I PHAL LO MAW ??.....NO. 2

Episode kal lai dah luhna

Moderator: writers

Twins Mom
Posts: 159
Joined: May 12th, 2016, 7:43 am

I PHAL LO MAW ??.....NO. 2

Unread post by Twins Mom » May 6th, 2020, 8:51 pm

I PHAL LO MAW ??
.
.
By. Ropuiliani Hauhnar
.
.
No. 2
.
.
.
Awi, ka rilru a van hah tak.... Lalpa min tanpui hram rawh....
.
Chu pui, driver nge ni ka bul ah alo kal ruk ruk mai leh nghal a..... engtin nge ni dawn ka harh leh mai dawn nge....a ni thei lo, ka harh tur a ni lo ka harh chuan min hau chiang khawp ang vawin ah an motor ka ti rang bawk sia.... Midang hian min hmu ve hlawm lo mi le....min chha tu tur tal lo kal se ka van ti tak...
.
" Bawihi, i har em? Harh hram rawh, bawihi bawihi "
.
Awi, engtin nge ni zel dawn. Ka meng tawh mai dawn nge, a ni thei lo ti hian ka menglo tlang mai ang. Ka men chuan pawisa min chawi tir an tum anga ka nei bawk silo, ka pa lah in min hau nasa dawn ropui si.. .
.
" Sir, enteh a harh thei miah lo a nia. Damdawi in lam ah kan hruai mai dawn ami? Engtin nge kan tih ang "
.
Motor chhung lam atang chuan mipa pakhat hian dam dawiin lam ah phur phei mai tur in alo tia.
.
Chupa chu ka van hmu chak tak, a aw atang chuan a hmel atha khawp ang. Ka men chuan ka ti der tih an hre dawn sia, a hmel ka hmu chak a sin le....ka lo ti der kher kher chu aw avan pawi tak....hit lo rem rem...
.
Car hnunglam ah mipa pakhat awm na lam ah chuan min pawm phei a, ka helmet pawh phelh chuanglo chuan.
.
Awi, a van han rimtui em em.... A rim atang ringawt pawh chuan a hmeltha in a duh zawng chi a ni chiang mai. Ka van han meng chak tawh tak, ti nge ka lo tih der ker ker le...
.
" Sir, a scooty hi eng tin nge kan tih ang "
.
" Jacob a phone la lo dah that tir mai rawh "
.
" Awle, sir "
.
A aw te chu a mawi in a va han sial tak em, zaithiam aw te pawh a iang a lawm le. Ka ti der a ni tih hria se chu an va thinrim dawn em, min tan tir duh hial ang lock-up ah.
.
" Jimmy, icecream girl kha a nih hi "
.
" A ni maw, a van pawi tak. Ala rawn harh chhuak thei chuanglo ami a, ti khan lo sawi harh tum ve la "
.
Awi, ka rei min hria maw. Engtin nge ka tih ang min hria.... Aw lalpa min tanpui hram rawh. Jail a tan ka duh lo, tang thei ka ni lo. Ka duh lo ka men ngei a ngai, ti hian jail ah min dah nghal an tum ami le...
.
" Sir, damdawi in kan thleng tep aw. A nat ka ring reng a, a rawn su na ang reng lutuk a "
.
A na der si lova....a su na lo na ang in min ngai mai mai nih kha. Naa, ka van ti sual chiang em. Ka dam hun ah min man tir tho angem le, ka van in chhir tak em.
.
Damdawi in chu kan thleng ta, doctor a thianpa a phone lawk tawh bawk sia min lo ngaihsak khawp mai. Ebenezer Newlife hlui ah khan min hruai bawk sia, min han en anga na ka lo nei awm tawp si lova.
.
" Thianpa, khawngaih in min han en sak zung zung teh aw. Meeting kan nei bawk sia, ka hman hmawh deuh hlek a "
.
" Va kal phawt ru, Phone kan hman tangkai hun a lawm. Chanchin te chu a in hrilh theih zel alawm "
.
" Nia, nih chuan kan kal san phawt ang aw. A lo har chhuah hun ah min lo hrilh dawn nia aw "
.
Enge maw ni an in hrilh ru su su a, ka hre thei tawh si lova.... engtak chu sawi ang maw.
.
An ni hi ti hian min tal awh tir an tum chiang lutuk, ka hrethiam mai an awm loh hlan a haw ruk dan ngaihtuah ka ngai a nih hi. Naa, ka lo ti der kher kher chu a....
.
Min kal san hnu chuan Nurse ho chuan ka thawmhnaw vel chu an phelh a, thawmhnaw dang min hak tir an tum nge ni.
.
Engmah na ka nei chuang si lova ka har tawh mai loh chuan, na tak tak ang in min ngai awm sia ka tan zahthlak mai mai alawm le.
.
A pawilo mai, a ni tur ang a ni zo tawh tho va ka harh a ka in tih dam chuan min hau hrep a nih loh pawn pawisa tam tham tak kha ka sawi chawi ngei ngei angai awm asia. Naa, ka rilru ava han hah tak em.
.
Ka pa ten ka chanchin an hre awm si lova engtin nge ni ta ang le, hrilh ngaihna a awm der si lova aw.
.
Ka mawng ah leh ka ban ah min chiu ta a nih kha, a va na teh reng em. Harh ngat ila chu ka hlauh avangin ka tap leh ngei awm sia, a va hreawm tak ka lo na der kher kher duh a aw.... Mahni leh mahni kan in hrem a ni ringawt alawm le...
.
Ka lo muhil a ni ngei ang ka har meuh chuan ka chhungte pawh ka bul ah an lo awm far mai, mahse engtin nge ka pa te hi an lo kal theih a tu nge hrilh....
.
" Bawihte, i lo harh ta maw. Ka van han lawm tak em "
.
" Pa, engtin nge ka awm a "
.
" Bawihte, i ban ruh a tliak a "
.
Naaa, ka van awi lo tak. Ka tluk khan leh hetah ka awm hlim vel khan ka ban engmah na ka hre bawk si lova. Na engmah ka nei loh kha doctor ho hian an hre sual a ni ngei ngei ang....
.
Ka ban kan han cher dawn a alo na tak tak mawle, ka van han lem reuh tak. Engtin nge ka tih tliah theih zawk a, ka harh that lai kha chuan ka na der si lova avan mak....
.
" A nih leh hetah awm tih engtin nge in hriat theih zawk a "
.
" I lo haw har tawh sia, i thiante ka zawh in chawhnu lam ah engmah class in neih loh thu leh sangliani nen a in lo haw dun thu vel kha min hrilh bawk sia. Kan lo call char char che a tir ah chuan i phone tu man min chhang lova a ring ral char char a. Chuan beidawn tawp ah tlangval pakhat hian min lo chhang thei hlauh va chuan i awmna min hrilh a kan lo kal "
.
" A ni maw, in lo kal duh kher kher a nih kha engmah na ka nei hleinem. Hei ka ban pawh a na lo hi an tuam ve mai mai a niang, pa haw ang u. In a awm ka duh zawk heta awm chu ninawm duh em mai "
.
" Aw, doctor in i hawn a phal hleinem i dam chian hma chu "
.
Naa, na nei miah si lova ti nge ka kut hi a tliah ve ngawt theih dan le. Nge min chiu mut hnu khan ka kut hi an lo vaw tliak zawk le.
.
Ni dawn tak, min pawm hlim khan ka kut hi a hit ve mup in ka hre leh si. Ka scooty ka ti che palh ang tih ka hlauhna lam ah an motor ah khan ka in nem khalh na lam ah ka kut hi ka ti na ve pawh a ni mai thei. Nih loh pawn ka tluk khan ka sawh pawh a ni thei tho.
.
Mahse, ka dam hun ah motor ka tih chhiat man kha ka chawi tho a ngai awm sia. Naa, phurrit ka va in siam chiang tak em. Pawilo, dawr a ka thawh hma in ka ban hi a dam hman hrim hrim ang. Ka pe thei em em ang a dam hman loh leh min chawr hram tur in ka ngen mai ang.
.
Khawnge leh khami te kha an awm re re le, an lo let leh miah lo zawk nge le. Ka hmu chak asin le, mahse tun ah chuan hmu rih lo ang ka hmel hi a chhe em mai engmah ka in nawih fumfe bawk si lova ka hmu zak e a. An hmelthat hmel hlawm ropui sia...
.
Ka ni in min riah pui a, ka pa leh ka nau an haw leh a. Ka in sut pui te pawh an hmel ka la hmu lo tluang zel a, mahse tun ah dar zar zat ah chuan hmuh ngaihna awm lo hrim hrim. Bak ah an meeting an zo hma anga min lo tlawh daih tawh te pawh alo ni thei a ka muthilh hlan in.
.
Eng nge maw ni ka hriat reuh le, an pawi ka sawi a chhap ah an hmel hmu chak a ka awm huam huam reuh chu le. Naktuk ah ka thi dawn pawh ni hleilo, hun ka ngah em mai an hmel hmuh nan te chuan.
.
Nurse pakhat hi alo lut a, ka nat leh nat loh te min lo zawt a min duat hmel khawp mai. Min chiu leh a mut a tui leh khawp mai....
.
Zing ka thawh chuan ni pawh a lo sang tha tawh khawp mai, nizan ka mengrei phian sia min lo chiu lo phei se chu ka tlaivar ngei dawn a nih kha.
.
Chawhnu lam ah ka thiante pahnih pawh an hmel ka hmu ve ta, ka hlim deuh sawt e. An rawn ri leh nghal chul mai kan pathum a kan awm tawh hi chuan kan ri chel chul zek mai ani. Cabin ah ka awm bawk a, mahse kan seng ve nasa khawp ang.
.
Ka thiante an awm theih rih dawn avang in ka ni chuan chaw lak pah in inlam ah min haw san rih a. Kan pathum chuan kan awm a ka beng chheng ang reng khawp mai.
.
" Engtin nge i haw khan i accident theih reng reng a ava mak ve, kha leh chen khan i la che sual ngai der si lova "
.
" Niang chu, ka motor huat deuh te kha an lo tlan phei a kan veng lam atangin. Chuan ka hmu thut bawk nen nimin kha an motor ka tih balh vak avang khan min lo chhui anga kan in ah te hian an lo kal a niang ka ti rilru a aka ngaihtuah maw le.... Chuan kei ngaihtuah na nen a awm na na chu ka lo hre tawh lova an motor hma kan su pop mai a nih kha... "
.
" Chuan engtin zel, an hau hrep lo che maw pawisa i chawi hnem awm hi ka tia "
.
" Sawi suh, ka thi der vel maw le. Che hit tak ka ni, mahse ka in chhir hnu hnawh khawp mai a "
.
" Ka thi der a, nang nu tak hi chu aw. Chuan an hauh che i hlauh vang a ni maw, ka van hmu chak tak che. Film chang te pawh i ang alawm le chu "
.
Duhkimi lawm ah a tla a min nuih leh nghek nghek phawt a...
.
" Ngawi mai teh, min sawi harh an tum pawn ka harh duh lo lui tlat asin le. Ka harh kha chuan an motor ka tih balh bak ah an motor hma kha ka sut chhiat sak bawk sia. Min report anga jail bang ka zut te angai awm sia ka hlau ve tho asin. Pawisa chawi tur erawh ka hlawh anga ka pe thei em em ang. Hey, nangnu hi i nui hnang ange nui vak vak teh suh aw. Nang pawh ni la i ti ve tho ang ka tih ang khan "
.
" Ka ti ve khawp ang, pawisa chawi emaw min hauh hrep ai chuan. I chet jocker lai tak chu ka mit thla a ka nuih a la za tlat, i thiam dawn ropui sia. Nang hi film lam ah te hian chang ve nghe nghe la tha ang "
.
" Lalduh, sual thiam lo mai teh aw. Chu ai chuan maw an hmelthat hmel ropui asin, ka thi der lai chuan maw ka hmu chak si ka harh chuan a chi dawn si lova ka meng de re tep a ni. Ka ti der kha ka inchhir hnu hnaw khawp mai, chuan maw icecream girl min la ti zui. Min lo hre vek a nih chu ka zak reuh tawp "
.
" Hahaha, icecream girl....i va han in hmeh tak em.... Keini vurhehi kan ti thung che a in inhmeh vel vek e. Kan awm lai hian lo kal se ka ti keipawh ka hmu ve chak, i thil sawi a ropui i telh tawh hi chuan an lo ropui tak tak reuh zel bawk sia "
.
" Hett...shhh, chu an lo kal tak tak ania. An aw atang pawh an mah ni a ni tih ka hrethei vek tawh. Min kai tho hlek suh, ka muhil der dawn ania "
.
Tih leh puan a inkhuh ka rual nghal a, an lang tlang thei vek bawk sia an hmel. A aia fiah a hmuh ka van chak tak....
.
Ka thiante nen chuan an in be bik sia, ka van thik tak ka lo muhil der leh kher kher a ni...
.
An chhuah hnu chuan ka inkhuh na ka thlan vek bawk sia ka hawng chu ka thaw huai thei.
.
" I va han thlan nasa em em ve leh, eng inkhuh kha angai kher ami a. Leh lam kha hawi la tha mai a "
.
" Naaa, an hmel ka hmu ve duh tho alawm. Ka la hmu bik lo ka tih kha, kei ai pawn kha in hmu hmasa leh bik a nia "
.
" Enge i muthilh der teh reng na, model te pawh an ang kha. Keichu pakhat kha ka star nghal pang mai, ka duh chi min duh lo chi ang kha a ni chiang bawk amaw.... "
.
" Awi, i zak si lo a maw zia awm teh. Bialnu te pawh an nei thlap tawh mai thei asin i hre ngawt ngawt ami. Hmeltha lo tih ve tawp kha kan tan chuan a tawk chiah, chuan an tawng kha ka hre chiang hman lova ka scooty kha engtin nge an tih "
.
" E, kha hei i hman tur pawisa pawh an dah nghal tak e. Chuan i scooty chu i pa in a lam tawh a nih chu, tlem a rang ve deuh an tia "
.
" Naa, ti nge pawisa min pek ve ngawt a. An motor ka sut chhiat sak bawk a, pawisa min pe bawk a an va lost nasa awm ve aw. Chawi belh in dik tak an ni "
.
Kan pathum chuan kan va nuih hnem leh em, dam lo ber e ti lo chuan ka harh leh ber bawk a.
.
Ka ni pawh dar 6 rik hma hret in a rawn thleng a, ka thiante chuan min haw san ta rih a. Naktuk lam ah rawn kal leh an tum thu an sawi bawk a, kan sir te pawh lo hrilh tur in ka chah bawk a. Lo hrilh leh hlawm tak ang maw, an hai hawt reuh sia. Class kal leh theih hun ah hrem chu ka ngai tawh em lo ang chu maw.
.
Middle school kan kal lai in dam dawiin ah ka nu a awm avangin ka awm pui angai sia, min lo hrilh sak tur in ka nu in a chah ve thlap a kan hotu te bul ah. An lo theihngilh reuh va school ka kal theih hnu in sir ten min hrep phah a, chi loh tak tak a ni.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)