*Simple Dimples * ch~2 by~Natasha Hrahsel

[Natasha Hrahsel]

*Simple Dimples* ch~2






Nû ho thutna dawhsán ah chuan ka pa tihloh kan thu thap a,inrinni zân mah nise inkhawm an thahnem viau mai!Hmingmuana ka nu'n a pawm bet a,mipui mit chu kan chungah a fu deuh thup te'n nia ka hriat ni. Insawn apianga tiang lawmluh zân ka ti mai, hmachhawn ngai ziah hi ngaiah kala nei hleithei meuhlo.
Ka nau chu a engamah hmain tantu a tan zo a ka dârah a rawn bei leh hnâp tawh! Amak asin,Dindini hi biakin ah hian amut achhuak ngawih ngawih zel! Ka nu leh pa pawn an hau nasa tawh, ani lah chuan "ka thlarau in thlamuanna hmun a hria aniang" a ti awlsam et a,han hauh chiam chi ani mang bawk silo.Ka pa te tak pawn tihngaihna an hre tawhlo zawk.







"Kan pastor nupui Pi Hmangaihzuali kha lo ding lawk se" thu puangtu in a rawn tih chuan kan unau pawh min dintir ve zawm zat dawn tih hria in Dindini ka nghawk deuh sawk a,harhchiang manglo in ka nu din rual chuan a rawn ding ve ta mai! Mipui an nui deuh huk! Ava zahthlak ngai em.
"Laldinsang thu rawh"buchilh zet hian ka nu'n Dindini melhin a rawn ti,keiin kalo pawt thut nghal thuai bawk .







"Aw ani hi Rev.C.Vanlalchhandama nupui ani e, an fa û ber C.Vanlalnunpuii lo ding ve leh nghal se " a tih chuan ka ding ve nghal a, chutiang zel in Dindini leh Hmingmuana pawh an ding ve nghal zat bawk.
He biakin a avawikhat na tân ka pa'n thu a sawi a, minlo lawmdan ah te lawmthu a sawi bawk a,asawi tha viau in ka hria.Mi in ka pa an fak ve thin na pakhat chu thu a sawi reng reng hian rei tak asawi ve ngailo hi ani.Mi thenkhat chu an sawi rei thei lutuk a hlawkthlak thin viau mahse ninawm lamah te akal hman thin a,kan rilru ah a lut tawh tak tak ngailo.






"Kan chhungkua hi kanla nawi ve angreng khawp mai a,han inhauh leh invin pawng pawng châng te kan nei ve ania.Kha kan milai Dindini chet dan atang khan kan la nawi zia chu a chiang ang chu" mipui an nui hak hak hlawm a, Dindini ber lah chu ka dâr nghengin alo muthlu leh lawp lawp tawh!Amah an nuih tih pawh ahre tawp lo ang chu.






Inkhawm kan bâng a,ka nu leh pate chu anlo be kawi sap sap hlawm. Thenkhat in an ina lênglut thuai turin an sawm a,athenin ka pa thusawi te anlo fak luam bawk.






"Nunpuii maw? Engtin nge an koh che ?"ka nu kianga kalo ding chu tlangvâl pakhat leh nula pakhat hian minlo bia.
"Nunpui pawh min tia,Nunu tih pawhin min ko tho" ka ti a


"Anih chuan Nunu tiin kan ko mai ang che aw,ipa sawi hmangah i zirlai i zo deuh chauh niin kan lo hria a.Khua a ila awm dawn chuan KTP lamah kanlo beisei dawn che nia,awm dawnlo mahla a remchân apiangin i rawn tel ve ang chu" an zinga a upat hmel ber chuan a ti a, min sawmlo mahse ka kal luih tho tho angai dawn chiang.







"Keihi Tluanga ka nia,ani hi Remruata chuan heihi Kristian Thalai Pawl a kan Finace secretary nilai mek Hlutei anih hi.Naktuk chawhma inkhawm bân fellowship lamah te pawh min rawn telpui ve ang chu" an tih chuan ka tel tur thu in ka chhâng a,Kimkimi a inkhawm ve ngai em ang chu maw?Mahni tehtlawng a kal tawp chu ka zak deuh tlat.







"Laldinsangi em em hi chu! Vawitam biakina muthlu tawhlo turin kan chah che" inchhung kan luh rualin ka nu'n a ti nghal tán tân.
"Ininawm ka meng thei ngailo alawm,keimah ah hian diklo a awm aniang biakinah hian ka muthlu zel"Dindini chuan alo ti ve pang pang a room ah ka luhsan daih.Ka nu chuan a zilh zawm mawlh mawlh.Mahse Thawhtan hian a chhuk leh nghal mai angai dawn a,a hai rei phal dawn chuanglo tih hriain ka inrawlh buai peihlo law law.







Ka inthlak a,insilfai thuakin ka mu zui nghal hlûn.Vawin a ka chetchhiat zia te ka ngaihtuah let a kala zak chem chem mai.Kha tlangvâl kha ka sawithiamlo ahmel khan mi a hîp tawp! Tûnlai tleirawl ho in an duh rawn em em Korean boyband ami te pawh a ang hial mai! "Khawnge maw thenawm nu behlawirep min rawn pek kha ka dah hman ni?" Tia ka nu tawng lawng lawng ri ka hriat chuan ka mit chhingin ka muhil der zui hmiah, zawnpui turin min tih ka hlau.Ka nu hi a haihawt ve a,a kalna lam apiangah thil hnutchhiah a chîng bawk nen kan buhtlei te hi an room ah te alo awm leh nawlh zel.







"Nunpui , Dinsang tho ru in mak thei em em lutuk" ka nu a rawn au leh tawh! A rawn luh theihloh nan kawngka kan kalh a, min kaihthawhna a dâl lo chiang khermai!






Bathroom ah luh hmasak zawk ka duh vangin peihlo zetin ka tho a,khum siamin bathroom ah ka lût zui nghal.Ka hmai phih tumin ka sam chu ka zial tawm nawk a,ka la bui deuh chûk mai.Zing ka tho hi midang ai ai hian ka bui bîk ziaha amak tak tak ani!






"Nunpui nizan khan antam tlak hi i chhuanglum lo em ni?" Choka ka luh rualin alo ti nghal! "Nangman 'tlak tharhlim ania,chhuanlum kher ala ngailo ang itih kha" ka ti a. "Ava zialo tak a hîng vek alawm! Khawlum lutuk hi abuaithlak anih ber hi" ava phakar tak! Chhunglum lo turin min tilo se chu min hau hrep ang.

"Atui kha tuidehna ah khan lo paihla,atak kha hnawmbawm ah han paih rawh.Tlak siam thar kan ngaih phah dawn anih hi,kan vawksa lei lah athau nasa mai si" a tih chuan antam chu a tui ka thli chhuak a,atak paih turin pawnlam ka pan zui nghal.






"Luite lalnu i aquarium chu ava lian ve"





"Awiha" ka ti vak, ka phu chiang lutuk ringawt! "Nangpa bawk" ka ti nghal hlar. Banghungna kârah ala rawn dâk tâng tâng!





"Enge i rawn tih dawn?" Pangai zawk chuan ka ti tha ve leh mai bawk.





"Engemaw rawn ti duh tur hmel ka pu mi? A remchang em a ka rawn dâk mai mai" buak tlák hi ani hlawllo alawm.Ka zawhna zawhna bawkin min chhânglet zel ania tûnah pawh! Khua alum nen leather jacket dum aha hlûn a,tlangval fel tak tia sawi tur chu anilo phawt ang.
"Anih tak chu" ti hmakin ka inhersan hmak.





"I unau te chu an tui khawp mai" ka ding chawt, "enga?" Ka ti let hâ
"I sangha bo te kha mawle, hâng tui tak an ni" a tih leh chuan ning zetin ka thaw halh a,inherin inchhungah ka luhsan daih.







Chawhma inkhawm chu ka nu bula thu tawhlo in Kimkimi bulah ka thu a,ka naute pawh an dept ah theuh an thu.Hmingmuanpuia a sual fâl leh a,ka nu a ngen buai leh nge ni tan dar rik hnuah ka nu a rawn lût ve thei chauh.
Inkhawm kan bâng a,K.T.P. fellowship ah kan inkhawm leh a,mi in minlo be sap sap bawk nen kei thiansiam hmasak thiamlo chi tán chuan ziaawm tak ani.







Kimi'n "inthlak la , aluchop leh muri mix lei ang.Momo te pawh a awm ang." A tih chuan "chawhnu inkhawm leh ka ngai sia,chawhnu inkhawm bânah lei zawk ila" ka ti a,heihi lawm buaithlak chu.Kan dama harsatna a awmlo anihchuan chawlhni bîk phei hi chu zîng chhun zán inkhawm ziah kan ngai.
Peihlo zetin chawhnu pawh Kimkimi'n min inkhawmpuia,anu lah chuan "inlo awm hlauh chu atihzia,inkhawm ataihmak phah dawn khawp mai" alo la ti zui! Azahthlak zawk e a, peihlo chung chunga inkhawm ka ni tih hria se mak a tih tur zia hi.







Alum em vangin kawrfual ka ha hluai a,vai chapal kan tih ang hi ka bun tawp bawk. Alu muri vel lei tur chuan kâwn lam panin kan inzui thla hnak hnak .
Dawrtu anlo awmve nual mai,a zuartute hi Sevenday adventist an nih hmel.Dawr dang chu hmundang ang bawkin an inkhar thup hlawm.






"Nu Lian Alu leh muri sawmhnih man ve ve kanlo duh ang aw "Kimkimi chuan a ti nghal a, thil eia kawngsira lo thu ho chuan min enduh viau, minla hmuh ngailoh vâng te pawh ani mahna.
"Nu Lian Momo sawmnga man aw" kan hnunglam atang chuan an rawn ti ve bawk a, Kimkimi'n "U Raymond kan hmasa zawk aw" a tih tâk ah chuan hnunglam ka hawi ve zeuh,khapa bawk kha! Hmun tinah a awm mai!


"Pingi Momo te chu siam buai vak angailo"Raymonda chuan ati a,bike atanga chhukin daihlim laiah chuan ami phurhpa nen an thuthla zui dat.
"Kimkim Momo chu siambuai angailo kan pe hmasa lawk ange" a zuartunu chuan a ti daih! Kan kal hmasa reng sia!






Muri leh aluchop inpawlh chu sarang ah min pack sak a, a eina tur Secret bawmruak hmanga siam chu min pe tel zat.
"Kim sawmnga tlang ka nei kan pe mai ang" tiin dawrkainu chu pawisa ka pe a,kan thil lei ah chuan hmarcha kanlo phul belh mek.






"Mami i pawisa hi...Gandhi-a chal laitak hi a pawp a,ahman theih ka va ringlo tak" ti nuah nuah in ka pawisa pek ngei mai chu ka hma ah a rawn pharh! Pu Gandhi a chal lai tak chu alo pawp tak tak! Midang ho chu an nui zui huk a, hmanhmawh zeta banin "kalo hrelo anih chu, za hi anawi inei angem" tiin za tlang chu ka pe zui nghal.Ka va han zak chiang tak! Ka nu vang vek! Ngemaw pawisa pawp te min pek kher kher ni?

"Kha le, i pawisa kha paih mai lo in Bank ah thlengtir tum chhin rawh.An thleng thei in ka ring tlat"zah nak laiin dawrkainu chuan ala ti ta deuh deuh a, Kimkimi chu ka kaisawn nghal nawk nawk .







"Ka va zak tak" ka ti leh ringawt thin, "aho lutuk" ka thiani lah hian alo ti mai a, midang chu awmve lo se ka zak miahlo ang mawle.
"E thudang daih, i nb kala neilo group velah kalo add ang che khawmaw i nb chu" ava intuha lo thin tak.Ka nb chu ka hrilh ve mai tho bawk a






Group ah chuan min rawn add nghal mawlh mawlh, admin pawh chu ava ni hnem awm em em bawk ve mawle! Khaw group, YMA group, KTP group leh Nula group tih angreng ah te min add nghal mawlh mawlh .
"Ehe Kim tinge Pavalai group ah hian min add a?" A group min add hnuhnung ber ka hmuh rual chuan ka ti nghal!






"Uiii Sorry ka tisual anih kha, admin ka nihna piangah kalo add tawp che a, Pavalai group ah admin ka nia" ta deuh deuh chuan! "Ngati nge?" Ka bo hû mai! Engtin nge Pavalai group ah te admin alo nih daih theih?!!

"Apa hi lawm, smartphone hi ahmang thiamlo tlat a.Pavalai ah Secretary lai ani ve bawk sia,ka phone atang hian kan buaipui sak tawp" atih chuan hrethiam takin ka bu nghauh nghauh.







"Englo maw " kan ti deuh phawt a,"eng?" Alo ti ve nghal zat.

"U Raymonda tia ikoh pa kha" ka tih leh rual chuan "enge i star ami?" Alo ti nghal thawt thawt!






"Teuhlo teuhlo" ti nawk nawk in "ka hmu leh nawlh zel a ka hrechiang chak mai mai" ka ti zui a,angaihkawih loh hrâm ka beisei.







"Umm atam ve lawm" thil ei tawn tawn pah chuan a ti a, "Star tu pawh angah,keipawn ka star thin ka tih kha.A chhelo ve a,mahse angaihzawn tlakloh.Bike a intlansiak te hi a chîng a, insual buai an awm apiangin ahming ahmuna a awm ve miahloh pawn ahming a ri tel ve ziah.Apa hi zahkai nilo pheise chu Khawtlang hruaitute hian Home ah an dah tawh ang tih tur khawpin a chhelam zawng in alangsar ve."








"Chu a sual viau animaw" mi fel tak anih chu ka ringlo hrim hrim a, mahse chutiang em em te chu a!






"Sual han tih chiam chi ani em ka hrelo? Mi pawikhawih zawng chuan a awm ngailo,mahse hei insual an awm te hian ahming a ri tel ve zel a,bakah chak tak tak a bike an khalh hi mi huatchhan ber pakhat chu ani in ka hria" ava ho leh si e! Chutiang vang mai mai a huat te chu a!







Zân inkhawm leh tura thu kan sawifel hnu ah kan inthlah a, inchhung ka luh rualin ka nu'n "iva rei ve, insiam rawh Upa Chhuana te inah chaw kan ei dawn" alo ti nghal.
"Ka lo kal ve lo mai ang" ka tih rualin "tullo lutuk chawchhum pawh ka siam lo hrim hrim,va insiam rawh Dinsangi pawh chu ava inbual rei tawh ve? An rawngbawl te pawh puih ve atha"ati zung zung a,Hmingmuana thawmhnaw alo thlâk mek.






Sitting room ka kalpelh dawn lai takin ka pa'n Sofa hnuai alo bih duk duk chu ka hmu a "pa enge i zawn a?" Ka ti nghal thuai.
"Hmingpuia pek in ka chapal khing alo bun bo leh tawh anih hi" ti varin ake chu ka en zui nghal a, Chapal khing khat chiah alo bun,lehlam erawh ke lawngin ala awm.
"Hmingpui khawnge maw i dah le aw ?"ka pa chuan a ti zui lawng lawng.Hmingmuana tihbo theih turin engtin nge maw achapal bunlai pawh chu a tih reng reng ni? Abun reng lo emawni?








Ka pa hi thingtlang rilru pu ka ti dawn nge mi inrenchem mi ka ti zawk dawn, chapal te hi abunlai ala that chhung chu a dang lei duh miahlo ang chi kha ania."incheina anilo a,a spare angailo" a ti deuh tlat! Smart shoe pawh Pastor ve lai si ah chuan pahnih chiah anei! A bun chhawk ngar ngar zel .
"Zawng tawhlo mai teh, i Sneaker kha va bun tawp mai rawh.Nunpui nangpawh va insiam rawh" ka nu'n a rawn tih tâkah chuan room ah ka lût zui a, ka khum chunga ka pa chapal liantham zet mai lo let bâng ka hmuh rual chuan "pa heta hi a awm" ka ti nghal vak.Hmingmuana mai mai hi chu aw...







Upa Chhuana te inlam pan chuan kan kal a,ka sangha phur haw tu te thenawm chiah ah anlo la awmzui!
"Nu"





"Enge" awiah te han tih ve awm "hemi in hi sangha phur haw tute in chu" ka tih chuan "i mawl rah tuar tute chu maw ?" A ti deuh kher! Ka nu mah nise ka tuk lawlh châk.






Upa Chhuana te inchhung kan lût a,alo nuam khawp mai.
"Inva rawn kal hma ve, kanla inbawl tan dawn chauh asin"an nû ber chuan alo ti var a, ka pa'n "nia puih te in ngaih tâkin tiin kan rawn kal hma deuh anih hi" tiin a chhâng zui.






"Akhaia ngailo e, kan indaih alawm keini chhung chu" Upa Chhuana ni ngei tur chuan a lo ti dam dap a,a lu akawlh vek nia mawle! "Lo thu ru" tih pah a ahawisawn rual chuan a tukhum lam takmeuh meuh ah hian sam a buk leh deuh chhap bawk sia,Dindini nuih za lutukin min kheuh ngar ngar.
Kan thuthla fel awrh tih ah kan mi mawl chawllo Hmingmuana'n "apu khawnge i lû ve?" Ama sam khawih pah chuan arawn ti heu mai! Dindini insum thei tawhlo a nui chhuak hawka, ahnungah ka lo chûm nghal tawk.






"Dinsang" ka nu chuan khauh zet si vîn hauhsilo hian a rawn ti châng fak.A hmui hupin ala nui char char tho .






"Ka tetlai on ka tibo daih a" Upa Chhuana chuan pangai takin Hmingmuana chu a chhâng a, Hmingmuana pek chuan "apu ball i ang e" ala ti leh zel! A ka saw va hup tawp mai ka duh.

Upa Chhuana nupui chu a rawn nui ta hak hak a, "ava lawmawm reuh e aw, keichu naupang â huih hi ka lawm zawng tak ania" alo ti a,mahni naute 'â huih ' han intihsak chu ava lawmawm lemloh tak.Mahse ka nu te chu an nui ve hak hak tho . "Ka pa'n kanla nawi ve ania aw, Nunu, Dindin nangni nula ah puih an ngaihna lai lai ah va pui ve rawh u" a rawn ti a.Ka nau nen kan ding zui zat.







"Anih ro ro chuan chawtani tur inlo siam dawn em ni? Purun sen leh tomato vel rawt pawlh ila" tiin "Mahneh hei Nunui te unau hi Chawtani tur lo siam tir rawh" tiin a au zui lâng lâng.
Ka nau nen choka lamah kan inzui phei a, tomato leh purunsen chu alo inchhawp chhuak sa diam.






"Puih kher pawh ka ngailo asin le,lo awm mai mai zawk ula"U Mahnehi chuan alo ti a,"tihtur a awm chuang hleinem" ti a ka chhân tâk ah chuan "anih tomato leh purûn kha lo zai mai ula,ka silfai sa tawh aw" a ti zui a.Laldindini chuan Tomato a chuh leh nghal tharh tawh.







An fate an rawn haw khawm a,haw khawm ti ila an fanu nula senior leh U Mahnehi pasal an ni.Chhunginkhawm kan han hmang a,ka pa chu tawngtaina hun hmang turin an han ti tak na in "in nei tute'n in hmang ang chu" atih tlat vangin Pi Mawii Upa Chhuana nupui chuan Bible chhiar leh tawngtaina a hmang ta tawp.

Bible chu cháng hnih thum a chhiara a duhtawk ve mai a,mahse e ahan tawngtai chiah mai chu pui tak ani! "Lalpa hei kan Pastor Rev.Vanlalchhandama te chhungkua in zanriah minrawn kilpui dawn a" tih atang atan te te a,helai hmun kan thlenchhoh dan ah pakai chho in an fate hming lam diat diatin a zawm zel a "kan chawhmeh chi hrang hrang Vawksa , phuihnam, zikhlûmkau bei atanga kan chawtanni eitur leh kan chi liah tur thlengin mal min sawm sak la" an ti chho mai chu Dindini a thaw hak hak reng mai.







"Heng zawng zawng hi Lalpa" a tawp tawh dawn emaw tiin kalo thumar awt a, "i zara kan dawn ani a" tia a zawm leh chuan sofa nghenchhan ka ngheng dawt tawp.
Atawngtai zawh chuan 'Amen' ring tha tak kan ni. Midang ho pawh hian sawilang lo mahse rei an ti ve tho ang.Darkar chanve dawn lai tak tak ania tawngtainan hun ahman ni!







Dindini leh Hmingmuana an inchawi a,midang zawngin dawhkân kan kîl thung.Pi Mawiin a tawngtaina a achawhmeh chham telloh changkha tauh chu atui zek a,sa ai pawn tui ka ti zawk mah.U Mahnehi a siam dân ka la zawt ang,a tui emai!
Inkhawm leh tur kan nih vangin kan thil eina vel chu kan unauin kan sengfel pui zawk zawk a,rei thumuang tawh lo in kan chhuak zui.







Kawngka kan chhuak chiah tih ah thenawm atanga "Zoremsang 'ka pa' pawh miti tawh suh, nangang fapa laktlakloh lutuk nei tur hian engemaw kalo tihsual le aw?" Ti a âng buan buan ri chu kan hre nghal.
"Pa Liansai ka pian hmaa i thiltihsual chu engtin nge ka hriat anga?"" Ti ri in a rawn zawm a, Ramonda bawk kha ani ngei ang.





"Ka hming te a mi koh le?"






" 'ka pa' minti tawhsuh iti nilawm ni? " A chhang let ve zel.




"Ka hmingchanve chauh anih kha isawi" vîn hlar hian Pu Liana chuan a ti leh a, "Anih Pu Liansailoa Pachuau " Raymonda'n a tih chuan kan chhung nuih huk.Engdang anilo, Pu Liana hmingpum chu Liansailoa ani a, a hnam hming ah Pachuau ani leh daih bawk sia!






"I kal teh ang u, mi chhungkaw inhau ngaihthlak chu amawilo e " ka pa'n a tih takah chuan kan kal zui a, Dindini nen ngat phei chuan la ngaithla zawm châk tak kan ni.







Zân kan inkhawm bânah Dindini thawmhnaw kan siamfel nghal a, tuntum chu hostel luh ahuphurh ve hmel ngang mai.
"Apa te hian heta ka zir zawm hi phal ve mai se, Hmingmuana pawh kohhran school ah an luh tir tho sia" a ti leh nang nang thin.
"Din hetah chuan Higher chin a awm veloh hi"





"Hostel chawhmeh a tuilo thei si, Alu tui tla tih angreng kan hmeh renga " a dik ve reng, hostel mess hi achhe thei ve bawk em ani.
"I rawn no chhuak surh zel tho lawm.A rei tawhlo ang, la tuar hram hram rih rawh.Keipawh engemaw zir leh te ka tum chuan in luah dân te kan ngaihtuah ve tawh dawn nia" tiin ka hnem deuh tawp.
Kan inpack fel a, ka pa'n tûkthuan eikham ah a zuk thlah dawn a, naktuk chu mut âm tir deuh ila atha ang.Zîng dar nga ah athawh zat zat angai tawh dawn tlat.







Khumah ka mu a, keimah tak phei chu ka meng kur.Ka nut achhuak hleitheilo ! Ka tihngaihna hrelo chuan ka phone chu ka phawrh ta ringawt.
"I mu tawh em?" Tih ringawt hi nb lawng atang hian an rawn thawn! Dar kua vel daih tawh ami, tunah dar sawm a pel tawh.

"Tunge aw?" Tih ka thawn let a, apawimawh loh chuan ka biak zawm kher lo ang.




"Keimah" tih a rawn thlen rual chuan "tu keimah" tih ka thawn let ve nghal.






"Gandhi a chal pawp hmu ve tu" thim zingah ka ner nasa ngang mai.Ka zak nghal chem chem bawk.Nu Liani dawrte bula lo awm zinga mi ani ngei ang.
"Hey..tinge i reh daih?"





"I muthlu mi" tih vel a rawn thawn te chuan chhân let chi ah ka ngai tawhlo.





"Luite lalnu" tih a rawn thlen leh rual chuan ka open zat a, "nang leh bawk! " Tih ka thawn let nghal.






"Aw kei leh bawk chu enge?" Ava han biak tlâkloh ber mai tak!





"Engtin nge ka nb ineih?" Tih ka thawn a "Ka chhûtchhuak" tih a rawn thawn let rual chuan ka ner nasa ngang mai.






"I va dawheh tak! Ka awih hlawllo"





"Awihlo mahla ka neihdan i hriat phah dawn chuangloh a awih mai rawh" a rawn ti anih chu! "Iva han tawngthei tak" tih type nawk nawk in ja thawn a.






"Kan khua ah hnial hnehloh ka neilo , mahse tunah tak hi chuan ka tawnglo ka type" ka ph ka hmet thim tawp.Min ti hah vek thei nia mawle? Engtin nge ka nb chu aneih le? Kimkimi chauh ka la pe sia! Ani pui hian alo pe reuh tihna nge?

Thuchhuak hliai in ka ph chu ka ban leh zat a, Kimkimi nb chu hmetchhuakin ka dial zui zat.





"Hello Nunu enge tunang hunah " ham bai bai in a rawn ti." U Raymonda itih kha ka nb i pe em?" Ka ti nghal thawr.
"Umm 'kan aquarium ala rawn dahlo a, ka nu in chanchin zawt turin min tia anb minlo pe" a rawn tia, kalo pe nih kha enge a? Enge 'kan aquarium ' a tih te chu?" Awi ka va ning tak.


"Engmah nilo " ti tawlin ka dah tawp.Ka ph chu silent a dah in ka mu nghal a, muthilh tumin ka rilru in A,B,C ka sawi zui nghal mawlh mawlh.Muttheihloh tum a ka tihdan fo ani, Number emaw te hi ka chhiar a, za ka chhiar tlin hma hi chuan kalo muhil leh nge nge tawh thin.