ZOSANGZUALA (CHAPTER-30)

[Rebec Nunziri]

Chapter-1



Zosangzuala POV




"Nu hei kan rawn chhuak dawn a, phone ka dah phawt mai ang aw" ka ti sup a, ka nu chuan fimkhur turin min chah nghal sep a, phien chu dah in kan thlawh chhuah tawh dawn avangin airplane mode ah dan init ka chhing a, kum 3 hnua ka haw lehna hmasa ber tur a ni bawk.




Mizoram lei lung ngei chu ka rap leh ta, ka nu in min hmuh chuan min rawn pan vat a, ka ngai ve tawh viau bawk, "I dam tha em, I va cher ve" min ngaihtuah zetin ka nu chuan a ti nghal mawlh mawlh a, "Nu.. ka tha" ka ti nghut, ka tawng hi a bul ve hrim hrim a, ka chhungte lakah erawh theihtawp in tawng nem ka tum ve thin a, mahse ka thei lo tluk chu a nih hi, "I tawng bul hmuk hmuk lutuk pawh hi sim a hun tawh viau a nia" ti sep in ka pa din lamah chuan kan kal dun a.




Ka pa nen chuan kan in chibai a, mipa ve ve chu han in muah vel kha a nuam chiah lo, pa te mah nise puitling ve ve tawh kan ni si a, mahni tawk a in la pa ve chu kan ni bawk, ka pa ka chhun na lam zawng tak a ni, motor ah chuan kan chuang lut a, motor chu keimah ka khalh a, ka nu leh pa te a hnunglam ah an thu thung, ka pa chuan ka hnathawh chanchin te min zawt sup sup a, tha tak chuan ka chhang ve zel.




"Helam a hna i thawk ve tawh tur chu ka va han lawm tak, puitling ni ve tawh mahla kan fapa i nia, ngaihtuah i na thin tlat, nangmah chiah in i awm thin bawk nen" ka nu chuan a ti leh mawlh mawlh a, ka pa nen chuan darthlalang ah kan in melh zawk.



"I nau pawh rawn kal a tum viau a mahse zai tur a neih avangin a rawn kal hman ta lo a nihkha" ka pa chuan a ti a, ka bu nghut, kan unau hi pahnih chiah kan ni a, mipa ve ve kan ni bawk, keihi a upa zawk ka ni a, ka nau nen hian kum 5 in kan in thlau bawk, ka nau leh ka pa hi doctor an ni a, kan chhungkaw damdawi in an enkawl dun a ni, keihi professor ka ni thung a, kum 6 chuang chu professor hna ka chelh ve tawh bawk.




Kan nu erawh inah a awm thin thung, kan chhungkua hi kan in pawh em em a, keihi ka tawng tlem deuh a, ka chhungte erawh mi biang biak thiam tak vek an ni a, Mizoram ah ka awm tam lo bawk nen helam ah pawh thian ka nei vak lo, ka thian neih ve chhun ber pawh Chhuana a ni a, Professor ve tho a ni a, kan hnathawh na tur a in ang bawk.




Mizoram thleng chiah mah ila naktuk atang ka kal tan nghal dawn a, semester thar an tam chiah bawk nen pawi la ti hran lo.




Ka chanchin hi ka la sawi kim lo deuh in ka hria, nupui then tawh ka ni a, a awmzia chu pathlawi ka ni tihna a nihchu, chuti chung chun hmeichhia hi ka van bik lo, ka thawh na hlui ah pawh min beisei a min rawn pan ti an awm nuk zel, mahse engah ka lo ngai ngailo thung, hmeichhe pakhat erawh hnar theih loh ka nei, Lalrinawmi a ni, a chhelo a, a hmeltha hle bawk, a zei em em bawk a, ka duhzawng chu a hrechiang mah mah, mahse a nilo pawh ka mamawh hunah chuan hmeichhe dang ka hmu zel tho.




Ka nupui kha ka duh em em thin a, ka hmangaih em chu ka hrelo, kum em pawh kan in zui hma in kan in nei a, ka chhungte rem ti chiah lo chung a ka neih a ni, a chhan pawh nau ka pai a tih vangin, mipa ka ni a, ka mawhphurh na hlen lova tlan chhiat ka tum lo, mahse kan in neih atanga thlahnih pawh a liam hma in naute chu a chhiat a, kan tuar hle nghe nghe.




Ka theih ang tawk in ka nupui kha ka ngaihsak ve thin, mahse ka hnunglam ah min lo bum reng si, nau chu a lo pai ngei a mahse ka fa a nilo, hah.. min bum a nihchu, ka hriat chhuah tirh chuan rilru nat a hnek in ka thinrim em em a, ka man chhuah zan la la in in atang ka hnawt chhuak nghal, kum 2 lai liam tawh mahse khavang khan hmeichhe dang hi ka ring leh mai mai thei tawh lo.




Ka hlawhtlin theih nan theihtawp in lehkha ka zir thin a, hmeichhe lam reng reng ka ngaihtuah ngailo, ka nupui Lalnunpuii kha ka tan chuan hmeichhe hmasa ber a ni a, chuvang pawh chu a ni mahna.




Ka room ah chuan lut in ka chau ve bawk nen ka thawmhnaw te ka thlak zawh hnuah khum ah chuan boxer chauh ha in ka mu hahdam a, ka muhil dawn tih ah ka phone a rawn rik chuan ka phun nghal hluk, min rawn call tu ka hmuh chuan ka ner sawk a, "Ngatinge Mizoram ah hna i thawk tawh dawn tih min hrilh miah lova" a rawn ti nghal thawr a, ka rum nghut.




"Hrilh kher che a ngaihna ka hrelo" ka tih nghut chuan "I mak e, helai hmunah hian i tello chuan ka awm peih biklo, min lo nghak rawh, ka pa hnenah Mizoram a hna ka thawh duh tawh zawk thu ka sawi anga,, ka rawn kal ve vat a, chuan ka ngai viau bawk che, ka zin bo chhung zawng in nanglo chu ngaihtuah ka neilo, nang lah Mizoram lamah min lo haw san daih bawk si" vui aw zet chuan a ti a.




"Ka dah dawn a nia, ka chau" min rawn chhan let na pawh ngaithla tawh lem lovin ka dah ta daih a, a sawi ang ngei khan Mizoram a rawn thleng har hauh lovang tih ka hrechiang, a pa hi sumdawng hausa tak a ni a, an fanu neih chhun a ni bawk nen a duh ang apiang chu sawi buai lovin an tih sak mai zel tlat, engpawh chu nise helam a a rawn chhoh pawh chu pawi ka ti hran lo, a chhan chu mamawh chang ka nei thin tlat alawm.




Chaw kan ei lai chuan ka pa in kan damdawi in chungchang te chu min hrilh sup sup a, ka nau pawh chuan a lo zawm ve zeuh zeuh thin bawk, chaw ei kham room a la chho tur chu "U kan in be lawk dawn em ni?" ka nau Lalramnghaka chuan a ti sup a, ka nu nghut, room ah kan in zui lut a, tawng mai lo chuan a thaw leh hawk thin, eng emaw rilru hah na a nei ni ngeiin ka hria.




"Englo a nia, bialnu ka nei a" ka nui suk, chuthil min hrilh a duh vang chuan a zam ve em em chu a nia, kum upa tawh viau e tilo hian hmeichhe lam hi kei ai pawn a hrelo zawk, "I upa ve tawh alawm, a hun viau tawh a nia" ka ti sup, "Nia.. mahse thil dang a la awm a" a tih leh chuan "Eng thil dang nge?" ka ti sup.




"Ka nu leh pa te bulah pawh ka la sawilo, ka bialnu hming chu Atei a nia, chuan a naupan laiin pawngsual a tawk tawh a" a thusawi chuan min thawng takzet, mahse ka ti lang lem lo thung, "Chuan enge i buai na ber?" ka ti leh sup a, "A pawngsual tu chu a pa a nia" a hma aiin min thawng zawk, tawng ngaihna pawh ka hrelo.




Hetiang thu an sawi hi ka hre fo thin, mahse a tak ngei a tawng tu erawh ka la hrelo, "A pa chu a chhuahsan na a rei tawh a, mahse a rawn la ti buai reng bawk nen nupui a neih mai ka duh a" ka thaw hawk a, "I thuthluk na chu ka pawm vek, chuan Atei chu a lainat awm hle mai, ka nu te bulah sawi la, an ni pawn an pawm em em ang" a bu nghut nghut a.




"Engtia in tawng nge in nuh reng reng?" a rilru tih thawveng sak tum zet chuan ka ti leh ta daih a, "Kan damdawi inah a rawn thawk a, nurse a ni tihna a nih chu, ka pa nen pawh an in hria, mahse kan in zui tih erawh kan pahnih bakin an la hrelo, amah hian zep a duh a, ka sawi tawh ang khan a naupan laia khawih chhiat a lo tawh tawh avang khan mahni in sit na lian tak a nei a, chuan u" tiin min rawn en vut a.




"A pa chu hrem na pek ka duh a, mahse Atei ber hian ka pa a ni a, chutiang thil chu a chungah tih ka duh lo a ti tlat bawk si, ka rilru a buai a ni, a naupan lai atanga thlabar a siam tu hi a pa mah nise kei chuan a phu tawh hrem na hnu ngei se ka duh, eng ang pa nge maw a nih leh a fanu a thisen kai ngei laka hetiang ang thil tenawm a ti hi" a ti leh hluk a.




Ka ngaihdan chiah a ni, mahse a pa a ni ve miau si a, Ramnghaka nen hian kan kum in thlau deuh mahse kan in kawm ngeih khawp a, harsat na a tawh in ka nu te a hrilh hma in keimah min hrilh hmasa ngei ngei thin, chutiang bawk in keipawh hian kan nau hi engkim ka hrilh ve thin bawk.




Ka nupui nen a kan in then chhan diktak pawh Ramnghaka bak hian min hriat pui lo, ka nu te hnenah kan in then chhan ka sawi lo bawk a, nupui ka then tirh pawh khan min dem hle nghe nghe a nihkha, mahse ka tih tawh chu ka ti tlang thin, engpawh chu nise khatiang hmeichhe rinawm lo kha ka nun ah ka mamawh hrep lo.




Room atanga chhuak tawh lo chuan ka tawm ta reng a, tukverh bulah chuan ding in pawn lam chu ka en vang vang a, a hmuh thui theih lutuk loh, a chhan pawh kan thenawm te nen hian kan in a in hnaih em bawk a ni, tlai ah khan nutei te an rawn leng tawh a, mahse an fanu naupangte harh zet erawh kha chu a rawn lang ve miah lo thung, a damlo an tih tak kha mawle.




Tunah chuan a nula ve der tawh awm sia, ka hmuh loh na pawh a rei tawh takzet, a naupan deuh lai kha chuan kan inah a rawn leng ngun hle a, ka nu hian fanu a awt thin bawk nen a fanu ang maiin a duat a, a hmangaih em em bawk, Ramnghaka nen pawh an in nel hle a, kei erawh min nel loh zia kha tih hunlai pawh khan ka hai lo.




Tukverh a ka dah lai reng chuan Nutei te inchung pindan atang chuan nui to a rawn chhuak a, naupangtei kha a nih ngei ka ring, kan tukverh chu a in zawn a, mahse parda pan te a zat vang erawh in a chhung chu chiang takin ka hmu theilo thung, chutih rual in hmeichhe hlim thla erawh ka hmuh hmaih chuang lo.




A thiante a bia nge mawni a nui leh ar ar thin a, a hlim hmel khawp mai, natik zung thawh hma ka duh avangin khum lam chu ka pan ta a, ka chau ve deuh a niang ka mut hnu reilote ah ka muhil zawm nghal mai bawk.




Zing dar 5 ah tho in ka work out a, thlan in min biak huh dao hnu chuan room ah chho in ka inbual fai nghal, tukthuan kan ei zo a, room ah in siam turin ka chho a, "Mama,
i hman dawn tawh em?" ka nu chuan inhnuai lam atangin a rawn ti lang lang a, "Ka hman" ti nghut in step ah chuan ka chhuk thla nghal, ka nau damdawi in lama kal tura a chhuak chiah chu ka va hmu hman.




"Nimin lamah i rawn thleng ve chiah bawk sia, vawin te chu in lamah hahchawl mahla a pawi awm tawh a sin" min hmuh rual rual in ka nu chuan a ti mawlh mawlh a, "Nu keima duhdan zawk alawm" ka ti sup, "Hna hi i atchilh leh lutuk a a tha ka ti miah lo a nia, i hma i ngai pawimawh chu a tha lutuk, mahse a leh lutuk hi a awm ve a nia" ka ti leh hlak hlak a, chutih lai chuan pawn lamah hmeichhe tawngtai ka hria a, chu chuan ka beng a verh zar mai.




"Nu ka kal phawt dawn a nia" tiin ka chhuak vat a, hmeichhia scooty khalh a tlan chhuak chiah chu a hnunglam atang ka hmu hman, "Khakha tunge?" Ramnghaka hnenah chuan ka ti sup a, "Nutei te fanu mawle, taka U i thawh na turah khan a kal ve tak asin, mahse a damlo bawk sia, class a la kal dawn lo a nih hmel" a ti a, ka ner suk.




"A chhuak thei tho a nilawm ni?" ka ti hmuk, ka rin dan chuan khatianga scooty a khalh thei a nih chuan a dam tha thawkhat ah ka ngai, "Damdawi lei turin a chhuak lawk a nihkha, i ngaih ang a ni miah lo a nia aw" a tih chuan ka melh ran a, "Engtia ka ngaih ang maw?" ka ti hmuk, a nui suk a.




"Class kal peih lo deuh angah i ngai a nilawm ni, khatiang kha a nilo ka ti mawle, lehkha pawh a thiam thei lutuk" a tih nghal mawlh mawlh a, ka nau in chutiang a a sawi a nih chuan ring phawt mai ang, a motor ah chuan lut in a tlan chhuak nghal a, keipawh ka ni hmasa ber a ni bawk nen muangchang hman pawh ka nilo.




University chu ka thleng a, an lo tam khawp mai, ka vat atang chuan chhuakin office lamah chuan ka kal a, zirlai naupang te chuan min en deuh haw haw a, min la hmu ngailo bawk nen mak min ti pawh a ni mahna, Chhuana chuan min rawn hmu vat a, "Bawiha, I tha maw?" tiin min rawn muah deuh thuak thuak a, in kawm ngeih viau e tilo chuan kan mizia hi a in ang lo em em a, kei ka tawng khat em em laiin a ni erawh a tawng duh hle thung.




Zirtirtu dang te nen chuan in hmelhriat tir na te kan nei a, min lo lawm thiam ve khawp mai, Political science subject a HOD thar tur ka ni a, a hmaa ka thawh naah pawh khan ka class ah chuan tumah an in hlei ngam ngailo.




Tunah pawh hian zirlai naupang te hi enge an mizia ka hrelo a, mahse ka thawh tawh dawn avangin an duh ang ngawt chuan ka class ah an awm thei dawn lo tih chiang takin ka hrilh hlawm bawk ang.




Class hmasa ber chu ka la a, 2nd Semester ho ka zirtir dawn a ni, class a ka luh chuan an phun nghal mur mur a, in hmelhriat tirna te ka nei nghal zung zung a, "Ka class ah mutthluk ka phal lo a, ka explai laia lo tawng emaw te kha ka phal lo bawk, ti lui in awm a nih chuan class atanga hnawh chhuak zel in ni ang" ka ti nghut nghut a, strict min ti viau maithei, mahse an tam vek zawk a ni.



Zorinsangi POV



"Bawihte, tho tawh rawh le" ka u chuan ka puan sin lai chu a rawn keu a, peih lo zetin ka lo meng diar diar, "U dar engzah nge?" ka tih chuan "Dar 9 a ri dawn" ka tho chhuak nghal hluai a, vawin atang class kal ka ngai, nizan khan alarm ka set ve ngei a, a rik lai pawh ka hre leh der lo, ka u chu room atangin a chhuak a, bathroom ah hmanhmawh zetin ka lut nghal.




Keihi Zorinsangi ka ni a, kum 23 a upa ka ni, University ka kal mek a, ka nu leh pa te fanu naupang zawk ka ni bawk, kan chhungkua a naupang ber ka ni bawk a, chhungkaw duat rawn tih takah ka chhungte bulah chuan ka pangchang thin viau, pawn lamah erawh chutiang ang em em chu ka ni bik miah chuanglo a nia.




Kan chhungkua hi reithei lutuk ti a sawi tur chu kan nilo, school kan nei ve a, chuta tanga zir chhuak chu ka ni nghe nghe, ka pa hi principal a ni a, ka u pawh a thawk ve mek bawk, ka u nen hian kum 7 dawn laiin kan in thlau a, min duat in min ngaihsak em em a, a ni ang u tha ka nei hi keipawh vannei ka in takzet bawk.




Ka in bual sawk sawk a, ka sam pawh ka ti ro hman tawh lo, ka thawmhnaw hak tur la chhuak sawk sawk in ka in bel a, ka hmai ah sunscreen ka hnawih thuak thuak a, ka hmui ah lipgloss ka hnawih leh hnuah room atang chuan ka chhuak nghal, "Bawihte, chaw ei kan peih tawh rawn ei phawt la" in hnuai ka thlen thlak rual chuan ka nu in a lo ti a.




"Nu ka hmanhmawh tawh, ka thianten min lo nghak rei lutuk palh ang, canteen ah ka ei mai ang vawin chu" tiin ka scooty chahbi chu la in in atang chuan ka tlan chhuak nghal, hmanhmawh zetin ka in khalh chhuak a, University ka thlen chuan ka thiante chuan min lo nghak thap a, "I va han rei em em ve" an lo ti hlak bawk.




"Min ngaidam teh u, thawh ka hai a" ka ti mawlh mawlh a, "Lut vat ang, bell a ri tawn a nia aw" tan tih takah chuan classroom lam chu kan pan vat a, Professor Saia class a ni a, a ni hi chu a fel a, a class hi a nuam thin hle, min hmuh chuan enge ka an te min zawt a, a polite bawk si, tupawh mai hian kan nel em em vek mai ni.




"Kan HOD thar chhiat loh zia chu" Mary chuan a rawn ti ru sar sar a, "Nangte chuan mipa tawh phawt chu chhelo I ti vek alawm" ka tih chuan a duh lo ngei mai, "I awih loh chuan Puipuii te hi zawt rawh, dawt ka sawi loh zia chu i hre mai ang" tang na zet chuan a ti a, "A sawi dik alawm, i la hmuh loh vang mai mai a nihkha, a chhelo teh mai nia aw, kan university a hmeichhia zawng zawng hian an star a tih theih ang, keini pawh tiam in" midangin an lo tih ve chuan ka nui ringawt.




"Saw sawsaw kan HOD thar chu a nih saw" Reilote kan chawlh lai chuan Mary'n a rawn ti hluai a, a kawh na lam chu ka en vat, "Oh..." ka ti sep a, rin aiin a chhelo, "Chhelo i ti ve tho tiraw, kan sawi reng kha" Feli'n a tih chuan "A upat tawh hmel emai" ka ti liam puat a, ka thian te chu an check tlak tlak hlawm a, "Nanghi chu i mah ve thlawt, chhelo pawh hi i hrelo, hei vang a nih hi tun thleng a I la single reng ni" an tih leh chuan rum zetin ka melh hlawm a.



"A class a ni dawn lehnghal, awi nuam leh dawn a, mahse a strict leh lutuk a" Chhani chuan a ti nang nang a, ka lo nui hak ringawt, chutia kan lo phun mur mur lai chuan kan professor thar ngei mai chu a rawn pen lut zan zan a, kan ngawi thap hlawm mai, zirlai chu a explain mawlh mawlh a, uluk zetin ka ngaithla ran, hriatthiam loh ka nei ang tih mawlh a mi ka hlauh ni.




Kan professor thar chu rin aiin a chhelo daih mai, ka thian ten a chhiat loh zia an sawi khan ka lo awih lova, a chhan pawh chhelo tih an ngah theih em vang a ni, mahse tun tum chu an sawi uar hauh lo, kan University chhung ah chuan a chhiat loh zia ngawt chu a ni hmeichhia ten an sawi hlawm ni, chu bakah a upa tawh a, eng ang pawn chhelo mahse kan zirtir tu a nih na ang bak in ka en lo, chuan ka subject lak Political science a HOD thar a ni bawk, vawihnih lai chu ka hmu tawh a, ka hmuh hnu a la ang em em zui, mahse ka hriat sual pawh a ni ve thei tho bawk a.




"Canteen ah thil ei turin kal ang, ka ril a tam tawh teh mai nia" Feli'n a tih chuan kan lo pawm tlang hlawm khawp mai, karkhat lai class ka kal lova tukin zing thawh ka hai bawk nen chaw ei lovin ka kal ngawt kha a nia, tunah dar 1 a ri dawn tawh a, ka tam chhawl tawh, canteen ah kal in table awl ah kan thian ho chuan kan thu thla a, entur kan chah nghal, 3rd Semester kan kal tan chiah a, hritlang ka kai vangin kal tan tirh lamah ka chawl nghal a, tun semester chu kal that viau ka ngai dawn chiang sa bal.




"Naa...class kan nei lehnghal a, ka van peih lo tak" Chhani chuan a ti nang nang a, midang pawh chuan a thusawi chu kan lo pawm pui hlawm viau bawk, Prof. Thantea'n class a rawn la dawn a, meng mang kan awm leh teuh lo, a class hi chu a boring em bawk a ni, a tawng dem dem a, kan mutthluk pawh in engmah a sawi ngailo, hrelo ang hmak a awm in zirlai a explain zawm mawlh mawlh zel.




Kan bang thei ta, phur zetin kan scooty dah na lam chu kan pan a, kal pah in kan in fiam phei bawk bawk a, kan nui uar uar bawk, kan thian ho hi panga kan ni a, kan awm ho tawh chuan kan thawm hi a na thei hle, "Kha khalai kha rul a awm a nia" Mary'n a rawn tih chuan rang zetin ka petek dawrh a, chutah mi pakhat hi ka va su chawrh a, a su tu zawk e tilo chuan keimah zawk chu lei ah ka mawng sawh dawt in ka tlu a, a na em em lehnghal.




"I kalna kawng en chiang ta che, khatianga i kal te chuan midang te pawh i la su i la su dawn a nihkha" ti hmuk tu chu professor Sangzuala a ni, ka thiante chuan min rawn kai tho vat a, ka ner nang nang mai, ka thiam loh a ni tihchu ka hre ve reng a, mahse khatiang a rawn sawi kher, hmelchhe lutuk mai, ni leh lo a hmel hi chu a chhe thlawt lo.




"Ka tihpalh professor" ka ti sep a, ka thiante chu ka kai sawn nghal dawr dawr, "Awi.. a chhiat loh zia kha aw, min duh se chuan min thei sa" Chhani chuan a lo ti leh hmanhmawh tawh a, an thiannu mawng sawh dawt in ka tlu a, enge ka an tih pawh min zawh an tum lo a nia, ka ngei tak tak a ni.




"I thiam loh vek a nihkha, nge min tihder, rul ka hlauh zia pawh in hre ve vek a" Mary en pah chuan ka ti hlak hlak a, "A fuh viau kha, Professor kha nangman i va su hmasa zawk a, nangmah bawk i tlu leh a" tiin an nui uar uar a, ka kalsawn daih, scooty chuan in lamah ka in khalh a, Processor tawng dan mawlh khan min la ti thinrim.




In ka thleng a, ka nu in chanchin te min lo zawt vat a, "Professor thar sual thiam deuh kan nei, ka ngei a nia, amah vangin ka mood a off vek" ti hlak hlak in room ah chuan ka lut a, ka in thlak hnuah room atang ka chhuak leh a, ka nu chu rawngbawl pui ka tum zet nang in min lo dang vat.




"Bawihte, lo ti ve lo law law zawk rawh" a tih chuan tih luih ka tum tawh biklo, keihi chu ka u nen kan danglam hlak a, ka u in rawngbawl a thiam em em laiin keichu a ngaihna ka awm thak lo, artui kan ka thiam em em a a nimai, vawikhat pawh ka nu leh ka u rawngbawl lai ka pui e ka ti ve a, an thil siam sa ka ti chhe vek, khami ni atang khan rawngbawl min phal tawh lo, ka nu hian hun thawl neih hunah rawngbawl min zirtir tur thu a sawi ringawt.




Room lama chhoh leh ka tum lai chuan ka u leh ka pa te chu an rawn haw ve chiah a, "Vawin lam te i khua a sik leh em?" ka pa in a ti dut a, "Aih ka dam tha tawh lutuk, u, teh professor in la strict deuh ngeiawm deuh kan nei thar asin, ka ngei a nia, tihpalh thil thu in ka su a, ngeiawm deuhin min ṭawngkhum kher a nih chu, ngam ngat ila chu in sual pui ah ka cho hrim hrim ang" ka ti leh hlak hlak a, ka sawi ka sawi a, ka lungawi lo leh vek tawh.



Ka chhungte kha chu an lo nui mai mai a, ka u leh ka pa in thlak tura an luh hnu chuan keipawh ka room aah ka lut ve nghal, khua a lum bawk nen tukverh chu ka hawng a, mahse parda pan te erawh ka zat tlat thung, uffer chu on in hla ka play a, ka zai pui vak vak bawk, zai pah in chhuak ah chuan ka lam kual bawk a, nuam ka ti leh takzet tawh, hetia awm hi ka tih than a nia, nuam ka ti viau bawk.




Ka lam nasa tawh bawk nen ka hah takzet, ka lu pawh a hai chum chum thei tawh bawk, uffer chu ka off a, a lum bawk si, parda ka zar chu hlim tum in ka pan hnai a, mahse ka tukverh zawn chiah ah hian kan thenawm te tukverh hi a awm ve a, chuta tang chuan mipa pakhat hlim thla hi ka va hmu a, parda ka hlim tur pawh chu ka tawp chawt.




Parda chhan atang chuan ka en vang vang a, a hmel ka hmu chiang theilo, mahse ang tih deuh ka nei, ka hre mai bawk silo, a dinna a rei tawh hmel bawk sia, nichin a ka zai te kha a hre vek hrim hrim ang, ka van zak tak aw, a ho emai, ka hmel a hmu chuang lo, parda pawh chu hlim leh duh lo chuan ka kalsawn daih a, in bual tawh tho mahila in bual leh ka ngai ka thlan a chhuak nasa lutuk tlat, ka thawmhnaw thlak na tur te ka la chhuah fel hnuah bathroom ah ka lut nghal.

Cont...

Chapter-1 na hi chu a ngaihnawm thei tak tak lo tih in hriat kha, comment leh click a that thin viau chuan kan regu anga, a that vak loh chuan kan awl ve zeuh zeuh ang...

[Rebec Nunziri]

Chapter-2



Zorinsangi POV



"Prof. Sangzuala class a ni leh dawn a nia, ka van peih lo tak" dawhkan bawh chuan thatchhe zetin ka ti chhuak a, "Awi... a nuam alawm, a chhelo bawk si" ka thianten an tih chuan ka ner nang a, "A nuam thlawt lo, a strict si, nizan ka mu tlem bawk nen ka mut a la chhuak em em zui, a muthilh leh theih dawn silo a" ka ti leh malh malh a, engtinge a class hi tu mai pawh hian nuam an tih theih zawk ni.




Prof. Sangzuala chu a lo lut a, zirlai a explain mawlh mawlh lai chuan ka bu leh lawp thin, ka thut na lam a rawn hawi duh em em mai lehnghal, ka thiante chuan min rawn nghawk leh sawk thin a, ka harh ohah der chuang bawk silo, ka mut a chhuak telh telh emaw tih mai tur a ni, a class te hi a rei thei bik riau in ka hria.




"Lalrinpuia" ti khauh far ri ah chuan ka mit chhing diar diar tawh pawh chu ka meng kawk a, "Engvanga lo muthlu nge i nih, class atang chhuak nghal rawh" a ti leh hmuk a, harh chiang tawh tak ka ni, khawiah nge ka mut chhuah na te kha an lo kal bo hman pawh ka hrelo, kan zavai mai chuan kan ti fak hlawm in ka hre hial.




Bell a rik tak ah chuan Prof. Sangzuala chu a chhuak ta a, "A va hlauhawm ve mawle, ka hmul thi a ding vek thei alawm" Chhani'n a tih chuan ka lo pawm pui khawp mai, keipawh ka mut chhuak zawng zawng chawp leh chilh in a bo nghal vek a nihkha, "Thil ei turin kal ang u" Mary'n a rawn tih takah chuan class atang chuan kan chhuak dial a, ei leh in lamah kan thian ho hi chu kan in lung rual thin khawp mai.




Canteen ah lut in eitur kan chha nghal a, kan lo nghah chhung chuan kan university queen an tih thin Lalhmangaihi chu a thiante nen an rawn lut a, kan pahnih hian kan in mil vak lo, kan thian ho hian buaina neuh neuh kan nei ve reng thin a, a bik in Hmangaihi hian min haw leh zual a tih theih ang.




A ni hi chu a buaithlak a ni tawp, a bialpa hlui hian min star em em a, vawitam min bem tawh, mahse ka lo hnar char char thung, an hausa a, a hmel pawh a chhelo mahse ka duhzawng a nilo ve tawp, Hmangaihi lah hian a bialpa hlui chu zat buai angin min puh a, a rei tawh nen tun thleng in min la huat phah a nih hi, a bialpa hlui ka tih tak nangin tunah chuan an in zui tha leh tawh a, chuti chung pawh chuan tawngkam ngeiawm tak tak in min ṭawngkhum a la bansan chuanglo.




Tunah chuan kan university Mister leh Miss an ni mek a, kan university chhung ah na na na hi chuan an lar dun ve khawp mai, an in hmeh zia tupawn kan hria, mahse an chapo mah mah chu a ni, midangte an hnuai chhiah em em a, keini thian ho erawh in engah mah kan ngai lem lo thung, min rawn ti hmasa te a nih loh chuan engtin mah kan ti ngailo.




"Kha, mi bialpa lo zar buai ching nu pawh kan in hmuh loh na a rei tawh hle mai, i duh angin thil a thleng ta silo a, i la na viau a ni ang maw, I lo dam loh vel a" a tih chuan an thian ho in an nui dar dar a, "Lak nat tur pawh a awm loh chu, chuan i bialpa duhtak nen in lo in zui tha leh tawh tih ka hria a, veng fimkhur deuh tawh la aw" ngeiawm zet a ka tih ve chuan nui tawp hmak in rum zet chuan min en ran a.




"Ka bialpa hi ven that a ngaihna ka hrelo, nangmah zawk kha lo fimkhur tawh ang che, I lo zar buai a, hah.. engkim ka hre vek, nang hian i lo be buai char char thin a nilawm ni, bialpa tur i duh te chuan kawp lai neilo zawng ta che, ka bialpa kher rawn beisei lovin, tunah chuan i chiang viau tawh lo maw, Freddy-a hian engah mah a ngaih loh zia che chu" min ngaihnep hmel zet chuan a ti leh a.




Ka thiante chu an thutna atanga din chhuah mai an tum a, ka mitmei in ka lo khoa nghal vat, keimah zawk chu hmanhmawh lo zetin ka ding chhuak a, canteen a chawl ve dang awm ho chuan min en thup bawm, he hmeichhe hmaah hian tlawm mai mai ka tum lo, dawt in min la puh lehnghal, a thlen ngam chin chin ka thleng ngam tih hi hre rawh se.




"Nanga bialpa cher chhezawr zet kha engah mah ka ngailo tih lo hre ve mai mai la maw, i bialpa Thangzawra anga zawr kha nangman lo pum bilh vek rawh, taka chiang deuhin I lo hrilh dawn nia, min rawn be buai leh a nih chuan a pawi viau tawh ang, chuan i duh duh in min puh tawh lo la, khatianga i rawn tawng danah khan i bialpa thusawi chu awih diak diak suh, free advise a nih chu" mit siai zeuh in ka ti a, a hmai te chu thinrim vangin a sen vek thei hial.




"Oh.. ka sawi hmaih, i bialpa kha ka tih buai ang chuan vawikhat mah tawng tawh lo bawk la, thudik i hriat hunah i zah lutuk loh nan, i bialpa ang te kha duh ni ila chu truck trip 10 pawh ka hmu zo a nia, min lo be tawh lo turin lo hrilh zawk rawh, ka chhang let ngai miah lo chungin zantin min rawn be bawk nen ka tan pawh a hneawm thawkhat viau zawk a nia, bialnu nei reng chunga min rawn be reng te hi a mak zawk, ngw nanghi a lo duh tak tak lo zawk che" ti leh ngat in ka thut naah chuan ka thu thla leh a.




"Zorinsang" thinrim lutuk chuan a ti that a, "Enge?" dam dap in ka lo ti thung, ka nui sang bawk, a tan chuan a huat awm thawkhat viau ang, hetiang mizia nei ho hi chu thinrim duh miah lovin han chhang ila an huat tawk a tling em em mai zel.




"Kan thiannu ai tha ah i in ngai em ni, zaklo lutuk, Hmangaihi te chu Miss a nih hi, nang enge i nih ve?" Hmangaihi thiannu Ramengi chuan a lo ti zat zat a, henu pawh hi Hmangaihi siar, "Enge ka nih maw?...." tiin ka thluk vang vang a, sual tia sawi tur chu ka nilo mahse chhan awm lova min haw ringawt tu tan chuan an huat leh zual a awm dan tur ka thiam viau.




"Zorinsangi mawle, mak thei, kan in hmuh ngun ve tawh nen tunge ka nih pawh lo la hriat loh" tiin ka nui hak a, ka thiante pawh chu an huat tur zetin an lo nui ve bawk, "In thiannu kha Miss a nih vang ngawt in chhuang lutuk duh suh u, Zorini tel ve loh vang mai mai a Miss dinhmun chelh thei a nih kha, tel ve ngat chu nise a ni kha chu engmah a nilo ang" Puipuii chuan a lo ti a.




"Ka thil ei an ti tui lo vek, Lalhmangaihi hmel ka hmuh tawh hi chuan ka luak a chhuak vek zel in ka hria" Chhani chuan a ti hlak a, midang ho chu kan lo nui hak hak hlawm a, "I va hnehsawh tak" Mary chuan min en chungin a lo ti ve bawk, "Bul an rawn tan hmasa a, ngawih mai mai ka tum teuh lo mai" ka ti a.




"Hrim hrim in Freddy-a chuan a lo la ve thin che a mi a?" Feli'n a rawn tih chuan ka bu nghat nghat a, "A mak ve e, tunah phei chuan Lovely-i nen an in zui leh tawh a nia, a duh hlawrh hlawrh khawp che a nih hi" ka ner nang a, "Min duh lo se ka lawm zawk viau ang ka ten a nia, a lerh dan em em te hi" ka ti hlak a.




Ka ti tak tak bawk, min rawn be peih bawk si, ka block ngun tawh chumi chung pawh chuan no. dang atangin min rawn be leh zel tho, rin aiin a beidawng har phian lehnghal, chuan ka thinrim hle bawk, a bialnu bulah keimah ka zar buai thin ang ten a lo sawi tih hriat reng reng, ka hmuh hun hun ah ka chhuah chhal dawn chiang alawm, dawt a min puh vang hrim hrim hian ka ngawi mai mai dawn lo a ni tawp.




Canteen atang kan chhuak a, class vawikhat kan la nei, mahse chumi hma chuan hun kan la neih avangin phul ah chuan kan thu a, "Ka mut a chhuak lutuk, ka muhil lawk dawn a nia aw, ve rik hunah min lo kaitho mai rawh u" tiin mit ka chhing a, thawm bengchheng lutuk tih zia awm nan earphone ka vuah daih bawk.




Min rawn sawi nawk nawk ah chuan ka harh a, "Bell a ti chiah lut vat ang u" Mary'n a ti a, ka muhil reilo khawp mai, minutes 10 vel chiah ka muhil hman, mahse ka mutui em em a, ka zang deuh hawk in ka hria, zan men rei thei lo chi ka nia, nizan kha chu kan thian ho in kan in be rei bawk nen ka muthilh meuh kha chuan dar 2 a pel val val tawh, ka thiante erawh meng rei thang tih takah engtin vak an awm ve lo thung.




Vawin chu ka tlan loh ni a ni bawk nen Mary'n min thlah haw mai a ngaih hmel, kan vai hian scooty kan nei theuh a, kan tlan loh ni ah chuan kan in sawm mai thin, kan subject lak a in ang vek bawk nen a awlsam phian bawk.




Kan scooty dah na lam kan pan lai chuan Freddy-a te thian ho nen kan in tawk a, a mitmeng lerh hmel zetin min en leh ran tawh saw, a bialnu hmuh tur a awm lova, a nghak mek pawh a ni mahna, hmuh peih loh na a laiin ka thiante scooty dahna bulah an thu a, eng ang pawn hmu lo der leh mahila min be leh dawn tho tho tih pawh ka chiang.




"Zorin scooty I ken lo chuan ka lo thlah dawn che a mi?" ka thianten an scooty a lak chhuah lai mek chuan Freddy-a chuan a rawn ti a, "A ngailo ka thiante rual in ka haw ve thei reng" ka lo ti hmak, "Ka lak atang hian in lak hran i tum riau mai, keiman ka va thlah ang che, in pawh i thleng hma zawk ang" a rawn tih leh chuan ka thinte chu an lo ngawi reng a.




"Ka duh lo ka tih tawh kha" tih pah a Mary scooty a chuan ka tum chu thik hriat chhuah thut ka neih avangin ka chawl leh dat a, "Taka, i bialnu hnenah khan enge i sawi chu ka hrelo mahse a tawng dan atang kha chuan kei hian ka be buai thin che angah min ngai a nih hmel, thudik tak lo hrilh ang che, tu in nge min rawn be buai thin zawk chu ka sawi kher ngai lovin i hriat kha, dawt hi ka duh lo, chuan vawikhat pawh min rawn be tawh bawk suh ang che, min rawn be leh a nih chuan a pawi viau ang, min rawn biak na zawng zawng hi midang hmuh turin ka tlangzarh ang" ka ti leh hmak hmak a.




Marh scooty a chuan kai mai tum a ka in her chuan chu kan hnung hla vak lovah Prof. Sangzuala hi a lo ding run a, ka thusawi te kha a hre ohak angem le, Lovely-i te rawn kal phei lai ka hmuh fuh vang khan ka tawng ring lui kher bawk nen, a ho emai duh leh hre mai mai rawh se, engtin mah min ti thei chuang lo.




"I tawng ring bawk sia, Lovely-i te thian ho rawn kal khan an hre phak hrim hrim ang" kan tlan chhuah hnuah Mary chuan a ti zui lang lang a, nui sak chungin "An nghat tur kher in ka tawng kui a nihkha, tikhan kei nilo in a bialpa duh em em keimah zawk min rawn be buai thin tih a hrechiang tawh khawp ang chu, zah na achan a hria a nih chuan min puh dan te avang khan a zak ve chem chem ang chu" ka ti a.




"A zak leh awm chuang lo emai a mizia kan hriatchian kha, chu ai chuan a bialpa nen an in hau mek zawk ang" a tih chuan kan nui aur uar a, sual thiam ve tak chu kan ni, mahse an mahni bul tan hmasak a nia, in thiam lohna tur ka nei lo hrim hrim.




Kan in kat thleng chuan Mary'n min thlah a, rawn lut kawi ve zawk tura ka tih lah in a nu in haw hma tura a hrilh thu sawi in a tlan chhuak lehnghal, vawin chu ka mood a tha khawp mai, nui var var chungin in chhung ah chuan ka lut a, "Nu ka lo haw" ka ti nghal lang lang bawk.




Choka a ka lut a, ka nu chuan eng emaw hi a lo thian fai mawlh mawlh a, "Bawihte, I Nu Marini a rawn kal a, kha a vui khawp mai, Zosanga rawn haw hnuah vawikhat pawh i la tlawh ve lova" a tih chuan "Nia.. nakin ah hman helh hawlh hunah ka tlawh mai ang" ka ti a, a vui pawh chu awm lo ka ti hran lo, an inah ka leng lut ngun ve a, mahse ka kal lohna a rei ve tawh em a ni.




Nu Marini te fapa upa ber hi Zosanga an ti mai a, a hming pum erawh ka hre tawh lo, a hmel pawh chutiang lutuk in ka hrechiang tawh lo bawk, ka hmuh lohna a rei ve tawh em bawk a ni, nupui a nei tawh a, mahse ka awm ve lo, class 12 ka kal lai kha a nia, hostel ah ka awm daih bawk nen ka hmuh hnuhnun na ber pawn class 6 vel ka zir lai kha niin ka hria.




Ka ngaihven loh zawng a ni bawk nen enge a tih thin tih takngial pawh ka hrelo, ka hriat zawng chu a nelawm loh lutuk tihkha a nimai, ka naupan lai pawh khan an in a ka len apiangin a lo awm ve thin a, mahse min be ngai miah lo, midang zawng chuan min be bawrh bawrh thin a, khavang te pawh kha a niang, ka nel loh em em na chhan.




Zanah chuan ka thiante nen kan in be leh a, mahse min en tlat tu an awm in ka nre tkat a nih chu, ka awm pawh a nuam tawh lo, tukverh atang pawn lam ka va en chu nutei te inchung tukverh a mipa thla chu ka va hmu a, mahse ka hmu tih a hriat veleh a awm sawn daih a nihchu.




Tukverh ah chuan ka va dak chhuak a, mahse hmuh tur a awm tawh lo, U Ramnghaka a nilo a, a u zawk U Zosanga kha a rawn dak chhuak ve palh a nih ka ring ringawt, ka hmel ka hmu chiang lo na chungin U Ramnghaka a nilo tih erawh ka chiang viau tho.




Ka thiante hnenah chuan ka mut tawh dawn thu sawi in phone chu ka dah a, ka ham bai bai mai, nizan ah khan ka mu tha lo bawk nen zanin chu mut hma ka duh, naktuk ah ka tuar ve vak palh ang, ka muhil dawn tep tih chuan ka phone a rawn ri a, rum hak chungin ka meng a, "Ka van ning tak, muthilh tep tawh ah tunge le?" ti nuah nuah chungin phone chu ka la kang.




Phone no. hlang a nih vang chuan ka la duh lova, a in ring zawh hnuah lukham hnuai ah ka phone chu dah in ka mu tha leh sauh sauh a, zan lamah hi chuan ka phone hi ka silent ngai lem lo, ka thiante emaw ka chhungte hnen atang pawh in thil pawimawh vangin min rawn be thut thei bawk nen silent loh a tha ber a ka hriat vang a ni.




Hun rei pawh a ral hman lo, ka phone bawk chu a rawn ri leh a, no. ngai atang tho khan a ni, "Hello" thinrim rilru deuh chung chuan ka ti a, "Tunge aw?" ka ti leh a, mahse thawm chu a reh vang vang a, "Tunge a nih le, ka tawng a hre theilo zawk nge?" ka ti leh nuah nuah a, ka nghah fe hnu ah pawh thawm ka hriat tak lovah chuan ka dah ta ringawt a.




Ka muhil hma bawk a, zing ah pawh ka tho hma ve khawp mai, in hnuai a ka chhuk chuan choka ah ka lut tlang a, ka nu leh ka u chu an lo che leh malh malh tawh, "I va tho hma ve vawin chu i nuam lo em ni?" ka nu chuan a lo ti vat a, "Nizan ka muhil hma a" ka ti sep, "Ka lo pui ve ang cheu aw, alu hi ka lo vel ang" ka u in alu vel tur a lo dah chhuah chu chair ah thut thlak pah in ka vel nghal mawlh mawlh a.




Kan erawh ka kang lo thung, ka pa pawh zingkar ah exar la turin a chhuak leh daih tawh, a rawn haw leh tep tawh zawk ang chu, "Bawihte class kal i ngaih kha, ahan in tifai tawh rawh, i thiannu sawm i ngaih kha" ka nu in a tih takah chuan room lamah ka chho a, Mary scooty tlan loh ni a nia, ka lam a ngai ve thung dawn a ni.




In siam sa vek in in hnuai ah chuan ka chhuk a, ka pa pawh a lo haw daih tawh, chaw kan ei leh hnuah keiman thleng ka sil a, in atanga ka chhuah pawh chuan a la tlai chhelo, Mary chuan an in kawt ah min lo nghak reng tawh a, vawin chu a chhelo takzet, "I va tang ve a" ka ti sep a, "Sawlai sawi en teh" min rawn hrilh ti ser ser a.




An thenawm tlangval chu an in kawt ah a lo thu ran a, ka hrethiam nghal mai bawk, an thenawm a tlangval hi a star em em a, tlangval senior lam a ni tawh, mizo mipa ah chuan a chhelo pawl tak chu a ni ve ang, a fel an ti bawk, mahse ka thiannu hi a duh ve em erawh ka hre hauh lo thung.



"Feli te hi an lo la thleng lo a ni maw?" Mary nen chuan kan thiante pathum chu kan lo nghak a, an lo thleng har bik lo, classroom lam kan pan a, Sir Mathana a lo lut dawn, class kan lak lai chuan uluk takin ka ngaithla a, hriat hmaih ka nei ang tih ka hlau hle, in hlei ve thin tho mahila a tan zawk ah hi chuan ka in hlei mang ngailo.




Class hnuhnung ber chu Prof. Sangzuala class a ni a, midang ho chu an phur tawh hlawm hle, kei erawh in ka peiho viau thung, a rawn luh chuan kan lo wish a, a ngai te ang bawk in zirlai a explain leh mawlh mawlh tawh, ka ngaihbel nge chu ka hrelo a, ka thutna lam chu a rawn hawi deuh reng in ka hria.




Nizan ka mut tam tehreng nen ka mutthilh a rawn chhuak leh tan tawh, ka ham bai baiba, in tih harh ka tum ve hle bawk, mahse awmzia a awm lo, khua a lum bawk nen muthilh a awlsam bawk si, ka muthilh chuan min hau ang tih ka hlau bawk si, a class a ni kher kher chu ka ngei takzet, Professor dang te chu nise chuan ka muhil ngam dawn a sin le.




"Zorinsangi" Professor in a rawn tih chuan ka phu zawk a, "Ding rawh" nelawm loh zet chuan a ti chhum nghal hmuk, ka muthlu tih reng reng ka lo hrelo, a class ah hian
mutthuk a phal ngailo hrim hrim, kan hlau hlawm bawk a, tumah kan muthlu ngailo reng bawk, ka din na lam pan chuan a rawn kal a, min hau dawn chiang lutuk, ka lo in hum ruh nghek a, "Engvanga lo muthlu nge i nih?" ka hmaa rawn ding ran pah chuan a ti leh nghut a.




"Professor" ka ti sep, "Engvangin maw i lo mutthluk a?" a tih leh chuan "Nizan ah ka muhil tha lo lutuk a" ka ti ta ngawt a, a hmel pawh en ngam lovin hnuai lam ka bih char char ringawt, "Lehkha I zir tihna nge thil dang vang zawk?" a tih leh chuan "Zir lova mahse..." sawi tur ber hrelo in ka riat kawi kual ta vel mai mai a, a hmel hmu turin ka dak chhuak a, chiang zeta min lo en tih ka hmuh rual rual chuan hnuai lam bawk chu ka bih lehnghal.




"Thu rawh, lo muthlu tawh suh ang che" a tih takah chuan thu rang tak ka ni, "Ka van ngei tak" a kalsawn rual chuan ka ti sap a, "I chawh enge lehkha ka zir i tih ve mai loh" Nuni lah chuan a lo ti hmak a, rum zetin ka melh rawm ringawt, tawng leh ni ngat ila chuan kan in hnial emaw kha a nianga, Professor sawn min hau leh hrep ang tih ka hlau, class a zawh takah chuan ka zi mar ar ar a, "A haw theih ta" ka ti hluai bawk.




Kan scooty dah na lam kan pan lai chuan "Professor hian a duh chiang che" Mary chuan a rawn ti chhuak phawng a, a thusawi awihawm loh zet avang chuan ka lo nui chhuak hak ringawt, "Ka ti tak tak a nia aw" ka nuih vang chuan lawm loh hmel takin a rawn ti leh hlak a, "Thu awihawm loh lutuk sawi suh" ka tih chuan "Keipawn a duh che a nih ka ring, class a lak lai te hian a rawn en leh zuk thin che a, bakah nichin pawh khan a hauh vak miah lo che kha, hmani a Rinpuia a mutthuk kha chuan a chhuah tir nghal hmak kha" Chhani pawh chuan a lo ti ve zat a.




"Thil nilo lo sawi duh u, midang te hian an hre vek ange a, a zahthlak, Professor hian min duh tih ka hriat chuan keimah zawk hian ka bem ang" ka ti hlak hlak a, ka thiante ho chu an lo nui vak vak hlawm a, a awih awm loh ve bawk em a ni, scooty ka lak chhuah lai chuan ka scooty park na bul chuan a car chu ka en a, Prof. Sangzuala ta tih ka hre nghal mai.




Chutah Prof. Sangzuala chu car lam pan chuan a rawn kal a, kan kal hma bawk nen hnunglam daih ah scooty ka park a, gate bulah ka thianten min lo nghak thung, "Vawin ang khan muthlu tawh suh ang che, a leh pek a awm a nihchuan ka hrethiam tawh hauh dawn lo che nia" car a luh hma chuan a ti hram a, ngei tawh sa nen rawn sawi leh kher pawh a tul tawp silo.




"Ka hria a" ka lungawi lohna ti lang chuanglo chuan ka ti sep a, a car a lut mai lova min en reng avang chuan sawi tur dang a la neih ka rin avangin ka che sawn mai bik lova, "I khalh thiam lo em ni, ngatinge i la dun reng?" a ti leh nghut a, ka van ngei tak aw, sawi tur a la neih tung in ka ngaichang a ni reng zawk sia.




"Ka kal dawn" ti sep in ka tlan chhuak nghal, "Hm.. chhelo biua mahse a ngeiawm emai, sual thiam ropui si" tiin ka phun sap sap a, "Tinge i va tum nasa ve, Freddy-a te thian ho i rawn hmu kawi leh em ni?" Mary chuan a lo ti vat a, "Aih, ka mi ngei deuh ka hmuh vangin ka mood a off vek alawm" ka ti hlak.




"Ka lo khalh dawn a mi, i thinrim bawk sia, min accident pui palh ang" a tih chuan ka lo pawm nghal thlap, scooty hi chu ka khalh peih vak lo, min phur peih an awm chhung chuan pawi ka tilo, "Nizan ah no. hlang tawp atangin call ka dawng a, ka chhan lah in thawm engmah ka hre bawk silo, muthilh dawn tawh ah lehnghal, ka thinrim teh mai nia" ka ti a.




"Freddy-a a nilo maw?" a tih chuan a tirah kha chuan ka ring deuh a, mahse Freddy-a nise chuan a ngawi reng lovang, "Freddy-a chu niin ka hrelo, nimin ah ka ṭawngkhum hrep tawh a, min rawn biak ngam pawh ka ring tawh chiah lo" ka tih chuan "A ni ve tho bawk sia, tunge niang le?" a ti ve nuah nuah a.




"An rawn tisual a nih ka ring" ka tih hnuah engmah a sawi zui tawh lo, kan hnunglam ah chuan car a tlan ve zel a, ka hriat sual loh chuan Prof. Sangzuala car ni thal in ka hria, helam ah an awm ve tih reng reng ka hrelo, Mary te veng hi kan veng thlen hma chiah ah a awm a, an in kawt a a din chuan ka hnunglam chu ka en vat a, Prof. Sangzuala a lo ni tak tak.




Min zui emaw ni le, Mary chuan engmah a hre velo a, scooty atang chuan ka chhuk a, Prof. Sangzuala chuan min rawn tlan pel a, hah.. min zui ru emaw ka ti kha a zahthlak lek lek zawk alawm mawle, "Zanah kan in be ho leh dawn nia, chuan Lovely-i chungchang ka hrilh ang cheu ka tia, mahse ka sawi theihnghilh daih, zanah kimchang deuh in ka hrilh dawn cheu nia" an in a a luh hma chuan a ti a, ka lo bu nghat nghat.




"Bawihte i u leh i pa te nen hian chhuah lawk na tur kan ei a, chaw pawh kan ei nghal ang, nangmah in lo awm mai rawh aw" ka nu chuan in ka luh rual rual chuan a lo ti a, "Khawiah nge in kal dawn?" ka lo ti nghal vat, "I pa thianpa te inah kan kal dawn a, chaw ei turin min sawm ngal bawk nen i u te nen thawk ho vek an nia, kan va kal ange" a ti leh mai a.




Keimah chiah ka awm takah chuan chaw pawh chhuk buai lovin noodles ka ei a, ka ei vak ngailo a, mahse ei chak deuh lai ka neih thin avang hian kan kawl reng tho, ka chhungte lah chu rin aiin an rei zek bawk nen lo mut san tawp chi a ka ngaih loh avangin tv en chungin ka chhungte lo haw hun chu ka lo nghak ran a.




Chutih lai chuan doorbell a rawn ri a, ka chhungte an nih tawh ngei ka ring, kawngka ka hawng a, mahse ka mi beisei loh lutuk ka hmuh avang chuan ka meng kawk a, enge hetah a rawn tih dawn?..

Cont...

A la ngaihnawm thei tak tak lo a ni e.. Comment leh click te kha min han pek sak leh liam liam ula ka regu a nimai, chuan like pawh kha aw...

[Rebec Nunziri]

Chapter-3



Zorinsangi POV



"Enge i rawn tih dawn a?" lawm lo zet chuan ka ti hmak a, "Min luh tir phawt dawn lo a mi?" a tawng dan leh a hmel ah pawh chuan a tui tih hai rual a nilo, "Luh tir dawn lo, haw leh zawk rawh, i rui lehnghal, ka nu te rawn haw hma in haw leh vat zawk rawh" ka ti leh mawlh mawlh a, "I chhungte an awm lo amaw, ka lo kal fuh zawk khawp mai" a la ti ta deuh deuh.




"Enge i hriat a, chhuak vat rawh" min rawn nek sawn in in chhung an chuan zam hauh lovin a rawn pen lut a, "Freddy, tha taka ka sawi lai hian chhuak zawk rawh, chuti lo chu midang ka pun mai ang" thinrim tak chuan ka ti leh a, heta a rawn kal pawh lawm tawh loh tehreng nen ka phal lo chung kan in chhung a a rawn luh avang chuan ka thinrim na a zual sauh.




"I duh duh chu ko rawh, ka rawn leng ve mai mai a nih hi, buai na ka siam dawn pawh nilo" tiin thutthleng ah chuan a thu thla a, ka ngei hluah hluah, "Ka phal lo chung kan in chhung ah i rawn lut a, ka chhung ten an hmuh che chuan a pawi viau ang, chuvang chuan chhuak leh vat zawk rawh" ka ti leh hmak hmak a.




"Tumah ka hlau hleinem" ka thusawi ngaih hoh hmel zet chuan a ti leh a, "Freddy haw rawh, ka thian pawh i nilo a, tui chungin kan in chhung ah i rawn lut lehnghal" ka thinrim tawh lutuk chu ka aw pawh a zawi hleithei tawh lo.




"Engpawh chu nise in in nei nuam hle mai, rawn la len luh fo tur a nih hi" a ti leh ham ham a, tawng leh ka tum lai tak chuan doorbell a awm ri leh a, ka thaw deuh huai mai, kawngka lam chu rang zetin ka pan a, ka hawn nak chuan ka chhungte nilo in U Ramnghaka zawk a lo ni.




Ka lama zia chu ka chhungte hmuh ai chuan U Ramnghaka lo kal hi ka lawm daih zawk, "Nangmah chauh in em ni i awm a?" ti sup in a rawn lut a, "Ka chhungte an chhuak a" ka ti sep, sitting room lama a va kal chuan Freddy-a lo thu run chu a va hmu a, "I thianpa em ni?" a ti sup, "Nilo" ka ti hmak a, ka hmel ah chuan thil awmdan a hrethiam nghal tih pawh ka hre mai.




U Ramnghaka chuan Freddy-a chu a en ngur a, "Tunge i nih?" a tih chuan Freddy-a pawh chu a hma ang khan a thawveng tawh lo, "Zorini nen hian university kan kal ho a, ka rawn leng lut mai mai a nih hi" a tih chuan ka lo ner nak a, "Kha zu i rui lehnghal a, in la naupang a zu in hi a ṭhalo a nia, haw tawh rawh, lehkha te va zir la" Freddy-a chuan a hnial tawh lo chiang hle.




"I bialpa ve deuh em ni?" U Ramnghaka chuan a ti a, "Teuh lo mai, ka ngei a nia" uar zet a ka lo tih chuan a nuih a zat hmel hle, "Enge i rawn tih dawn a, i bialnu te inah i leng nange?" ka tih ve chuan "Ka kal dawn chiah a, ka lo lut kawi lawk a nih hi" a tih chuan ka lawm zia chu, rawn lut kawi lo nise chu Freddy-a nen khan kan in hnial hrep ka ring, a rui lehnghal a, thil pawi zawk pawh a thleng lovang tih a sawi theih loh.




"Anih ka kal dawn, ka tlai lutuk palh ang" a tih takah chuan "Nia va kal rawh, a lo nghakhlel ve tawh viau maithei che a sin" tiin ka chhaih a, "Nghal viau thin suh" ti hluk in a chhuak nghal nal nal a, ka la nui hak hak mai, a ni hi chu chhaih a nuam ve hrim hrim.




Ka nu te pawh chu an rawn haw har lo, sitting room ah chuan thu in tv kan en a, "Bawihte, tunlai chu lehkha i zir ngailo riau in ka hria" ka pa in a tih chuan hmui ka pet zeuh a, ka that chhiat a chhuak a, lehkha zir lam hi ka ngaihtuah naah a awm vak lo ve hrim hrim.




"Lehkha zir reng te chu a ninawm ve alawm, keipawh university ka kal lai khan karkhat chuang te lehkha ka zut lo tawp tawp zel" ka u chuan a lo ti ve vat a, ka lawm zia chu, ka u hi chuan min duat bawk a, min lo chhan vat zel hrim hrim, "Naktuk zan atangin ka zir tan ang" ka tih chuan ka pa pawh chu a nui ringawt.




Dar 10 a rik takah chuan kan room ah theuh kan lut ta a, ka nu te room hi in hnuai lamah a awm a, in chungah ka u nen kan room a awm thung, ka u nen a kan room in kar ah hian mikhual room a awm bawk a, tlem in a te deuh bawk.




Class ka kal atang pawh karhnih lai a liam leh tawh, Lovely-i te thian ho nen chuan kan la in hmu thiam hleithei lo, kan in hmuh fuh tawh hi chuan kan in khak deuh fak zel, chupawh an mahni bul tan hmasa zawk a ni ziah lehnghal, keini thian ho lah ngawi ta nge kan ti bik chuang hleinem lova, a bialpa duh tak hi kan inah hian ka phal lo chung a rawn lut tawh tih te hi hria se chuan a thinrim leh viau ang chu, a bialpa dem ngam miah lovin keimah bak min dem leh dawn lo tih pawh ka chiang.




"Tun kum chu Miss an thlan na tur ah tel ve ngwi ngei tawh ang che" ka thiante chuan an ti a, "Ka duh teuh lo mai, ka tui na lam a nilo, bakah ka in ti mualpho mai mai" ka ti hmak a, Miss a rel tur hian min ti ve ziah a, ka zei loh zia an hre ve tho awm sia.




"I rel ve ngei ngei tawh tur a ni, kan Lovely-i te thian ho vang tal pawh hian" Chhani chuan a ti a, "Ka peih lo, a ho emai" ka ti leh hmak a, tel ka tum lo lutuk hi sawi ngaina pawh a awm lo zawk, "I mak ve e, tel ve mai mai la, i pian lah a chhe lova i pian hi nei ni ngat ila chu ka tel ang mawle" Mary'n a tih chuan ka nui hak a.




"I pian leh ka pian hi kan in thleng mai dawn mi?" nui hak hak chung a a tih chuan an nui ve leh hak hak tho, break lai a ni a, phul ah kan thu mai mai, kan bengchheng leh hle tawh, ka sawi tawh kha kan thian ho a kan awm khawm naah tawh hrim hrim hi chuan thawm a reh ngailo ka tih tawh kha.




Kan thian ho a kan lo titi mawlh mawlh lai chuan kan Lovely-i te thian ho chu an rawn kal a, phul a thu kan ni bawk nen kan en chho haw mai, "Zorini chu Miss ah rel ve i tum em lovang chu maw, i hriat angin Miss em a han tel tur chuan i tling lo tih chu" nui sak sak chungin Lovely-i chuan a rawn ti a, ka thiante ho chu an thu nghal at a, keipawh chuti tho.




Lovely-i hma zawn ah chuan ka ding a, hnai zet a en ran chungin ka nui sak, "Enge ka tlin loh na chu han sawi la, oh.. university chhung ah kher kher hi chuan nang ai engkim a ka that zawk zia chu tupawn an hria ang chu, nang ngei pawh hian i hai lo, chumi vang a nilawm ni min er em em reng?" ka thiante chu ngeiawm zetin an lo nui deuh hak a.




"Hah.. nanghi ka er ang che maw, nang hian engah nge min tluk a, min tluk tak tak nila chuan Miss ka nihna dinhmun hi nang hian i luah zawk ang chu, mahse enge thleng hi keimah zawk Miss ka ni chu a nih hi" a tih chuan chal ti chuar nang in lu ka thing na na a.




"Tinge maw i hriatthiam miah loh le, Miss i nih theih na chhan hi ka tel loh vang mai mai a nih hi, tel ni ngat ila chu Miss i nih i in ring em ni, pian ah lah nise chhuan tur em em i nei silo" ka tih chuan a thinrim hmel hle, chuan Miss ah chuan ka tel ngei bawk ang, nachin a a rawn tawng dan kher kher khan ka ngeng ah a chhun tlat.




"Hm.. Miss ah chuan ka tel ngei dawn alawm, hun reilote liam taah kha chuan rel tumna pakhat mah ka neilo a, mahse nang hian phur na thar min pe tlat" nui hak chung chuan ka ti leh a, "I duh ang chuan engmah a thleng lo tawp ang" ti hmak in an thian ho chuan an kalsawn nal nal a, engah mah ka ngailo e.




"I rel tak tak dawn a mi?" ka thinte lah chuan phur zetin an lo ti a, "Tehreng mai, ka tel a hlauh dan ka hmuh khan ka tel chak riau" tiin ka nui sak a, "A tha, khakha Zorinsangi diktak a nihkha" kan nui ta vak vak a, bell a rik avang chuan kan bag te chu ak tha in classroom lamah kan in zui phei leh nak nak hlawm a.




Zosangzuala POV




He hmeichhia hi ka tan eng chiah nge maw a nih hrep le, ka ngaihtuah na atang lah a chhuak duh hauh silo, ka nun a chawk buai vek, a hmel ka hmuh hmasak ber atang ka ngaihtuah na a chhuah san thei reng reng lo, min ti buai takzet a ni, ka tan eng chiah nge a nih tih chu ka la hre chhuak khawp ang, hmeichhia hetiang taka ka mit la tu hi an la awm lo, ka nupui ngei pawh khan hetiang tak hian ka ngaihtuah na a la luah khat ngailo.




An thian ho a an in zui dal dal lai te hi ka thlir leh veng veng zel, an thian ho zingah chuan a langsar fal nalh bawk, hmeichhe te chhe zawk zawk a nilo, a pian pawh nalh tak a ni, a awm bawr leh mawng bawr pawh a tawk lek in a khal nalh a, a kawng fek rat te khan min hip hluah hluah, a ni hian min theihnghilh tawh tak tak tihna em ni?.. Hah ka ring hauh lo, karhnih lai he University ah hian ka thawk ve tawh, chuan saw hmeichhia saw ka hmuh tirh khan tunge a nih ka hre nghal, kum tamtak ral tawh mahse a hmel kha a la danglam hauh lo.




An thenawm lawk ah kan awm a, chuti chung chuan kan inah vawikhat te mah a la rawn lang lo, keilah in lamah ka awm tlem si a, chuvanga la in hmu fuh lo pawh chu kan ni, a chhungte erawh an rawn leng lut fo a, kan in pawh bawk a, an fanu ber hi chu a in duh thiam kan ti dawn nge rawn len luh a tum hauh lo, Mizoram a ka let tirh khan a damlo tih ka hria a, ka buai em avangin ka kan hman ta lo kha a nia.




A naupan lai chuan kan inah a rawn leng lut fo a, kei aiin kum 10 chuang fe in a naupang bawk, kan in kha a in ang mai in a rawn ngai thin, phai lamah lehkha zir a ka awm tam zawk avangin min nel lutuk ngailo, ka haw ve zeuh zeuh a, a khat tawk chuan kan in hmu ve thin, middle section a kal tan tirh khan hostel ah a awm a, khata tang phei kha chuan kan in hmu ta ngai miah lo kha a nia, nupui ka neih tak avangin Mizoram lamah ka haw ngailo bawk, naupang mai a nih vang khan ka en liam mai mai zel a, hetiang tak hian ka ngaihtuah na a luah ang tih ka ring pha ngailo.




Class ka lak lai lahin a mah ringawt chu ka en thin a, ka ngaihtuah na pawh ka thunun zo ngai meuh lo, Miss leh Mister thlan na kan university in kan ei dawn a, a hming ka hmu tel ve hlauh bawk, a pian a nalh a, a hmeltha bawk nen Miss a nih theih ngei pawh ka ring.




Chhuana lah chu a nupui dam loh avangin hna a chawl a, a class chu keimah ka kal sak mai a, mahse pawi ka tih loh zawng tak a ni, a chhan chu naupangtei ka hmuh theih phah tlat, in lamah lah room tukverh atangin a room chu ka en leh vung vung thin a, parda a zat tlat zel avang erawh in a awmdan chiang takin ka hmu thei ngailo thung.




Naupangtei te class pek ka ngaih avang chuan phur ru rak chungin an classroom lamah chuan ka kal a, mahse classroom ah kan lut a, ka thil hmuh avang erawh chuan ka thinrim nghal tun thei, tih lan lah a rem teh teuh bawk silo, naupangtei leh mipa pakhat tunge a hming ka hre lo, ngo veng mai nen hian an thu dun a, nidang ah chuan a thiante bulah a thu ziah thin si a.




Ka en leh zeuh thin a, a thut pui pa nen chuan an in be ru tih hriat takin a nui leh sen sen thin a, a hmeltha in a duhawm thin hrep lehnghal, "Zorinsangi" ka koh thut avang chuan a ding nghal zawt a, a awm dan chuan ka nuih chu a za khawp mai, mahse ka hmel ah engmah ka ti lang lo thung, zam hmel zet chuan min en ran a.




"Engvanga tawng nge i nih, a hma ber ah hian rawn thu rawh" ka ti chang fak a, a lehkhabu chu la in thutna hma lamah chuan a rawn kal hnai a, a lungawi loh hmel viau bawk, ka hmazawn ah tak chuan a rawn thu a, a hmel ka hmu chiang thei ta bawk a, mipa bulah a thu tawh lo bawk nen tikha chuan a zia deuh e.




Class ka lak zawh chuan an ban tawh dawn avangin an chhuak sap sap a, "Zorin ka office ah min rawn hmu lawk ang che" an thian ho a an chhuak tur chu ko ding in ka ti a, hriatthiam loh hmel zet a min en na chu haider lui hmiah in ka chhuak nghal daih bawk.




Engvanga min hmu tura ti kha ka nih pawh ka hrelo, mahse ka sawi tawh laklawh tlat, ka chair ah chuan thu in a lo luh hun chu ka lo chang ran a, "Professor ka lo lut thei angem?" hmeichhe aw ka hriat takah chuan nui suk in ka thu tha a, "Lo lut rawh" ka ti nghut, office chhung a a awm lut lai chu chik zetin ka lo en a, ka hmaa a rawn din pawh chuan engmah sawi lovin ka lo la en reng.




"Professor enge min hmuh duh chhan?" engmah ka sawi tak mai loh vang chuan a rawn ti leh a, "Tunlai lehkha i zir tha lo em ni?" ka ti hmuk, dur khui chuan melh nghal a, an department ah chuan a thiam thei ber pawl a ni a, tun hnai hian a tla chhe sawt tiau tih ka hre bawk nen chuchu chhuanlam ah ka hmang a ni.




"Ih.. englo a nia, kan chhungkua kan buai lutuk a, lehkha zir na hun pawh ka neilo a" an chhungkua an buai loh zia hrechiang ber tu te zing a mi ka ni tih hi a hre hauh silo, a chhuanlam siam vang chuan ka nui suk a, mak tih hmel zetin min en haw a, "Dawt I sawi lo amaw?" ka ti leh hram, a bu nghauh nghauh a, ka rin nghal nghut.




"Tawngka in min chhang rawh" ka ti leh hluk a, "Aw.." a ti leh vat, "Awle, I kal thei ang, lehkha zir tha tawh la" ka ti ta sup a, ka office atang a chhuah hnu chuan chair chu ngheh in ka thu awn duai a, ka nupui tih lova ka hmeichhe ngaihsak leh hmasa ber a ni a, ka tan eng chiah nge a nih ka hriat chhuah hma chu ka hlat ah ka kaltir ngai lovang.




Keipawh chu tihtur em em ka nei tawh lo bawk nen office atang chhuah tum chuan ka in tin tuah a, mahse chutih lai chuan ka phone a rawn ri a, Rinawmi a lo ni, "Enge?" ka ti hmuk a, "Khawiah nge ka awm i rin, Mizoram ka lo thleng tawh asin" phur zet a a rawn tih chuan ka chhang lo, "Zaninah in hmu ila" a rawn tih leh chuan "I chau ang, nidang ah ni zawk rawh se" ka ti leh nghut a.




"Ti teh, ka chau lo, ka ngai viau tawh che a nia" a rawn tih leh nar nar takah chuan hnial tum na ka nei tawh bik lo, kan in hmuh na tur hmun te chu kan in hrilh fel hnuah phoen chu ka dah a, office atang chuan chhuak in motor dah na lam ka pan nghal.




Chhuah na tur ka neih avangin chaw ei khan ah chuan ka in siam a, ka nu hnenah ka haw hma vak dawn loh thu ka sawi hnuah in atang chuan ka chhuak a, ka car ah chuan chuang in ka in khalh chhuak nghal, Rinawmi nen kan in hmuh na tur bar lam chu ka pan nghal a, a hmun ka thlen chuan ka thaw deuh hrawk, hetiang bar lian hi Mizoram ah a awm tih ka hre ngai hauh lo bawk, an hawn na a la rei lo pawh a ni mahna.




A chhung a ka luh chuan an tam ngang mai, Rinpuii chu kil khat ah a lo thu a, min hmuh chuan ka lam pan in a rawn kal vat, min rawn kuah nghal a, ka lo dang lem lo, a thut na lamah chuan kan in zui phei a, ka bul chet ah chuan rawn thu in ka mal te chu a chul nghal dan dan a, "In tur in phawt ang aw, chuan room pawh a awm a, nakin ah kan kal dawn nia" ka bang bulah chuan a rawn phun sap sap a.




Zi chu thli in min rawn pe a, nui suk chungin ka lo ban ve nghal mai bawk, zu chu ka in a, Rinawmi chu a kai tawh tih hriat takin min zut deuh huam huam tawh a, ka dang lem lo, kit khat a lo in fawp ngawng ngawng lah bo lo, chuvang chuan zah vak na tur a awm in ka hre bik lo.




"Karhnih lai kan in hmu lo a nia, ka ngaih zia che chu" ti sap sap in ka beng te chu a rawn fawp kual a, ka mal a zut tak reng ah phei chuan Bawiha chuan a lo hre rang ngang mai, chuchu Rinawmi chuan a hriat hmaih hauh lo bawk, kan in hriat na a rei tawh mai piah lamah vawitam hun kan hmang dun tawh bawk a, ka taksa danglam chu hrechiang tawh tur a ni reng a ni.




Keipawh chuan ka mamawh ve takzet tawh bawk, a khabe ah chuan kuia dak in a hmui ah chuan ka fawp ngawng ngawng a, duhthawh zetin min lo fawp leh ve tawn tawn bawk, ka malchung ah chuan rawn thu in kei ai maha duhthawh chuan min fawp a, ka nui suk, he hmeichhia hi chuan engtik lai pawh in mipa a mamawh reng a nih hi.




"Heta awm khawmuang reng lo hian room lamah kal tawh zawk ila" Rinawmi bawk chuan a ti leh a, "A tha alawm" ka tih takah chuan phur zetin a tho chhuak a, ka ding ve vat, kan kalsawn tur ka hawi kual chu kilkhat a naupangtei leh a thiante thu chu ka va hmu fuh hloh a, a ni pawh chuan min lo en ve kar bawk, a thiante erawh chuan min hmu ve lem lo thung.




"Tinge thil diklo a awm em ni?" Rinawmi chuan ka ding tak chut ah chuan mak tih hmel min rawn en a, lu ka thing nghut, chutih rual in naupangtei ka hmuh la la khan ka chak na te pawh chawp leh chilh in a bo duak bawk, "Duhtak room ah chuan kal ila" Rinawmi bawk chuan a rawn ti leh a.




Ka chhan hma chuan naupangtei te thut na lam chu ka be en leh a, min en tawh lovin a thian te nen chuan an lo titi daih a, min hmu ang pawn a awm lo, chumi chuan min ti lungawi lo ve ngawt a nih chu, hrep hian a, Rinawmi chu en in "Kal ang" ka ti nghut a, keimah zawk chu ka kal nghal zat bawk.





Room ah chuan kan lut a, dim lo zetin khum ah chuan Rinawmi chu ka mut tir a, ka bawh bet nghal hmak bawk, a hmui ah chuan ka fawp buan buan a, ka duhthawh viau bawk, mahse ka ngaihtuah naah chuan naupangtei chiah chu a awm, enge khatiang hmunah khan a tih ve, chuan nichin khan a thiante mai bakah mipa te pawh an awm tel ve tih ka hmuh hmaih hauh lo bawk.




Ka ngaihtuah na chu tih reh tum in Rinawmi taksa chu ka zut kual ruai a, a kawr chu dim lo zeta phelh sak in a panty leh bar erawh amah in a phelh thing, ka hmui ah chuan hmeichhe chhelo tak mai rual ngal ngat in a mu a, mahse ka ngaituah naah erawh hmeichhe dang daih a awm bawk si, enge maw ka hriat teh hrep ni.




Rinawmi hnute chu ka tham bawrh bawrh a, a na hial maithei, mahse chutiang ka ngai pawimawh lo, duhthawh zet a ka chet hian nuam a ti thin zawk miau, a taksa duk thlek thuak a ka siam pawh hian a lawm ah a tla zawk thin, vawitam hun hmang dun tawh mahila kan in kar ah engmah a awm ngai dawn loh thu chiang takin ka hrilh thin a, min hnial ngailo.




Ka duh ang anga ka khawih theih avang hian ka ngainep hauh lo, mahse in ngaihzawn na kan in kar ah a awm ngai dawn lo tih ka sawi chung pawh a min la hnaih duh erawh mak ka ti, hmeichhe chhelo tak a ni a, kei ai tha pawh a hmu zo dawn tih ka hria, mahse min kalsan duh chiang miah lo.




Vawi engzah chiah nge kan mutdun tawn ka hrelo, kan mutdun apiangin in ven na erawh ka hman theihnghilh ngailo thung, ka fa a pai a nih chuan thil pawi zawk a thleng thei tlat, vawikhat ka ti sual tawh a, tih sual nawn leh ka tum tawh hauh lo bawk, "Duhtak min nghah tir reng dawn em ni?" aw khur dar dar chunga a rawn tih chuan ka nui suk a.




"Nghak rawh" ti nghut in a hmeichhiat na chu ka nuai lehnghal nawk nawk a, a eu awrh rual chuan a tai zawn ah ka kut pakhat zawk hi ka dah a, a nuam ti lutuk tal leh nak nak thin chu hmuhnawm ti zetin ka en ran, a tai zawn a ka kut dah chu la sawn in a hmui chu ka hup leh a, aw a chhuah thei silo meng tal kual vel te chu hmuh a nuam takzet.




A vawrtawp a thleng tih hriat takin a taksa chu a rawn khur ta dar dar a, chu veleh a hmui ka hup na chu la sawn in hnai zet ah ka en ngur a, a thaw hawlh hawlh a, "Min nghah tir tawh suh, i mipatna kha ka mamawh takzet tawh a nia" a ti sap sap a, ka nui leh suk, ka mipatna na chu ka hum a, a taksa nem lai ah chuan ka nawr kual nghal nak nak.




A mitmeng si sap mai ka en chuan thil tul lo lutuk chu ka ngaituah chhuak leh a, chumi avang chuan ka tawp chawt, naupangtei kha hetiang chiah hian awm pui ila, chakna a khat mitmeng a min en dan tur te ka suangtuah rual chuan ka taksa lum lai chu a vawt sung sung a, hrep hian a, engtinge tul lo nge maw ka ngaihtuah hrep hi le.




"Thil diklo a awm em ni?" ka che lai ka tawp avang chuan hrethiam lo zetin min rawn melh chho kar a, ka tio chhuak nghal nulh, ka awm dan avang chuan Rinawmi chuan mak tih hmel zetin min en reng a, "Enge awmzia?" a ti sup, meizial chu ka pak khu hlat hlat a, ka thawmhnaw ka la phelh ve lo bawk.




Khum atang chuan a rawn tho chhuak a, a saruak na zah pui lo tih hriat tak chuan
in rawn pan hnai a, "I awmdan hi a danglam riau in ka hria" a tih chuan ka rum nghut a, "Zanin chu a mood ah ka cheng lo" ka tih chuan a ui ro halh a, "Khati zawng kha maw?" awih loh hmel zet chuan a rawn ti leh a, "Aw.. ka chua, nangpawh i chau ang, hahchawl zawk rawh" ka ti leh a.




"Enga, ka chau lo, ka mamawh che ka tihkha" tia min rawn fawh leh mai a tum chu ka lo dang vat a, "Ka sawi tawh kha ka chau, ka kal dawn, motor i rawn keng tho bawk a, nangmah in i haw mai dawn nia" tiin room atang chuan ka chhuah san a, min rawn au zui lawm lawm na pawh chu ka ngaihsak tawh lem lo.




Bar pawn a ka chhuak chiah tih chuan naupangtei kha ka va hmu a, a lam pan chuan ka kal vat, mahse chutih lai chuan mipa pakhat hian a rawn bia a, an in haw lo tih hriat takin an nui dun hak hak a, an thiante chu hmuh tur an awm tawh lo thung, mipa bike hnung ah chuan naupangtei chu a lawn a, ka din na ngai a ding chung chuan an tlan liam lai chu ka en zui reng, an lan theih tawh loh chin ah chuan ka in hum ruh hle tih ka hre ve chiah, thinur ri tun in ka motor ah chuan ka thu lut a, chak zetin ka tlan chhuak ve nghal.

Cont...

Click leh comment a that loh chuan naktuk zanah ka awl dawn aw, chuan Fb lama post kha min la like sak lo te kha min lo like sak ve upa aw...

[Rebec Nunziri]

Chapter-4



Zorinsangi POV

A HNUAIA NOTE HI CHHIAR HRAM HRAM THIN ANG U AW...

Zanin chu ka peih lo chung bar ah ka thianten min kal pui a, ka hnial ve tak nangin Feli bialpa birthday a nih piah lamah a bialpa te nen pawh hian kan in nel em avanga kal ve ka ni, party tih vel hi kan thiam ho hian kan ngaina teh chiam lova, kal pawh kan kal ngailo, kan vawikhat kal na vek a ni a, Feli bialpa hi Hlima a ni a, hetiang hmun ah hian an kal ngai bik lo, engvanga heta kal kher kher duh nge ka zawh lah in hriat ve reng reng atan a ti duh lek chauh.




Feli bialpa te hi panga ve tho an ni a, kan in daih chiah avangin kan scooty pawh keng lovin mipa te chuan min hruai a, keipawh Msa nen kan kal dun, am thiam zingah a ni hi a puitling ber a, a thian te kai hruai tu ber pawh a ni, chutih rual in a nawi ve em em tho a, a bula awm tawh chuan rilru hah na te hi a kiang duak duak zel.




Mi lah chu an tam em em lehnghal, zantin an hawng a, kal pawh an thahnem thin viau in ka ring, an peih ka ti takzet, keichu tun bak hi kal nawn ka tum tawh lo bur, mahse thian ho a kal kan ni bawk nen nuamlo chu ka ti over biklo, kan mipa te pawh in zu an in ngailo a, mahse beer erawh an dawm ve far mai, Msa bawk chu ka en leh thin a, min phur haw dawn bawk nen a in tam ang tih chu ka hlau takzet.




"Helai hmunah kan kal ta sa sa va lam ve ila" Hlima'n a tih chuan kan lo hnial rang hlawm hle, "Hetia thut mai mai te chu a nuam lo e" a ti leh nui nui a, "Enge heta kal I tih tehreng ni, in nupa khan va lam rawh u" Mary'n a lo tih chuan "Ka lam aw kawng lovang" Feli chuan uar zetin a lo ti a, kan nui uar uar hlawm a, kan thian ho hi lam thiam kan awm lo, a bil takin Feli hi tih ngaihna a awm lo lehzual.




Chutia kan lo titi mai mai lai chuan kan hmaah mipa rual hi an rawn ding a, tute nge an nih kan hriat miau loh avangin hmeichhe ho chu kan lo haw a heu lawm mai, "Helai hmunah te in rawn kal ve a nimaw?" pakhat chuan a ti a, a nui sawng mai bawk nen ka hlauh chi tak, "Buaina kan duh lo, kalsawn vat zawk rawh u" Msa'n a tih hmuk chuan an in ngeih vak lo tih ka hrethiam ve nghal mai.




"Hmeichhia in hruai vang hian maw?" pakhat chuan a ti leh a, chutah kan mipa te chu ka ding ta thuai mai, hlauthawng zetin kan thian ho chu kan lo in melh kual a, kal ve dang te lah chu an mahni buai buai in an buai a, a then an lam bawk, keini lam chu min buaipui hmel teh chiam loh, "Hlima thu rawh u, buaina a chhuak ange" Feli chuan zawi te in a ti sep a, "Pawn lamah zawk le, helai hmunah chuan mi an tam emai" an zing a pakhat in a tih leh chuan hlauthawng tawh tak ka ni.




"Haw tawh zawk ang u" ka ti sep a, Msa chuan min rawn en in "Kan va sawi vek lawk ange, lo hlauthawng lo ula, engmah a thleng dawn lo" a ti a, a thiante chu mit mei in an in zui chhuak ta dial a, "Kha more kha tu te nge a?" Chhani chuan a ti sap a, "Hlima min hrilh dan chuan an thian ho khan Hlima te hi an hua a, an in hmuh tawh chuan an in cho ar reng mai, aaa.. ka hrechiang bik chuang lova, an zinga pakhat bialnu khan Msa hi a lo duh a niawm a, chumi atang chiah chuan an in haw ta em em mai ni" Feli chuan a ti sap sap a.




"Buaina a chhuak ange, keichu ka hlau e, hetah kan lo kal kher kher chu a pawi e" Puipuii chuan a ti a, keipawh ka ngaihdan chiah a ni, "Hlau suh u, Hlima te thian ho khan an chingfel vek mai ang, kha mite pawh kha a langah an in la pa a, in sual tak tak erawh an ngam lo, an thaw pawr ve mai mai a nihkha" Feli'n a tih leh takah chuan tlem in awm a nuam ta deuh.




Chutia kan mipa kapui te kan lo nghak reng lai chuan ka hawi kual a, kil khat a Prof. Sangzuala leh hmeichhia te lo in fawp ngawr ngawr ka hmuh chuan mak ti lutuk in ka mawng phawk vak a, ka thiante chu ka en a, an hmu ve awm pawh in an awm lo, engvanga an hmuh ve chu hlau em em nge ka nih lah ka hre der lo bawk.




Ka va en leh thin a, mak takin an lam chu ka hawi lo thei tlat lo a nihchu, ka en reng lai chuan Prof. Sangzuala chuan min rawn hmu ta mai, rang lutuk in ka hawi sawi nghal, ka awm pawh a nuam tawh lo, ka va en leh zawk thin a, min lo la en ve reng tih ka hmuh phei chuan helai hmun atanga tlan chhuah daih mai chu ka duh rum rum tawh.




A hmeichhia lah khan a mal vel ah a zut huam huam bawk si, a bialnu a nih ngei ka ring, mahse khatiang em em a langsar an awm ngam kha mak ka ti, ka ten hluah hluah a ni tawp, ka va en leh zawk a, room lama an lut lai ka hmuh leh chuan ka ner ta sak a, enge an tih dawn tih chu mi a nilo tan chuan hriat hmaih chu a nilo.




Kan mipa te pawh chu an rawn let har lem lo, haw kan lo rawt vat a, an pawm ve mai, pawm lamah chuan kan in zui chhuak a, Feli leh Hlima te chuan kal kawi na tur an la neih avangin an chhuak hmasa a, midang te pawh chu an in phur haw ta sap sap hlawm a, Msa ber lah chuan washroom hman lawk a ngaih thu sawi in inchhung ah a lut leh a, lut ve kher lovin a bike dah na bulah chuan ka lo nghak.




"Huiham, tunlai chu ka zun kawng a tha lo a niang, zun a chhuah tawh chuan in sum a har lutuk a" a tih chuan ka nui hak a, bike a lawn hnuah ka chuang ve nghal, haw kawng ah chuan Prof. Sangzuala leh hmeichhe pakhat ka hmuh dun dan ringawt kha ka mitthla ah a la awm zui, atthlak lutuk.




"Nichin khan enge thleng a?" ka ngaihtuah na tih reh tum chuan Msa chu ka be ta daih a, "Engmah kan in bia a chuzawng chu" a ti tawp a, "An ni nen khan in huat na deuh in nei em ni?" zawhna chu ka zawh belh zel, "Nei hran love, an mahni khan min ngeih lo deuh a, chumai mai chu" a ti leh mai a, ka bu nghauh nghauh ringawt, Feli khan thil awmzia te min hrilh ve vek tawh a, zawh chuan tumna pawh ka neilo, bakah an thiam ho buai na a nia ka hriat ve vek kher a ngai pawn ka hrelo.




Kan in kawt thleng chuan min thlah a, "Naktuk ah ka lo lam leh ang che aw" ka kalsawn hma chuan a ti a, ka scooty a chhia a, mahse Mary'n min rawn lam theih tho ka rin vangin ka lo hnial a, "Ka tan a awlsam zawk alawm, in veng ka rawn tlan pel dawn tho a, Mary tan a buaithlak zawk" a tih leh takah chuan ka in ngaihtuah a, Mary tan pawh a awlsam zawk ang.




"Awle, ka lo nghak dawn che nia, chuan fimkhur deuhin khalh rawh aw, accident a tam em hi, tlan chak over miah suh" ka ti zui a, nui suk in a helmet chu a khum tha a, "Yes Boss, lut tawh rawh, ka lo en liam ang che" a tih chuan, "Nangmah zawk kha tlan chhuak hmasa rawh, ka tan chuan a awlsam tawh alawm" lo a thing nghut a, "Hmeichhia I nihkha, ka hnuai chhuah che i ni bawk sia, ka tlan liam hnuah buai na te tawk la ka mawhphurh vek a ni dawn asin" a tih leh takah chuan nui chungin ka mangtha leh a, in lamah chuna ka lut zui nghal.




A tuk ah chuan class kal tur bawk in ka in siam a, Msa'n min rawn lam dawn bawk nen ka hmanhmawh rilru viau bawk, "Bawihte i scooty a tha silo a, Mary'n a rawn lam leh mai dawn che mi?" ka nu in chaw ei lai chuan a ti a, "Aih, ka thianpa in min lo lam dawn" tiin chaw ka bar leh a, ka u lah chu a nghal chhuah in a lo khuh lui vel vak vak kher lehnghal.




"U ka bialpa a nilo aw, ka thianpa ringawt" ka tih hlak chuan an zaivai mai chuan an nui ta dar dar hlawm a, "I bialpa pawh ka tih loh kha, ka khuh ringawt a, enge i lo ngaih kawih ngawt?" lei ka chhuah khum zeuh ringawt, chaw ei kham ah chuan thleng te ka seng fel leh a, ka u in thleng a sil tur thu a sawi avangin pawn lamah ka chhuak nghal.




Reilote chiah ka nghak hman tih chuan Msa pawh chu a rawn thleng a, kan in phur chhuak lehnghal, "Test tur I thiam tawh em?" a tih chuan "Aih, engmah ka la zir lo" ka lo ti vat, kan subject lak a in ang lo a, keini thian ang tho in an thian ho pawh aan subject lak a in nang vek, chuan an ni chu an final year a ni tawh bawk.




Campus chhung ah chuan kan tlan lut a, ka thiante aiin kan thleng hma ang chu tih laiin an lo awm kim thap tawh, Msa hnenah chuan lawmthu sawi in ka thiante lam pan chuan ka kal a, "Eiss.. in in hmeh tawp" an lo ti a, "In ninawm, ka bula mipa an awm tawh phawt hi chuan min chhaih ve ziah, kan in kar ah engmah a awmlo tih chu in hriat chian ve tho kha" ka ti hlak a.




"Mahse Msa hian a duh che alawm, kan thusawi i awih duh ngailo a, a duh tak tak che a nia aw, Hlima bulah pawh a sawi tawh" Feli dar ah chuan ka meng pawp a, "A na lutuk Zorinsang" a ti that, "Thu lawi lo i sawi peih man a nihkha, ninawm classroom ah lut ang u" a thleng tlai ber e tilo chuan hma ka hruai a.




Classroom kan luh thawm a tha leh ham ham viau, ka seat a kan thu chiah tih chuan tu emaw hian ka lu ah lehkha hlum khawm hi a rawn vawm a, a na hran lo, Mary chuan lehkha chu a la vat a, "Tu rawn vawm nge?" a ti fak bawk, "Keimah ka nihkha, huat tur pawh a awm loh kha" Thahmingi chuan a lo ti a, a ni hian min haw em em tih tupawn an hre vek, a chhan lah ka hre der lo.




"Vawikhat mah hetiang hian rawn ti leh tawh suh ang che" Mary chuan ti leh in lehkha pawh chu an lamah a vawm let a, "Hm.. i thiannu thlavang i hauh na ve pang pang bawk sia, i thiannu lah kha zahna chang hre lek lovin a bialpa pawh nilo Msa te a rawn kal rual pui a, zaktheilo lutuk" a rawn tih leh chuan "Engmaw i sawi a?" Chhani zawk chuan a lo ti that.




"In beng a chhet lo tih ka hria, ka thusawi chu chiang takin in hre vek, Zorinsang nangpawh kha zak rawn, thlah tu tur i duh chuan bialpa nei mai ta che, engvangin nge Msa te i rawn in thlah tir a, zaktheilo lutuk, tupawh hian Msa i zar buai hneh zia hi kan hria a sin, hmeichhia ve si, zahna chang hrelo" a tawngkam hman dan kher kher chuan min chhun zak.




Ka thutna atang chuan ka ding chhuak a, Thahmingi lam chu ka en a, "Lo buai suh, tu mipa pawh in min thlah ang, i lo sawi ve tur a awm lo, nge ni a nang hian Msa hi i lo duh ru reng zawk?" ka ti ve fak a, "Chiang reng alawm, a duh anga, Msa lah hian engah mah a tilo tih chiang reng, nangmah a duh zawk che sia, a thil che a nih saw?" Puipuii'n a lo tih chuan Thahmingi chu a thinrim hmel hle.




"Duh leh ka duh anga in sawi tur a awm lo, Zorinsang Msa hi lo zar buai ve tawh suh ang che" a ti ve that a, an thian ho chuan an rawn ding chhuak thiau bawk, "Keipawh ka duh leh ka in thlak tir anga i lo sawi ve tur a awm lo, chuan maw thil pakhat ka hrilh ve mai mai ang che, Msa hmeichhe duh chi i nilo, Msa chuan hmeichhe simple tak a duh, nang anga make up hlawm leh in chei dan maksak ang hmeichhia hi nilo in" nui sak chungin ka ti a.




"Hmeli" tih pah chuan ka thutna lam a rawn pan a, ka lo en kar, classroom a awm ho pawh chuan ngawi thap in min lo en a, "Kit a thlak hmasak che chuan khawih ve ang che, a thiam loh hmasa zawk a nia" ka thiante lah chuan an lo ti sap sap hlawm a, kut min thlak a nih chuan dawh mai mai ka tum lo nasa, vawitam buai na min thlen sak tawh a, ka ngawi mai mai thin, mahse en liam mai mai ka tum tawh lo bur.




Ka hmaah chuan a rawn ding a, a thiante pawh an rawn thleng chawp chilh ve nghal, "Nanghian Msa hi zar buai lo la chuan maw hetiang ang hian a ngaihsak hauh lovang che, chuvang chuan lo hnaih tawh suh, a ni saw chu ka ta chauh a ni, i duh chuan mipa dang zawng rawh" a rawn ti leh a, ka mer nang, thulo ve chiang e.




"I sawi avangin ka hnaih zual sauh ang" ka sawi zo chiah tih chuan ka hmai chu a rawn ri nghal thlawp a, ka khawih let ve nghal, a hmai ah chuan ka beng ve pawp a, ka sam ah chuan tham in min kek nasa ngang mai, sam a in kek vel hi chu a naupang chhia ka ti, mahse min kuai kun tlat bawk nen chet a harsa em em lehnghal, room chhung a awm te lah chu an lo ai dur dur bawk si.




Ka sam a tham chung chuan min thing vak vak a, ka lu lei hi a hik mai dawn in ka hre tawh, mahse dawh mai mai ka tum aw zawng lo remchang ka zawng zawk mai a ni, ka sam a kek na a thlah duk deuh lai chu remchang ah lah in a kut chu ka phih thut a, a hmai ah chuan ka theih anga na in ka hneh a, chhuat ah chuan a tlu chiang hle.




Chutih lai tak chuan Prof. Sangzuala chu hmel dur khup in a rawn lut a, thawm pawh a reh nghal diak tuin nge lo va complain hman ni, "Nangni pahnih kha engvanga buaina siam nge in nih?" a ti hrawk a, ka ngawi ngal, Thahmingi lah chu tap chungin a dak par par a, "Professor a ni hian dawt a sawi a nihhi, Zorini hi kut a thlak a, Zorini hian a khawih let ve chauh zawk" Mary chuan a lo ti vat a.




"Chuchu a dik em?" tiin Prof. Sangzuala chuan min en run a, "Aw" tih chiah in ka lo chhang, mahse Thahmingi leh a thiante chuan Prof. Sangzuala bulah chuan min la hek zat zat a, kan thian ho erawh in kan ngawi ngal thung, "Sir ka biang hi a na lutuk, Zorini hian min hnek a" a niang dawm chingin Thahmingi chuan a ti leh tiau a.




"Min rawn zui rawh u" ti hmuk in classroom atang chuan a chhuak a, "I chaklo ngawt ang" Thahmingi lah chuan a la ti hram, ka thinrim a la reh lo bawk nen khawih leh mai ka tum a, mahse min hlauh hmel zetin a lo awm sawn nghal thuai a, chuti chung chuan khawih chu ka la tum tho.




Prof. Sangzuala chu rawn let leh in kan awm dan a hmuh chuan fiak ṭhawt in "Zorinsang, duhtawk la, ka office ah Thahmingi nen khan rawn kal rawh u" a tih chuan ka thinrim zual, engvangin nge keimah chiah min vin bik, ka thiam loh vek a ni bik tawp silo a, Prof. Sangzuala'n min vin avang chuan ka rilru a na em em a, in hum ruh deuh chungin classroom atang chuan ka chhuak.




Prof. Sangzuala hmachhawn zawng chuan Thahmingi nen kan ding dun ran a, "Enge thil thlen dan sawi rawh u" a ti hmuk, "Professor, kan thian ho a kan lo titi mai mai laiin Zorini leh a thiante hi an lo lut a, chuan min rawn an khum ringawt a" Hah.. dawheh lutuk, Prof. Sangzuala lah chuan keimah zawk thiam lo ang mai chuan min en run lehnghal.




"A thusawi chu a dik em?" a ti hmuk, "Aih.. ka bultan hmasak a nilo" Chuzawng chu ka sawi, mahse ka thusawi chu a awih loh hmel em avang chuan thinrim ru tun in ka in hum ruh a, "I tih hmasak a nilo tak tak maw?" a tih leh chuan "Ka nilo ka tihchu, amah hian bul rawn tam hmasa lo nise khatiang khan ka che bik lovang" ka ti leh hlak a, ka in sum hman thlawt lo.




Chutah Prof. Sangzuala chu a ngawi run a, amah ka en chuan min lo en va ram chu niin "I duh leh ka thusawi chu awih suh, mahse thudik chiah ka sawi" ka ti leh sep a, ka thusawi a awih loh hmel em avang sawi chauh ka ni, engvanga min rinhlelh hmel taka min en bik nge a nih, Thahmingi thusawi hi a awih zawk a nih ka ring, dawt in min hek char char a, mahse ka thusawi a awih lo nghak ringawt erawh ka thinrim ve em em tho.




"A tha e, tunge thudik sawi zawk chu cctv atang a fiah ang" a tih takah chuan Thahmingi chu a hlauhthawn hmel ta kher mai, "Professor, keima thiam loh zawk a nihkha, keimah zawk in ngaihdam ka dil mai ang" a lo ti zung zung a, mahse Prof. Sangzuala chuan a thusawi chu a awih sak duh tawh lo.




Midang hnenah chuan cctv a en duh thu a sawi a, a office ah chuan kan la ding ran, Prof. Sangzuala'n cctv a en lai chuan Thahmingi chu a lo meng nual zak zak tawh a, chawh ka ti hle, hetiang khawp a hlau leh hle tur siin engvangin dawt te a sawi zuah zuah vei ni, Prof. Sangzuala phei chu kan Professor dang ang a nilo a, hrem na pawh a na dawn tih chiang reng, mahse keipawh ka in sual avang khan min hrem tel tho chu ka ring.




Prof. Sangzuala'n cctv a en zo chu thinrim zetin Thahmingi chu a melh ta ran a, Thahmingi thung chu hawi pawh a hawi chhuak ngam tawh lo, "Dawt I sawi ngam amaw?" a tih hrawk chuan Thahmingi chu tah tum ang mai chuan a awm leh a, "I thiltih sual ah midang i puh a, chuvang chuan ka en liam mai mai dawn lo che, karhnih chhung suspend i ni" a ti leh hmuk a.




"Professor ka tihpalh, khawngaihin chutiang chuan tilo hram rawh, test a hnai tawh bawk si a" tiin Thahmingi chuan a ngen lawm lawm a, "A tir ah khan i tih sual te pawm nila hetiang hian ka che lovang, mahse in thiam loh a hnek in dawt i la sawi ngam a, chuvang chuan ka rilru ka thlak dawn lo, test pawh i thei lovang, mark engmah i hmu dawn lo tihna a nihchu" a ti leh ta hmak mai si, Thahmingi chuan ngen mahse awmzia a awm lo, office atang chuan tap pur chungin a chhuak a.




Chhuah ve ka tum chuan min lo ding a, "Nizan khan ka hmu che, khatiang hmun a kal tur chuan i la nau deuh a ni, vawikhat mah kal leh tawh suh ang che" a tih chuan ka lungawi lo hle, a ni pawh a kal ve tho alawm, bakah a ni ang em chuan ka che na ve lo, thil ti sual lo ang mai a a tawng chu ni, ngam ngat ila chu ka hnial let hrep ang, mahse kan professor a ni bawk nen ka in sum hram hram.




"Ka hrethiam e" ka ti sep a, "Chuan khatiang hmunah i bialpa khan a hruai che a nihchuan mipa tha a nilo tawp bawk ang, chuvang chuan a rang lam in kalsan vat la i tan a tha bawk ang" chu erawh chu ka pai dam mai mai thei tawh hauh lo, kan professor pawh ni rawh se, a ni pawn a bialnu a hruai ve tho alawm, bakah ka bialpa pawh a nilo, ka thian chiah a ni, chu erawh sawi lan kher ka tum hran lo.




"Professor min hrethiam la, nangpawh khalai hmunah khan nangmah chiah nilo in i bialnu nen in kal ve tho a nih hmel ka rawn hmuh dan ah che khan, chuan ka bialpa chu ka tan a that loh vak na tur ka hrelo, engthil sual mah kan ti ve em hleinem" ka ti ve kher a, min melh khui a, thian chhan ka pe na a, bakah a ni pawh a kal ve tho a, chutia min ṭawngkhum kher chu ka ngei ve hrim hrim.




Kei ai upa pawh nise a thiltih kha a dik bik chuanglo, midang tamtak awm laiin an mahni chiah an awm emaw tih mai turin an in fawp ngawng ngawng a nihkha, "Bell a ti tawh sia, ka chhuak tawh mai ang" tiin rang zetin chuan ka chhuak nghal, professor ka ṭawngkhum dan kha a mawi lo tihchu ka hria, mahse ka ngei ve em a ni, ka thinrim a la reh lo bawk nen, mahse ka ngaituah chuan leh hian khatiang a ka lo sawi mai kha hreawm ka ti a, ka in chhir leh viau lawk bawk si.




"Thahmingi chu a chan tawk chiah a hmu a nihkha, awi.. Professor hi ka duh zual sawt mai" Mary chuan a ti vawng vawng a, "Keipawh a pa ka ti tawp, taka professor hi pathlawi a ni tih in hria em?" Chhani'n a tih chuan mak kan ti tlang hlawm hle, "I sawi a ka hre chiah, a zei ngawt ang a" Puipuii'n a tih chuan kan nui chhuak hak hlawm a, "Enge pathlawi te chu an zei thin an ti alawm" a ti leh hlak a.




"Zei pawh a zei ang, mahse keichu ka duh chi a nilo, ka ngei tlat, a mizia hi ka ti theilo" ka ti a, nichin a a tawngkam kha ka ngaihtuah let pawh hian ka thin a rim zual, bell a ri a, "Aa.. class ka bunk mai dawn mawni le?" ka ti vawng vawng a, "A chi loh lutuk, Prof. Sangzuala phei chuan a hmu chiang ropui che si" an ti leh a, ka ngawi ta hmak.




"Ninawm, keichu ka ning" ka ti chiam ringawt, "Ning viau mahla class kal chu i ngai tho a nia" ka thian ten an tih chuan zawi zetin ka ding chhuak a, classroom lam chu muangchangin kan pan, kan thut naa kan thut hnuah pawh chuan ka ngawi reng a, a kil te ah ka thu bawk, Prof. Sangzuala chuan min hmu ang tih mawlh chu a ni ka hlauh ni, khatiang khan lo tawng kher lo ni ila chu ka hmu hreh em em hauh lovang mawle.




Prof. Sangzuala chu a rawn lut ta ngei a, min hmuh loh nan ka kun hniam tang tang a, mahse ka thutna lam chu a rawn hawi leh zeuh zel, a class lah hi a rei bik emaw tih mai tur hi a ni, bell a rik chuan ka thaw huai thei, "Class dawt leh hi Prof. Chhama class a ni a, amah a rawn kal lo bawk nen ka la tlang dawn a ni" ka hnual leh ta vek mai, ninawm e, enge a mah kher, Prof. Mawia pawh a awm reng sia.


..

Test kan zo a, ka zir ngawrh ve bawk nen ka ti tha ve viau chuan ka hria, sport kan tan leh tawh dawn a, kan phur tlang hlawm viau bawk, keipawh ka tel ve nual dawn a, la chak ber chu volleyball a ni, item dang erawh thiam em em ka neilo, mahse volleyball kher hi chu ka tui ve thlawt, thiam pawh ka thiam ve viau bawk, captain ka ni dawn bawk nen ka phur leh zual bawk.




Sport kan tan a, volleyball kan khelh dawn chuan ka in puah chah nasa ve viau bawk, vanneih thlak lutuk in kan team kan chak a, a dang ah pawh kan ti tha hlawm viau, ka thiante pawh item dangah chuan an tel ve vek bawk a, kan zavai mai chuan nuam kan ti tlang hlawm hle chuan ka hria, volleyball final match kan tan dawn a, kan tum tur team te chu Hmangaihi te an ni, a hma zawng aiin ka tang a, chak ngei pawh ka tum ruh hle bawk.




Kan tan a, a tirah chuan kan che tha vak lo, set hmasa an la a, Hmangaihi lah chuan min nuihsawh zetin min rawn en a, "A hma aia tha in khelh kan tum dawn nia, tang ulh lovin calm deuh in aw, kan tih sual pawn a pawi lo, chuan kan lo ti sual a nih pawn in vin vak te in hauh vak te tilo bawk ila, hnual a awl a, keimah ni a a tha ber thawh teuh ka tum dawn nia" tiin ka team te chu ka duh sauh sauh a.




Kan han khel tan leh a, a hma ia chuan kan khel tha tawh hlawm hle, best of five a khalh tur a ni a, set hnih na chu keimah ni team lamin kan la ta thung, mipui lam an au ring bawk a, game pawh a tang tha hle, set thum na pawh chu kan la leh a, set khat chiah lak kan ngai ta, set li na chu kan han khel tan a, a tir atangin kan khel chhe leh tan a, kan setter a in hliam bawk nen reilote kan chawl a, kan khel tan leh a, mahse awmzia a awm chuanglo.




Kan el pui te chuan set li na chu an la leh ta a, set hnih ve ve kan lak tawh avangin deciding set kan khel dawn a, point 15 hmu hmasa zawk chu an chak ang, kan han khel leh tan a, 3-0 laiin kan ei pui te chuan hma an hruai a, ka team te chu an hnual tawh tih ka hria, reilote kan chawl leh a, kan han in fuih leh a, tan kan la thar hle, kan khel leh tan chiah tih chuan kan che tha ve tan a, point 5 lai a zawn in kan hmu, chu chuan chak na thar min pe a, kan che tha chho tan hle.




Chutih rual in lehlam pawl te pawh an che tha tluang zel bawk, mipui lam chuan thaw dep dep in an lo en a, keini lam pawh ka che pawp pawp ngam tawh lo, fimkhur taka khelh a ngai tih leh vawikhat tih sual zeuh pawh a hma aiin a pawi zual tawh zawk tih kan hre vek, point 13 kan ni a, lelam point 12 an ni thung, point hnih chiah a ngai ta, a hma ia mahin mupui lam thawm pawh a ring zawk.




Setter in ka hlap turin ball min rawn set a, a rem bawk a, ka tha neih zawng zawng in ka hlap pawp, game point kan hmu ta, kan pawl te chuan point khat chuan tiin an lo ai dual dual a, Rini chuan a service a, lehlam atangin Maengi chuan a rawn hlap a, vanneih thlak lutuk in ka lo block hman, kan lama ball a rawn kal chuan first ball ka lo la a, setter ka pek chuan min set tur ang deuh a awm in a placing a, lehlam lo in ring lo bawk nen an la sual a, kan chak ta.




Kan in kuah khawm a, kan lawm khawp mai, tikhan sport lam ro ro chu a tawp a, naktuk atang Miss leh Mister thlan na kan tan lehnghal dawn thung, keipawh ka hming ka ziak lut ve tawh a, mahse ka kawr hak tur vel engmah ka la en lo, ka thiante chuan tlai ah en kawi ila an tia, mahse ka peih chiah lo, ka chau bawk nen haw tlang mai chu ka duh a, naktuk ah tan tur a ni a, naktuk ah ka ti tak nang in zan lamah a nih vangin naktuk chhun lamah kawr chu en mahila a pawi ka ring lo a ni.




Mahse ka thianten a tlai lutuk ang an tih avangin kawr dawr lamah chuan kan kamleh ta nge nge, ka chhungte hnenah Miss thlan naa ka tel ve dawn thu ka sawi khan ka u in ka thawmhnaw lei na man tur min pe vek tawh a, ka pa pawh in pheikhawk lei na tur min pe bawk, kaa thiante chuan ka kawr hak tur chu min thlan sak a, ka lo duh lo zel bawk nen an min hmel tawh lutuk, ka kawr duhzawng ka hmuh lah in thing an ti bawk si.




Dawr neitu chu kan bulah rawn kal in "I vun a nalh a, i pian lah a nalh bawk nen i in hmeh deuh tur kan nei a nia, ka rawn la ang" a tih takah chuan kan lo nghak a, kawr a rawn lak chu nalh ka ti ve hle, chutiang bawk in ka thiante pawn, ka ha chhin a, tlem chua taksa a lang tam deuh cu ka ti deuh a, mahse in hmeh ka in ti ve hle, midang pawh chuan ka in hmeh thu an sawi ve sap sap a, chuchu ka la ta a, pheikhawk pawh an zuar tel bawk a, ka kawr nen a in rem tur ka lei nghal bawk.

Cont...

Click leh comment a that phawt chuan naktuk zanah a awm ang, a that loh chuan kan awl leh ang, chuan fb lama post kha min like sak ve hram hram teh unn.....

[Rebec Nunziri]

Chapter-5



Zorinsangi POV




Zanin hi Miss leh Mister kan thlan zan a ni tawh bawk nen chawhnu lamah khan Mary te inah kan thian za ho in kan kim thap tawh, chaw kan ei anga, heta tang kan chhuak dawn a mi, chuan zanin chu kan mipa thiante khan min rawn lam leh dawn a, midang zawng bike a an kal dawn laiin ka thawmhnaw hak tur vel avangin Msa'n car a rawn keng dawn a, a tih zia viau bawk.




Chaw pawh kan ei hma a, ka thiante chuan an mahni lam pawh in buaipui hmasa lovin keimah ringawt chu min buaipui a, make up chu Puipuii'n min hnawih a, ka sam Chhani'n a ti kir thung, ka kawr hak tur nen in rem tur in min chei a, min chei zawh chuan keipawn nalh ka in ti ve khawp mai, Msa khan a rawn thlen hma tur thu a sawi avangin thawmhnaw chu ka ha vat a, ka thiante pawh an in siam peih ve vek tawh bawk.




"Awi.. I chhelo lutuk, zanin chu kan university hmeichhia zawng zawng ai awh in mipa ah i tla na dawn tih ka chiang" uar zetin ka thiante chuan an ti a, ka nui ringawt, an sawi uar ve thiam khawp mai, "Ka kawr bah hi a thehlem sia, kalkawng a bah tur eng emaw tal min lo lak teh" Mary hnenah chuan ka ti a, shawl pan ve tak chu a rawn la chhuak a, ka dar ah chuan ka bat a, ti hi chuan a zia deuh e.




Kawrfual var tle sep sep mai off shoulder chu ka ha a, a hmawr chu ka hnuk a, ka mal atang a sir ah a kal thla a, ka kawng fek chu a ti lang chiang khawp mai, pheikhawk Inches 4 a sang ka bun bawk a, a sparkle sep sep tho, ka sam chu Chhani'n min tih kir sak tawh avang khan ka thlah tawp a, ka nghawng a khuh thei deuh bawk nen ka duh dan chiah a ni, bengbeh ka beh leh tawp a, tlereuh dang engmah ka in bel tawh lem lo, make up pawh natural deuh a hman ka duh thu ka sawi bawk a, ka hmui erawh a uk lam chu tak zetin min hnawih sak thung.

(Naktuk zan dar 6 hmaa fb post a 1K like a tlin a, comment 100 tal a tlin chuan chapter thar a awm ang, a tlin loh chuan a awm lovang)


Mary rooma tang kan chhuak a, Mary chhungte chuan chhelo min tih hlawm thu an lo sawi ve sap sap a, Mary nu Nu Mapuii hot a chhuak leh pek a, kan vai mai chuna thla min laksak leh hmasa te te a, chumi chhung chuan kan mipa te lam pawh an lo thleng ve mai, pawn ah kan in zui chhuak a, kan thiante chu bike a kal tur an ni bawk nen chhuak hmasa ah an tang a, Msa chu tlan chhuak mai lo chuan min en reng rawn avang chuan mak ti zetin ka en a.




"Tunah thil diklo a awm em ni, ka kawr hak leh ka in chei dan hi in mil lo i ti nge?" ka ti haw a, "Teuhlo, i nalh lutuk zawk a, en nin i har ka ti" a tih sup chuan ka ner nang a, "Min ti hlauthawng hman alawm, nangpawh i nalh tawp" ka tih chuan a nui suk a, "A hma zawngin Mister thlan naah I tel duh ngai silo a, tinge tun a taka i tel a?" kan tlan chhuah hnu chuan ka ti a, "I tel dawn sia, ka tel ve chak a" ka nui hak, a thusawi chu ka awih hlawl lo.




"Kan kal rual sia, min thik tu hi an lo awm leh hman palh anga" motor atanga ka chhuk chuan Msa ngei tur tawk chuan ka ti a, a phun hluk, hmani kan in siam chanchin kha a lo hre ve a, a in thiam lo hle nghe nghe, mahse a ma thiam loh a nilo a, Thahmingi nen khan chuan kan in mil lo ve hrim hrim zawk, class pawh a rawn kal ve tawh a, a hma ang kha chuan min ti ngam tawh lo.




Hall chhung ah kan lut a, an chhelo hlawm hle, prom night angin hun kan hman dawn avangin mi tupawh chu an in chei hlawm hle a, mit a tlai khawp mai, keini chu in tih siak tur te kan la ni bawk nen Miss leh Mister thlan na a in candidate zawng zawng te chu backstage lamah in puah chah turin kan awm a, ka zam ve hle, tel leh loh daih mai te ka duh rum rum, mahse ka lo ti laklawh ve tawh bawk si a, ka in buatsaih na ang hian tha deuhin zawhna te chhang thei ila ka ti takzet.




Programme chu kan tan a, a hnuhnung ber dawt tu ah zawhna min zawh dawn a, ka khur hial in ka hria, ka hming an lam rik chuan stage lamah chhuak mai lovin thawk kan la ham ham phawt a, ka chhuah dawn chuan Msa chu ka bulah rawn ding in duhsak na min hlan a, nui seih chungin ka chhuak ta a, ka theih anga nalh chuan ka kal ve in ka in hria, judge te hmaah chuan ka ding ta ran a, Prof. Sangzuala saw judge a ni ve dawn tih ka hre hauh lo.




Zam tawh sa nak laia a ni ber kher ka hma zawn ah a thu chuan min ti zam leh zual, ka thaw dep dep a, mipui lam thawm pawh a ring tha khawp mai, zawhna min zawh tu tur ka pawt a, vanduai thlak takin Prof. Sangzuala chu ka la pawh duh zui, mit ka chhing sawk a, zawhna min zawh chuan chhang mai lovin ka ngawi vang vang a, chutah a zawhna min zawh chu ka ngaihdan te ka sawi a, chiang zeta min en reng avang chuan ka zam leh zual, mahse ka aw a khur chhuak lo hloh thung.




Backstage lamah chuan ka let leh a, Msa bawk chu ka bulah rawn kal in ka chet that thu te min hrilh a, ka in ring tawk ve sauh bawk, a hma khan interview te kan lo nei tawh a, sport a mimal tin te kan chet that dan kha an en dawn bawk a, Miss ka nih chu ring em em lo mahila Lovely-i tih el nan tal a ka tel thei chu ka lawm viau tawh, result te an buaipui chhung in kan lo awm mai mai tawh a, engmah tih ngai a awm tawh lo bawk nen ka zam na te kha khawiah nge an thlawh bo tak pawh hre lovin Msa fiamthu thawh ah chuan ka nui hak hak reng a.




Darkar chanve vel hnuah chuan stage lamah kan vai chuan min lo chhuak a, mipa lam an puang hmasa a, Msa chu Mister ah an thlang a, ka lawmpui takzet, uar zetin kut ka lo beng a, chutih lai chuan judge te thutna lam ka va hawi chu ka nui tawp chiang viau, Prof. Sangzuala chuan min lo melh khui a, thil tih sual ka nei emaw ka ti hman hial, nge maw sawtiang fako a rum sawn min lo melh ni, engmah tih sual ka neih awm pawh ka hre tawh silo.




Hmeichhe lam an puan ve dawn chuan ka thin phu chu tlem in a rang deuh a, mahse chak turah chuan ka in dah lo hrim hrim thung, a chhan chu ka in el pui te khan kei ai fe in an chhang tha zawk miau, pahnih na leh pathum na an puang hmasa phawt a, mi pali chiah kan bang tawh, ka thinte thutna lam ka en chuan kei ai mahin an lo tang zawk, an awm dan chuan ka nuih a ti za khawp mai, thawk pawh an thaw lo emaw tih mai tur a ni.




"Kum 20** a kan Miss chu Zorinsangi a ni" host chuan a ti a, mak ka tih em avang chuan ka din na ngai ah chuan ka ding reng a, ka bula ding Adami chuan ka ban ah rawn vuan in kal hma tur chuan min ti a, ka kal hma ve vat, pangpar leh sash te chu min awrh tur a, Lovely-i chu crown min khum tir turin nui sang in a rawn kal a, mahse a mitmeng ah chuan Miss ka ni chu a lawm hlawl lo tih a hriat hluah hluah thung.




"Lawm viau duh suh" ka beng bulah chuan a rawn phun sap a, "Min lawmpui viau ka lo ring a sin, tunah nang ni lovin keihi he University Miss ka ni tawh, chuan i bialpa saw i veng tha leh zual dawn a nia, saw.. mit tla lek lovin min en leh tawh saw" tiin Ramdina din na lam chu ka va thle zeuh a, a thinrim na tih lan hlau bawk si hmel chu a nuihzat thlak zawk.




"Tunah chuan kan Miss leh Mister thar te hi lam tual an khan han lam dun tawh se la, kei ang bawkin an lam lai in hmuh chak tawh theuh ka ring" host chuan a ti leh a, mipui lam chu an lo au dur dur a, Msa chuan a kut chu ka chelh theih turin a rawn lek kang a, ka lo vuan ve bay, lam tual lamah chuan min chhuk thlak pui a, ka pheikhawk bun a sang ve bawk nen ka zei vak bawk silo chu ka huphurh ru viau.




"Ka lam thiam loh zia i hriat chian kha aw" kan lam tan hma chuan ka ti a, Msa chu a nui suk, "Lungngai suh, ka zirtir pan ang che, i thiam ve vat mai ang" a ti sup, Msa a ni bawk nen chutiang lutuk in ka in thlahrung duh lo, kan han lam a, a ni chu lam a thiam takzet, a pheikhawk ah te chuan kan ram leh thin a, mipui lam chu an lo nui dur dur zel.




"Min rawn rap la, i tan a awlsam zawk ang" a tih sup chuan ka lo hnial vat, "Na I ti palh ang, kan lam zo tep tawh tho a" ka ti sep, "Min rap tawp rawh, khatianga min rah chut chut khan a na zawk" a tih takah chuan ka rap ta a, a hma ang em em chuan ka harsat tawh biklo, a tih ang zel chuan ka lo awm ve a, mipui lam atang chuan in hmeh min tih thu te chuan an lo au a, Msa nen in en in kan nui ringawt.




Kan lam zo chu ka thaw huai thei, tunah chuan kan duh duh dan in kan awm thei tawh, lam tual atanga kan kalsawn tur chu Professor te thutna lam ka va en leh a, lo en loh law law tur a nia, Prof. Sangzuala chuan thinur hmel zetin min lo melh leh reng tawh, tinge saw tiang a min melh ziah le, a chungah thil tih sual ka nei awm pawh in ka hre silo, hmani a ka tihdan avang khan min la haw reng a ni mai angem aw tih te thleng chuan ka ngaihtuah tawh.




"Aw.. a nuam e, kan Lovely-i thinrim hmel zia kha" ka thiante chuan nui hak hak chungin an ti a, "Ka ke hi a na reuh tawp, min nawr in ka hria" tiin thut naah chuan ka thu thla hnawk a, ka ke ka en chu a lo durh pep tawh mai, ka thaw hak a, "A thar a nih vang a nihkha" ka thiante chuan an lo ti mai a.




Haw a la theih bawk silo a, band-aid tal ka lo pai lo a ni, "Pawn ah ka chhuak lawk dawn, tikhan lo awm rawh u aw, ka rei lovang" ka tih hnuah pawn lamah chuan ka chhuak nghal a, pawn a thutna awm ah chuan ka thu a, inchhung boruak ai ngawt chuan a nuam zawk.




"Tinge hetah nangmah chiah a i awm?" rawn ti thut tu avang chuan ka phu zawk a, ka hnunglam ka en chuan Prof. Sangzuala chu a kekawr ipte zen ran chung hian a lo ding a, a in chei dan chu a in hmeh takzet, kamiz var a kiu thleng a a thlen leh pants dum, smart shoe nen, a pian lah mizo mipa ah chuan nalh pawl tak a ni ngei ang, a dar a hlai bawk si, engthil nge maw ka lo ngaihtuah chiam chiam ni, tullo lutuk.

"Ka chhelo viau em ni?" a la ti zui, lu ka thing a, "Chutiang pawh a nilo i rawn lang thut bawk sia, chuvang alawm" ka ti sep a, min rawn pan hnai in ka bulah chuan a rawn thu a, boruak chu a ni deuh up maiin ka hria, pawn ah awm mahila boruak hip luh tur hi a tlem riau, engvangin nge Prof. Sangzuala bulah hian ka zam em em thin pawh ka hrethiam lo.







"Engpawh chu nise ka lawmpui a che, i phu takzet" a vawikhat nan pangai taka min biak ve na a ni, "Ka lawm e" ka ti sep ringawt, ka thiante bula ka awm chuan sawi tur ka hriat thin nen tunah ve engmah sawi tur ka hre hauh lo, Prof. Sangzuala lah tawng tawh lovin a thu ngawi ran bawk si, nuam ka tih chiah loh avang chuan in chhung a luh tum in ka tho chhuak a.




"Khawiah nge i kal dawn?" a rawn tih sup chuan "A chhung ah kan lut tawh ange" ti sep a kal mai ka tum chu ka ban rek ah a rawn vuan a, "La thu ve rih rawh, mahni chauh a awm chu a khawhar thlak alawm" hnial let ka ngam bawk silo chu zawi muangin ka thu thla leh riai riai a, "Min hria em?" a zawhna awmzia ka hriat loh em avang chuan ka en haw a.




Ka chhan mai loh avang chuan min rawn en leh vut a, "Chhanna" a tih leh nghut chuan "Kan professor i nia" ka ti sep a, a nui hawk, a nui ri lah chuan min fan chiai chiai mai hian ka hria, "Nia.. in professor ka nih na ang chiah in a nilawm ni min hriat?" a tih leh chuan ka bu nghat nghat a, "Chutiang lo te chuan hriat I har dawn e kan la in hmu ngai bawk silo" ka ti leh sap a.




A ni pawh hian a zirlai ka nihna ang chiah bak in min hre awm tawp silo a, chutiang te han in zawh reng reng, Professor nen chuan kan awm dun rei telh telh a, a hma ang em em chuan ka tim tawh biklo, ka tawng ve bawrh bawrh tawh a, kan chhungkaw chanchin te min zawh chuan ka lo hrilh ve mai a, ka thusawi chu uluk takin min lo ngaihthlak sak a, nuam ka ti ve khawp mai.




"Professor, pathlawi i ni tiraw?" ka ti chhuak phawng a, ka in ring hman bik lo ka tawng tui bawk sia, a hmaa ka thiante sawi kha ka ngaihtuah chhuak bawk nen ka sawi deuh tawp kha a nia, min chhang mai lovin a ngawi reng a, nuam ka ti leh chiah lo, "Aa.. ka sawi ve mai mai a nihkha, min chhang kher duh suh" inthlahrung ru tak chuan ka ti a, keimah leh keimah chu ka rilru in ka in hau mawlh mawlh bawk.




"Pathlawi chu ka ni ngei alawm" Professor chuan a ti a, a thaw zui ham ham bawk, sawi tur pawh ka hre tawh lo, ka zawhna atthlak zet avang khan nuam lo ka ti a, a hmel landan danglam ta vek avang chuan nuam lo ka ti leh zual, ka in rin loh laia tawng phawng phawng ka ching thin hi a pawi a ni.




"Chuan pathlawi ka ni bawk nen min hmuh dan a danglam em?" pangai zeuh zawk chuan a rawn ti leh a, "Teuh lo, pathlawi pawh nila mipa i la ni tho alawm" ka lo ti vat a, "A dik alawm, a nih chuan enge min hmuh dan?" tinge hetiang zawh mak sak deuh deuh hi min zawh reng le, eng anga hmu turin nhe min duh zawk ni.




"Ka zirtirtu angin ka hmu che" ka chhan na avang chuan chal ti chuar nung in min en a, ka chhang diklo pawh a ni silo a, "Chutiang lo zawng in" a ti leh sup, "I sawi awmzia ka hrelo, eng anga hmu tur che in nge min duh a?" ka ti let haw a, "Mipa ka nih na ang zawk in" a tih leh chuan "Ih.. nia mipa i nia, i pian a nalh a, chuan i hmel pawh a chhelo" a nui ta suk a.




"Chuan i duhzawng ka ni em?" ka meng kawk a, "Pathlawi ka ni bawk sia, min iai em ni?" a tih leh sup chuan nuamlo ka ti leh deuh, "Chutiang pawn a nilo, ka naupan lai chuan pathlawi kher pasal ah neih ka tum thin" ka ti vat a, "Engvangin?" a lo ti leh sup chuan "Ka story chhiar ah kan pa thei lutuk a, bakah hmeichhia te an care thiam bawk a, an zei bawk" awi.. ka thiante ni lovin Professor bulah ka awm tih ka theihnghilh leh hman tawh.




Professor ka va en chuan nuihza in sum hmel fe chuan min lo en a, ka van zak tak, ka sawi zo vek tawh bawk si, "Chuan tunah pathawi chu pasal a neih i la tum em?" a tih leh sup chuan "Khakha chu ka naupan laiin a nia, tunah chuan ka upa ve tawh a, ka hrelo" ka ti sep, fimkhur taka tawng ka ngai, ka duh aiin ka sawi thui leh palh ang tih ka hlau tawh.




"Nangpawh bialnu chhelo deuh I nei a, nupui neih leh vat i tum lo a mi, i naupang vak tawh silo a" ka sawi zawh rual rual chuan "Ka bialnu a nilo" a lo ti hmuk a, amah chu ka en vat, mahse an awmdan atang kha chuan in ngaizawng an ang hle sia, Prof. Sangzuala hi hmeichhe dang dang kawl chin tihna em ni.




"Mahse in awmdan ka hmuh kha chuan in ngaizawng ang chiah chiah in nihkha, nilo nupa ang maiin alawm in awm?" ka sawi zawng te chuan ka ner nang a, "Mahse ka bialnu a nilo, ka hmelhriat satliah mai a nihkha, mipa leh hmeichhe in kar ah chuan khatiang kha chu a thleng ve thin alawm, nangpawn bialpa i nei a, i hrethiam ang chu" a tawp lam chu a chang lam mah a ni.




"Bialpa ka neilo, ka thianpa a nihkha, nge ka bialpa ang chuan i sawi reng a?" ka ti hlak a, kan titi ve nual tawh bawk nen a hma ang em em kha chuan ka hlau tawh bik lo, "Bialpa i neilo" min zawt pawh a ang lo, amah leh amah chu a in bia a ni zawk mah ang chu, "Aw.. ka thianpa a nihkha" ka sawi zawh rual chuan a nui ri suk a.




"A nih chuan engvangin nge a hma khan i bialpa a nihloh thu i sawi mai loh?" a ti leh nghut a, "Ka bialpa angin i sawi ringawt a nihkha, bakah min ṭawngkhum dan kha kaa ngei bawk nen ka sawi lang lo mai mai" ka ti leh sep a, "Professor ka rin aiin i lerh daih ka ti" aw... ka ngaituah na ka sawi chhuak leh tawh, ka lu ah chuan ka in kuk fawk a, professor chu tim dai in ka melh chho a, ka awmdan hmuhnawm tih hmel fe chuan min lo melh chhuk ve run tho.




"Engvang chuan?" a ti sup a, "Ka sawi mai mai a nihkha, aaa... Sawi lo angah min ngai mai rawh, ka va lut tawh ange, ka thianten min lo ngaihtuah tawh ang" tiin ka ding vut a, in chhung lam pan chuan ka kal nal nal, ka hnungzang za mer mer atang chuan min en zui reng tih pawh chu ka chiang viau bawk, hall chhung a ka luh fel rual chuan ka thaw huai thei.



Zosangzuala POV



Backstage atanga rawn chhuak chu mit tla lek lovin ka lo en char char a, a chhelo takzet, a make upa hman nasa lutuk lo te chu a in hmeh hliah hliah, a kawr hak tle sep sep chuan a vun chu a kap eng leh zual a, a thianghlim ngawih ngawih, a nui sang bawk a, a in rin tawk hmel takzet, zawhna chu keiman ka zawt a, tha takin min chhang a, ka rin ai daih tawngkam pawh a thiam bawk.





Result kan buaipui a, Naupangtei chuan Miss nihna chu a phu ber, ka judge pui te nen pawh chuan kan in rem tlang hle bawk, Mister ah chuan a bialpa kha tha na ti bawk a, lungni zan lo chungin engmah ka sawi buai biklo a phu zia ka hre miau, result chu an puang a, naupangtei chezia chu en hmaih hlau takin uluk zetin ka lo em ngur thung.




A bialpa nen lam dun tur chuan lam tual lamah an kal a, in hum ruh tung chungin ka lo en reng, he hmeichhia hi ka tan eng emaw tak chu a ni, a ni hi ka duh a ni thei mai angem, ka nupui ka duh thin laia ka awmdan nen khan a danglam hlak tih erawh ka hre bawk si, ka awmdan hi ka hrethiam lo.




A bialpa nen a in ngeih taka an lam lai chu ka en reng a, in hmeh an tih thu an lo au pui chhen te chuan min ti thinrim zual, an lam zo a, an thiante bula kal an tum chu ka thutna lam a rawn en a, a hawi sawn vat thung, a thiante nen an titi lai chu ka en reng a, min ngaihsak hmel pawh a pu ve tawh lo, a hlim hmel hliah hliah.




"I va en uluk ve, kan zirlai naupang a ni tih theihnghilh suh ang che" Chhuana chuan ka dar a rawn ben thawk pah chuan a ti a, lu ka thing a, "Ka hria" ka ti hmuk, "Nanghi saw hmeichhia saw i duh tak tak em ni, i tan chuan a naupang mah mah a nia aw" a rawn tih leh nghut chuan ka nui a, ka Thiana hian engthil chiah nge maw a ngaihtuah ni.




"Kum a tling tawh tho a nilawm ni?" ka ti hmuk, naupangtei awmna lam ka en leh chuan pawn lama a chhuak lai ka hmu fuh a, ka ding ve nghal vut, "Ka chhuak dawn" tiin Chhuana min chhan na pawh ngaithla tawh lem lo chuan pawn chhuah na lam kawngka chu ka pan ve nghal vat.




Pawn ka thleng a, naupangtei hmuh tum chuan ka hawi kual a, thutna an siam chawp a a lo thu lai chu ka va hmu a, ka pan vat, ka tawng chuan a phu deuh zuk a, ka dinna lam chu a rawn hawi a, min hmuh chuan mak a tih hmel hle nghe nghe, a bulah chuan ka va thu thla ve a, nuam lo tih hmel zetin a kut chu a sik niap niap a.




A perfume in kah rim nam chek chek chu ka lo hip lut vang vang thung, hall chhung lama luh a tum thu a sawi chuan ka lo dang vat a, min hnial ngam silo chu muangchangin a rawn thu leh a, a awmdan duhawm zet avang chuan ka nui ru suk a, a hmuh kher ka ring lo, zawhna ho te te ka zawh a, biak buai ka chak ve hrim hrim.




A ni hian min hrelo tak tak nge min hrelo der tih ka hriat duh avang chuan zawhna mak sak deuh deuh ta chu te chu ka zawt a, mak ti hle mahse tha deuh chuan min chhang ve zel tho, kan awmdun rei tak hnuah chuan a hma ang em em chuan ka bul a awm nuam a tilo tawh lo tih ka hria a, ka thawl hawk thei.




Pathlawi ka nih leh nih loh min zawh chuan ka ngawi vang vang a, in thiamlo hmel tak chung chuan ka chhan kher a ngaih loh thu a sawi a, mahse ka chhang ta tho, dawt ni miau hek lo la, zep tumna hran pawh ka neilo, nakin lawk ah a la hrechhuak dawn tho tho.



A bialpa chanchin ka sawi chhuah leh takah chuan ka thinrim ru leh tun tawh, mahse a bialpa a nih loh thu leh a thian satliah mai a nih thu a sawi takah chuan ka thinrim na te kha vawm vo ang mai a ni, bialpa a lo nei reng reng lo, a nih chuan hma ka lak vat a ngai ngei dawn tih chu ka hrechiang viau, kha mipa kha a thianpa tih sawi mahse a melh dan atang kha naupangtei hi thian ang mai mai chuan a en ve hauh lo tih ka hrethiam.



A hnu deuh ah chuan a tawng tui lutuk in a duh ai tam a sawi leh a ni mahna lei chhuah tet chungin min rawn en a, a duhawm zia chu a hmui tui hmel zetah chuan fawh nawk nawk mai ka duh hial, mahse chutiang tih nan chuan a la hma mah mah, mahse heihi ka hrechiang hle tawh thung, a ni hi ka ta a ni ngei ang tih hi.




Hall chhung ah chuan a lut a, kei erawh van lam hawi in ka thaw ham ham a, naupangtei hi ka duh tih ka chiang hle, mak ka in ti, hmeichhia hi ka duh leh theih tawh pawh ka in ring lo kha a nia, mahse ka lo ring sual a ni, Zorinsangi hi ka duh takzet, ka nupui ka duhna aia nasa khan ka duh tih pawh ka chiang.




Chutia ka ngaihtuah na ka lo kawm lai chuan ka phone a rawn ri a, Lalrinawmi a lo ni, ka chhang vat a, chhang lo pawh ni kal ka lak hma chu min rawn call dawn tih ka chiang miau, "Duhtak, zanin chu lo kal.la, ka chhungte an awm lo, kan pahnih chiah in zan hun hlimawm tak kan hmang dun thei dawn tihna a nih chu" no zet chuan a rawn ti a.




"Rinawm ka hman lo, thiltih tur ka nei ka tih tawh kha" ka lo ti hmuk a, "Tinge tumlai hi i danglam tak em em a, hmeichhe dang biak I nei em ni, tunge a nih sawi rawh?" a rawn ti tuar a, ka ner sawk, "Lo buai suh, khatianga tawng tur khan ka engmah I nilo, kan inkar chu i hriat chian kha, mamawh in hrik thlak na chiah a ni, chuan hmeichhe dang tupawh ka hnaih ang, lo buai suh ang che" a rawn au leh that na pawh chu ngaihsak zui lovin phone chu ka dah ta daih a.




Phone ka dah hnu chuan ka rilru a buai ve hle, naupangtei ka hnaih a nih chuan Lalrinawmi hi a ngawi mai mai dawn lo tih ka chiang, mahse buai na tham ah ka ngailo, a tir atangin kan inkar ah engmah a awm theilo tih ka sawi chiang tawh a, eng ang pawn naupangtei nen kan in kar ah tlak zeh tum mahse a tum ang chuan engthil mak ka thlen tir ngailo lovang.




Hall chhung ah chuan ka lut ve ta a, ban a lo hun leh dawn tawh, ka thawhpui te chuan naupang ho chu fimkhur taka haw turin an chah a, naupangtei ka zawng kual a, an thian ho a hall atang an chhuak lai chu ka va hmu duh hloh, pan ve nghal mai ka tum chu Chhuana chuan min lo lo ding a, ka rum nghut bawk.




"Chhuah vat ka ngai a nia, enge i sawi duh chu sawi vat rawh?" ka ti hmuk a, "Kha hmeichhia kha thlah zawk rawh, i hriat kha in in upat hleih si, bakah nang chuan Rinawmi I nei alawm" a ti nghut a, "Ka buaipui thei" ka tih hluk chuan lu a thing na na a, "Rinawmi hi i hriat chuan kha, hmeichhe nasa tak a ni a, Zorini kha i hnaih tih a hriat chuan a tan khan a pawi thei zawk" a sawi chu diklo a awm lo.




"Ka hria alawm, ka buaipui thei mai ang min ring rawh Thiana" tiin ka nui suk a, "Ka ring che alawm, mahse Zorini ka ngaihtuah a ni, i hnaih hi phal lo pawh ka nilo, mahse ka zirlai naupang a ni a, a tuar ka hlau a ni" a ti ve ta sup a, a ngaihtuah na chu awm lo ka ti hauh lo, mahse Rinawmi chuan engpawh tih tum mahse Naupangtei hi ka veng him tlat ang.




Pawn ka chhuak fel chiah tih chuan Naupangtei leh a thianpa motor ah an tlan chhuak lai chu ka hmu hman a, mahse ka nang hman ta lo, ka thaw hrawk a, thian mai alawm an nih, Naupangtei khan engah mah a ngai ve chuang lo, chuvang chuan thil suh, a ni chu I ta chiah a ni I ta chiah tiin ka in fuih mawlh mawlh a, ka motor ah thu lut in chak zetin ka tlan chhuak ve nghal bawk.

Cont...

Comment leh click kha aw .....

[Rebec Nunziri]

Chapter-6



Zorinsangi POV




Msa chuan kan in kawt thleng min thlah a, in mangtha in kan in ah chuan ka luh san nghal, room ah lut in tlai tawh viau mahse ka in bual leh tho a, ka sam chu chhem ro leh thuak thuak in ka mu ve nghal, zing ka harh chuan nidang zawng aiin khua chu a thiang nuam a, keipawh chu ka tho fuh khawp mai, nizan ka haw khan ka chhungte an lo mu tawh bawk nen chanchin ka la hrilh loh avangin phur zetin chanchin hrilh tur chuan room atang ka chhuak nghal.




Sitting room ah chuan ka chhungte chu an lo thu thap a, thingpui an lo in mek bawk, rawng an bawl zo tawh a ni ngei ang, "Bawihte, nizan khan I lo haw tlai bawk nen kan lo nghak lo che a, enge chanchin ni ta?" ka u chuan a lo ti vat a, "Miss ah min thlang" ka chhungte pawh chu an nui a, min lawmpui viau bawk, "Tel in van chhe awm hlawm ve" ka u chuan a lo ti zeuh a, ka pa pawh a nui hawk hawk mai.




Chaw kan ei kham hnuah class kal turin ka in siam a, ka scooty a tha tawh bawk nen in atang chuan ka in khalh chhuak nghal, campus chhung ah ka tlan lut a, ka thiante aiin ka thleng hma, scooty ka park fel deuh chiah tih chuan ka sir ah car a rawn ding ve a, Prof. Sangzuala a lo chhuak nghal, "Good morning Professor" ka lo ti vat a, nizan khan kan titi ve nual tawh bawk nen a hma ang em em kha chuan ka nei lo tawh bik lo.




"Morning, ka office ah min rawn zui lawk ta che" ti sup in a kalsawn nghal a, enge kan tih dawn min hrilh bawk silo, mak ti deuh chuan ka zui ve mai a, "Heihi midang te I lo sem dawn a nia" tiin paper tam tham ve deuh chu min pe a, "Awle" tih lah chuan chhuah mai ka tum chu min ko ding leh a, "Chuan nizan khan i haw tlang em?" ka rin loh lutuk zawh na min zawh avang chuan ka en haw ringawt.




"I kal thei ang" mak ti taka ka en vang chuan nge a rawn ti leh ta duah a, keipawh chu ka chhuak veleh nghal mai bawk, mahse professor awm dan chu mak ka ti ru viau thung, nizan atang tawh khan zawh na mak sak pui pui min zawt reng a, mal tih loh na chi pawh a niin ka hrelo.




Paper min pek chu midang te hnenah chuan ka sem a, note a lo ni, Prof. Sangzuala hi chu a tang bawk a, pawimawh lai tur hi chu ti hial note in min pe thlap zel, class hmasa ber hi Prof. Sangzuala class a ni dawn a, midang ang lo takin a rawn luh hlan chu ka nghakhlel ve hle, enge ka hriat pawh ka hrelo e a.




Professor chu a rawn lut a, chuang deuh in ka lo en reng, a in chimei dan zawng zawng te chu a in hmeh in a pa hliah hliah, mipa sawifiah dawn chuan amah hi hruai tawp chi, ka sawi uar mah mah maithei bawk, kei hian Professor hi ka duh ve deuh emaw ni le, nilo chutiang chu a ni theilo, a bialnu anga la ngaih pawh kha a bialnu a nih loh thu a sawi a nia, a lerh dawn tih chiang sa reng reng, a ni ang mipa hi ka duh chi a nilo.




Chhani'n min rawn nghawk sawk chuan ka hawi a heu a, "Professor in ding turin a tih che chu" a ti zawi sep bawk, professor din na lam ka be en chuan chiang zetin min lo melh ve reng mai, "Ka zawhna kha engmah i hrelo amaw, enge i lo ngaihtuah?" a ti hmuk a, a lawm loh hmel ngang bawk, "Ih.." amah ka ngaihtuah tih ka sawi ngam teuh lo mai.




"Tlar hma ber ah hian rawn thu rawh, chuan thil dang lo ngaihtuah tawh suh ang che" a tih hmuk chuan muangchang in tlar hma lam ah chuan ka in sawn a, midang te lah chuan min en thup bawk nen nuamlo ka tih zia chu, Prof. Sangzuala pawh chu ka ngei thar leh riau tawh bawk.




Class kan bang a, in ka thlen chuan "Bawihte, I nu Marini te inah chaw kan ei dawn aw, han in tifai la pui ve turin kan va kal dawn nia" ka nu in ao tih chuan room ah ka kal vat a, Nu Marini te inah pawh ka kal loh na a rei tawh khawp mai, an fapa upa ber kha ka neilo ka tih tawh kha, a nelawm loh ren run thin bawk nen ka hmuh duh loh avanga kal lo char char kha ka nia, hmuh ve a hun tawh pawh a ni mahna.




"Nu ka hman tawh, kan va kal dawn a mi?" step a chhuk thlak tharh tharh pah chuan ka au lang lang a, min chhang tu an awm lo, ka rei a ti bawk si kha a lo va kal a nih ka ring, ka pa leh ka u te pawh an kal daih tawh bawk, in chu ka kalh tha a, chahbi chu ak tha chungin Nu Marini te inah chuan ka va kal a.




"I in duh bawk si, kan in ah te i rawn kal leh duh tawh a nimaw?" Nu Marini chuan min hmuh rual rual chuan min lo fiam a, "A... nute chulam pawh a nilo" ka ti sep, tih tur em em pawh a lo awm tawh lo, "Hetah lo thu ve rawh, Mama pawh a lo thleng tep ang" Nutei'n a tih leh chuan an fapa upa ber a sawi na tih ka hre nghal mai bawk.




Reilote ah kawngka atanga mipa rawn lut ka hmuh chuan ka ang hiau a, Prof. Sangzuala chu a rawn pen lut thauh thauh a, mak ti lutuk in ka lo en reng, "Mama I lo thleng maw, han in tifai phawt la, chaw ei nan chuan a la hma deuh a" Nutei a tih leh lek phei chuan mak ka ti lutuk chu ka mitmu hi a chhuak hial ang tih hlauhawm khawp in ka meng zau in ka ring.




Lalpa leh.. Professor Sangzuala hi Nu Marini te fapa kha maw a lo nih a, engtinge ka hriat miah loh theih zawk le, ka hmuh tirh khan ka hriat hnu a ang ka ti reng a ni, min hre sa tih hriat takin min hmuh tirh atangin mak ti hmel a la pu ve miah lo bawk, min hriat reng te chuan a tirah te khan in sawi ve awm a nia, an inchhung a kan luh tirh atangin min la en char char, ka lak atangin mit a la la sawn lo hrim hrim, ka awm a nuam lo vek tawh.




"Zorini chu tunlai a in duh lutuk a, kan inah pawh a rawn leng duh tawh lo a nih hi kan lo ti hman a sin" Pa Nghaka chuan a lo ti sup a, "Na.. chutiang pawh a nilo, zir tur a tam thei lutuk a" ka tih chuan an nui dar dar hlawm a, chaw eikhawm an rawt a, kumtin a kan tih thin dan a ni, Prof. Sangzuala thung hi chu a tel ngailo thung, a chhan pawh phai lamah a awm tam thin zawk vang a ni




"Taka Mama hi in University ah a rawn thawk tak a sin, in in hmu thin em, in lamah hi chuan in la in hmu lo in ka hria a" Nu Marini'n a ti hluai a, ka bu zeuh ringawt, kan in hmu zing lutuk, mahse an fapa a ni tih ka hre ve chiah, engtinge kha chen chen kha ka lo hriat miah loh theih zawk ni, "A ni hian tunge ka nih pawh a hrelo, an Professor ang bak in min en ngailo" a lo tih chuan midang chu an nui dar dar hlawm a, sawi lan kher a tullo nasa ropui si, ka ngei tak tak a ni.




"Kan professor angin ka en mai lo che ten, kan professor i ni miau alawm" ka lo ti ve hlak, "Ka han in thlak phawt ange" tiin room lamah chuan a chho a, ka en zui reng, mak ka tihna hi a la reh theilo, min thawng takzet, nizan a zawhna min zawh te kha, an thenawm lawk a ka awm vangin khatiang kba min zawt ah ka ngai hmiah tawh bawk, a duh chuan ngeiawm thiam ve tak chu a ni, ka hrelo a nih pawn amah pawh in sawi ve mai tur a nia.




Chaw kan ei lai te chuan Prof. Sangzuala chu ka en leh thin a, ka en apiang lah in min lo en ve ziah bawk si, ka hawi sawn leh rang thin khawp mai, "Zosang, Bawihtei hian bialpa te a nei ve tawh lo maw, engmah lah hi min hrilh duh bawk silo a" ka pa in a tih chuan ka chaw bar lai chu ka tawp chawt a, ka pa zawh na tul lo ka ti kher mai.




"Pa ka neilo ka tih mawlh mawlh kha, nei ila chu ka sawi ve nah chu, naupang pawh ka ni dawn lova" ka tih hlak chuan an lo nui leh hlawm a, kei ka thu tum bar thung, "Bialpa chu a neilo a, mahse mipa te nen chuan ka hmu dun zing khawp mai" Prof. Sangzuala chuan a lo ti a, "Awihawm loh emai, mipa te nen kan awm dun khat zia chu" ka lo ti ve vat, nge maw dawt a sawi ringawt ni.





Chaw kan ei kham a, rawngbawl lam engmah ka tih pui lo bawk nen thleng chu ka sil a, thut khawm na lamah midang zawng chu an awm vek, ka hnunglam a thawm ri rak ka hriat chuan ka hawi let vat a, Prof. Sangzuala a lo ni, "Chuan mak i ti viau em?" nui suk chungin a ti a, chair chu pawt chhuak in a thu zui nghal bawk.




Ka thleng sil lai chu ka sil zawm mawlh mawlh a, "Mak ti e, min hriat sa reng te chuan in sawi ve mai awm che a nia, i ti mak ve maw" ka tih hlak chuan a nui ri chu ka hre zawm leh zat, "Ka hmuh hmasak ber che in ka hre nghal che a, keipawn ka hai loh lai che in nang chuan min hrechhuak zo tawh lo ania, I hriat na a ṭhalo hle mai" a ti leh a.




"I danglam tawh em alawm, hriat reng i har a, bakah kan in hmu khat bawk si, ka hrelo che kha a awm ve tho" ka ti leh sap a, "Awle, min hre ta alawm, chuan nang hian min ngei em em bawk a" a tih chuan "Tuin nge ti?" ka lo ti vat, "Ka hmu alawm, vawin ah pawh tlar hmaa I rawn in sawn pah in min melh rum em kha" ka nui ve ta hak a, ka lungawi lo bawk nen a ruk in ka melh rum kha a nia, min lo hmu reng tih ka hrelo reng reng.




"I ngeiawm ve em alawm, midang pawh khatiang khan i ti ngailo a, keimah kher" min chhang tawh lo, thleng chu ka sil zawm mawlh mawlh a, a ni pawh chu a la thu ve reng bawk, ka hnungzang a za mer mer a, min en reng a mawni le, hawi pawh ka hawi let ngam tawh lo, boruak chu a ni deuh up mai hian ka hria, tinge maw ka zam thar tak em em le.




"I lo puitling ve tawh hle mai" ka thil sil ka rem fel lai chuan a lo ti leh sup a, "A awm ve tawh alawm, kum 23 lai ka ni ve tawh a" ka tih chuan "Ni e, i upa tawh, bialpa nei rual I ni ve tawh a nihkha" a tih chuan a thusawi chu lo thlawp pui zetin ka bi nghat nghat a, "Chuan mipa duh lai te i nei em?" a tih leh chuan ka thil tih lai ka zo be chiah bawk nen a lam hawi zawng chuan ka in her a.




"Neilo, ka mipa duhzawng hi ka la hmu fuh lo aniang" ka ti a, "I bul hnai mai ah pawh a lo awm thut thei a" mitmeng chimawm zet chuan min melh a, amah a in sawi naah ka ngai hmiah, "No.. nanghi chu ka duhzawng i nilo, i lerh hmel emai" ka lo ti leh vat a, a lawm loh hmel ngang mai, "I ngaih ang ngawt ka lo nilo maithei a sin" a tih hmuk chuan ka ner nang a.




"Hmani ah pawn hmeichhe pakhat nen in in fawp lai ka hmuh cheu kha, i bialnu a nih loh thu i la sawi zui, i leth dawn tih te chu chiang sa reng tawh alawm" ka lo ti leh hram a, "Min belh chian i tum hma chu ka mize diktak I hre ngai dawn lo" ti hluk in a thutna atang chuan tho in a choka atang chuan a chhuak nghal nal nal a nih chu, ka en haw ringawt, a thinrim ringawt emaw ni.




Vawin chu ka scooty tlan loh ni a nih vangin bus chan mai ka ngai dawn a ni, Mary in lam tir ka tum nang in a dam loh vangin class a kal thei dawn silo a, ka thiante dang lah kan awmna a in hlat bawk nen an tan a buaithlak mai mai dawn tih ka hria, bus a kal kha ka tan pawh a harsa chuanglo.




"Bawihte i hman dawn tawh em, hai Zosanga'n a nghak che a nia" ka nu a rawn au lang lang chuan ka hman ve chiah, chuan tunah khan Prof. Sangzuala'n min nghah thu a sawi bawk, rang lutuk in ka room atang chuan ka chhuak a, in hnuai lamah ka chhuk chuan Prof. Sangzuala ka thutthleng a lo thu reng chu ka hmu a.




"Tinge min lo sawm a?" min lo sawm ka ring lo lutuk bawk si chuan ka ti phawng a, "I scooty tlan loh ni a ni sia, Mary lah a damlo bawk nen keiman rawn sawm tur che in ka ti a nihkha" ka nu chuan a lo ti zung zung a, "I hman tawh chuan kal nghal mai ila a tha ang, a hma vak tawh silo a" tiin a rawn ding chhuak a, ka lo bu nghut ringawt.




"Zosang Bawihtei kha lo veng fimkhur rawh aw, a sual chuan I lo hau dawn nia" ka nu lah chuan a lo ti ve mawlh mawlh a, naupang chhia emaw min ti a mawni, "Nu.. naupang pawh ka nih tawh loh hi" ka lo ti hlak, "Awle, a sual chuan ka lo hau hrep ang" Prof. Sangzuala lah chuan a lo ti a, motor ah chuan ka thu tum bar ringawt.




"Chuan in thenawm a ka awm vang hian min hlau lo ngawt suh ang che" hm.. engvangin nge ka hlauh loh ngawt ang, amah en reng reng pawh hian a hlauhawm sa reng alawm "Engmaw i sawi?" a tih chuan ka harh chhuak zawk a, "Engmah nilo e, a lum ka ti" ka ti daih a, tawng duh na ngang ka ni bawk a, Professor chu ka be buai reng a, min ning ve viau maithei a ni.




University kan thleng a, motor atang ka chhuk chu midang te chuan min en duh hlawm ngang mai, a then an phun sur sur bawk a, an ni hian Prof. Sangzuala nen hian min hmeh bel an tum leh hlawm ringawt tawh emaw ni, "Aa.. i rual a min kaltir avangin ka lawm e, ka kalsan ang che" tiin min biak hma chuan ka kal nghal nal nal a.




Ka thiante thut na lamah ka va kal a, zawhna ngah tih hriat zetin min lo en ran hlawm bawk, "Prof. Sangzuala nen in lo kal rual bawk sia, in pahnih hian in in ngaizawng a mi, tinge engmah min hrih ve miah lova" Puipuii chuan a lo ti nghal ringawt a, "Chu chiah, i mak ve maw, i in zep theih dan em em hi" Chhani'n a lo ti ve nghal zat bawk.





"Ringawt a cheu, engmah kan in kar ah a awm lo, Prof. Sangzuala hi U Ramnghaka kha in hria tiraw, khami u phai a awm char char la tih thin pa kha a lo ni reng alawm, nimin ah ka hre ve chiah keipawn" ka ti a, "A van mak em em nangpawh chu i va han hre hat reng reng ve" mawl min tih hmel zet chuan an lo ti leh a, "Engtinge ka hriat bik anga, inah a awm khat a niang ka hmu ngailo, bakah aan inah ka kal loh na a rei tawh alawm" ka ti leh vat a.




Bell a rik tak avangin classroom lam pan chuan kan kal leh hnak hnak a, midangte kan chuan min en haw haw bawk nen ngaihdan dik lo an nei a ni ngei ang, mahse engmah Prof. Sangzuala nen kan in kar ah a awm chuang lova, han in sawi fihlim pawh ka tum chuang lo, bakah a ngai in ka hrelo, an ngaihdan ang ang chuan lo ngai rawh aw, kan in kar ah engmah a awm lo tih ka hria a, a tawk viau.




Lunch break a nih takah chuan canteen lamah kan kal a, dawhkan awl a lo awm hluah, kan thu nghal vat a, eitur kan order fel chiah tih chuan Prof. Sangzuala leh Prof. Chhuana te an rawn lang ve hlawl a, Frog. Sangzuala'n min hmuh rual chuan kan lam pan in an rawn kal a, "In bulah kan lo thu ve ang cbu" a rawn ti sup a, ka chhang lo.




Ka thiante lah chuan aw an lo pawh rang ngang thung a, thut na awl a awm tawh lova, kan dawhkan ah thut na awl pahnih a lo la awm chiah chiah bawk nen an in daih chiah Prof. Sangzuala chu ka bulah a awm thu a, ka thiante chu an ngawi dak a, chawal ve dang te lah chuan kan lam bawk chu an rawn hawi leh dak dak thin a, keipawh chuan nuam ka ti chiah bik lo.




"Eitur in chah tawh em ni?" Prof. Chhuana zawk chuan a rawn ti a, Feli'n a lo chhang vat, an ni pahnih pawh chuan eitur an chah ve nghal a, "Nuam lo in va tih hmel ve" kan ngawi dak hlawm bawk nen chuan Prof. Chhuana bawk chuan a ti leh a, "Chutiang lam pawh a nilo, sawi tur a vang alawm" Chhani pawh chuan a lo ti ve vat a.




Prof. Chhuana chu a nuih zat hmel khawp mai, Prof. Sangzuala lah chu a ngawi reng bawk si, kan eitur chah chu a rawn thleng rual leh vek a, hmanhmawh zetin kan si, midang chu nise kan titi khawmuang leh phawt kha a nianga, mahse vawin zet zawng a dan a dang tlat, canteen a chawl ve dang ten kan thut na lam an rawn hawi reng bawk nen a nuam chiah lo, chhuah vat vat a chakawm tawh zawk.




"Subject ba te in nei em?" Prof. Chhuana chu Prof. Sangzuala ai thlawt chuan a tawng duh zawk a, a bul a awm pawh a nuam zawk, "Neilo, Pathian zarah kan la pass ve zel" Puipuii chuan a lo ti vat a, "A that nasat chu, zirlai in tam bawk nen ba in neih leh neih loh pawh hi a hriat theih meuh lova" a ti leh sup a.




"Ei zawh ah ka office ah min rawn hmu lawk ang che" ka thiante hriat tham loh tur chuan ka beng bulah Prof. Sangzuala chu a rawn phun sup a, "Engvangin?" ka tih chuan min chhang tawh lo, ka tawng hria ang pawh in a awm tawh lo hrim hrim, hetianga a awm hian alawm ka ngei thin em em ni.




Thil kan ei zo a, kan ei man pek kan tum chuan Prof. Sangzuala chuan min pek sak vek a, kan hnial chung pawh in awmzia a awm lo, canteen atang chuan kan in zui chhuak a, Prof. Chhuana chu thil tih tur pawimawh ka nei a tih vangin a kalsawn nghal a, "Nangpawh min rawn zui lawk rawh, in biak kan ngai" min en run chung chuan Prof. Sangzuala chuan a ti sup.




Tukin ah kan kal rual tawh bawk si a, miten min sawi duh mai bakah ka thiante ngei pawn mak an ti a nia, hetiang a a tih leh phei chuan ka thiante hian an ngai kawi leh ang tih ka hlau, a hma pawh in min dem fiam an ching tawh bawk nen ka thiante chu ka en a, "Va kal rawh, hetah hian kan lo awm ang" a tih avang chuan Prof. Sangzuala chu ka zui a.




A office chhung a kan in zui luh hnuah erawh a ngawi leh reng bawk sia, a hmaah ka thu a, min en run bawk nen nuam pawh ka tilo, "Professor enge min koh chhan hi?" tawng lova a ngawih rei tak em avang chuan ka ti a, break a zo tep tawh bawk si, ka thiante bulah ka kal ve hman lovang tih ka hlau et et bawk.




"Kan pahnih a kan awm lai chuan professor tih loh khan ka hming in min ko tawh dawn nia" chumi sawi tur mai mai chuan maw hetah hian min koh a, ho laa va ti takzet rei tawk min la thut tur zui, "Professor tiin ka ko ngun tawh che a, i hming a koh che chu ka thiam tawh lovang, bakah professor ti a koh kha i in hmeh zawk" ka lo ti zat zat a.




"Awle i duh thlan na ni tawh se, chuan bialpa i neih loh thu kha i sawi tawh a" a ti leh sup a, a sawi awmzia ka hriat loh vang chuan ka ngawi reng a, "Chuan duh pawh i nei lo bawk a, a dik em?" a tih leh chuan ka lo bu nghat nghat a, "Enge chutiang te min zawh, ehe.. nang hi ka nu in bialpa ka neih leh neih loh lo zawt chhuak rawh a ti che a mi?" lungawi lo ti deuh chuan ka ti hlak a.




"Chutiang lam a nilo, i hrethiam lo nge i hrethiam lo der zawk" thutak zet chuan a ti leh a, a sawi awmzia hi ka man hlawl lo, enge hriatthiam tur a hriatthiam loh tur tih thleng in, "I sawi awmzia hi hriatthiam a har em alawm, enge ka hriatthiam tur chu fiah deuh in sawi la, khatiang a sawi ringawt" ka ti hlak a.


(Fb lama post kha like hram ngam ang aw...)


Hahthlak min tih hmel fe chuan a thaw hawk a, "Awle, ka thusawi hi chiang deuh inl ngaithla rawh, nanghi ka duh che" a thusawi chuan min thawng lutuk a, tawng na chang pawh ka hrelo, ka en reng ringawt a, a ni hian min duh amaw, hah.. min fiam mai mai bak a nilo ang, ka nui chhuak hak a, "Min duh maw?" ka nui leh vak vak a, a nui ve miah lo lehnghal, thutak run chuan min en a.




"Fiamthu i thawh dawn pawn khatiang kha chu thawh tawh suh, thu awih awm ve deuh te sawi ta che" nui hak hak chung chuan ka ti leh a, "Ka fiamthu hauh lo, ka thutak viau" a ti leh nghut takah chuan ka nui tawp riai riai a, a hmel chu chiang zetin ka en a, ni e, fiamthu hmel a pu hauh lo, "Ka duh che" a ti nawn leh sup a.




Chil ka lem khawlh a, engmah saWk tur ka hrelo, engtinge Prof. Sangzuala hian min duh theih zawk, hmani lawk ah min hmu ve chiah a, tunah min duh thu a sawi a nia, bakah kei te chu a nau ang ka nia, engtinge min duh theih zawk ni, "Mak i ti hle dawn tih ka hria alawm, ka hmuh hmasak ber che atang khan ka duh tawh che, mahse sawi dan tur ka thiam loh vangin ka sawi lang ngailo, ka zep thei tawh lo a ni" a ti leh sup sup a.




"Engtinge min duh theih zawk a?" Chuzawng chu sawi tur ka hriat a ni, "Ka hre hauh lo, mahse i engkim hian min hip takzet tih erawh ka hria" a tih leh chuan ka thinrim deuh tlat, "Min fiam i tum mai mai bak a nilo ang, hmani lawk ah pawh hmeichhe pakhat nen ka hmuh dun cheu kha, in awm mai mai lai ni lovin ka rawn hmuh dan cheu pawh i hriat ve vek kha" ka ti leh hlak a.




"Khakha chu tihpalh a nihkha, khami zan khan engmah a thlen lo" ka ner nang a, a thleng emaw thleng lo pawh nise pawi tihna pakhat mah ka nei lo, mahse a mizia hi ka ngei ve hrim hrim, a lerh tih chu ka rin saa kha a nia, mahse ka rin ai nasa daih in a lerh zawk tih ka hre ve chiah, min duh a tih pawh kha ka awih hlawm lo, min hmuh hmasa ber atang tawh in min duh angin a in sawi a, min duh tak tak nise khatiang in hmeichhia a awmpui ka ring lo.




"Min ring rawh, kha hmeichhia kha sex ka hman pui lo" a ti leh sup a, "Chutiang ah ka buai lo, chuan i thusawi kha chu ka awih ring duh suh, min fiam kual i tum a nih chuan i ti sual hle ang, i hriat thin ang hmeichhia kha ka ni ve lo a nia, keichu ka danglam lutuk, chuvang chuan min fiam kual i tum hi bansan dawn, ka kal phawt mai ang professor" tiin ka thutna atang chuan ka ding chhuak a, kawngka lam ka pan nghal.




Kawngka hawn na ka vuan chiah tih chuan ka hnunglam atang chuan min kuai her nawk a, kawngka ah chuan min nam bet nghal, "Enge i hriat a?" ka ti vin hlar a, "Nangmah, chuan hmeichhe dang ang i nilo tih ka hriat vang alawm ka hmuh hmasak ber che atang khan ka ngaihtuah na i luah khah nghal ni" in lak zei a tum lutuk te hi ka ten zawng tak.




"Min thlah vat teh, enge ka lak atang hian i duh?" ka ti leh that a, ka thusawi chu hrelo ang maiin a awm a, kawngka ah chuan min nawr na zual sawt, "Ka sawi tawh kha, nangmah hi ka duh che, engthil dang mah ka duh lo, hun min pe ve rawh, tunah min duh lo a nih pawh in hun min pe la min duh ngai ngai theih na turin ka che ang" a ti leh nghut a.




"Aih.. ka duh lo, ka sawi tawh kha, min fiam kual ve tum suh, chuan ka duh ve lo che, hmeichhe duh lo chung nawr luih hi mipa diktak tihdan tur a nilo tih pawh i hre ve tho in ka ring" ka ti leh fak a, "Ka hria, nawr luih che ka tum lo, mahse hun min pe turin ka duh che a ni" a va han luhlul tak, ka sawi chian tawh tehlul nen engvanga hrethiam duh miah lo nge maw a nih le.




"Ka duh lo ka tih mawlh mawlh tawh kha mawle, engvanga hrethiam duh miah lo nge i nih a?" ka ti hap, "Bawihi" "Khati khan min ko bawk suh" ka lo ti leh vat, kan taksa a in si chet a, a lum bawk si, ka tawng na lamah ka dang te hi a ti zo vek tawh in ka hria, "Ka thusawi hi hriatthiam tum la aw, ka duh takzet che a ni, fiam kual mai mai atan ka ti hauh lo che" a ti leh sup a.




"Ka thusawi hi hriatthiam tum zawk rawh, keichuan ka duh ve lo che, chuvang chuan min ti buai tawh suh, keichuan u ang leh kan Professor i nihna ang bak in ka en lo che" ka sawi zawh rual rual chuan ka hmui chu a rawn khar chilh a, a chet dan chuan min thawng bawk nen chet sawn mai na chang pawh ka hrelo, ka in dawh mawl tawp ringawt.




Mahse ka hmui rawn nawr kau a tum rual erawh in ka tam ta nghek a, min fawh na chu a thlah duh chuang lo, a ke ah chuan ka rah sak ta vak a, min thlah chiang hle, "Hmeichhe pa" ka ti tuar, "Ka tihpalh ka in sum zo lo a nihkha" a ti sup, "Ka haw lutuk che" ka ti leh vak a, "Ka hria alawm, mahse ka duh che ka tih tawh kha, tunah chuan i thinrim a nihkha, in ngaihtuah phawt rawh, nakin ah min chhang dawn nia" a la ti hram.




Engpawh sawi ila engah mah a ngai dawn o tih ka hrechiang viau tawh, chuvang chuan engmah sawi tawh lovin ka in her a, a office atang a ka chhuah dawn a a thu rawn sawi leh avang chuan ka ner sak a, a rual in ka haw tawh awm lo emai, chhang lovin ka chhuak hmak, Prof. Sangzuala office atang ka chhuak lah chu midangte chuan min en duh em em lehnghal.




Engah mah ngai duh lovin ka kal mawp mawp a, ka thiante chu ka va pawh ve nghal thuai, Professor in min koh chhan pawh chu min zawt hran lo, kan thenawm ah an awm tih leh an chhungkua te nen kan in pawh viau tih ka sawi tawh avangin mak an lo ti hran lo hi a lo nia, ka thawveng huai mai, class ban hnuah pawh chuan nghak duh lovin bus ah haw ka tum a, mahse Msa'n min thlah theih dawn thu a sawi avang chuan a rual in ka haw ta daih.

Cont...

Click leh comment a that chuan naktuk zanah a awm lehnghal ang...