HOPE CHAPTER--25

Episode kal lai dah luhna

Moderator: writers

Winter bear
Posts: 29
Joined: April 21st, 2022, 11:05 pm

HOPE CHAPTER--25

Unread post by Winter bear » June 30th, 2022, 12:14 am

Rinsangpuia POV






"Kha hmeichhia kha vawikhat mah hmu tawh suh ang che "ti tu chu ka nu ani,ka bialnu leh a chhûngte hmaa tlawm taka min siamtu ka nu ngei kha ani.







"Ka nunah hian engtiklai aṭang khan nge ilo buai tâk a"za lo zeta nuiin ahmaah ka ding a.Nie,engtik lai aṭang khan nge minlo ngaihven,ka hriat phak chinah ka nu hmangaihna leh ngaihsakna ka dawnna awmchhun chu pawisa chauh ani.









"Ka fapa inih hi hrerawh,hnaih tawhsuh ka tih chuan hnaih lo mai rawh"thinrimin min be ngailova,engvang tehhrepa hetianga awm hi nge anih ka hrelo bawk.A sumdâwnna buaipui rêng rengin akhawsa a,pawisa bak arilru ah a awm ngailo,ka ngaihzawng chungchanga a inrawlh chhan tur hi ka hre lo bawk.










"Duhlo ta ila engtinnge itih ang,a chhan ṭha tak a awm anihloh chuan,nilo...chhan ṭha tak pawh awmse ka kalsan lo vang."







"A chhan ṭha tak chu a awm ngei alawm,i hriat pawh a hun tawh reng ani...ngaithla rawh..Vanmalsawmi,Nonoi saw i pa fanu ani,chuvângin an chhûngkua nen sawn inzawmna i siam tûr anilo."








"Engmaw i sawi kha,tu chu maw ka pa fanu chu"a thusawi chuan min ṭhawng takzet,ka hriatmiahlohin unaunu ka lo nei reng a.Lawm tur nge lawm loh tur ka hrelo,mahse Daphne niloa Nonoi zawk ka unaunu ani chuan min ti hahdam huai thung.










"Kum3 milek inih laiin ipa leh Nonoi nu te saw office khata thawk hovin anlo in ngaizawng reng a,tichuan Nonoi alo piang ta bawk.I nu hian engtianga natna nge ka lo paltlang tawh hi i hrethiam pha hauh lovang,anni chhungkua sawn ipa hi makpa atana an duh em vangin an unaua ṭangrualin kan lak aṭangin ipa min lak sak a,tun thleng hian ka na tawrh tehi ala dam lo asin "ka hmaa ka nu ṭap hliam hliam chu ka en mawl tawp a,hnem ngaihna ka hrelo..ka thiam heklo bawk.









A thusawi tehi adik anihchuan ka pa ang nihve chu ka hlau takzet,ka nu leh pa te in hmangaih hmel taka an awm lai hi ka hmu ngai lova,kan chhungkua hrim hrim hian inkhata chêng ho si hian titi ho leh chhungkua a hun hman kan nei ngailo.









School bana an nu ten ṭhiante an rawn hruai ziah laiin ka nu in vawikhatmah min hruai ve ngai lova,ahnaa abuai ṭhin em vangin ka pianchamah pawh pawisa min pe tawpin ka duh zâwng lei tûrin min ti mai ṭhin.










Ka Nutei damlai kha chuan ahmangaihna ka dawng nasa a,ka nu leh pa te aipawhin min hmangaih zawkin ka hre ṭhin.Nitin school bânah min lo nghakin min hruai haw a,eitur min siamsakin ka tihduh zawng engkim min tih sak ṭhin.Min kalsan tirh khan tawrhdan ka thiam lova,ka engkim chanta angah ka in ngai bawk anihkha,tun thlengin athlanah ka la kal ṭhina,amah chauh chu ka harsatna te ka hrilh theih awmchhun ala nireng bawk.









Ka ngaihtuahna bing mup mup vang chuan harhfima awm ka peih thlawt lo,zu hi ka in ve ṭhin, ṭhiante nena kan awm phei chuan inkawm hlimnan kan hmanga tumah rui chhia kan awm ngai lemlo.Ka bialnu tereuhte in zu in tawhlo tûra min duh em vangin ka zah a,ahma angin a nazawngin ka in tawhlo bawk.Mahse,rilru a pai ṭun nei chunga harhfima awm hi thil nuam tak anilo.










Daphne POV







"Au Bawih,keichu usangpuia nu kha sual ka ti e,ahmel te kha angainat awmloh si,tinge khatiang khan arawn tih vak le"ka nau in atih chuan ṭawng ringlo tûrin ka lo khap vat a.









"A chhan ka hre biklo,ka nu kalo zawt ang mutawh rawh naktuk zingah ka nu kan thlah dâwn kha"a room aṭanga chhuakin ka room ah ka lut zui nghal a.






"Nu,i tarmit thar tur chu sumo ah ka lo thawn mai dawn mi"sofa a ka nu Bible chhiar chu bia in abulah ka ṭhu thla a."Aṭha lawm,hei ka tarmit vuah lai hi chu lehkha chhiar nan pawh hman anuam meuh tawhlo"tiin a Bible chu khupin dawhkanah a dah a.








"Bawihte,enge maw sawi dun lawk ang hmiang "dam thlupa tiin ahmel chu chik zetin ka lo en a,aw thian kharh in "Tuna ka thu hrilh tûr che hian a ṭhawng viau dâwn che tih ka hria,nimahsela nangchu ka fanu chaktak inihkha,i nau te ho hnêna engmah sawi rih lo turin ka duh bawk che."








"I Nutei hi kan naupan lai chuan kan zîngah a khawsa tamlo ber a, achhan pawh Shillong lama ka ni te bula lehkha Zira a awm vang ani.Hna aneih tirh pawh khan Shillong branch lamah athawk zui a,chutih lai chuan ipa nen hian innei tawhin kum 1 ini ve tawh bawk.Chumi hunlai chuan Mizoram lam aṭanga an branch a lo thawk thar nen lo in hmel duhin an lo in kawp zui ta a,fa hial a pai bawk.Nau a pai hnuah Mizoram lamah sawn ani ta bawk a,ipi leh pu ten nau a pai tih an hriat chuan thla5 mi nau alo keng reng tawh bawk, "ka nu thusawi te chu ngun takin ka ngaithla a,ka vawikhat hriatna ani bawk nen mak ka ti takzet.











"Naute pa an zawh chhuah theih miau loh vangin kei min rawn chah thla ta a, chutih lai chuan I nutei hi a cherin a dawldang emem bawk a,arûka nau paiin rilru hah takin amahin hreawm alo tuar ṭhin hi alo ni.Tih takzeta ka dawp takah chuan u te nanana chu min hrilh ta a,athil tawn zawng zawng min hrilh hnua i Nutei ka lainat zia mawlh mai kha".









"Chuan tunge naute pa chu"ka lo ti hmanhmawh a,chutah sawi zawm zêlin "I Nutei naupai lai pa chu Rosânga,Mary pasal ngei alo ni!!Nie,Sangpuia leh Nonoi te hi unau an ni."










Ka nu thusawi chu ka hresual emaw ka ti hial,Nonoi hi Rinsangpuia pa fanu maw alo nih!!Engtin nge anih theih zawk.










"Nu,i ti tak tak em" a hmelah dawt sawi hmel apu hauhlo nangin dawt anih thu min hrilh tûrin ka la duh fan a,ka thu hriat te chuan min ti zawi hnawk thei hialin ka hria,ka tawt up up a, engmah sawi tur ka hre tawhlo.Ka nu thusawi te chu ka bengah a in thum rawn tluk tluk a,engtianga dâwn sawn tur nge ka hrethiam lo takzet..










"I Nutei hian min hrilh tawha in pahnih chungchang pawh,hreawm ati in i tawrh phah ahlau hle bawk,chuvanga engmah hrilh lo che pawh ani.I nau te ho hian tuman anla hre lova nangpawhin i zêp rih dâwn nia."






"Nutei chuan alo va tuar nasa ve,nu Mary lah khan min huat hmel bawksi"min tihdan te ka ngaihtuah let chuan ka tawt zual a, Rinsangpuia hian a hreve tawh angem tih te ka han ngaihtuah leha,thisenah inzawmna neive lo mah ila a nau chu ka nau ani ve miau bawksi,kan inkar hi engtin nge nive ang le.









"Sangpuia kha misual anilo tih ka hria a,nangpawhin alakah rilru i pe takzet tih ka hrebawk.Ka fanu ini a,i natna tur athlen hi ka phallo, ṭhen tûrin ka nawr lui lo ang che,mahse;in in laichinna avanga Nonoi leh a nau te rilru na a an awm erawh i phal ka ringlo."









Ka nu thusawi te chu mut hmunah ka ngaituah neuh neuh a,ka rilru abuai takzet,amah ber hian ahreve angem, hre tase engtin nge atih ang.









Kan inlaichinna avanga pawisawilo ka nau te ho hreawmna thlen chu ka duh hauhlo,mahse ka mipa hmangaih kalsan chu ka tan hian ava harsa dâwn si em.








Karthar ani a,ka nu in min hâwn san tawh bawk.Rilru a min kap tu awm ṭeuh chungchuan Class kal tûrin ka chhuaka,Nonoi leh a nau te ho hlim hmel ka hmuh apiangin Ka na zawk ṭhin a,unaua hetianga hlim taka awm ṭhin te hian ka thu hriat ang hi hre ve ta se engtiang chiaha lungngai hmêl nge an put ang tih ka ngaihtuah phei chuan hreawm ka ti lutuk hi ka thaw ṭha theilo hial.









"Awi.....ka ngaih tawh êm êm dan che hi"tiin Tes-in min rawn kuah nghal chung chung a,ahnunga Tetei leh Puipui lo kal pawh chuan min rawn pawhin kan in ngaitawh hlawm lutuk chu kan in kuah khawm a,kan ri chel chul mai.










Ka ṭhian thawveng tak tak te bula ka awm leh meuh chuan tlemin ka rilru buai lutuk pawh a zia deuh a, Rinsangpuia hmel ka hmuh huna pangngai thei ang bera lan tumin ka nui lui hrâm hrâm bawk.










"Ka bialnu,Iva in duh ve"hnunglama lo ti tu chu hawi letin ka nuih a,min rawn pan hnaiin ka darah a rawn kuah thawk a,ahnungah aṭhiante ho in an rawn zui bawk."Class in nei tawh lo mi"ka tih chuan a bu nghut a,a hmel lan danah danglam ka hmuhloh vang chuan engmah ala hreve lo anih ka ring.










"Ngei ngei tlang lamah aw"ti lauh lauh in Zoparan min rawn kal pêl a,Garage lam ah chuan kan in zui phei ṭhâm ṭhâm hlawm a.Inhmuh khawmlohna arei tawh nen len kual an rawt a,in tih thawven nan leh ala tlai chhiat lem loh vang chuan pawi ka ti hranlo bawk.










A dara bei in nghet zetin ka kuah a,ka thlakhlelhna te kha ala ngai reng a,hetianga thlamuang taka amah rinchhana awm reng theih hi ka duhthusam ani.A tlânchak lutuk lo va,midang ho pawh chuan min lehpel vek tawhin ka hria.











Ka nu thu min hrilh bawk chu ngaihtuahnaah arawn lut leh a,kan inlaichin avanga midang an nat ka phal arinloh thu asawi khan amah hi ṭhen tûrin min duh tih asawina tih ka hria.Midang tihnat ka duhloh rualin ka hmangaih tihnat hi ka phal biklova,ahlata awm pawh hi ka thei kher angem ka hrelo bawk.









Kan kal lohna arei ve deuh tawh bawk nen ngei ngei tlâng pawh chu alo dang ve deuh tawh a,phûl hmun erawh anawm ngai in ala nuam reng thung.








"Bawiha engtin maw Thursday chu kan lawm dâwn,ka nu Mary chuan tihpui atum viau ani maw,"kan piaha ṭhu Lawmzualan arawn tih chuan angaihna ka hre lo viau.







"A duh dan dan in ti tehse, tlangval Birthday lawm rual pawh nitawhlo mi lawmsak atum ve tlat sia"ka bula mi in atih chuan an sawi awmzia chu ka man ta deuh.









"I Birthday kum dangah kan lawm sak ziah che a,kumin chu pawisa hek dawnlo nimai"nui uar uar in Tes-in alo tive bawk a,an ṭhianho titi chu bangbo deuh hian ka ngaithla a,sawi chhuak lo se chu ka bialpa piancham tak ngial pawh ka hre dawnlo tihna nia.








"Ka pawisa vek in nih kha min lawmsak"ka bula mi in atih chuan an nui dar dar a,an ṭhianho in pawh lutuk hi anawm hmel ka lo ti ṭhin.











"Ho tunu awm tawh bawk a kumin chu chatthla thei dâwn lo nimaw"Zopara bawk chuan ti lehin min en in a mit hmul a kan uk uk bawk a,rum fe in ka lo melh thung.











"Pi Rii te zawng athu vet vet emai a rui ngam awzawng lo vang"Lawmzualan atih chuan ka melh rum nasa ,hetianga min koh hi a hrat a, Rinsangpuia hi ka thu awih viau turah hian an ngai ngawt a,a luhlul ber bur zia te hi an hre tawp silo.








"Zu heh khatin min ko ve ziah suh,nang aia bialnu hlau an awm em ni"ti let kha kha in ka melh rum ram ram bawk a,ka ṭhiante anlo nui uar hle thung.









Gate bulah chuan ding dat in ka chhuk zui nghal a,ani erawh a helmet phelh in a bike ah chuan ala ṭhu ran thung.








"I piancham pawh ka lo hre miah lova"inthiam lo fe a ka tih chuan a kiai suk duh lek chauh-a,engah teh vak angaih hmel loh.







"A ho lutuk,tûnah i hre tawh alâwm,ka nu Mary'n party ka buatsaih dawn atia ilo kal ve duh ang tiraw"a mitmengah a inthiamloh zia alang a,anu in min ṭawngkhum dan te kha ahreve vek miauva a awmlo hranlo.








Min sawmna chu hnar chi niin ka hre lova,enge maw mai mai chu nise chhuanlam siamin ka kal hauh lo vang,mahse;a piancham vawikhat kan hman dunna turah hian a bialnu ka nihna anga kal ngei chu ka tih tur niin ka hre bawk si.









"Umm,dâwn chiang"ka nui lui a,thil dang chu dah ṭhat rih ka duh,Nu Mary chuan engtin pawn minlo ti dawn se ka bialpa piancham lawmpui tura kal chu ka tih ngei tûr niin ka ngai tlat.








Mut hmuna ka in ngaituah chian chuan chhuanlam ka siam leh mai dawn em ni te ka ti leh rum rum ṭhin.Nu Mary rilru ka la hre chiang lova,min ngaina hauhlo tih erawh ka chiang thung.Kal ngei tura min duh zia Rinsangpuia mitmeng leh ṭawng danah ka hre theia,a nu hi runluih atum ani thei mai angem.









A Birthday ni hma chiah chuan Class bânah bazarah ka kal kawia,thawmhnaw leh eng eng emaw mipa duhzawng tur ka en kuala,a inhmeh tur emaw aduh zawng tur engmah ka hmulo.









An hausa in thuamhnaw man to tak tak a in bel ṭhin a,ka pawisa neih ve hian a hak duhzawng lei thei niin ka in hre lo.Chumai bakah chutiang thil vel chu a mamawh vak pawn ka hre leh lo va,chu ai chuan enge maw dangdai tak a kawl ṭhat theih reng tur ni si hi pe ta zawk ila tiin rilru ka siam a.










Dawr pakhata ka luh chuan ka duhzawng tak ka hmu a,ka mamawh ho chu leiin ka pêk huna a hmel lan dan tur te chu ngaihtuahin mahni in ka nui leh ṭhin a.








"Au Bawih,i vân siam thiam em em nakinah min siam ve rawh"Nonoi ka bula lo ṭhu in ka thil siam lai chu nalh a tih thu a sawi khat tawk reng a,chu chuan min ti phur zual sauh bawk.









"Hei hi keima ta tur chuan heihi ama ta tur"tiin ka bracelet siam chu ka en tir a,rawng lar hmang lo in a dum leh var ka hmanga,a laiah chuan D leh R tih ka dah tel bawk,chumi inkar ah tak chuan thinlung lem ngei a awm va va bawk a,hetiang siam hi nuam ka ti in ahma chuan ka ti ve nasa ṭhin a,tûnah pawh nuam ka la ti reng mai.










Nonoi lah chuan min phûr puiin ata tur siam sak ve turin min ti ngat ngat reng a,min lawmpui na leh phûr puina ka hlimpui viau rualin ka rilru kil khatah erawh hreawm ka ti reng a,inthiamlohna ka nei bawk.








Ka theihtawp ka chhuah anga,ka mi hmangaih te an vaia an nat lohna tûrin ka tih theih zawng zawng ka ti ang.Tunah tak chuan ka mipa hmangaih piancham anih miau vangin atana ka tih theih awmchhun tih sak ka duh vangin thildang chu ngaihtuah loh ka tum lui mai zawk ani.









Ka kawr fual lei thar ka khup thleng vela fual chu in belin ka sam ka thlah a,Sandal bun leh tawp in ka hmai ah erawh nidang zawng aiin makeup ka in hnawih uar a,ka mawipui loh bik lohhi.










Ka bag khaiin ka room ka chhuahsan a,ka Nutei te hnênah erawh Tesi piancham anih thu ka sawi a, dawt hrilh ka duhlo viau nangin thudik erawh ka sawi ngam ngang bawk silo va,thil pawi athleng em lovang chu maw.









Nonoi chauhvin ka kalna tur diktak ahria a,ani chuan a sawi dâwn hauhlo tih ka hre bawk;ka tan a in pe zo in engkimah min phûr pui ṭhin reng ani.









Car nghenga meizial lo zu khu hlat hlat tu chuan Bike niloa Car zawk alo ken zawk vanga ka lawm rûk zia ahre pha hauh lo vang,kawrfual leh a bike hnung sang zet te in milloh zia chu tupawn an hrevek ngei ang.Min hmuh rualin ka lam hawiin min nuih var var a,a lungawi hmel viauin ka hria.









"Ka in hmehlo viau em"inring tawklo zeta ka tih chuan a lu thing nghut in "I mawi ber"tiin a kiai suk a,ka in chei chhan ber a lungawi chuan a tawk viau e.










Car kawngkhâr chu hawngin a ding sawn hret a,ka ṭhut luh rual chuan rawn nem kharin Car hma lamah chuan kal kualin ka bulah chuan a rawn ṭhu lut ve nghala,a Car khalha ka vawi khat chuanna tur ni mahse ka hlauthawng lemlo.










"Ka duh ai i nalh mah mah,mipa dangin an melh ve che chuan ka sawisa hrep ang",uang deuh taka tiin a kiai suk a,a bânah ka lo chum det det thung.









An Gate kan tlân luh lai chuan inchhung lama thawm ri hat hat chu ka hrepha tawh a,garage a Car a dah fel hnu chuan kawtah chuan nghakin ka lo ding a.











"Kal lo lawk,ihh enge maw pêk tur che ka nei a"tiin min kal pui mai atum chu abanah ka chelh a.Thuawih deuh chuan a ding ve mai bawk a,ka bag chu hawngin bâwm tereuhte ka ah chu phawrh in ka hawng a.







"Happy Birthday,vawiin ni ang hi vawi tam tak hlimna zawng zawng nei chunga hmang zel tûrin duhsakna sang bik bik ka hlan a che"nui var vara tiin ata tura ka siam bracelet chu la chhuakin a bânah ka bun tîr a,a tâwk thlap bawk.










Uluk zeta a thlek vang hnu chuan kiai sukin min rawn en a,"Nangma siam a ni em?"atih chuan ka lu bu nghat in ka ban ka lek chhuak a,"Heihi keima ta ve thung a in angin ka siam a"ka tih lai chuan ka kut chu lo banin ahum vang vang a,ahmui nawr si in afawp leh vang vang a,lung hi ava awi si em.









"Ka tan thilpek hlu ber chu nangmah ini,hei nen hian"tiin abana a bracelet ka bun tîr chu a melh pah bawk a.
"Ka hmangaih che "ti sup in ka hmuiah arawn fawp zauh bawk,kan awmna hmunin a zir loh em vang chuan ka hawi kual nghal thuaia,pawn lamah chuan tumah hmuhtur erawh an awmlo thung.








Ka awm dân vel chuan a nuih atih zât hmel ang reng viau a,a ni leh ni lo angin a hmel chu angainat awmin tuman sual hmel an tih ka ringlo tûnah tak hi chuan.









Ka bânah kaiin inchhungah min luh puia,chhung lamah chuan engthil in nge min lo hmuak ka hriat loh vang chuan ka zâm in ka huphurh viau bawk.









"In va rei chiang,a neitu pa tel lo vin kan lo hmang zo ṭêp alawm"Zoparan ti sar sar in min rawn pan hnai a,ka hawi kual chu ka hmelhriat hmuh tur an vang viau bawk.










"Inchung lamah Vakveli leh Puilungruni te an awm,chuan Lawmzuala pawh a bialnu nghengin a ding"ka hawi kual lai chuan Zopara bawk in arawn ti leh a.Inchung lamah chuan in zui chho in Rinsangpuia erawh tu emaw patling pakhat in alo koh vang chuan kan chhoh san a.








Inchung lamah chuan ṭhalai an lo awm nuala,music playin a ṭhen an lam bawk a,in tur no dawmin an lo awm far a.Kan ṭhian te awmna kan thlen chuan tumloh deuhin Jacob ka hmu hlawl,chawlh chhunga anu in entira a kal pui vangin class alo la zawm velo an ti kha anisia engtik laiin nge alo haw ni.









Ahma angin phone ah minlo be tawh ngailova,nu Mali erawhin akhat tawkin min rawn be ṭhin thung.Min huatna chhan anei ta nge ka laka a inla hrang ta tlat chu a chhan ka hre lova,zawhfiahna hun ala awm heklo bawk.








"Khawnge Tetei leh Nunpuia"tia ka zawh chuan an lo thlen ṭêp thu in min lo chhang mai a,Jacob bul a ṭhutna awl bak ṭhutna tur dang a awm loh vang chuan ka ṭhu ta tho va.







"Nu Mali tunlai aṭha em"tia ka zawh chuan pangngai takin aṭhat thu alo sawi ve maia,thil dang han sawi leh mai tur ka hriat loh vang chuan ka be chhunzawm ta rih lo.










"Lo chhuk tawh ula,hunserh kan hmang zuai anga kan chho leh dawn nia"tiin Rinsangpuia chuan kan lo ṭhu khawm ṭhap chu min lo ko va,tho sap sap in keini pawh kan chhuk zui ve nghal a.








Inhnuaia kan chhuk chuan Hruaii leh Nu Mary lo ding dun chu ka hmuh hmaihlo nasa,an ni pawh chuan min rawn en ve chiah a,an mitmeng aṭang reng chuan helai hmuna ka awm ve chu an lawm loh zia alang reng a,en rei duhlo in ka ṭhiante kalna lamah chuan ka phei zui nghal a.












Hunserh kan neih zawh chuan nu Mary ding in sawitur pawimawh tak aneih thu sawiin anui sâng bawk.





"Zanina kan fapa piancham lawmpui tura lo kal zawng zawng te inzavaiin hlim taka hun in hman ṭheuh ka beisei,tun hunah hian thu hlimawm tak sawi tur ka neia.Kan fapa Rinsangpuia leh Dr Zirsanga fanu Hruaii te inhualna thlaleh hian kan buatsaih dawn a,zanina helai hmuna awm zawng zawng te hi in zavaia in rawn tel leh ṭheuh kan lo beisei dâwn che u ania."









"Enge maw i sawi le,in be lawk ang"tho thuta Rinsangpuian anu akaih chhuah lai chuan ka zawi hnawk a,engmah ka rilru ah a awmlo engkim mai chu aruak vek nimai hian ka hria.









"Daff,Daff i ṭha em"Tes-in min rawn sawi nawk nawk lai chuan ka lu thing nghut in ka nui ta ringawt,enge a sawi kha...inhualna maw!!Rinsangpuia leh Hruaii maw...kan bul vela mi phun ru ser ser te chuan enge an sawi ka hre thei lova,ka beng te chu a chhet ta riau emaw ni chu.






.

"Inchungah chhoh pui rih ru"titu chu tunge anih pawh ka hre lo,ka bul velah tutu nge awm tih pawh ngaihtuah thei lek lo in ka vai ruai a,ka ngaihtuahna a tawp vek nimai in ka hria.







Ka bana Kaia min kal pui dawr dawr tu chu ka en chuan Jacob alo ni,min vawn na athlah meuh chuan in chung sang boruak thawt vuk vukna hmun kan lo thleng der tawh a.









"Boruak hi hip kawk kâwk la izia mai ang"tiin ka bânah kaiin ṭhut na an siamah chuan min ṭhut puia,a sawi anga tiin ka theih tawkin boruak ka hip lût kâwk a,zawi muanga thaw chhuak leh in tiang chuan ka ti nawn tluk tluk a,vawi enge maw zah ka tih hnu chuan ka zia ta deuh.







"Khawnge midang"enge maw chen kan ṭhut hnu chuan ka bula ṭhu chu ka zawt a,inhnuai lama an awm thu in min lo chhang a.








"Haw ka duh"tho vutin ka bag ka zawnga,ka lo keng chho miahlo.
"I zia tawh em ni,haw chu i duh tak tak maw "chik zeta min en in ati leh a,ka duh takzet...helai hmuna ka awm chuan tumah pangngai takin ka hmachhawn theiin ka ringlo a,tun atan chuan in ngaihtuah harh ka la mamawh rih in ka hria.












"Ṭha lawm,chhuk ang hmiang..tûnah chuan engmah ngaihtuah rih suh"ka dara hmer salhin ati a,inhnuai lam pan bawk chuan min chhuk pui leh a.








"Rinhlu in be lawk ang"kan lam pana kailawna rawn pên chho pâwk pawk in Rinsangpuia'n arawn ti a,ka hmaa Jacob kal a din rual chuan ka pen tawp ve chat bawk.








"Bawiha,tumah rawn chhoh tîr suh"tiin Jacob darah a beng thak a,ka kut rawn vawn atum chuan rang zet in ka lo thing thla thung.









"Engmah sawi ka duh rihlo,haw ka duh"fiah taka tiin a mitah ka en kal a,a mitmeng inthlak danglam zawkah chuan ka awmdan mak ati tih ka hre thei,hahthlâk tih hmel zeta rum nghut in ka bânah bawk chuan min kai lawpin inchung lam pan bawk chuan min chhoh pui leh ta tho va.












"Tumah rawn chho ve suh se"chang zeta tiin a ṭhianpa chu ala au zui hram bawk."Engmah mah thudik a awmlo,tu nen mah kan in hual dawnlo bawk..khatiang vang mai mai khan I rilru hah tîr miau suh"dam thlupa tiin ka biang tawn tawnah dawmin hnai zetah min en a,chhan ngaihna reng ka hrelo.










Nu Mary hian min lawmlo mai pawh nilo in a fapa nena kan in zawmna hi chhut chah atum ruh hle tih zanin aṭang hian ka chiang viau a,chumi atana ahmanraw ṭha ber pawh chu Hruaii leh Rinsangpuia inhual tîr hi ni ngeiin a lang bawk.









Ka nu thusawi te ka ngaihtuah let chuan ka kal thui ta hret em ni tiin ka in zawt a,luhlul chhuaha hetianga ka awm luih tlat vang hian eng thil ṭhalo nge thleng thei tih lah chu ka ngaituah thiam phak bak ani ngei bawk ang.










"Min chhang rawh Duati,min ring ani tiraw...engkim ka chingfel vek ang"ngenngawl zeta min en tu vang chuan ka biangah mittui alo luanga, Eng nge ka tih tâk ang!!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)