KEHCHHE THINLUNG! Episode - 10 Ziaktu : (Msi Miluhlulnui)

Episode kal lai dah luhna

Moderator: writers

Msi Miluhlulnui
Posts: 105
Joined: October 18th, 2019, 7:46 pm

KEHCHHE THINLUNG! Episode - 10 Ziaktu : (Msi Miluhlulnui)

Unread post by Msi Miluhlulnui » May 22nd, 2020, 11:33 pm

‍‍‍‍‍‍‍‍KEHCHHE THINLUNG! - 10

Ziaktu : Msi Miluhlulnui 👩





"Chutiang ka duhlo, chutiang loa thil tihtur dang a awm lo em ni? Bialpa ka neih ka duh lo, a bik takin nang mi bum hmang pa hi"    ka ti chhuak nghat. Bialpa maw! Ka la ngaihtuah chhin ngailo a bik takin hepa nen hi chuan.





"Anih chuan, ni inkar thlaka hnathawh chu ka phal sak lo mai ang che"    a rawn ti sup. Ka kawnga a vawnna chu a thlaha keimah zawk chu ka tawlhsawna he dawrah hian ka la thawk duh bawk si mahse ni inkar thlaka ka thawh a ngai bawk si. Engtin nge ka tih ang? Engvanga hetianga thawh dawn hian a bialnu ka nih kher a ngaihna le. Min ti â zo tak ngial dawn.





"Sawi tur dang i nei tawh lo anih chuan i chhuak thei ang chuan i thil min dil kha ka pawmpui lo che tih i hre nghal bawk dawn nia. Nitin, a ngai ang thlapin"    a rawn ti leha, a țhutna ațang chuan a tho chhuaka kalsawn a tum chu    "hey!"    Ti vakin rang lutukin a kutah chuan ka va vuana amah pawh chu a ding zui ve nghal dat a. A kut ka vuan tih a rawn en thlak rual chuan ka thlah lehnghal.





"Aw.. ah.. ka tihpalh i kut ka vuana mahse khawngaih takin ni inkar thlaka ka thawh chu min phalsak hram rawh in duh chuan ka hlawh pawh in ti tlem mai dawn nia a chhan chu ka tih ngei a ngai bawk si ani. Chuan i Offer min pek kha chu... ih, englo kha lo kha a dang a awm lo ami? Ngaihzawng neih ka la ngaihtuah chhin ngailoa"     ka ti nghal sep, a dang ti hram rawh tiin ka rilru chuan alo sawi nghal char char bawk.





"Aih, offer dang a awm theilo, ka thusawi kha i duh lo anih chuan keipawn ka pawmpui thei bik lo ang che, kal tawh rawh"   a rawn ti leha kal leh a tum chu ka mamawh bawk nen a kuta vuan tawh lo in a kawrah chuan ka pawt ta tawp, a ding chiang ania aw....    "aw, ka pawm mai ang ni inkar thlaka ka thawh theih dawn chuan mahse kum khat chauh, kum khat chauh nise a chhan chu kan induh tawn lo ve ve a Offer chauh ania tichuan in remsiam ila"    ka ti dâk. A rawn thaw chhuak hrâwih mai.





"Nang hi! Chutiang mai mai in inngaihzawnna hi a kalpui theih loh, in ngaihzawn tur ni zat tuk sa leh kum tuk sa a awm hranpa lo engthil nge maw i ngaihtuaha kum khat chauh te i rawn tih leh"    a rawn ti nghal hluk. Na... ka van ning tak! Enge maw a pawina vak awm le    "aw... enge kan induh tawn chuang hleinem kum khat chauh chu ti hram ila i Offer ka pawm tawh chu"    ka ti chhuak vak, ka â thei dawnin ka hria.





"Enteh, kum khat pawh nise lo in Hmangaih hman ta ila engtin nge i tih ang?"    A rawn ti leh, a kawr ka vawnna chu thlahin    "na... chutiang a thleng dawnlo kan induh loa tunah pawh engtin nge kum khat chhunga in Hmangaih te chu i sawi theih zawka? A thleng lo ang ka tiam a che, i duh leh hmeichhe dang pawh i awmpui thei ang min ven thawn a ngailo ang"     amah en kalh pah chuan ka ti chhuak hap, mahse min en reng avang chuan ka chil ka lem lehnghal dâk bawk.





"Enge maw i ngaihtuah reuh le"    a rawn ti ta sup.    "Aw le, tunah hian engmah ka ngaihtuah lo i Offer ka pawm tawha chuan ni inkar thlaka ka thawh chu min phalsak rawh chuan kum khat i bialnu anga awm chu"    a rawn ti a, a bu zui nghut. Mahse a kekawr iptê chu zen in ka lam pan chuan a rawn pên a pên khatin ka lo tawlhhnung ve dat bawk    "ka pawm e, mahse a chhan erawh i sawi ngei chu a ngai ang chuan kum khat inngaihzawn chu ti ta ila min lo Hmangaih hman ta la, engtia tih nge i tum?"   A rawn ti leh, hei bawk chu maw....





"Khawngaihin a chhan chu min zawt lo hram rawh ka hna țha takin ka thawk zawk ang e chuan kum khat inngaihzawn angah kha chuan min vengthawng suh, ka Hmangaih hman lo ang che ka tiam a che ka sawi tawh ang khan i duh chuan hmeichhe dangte nen in awm thei ang mahse min ti hmingchhe tel ve hauh suh ang che chuan ka lawm e, hna ka zu thawk leh phawt ange"    ka ti a, ka inhera ka kalsawn nghal bawk.





Mahse pên pawn ka pên tam hma in ka banah chuan rawn vuanin min pawt her leh lâwp    "khatiang khan bialpa te an kalsan tawp ngai lo"    a rawn ti nghal sup. Ka ban a vawnna chu kut chu dah thla in ka ding hla data    "kan inngaizawng mahse induhna avanga inngaizawng kan ni lo khatiang kha ka thiam ve loa khawngaihin beisei suh chuan hnathawhna hmun ani bawka mahse keipawn ka theihtawp chhuah ve tho ka lo tum ang"    ka ti a, ka tlan chhuak zui nghal vang vang bawk.





Step bulah chuan ding in ka âwm chu ka dawma ka thaw chhuak ham ham bawk ka thil tih hi a dik chiah em ka hre biklo mahse ka pa tana ti ka ni a, engmah a pawina a awmin ka ringlo. Chuan he inngaihzawn derna pawh hi ka ti thei ang ka chiang ani ka tan a pawi loh hram ka beisei takzet bawk ani.





"Ivan rei ve hnathawh tur a tam nâk alaiin"   Hmingthani chuan a bul ka thlen chuan a rawn ti nghal vata țhutthlengah chuan ka țhu thla dawta fan chu ka inchhem zui tir bawk.    "Hming... lo țhu teh ka thu thlûkna siam hi a dik em tih min lo hrilh teh"    tiin ka bulah chuan ka pawt țhu a, ka awm a nuam thei ngang lo inngaihzawnna thu hla velah khan. B'i leh Seni pawh chuan min rawn hmua ka bulah an rawn țhu ve nghal bawk.





Ka pa hna ka thawh sak tur thu chauh sawiin leh Boss nena kan inremsiamna vel ka sawi lai chuan âng phuau hian min lo ena mak an ti tih an hmelah chuan a lang chiang em em bawk    "ka awm a nuam thei loa a chhan chu ngaihzawng neih ka duh lo mahse ka pa vang chauha ti ka ni bawk si. Hetiang maia awlsam hian inzawmna ka siam theih ka inring lo ka nun in a chhiat phah ka hlau takzet ani"    ka ti chhuak sap. Țhu țha in ka biang chu ka dawm vang vang a hreawm lutuk ka awmdan hi.





"Hey! I thu thlûkna siam kha diklo pakhat mah a awm lo ania i pa tan anih chu ipa tan hahdam deuh khan awm rawh engkim a țha leh vek dawn alawm bakah kum khat chauh alawm a bulah hun hmang tam lo la i Hmangaih hman lo ani mai chu chu kawng awmchhun ani. Be țha la, mahse hnaih lo la chu chu a țha ani mai."    Seni chuan a rawn ti a, ka hmai chu ka hup a ka thaw chhuak hak bawk.





"Aw le, a țha e ngaihtuah tawh lo ang hna thawk phawt ang u Madam khan min rawn hau leh ang. Chuan maw midang bulah sawi miah suh u aw chuan min chhaih lo bawk ula nangni in sawi lo pawh ni ulang mi hian an hre leh vat dawn thoa chu chu hreawm lai ber tur chu ani an thusawi zawng zawng te"    tih hluai pah chuan ka ding chhuaka dawr lam chu ka kâwk nghal zata nuih pah chuan kan pan phei nghal vek bawk.





Nilengin ka rilru ah a awma hna ka thawk țha hleithei lo, in control ka tum nasa mahse ka thei hleithei lo nuamlo ka ti a, midang lakah pawh ka inthlahrung ngawih ngawih bawk a vawikhatna atan a laka feelings ka la neih miah loh nen inzawmna ka siama chupawh kan chhungkaw tan. Ka hlauh ber chu he kum khat chhung hian ka lo Hmangaih hman emaw a lakah feelings te ka lo nei hman ang tih ka hlau ani a chhan chu ka tan a pawi dawn êm ani. Mahse chutiang a thlen loh nan chuan Seni sawi ang khan amah hi hnaih lo ila a țha ber ang, chu chu a țha ber ang.





"Aw le, Chef... vawiin chu i nui reng maia in nu nen hun inhmang nuam deuh em ni?"   Tray dah pah chuan Chef bulah chuan ka ti a, tui a khawih lai ani bawk nen ka mitah chuan a rawn pen per lehnghala ka beng nghal pawp bawk     "min zawt suh, ka sawi dawn hauh lo ania tuma hriat ve chi loh anih hi"    tih pah chuan a nui ang vur vur lehnghala ngeiawm lutuk mai.





"Aw, enge min hrilh ve mai la ka hre ve chak tho alawm nang hi, in nu a rai ami a?"    Ka ti leh, tui chu ka mit ah a rawn pen per leh ka van ngei tak! Ka mit chu chu hru fai in men ka tuma mahse a thîp lutuk    "na...... Chef, ka mit i ti thîp vek, sahbawn kha i rawn pen per tel aniang"    ka ti nghal vaka, hreawm lutuk.     "Kha, tah hian i hmai kha phih rawh"    tiin min hruai nghal zata tui chu a herh haw a keipawh chuan ka hmai chu ka phih nghal zat bawk.





"Engthil nge thlenga?"    Boss aw ri ka hre chiah chu ka hmai phih lai chu ka tawp nghal chawt!     "Englo ania sir, a mitah sahbawn a lut palh a"    tiin Chef chuan alo sawi nghal zata a ka bulah chuan a rawn kal ani ngei ang a uap nghal churh thei    "ka lo en ang, a zia deuh tawh em?"    A rawn ti sup, mahse ka kut chuan ka lo dang a, ka mit chu ka nuai chhunzawm lehnghal. Aw Lalpa, tun hun hi inngaihzawnna tih lan hun kha ani lo asin.





"Ka țha e, Boss, a dam vek tawh engmah ani lo"    tiin tui chu ka herh tawp a ka ipte a ka rawmawl ah chu ka la chhuaka ka mit chu ka hru zui nghal mawlh mawlh bawk. Ka meng chhuaka Chef leh Boss chuan min lo en reng lehnghala min ti zâm zo vek    "ah.. englo, enge hetah te i rawn tih dawna?"    Ka ti bah nawka kalsawnin Chef bulah chuan ka ding nghala ka theih tawpa hnaih loa tih lan loh ka ngai ani.





"Inleng ka neia Coffee lam turin ka lo kal"   a rawn ti sup, chiang zet hian min rawn en a ka lo kûn ngal bawk.    "Aw, Sir ka rawn siam nghal dawn che nia ngatinge ilo kal khera midang rawn koh mai tur che ania"    tiin Chef chu a che nghal sawk sawk a a sirah chuan ka lo ding zum zut ringawt bawk. Tuna ka ngaihtuah kha avan țullo ve mawle,  keimah min hmu tura lo kal amaw ka ti alawm ngaihtuahna diklo leh țhalo tak ani.





"I mit chu a zia deuh tawh em? Ala thîp em?"   Tih sup pah chuan min rawn pan a mahse ka lo tawlhhnung dat thung    "khaw...khawngaihin hetah chuan ti suh midang tam tak an awm bawka zahna min siamsak lul suh"    kûn ngal pah chuan ka ti chhuak sap. A pên lai chu a ding dat a. Theihtawpa amah en loh hram hram chu ka tum ani ber Seni sawi ang khan ka hnaih vak loh hi a țha ber ani.





A kut a rawn phar chhuak tur chiah chu Chef chuan a peih vek tawh thu a rawn sawia a kalsawn zui nghal bawk. Hawi chhuakin ka thaw chhuak ham ham a    "Emi, Sir awm dan kha avan mak em em ve mawle a rawn ngaihsak tawp che vawiin chu amah kha a danglam tawp"     Chef chuan ka bula chem awm rawn lak pah chuan a rawn ti a. Engmah a hre ve silo, tunah hian hreawm ka ti ru em em bawk.





"Thil țhalo a thleng amaw a tih avang mai mai anih kha i ngai thu tak lutuk anih kha"    ka ti a, order dang lo thleng chu ziak lut in Choka ațang chuan ka chhuak nghal zata. Dawr ațang chuan chhuakin dawr huana țhutthlengah chuan țhu in ka khupah ka kiu ka nghata ka lu chu ka dawm nghal vang vang bawk.





Khatiang lo pawh kha thil tam tak dang a rawn thleng leh ngei bawk anga engtin nge ka lo in ven zel theih bik ang le. Ka duhthlanna ani a eng emaw chen ah chuan ngaihsakna emaw duhna ang kha ka tih lan ve ngei a ngai bawk anga chutiang chu ka thei ang em tih ah ani ka la buai ni engmah ka hrethiam loa ka la tawng chhin ngai bawk heklo a bul țanna engmah ka hre loa ka huphurh tawp mai ni.





"I rilru avan hah hmel ve a"   tia ka bula rawn țhu an awm avang chuan thaw chhuak hak in ka țhu țhaa ka bula țhu ka hmuh rual chuan ka tawlhsawn nghal vak bawk    "titeh.... sakawlh ka ni lo ania ka ti na dawn lo che"    a rawn ti sup. Chutia a sawi leh tak avang chuan pangngai takin ka țhu țhaa a nui ri pawh ka hre hram bawk.





"Englo, thil dil duh che ka nei leha"    ka ti a. Sawi turin min ti nghal zat bawk.





"Englo ania ka ti mah mah pawh iti maithei mahse tawn hriat pakhat mah ka la neiloa bakah induhtawnna avanga ti kan ni lo bawka i hre ve thoa. Midang hmuh ah emaw hriatah hetiang hian kan awm tih chu sawi lo hram la engtik ni ah emaw chuan an la hre dawn tho tih ka hria kum khat lai ani dawn bawka mahse keimah hian awmdan tur ka thiam lo ang tih ka hlau ani vawiin pawh khan thildang iti ang tih ka hlau lutuk kha awmdan ka thiamlo ani ber"     ka ti chhuak sap.





"I sawi tum takah lut rawh"    a rawn ti sup.





"Dawh ah emaw englo, hmun dangah pawh over lutuk lo in awm thei la ka duha chuanin ka nu leh pa te leh i nu leh i pa ten he inremna hi an hre tur ani hauh lo ania"    ka ti a, amah chu ka en a min lo en reng avang chuan ka hawisawn rang leh mah mah bawk.     "Chutiang em em chu a lutuk mah mah i ti ve lo maw? Inngaizawng kan nihna angin hretu an awm hunah thleng tur chu a thleng mai tur ani dan a tih loh ngawt theih ani bik hauh lo ang"    a rawn ti sup. Ka thaw chhuak hak a.





"Ka sawi awmzia chu, over lutukin che kher suh ka...."    ka sawi zawh hma hma chuan ka phone a rawn ri a number lawng anih avang chuan ka la a mahse nu Masangi ani tih a rawn insawi avang chuan ka țhutna ațang chuan ka ding chhuaka Boss pawh en tawh lem lo chuan ka kalsawn nghal vata an inah hna ka thawk dawn tih hi a hre tur ani lo.





Nu Masangi chuan a rawn kal hun tur vel min rawn zawta vawiin nilai thawhțan ani a. Thawhleh, nilai leh Zirtawpni ah ka kal tur thu ka hrilha vawiina ka kal alo beisei ngei ni tur ani. Tun kum khat chhung chu taksa hahdam leh rilru hahdam pawn hun ka hmang dawnlo anih hi. Ka hriselna in a tawrh phah êm lo ang chu.





Tlai ah chuan dar 5 hmaa bang tur zingah ka tel lo chiah chiah a vawiina ka thawh hnem loh vang te pawh ani maithei. Mahse dar 5 hnu lamah chuan dawr leh Choka vel tihfai țhin ani a, a rei berah darkar 1 vel bak kan tifai ngailo thawktu a zir in.    "Madam, Boss khan ni inkar thlaka ka thawh chu rem min tih saka chuan thawhleh, nilai thawhțan leh Inrinni ah hetah ka rawn kal ang aw"    tiin Madam haw tur chu ka hrilha a hmanhmawh hle aniang a bu a, a chhuak zui nghal daih bawk.





"Aw le, dawr hi ka kalh tur ala ni lo thoa tunah chuan țhu hahdam lawk ang kan fan pawh hian min ngai tawhin ka hria ka ngaih let aiin min ngai"     ti chhuak hluaiin fan hnuaia țhutthlengah chuan ka țhu a towel chuan ka nghawng thlan vel ka hru pah bawka nuam ham ham lutuk.





Ka țhu țha tur inchung step chhohna bula ngawi renga dinga min lo en reng tu avang chuan ka țhutna ațang chuan ka dawk chhuak nghal zawk a. Zah zelah ka thawmhnaw vel chu ka siam țha sawk sawk ringawt     "ivan haw har ve a?"    Pangngai tak chuan ka ti a, nui suk in min rawn pan a ka lo in insehru nghal țeuh ringawt.





"Ka nghak che, chuan i rei hle bawk"    a rawn ti sup.





"Keimah hi min nghak amaw?"     Ka ti a, a bu zui nghat bawk. Kei hi min lo nghak reng anih chu!    "Nghah ka ngai hleinem motor ka nei ve reng alawm keimahin ka haw ve thei"    ka ti a, țhutthlenga towel awm chu ka ban zawka kal ka tum chu ka kalna turah chuan ding in min lo dang zela a tawpah chuan a âwmah chuan ka ngei lutuk chuan towel in ka vawm pawp bawk.





"Ka bialnu nghah thlengin ka tih a rem lo lehzel tihna em ni?"    A rawn ti hluk, ka lu ka thinga    "chutiang lam ani lo, enge ka kalna turah ilo awm zel ni ka inthlak dawn kalsawn rawh min nghak ani lawm ni, a tlai tawha ka hmanhmawh a ngai alawm"    amah pawh en lo chuan ka ti țhat. Nui ri suk in a ding sawna keipawh chu ka pên sawn ve lehnghal.





Mahse pên pawh ka pên tam hma chuan ka banah vuanin a lamah chuan min kuai her leh lâwp, ka va han ning tak! Ka va han en âwm phiangsen lo bawm, engtin nge a hlatah hian ka awm char char theih ang le.   "Engvanga min en duh miahlo nge inih? Ka hlauhawm em ni? Nge ni a min en ngamlo zawk?"    Rawn ti sup in ka khabe ah chuan a rawn vuana min kuaih dâk deuh salh pah chuan ka mitah tak min rawn en nghal chat bawka ka tiril a ti khur thei nia.





"Chutiang engmah a awmlo i ngaihruatna anih kha"    tia talsawn ka tum chu ka khabe ah chuan a vuan nghet zual sauh     "mit ka neia engmah ka hai bik hauh lo. Engvang nge sawi rawh"     a rawn ti leh.





"A chhan chu i laka feelings ka neih ka hlauh vang ani chuan theihtawpa hlat che pawh ka tum nghal a ni khatna ațangin"     a mita en let ve ngar ngar pah chuan ka ti chhuak sap. A rûm chhuak hrâwih a, a lama min pawh hnaih leh salh pah chuan ka hnarah a hnar a rawn nghat ve, dan theih ka chak.   "Ti suh, khatiang khan ti hauh suh chuan ti tawh ngai bawk suh. Khatiang khan awm la feelings i neih dawn chuan i nei anga i neih dawn loh chuan i nei lo ang i dan theih ani em ni? Chuvang chuan khatiang zawng kha chuan min pumpelh tawh hauh suh"     a rawn ti sup.





Kan inhnaih lutuk chuan awmdan min thiam loh tir, ka chil ka lem dâk a ka chhungril te hi a diklo velin ka hria.    "Va inthlak rawh, a tlai zel ania chuan ka sawi kha khatiang khan awm tawh suh ang che"    ti sup in ka hmuiah chuan a rawn fawp zeuh a min vawnna chu a thlaha ka thawl deuh hawk thei.   "A vawithumna"    ti sap in Ka hmui chu hupa rang lutukin inthlak tur chuan ka tlan nghal bawk.





Haw lamah chuan ka țawng lo tluk ani, min biak pawn aw leh aih chiah ten ka chhanga a thusawi avang khan inthlahrunh zual sauh tur ka nih laiin a mitah te ka en ve ngam tak phaha ka confi ka ti mai chutiang vel chu. Kan in kawtah chuan ding in lawmthu hrilhin ka mangțha zui nghal zata min man beh leh ka hlau lutuk chu a rang a rang in motor ațang chuan ka chhuka in lam pan chuan ka tlan haw nghal bawk. Zan ani hlauha ka vannei.





Ka rin ang ngeiin inchhung boruak chu ala nuam teh chiam loa Mama'n ka pa hna ațanga a ban tawh thu a sawia mahse ka nu nen an la inbe țha hleithei lo. Hei tak hi ani tunah tak chuan kan inchhung awm hreawmna, hnathawh ban veleh ah inah kan haw a hlim hmel pakhat mah hmuh tur awm lo hi. Inchhung a ti thima chhum te hi  zîng mup mup ni berin ka hria vawiin ni nilenga hun hman nawm loh nen chuan a inhmeh teh chiam lo.





"Mate, hna chu keiman ka lo ti zawk mai ang ka tih chu i tlin lo ang mipa tha leh hmeichhe tha a in an loh hi i hriselna in a tuar phah ang e. Ka nu leh pa te hetia an awm lai hi chuan Mamtea enkawl a ngai bawka "    zinga hnathawk tura ka insiam mawlh mawlh lai chuan ka u chuan a rawn ti a Maurice School-ah a thlah tawha hnaah ala kal lo ve thung ani pawh.





"Mâm, he thil hi hmeichhia leh mipa tha lam ani lo ka pa tan anih hi. Nihnih khat emaw ka thawh țhat viau chuan nu Masangi bulah tihdan dang ka dil anga kum khat pawh ani lo maithei asin. U, kei ai pawn i chau zawka i zir zawm theihna tur kan tuak dawn nia chuan ka nu leh ka la te pawh nuam sa takin an awm ve thei tawh anga chutiang chu a țha alawm, țha i ti ve em?"     Insiam mawlh mawlh pah chuan ka ti a, ka thla tin hun bi neih a hun leh tawh dawn ani ngei ang ka tai te hi ana vel țhum bawk.





"Mate, zirna lam kha chu ngaihtuah rih suh khang kha chu kalsan a hun tawh hun a danglam ang zelin keini pawh kan insiam danglam ve zel a ngai alawm. Tunah chuan lehkha zir ringawt khan awmzia a nei tawhlo. Kan dam ve țawk țawk theihna tur kan ngaihtuah a țul tawh zawk"     a rawn ti nghut.





"U... i nih chak ber Doctor pawh ini thei loa i zir zawm thei loa, i zirpui tam tak i țhiante chu tunah chuan hei nihna sang tak chelh vek an nih tawh hi. An hmusit che a an dêu chea chungte chu ka hre ve vek asin hreawm iti lo pawh ani maithei mahse kei chuan hreawm ka ti asin. Ka pa kha khang misual ho khan dawtin puh lo se chu i zir zawm zel anga tunah chuan Doctor pawh ini tawh ngei anga mi pawn hnunglam ațangin min sawisel tawh lo bawk anga zahna te kan tawng lo bawk anga"    ka chhuak țiau.





Ka u chuan min rawn kuaha ka hnungah chuan a chûl nghal hliau hliau bawk.   "Pathianin rem a ti lo ania nge kan dinhmun tur leh kan phak chinah chuan min dah mai hi kan awmdanah hian lungawi a tawk sum pawh thawk chhuakin lehkha pawh zir țang țang mah ila hun ruat sa chu tih danglam theih ani lo. Chuvang chuan khang hun te kha theihnghilh la tunah chuan hmalam pan a hun tawh ania dik taka thil tiin mi rin ngam nih tum tur"     a rawn ti a, ka chhipah chuan a rawn fawp nghal vang vang bawka zingkarah kan țah hrep chu le.





Zingkar ațangin Remruata hnen ațangin call tam zet ka dawng tawh ka chhang duh lo vek. Message-ah 'vawiin chu min lo call miah suh aw ka buai dawna phone pawh ka khawih hman dawn loa' tih ka thawna mahse call a țhulh phah chuang hauh lo nia. A ruk chuan hreawm ka ti be reng.





An inkawt ka thlen chuan kawtah car alo la awma a la kal lo tih ka hre thei ka Scooty chu a aia hla deuhah ka daha a hmuh loh theih turin. Gate-ah chuan fimkhur zetin ka luta kawngkhar inhawnga nu Masangi lo chhuak nen chuan kan intawk nghal zata "e, kha ilo thleng thei maw? Vawiin chu kan pahnihin thil dang daih kan ti dawn nia aw rawra vel alo la thleng thei loa hna engmah ala thawh theih chuang loh a" nuih sâng pah hian a rawn ti a. Ka lo bu nghat bawk.





"Inchhungah rawn lut la" a tih rual chuan hnial chi anih loh avang chuan fimkhur thei ang ber chuan ka luta ka hawikual nghal zel bawka Remruata ka hmu anih vaih chuan ka chhe vek ani mai "kan tihtur chu nakinah ka hrilh dawn che nia" tiin nu Masangi chuan pangpar vel chu a en phei mawlh mawlh a, kei erawh inring rân in ka hawikual reng thung.





"Nu... khawnge ka pa kha a awma" tih ri ka hriat rual chuan ka hawikual nghal vat. Chutah, inchung kailawn ațanga Police form nena rawn chhuk ka hmuh rual chuan ka chiâi nghal vek khawnge ka awm tak ang. Min rawn hmuh hmaa ka tlan chhiat a ngai.





Rang lutukin ka in hera pawnah chuan zâwi thei ang berin ka tlan chhuaka kawngkhar phenah chuan ka biru a inchhunga țawng thawm chu ka hre thei vek bawk. "Khawiah maw ka pa chu?" Tiin anu chu a be leh "room-ah a awmin ka hria va en teh. Chuan Emi, min lo zui rawh aw. Ah.... khawnge alo kal hmana" tiin nu Masangi chuan a ti nghal zat. Ka hming a lama a pawi lutuk a pawi lutuk.




Kawngkhar âwng ațang chuan ka biha nu Masangi chuan ka hming lam paha a hawi kual chu Remruata chuan a enkual ve nghal zata a phone chu hmet êng in a bengah a dah nghal zat bawka ka phone pawh chu a rawn êng vat vat a, ka silent hlauha ka vannei. Nu Masangi chu ngatinge ka hming a sawi kher kher le.... ka chhe vek dawn anih hi. Min hmuh vaih chuan ka chhe vek dawn.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google Adsense [Bot] and 44 guests