Lalrindiki's POV:
Tlai lam ka haw dawn chuan dawr kawt ah chuan ka ding deuh vang² a, vawiin a U Hlimpui nen rei lo te kan in biak bak kha chu kan in be zawm leh ta lo a, Zothanan a rawn call hnu khan a chhuak ta kha nia, buai na ah a in hnam hnawih leh ngei a nih ka ring, he black sheep tak hi chu ah.
Parking lot a ka zu luh chuan a lo thim in a lo reh deuh ruih a, tun lai a Jordan-a buai na te leh an thil buai pui ve te hian min ti dawih zep zual, vawiin a tak a ka car ka lo dah hla leh lutuk te chu ka in ngei hlur mai.
Ka kal pah chuan ka hnung ah chuan ke per ri thlep² thawm hi a awm a, ka hlau tak zet, tlan phut dawn ila ka car ka thlen hma in min nang ching a nga, ka chung ah thil tha lo a thleng mai ang tih ka hlau bawk si, ka hnung a min zui ve reng tu chu hre lo ang mai in ka bag a ka phone dah chu ka la chhuak a, Jordan-a chu ka call, a la thei lo leh nghal, oi oi oi, Lalrinhlu,,,,call la teeeehhh ti rilru in ka rilru hman hmawh leh hlau thawk bawk si chu ka kut te chu a thlan huh hlup tawh a, ka tlan ngam bawk si lo, Jordan-an a rawn lak hnu chuan a nih nih kan ni tawh mai a niang chu tiin ka tlan thut a, phone ken chu speaker ah dah in “Lalrinhlu,,,,mi,..misual in min um” tiin ka au lawng² a, min chhan na ka hre thei lo, thaw hlawp² in ka tlan zel a, ka car dah na lam ah, ka hnung a mi ke per thawm lah a rawn hnai tial² si, Lalpa min pui teh, ti rilru lawm² in ka mittui te chu a tla deuh par a, ka car ka hmu thei ta maw tih ah ka chah bi chu hmet in ka luh mai teih nan a lock chu ka hawng a, mhs ka lut hman lo, a kawng khar ka vuan fel awrh tih ah ka sam a rawn tham in min pawt let dawrh a, ka te that.
Ka kut a ka phone ken chu ka thlauh mai dawn a ka hriat vang in ka hum nghet sauh² a, min pawt bet tu lam hawi ka tum lah in ka sam a tham nat em vang in ka lu ka her ngam si lo, “Lalrinhlu” ti chhuak hawk in ka sam a min kek a min hruai tum na bik nei tih hriat tak a min pawt dawr² tu chu ka sual ve chiam a, a sawt lo viau.
Ka pheikhawk sang bun vang chuan ka duh ang in a che thei lo a, han phelh ngawt dawn in a kaih awm a ni si, an tlawh phelh na hun pawh min pe meuh lo, pawn lam a mi ten min hre thei mial ang chu tiin ka au vak² a, mhs ka hmui chu hup in hneh zet chuan car dum ah chuan min nam lut nawk mai, tlan chhuah tum in Hawn ka tum a, mhs ka in rin hma a ka kut a rawn vuan in a hmui chu raw mawl nge eng nge a nih ka hre lo, puan chuan a rawn hup hnan a, ka theih ang tawp in tal ve chiam mah ila ka tha rawn zawi tial² ah chuan dam dawi a tel ngei a ni tih ka hre thei, ka khaw hmuh a thim dawn ta maw tih ah min man tu pa chuan a mask chu a phelh a, a hmel chu ak hmuh tawp ber a ni.
Jordan Lalrinhlua's POV:
Zing atang in rin loh tak a Anil Kumar-a rawn chet dan vang in ka buai ni leng a, Rindiki chu call duh viau mah ila, kan hmela phiang sen chuan kan sum dawn na thleng a a tih chhiat tur thu a min rawn vo in han ngaih tha ngawt chi a ni si lo a, file pawi mawh te ti lam computer ah kan thun vek a, kan computer kan hman thin ho te pawh kan shut down nghal vek, hman deuh a kan documents then khat an lo ruk tawh ho pawh kha la theh darh em lo mhs a ni lo beng a thlen vaih chuan ei ru a puh theih reng kan ni tih kan in hre Chiang a, kan fim khur viau.
Computer hma a ka thut deuh ngur lai a Nico-a rawn lut in min rawn en Dan chu ka duh hauh lo, ka phone rawn ri ve chiah in ka bul a charge ka nih vang in ka ban mai dawn a, mhs Nico-a thu rawn sawi vang chuan ka tawp chawt, “I nupui a nih ring phawt ila, at thlak tak a chet tum hauh suh, kan hun rem chang neih chhun a ni mai thei a nia”. A thu sawi vang chuan thil tha a ni dawn lo tih ka Chiang. Rindikin khang kan thil buai pui chung chang a hriat tak hnu khan a phone ah tracker dah in a ni tin hun hman dan kan chhui vek zel a, thu thar hriat a nei Chiang a ni.
Call chu la in “Hello” ka ti vat a, leh lam atanga Rindiki hlau thawng aw ka hriat vang erawh in ka chi ai vek lo chauh a ni, a hlauh zia leh a thla bar zia ka hria a, a bul a ka awm lo chu ka in hua, ka koh leh auh lawm² te chu a hre thei lo tih hriat zet in a ri rawk² a, na a ti tih hriat tak a a rawn te that phei chuan ka tak sa a thisen zam awm zawng² te hi an chawl vek in puak chhuak mai duh tur ang in an rawn awm a, ka sa pup² mai, kan lo kal vat tur thu ka sawi chuan enge maw ti rawk hi ka hre leh a, in sual Bui thawm ngei niin ka hria, rei lo te ah a zawi tial² a, “chibai, Jordan, hei I thil hlu tak mai ka kawl a nia, i rawn lam dawn em, warehouse ah khan lo kal la, mah ni a rawn kal tur tih chu hrilh hran I ngai in ka ring lo, e, chuan, i tlai duh hauh lo bawk ang tih ka tiam a che” tih chu ka hriat leh hmasak ber a ni, “ka that dawn che hre rawh, ka that dawn che, Anil Kumar” ti tuarh in dawh kan chu ka chum ri dawt a, basement lam computer science ho pawh an rawn lut nual tawh.
“Rua hamn na kan sawn hma a ngai dawn a nih hmel, Agent Jeff(a hnuai a thawk pakhat), Car lo va peih rawh, Agent Sova (Eve-i), sipai then khat nen chhuak mai thei tur in lo in ring ang cheu, chuan, Agent Fade (Zothansanga)hrilh hria ula, an him ngei em Chian ang cheu, he tah a bul a nula nen a rang lam in rawn thleng rawh se” tiin Nico-a chuan rilru fim a hmanga, tiang hun ah hian a ni, kei leh midang zawng, Jerome-a tiam loh in kan tluk lo fo thin. Thinrim zet a in seh ruh in “Agent Omen, Hellcat OSP 9mm auto-pistol 3 min lo lak rawh” ti that in Agent Phoenix (Jerome-a) chu ka va en a, thisen chhuah ngaih na ah chuan a mit meng pawh a de sar thei, chu tiang chiah in Agent Hard-core (Muanzuali, Mami kha) pawh a unau nu an man tih hre si in a mit ah chuan phur na nasa tak ka hmuh sak thei, he mi te hi chu duet-play an nia, an mize in an vang leh an chem hman thiam in ang em² vang te hian mision tam tak ah an thawn dun in an in kawp chawt thin, chuan chu chu an mize ngeng ltk vang a hrem na tha tak a ni, an in mil hauh lo.
Kei mah a kal tur a min tih miau a vang in enge thleng dawn tih hre hek lo le, ka beng kawm hnung lam a bug vuah in, kan in biak na te an lo ngaih thlak na tur a ni a, puih kan ngai ta thut a nih pawh a lo kal mai thei tur in kan hnaih tak ah an awm reng ang, warehouse bul bawr te an en fel leh hnu ah a chhak lam kham leh a thlang lam awih pang bul mai atanga lo kap tur in sniper 4 dah kan ti thlu a, sawrkar hriat pui na ni lo mhs ramhnuai thuk ve thaw khat tak a nih vang in tu mah vei vak an awm dawn lo a, thawm hre thei an awm dawn lo tih na a nih chu.
Lalrindiki's POV:
Tui huh tak a min rawn theh thawt vang chuan ka harh hlawl a, ka thaw kawk² mai, ka bul vek ka en kual chuan in ruak zau hek hawk, a chhuat phah tiles var vek leh a bang var thiam hlim sar mai, rei tak luah tawh loh tih hriat zet a thil in Tung then khat tui ek leh a tui huh luan na tih hriat zet a pat ek deuh te chu ka hmu a, he ti lai a thisen chhuah an tum a nih chuan thlan chhan an nei tur a ni, en reng² pawh a in nalh tak tih hriat he tia han hman mai duh chu, “I harh ta mo Rindiki” ka en vat a, ka mit meng pawh a no lo teh ang, “Lalrindik” a rawn ti leh, a aw ah chuan ten na ni awm tak ka hre thei, a ve ngawt hian, a mah hi a ni lawm ni mi ten awm zawk chu, ka hlau tawh rih lo hi a ni tawp, ka thi dawn emaw dawn lo emaw, thil sual ti tu zawk hlauh hi ka tum lo.
“I pasal duh tak pawh a rawn kal mek ang, tun atang a rei lo te ah, a mit ngei in a nupui hmangaih tak thi lai a hmu bawk a nga”, a nui uarh² a, ka rap tak zet, “ka unau pa thi lai min thlir tir lai khan kha police mawl zet khan lo hriat tur a nia, a cho loh tawp tur a cho tih hi, tun ah chuan a nupui in a tih sual a chawi tel tawh a, a fapa hun ve chiah a ni, chuan van duai thlak tak in nang i lo tel leh bawk a, a hlim awm dawn e”, tiin a ho te ni awm tak chu a mit mei zeuh a, “kan zawng a phiang sen khan a hruih hruai te a rawn hruai lut tur a ni lo” a ti vin thak.
Tawng ka tum lo a, ka peih lo, a ni hian ka aw a hriat a tul na chhan hi a awm lo, hlau tak a ka awm lai ka in hmuh tir tawh a, a hmu nawn tawh lo ang.
Ka hma ah chuan projector screen in minute tin chu an chhiar a, dar kar hnih chhung a a rawn thlen loh chuan ka dam a rin tawh loh thu a sawi bawk, *ha* ka hlauh a ring a maw ni. Minute a kal a, minute 10 dan ah zel min thah a chak thu leh a tih dan tur te chu a sawi thin, a tam tak kha chuan min ti hlau a, a ti tak² duh ang tih ka hlau, mhs Lalrinhlua hian ka nat a phal lo a, min nat tir hman dawn hauh lo tih pawh ka hria, ka Chiang ltk tlat.
Dar kar 1 leh min 34 a Rik chuan kan awm na in Lian zet kawng khar chu a rawn ri rawp a, Jordan-a a rawn lut zui nghal, min rawn hmuh chuan a a thinrim zia ka hre thei a, a mit pawh a sen vek thei, a bek leh thisen zam rawn pawng chhuak talh² chu ka hmu thei a, tiang a a awm reng chuan bum awl tak in a che mai ang tih ka hlau. Rei pawh min en lo in ka hma a in la vei zet a Anil Kumar ding chu a en ngar a, a in control leh deuh tawh in ka hria, “wow wow wow, han en teh u, tun ah chuan kan hero pawh a rawn lang tawh a lawm, Jordan in hmuh loh na pawh a rei tawh a lawm, i lo dam thin maw” tiin Jordan-a chu a en a, a nau te chu en kual leh in an nui dar², ka rin chiah loh lam in Jordan-a chu a rawn nui ve suk a, Anil chu en in, “a rei tawh khawp mai, mhs vawiin hi kan in hmuh tawp na tur a ni ang tih ka hlau khawp mai” a rawn ti a, a hmuh leh hriat ngai loh Jordan Lalrinhlua a ni, nun rawn na tih reng leh zah ngaih na nei miah lo hmel a pu a, kei ngei pawn ka rap, ka rap tak zet.
Rei tak chhung an in bia a, awm ve reng si in eng mah ka hre tha thei lo, ka beng chu a kiu deuh nguai² mai, ka lu chu thing nak in a zia deuh hma chu ti chuan ka tia, ka zia rual a Anil-a thinrim in sum zo lo ni awm tak, silai rawn hmet puak chu ka hre hmasa ber, Jordan-a chu a kap ngei a ring in ka khawng awt a, mhs min hliah tlat vang in ka hmu thei lo, thawk leh khat ah ka chhak lam leh thlang lam atang chuan silai mu a rawn de nghal suau² a, kawng khar atanga Jerome-a leh midang te lo lut tur chu an veng tih hriat tak in an hnaih deuh chuan an tlu nghal tawp zel, chung thil thleng vang te chuan ka hlau a, silai mu pakhat pawh hi ka tak sa ah a lut a nih chuan ka thi a ni mai, thaw kâk in, ka hma lam atanga Jordan-a mang an hmel zet a rawn tlan phei chu ka hmu a, ka en kual ngial pawh chuan hliam tur awm ka hmu lo, an kal hman lo a ni ngei ang.
A kawr chung hak chu phelh in min tawn na hrui te chu a rawn zai chat a, min rawn tuam nghal hlun bawk, ka hnung lam ka en chuan in sual buai nuaih² kar atanga Anil-a, thisen nen in chiah piah nuaih chung a rawn phei them² chu ka hmu a, midang ho chuan an hmu lo a ni ngei ang, “Jo-..Jordan i.. i hnung” ti tuau in a awm ah chuan ka nam a, hawi let tur a ka tih na a ni, mhs a hawi let hma hauh in a rawn thleng phei a, chem chuan rawn zai a tum ta mai, mhs chu tih lai tak chuan kan sir lam atang chem dum hlap, hriam hmel zet hi a rawn thlawk phei fua a,Anil-a ban rek ah tak chuan a bur vû mai, ka va en phei chuan Jerome-a a ni, rawn kal phei a tum lai in a hnung atang an rawn bawh bet a, mhs U Muani zawk rawn tlan phei in Anil-a chu a lu ah rawn pet in a tlu hnawk a, thut beh zui in a zal rak thleng chuan a hnek zawm miah², a ni thei lo, hei hi ka U ngei kha a ni si a maw, ka hnaw kâk² a, awih harsa ka ti, tiang em hian a nun rawng a ni maw.
A rawn thawh chhuah chuan nui suk in a mit ah chuan thisen chak na hlir ka hmu a, ka hlau tak zet, Jordan-a chu kuah in a awm ah ka hmai ka phum a, a kut leh lam a min kuah reng chung a a silai kal ri leh thin pawh ka hria, he hmun atang hian him a kan chhuah reng ka ring tawh lo.
Jordan-a chuan ka hlauh na chu a hria a ni ngei ang, “Di hlau suh, tu man an ti na dawn lo che, chuan Lalmuanzuali saw I ngaihtuah a ngai lo a nia, Jerome-a nen sawn a tu zawk² emaw an la dam chhung chu pakhat zawk saw chu tih nat theih loh tluk an ni, hlau suh, nghet deuh in min kuah la” tiin ka chhip ah chuan a rawn fawp a, chu te ringawt chu ka hah dam pui em².
Second tin, minute tin ka chhiar a, a rei ka ti tak zet, a tawp ah chuan si lai mu ri te chu zo in na tuar rum leh te thawm te chu ri awm chhun deuh thaw a tih theih ang, thaw ham² in ka taksa tang Tung mai chu thlah dul ka tum a, ka thei lo, a zawm tu a awm leh ang tih ka hlau ltk a, ka che ngam lo hrim².
Leh lam hla deuh tak atanga U Muani aw ngei in, “haw pui vat rawh, a tan chuan thil thar a nia, theih nghilh leh mai chi a ni lo, a mang lam thleng in a hmu mai thei a nia” a ti ri chu ka hria a, thil thleng zo chiah hre lo ang mai in a thaw ven hmel phian. Ka thil hmuh chu a rawn thim riai² a, aw ri pawh ka hre hla tial².
***readers fel tak² te, a hmawr kan bawk tep e ooo, ti chen min lo la chhiar sak leh vang in lawm thu ka rawn sawi leh mawlh² a, a ngaih nawm in tih leh tih loh ka hre lo chung in ka theih ang tawp in ka rawn ziak ve a, min lo ngaih hlut sak ve zia ka hriat ten ka lawm thei ltk a ni tih min lo hriat sak don nia
***