thleng der mai, tun tum chu ka beisei loh tawp in ka pa'n pawn ah min lo nghak! Johan-a chu ka en a ngawi reng, ka thinphu a dik lo nghal ringawt muangchang in ka chhuak a Johan-a chu lo chhuak ve kher lo se ka duh ngawt mai






"Pa...? Pawn ah enge i tih a? " sawi tur dange hrilh leh zam ru bawk chuan a chhan na ka hriat sa reng zawh na ka zawt ngawt a, min en reng hnu ah min chhang ve chauh






"I tlai leh lutuk a, ka lo nghak che anih hi tunlai chu i haw hma lo thin riau a tu thian nge i kawm a? i thiannu Kimi ka phone a in awmdun lo a ti bawk sia" A ti dap dap a, chutah taxi kawngkhar rawn in hawng in Johan a rawn chhuak! Ka pa chuan a hmel put dan ti danglam miah silo hian Johan chu a en reng a






"A ni hi maw i thian chu? a mah hi ami tlai khaw thim thak thleng a khawlai a i awmpui? " Thinrim in sum lutuk hmel nen chuan min en, Johan chuan kan pafa chu min en reng a kal mai se lo chhuak lo khan, a fel ni mai tur alo chhuak a tiang chuan ka pa a ti lawm lo telh telh dawn asin







"Keiman ka tih tlat vang anihkha,ka bul ah a awm a ngaihtuah a ngai hleinem Oppa..a bialpa ka awm a ka veng thei lutuk a lawm" Johan a lo kal hnai a ka bul ah ding in ka thlavang hauh tih hriat takin ka kawng ah chuan a kuah a







"I bul a a awm hian ka ngaihtuah zual zawk, tun atang pawhin haw tlai a ching chho der chu anih hi! nang hian kawng dik lo ah bak i hruai lo ang" Ka pa tawngkam chu a hua nge ka kawng a dawm na chu a ti na thut! a hmel ka en a a hmel ah erawh chuan nui hmel bak hmuh tur a awm lo






"Sual viau mahila keimah ang hian midang awm tir ve kher ka tum lo asin... " tih ringawt in a chhang a, ka pa chu eng emaw sawi leh tum ni awm tak a a kâ a an vangin hmanhmawh deuh chuan ka pa ka vuan a






"Pa lut phawt ang tha deuhin ka hrilhfiah dawn che nia, khawngaih in... " ka ti a ka pawt nghal tawng tawng, Johan-a chu ka en a nui suk in a kal ve nghal, tha deuh a thlah ka duh tehlul nen nichin a thil thleng te vang ngawt pawh a a rilru dam dawn loh nen ka pa min lo nghak chu a zia lo khawp mai






"Engtin hian nge maw ka tih dawn che le? " Inchhung kan luh vel ah ka pa chuan ati nghal thah,ka nu a rawn chhuak a kan pa fa chu min rawn en tawn zak zak "ka thu leh duh ang a i awm thei dawn lo anihchuan a tha lo viau ang" a ti ban charh charh






"I hrelo anihkha pa, a chanchin te enge a tawn tawh te hria ni la a nun hahthlak dan tur leh an chhungkua te hi a chhungril takin hria la Johan-a lak a I rilru put hi a danglam mai ang, a pawn lam lan dan ang hi ani lo! " Awih loh hmel lutuk hian a nui hawk






"Sual nise pa, ka hlat em em ang mahse pa a sual lo, a nun hi a hahthlak ve em ani..a hun kal tawh a a thil tawn ang te hi midang mi fapa te pawh in tawng sela Johan-a ai pawh hian an chhiat pui nasa ang mahse ani chu chutiang ani velo, a rui a damdawi a ti leh buaina a siam chung hian midang tan a tha asin"






"A bum che anihchu, a nun hman dan ho kam zia te kha I hria em? a rui kual mai mai a a hna pawh a thawk ngailo tawp ang, khatiang lak ah khan eng thik tha nge I beisei? in ngaihzawn chhung boruak ringawt hi ngaihtuah suh a hnu leh thleng ngaihtuah rawh pum khat ah lo in siam ta pawh ni ula eng in nge a chawm ang che? Zu leh drugs in a chawm dawn che em ni? " vin lutuk hian min tih khum a







"In siam that a tum mek alawm, I hmuh rual a a tha lo lam hlir ngaihtuah lo khan pa tha takin lo dawng sawng ve chhin la, pa vawikhat chiah chance han pe ve teh.. Keimah ang hian I awm ve tho la ring ani.. a chhungril hre tur chuan vawikhat te tal pawh I hnaih chilh ve angai a sin..."






"I rilru a la ti na ang.. " Tih chauh chhan na min pe a room ah a lut nghal hmak!Ngati nge Johan-a hi hriatthiam ve eih a tum loh le?






"Va mu phawt teh, I pa duhzawng ang mi hi Bawihte neih tum hram zawk mai rawh a neihchhun ang I ni tawh a, I hun kal tawh te vang hian I pa hian nangmah hre thiam thei tur mi, mi tha lutuk muana te ang kha a duh a chu chu nangpawh hian hriatthiam sak vela.. A hmangaih em vang che anih hi" Ka nu chuan a ti a room ah ka lut tawp thung Johan-a pawh insiam that a mipa tha tak nih chu atum ve reng a lawm hun a pe duh lo anihkha





Lehkha zir lai te chuan ka pa'n "I rilru a la ti na ang" a tih ringawt pawh chu a rawn awm a! ka ngaihtuah ngut ngut reng ringawt!






"I pa in Serchhip ah I zir na zawm tir che a tum deuh a, Serchhip a kan chhung te ka bia ang a tia nizan khan mut hmun ah a sawi a" ka nu chaw ei ka siam pui laiin a ti thut! phawk deuhin ka en a a hmel ah chuan min tih der lo ani tih ka hre thei






"Engvang in? Serchhip ah kher ngati nge Johan-a vang a min thawn bo a tum ami a? " ka lawm lo lutuk! Hating thil kher chu ka pa hian ka lak ah a tih duh ka ring lo asin mawle






"A la chiang hleinem.. " Ka pa room atangin a rawn chhuak a "hria ang in lo awm suh.. . " a ti a a ngawi zui daih, ka pa chaw ei dawhkan kil a hmel tak run chu ka en ngat ngat, tinge maw a sual tak em em le? "Thu ta che.. . " dawhkan nem khalh chung a ka en reng kai chuan ati a






"Ka riltam lo...." Tiin insiam tur chuan ka room ka pan daih, ka lawm lo takzet zet ani ka chaw ei chak na pawh a bo vek phah ania, Johan-a nen a min pawh then nan a ti bak anilo tih ka chiang, k insiam sawk sawk a tumah pawh be lo in ka chhuak tlang daih Kimi nen kawng lak ah kan in tawk a be miah lo in scooty ah la lawn nghal thak, ani lah Moses-a vang a rilru la buai tih hriat zet in a tawng mai bik lo






"Serchhip ah college ka kal mai thei" class pan a kan kal laiin ka ti chhuak a a thaw zui hawk "hey serchhip ah ka kal mai thei ka tih chu!! " a ngaihsak loh hmel em vang chuan ka ti leh, muangchang hian min en a






"I kal thei lo hrim hrim Tetea te ka kawm ngam rih lo a, Davida a awm bawk silo nang I kal bo leh phei chuan engtin nge ka awm ang? " a mittui a tling nghal ringawt! a lam ab chuan ngil zawk a ding in ka en vang vang a






"Ka kal mai theih vang a mittui tling I nilo, enge a? " Ka ti a, a best ka nia ka chiang ve tawk emai





"Moses-a leh hman zan a birthday cake zai lai vel a in hnaih deuh a awm kha an in zui lai ka hmu a an in ngaizawng in ka hria an awm dan kha, mahse keimah min bem a chhan na em pawh ka la pe bawk silo ka tlawm nghal ngawih ngawih hian ka in hria" a tah a chhuak zual sauh hian nia ka hriat






"Saw a mah a lo kal zawt chiang la, bak ah I duh ta ani lo maw I tah phah ngawt dan ah? " Ka tih chuan a phawk phawk ah a tang leh sia, a leh hawi a Moses-a leh Tetea te pahnih rawn in be phei mawlh mawlh chu a en a "tlan chhe suh chhan na I pek hma in chian zawk rawh" Ka ti a ka pawt ding ve tlat






"Hey Moses, a be duh che a " tiin ka ko a an rawn kal phei a min sik nghal hlawk hlawk "Tete lo va kal ila.. " Tiin Tetea chu ka kal hran pui nghal daih a






Nileng thak chuan ka rilru ah Serchhip tih ringawt a awm! kal ta ila hmelhriat sa pawh pakhatmah ka nei lo anga, thian siam chawp te a ngai dawn, thian siam lam ah lah ka lak tlak lo nasa si.. bak ah Serchhip a kan chhungte chu an hmel pawh ka hre leh tawhlo vawihnih khat chauh kan la in hmu lehnghal a, an mahni an tawng duh viau loh phei chuan inchhung ah in si lo chauh a awm pawh in kan in be lo emaw te anianga hreawm ka ti dawn lutuk!







Tlai ban a lo hun a kan chhuak sap sap, kal pah in Kimi chuan Moses-a nen an in biak na vel a sawi luam a, engkim a tha tawh anih hmel khawp mai, ka Serchhip chungchang sawi pawh a hre chang tawhlo! Kal tak tak ila chuan min ngaih dawn vei nen a aw, chhan na a pe tawh em ti a ma zawh chuan a la pe lo tih in min chhang anihchu, tiang khan midang nen a hmuh vangin an inbiak phah ania Moses-a chuan a hre thiam vek tawh tho ang






"Chhan na pe lo mahla in sawi dun na vel atang khan a hrethiam vek tho ang i van tlaw tak sawifel law law ta che.... " Ka ti chiah reng a






"Hrethiam mahse rei deuh in nghah tir ka duh a lawm, min duh tak tak anihchuan eng ang a rei pawh ka chhan na a nghak tur ani.. bak ah hmeichhe easy deuh ang a lan kha ka duh hleinem bem tluk har deuh ang a awm ve kha ma duh a lawm.. " Sawi tur ber pawh ka hre lo e a






In kan thleng a a let lehnghal mai, tunlai chu in lam ah an buai ve deuh nge ban pawh in a rawn peng kawi khat khawp mai, luh hma in message ka check a Johan-a vawiin nileng a a reh zia ka hrechhuak chiah a massage ka hmuh loh vang chiah in, ka text a tick pahnih awm mahse a seen mai lo, status a up takin ka ti a ka va en a alo up ve tak tak mahse tukin ami nilo in nizamn dar ami daih tawh, ka thla an lak ruk bawk kha a lo hmang leh caption a dah leh mial bawk a





* Nang chu keimah a thil tha chhuan tur ka neih ve chhun ka thinlung 🤍*





Chu chu a lo status ve a, a mah ngaihtuah chuan a in hmeh teh chiam lo mahse min ti hlim ve em em thung,ka out a number pakhat hian whatsApp ah nilo massage min lo thawn a chhun vel daih a lo thawn tawh ani, ka hawng a a massage chuan min thawng lutuk






" Vanrammuana ruih nan a Hminga damdawi pe tu kha i kawp lai mek Johan-a kha anihkha, Vanrammuana hrai ruih anih na a mawh phur tu ni bawk chu i kawp zel duh angem? "






Engvang in nge he thil hi a rawn thar thawh leh!? Tunge he massage rawn thawn tu hi!! Vanrammuana a sawi a, hrai ruih anih thleng in! Ka call nghal thuai a a ring ral thak thung ka call tlut tlut a awmzia a awm lo a la duhlo, kha thil ber kher kha a rawn sawichhuak a engtin nge a hriat ang? Kha thil avang khan kan buai nasa a sin, ka u leh Vanrammuana an mu dun emaw kan ti a ka u khan Vanrammuana fa apai emaw kan tih bawk avangin kan buai phah hrep anihkha! bak ab engtin nge Johan-a daih daih nen a in kungkaih theih?



_____________________________

★ Aron POV ★



"Hei min rawn call ngat ngat a, mahse ka chhang lo... " Tiin massage min rawn thawn a




"I hlawh chu zanin ah ka pe ang che...he thil chungchang hi khawi ah mah sawichhuak suh ang che anihloh chuan a pawi viau ang" tiin ka chhang let a aw a rawn pawh rang khawp mai






Tun ah rih chuan Arini rilru hi ka tih thar rih a ngai ani, hetiang anihchuan ka neih thei dawn lo Johan-a theihnghilh tir nan Amon ka hriatchhuah thar tir zel a ngai anihloh chuan Johan-a ah hian a pil bo thei mai ang! Kha pa phiangsen lah khan a zar buai hneh ropui si hetiang a a awm reng chuan Arini chauh nilo a nu leh pawh in pawm hun an la neilo ang tih pawh a sawi theiloh





"Aron... " pawn veranda a Bena mu ka va pan lai chuan hnuailam atangin Arini'n min lo au, hmanhmawh takin ka dak a, min hmuh rual chuan rawn chho in a hmanhmawh hmel khawp mai






A rawn thleng chho a a phone chu min en tir in a massage dawn mak a tih zia te chu a sawi nghal mawlh mawlh, keiin nuih in sum tak hian ka lo ngaithla a, ka tih tir vang a he massage hi dawng ani tih in hria sela chuan mak a ti zual viau ang, mahse massage ah khan engmah sawi tir dikha loh ka neilo, Hminga beer min pek kha syringe hmang a damdawi kah luh tel ani tih ka chhui chhuak a chu damdawi neitu leh telh sak Tu chu tu dang nilo in he Johan-a ngei hi ani, Arini hian a huat a kalsan ngei a ngai


IMG_2401202267.jpg
IMG_2401202267.jpg (26.2 KiB) Viewed 3487 times



" Aron ka thusawi i ngaithla em? Tinge i nuih a a nuihzat thlak loh asin Vanrammuana te a rawn sawi ania" Ka lo in sum zo lp ani ngei ang lungawi lo hmel tak leh a thu dawn in a thawn vang a hmel danglam zet hian a rawn ti vin thah a






"Sorry ka ngaihthla a lawm, chuan engtin nge kan tih ang?" ka ti a a hmel ah chuan ka lo nui chu a la lawm teh chiam lo tih a hriat theih, a ngawi vang vang a chutah kei min rawn en in






"Enge a duh ang le? " a rawn ti chhuak hlawl, a fing khawp in ka hria, ka chhang dawn chiah "Zorina kan hrilh ve duh angem?" a rawn ti leh! Lu ka thing vat chu mak ti deuh in min en a engmah chu a sawi chuanglo






"Aih tikhan awm tawp rawh tumah hrilh angai lo, chhang lo la call pawh call tawh suh, nakin ah duh a nei anihchuan a rawn be leh che in ka ring, rilru ti hah lo la" tiin ka tawng thlamuan ve a, diktak chuan Zorina chu hrilh chi ani hauhlo a hrilh anih vaih chuan Zorina hian a hrethiam nghal vek dawn a min man chhuak nghal ani mai






"Awle mahse ka rilru a nuam vak lo a, misual tak anih hlauh chuan" A ti a, a rilru a nuam famkim zan lo chu ani, ka pawt a ka kuah nghal hlu hlu, ani pawh in min hnial lem lo






"A tha vek ang,tu emaw kut hlei thil tih aniang" ka ti a,hetiang a ka kuah loh na hi a rei tawh khawp mai, a hma kha chuan keiman ka buaipui in ka ngaihsak vek a Hminga vang a zan lai harh leh hlauh aneih pawh in ka kuah a ka thlamuan mawlh mawlh thin kha ania, tun ah Johan-a a rawn lang a engkim a rawn ti danglam vek!





"Ka zu chhuk tawh ange.. " Tiin ka kuah na atang chuan a tal pit thut a, a tlan thla nghal nal nal






"Arini hi nula ang in en suh aw.. tha ka tilo ania farnu ang chauhin en reng ang che i u thinlung te theihnghilh a nula ang a i en chuan ka lawm lo viau ang" In chhung ka lut a, ka kuah lai kha alo hmu emaw tih turin ka nu chuan alo ti nghal hmuk






"Nu i ngai kawi anihkha" tih chauh a chhang in ka room ka pan chho a,ngati nge Arini nen hian tuman min pawm loh chu le? Zorina ania tun ah ka nu, ka pa pawh in min pawm pui lo ang ka ring!






Tlai chaw ei kham atangin school thil paper vel te ka check a hun a duh ve khawp mai, chumi zawh ah in en lawk na ka nei leh zuai a ka mut chhuak leh mit thip ta deuh chu khum ah ka tlu zal e ka tia reilo ah ka muhil der mai





* " Amon....?!!! " Ka mut na bul a vawh em vang chuan ka harh a, ka beisei loh lutuk in Amon a ka khum kiang ah a lo ding reng mai! ka thu tho zawk a ma mit ka khap chhung lek chuan a lo awm hla hman! Hlauh na leh tim na ka neilo a hetia ka hma a a rawn inlan hian eng danglam na vak mah min thlen ka hrelo mahse, ka U ka ngaih zia ka in hre thar leh tih chu ka hria






A ti sa dang hmuh theih mang ka neilo,a hmel erawh chiang takin ka hmu thung, a lungngaih hmel em em lehnghal,keimah chu min en ding ngar ngar bawk,lungchhe tak a tap mai tur ang hmel hi a pu a a mit ah chuan mittui tling tih hriat takin mittui a tle vâ vâ bawk a, a vun te chu a dâng em em a chu chuan a dam ve tawhloh zia a ti chiang takzet, ka khum atang chuan tho in zawi muang in ka pan a keimah bak chu en a neilo khawih tum a ka ban lai tak chuan





" Tawp rawh " tiin ka hmuh lai reng chuan a bo hmak, ka au nghal vak vak a mahse a reh hian a reh ngawih ngawih, ka hawi kual a nasa tak a ka auh lai chuan ka thu zawk! *






"Ka mumang, ka mangchhia mai mai ani Amon a lo kal lo! " ka hawi kual a ka mut dawn a thil awmdan ang chiah chuan engkim a la awm vek, a eng uar bawk a eng thil mah danglam a awm lo, ka chal a dawm in ka thu lun reng a chutah ka mang a Amon thusawi kha ka rilru ah a rawn awm thut!







" Tawp rawh " tiin ka phun sap,ka thu a sawi lai a a aw ki chhuak te a lungngai hmel put nen lam khan a tak ang chiah in ka feel thar a mipa e tilo chuan min ti hlau lek lek! Tawp rawh tih chauh kha a sawi a eng a sawi tum na nge eng thil ah chuan nge ka tawp a ngaih?







"Tun a ka thil tih lai hi em ni tawp tur a min duh? nangpawh in ka thil tih hi i pawm lo em ni? Arini hi ka tan i phal lo ami a?" ka room a awm ve ang mai chuan ka tawng chhuak a Amon biak ka tum ani ber "I Duatbiki chu ila hauh hle mai Amon!! "


______________________________

★ Arini POV ★



Zing ni chhuak in ka hmai a rawn chhun fuh tak ah chuan nizan ah parda ka zar theihnghilh tih hria in muangchang chuan ka tho chhuak aa, ka phone ka check hmasa ber, Johan-a nimin nileng leh nizan zankhua in a reh tawh a tukin ang em em ah chuan a massage pakhat tal dawn ve ka in ring a sin mawle





"Serchhip chu a la sawi em? " Room chhuhsan in choka ah tui ka va in a, ka pa pawn chhuak en pah in ka nu ka be sep






"Aw bia anih hmel, zanin tlai vel chuan a sawipui che ka ring deuh mahse lo hnial vak lo la ka duh, i pa ani a itan a tha tur ati ah ngai tawp rawh" A ti a ka tan a tha tur ti se Johan-a hlat a min dah a tum lo ang, chuan Johan-a hi a mil lo reng pawh in ka ringlo






"Ka kal duhlo a, laklawh deuh a zir na hmun dang a zawm vel kha ka peih lo bawk chuvang chuan ka hnial dawn Nu, nangpawh in min lo tan ve rawh thian thar siam ngai te, kan chhungte ka hmuh zin loh ber hnen a khawsak te chu nuam ka tih i ring reng reng ami a? "






"Nuam I ti chho mai dawn a lawm" Tih lek in min chhang a, ngaihdan pawh ka nei thiam tawhlo ma pa ka hnial dawn tih chauh ka ngaihtuah na ah a awm a engtin nge ka hnial anga Serchhip ah chuan college ka zawm loh theih ang tih pawh ruahman na ka neilo






"Johan-a hian ka zirlai leh ka nun engmah a ti buai lo, a tlat tlat in a tla ve a, vanduai na in a um phal ngun em vangin in hmu dik lo mai mai anih hi" Ka pa lo luh leh lai tak chuan ka ti a bathroom ka pan nghal hmak bawk






Johan-a a biak theih loh a ka pa in ka tan a a ruahman na siam ah ka lawm lo bawk nen zing atangin ka nui peih lo nghal der mai, engpawh chu nise Serchhip chu a nuam emaw nuam lo emaw ka kal duhlo ani tawp rih, Kimi a lo thleng a kan kal lehnghal daih,chaw pawh ka ei leh ta lo chhun ah thil ei tawk ila ni mai, kan tlan a college kan hnaih tawh lam ah a jam deuh vangin kan ding a






"Arini kha i ni em? " Kan bul chiah a bike lo ding ve a chuang hnung zawk ami chuan arawn ti a kan in din hnaih bawk a keimah min bia tih ka chiang ngang mai,sunglass a vuah a a hmui a sen tai hlar bawk, a mitmeng hmuh miau loh chuan tunge a nih ka hre thei mai lo






"Aw nih chu ni e, tunge i nih a? " Ka ti a ka han thlek deih pawh in ka hrelo, a mah phur tu mipa pawh chu ka hre chuanglo, chunu chuan a tarmit la thla in min nuih nghal suk, Johan-a bialnu emaw ka tih hman thelh Nuthlawi Kimi'n a tih kha anih hi hman zan pawh in Johan-a nen Moses-a birthday party ah an lo luh zuai tak kha mawle






"Min hre tho In ka hria, tunlai chu Johan-a hi a in suh lutuk a kan in ah pawh a lo kal tha duh tawhlo i khuahkhirh lutuk em le.. " nui sâng chung hian ati a






"Khuahkhirh lo e, tunlai chu fel zir ve a a fel leh lutuk dawn nge ni a reh leh thut zel a buaithlak" A awm na chin a hriat tak mial in tih pah chuan fin ka chhuah ve zeih, a nui a min chhang mai lo a hrelo ve tho anih te ka ring






"Nizan hmasa ah lock up ah an dah a lawm, A u Puia pawn chhuak ve kha an veng mi ho in an lo chhaih deuh a chu chu an insual anihkha, Puia chu i hmu tawh ang tiraw a kim vak loh kha.. Uan nan an lo hmang aniang chu" tha lo tih hmel nen hian a rawn sawichhuak, hei vang anih chiah hi a reh tlawk tlawk







"Kan kal phawt ang aw, Dinsangi ka nia i duh leh min u anga i duh leh min rual pui koh dawn nia ka la naupang ania" tiin a nui har har a, ka bu ve nghat







A thusawi chu ka bengkhawn teh chiam tawhlo Johan-a ber chuan ka ngaihtuah na a la peng tawh "e chuan Johan-a nen kan lo in zui anih pawh in rilru tihnat nan hmang suh aw ani hi chu ka fa en ania" tiin nelawm tak hian min nuih a, a jam tawhlo a mahni kal na tur lam ve ve pan in kan chhuak leh a Kimi nen pawh kan sawi dun ve nasa khawp mai, Johan-a pawh chu fel a tum emaw tia chutia lo awm leh reng reng!







Gate kan pel chiah nimin tlai a ka message dawn kha ka hrechhuak a engmah chu a rawn sawi leh tawhlo, Kimi ka hrilh ve duh angem tih ma ngaihtuah laiin Moses te pahnih tlanchhiat san in ka bestie hun ka hman pui lehnghal zak zak! Nileng in Johan-a leh Serchhip lam chuan ka rilru a kap a, Serchhip chu loh theihloh na avang in lo kal dawn ta ila Johan-a hi engtin nge a awm ang tih te ka ngaihtuah vel a, ka pa in min sawipui hma atangin ka hreh nghal ngawih ngawih







"Uiiii Aron nangmah tehmial chu! " Min rawn lam tum ni awm tak ani, kan bang min lo nghak ni awm takin a bike ngheng deuh hian all thu a, Lalkimi lah in min nek nghal zauh a






"Johan-a'n a thik ange.. " a la ti ve zui, Aron chu ka pan a, diktak chuan min thlah emaw hruai ngai tawh loh vangin a rawn kal ka beisei lo hul hual a min ti ham haih lek lek engmah a sawi lawk silo






"Hruai tur che an awm chuang lo ang chu tiraw? Haw rual ila " ati a, Kimi ka va mitmei nghal char char a ani pawh a meng buai ve nak mai, a tawp ah chuan a bike ah chuang in kan in phir haw ta nge nge a, kawng tluan in min be lo a keipawh in ka be lo kan in hua pawh anilo mahse kan boruak chu a dul a nuam hlawl lo





"Zorina Delhi ah a chhuk leh tawh dawn lha i hre ve em? a thlah na ah kal ve ila" a rawn ti ve mial





"Zorina maw, hre miah lo a chhuk chuan a van lunglen thlak leh dawn ve" Ka ti a, ka ti tak tak a awm pawh in a rawn kal zing a min hmu zing pawh ani chuang lo, a awm lo vat tur chu a ngaihawm lawk in khua a har lawk rum rum mai






"Um Delhi ah hna a hmu tawh a, chhuk vat angai a naktuk emaw tuk leh ah chuan a chhuk ka ring... " a ti dap dap a, ka lawmpui rualin hetah te awm ve mai mai sela ka ti, Aron atan tak pawh hian thian dang teh chiam a kawm silo a Zorina a kal daih phei chuan a khawhar thlak ve ngawt ang






"Thlan tlawh lawk ila i peih em? " a ti zawm zat a, aih tih ka tan a nawm miau loh vangin thlan lam ah chuan kan peng kawi leh a,a thlan bawr a hnah thel tla ho chu ka ti fai nghal a khua a tlai zel vangin awm pawh kan awm reilo, ka rilru in Vanrammuana hnen ah ngaihdam ka dil a ka mangtha mawlh mawlh bawk






Kan in lam pan in kan tlan zel a, a hma a kan chhung leh Aron te chhung nen a thlan kan tlawh tum kha kan tlan na hmun chuan min ti hrechhuak, Aron nen kan haw tlai zual bik anihkha.. Khatah khan Johan-a ka tawng a kan pahnih hmangaih na zinkawng in tan na tur ani tih a tumah khan kan hrelo ve ve mahse, tun ah chuan khatih lai a damdawi ruk hmang leh hla tak thleng main tlan pui a ka pawisa la tel daih tu kha ka bialpa chu alo ni ta reng a mihring nun hi chu a mak ve ngawt mai! Kan tlan na a piang chu Johan-a min ti hrechhuak tu ani ringawt damdawi an lo ruk na dawr bawr vel pawh kha ka hmu







"Aw a va buaithlak ve!! " Johan-a ngawt ka ngaihtuah lai chuan Aron a aw in min ti harh zawk, jam ah bawk kan tang leh tawh! tukin ai khan a la jam nasat hmel daih zawk lehnghal khua in min thim hnan chuan ka pa'n Johan-a bul ah ka kal kawi leh emaw ati ngei ngei ang







"Kan thim mai ang a" Ka tih chuan, thim hnan a rin thu in min chhang a, ka nu ka hrilh nghal chung chung a a fiah nan thla la in ka thawn nghe nghe






Rei mawi tawk kan nghak tawh a zia awm tan a kan tlanchhuak pangngai tep tih in ka thu tha hle hle lai chu tu emaw hian min rawn chawi thla nawlh! ka rak thawt nghe nghe min ti hlau lutuk ringawt, min hlang thla tu chu Johan-a lek alo nia chutia min hlang thla daih chu Aron chu a sir ah tlan daih in a bike a park tha sauh sauh a kan lam pan in a rawn kal ve chiah, a nai ten an lo din hnaih ruak a an sual rawn thut chu ka hlau ani







"Mipa thikthu chhia leh naupang chhua tak a chet thawh nuam ti mi ka ni ve lo mahse, nang hian chutiang tilo theilo chuan min siam thin.. a ni hi ka bialnu ani a ilo tawh a, a khawi i lo kal na a i hruai ve sek pawh a ngailo, ka dawhtheih loh tak tak hun chuan i na viau tawh ang... " chiang leh fiah zet in Johan-a chuan atih khum hmiah







" Anih tak chu, ka awmdan leh tih tur a thu min pe tur hian engmah i nilo addict ve mai mai i nih kha... " Aron a tawng duh dan kher chu tha ka tilo khawp mai, addict anih chu kan hai lo,addict a ngainep pawh ani theih mahse sawichhuah fo hi a ngai lo asin






"I tawngkam fimkhur rawh... " Tih ringawt a chhang let in Johan-a chuan min kai hrang daih a, mi tam loh na lai ah min hruai a a tan chhan leh phone an lak sak rih vang a reh vang vang anih thu te a sawi pahle char char






"Arin haw ang... " Aron chu alo la kal! Min rawn zui pawh ka ring lo asin mawle, ka ban ah chuan a chelh a alam ah min pawh vangin ka tlu tep Johan-a'n min vuan nghet lo phei se chuan ka tlu ngei ngei ang







Johan-a chuan a kawr âwm ah tham in mi in bang ah a nawr bet nghal rawk,Aron pawh a tlawm bik mai lo a hnek chawrh a ka tawlh chiang lutuk! a nau te chuan an lo khawih rawn nghal, Johan-a hnen ah chuan tawp tir turin ka ngen a an tawp rual chuan Aron chu ka pawt tho vat, ani lah chuan thinrim zet hian min en a enge ka tihsual tak ni?






"Kalsawn rawh... " min ti in Johan-a chu la khawih a tum em maw ni? Johan-a a khawih loh nan a hma ah ka ding tlat, diktak chuan Johan-a chauh ka chhan ani lo amah pawh ka chhan zawk anih hi, Johan-a a khawih leh chuan a nau te kut tawrh bak hma bak a nei leh chuang lo






"Duhtawk rawh Aron, kut in thlak hi a tul miah lo asin puitling in ni tawh, a atthlak lutuk! " Ka tih chuan a chil a chhak thawt a, thisen hlir ani ringawt zawk






"Engtin nge a lam I la tan theih zawk le Arin? Amon ruih nan a damdawi Hminga pe tu anihkha.. Kha thil avang a Amon nay zia te Rinpuii a mutpui emaw a tih vang a I lak a a in thiam loh zia te kha i theihnghilh ta ami? buaina tam tak thlen phah tu ania sin"





"Johan-a thiam loh a awm lo, Aron sawichhuah fo ka duh tawhlo khang thil te khan min ti na tih i hriat reng kha... " zawi sap hian ka tih chu a hua nge





"Amon kha ilo hmangaih tak tak ngai miah lo anihkha" Min tih khum thlawt! hei kher kher chu ka sawifiah thiam bak khan ka hmangaih ve a sin ani kha ka hmangaih hmasa ber ani bawk




"Sawi tawh suh, ka hmangaih leh hmangaih loh i hre chiang lo anihkha tun ah chutiang sawi hun pawh anilo"




"I hmangaih anihchuan engtin nge reilote chhung in he addict pa hi i ngaihzawn theih?"




"Tikhan ko kher tawh suh" A mitmeng leh tawngkam te chu min rawn hruai dawn lai nen khan chuan danglam tak hi ani ringawt! a mah ani ta lo emaw tih mai tur ani




"Ngati nge? I rilru a lo na ami a addict ka tih vang chuan i hmangaih tawh viau ani maw? a ni em i hmangaih tiraw? Amon damdawi a hrai tu hi i hmangaih ani em? "




"Aw ka hmangaih,ka hmangaih lutuk! Vanrammuana hrai tu chu Hminga ani Johan-a hi lo in rawlh pawh ni se ka ngai pawimawh lo..a mah chiah hi ka hmangaih tho" ka rawl tawp tawp chuan ka au khum hmiah ka rilru tak tak nilo mahse min tih dan leh biak dan te hi ka duhlo ka ngei lutuk! ani pawh in chutia ka chhan chu a beisei lo nge a ngawi hmak





"Kal tawh ang... " Tiin ka in chhir leh hma ngei in kan kalsan a a nau te chuan min zui tawhlo, engtin tuman min tih lo mahse ka mittui hi a dir zung zung, Johan-a chuan min kai a a khat tawk in min bih leh zauh thin





"Johan engkim hrilh che... " Ka tih chu min lo pawt chat thuai




"Ka hre vek a lawm, Hminga khan i naupan laiin a khawih che a" Ka kut chu nghet zet in ka hum nghal "i nulat hnu in a bum che a, Aron a sawi kha a dik Amon ruih tur damdawi kha ka hnen atangin a la a syringe hmang a kahi luh sakte tu pawh kha ka ni..mahse a tih tum engmah ka hrelo a tumah ka ngaih sak zui ngailo bawk"





"Engtin nge..? " sawichhuah ka huphurh em em laiin ani chuan a lo hre vek! Vanrammuana hming kha hman ah a lam tawh, a hming hre mahse kei a thil tawn te leh kan boruak te hi chu a hriat ka ringlo asin





"Vanrammuana'n hospital a a awmpui lai che khan ka hmu bawk che, keipawh kha hospital ah tho khan ka pi vangin ka awm, kan in hmuh hmasak ber na chu damdawi kan ruk lai kha emaw i ti ang chu tiraw? Mahse keichuan Vanrammuana dam lai khan a kiang ah ka hmu daih tawh che chuan khami tuk tlai lam ah a boral san che a khami ni khan keipawh in ka pi ka chân ve chiah bawk... " Engtin nge heng zawng zawng hi a sawi theih?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)