ME AND THE FBI AGENT...Chapter-2 (Encryption)

[Noah Hringngen]

Chapter-2
(Encryption)
www.storyfb.com
Ka awm a min hnawh tlat avang chuan thawk a harsa ka ti hle a, ka thinphu a reh thei si lo. Agent Parker an English class atanga min hruai chhuah hnu khan FBI police station pakhat ah min hruai a, room pakhatah hian min dah a, chu room ah chuan dawhkan pakhat leh chair pahnih chauh a awm a, a bangah chuan darthlalang lian tak awm in pawn lam atang chuan ka awmdan chu chiang tak in alang thei thung a.

Chutiang ang room chu film ah leh Tv ah te ka hmu tawh thin. Ka zam hle a, engvang a keimah chauh a chulai ah chuan hnutchhiah nge ka nih tak le.. ..?

> MANGAN NA LIPUI <

Chutiang ang room chu ka ngaina hlawl lo. A ruk tak chuan ka chi-ai hle a, a tawp a tawpah chuan kawngka chu a rawn in hawng ve ta hram a, kawngka bulah chuan Agent Jack Parker chu alo ding a. A hmelah chuan a thu tak hmel hle lehnghal.

"Miss Colson" ti chuan min rawn ko a, a aw erawh a dam thlup a. Kawngka chu khar in a rik danah chuan a in kalh nghal tih pawh ka hria. Ka ep chiah chair ah chuan arawn thu a, a kut dinglamah chuan eng file emaw hi a keng bawk a

"Alex" kei chuan ka lo ti a. Mi in a ka hming hnuhnung zawk a min koh hi ka duh vak lo. Bakah Tyler-a min hriatchhuah tir thin. "Engvang a helai a awm hi nge ka nih? " zam chung chung chuan ka han ti a

"Alex, tun hnai lawkah eng information emaw dawn i nei em? " min rawn en chung chuan a rawn ti a.Ka damlo mai dawn in ka inhria. Chutiang thu chu a rawn sawi ka lo ring lem lo asin le.

> ENG HREP TAK NGE MAW A SAWI LE?? <

"Aih.. .Ka tih awmzia chu chutiang engmah ka hre lo" seh chilh nawk nawk chuan ka han ti a

A mit ko chu a san ak a, chutah a file ami lehkha pakhat chu phawrh in an thlek deuh vung vung a. "Alexis Clara Colson, kum 18 mi, thla leh lawk a kum 19 tling tawh mai tur. A unaupa Tyler Jackson Colson thah anih hnuah kum 17 lek mi ni in a awm hrang a. Chu mi hnu chuan hmun hrang hrangah awm kual in high school a beinawn bawk."Ka chanchin a chhiar lai chuan a hmui nalh tak mai chu an liak zeuh a, kei chuan hmuhnawm ti tak chuan ka lo en dauh dauh a.

> CHUNG ZAWNG ZAWNG CHU PAPER PAKHAT AH CHUAN A AWM VEK EM NI?? <

"Eng tin nge i.. " ka tih lai chuan ka thusawi chu arawn pawtchat nghal vat a


"I nu leh pa chu Elizabeth leh Mason Colson te ni in kum hnih kal ta khan an inthen a. I high school luhna hmasa ah school server hack in i grade tih san nan i hmang a, i school luhna hmasa ah pawh in zirtirtu computer i hack bawk". Chu thu an chhiar chu ka meng phawk ngei mai. Tyler an a mark tih that a duh avangin kan zirtirtu computer pawh kan hack ngei anih kha. "Thla ruk kal ta khan he khuaah hian i rawn cheng a.. .." chu veleh ka beng chu ka hup nghal a, ka nun thing tak mai chu ngaihthlak ka duh tawh lo.

"Ka hria ka hria" ka ti a. "Ka nun chu a mawi teh chiam lo tih ka hria, ka unaupa in min thih san a, ka nu leh pa ten min hnuchhawn a, harsa tak in ka lo sei lian a, chung zawng zawng chu ka hma zawn a min hrilh nawn leh vek kher kha a tul ber lo. Engvang a helai a awm hi nge ka nih? " ka rawl chu a ring ngei mai. Chutah muangchang in paper chu dawhkanah a dah a, a kut chu ahan suih zawm a "Alex, tukin khan eng emaw file pakhat, unknown address atang i dawng ni in kan lo hria a" . Brick bung a vawm chawrh ang vel ka ni.

> FILE MAK TAK MAI CHU <

Ka hrawk te chu a lum deuh pup pup a, "Tu mah ka thawn darh lo" ka han ti a, ka aw ah chuan ka zam hlemai. Chu file a sawi lah chu ka hrechiang ropui bawk si a

"Tah khan i unaupa thih dan chungchang ah thil eng emaw a awm ni in kan lo hria a" tih pah chuan ngaihnobei tak hian min rawn melh a

> DUHTAWK RAWH ALEX. HE PA HIAN A MAN MAI CHE BAKAH I THURUK ZAWNG ZAWNG A HAI CHHUAH SAK CHE ANI A, ENG A TINGE KAWR RUAK A AWM LAI TUR RINGAWT I LO SUANGTUAH NI <

"Thil eng emaw aa?" tih pah chuan ka han en deuh haw a

"Tichuan eng nge sawi ka tum tih chu i hrethiam tawh mai em? " tih pah in a hmui pan te chu ahan liak zeuh a

"Ka.. .ahh" engmah ka sawi hlei thei lo. Hnuailam chu ka bih ta ringawt a. Thil sawi leh tum chuan ahan ang zuau a, mahse kawngka chu rawn inhawng in mi pakhat arawn lut a, chu pa chu agent parker ai chuan a upat hmel deuh zawk a. A sam buang chuan a dum lam a pawl mah mah a, a mitmu chu a pawl ram a. A chhe lo hle nangin ka ep chiah a thu pa erawh ala tluk chuang lo.

Kan bulah chuan arawn thu ve a, amah ai chuan Agent Parker chu a sang zawk a, chu pa chu 6ft vel anih lai in Parker erawh 6.4ft vel anih ka ring.

"Morgan" ti a alo koh chuan a hming chu Morgan-a ani tih ka hre ta a, dawhkan ah chuan Laptop hi arawn hung chhuak a, chu chu ka Laptop ngei kha ani.

"Hei kan rawn la e Parker" arawn tih hnu chuan min chhuahsan lehnghal a

"Kha chu ka Laptop anih kha" ka mit ah chuan zawhna hlir a hmuh ka ring. Engvang a ka Laptop chu rawn la nge an ni a, engtin nge an lak theih?

"Ni chiah e" tihpah chuan Laptop chu a on a

>PASSWORD KA LO SIAM HLAUH CHU A TIH CHI HLEMAI<

"Password?" tih pah chuan min rawn melh nghal a

"Engvanga ka Laptop kha la nge in nih? " a thu sawi chu haider lui chuan ka zawhna chu ka zawt nghal vat a

"Password ka tih chu maw le? " tih pah chuan min rawn melh leh a.... A hmel chu a duhawm thlawt ani. A ngeiawm tih mai loh chu

"Tyler 18" ka lo ti a, ka unaupa thih hnu khan a hming chu password ah ka hmang zui ta ani. "Tichuan i lungawi tawh em? Chuan engvang a ka Laptop kha la nge innih a, engtin nge in lak theih? Court in ti tur in ati che u a nih chu ka ring chiah lo"

"Enteh Alex, file pakhat i dawng ni in kan hria a, a dik ngei ani tih pawh kan fiah ta e" nui suk pah chuan arawn ti a. Ka damlo mai dawn in ka hria. Chu thil chu an chhiar anih chuan eng emaw chenah rinhleh theih ka nih ve na chance a awm tlat ani.

"Mahse engtin mah ka reply lo ania" thusawite chu ka harsat vek tawh. Hnuailam ka bih thuai a, tunah chuan kha email vang khan jail bang ka zut angai ve dawn ta anih hi

"Ka hria alawm" tih pah chuan Laptop chu a bih leh nghal a. Chu veleh ka dak chhuak a

"Eng maw?? "

"I reply lo tih chu kan hria alawm, mahse i dawng thung" tih pah chuan Laptop chu a bih lehnghal a

"Harsatna ka tawh phah angem? " beiseina sang tak nen chuan ka han ti a

[Ngaia]

"I thil tihah a innghat ang chu"

"Engah maw innghat ang? " tihpah chuan ka hmui chu ka han seh a

"An ni ho kha i tanpui leh tanpui lovah" tihpah chuan Laptop chu ka lam hawi chuan a rawn hung a, chutah chuan zing a ka email dawn pahnih kha chiang zet mai hian alo lang a

"Eng nge? Email thawn dan min zirtir i tum em ni? " nuih pah chuan ka han ti a

"Ni love, helai file zawk hi" tih pah chuan ka email hmasa zawk a linked rawn awm tel kha ahan kawk a "Hei hi Encrypted file(file eng emaw, mi bik chiah in a an hmuh theih tur a dah) ani tiraw? "

"Aw ni e... Tinge? "

"Chu chu i cancel angai ang" khai aw... Chutiang mai mai te chu a ho lutuk. Duh ni se chu mi ti tur chuan computer expert pawh an ko thei reng alawm. Engvang a kei kher min rawn ko nge maw an nih le?

"Chu mi ti tur chuan midang tha deuh rawih tur i nei lo em ni? " tihpah chuan ka kut chu kan kuangkuah hmak a, mak min tih hmel hlemai.

"Nang kher hi ka tih tir duh che ani mahna" tih pah chuan duhawm deuh hian ahan nui deuh sak a, a nuih zawng a a biang sum rawn lang deuh seih chuan avan ti hmeltha tak em. Kei pawh chu min ti nui lo theilo.

> DUHTAWK TAWH RAWH <

Ka ngaihtuahna atang chuan ka harhchhuak nghal vat a. "FBI meuh in file decrypt tur in min duh ani a, a chhungah chuan report leh thlalak thenkhat bak a awmlo" ka lo ti a

"Ni e, kan la hria ang chu" tih pah chuan ka lamah chuan Laptop chu arawn nawr phei a

"Eng atan nge maw a pawimawh vak le? " tih pah chuan a keyboard chu ka hmet nghal nuah nuah a. Chutih lai chuan a chair atanga rawn tho chhuak in ka hnung lamah chuan arawn phei a, ka thutna chair hnung chu a rawn vuan a. A rim sexy tak chuan ka hnar chu a rawn fan raih raih a, ka thawkte chu a buai vek.... Ka tuiral mai dawn in ka hria.

"A chhan chu a pawimawh tlat si a" tih pah chuan min rawn hnaih sauh a, ka mur uai uai mai. A kalsawn chu ka duh hauh lo.

"Engvang in nge tun a taka nangni ho hian ka nau thihna chungchang hi rawn vei thut nge innih le? Police hnenah vawitam ka kal a mahse thu tak hla takah engmah min laksak duh ngailo" tiang chuan ka thil tawn chu ka sawi a

"Zawhna i zawt vak vak aniang chu" tih pah chuan a rawn la kunhniam zui a. Ka lungphu chu a phu rang hle mai, a ri chu a hre pha ang tih ka hlau hial.

File ho chu ka decrypt zo ta. Chu ve leh Parker-a chu kal sawn in Laptop lam chu a melh nghal a

"I van ti chak ve" nui deuh sang chung chuan ahan ti a, thil harsa chu ani lo reng a. "Kan expert pawn nang ai chuan a zo chak bik chuang hauh lovang" ti in min han fiam zui a.Diktak chuan FBI, training tha tak a la vek tan chuan thil harsa ani lo.

"Anih tak chu a" tih pah chuan ka han hawi phei a, a ban puam lian tha tak mai chu a kawr chhan ah chuan alang puar lah a

> KHAI AW...!! IN THUNUN HRAM HRAM TEH. TI HI CHUAN A THA DAWNLO TAWP MAI <

"Ka ti tak tak alawm" keimah pawh min en chuang lo chuan a rawn ti a. "He encryption file hi khawih harsa tak mai ani an ti a" A ngeiawm rukna tak chu ani ti duhawm tu chu. Ni e chu file buaipui chu a awl ai hauh lo nangin kei chuan awlsam angreng tak chuan ka ti thei mai a, engtin nge an ni expert zawk chuan an tih theih loh le?

"He encrypted file atang chiah hian ani tunge he thil hi rawn thawn tih kan hriat theihna awmchhun chu" min rawn en pah chuan ati a

*** *** ***

[Ngaia]

Chu mi hnu chuan ka chenna lamah min thlah haw a, him tak a in ka thlen leh chu a boss thupek ani. Ka apartment kawt thleng chu min rawn thlah a, a tu a mah mah chu kan tawng lo.

"Umm... Min thlah a ka lawm lutuk" tih pah chuan ka inher a, ka kal nghal a

Mahse rang tak chuan ka banah rawn vuan in alam hawi chuan min han kuai her a. "Engtin nge khang file kha i decrypt theih? "

"Ka hre bik lo, ka ti ve tawp a ni mai. Computer te chu ka thiam ve zawng tak ania" ka lo ti a

A mithmul chu a san ak a, min vawnna kut chu a la thla a "Mangtha Alex" tihpah chuan a motor lam chu apan a

"Hey Agent" a car kawngkhar a hawng dawn chiah tihah chuan ka han ti a, chutah alo hawiphei a "Mangtha le" ka lo ti a, rang tak in ka apartment lam ka pan nghal a

*** *** ***

Ka muhil theilo chu khumah chuan ka let ka let a, sana ka han en chuan 2:17AM lai ani tawh si.Rum ngut chung chuan lukhamah ka hmai chu ka han phum a, ka rilruah chuan chhun lama Agent Parker nen a kan ti ti na ringawt chu a awm a, engvang nge ka hre lo, ka ngaihtuahna atang chuan ka paihchhuak thei si lo.

Chutah ka doorbell ri chu ka hria a, rang tak in ka tho a. Tunge tunah dar 2 vel a rawn kal chu niang le? Tim dui chung chuan ka tho a, inhnuai lamah chhuk in kawngka chu ka pan a. Kawngka vawn na chu ka han vuan a, chutah zawi te in ka han hawng riai riai a, tualthah hmang hreipui nen a ding lam reng ka hmu lo.

Agent Parker chu a suit ngai ha chuan pawnah a lo ding reng a

*** *** ***

"I paijamas chu ava nalh ve" arawn ti a. Kan han in en a, kekawrbul chhing tak leh T-shirt bak ka ha lo. Sawm pawh ngailo chuan arawn pen lut nghal a

"Zing dar 2 arik tawh hi" tih pahin kawngka chu ka khar a, a lamah chuan ka va phei a, a ni chuan nui sang chung leh inlak fel hmel deuh chung hian minlo melh a.

"Wow... .Colson, i smart viau nangin i mawl ru tlat anih hi" tih pah chuan min han nuih a, a ngaihna ka hre lo hlemai. Zing dar 2 ah min rawn nuihsawh tur in alo kal tihna em ni?

"Eng nge i duh a? " tih pahin ka kawng chu ka han dawm a.

Min han en vang vang a, chu tah a rawn pen hnai a, "I puihna kan mamawh ani"

"Eng thilah chuan maw? "

"Kan boss in Tyler -a chung a thil thlen dan hriat chhuah nan a duh che ani" chu thu chuan min deng dawt mai. Darkar tlem te kal taah kha chuan an duh duh in thil min zawt kual a, tunah lah ka tanpuina an mamawh leh si amaw??

"A ni tak tak amaw? "

"Keima tih chu a ni hauh lo" a ti nghal vat a. "Kha tiang file decrypt thei awmchhun ini a, chu vang chuan kan boss in a mamawh che ani" a thusawi chu amah ngei pawh chuan a sawi hreh hle tih chu hai rual anilo.

"FBI case khawih ve tur in min duh amaw?? " chu kher kher chu awih a harsa ani

"Ni love.Kan boss chauh in a duh che"

Sawi tur reng ka hrelo. Police lamah pawh a ka hlawhchham laiin FBI meuh in ka puihna an mamawh a ni si a

"I inthlak phawt dawn nge dawn lo? "

"Tunah kher ami min mamawh? "

"Chuvang chuan alawm i apartment kawt a zing dar 2 a ka rawn din na chhan"

"Reilo te minlo nghak lawk rawh" awmdan ber pawh chu ka thiam lo

"Bag ah pack ang che" ka chhoh lai chuan arawn ti a. Ka phur tawh lutuk ringawt. Rang tak in ka bag ah chuan ka in pack sawk sawk a, ka chhuk thlak leh chuan kuangkuah in alo ding a, a hmel duhawm tak ngei mai chuan minlo en reng a.

*** *** ***

"I inpeih tawh maw? " tih pah chuan kawngka chu a hawng a, kan piah a SUV car lam chu kan pan a

"Thil ka zawt thei che angem? " a passenger seat ah chuan ka thu a, ani pawh chu driver seat ah chuan arawn thu lut nghal a. "Tukin khan min zui tiraw? " chu SUV car chu ka hmu zing tlat ani

"Aw zui e" alo ti sam et a. " Kha mail i dawn atang khan a rawn thawn tu i hriat kan ring a, in inhmuh ring in ka zui zel che a, mahse school a i luh zui tak avangin ka rawn zawng zui che ani.Zawhna ala awm em? "

"Umm... Kum engzah nge inih? I la lang nopang angreng sia"

Chutah a biang sum lang seih chuan an nui a "Kum 23,kan chhungkaw hna ka chhawm a"

"Ava tha ve. Anih leh khawiah nge kan kal dawn? "

"The Federal Bureau of Investigation ah"

Chu thu ka han hria chu ka phu zawk a "Washington DC ah maw? Chuvang ani maw in pack tur amin tih? "

"Zin kawng thui tak ani tih chu i hriat ka ring" tihpah chuan an nui leh sei a

"New York atang pawn darkar 4 tlan ala ni alawm ni? " kan han ti a. Ka la kal miah lo nangin Tyler-a thih chungchangah ka nu leh pa te chu an kal tawh a

"Chutiang vel chu ani ang" tih pah chuan ahan khalh chak leh deuh a, Washington pan a kan zin kawng chu a intan dawn ta.
.
.
END OF CHAPTER -2