Enganged to the Heartless Heartbreaker Ch-62 by Beatrice Scorpio.

Episode kal lai dah luhna

Moderator: writers

Beatrice Scorpio
Posts: 139
Joined: November 14th, 2019, 11:33 pm

Enganged to the Heartless Heartbreaker Ch-62 by Beatrice Scorpio.

Unread post by Beatrice Scorpio » May 23rd, 2020, 12:19 am

.
.
Ni e, Kara chu a dik a ni mahna mahse tunah hi chuan engkim hi a buai chuar lutuk a chuan ka la ringhlel deuh ani. Ka rilru siam fel phut ka duh lo, a nih loh chuan a tawpah ka na leh palh a.




"Kha CEO-ship party zan a in in hauh vak hnu khan kalbo turin ka duh tak tak lo che ani tih chiang takin i hria. Kha zan khan awm rih tur leh a hnen a let leh turin i rilru hmin ka tum nasat zia kha i la hria em? A chhan chu inbiakna pangai tak nei tur che u in ka duh ani....." a tawp dat a ka mitah tak chuan min rawn en a. "a chhan chu kha uicho nu in a hrilh zawng zawngah che khan thudik tak hriat i mamawh takzetin ka hria ani. Buaina la chinfel loh, Thea. Tun a Nigel nen a in neih teh hrep hi buaina la chinfel zawh loh a ni takzet ani."




Ka mitko chu ka lo ti chuar a, Kara chuan ka kut chu a rawn chelh a.




"Khatih hun lai khan i luhlul lutuk a, Thea." a mi hrilh nawn na chu a chhunzawm zel a, "Ani nen a inbiakna pawh nei hauh loin i kalsan tak tak a ......i hria em, a ni nen a inbiakna chipchiar, thutak leh puitling. Chu chu in mamawh chu a ni. Khawngaihin tun tum chu luhlul suh. I hlimna tur a ni."




A hmel chu ka han en a, chuan a hmelah chuan min ngaihtuah hmel takzet ani tih ka hmu.




"Kha Maria Stella kha inneih puiah a sawm tak tak em tih hi i zawt tawh em? A chhan chu lo inhual tak tak chu ni se, tunah hian a thlem hauh lo ang che."




"Tunah chuan min thlem tawh lo, Kara. Chiang takin a tawp. Ka lakah a beidawng. Ni lo se chu, tunah hian ka internship atan khawiah nge assign ka nih tih te hi a zawng ang. Capital-ah ka awm ani tih a hria ang." a chhan chu ka han sawichhuak a.





"Lalpa leh! I luhlul takzet ani!" A ti chhuak deuh chûl a. "A chhan chu i internship pumpui chhung a i lak atang a awm hla tur a i tih vang alawm, mi ã nu."




Ka mitko chu ka lo tih chuar khum leh a. "Chu pawh chu ni se......a thusawiah khan thutak se chu a chhan tam tak karah pawh min hmu turin kawng a la siam fan tur ania......i hria em, beidawng lo a beih luih tang tangna, Kara.... Min hmangaih tak tak anih chuan, min hmuh tur a ni a ngaihsakna---"




Kara chu a rawn thaw chhuak halh a, a mit chu zau zet chuan a meng bawk a. "Aw Lalpa leh! Kha ngei kha a ni!"




Huh? Bangbo zet chuan ka lo en a.




"Anih chuan, tunah chuan engtin nge i koh? Beih luih tang tangna tiin i ko a ni lawm ni? Ngaihsakna pek a ni lawm ni?" a rawn ti chhuak thut a, kawngkapui lam chu a kawk a.



A kawhna lam ka han en chuan ka khawvel chu rang zet hian a vir kual vel ang hian ka hria, a chhan chu lobby rawn luhna kawngkapui a rawn kal mek chu tu dang ni loin kan Institution Manager leh amah Sarmiento Corporation CEO, kan sawi mek lai, Nigel Joaquin ngei chu a ni. Business suit a ha lo a. Kawr a dum, a var leh a sen a tial pangai tak hi a ha a, kekawr buang hain desert boot a bun bawk a, a lang pangai takzet mahse a ngai ang te bawkin a chhelo fal takzet.




Hrep tak chuan.



Enge hetah a tih?



Kara ban chu ka lo vuan vat a. A rawn thleng chiah chu ka awih theilo.





"Aw Lalpa leh, Thea, tunah hian rinhlelhna i la nei em? Saw ta saw i suangtuahna mipa kan lam.panin a rawn kal----"



"A ni lo ka su---" lo chhan let chu ka duh a mahse min rawn ti tawp a.




"Ngawi rawh, Thea. Dawt chu in hrilh rawh mahse ka hnenah ni lo." a ti a, a nui suk a. "Tunah chuan, luhlul hi duhtawk rawh. A rawn kal, chuan a rawn kal hi a ngaihsak ani tih chianna lian leh nghet tak a ni."




Kan in hmuh rual chuan kan mit chu a in tawng fuh nghal chat a.




Thawk chu la kawk kawk in, tun tum chu Kara ban chu a ai a nghet a ka hmer zawk a ngai, chakna ka neih theih nan. Enge hetah hian a rawn tih chiah?



"Miss Ruiz, kan hmu nghal mai che chu ka lawm kher mai. Tlawhtu che i nei ania, i pasal hual," Institution Manager chuan Nigel nen, Kara nen a kan lo thutna hmun an rawn thlen chuan a rawn ti a.




Pasal hual a?




Ka lo ding vat a; Kara pawh chu a ding ve bawk.



"Sir?"



"Mr. Nigel Sarmiento." A sir a mipa hming chu a lam a, inhualna chungchang chu min hrilh hre nawn ni awm tak chuan, amnesia ka nei ni awm hian. "Oh, min....min lo hrilh lo a...." A tawng bah nuaih a, "i pasal hual chu Sarmiento Corporation CEO a ni tih min lo hrilh lo a."




Ka lo ka hau a. Sawi tur ka hrelo. Nigel chu ka en a chuan thutak zet hian min lo melh ran a. A hmel felfai tak a a shave chu ka lo hre nghal.



Lalpa leh! Kan in hmuh leh vawikhatna a ni, kha zan kan inbiak a, kan tah leh kan inkuah hnu atang khan. Ka lungphu chu rang zet hian a phu ut ut a, he mipa ka hma a ding hi ka ngai takzet ani tih min hrilh nawn awn awn ang mai hian.




"Uh, sir.....i rin dan kha a...." Ka biang rawn sa ham ham chu ka hre thei. Kara-in ka sir a min rawn sih ruk pawh chu ka hre thei. Ka lo melh rum a, chuan ani lah chuan min lo nuih vur vur.



"Eng pawh chu ni se, Miss Ruiz, Mr. Sarmiento hian phalna min lo dil daih tawh a. Aw, vawiin hian a kiang a kal chhuah phal sak i ni." Institution Manager chuan min hrilh a.




Vawiin a a kiang a kal chhuah maw? Enga?



"S-Sir.."



"Lungngai suh, vawiin chu hriatthiam i ni. Buaina a awm hran hleinem, Miss Ruiz. Intern tha tak i ni a chuan, hahchawlh i phu in ka hria." A ti a.




"Ka lawm lutuk e, Mr. Alegado," Nigel chuan aw pa zet chuan a ti a, manager chu a chibai a.




"Engmah a ni hleinem, Mr. Sarmiento. Engtik lai pawn." Tichuan, manager chuan min nuih a. "Hlim deuhin hmang rawh, Miss Ruiz," a ti a, a kal ta a, office lam pan chuan.



A awm tawh loh hnu chuan, Kara leh amah nen chauh chuan kan awm ta.




"Hello, Mr. Sarmiento," Kara chuan sen deuh tan tan hian a ti a.




"Nigel tiin min ko tawp zawk rawh, Kara," a ti a, a nuih var var a a kut chu a hmaah chuan a phat chhuak a. An in chibai a.




"Oh, min la hria a!" Kara chuan mak hmel leh phur zet chuan a ti a.




Engtin nge a theihnghilh theih ang che, Kara? A tirah pawh khan thian sual tiin a koh che kha.





"Tehreng e," tiin a lo chhang a. Ka lam chu a rawn hawi a, "Chuan, kan kal dawn em ni?"




Enga? A thutak tak tak em? Chuan engvangin nge a kiangah ka kal ang? Zawh pawh min zawt lawk lo a. Engtin nge manager bulah chuan rin lawkna pawh min pe miah loin a kal tawp theih?




"Hmun thawl min pe turin ka dil che a ni lawm ni?" ka ti a, ka thinrimna chu hmuh tumin. Aw Lalpa leh! Engvangin nge hei hi ka tih reng reng?




"Shit!" Kara chuan a rawn ti chhuak thut a.



Nigel nen chuan a lam chu kan hawi a.



"Nang!" min en chung chuan a rawn ti a. "Luhlul em em hi tawp san rawh, aw?"



Ka hmui chu ka lo tih pawrh khum a; Nigel chuan ka hmui chu rawn enin a nui var var a, a mitmu te chu an lam hi a ni ber.




Khami hmang khan, thangah official takin ka tang ni mai hian ka inhria.




Mipa i hmuh chak em em leh i ngaih em em chu i rin loh ber laiin a rawn in lan tak tak chuan enge i tih ang?


∆∆∆∆∆∆∆∆∆



Hun rei vak lo hnu chuan, Serge chu Kara rawn lam tur chuan a rawn kal a. A kal hma chuan, ti hian min ti a, "Engkim zawt rawh. Engkim hrilh rawh."




Ka mitko chu ka lo ti chuar ringawt.




Kan pahnih chauh a kan awm hnu chuan Nigel chu ka en a, "Ka hrilh che a ni lawm ni---"




Ka hmuiah chuan a kutzungchal chu a rawn dah a, "Khawngaihin, zip rawh."



Min lo tihbuai avang chuan ka mit chu ka lo meng phawk hrawk a. Tunah chuan a inla boss.





"Khawngaihin, princess, tun tum chu in ti buai lo ang, aw?" a ti a, rawn kun hniamin ka mitah tak chuan a en bawk. A thil hmuh avang a lungawi hmel zet chuana nui var var a. A mit dum kak te chu hlimna avangin an lam a.



Ka mit hi a duh takzet ani tih a sawi khan a thutak em ni?




Ka hmui chu chhung lamah chuan ka seh lut a. Enge sawi tur ka hre tawh lo.




Ka ngawih hnu chuan, ding tha lehin ti hian a rawn ti zawi sap a, "Ka nu hetah capital-ah a awm. A thla tin check-up atan a awm a. Heta i awm tur thu ka hrilh a chuan a hmu duh che. Ka nu chu i hriat kha. A thil duh a hmuh hma loh chu a tawp dawn lo."




A thusawi ka hriat chuan ka hlim ta deuh a. Tak tak maw? Ka nu hetah a awm a maw?




"Come on, princess. Ka rualin rawn kal rawh." tih pah chuan ka kut veilam chu a kut dinglam chuan a rawn vuan a.




Ni e, hetah ka nu a awm. Engtin nge chu thil chu ka ngaihthah theih ang?




"Kan inthlak hmasa ange." ka ti a, ka kut a a kut lum thar thar chu hriain.




Center-ah chuan ka intern puite nen kan awm avangin minute rei lote chauh inthlak turin ka hmang a. Kawr a hmawr lam cut sawih thlak, 3/4 ban nei leh a awm bawr thuk zet a zei thlak chu ha in, jeans tight dum ka ha a, pheikhawk dum sang ka bun bawk. Intern quarter atang chuan ka handbag nen chuan chhuakin lobby chu ka pan ding nghal a.




Kara nen a kan lo thutnaah chuan Nigel chu a lo thu a. A lam ka pan zawng chuan a mit chuan min lo en reng a. Ka biang rawn sa leh ham ham chu ka hre thei.



A awmna ka theln chuan, "Wow!" tiin min en a, a nui deuh sang bawk.



Ni e, sawi tur reng ka hrelo. Ka hmui hnuailam, dinglam chu ka pet ringawt a. Han chhan let dan tur ka ngaihtuah chhuak theilo.




Min dil hauh lo chuan ka kut chu a rawn vuan a, chulai hmun atang a kan chhuah zawng chuan. Center a mi ho chuan min lo en thup hlawm a. Chiang takin, heng ho hian nakinah min fiam leh dawn a ni, a bik takin Nigelito Joaquin Saavedra Sarmiento mi hmingthang zet nen a kan inkai an hmuh phei hi chuan.




"Mite hian min la hre reng," a car lam kan pan lai chuan a rawn ti sap a.




Tunah chuan vawiin a kawr pangai mai a hak chhan chu ka hre ta. Business tycoon lar zet ang a lan kha a duhlo ani.




Tunge maw hre lo ang che le? Ka hmui chu ka chio reng ringawt a, chuan ka chhang lo.




Tichuan, rin loh zet chuan a thleng. Hun kal tawh a thleng ngai hauh lo kha tunah hian a thleng tak tak. Nigel chuan car kawngkhar chu min hawn sak!





Mak ti zet chuan ka ding khawng reng a.



Tunah chuan gentlemen a ni ta tak tak em ni?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google [Bot] and 73 guests