※ RED & WHITE ※ . Chapter -11

Episode kal lai dah luhna

Moderator: writers

Noah Hringngen
Posts: 225
Joined: June 14th, 2016, 10:29 pm
Location: Durtlang

※ RED & WHITE ※ . Chapter -11

Unread post by Noah Hringngen » September 17th, 2016, 6:28 pm

.
CAMMIE'S P.O.V
.
Rul dawi thiamin bur a rul awm phenglawng hmanga a ko chhuak ang mai hian Cameron-a chu ka en reng a. A thaw halh halh a, a lu buk tak mai chu a inhmeh hle a, a thlan a vangin a kawr hak chu a huh hlap a. A kawr tlangah chuan vuanin a hlip a, a kawr huh tak mai chuan a hmai a a thlan tla chu a hru a, chutiang ang kawr huha hrukte chu awmzia a awm dawn e mawni...
.
Ni e, a tha, a lang tha thlawt. A taksa a seiin a kimtlang engkim mai leh a tihrawl ruh tha tak maite chu nalh tak a ni. A awm vei lamah chuan tattoo inchhu ka hmu a, lian lutuk lo hian ka hming a chhu a
.
CAMMILLA
.
Ka huatna erawh a la reh chuang lo.
.
Engvangin nge a kawr chu a phelh kher? Chutianga a taksa hmuh chu ka duh hleinem. Kan nunhlui min hriatchhuah tir tu leh min ti na tu bak a ni lo.
.
Chu tattoo a chhutni leh chumi ni a kan hlim dun ziate kha.
.
.
"A dang i lo chhu leh elaw..?" tihpahin a chhutna lai sen deuh chak mai chu ka khawiha, a la thar em a vangin a vunte chu ala sen chura,mahse chu pawh chu a inhmeh tho
.
Chu mi ni chuan Cameron a khumah kan awm dun a. A ni chu zangthalin a mu a,kei ka bawkkhup a,a awm chu kham in ka hming a tattoo a chhut thar chu ka khawih mai mai a.
.
"He thil hi chu ka hlut teh a nia. Tunah chuan helai hi ka taksa peng zinga special ber a ni tawh ang"
.
"Hehe....ka awih lo emai a Cameron"
.
"Ngati nge i taksaah ka hmingte i chhut duh kher a? Lo inthen leh ta si ila engtin nge ni ang?"
.
A nui hak a,zawite in ka sam a rawn chul a. A chhanna nghak chuan thawk kan la vang vanga.
.
"Chutiang thil chu a thleng dawn reng reng hleinem"
.
Ka nui a. "Chungte chu sawi ngawt theih pawh a ni em mawni le?"
.
Ka khabe ah rawn dawmin zawitein a chawi kang a, a mitah tak chuan ka en a.
.
"A chhan chu ka hriat vang a ni Cam. I mitah hian ka hmu thei a ni"
.
Ka chil ka lem ri khalh a. "A nih lo inthen palh ta ila...?"
.
"Ka hrilh tawh che kha" a rawn ti a,tlemin a meng rum deuh. "Chutiang thil chu a thleng ngai lovang"
.
Ka kut chu rawn vuanin a rawn hum a. "Chutiang thil a thleng a nih chuan kei chu dam tlak ka awm pawn ka inring lo"
.
Ka nui hak a,ka han en chuan a ni erawh a nui ve hauh lo. A meng bial kalh a, a mitmu chu a alh emawni tih mai tur a ni. Chutianga a men chuan eng nge thleng tur ka hria. Rang takin ka kut a vawnna chu ka lasawn a,ka tawlh hnung nghala.
.
"Kal sawn suh" tihpahin nui chungin khum a tang chuan a rawn tho a.
.
"Aih...,min rawn man phawt loh chuan" tihpahin thutthleng hnung lamah ka tlan phei a,ka phur luat lutuk vang nge ka tirilah ka khur der der mai.
.
A rawn pheia, a lehkazirna thutthlengah chuan thu in a ban pahnih in a tukhum a dawm a. Khai lehh.....ka bialpa chhiat loh zia leh sexy zia hi.
.
A mithmul a rawn kan ak a. "Um kher i ngaih chuan ka um peih lo che. Ka chau lutuk...,bakah ka thahrui neih chhun hi thil dang tih nana ka khekkhal rih a ngai. Chu chu i ngaihtuahnaah pawh a awm ve tho kha"
.
Ka chil ka lo lem khalh a.
.
"Lo kal teh" a kutzungtang chuan kal turin min rawn hui a. Chuveleh muangchangin ka lu ka lo thinga.
.
"Cammilla, tunah hetah hian rawn kal nghal rawh" a aw chu a thupe aw ngang mai.
.
Kei erawh zel ang mai ka ni. A lampan chuan muangchangin ka phei a, a ke zawn ka thlen chuan ka ding a.
.
A ni erawh lungawi hmel zet hian thutthlengah chuan a thu dar dar a,a kut pahnihin a kawng a dawm a.
.
"Rawn ding hnai deuh la,ka nghawngah hian min rawn kuah teh"
.
Ka thin a phu dup dup tawh mai. A sawi ang chuan ka ti a, a khabe ruh che relh relh a tang chuan a la inthunun rih hle a ni tih ka hre thei.
.
"Ka duh zia che hi ka hrilh tawh che em?" a aw chu a zawi hle a,a mitmu pawl ram mai chuan uluk zet hian min melh a.
.
Engtinmah ka chhang lo.
.
"Ka duh lutuk che Cam. Mahse a chang chuan midang hian min rawn luahlan mai ang tih hlauhna hi ka nei leh thin. Chutiang chu lo thleng pawh nise kei chuan ka thlah chuang lo ang che" an ngawi leh deuh det a. "Hmangaih dang i nei a nih pawn kei chuan i kal ka phal dawn lo va,ka chelh tlat dawn che. Nang chan che ai chuan i taksa peng hrang khat lek luah pawh ka duh zawk. Chuvang chuan a ni engtikah mah kan inthen dawn lo ti a ka sawi ni"
.
Ni e, chung thil ka ngaihtuah chang ringawt pawh chuan ka kehchhe vek mai dawn ni hian ka hre thin.
.
.
Helai gym ah ngei hian vawi tam tak a basketball practice ka lo nghak tawh thin a, a towel tur leh a tui in tur ka lo kensak ni tin tawh thin.
.
Min rawn hmuh chuan min rawn nuih suk a,mahse a nuih dan pawh chu a der mai mai a ni tih ka hria. Chutih rualin ka tan erawh chuan a tui in lai mai mai pawh chu hmuh hrehawm a ni tawh.
.
Ka hawi sawn vat a,helai hmun hi chhuahsan vat mai ka duh. Ka mittui a rawn hnam a,mahse hepa a vang hian ka trap tawh tur a ni lo. Ka mittui far khat pawh hi a phu lo.
.
"En teh u...saw nu khawngaihthlakawm zia saw. A mipa zawkin a duh der tawh mai si lo va,mahse a ni erawh saw chuan a ta ang maiin a la en nia"
.
Aw ka hriatna lam chu ka hawi vat a,ka hnung hnung leh a thu hmeichhe pahnih chu min en chungin an lo inhrilhru ser ser a.
.
Insumtheihna ka tlakchham lai tak a lo ni bawk nen, ka inher lawkah a hnarah tak mai chuan ka theihpatawp a na in ka hnek ri chawk a,chu veleh thisen a rawn chhuak nghala.
.
Mahse vawiin ni a Victoria-i ni nuam tak tur tih chhiat sak tu nih chu ka duh lo. Washroom a kal turin ka insawi tawh tho a,chuvangin helai hmun hi ka chhuahsan zawk mai ang.
.
Chutih lai chuan ka hnunglam a tang ke pen thawm ka hria a.
.
.
.
CAMERON'S P.O.V
.
A mitmengah chuan ka hmu thei. Thinrimna in a khat tih leh atthlak takin a che dawn tih. A mitah chuan chiang takin a lang a ni.
.
A hnunga thu hmeichhe pahnihte chu an inhrilhru ser ser reng a, an melh leh zeuh zeuh thin. Mi mawl ber tan pawh a chanchin an sawi a ni tih chu hai rual a ni lo.
.
Ka en reng a,thla 6 chhung lekin Cammie chu a lo inthlak hman hlemai. Ka Cammie hriat thin kha chuan tumah a tibuai ngai lo va,tumah a ti na ngai hek lo. Mahse tunah chuan mi thisen hial a chhuah ta.
.
Tuna ka hmuh Cammie hi chu a danglam tlat.
.
Hetiang khawpa a danglam a nih chuan ka laka a rilru put hmang pawh a danglam viau tawh ngeiin ka ring. An lampan chuan ka phei nghal a
.
A hnek loh zawk nu chuan Cammie samah chuan kek in a kuai bu lawp a, Cammie chu a rak tuar tuar a. An khawih na tur a ni lo.
.
Rang takin ka va pawt sawn lawp a,Cammie chu kuah bet in bang lamah ka nawr bet a, ka thinphu ran zia leh ka hlauhthawn zia mai chu. Tunah chuan a na lo tih ka chiang ta. Ka kuahna a tang chuan a thaw hlawp hlawp a.
.
"Cameron...?" a aw chu a tham zawi chhalh a. Chutiang aw ka hriat hnuhnunna ber chu a rilru ka tih nat sak ni kha a ni.
.
"Ohh....bawihte" a sam leh ka hmui chu a innawk bet tlat a. A vun dai dep maite, a rimte,a hlauhthawnna zawng zawngte chu laksak vek mai ka duh.
.
Tunah chuan i bulah ka awm tawh e. I him tawh e ka naute ti a hnem mai ka duh. Mahse chu erawh ka sawi chhuak thei bik si lo.
.
A hmelah chuan ka en a, mi thah mai pawh pawisa lo hmel hi a pu a,a kamsir chu a thi bawk a.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2016, 6:55 pm

"I-..i tha em?"
.
A lu a lo bu vata. Hetianga thinrim deuha a awm chang hi chuan luhai a nei thin tih ka hria.
.
"Tirawh...,ka hruai haw ang che. I pem kha enkawl vat a ngai a nih kha"
.
A ni pawh chuan a lu a lo bu ve mai a,ka Car lamah ka kuah phei a.
.
Campus a tang chuan kan awmna a hlat loh a vangin kan thleng rang ngei mai. Ka room lamah kan tih fo thin dan angin ka kuah lut a, tih fo thin mah nise a tak a ang ta lo riauin ka hria.
.
Khumah chuan ka mut a, kei erawh khum tlangah thuin a darah ka vuana. Ka zuk kun hniam a,ka mitmenga thil danglam awm chu a hriatthiam ka ring. A hrethiam ziah thin kha a nia, mahse tunah rih hi chuan chutiang chu lan tir hun pawh a ni lo.
.
A kut chu rawn ti kangin ka biangah a rawn dawm a,ka tah a chhuak lek lek zawk mai.
.
"Cameron, hetah hian eng nge ka rawn tih a?" a aw chu a nemin a zawi hle a.
.
Min la haw reng a ni. Ka thil lo tih takte zawng zawng a vang khan min haw ngawih ngawih se ka duh. A duh leh elhsen thei ang ber pawhin min tawngkhum rawh se. Thiam thu sawi tur engmah ka nei lo. Kei chu sa thi tawih ang mai chauh ka ni.
.
"Cameron"
.
A mitah chuan ka en a,ka mita mittui tling pam mai pawh chu a hmu ngei ang. Mahse pawi tihna ka nei lo. Helai hmunah ngei hian nunhlui tam tak ngaihtuah chhuah tur ka nei a,mahse a tel lo hi chuan...., a kut nem taka min khawihna tel lo hi chuan engmah reng hi a famkim si lo.
.
Chiang takin min en vang vang a, theih nise lungchim taka fawh vawng vawng mai ka van chak tehreng em. Mahse chu chu ka tih tur a nilo. Chu chu kei aia mipa tha leh fel zawkin ti rawh se. Ka phu ve hlawl lo.
.
"Khai lehh....Cammie, ka tihpalh lutuk aw"
.
A ngawi reng a, a malpuiah a kut a nghat a,a mit erawh a la sawn lo.
.
"Engah chuan maw...?" a aw chu a dam diai a,mahse rilru erawh a tawk zar thung si.
.
Ka kut ka hum ruh a,keimah leh keimah chu ka inhua a ni.
.
"Engkimah khan..." ka zuk kun hniam a,a hmuiah chuan ka fawp nghala.
.
A tukhumah dawmin a sam chu ka tham a,a lehpek awm leh tawh chuang lo tur ang maiin ka fawp a.
.
Kan inthen hnu khan hmeichhe hrang hrang ka mutpui a, amah ka theihnghilh phahna tur a ni dah lawng maw tiin. Mahse thil pakhat bak mamawh ka nei si lo.
.
"Cammie.." ka rum hak a. Ka tung tho a, chuveleh a bawpin ka kawngah min rawn kherh a,a nghawngah min rawn kuah nghal a.
.
"Ka ngai lutuk che Cammie" chutianga min kuah leh ringawt pawh chu ka tah pui lo chauh a ni.
.
Bangah ka nawr bet a,a nghawng,a dar,a hmui....ka fawp nghal mawlh mawlh a. A banrekah manin chunglamah ka phar chhoh tira,a khawilai mai pawh chu ka fawp mawlh mawlh a.
.
Ka nunna boruak a ni a,ka chaw tui ber leh ka lungngawina awm chhun a ni.
.
"Cameron" a rawn thaw hak a. "Min fawp rawh"
.
A nghawngah ka fawp thla a,a dar ka seh ner ner lai chuan a rawn tap chhuak hak a.
.
"Cameron" a thaw haka,ka biangah a rawn dawm a. "Cameron"
.
Mahse hmanhmawh lutuk zawng a chi lovang. Helaiah ka hruai a ni a, nakin lawkah min huatna a zual mai mai zawk palh ang.
.
"Cammie, hmanhmawh lovin. Bawihte....tunah hian-" a biangah dawmin a chal chu ka chal chuan ka zuk nawr si rat a,kan thaw dun halh halh a.
.
Engmah sawi lovin kan ngawi dun vang vanga,tunah chuan kan thawk pawh a pangai leh tan e.
.
"Ka......kal tawh mai ang e" a aw chu a khur deuh dar dara,mahse a che sawn chuang lo.
.
Ka thinlung chuan sawi duh tam tak nei mahse ka ka in a sawi chhuak thei si lo. Tunah tak hian ka thinlung a kehsawm mek a ni. A mit a tang chuan ka awm ang chiahin a ni pawh a awm ve tih ka hria.
.
A rawn thaw chhuak halh a. "In ah min va thlah thei a ngem? Victoria i'n min lo ngaihtuah tawh lutuk palh ang"
.
Ka hrawk kan thian kharh a. "Caleb-a ka text tawh a,i thiannu chu a ngaihtuah awm loh"
.
Nidang kha chuan a duh a hmuh lawk loh chuan min nawr tet tet thin kha a ni a, tunah erawh chutiang tih chu a tan lah thil ngamawm a ni tawh bik si lo.
.
A rawn ngik feih feihah chuan ka harh chhuak zawk a.
.
"Cammie?"
.
"Eng ngati nge a chhan chiang taka min hrilh mai loh? Engvanga khatianga atthlak taka min kalsan nge i nih? Nang hian min bum a ni Zawng-a" ka awmah min rawn nam dawrh a,mahse ka lo inrin lawk sa a vangin ka che sawn eih lo.
.
A hmela rilru na hmel lang ka hmuh chuan keimah leh keimah ka inhuatna a ti zual sauh a
.
"Ka bum lo che. Chutiang zawng chuan min ngai tawh suh. Chutiang thil engmah tih ka nei lo. Kan inthen mai zawk a ni". A darah ka va vuan a,ka tangnem a pawm beh thlawp mai ka duh.
.
"Carla-i nen a kan infawp min hmuh hma karah pawh chawlh rih phawt kan mamawh thu ka hrilh che kha"
.
"Carla-i a ni reng reng lo misualpa. Sabrina-i a nih kha i fawh"
.
"Tunge Sabrina-i chu? Chu hming chu eng a tan mah ka ti lo a,ka tan engmah a ni hek lo"
.
"Ka tan chuan a nia lawm" a rawn ti a. "Ka thinlung i ti kehsawm a ni"
.
"Ohh....bawihte" ka aw ah chuan ka rilru natzia a hre thei ang. A banah vuanin chhuatah ka thingthi a, ka mittui chu ka biangah a rawn luang a.
.
"Engtikah mah...." sawifiah ka tuma,mahse ka sawi thei lo. Engtia sawi tur nge ka hre lo. Ka hrawkah chuan hnawh tu a awm tlat.
.
Dik tak chuan min kalsan rawh se. Ka phu lo a ni. Heti khawp a a rilru hliam sak tu mipa hian ka phu hlawl lo. Kei chuan a rilru ka hliam belh leh mai mai zawk ang.
.
.
END OF CHAPTER -11

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 17th, 2016, 6:56 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)