PHUBA - Bung - 1 Na

Episode kal lai dah luhna

Moderator: writers

Maruata jr
Posts: 82
Joined: September 12th, 2018, 10:28 am

PHUBA - Bung - 1 Na

Unread post by Maruata jr » August 11th, 2022, 11:48 pm

PHUBA



Ziaktu - Maruata jr





Bung - 1







Tan ang aw...





A Pa an thah vanga thinrimna nasa tak nen a awm. Mahse, a kut phuar sakna a vanga engmah ti thei bawk si lo.A farnu te pahnih a kiang mai a, an kut phuar sak sak pah a, ni khaw hre lo a awm te chu a en thin. A nu khum lam a Tlangval Pahnihin an sual rawn, an duh tawk an ngah hnu a, ni khaw hre lova awm zui ta a melh leh thin. Engmah ti thei bawk si lo.



'Zawng chhe ho, in eng pawi nge kan sawi a, tianga kan chunga in tih, ka that vek dawn che u'. Ti a au phiar phiar in, a lung a awi mawlh lo, a hmangaihte an dam nge an thi tih pawh a hriat loh, a kiang mai a ni khaw hre lova mu te chu a thlir leh thin. Nghet tak a phuar beh, a ni pawh hliam tam tak tuar a lo ni ve leh zel bawk si. Thinrim bawk si, thisen a hlauh hnem tawh avanga chau bawk nen. Chu tlangval Phuar beh a awm, engmah ti thei bawk si lo. A chhungte an dam nge thi tih pawh a hriat loh chu, a va khawngaih thlak si em ! Khuanu khi a lamah a tang ta lo em ni ?







Hmel hriat loh Pasarih te zinga pakhat chuan, "Kan hotupa hi, i farnu hnai sai lo zet hian(Chu tlangval, farnu chu kawh pah in) a duh lo in a hnawl ve khang lang a. Chu a hnawlba rah chu in hmu a nih hi, hrep tak chuan le thui'. Tih pahin chil a han chhak thawt a. Chu pa bawk chuan, " Ti rawh u, thiante u, i kal san tawh ang u, kan hlawhtling thaw khat viau tawh hi. An pa ber erawh kut mi han thlak ve khang lang man a hmu a nih kha, ti hian an awm awm in lo awm ve tawh rawh se!'. Tiin an chhuah san nghal a.





Chu Tlangval phuar beh a awm, thinrim naa khat tih theih nei si lo, a meng sen ram tawh a. A taksa chu na lo lai reng hi a awm lo, a taksa hmun tinah te chuan thisen hian a bual khah vek hi a ni ber a, a bek chem kawm a an chhut sakna atanga thisen lo far thla lah chu a reh hlei thei bawk si lo. "Pasarih an hmel ka hria, ka dam chhungin ka theihnghilh lo ang, an hotupa chu tunge ni ang ? Kan khua a mi an ni lo, ka U Mami harh se zawh a ngai a ni. Kan chunga thil thleng ang hi ka suangtuah ngai lo, ka beisei ngai hek lo 'PHUBA' ka lak hma chu ka chawl ngai lo ang, ka Pa thlamuang takin chawl ang che, i fapa hian i thisen man chu ka pe khawp ang'. Ti a, in seh ruh teuh chung chuan an phuarna hrui chu eng tin tin emaw hian a taal chhuak thei hram a. A farnu te pahnih leh khuma a nu nikhaw hre lova mu bam mai te, chhuata a pa nunna nei tawh lo tih hriat tak a mu te chu a melh leh thin, a lung reng a awi thei mawlh lo.





A thianpa Marova chu a lo lut hlawl mai a, mak tih hmel tak hian a thianpa Mazuala te chhungkaw chunga thil thleng chu a thlir ngawih ngawih ringawt a. Harh chhuak thut in,' Thianpa, eng nge thil awmzia hi, min han hrilh teh, Mami leh Bawihtei te hi, i nu leh i pa pawh hi,' tia zawtin a hrethiam lo in a thawng hle a ni tih pawh a hmel a tang a chhiar theih hial awm e. Mazuala te'n chhiat an tawh hi, zan dar 8 bawr vel a ni a.



Mazuala chuan, a thianpa hmel chu chiang tak a en in, a hmel a lungngaihna leh thinrimna chu a thup seng mawlh lo a ni, a thianpa bulah chuan thup pawh a tum buai duh bik lo. An chhungkaw chunga harsatna leh chhiatna rapthlak tak an tawh dan zawng zawng chu a sawi tlang ta vek a, a sawi kar lakah chuan a mittui a lo far leh thin. A sawi zawh meuh chuan, thawpui la hak in,' PHUBA, ka lak hma loh ka chawl ngai lo ang,' tia in seh ruh teuh chung hian a thianpa chu a melh kal mai a.





Marova chuan,' Thianpa, i mal love. I tan ka awm reng ang, thih leh ruam khatah, dam leh tlang khatah kan ti a ni ang chu, i chhungte leh nangmah ngei pawh hetianga an tih hi ka lung a awi lo,' tih pah chuan a thianpa farnu te pahnih chu a buaipui nghal sawk sawk a. An naupang ber Bawihte tia an koh chu, a han sawi nawk nawk a, mahse chhang turin chakna a nei tawh lo, a che tawh bawk hek lo. Beidawng tak hian a thu hnawk a,'Bawihte, a va pawi tak em ! Ka lo tlai a ni,' a in sum thei bik lo, a mittui a far zawih zawih a, a thu a awi zia te, U ang tak tak a, a enthin zia te, a len a pianga lawm tak leh nui sen sen a a lo lawm thinte kha, a mitthlaah lo lang zut zutin a, a lungngaihna chu a thianpa farnu Bawihtei, a nau ang chiah a a en, a hmaa a lo lawm dan nen a in ang ta si lo chu, thinrimnaah in thlakin, a in pet ruh fan fan a, tih theih a nei rih bik si lo a. Mazuala U, Remtluangi(Mami) chu lo che tual tualin, a rawn meng kawk a. A bula Marova lo thu a hmuh chuan, in sum hman lovin Marova awmah bei thlawpin a tap rawi rawi a. Mazuala nu, Pi. Rochhingi(Rovi) pawh lo har tawhin a pasal, a hmangaih em em Pu. Lianvela(Vela) leh An fa tlum ber, an hmangaih leh duat rawn em em Hriatpuii, Bawihteii tia an koh ngei mai, nunna an nei tawh lo tih hriat tak a, puana an khuh te chu a thlir a. A in sum thei lo a ni, a tap vawng vawng mai le. Tufa in nge va dem ang le, khuanu pawh khian a dem bik ka ring lo. Pu. Lianvela te chhungkaw chunga chhiatna thleng hi a va rapthlak si em ! Khuanu khian Pu. Lianvela te chhungkua hi a hawi san ta mai em ni le ? Mazuala chuan, a nu chu a phak ang tawk chuan a hnem ve mawlh mawlh a.





Zingtian Baw-Ar zai tin thiam a lo pau a, Siah thing zar bel a, riak Sirva te'n an aw rawl mawi chhuahin zai an lo vawr ve bawk a, tuma tih din rual lovin, Kawl a ni pawh ka ni ve tawh tih ni awm fa hran hian, a lo chhua meuh chuan, Pi.Rochhingi(Pi.Rovi tiin kan lam tawh ang) tan chuan lungngaihna thlentu a ni si a.



An fa tlum ber Hriatpuii leh Pu.Lianvela te ruang chu harsa leh hrehawm takin an vui liam a. An khua te chuan an tawrh puiin pawi an tih pui em em a. Mazuala te in hi hmun fal deuh a awm a nih vang hian an chhiat tawh zan pawh khan tuman an lo hre miah lo pawh kha a awm lo hran lo e. Marova khan, a thianpa Mazuala kha a tuk a ram kal pui tura sawm tum a nih vang khan, a va kal kha a ni a. Mahse, a beisei loh deuh a va tawng ta si a.





An naupang ber leh Nu ber hi sual rawn tawkin an Upa ber erawh eng tin mah ti lo tur a hrilh lawk a ni reng a. An Upa ber phai(Shilong) a College a kal lai hian, Ramdina hian Mami hi a duh in a hmangaih em em a. Mahse, Hmangaih dang a lo nei ve tawh miau avangin a hnawl si a. Ramdina hian thuih hruai(Kid) Pasarih lai a nei a. A thinrim rilru na chu an khaw lam theuh pan a an haw hnu in, Phuba lak nan tiin a nau Pasarih tirin, Mami tih loh midang zawng chu an duh duh a ti tur in phalna a pe hi a lo ni a. Pu.Lianvela te chhungkua hian chhiatna rapthlak tak an tawk ta a ni.







Chhiat an tawh atangin kar khat lai a lo ni ve leh ta reng mai, Mazuala pawh a phak ang tawk a in buatsaih ve sauh sauh in, a rilru a lian ber chu 'PHUBA' lak mawlh chu a ni. Tuk khat chu Mikhual Pathum an thleng hlawl mai le...







Duh tawk rih phawt ang aw...





Tikhan bung khatna chu ni rih phawt se, eng nge a an dawn ka hre lova, ngaihnawm in ti ve te a nih chuan, Comment na lamah in lo sawi dawn nia. Chhunzawm zel in duh leh duh loh in lo sawi bawk dawn nia...



Wait for Epi 2



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)