STORY OF MY LIFE CHAPTER- 13 by Sangsangi Leo Fanai

Episode kal lai dah luhna

Moderator: writers

Amy
Posts: 432
Joined: May 15th, 2019, 8:49 pm

STORY OF MY LIFE CHAPTER- 13 by Sangsangi Leo Fanai

Unread post by Amy » May 24th, 2020, 7:56 pm

Rsi pov.....

Kan tlantluang bawka rema te khua rin ai kan thleng hma,kan bungrua vel in lam ah an dah pheia keini chu damdawiin lam kan pan nghal...

Damdawiin kan thlen chuan rinai takin awmpui tu an lo tam,ventilator hmanga thawk tir ania,zanin ah mihring an in chan an beisei loh thu umapuiin a lo sawia,rema ka khawngaih takzet...

Darkar1 vel kan awm hnu ah doctor in pakhat in in hmu thei ang a tia,rema a lut a kan lo nghak thap mai,a awm rei vaklo a thawk a rawn buai deuh vangin a rawn chhuak a, chuta tang chuan a tawng tawhlo hrim²...

Theihtawp an chhuah hnu zan dar 11:00 bawr vel ah mihring kan in chan ta lo,rema ka en chuan engmah a hmel ah a hriat theih loh,a thut ngai in a thu a,a melh ngai a melh tlawk² tawp a ka khawngaih takzet...

Inlam ah minlo lawm dan leh kan luhdan engkim hi rema tan chuan ana lutuk mah² ani,a tan chuan anu leh api nih kawpa a tuar thiamlo lu tuk hi a hmel pawh hmuh a hrehawm ngawih²...

Ruang lumen ngai ani a,in ah mi an lenglo lam ani a,an khawhar hlau in in leng an nei deuh reng bawka mite hi an lo fel ka ti takzet....

Rema erawh damdawiin kan chhuahsan a tang khan ala tawnglo ti ila a sual lo ang,a melh ngai a melh tlawk² zel,engmah a ei duhlo a,kan rilru a ti mangang hlawm takzet,a tuar thiam thei thlawtlo ani...

A bulah ka awm chawt a,ka be char² a,ka titi pui bawka,min chhanglo mahse ka beidawng ngailo,chaw a ei duh loh leh ka eilo ve maia,lo ei bik kha ka theilo ani..

Zan mut miahloh chang lah kan ngah,ka zui kual chawt tiila a sual lo ang,a chang leh thlan ah a kal thul a pawmthiamlo lutuk hi hmuh a hahthlak zawk...

Thil kan eithalo in ka mengrim bawk si nen ka taksa in a zolo a,nikhaw hrelo in ka tlu leh a,drip te min khai leh a,kan buai ang reng viau...

Rema ala ngai a,keimah vangin thil erawh a eilo ngai tawhlo,lem har a tih hmel thei lutuk hi hmuh a hrehawm takzet...

Rema pi boral khan anu te leh putea te pawh an lo chhuk ve nghal vek a vangin karleh lam ah hawn chho an tia,ka lo phur phian,nunsanga ka ngai tawh takzet...

Rema pawn tlemin hma a sawn ve hret² a,biak chuan min chhan na chang te a hre tawh a,a zia viau..

Rema nen chiah kan awm a,room ah nunsanga te enge an chanchina rawn ti thut a ka phu vak leh nghal ka thin ka dawm vang² ringawt...

Min melh chhuk run in lu a thing nghut² a,ka lo melh haw ringawt,tun nithum chhung zawng khan i belo tih sawi miahsuh a ti deuh hrawk a ka lo ip chawi thei,ka phuzuk leh nghal..

Ngawi vang² in belo ka ti sep,tinge a ngaihtuah leh dantur che ihresa nilawm ni a rawn ti leh nghal a,ih ka aà ka ih a rilru tih hah sak ka duhlo a lawm,min ngaihtuah leh zual anga,a tan a harsa mai² engmah a hriat loh hi a fuh zawk ka tia,a rum nghut reuh anih chu....

Engtik nge i biak hnuhnun ber a tia ipi boral zan khan i causin dari hnen ah khan ka phone in chanchin lo hrilh turin ka tia,ka be lehtawhlo,ka phone pawh ka khawih tawhlo,hetiang hi kan ni chhunzawm leh bawksia ka tia hnuai lam ka bih ngar²..

Thawk pik hmel lutuk in ahmai a tuai puat a, khawiah nge iphone a tia,ka hma zawna pawhdawn awm chu ka kawk a,a pen phei nghal phawk² mai...


Ka phone a on chiah chu message tone a ri nghal char² a tam lutuk a ti chhuak sup,in thiamlohna awri a khat in keimah vang ani tiraw a rawn tichhuak sup a,ka lu ka lo thing nghal vat..

Nunsanga messange a rawn chhiar phei chuan tap chhuaklo turin ka in sehruh fan² mai,thiam ka in ti biklo mahse ka damlo a ka tlu leh tih te a hriat chuan a talbuai leh ka hlauh em vang zawka phone pawh on duhlo ka ni bawk...

Reman ka call dawn tih leh call a rual a,minrawn pek rualin lehlam ami chuan ril ruih hian hello a rawn ti sup ka thla a muang suai² mai..

Reman minrawn signal zeuh in in be rawh u,sawitur in ngah ang,ka lo va chhuak ange a tia,ka lu ka bu zeuh...

Rema chhuah hnu chuan,a tawng tawh bawk siloh a vangin hello ka ti nawn leh sep,a rawn thaw deuh hawk a nih chu,ka lo tim sawk thei...

Sawimai tur ka hrelo,a thu rawnsawi a vang chuan ka tap lo turin ka hmui ka pet fan² ringawt..

Khawiah pawh awmla i engkim kha kei Lalnunsanga ta chauh a ni tih hrereng rawh,biak theih loh in awm suh ka tih che kha,khang nithum chhung kha ka tan chuan kum tamtak ang vel ani a rawn ti thawp sup anih chu...

Ka chhan mai loh a vang in,hello mate a rawn ti ril leh ruih a,ka in sum thei tawhlo a aw ka hriat chuan ka ngaih zia leh ka thlakhleh zia ka hriat belh kuar² a ka tap chhuak hawk mai...

Ka tah chhung zawng a tawnglo a,a khat tawkin hrehawm ti awm ngaihna hrelo ang mai hian a rawn thaw leh hawk thin..

Ka tah chhuak zualpui a reh a,la in sut chungin ka ngai che ihria emLalnunsang ka ngai tawh lutuk che,ka taksa ka engkim hian a ngai che ka ti chhuak tiau mai...

Lehlam ami chu thaw veng hawk ang mai hian a rawn thaw deuh suai² a chutah kei pawn ka ngai che,lo hawng tawh la ka ti ka kuah leh hlu² chak tawh che a rawn ti thawp deuh dup a,mittui tling pamin ka lo nui hak mai...

Ka tipalh ka ti sep,shiiii kha tiang sawisuh ka ngaithla duh lo,mahse biak theihloh a i awm chhan tha tak erawh hriat ka duh thung khauh fak in a rawn tia,thaw hak min hmulo mahse ka lu ka bu deuh nghut...

Thilthleng zawng² engmah zep awmlo in ka hrilh a,alo ngaithla char² a,ka sawizawh meuh chuan ka thaw a chham tep,thawk ka la te² a i thinrim lo ami ka tia,cool lutuk in a rawn nui ri anih chu ka lo mur chuai mai,ka tek sawk in ka hria...

Min ringtawk ani tih hriat ngawih² na awri a khat leh nghet charh in ka ringtawk che a lawm,dawt minhrilh lo ang tih,chuan ka rilru natna tur iti dawnlo tih ja hria a lawm a tia,ka tah nuih hak...

Heiii itap leh ami a tia,ka lu ka thing ringawt,shiii mate a rawn tih leh rual in ka lawme ka lam itan reng vangte leh ka tan i awm reng thin vang leh min rintawk vangin ka tia,nui suk in ka hmangaih che lawm,in rin tawnna tello chuan hmangaihna hi engmag ani lo,tawrhna chiah ani a tia ka lo bu vei nghauh² mai...

Minrin vangin ka lawme ka ti leh sep a,nghet charh in ka hmangaih ber thusawi ka rin loh in tu thusawi nge ka rin chuan ang ni a rawn ti thawp sup a,ka chhungril hi hlimna lawmna hlirin khat niber hian ka hria,awmngaihna tak pawh ka hrelo,tah nuih hak in ka lawme ka tia,a rum nghut....

Eng eng emaw kan sawia kan hlim dun khawp mai,reilo te emaw kan tih laiin darkar fe alo ni leh hman tawh,reman chaw ei an peih tawh ania,nui suk in a rawn tia,kan in biakna pawh kan titawp thei ve chiah...

Chawei turin ka chhuak a,ka lo nui thin nge mawni,umapuiin e tu emaw chu lawm loh in anui a nui mai,enge maw tak tawn anei a nilo maw a tia,tunge rema ami ka lo tivel a,an nui nasa hlawm khawp mai...

Zanriah eikham ah chhungkaw ho in kan awm khawm thapa,rema pa patluang an naktuk tuk leh mai ah in hawng tawg dawn sia,in tih thawven pahin zawlpui leilet ah naktuk ah sangha te manin hun thawl kan zuhmang dawn mi niang a tia,ka lo phur nasa,midang te pawn a tha a lawm an tia,ka chak tawh tawp..

Rema te hi serchhip khua an ni a,an mahni hi A.O.C veng presbyterian biakin bul ah an awm a,an biakin hi analh ka ti thei nia,ka lo va kal hman ve ziah zel,an biakin bul ah hian pastor quatar a awm bawka,an kawt ah hian thawmhnaw suk vel kava zar thin a,an nu afel bawka,kan in kawm ngeih phian a,ka zin ve changa ka len na ber te an ni ve...

Rema nen kan pa2 in room ah kan awma,naktuk kan kalna tur ka chak tawh thu vel ka sawi a,alo nui suk² zel...

Dar8 ah kan thianho video call neih kan rawta ,avan hlimawm tak,asingment tlem tihtur an lo neia,muantea te in ah an lo awmkhawm veka,an rawn rak nawk² bawka,intawng ka hretheilo tu ber nge ka ngaihthlak dawn ka tia,kan nui nasa hlawm teh e...

An thil tihtur theihnghilh thak khawpin kan inbia a,lalmuantean lo hawng vat ru,kan chan a tam thei tuk a ninawm a tia,kimkimin a chang tlem ber si hi a phunchiar ania,inlo hawn ah chuan tuman kan puilo ang,a tam ber hlir kan chan tir ang a tia,awiawi ani thlawtlo e aw,a chang hnem tur ber nunsanga nen in ni.inla chang tlem ber zui a tia,kan nui nasa hlawm ngei mai..

Naktuk kan kalna tur chuangchang vel ka sawi phei chuan an chak ve thu an rawn sawi sap² a,ka lo kep ang cheu ka tia,an ner nasa hlawm a sin aw...

Nunsangan rema hnen ah,tap te an awm leh palh ange tui chen kha khap tawp mai rawh,mi hmuh ah chuan a zahthlak ang a tia,an nui vak² hlawma ka melh thip hlawm a sin,chutah lalnunsanga leu luau lah chuan sawichhan em² pawh ka neilo tinge ilo thinrim rik ngawt a tia,ka nerkhum vaka in sual hlawmsi ka tia,zualtein rs ilo in ngaihbel deuh te anilo maw a tia,ka bang ka tia,an nui nasa hlawm teh e,keipawh ka nui ve tho..

Reingial kan inbiak hnu ah kan in biakna kan titawpa,rema nen tlawng kan ni leh tawh,ani pawh tawrhdam hram²a tum a afight ve meka,a rilru tihhnual sak ka hlau hle bawk...

A chang hi chuan a chanchin a sawi lai hian ka lo khawngiah thei lutuk a na takzet..

Naktuk ag thawhhma a ngai dawn sia muhil tawhrawh tih leh a mutna tur lam pan a ruala,keipawh nunsanga ngaihtuah chungin ka chhing riai² mai...

Ka harh leh chuan khua a lo eng uar tawh,ka zimar talh² a,ka khum bula ka phone dah chu banin ka on nghal zat,nunsangan morning wish minlo thawnna a lo awm leh vang tawh,wish let in ka mutna vel ka tifel a,intifai turin zai rat² chungin bathroom lam ka pan phei hnak² mai...


Zai rat² chungin vawin ka ken tur vel ka lo siam mawlh² a,reman minlo barakhiah thut nih chu,ka phu nasa lutuk ka thlawk lo chauh,ka awm ka dawm vang² a ka melh tur kai² a sin aw...

Engah mah a la ngailo leh nghal,min nuih tiah² ka ngei lutuk hi chhir tluk tawp ka chak et²,nuihza insum tih hriat zet in ka lo luh lai kha ihria emaw ka tia lawm a tia,i chhe em mai ka tia a nuih ala za viau leh nghal..

Umapuiin vawin ah tuichen te a duh ve awm sia,thawmhnaw a nei lo ang han ko rawh,a tia ka lo kal nihhi a tia,ka lo ner khum vak a,ka chen ve vak pawh ka ringlo,ka thiam lo nen,in thlakna tur thawmhnaw hi keng ila a tawk ka ti mai ka tia,a bu nghut...

tahbelh deuh chu cheng velo mahse a pawilo,miten an hretam ang tih a hlauh awm,mahse umapuii chu ka zuk hrilh hram ange tih leh rang lutuk a tlan chhuah a rual...

Lalremsang tih leh umzui nghal ka rual,inhnuai ah kan han in umkawi tak² anih kha,mak ti lutuk in minlo en haw hlawm mai...

Enge tih nan ka dar ka san ak a,umapuiin rema a kawka,ka hrethiam ve chiah,ani lah taka,api boral a tang khan tiang hian hlim deuhin anui lai hmel an hmuh vaikhat na chiah a ni a tih theih ang,naupangte itlawm a tia,nuisak in ka bu nghauh nghauh..

Choka ah ka lut a,fridge a tui um pakhat chu la chhuak in ka in nghal khawlh2 mai,ka in lai kher anrawn in ve leh duh khera,buaithlak thei nia,kawngdawm pah in kan thaw deuh kawk²,nagmah vang vek,boruak ka khamlo,nunsanga ka hnek tir dawnche ka tia,nui suk in min hlau em a tia ka nui ve hak hak tho..

Nunsanga pa patean kal hma a fuh ang a tih vangin chaw kan ei hma phian,kal tur pawh kan thahnem fu...

Car3 leh bolero pakhat in kan kal dawna kan lenglo lam ani,keileh rema chu bike in kan kal dawn thung,ka phur tawh takzet...

Kan chhuah hma in nunsanga nen kan inbia a,reman khua a tang thikthu rawn pechhe viau suh a tia,ka lo nui hak a,a rawn rum nghut mai,rema nen bike a kan kal tur thu ka hrilh a,fumkhur tur in min chah ngun malh² khawp mai,tuipawh chenglo mai rawh i chesual palh hlauh ange fimkhur hle ang cheu a tia,ok ok boss em2 ka tia arawn nui ri suk mai...

A hmun kan thlen vel ah call turin min in tiamtir vei thlap leh nghal,nui sak in ok ok ka pu ka tia,a duhlo teh a sin aw...

Kan kim thawkhat tawh a,Patean tawngtaina hun a hmanga keini in hma kan hruai,ka rin ai takin a hla ve zek...

Kawng erawh a tha phian reuha,kan tlanchak ve viau,pawn lam boruak kan hip lohna a rei tawh bawka nuam kan ti ngei mai..

A hmun kan thlenga,thlam ah kan in dah a,midang pawh an lo thleng har hlawm lo,rema causin ten a bianu hlui an lo hruai ve kher erawh a tul ka ti viau lo..

Reman a duh tehreng nen,rema thusawi nilo in midang thusawi a awih zawka,midawtsawi vangin a ringhlel fo a,midang nen tehkhin a hrat bawksi,an in hauh tak fo ah chuan reman hetiang ringawt chuan kan hlim tak² chuanglo ang,ka ring che a sin,nagchuan min hmangaih thu isawia,mahse minrin i nei lo,imi rinna ka hlawhchhuak zo ve silo,inrin tawnna a awm loh chuan eng in zawmna mah hi a tluantling ngailo,in then hi a tha zawk,tu ve² tan pawh a tia an in then ta kha a nia...

Ka bula a sawi lai pawn a rilru ana tih a hriat ngawih²,mahse tunah chuan amah duh a hmangaih a,ring em² tu a nei tawha,a tan ani pawh a rinawm em² a,tun ah pawh hian a bialnu hlui hian a rawn beisei leh kual vela ani lah hian lo ngaihsak chu sawiloh awmvelo ang maiin a ngai hmiah mai thin a,ka lo nuih tet² thin..

Beve tho la ka tih pawn sawipui tur a awmlo a ti deuh hmak zel,


Huan vel minfan puia a nuam takzet,an huan sir ah lui te a luang a,tui lak nan a rem hang phian,sangha dil an nei nual ,thlai an nei nual bawka,oil pam leh theihmu an uar viau bawk...

Mat lui ah kan kal tawh dawn,inlo kal ve dawn em umapuiin a rawn tia,kan lo kal nghal tih leh tlan nghal ka ruala,alo rualrem lo nen,reman itlu ange a tih rual in kan tlu nghal a,ka bawk thlawp ka kut vel hi a thip nghal sep²,ka mittui ala tling pam zui...

Lalfanu a tlu sia kan pua ange,chutilo chuan hawn hun ah tu emaw thinrim ka tawn ngamlo ang a tia,ka melh rum a sin..

Nui hawk² in lo kal rawh lem,lui lam ah chuan zuk kal ve ang,a nuam iti dawn tih ka chiang sak a tia,min pawthla vei hnak²,ka ritlo ami ka tia,kg 10 pawh itlinglo ang a tia,a dar ah ka beng awk a anui mai²,hetia rema a rawn tha sawt lutuk hi tupawh kan lawmin kan hlim vek,a theih tawpin a fight ve a a fight chhuak ta niin ka hria...

A hmun kan thlen thlak chuan,tui ah anlo cheng nasa tawh mai,keini pa2 in pawthla ta chu,umapuiin minlo hmuh rual rual in enga tinge,rs na inei em a rawn tia nghal bawrh² a ala hlauhthawn hmel em² mai leh nghal..

Lalreman u amak thei,naute ania,ka rawn pawthla mai² a alwm tia..ka zak lutuk hi ka hawichhuak ngamlo hrim²..

Kan awmna lui hi ka rinai tak in a lo nuam,a thuk lemlo a,a chungah leih an dawh phei zui bawka,a nuam tak zet,motor te pawh alo tlan a lo tlan mai,motor tlan kai na tawk lek a nih vangin motor sil nan pawh a remchang angreng viau...

Reman nunsanga te a call a,kan inbe leh char²,kan kalna hmun te kan hmuh a,lalmuantea pek chuan a nawm hmel hle mai,mahse keichu ka dum vek palhang tih ka hlau a tia,kan nui dar² mai...

Rema bialnu hlui lah chuan khawdang melh nan a mit a ui nge mawni rema nen kan chetla vel minlo en char²,kimkimi pawh a hrilh thlap a,a thik deuh chuan ka hria mahse engmah a tilang lemlo,a in control thei phian a kan thianho ah chuan...

Numsangan fimkhur ula in in tipalh hlauh ange,class kan nei leh tawh dawna ni hmannuam phawt u a tia,nagni pawh tih pahin ka of nghal daih..

Reman leih khi han zWh ve ang a tia,phur tawkin ka kal ve a,khawi lam a zawh ka hlau lutuk hi ka che ngamlo hrim² ka tlan let leh nal²,min nuih nasa hlawm a sin,an in sawi dup² phei chuan lu hai in ka lo tlulo chauh zel...

Reman keini chu chho tawh ila,i hah lutuk chuan i taksa a chak lo nen i damlo palh ang a tia ka bu nghat...

Helai hmuna leilet/huan neitu te reng² hian oil pam leh theihmu chin hi an uar tawp,theihmu lah chu ka hmuh a piang ka ei zeuh² bawka a nuam ka ti hle ni..

Rema kal lai ka pawtding chawt a,enge tih nan a dar a san ak,kawngpui a tanga va hla ve deuh a theihmu hmin tuar saw ka ei chak va lo ang ka tia,mita anih saw a theih ngawt loh a tia..ngen tak te a ka ngen hnu ah min kalpui hram a,a nei tute anlo la awm zui,kava zak tak ani tawp...

Puitling ho in eirawng an bawla sangha man thar te,vaipaden leh kelsa an siama a tui hmel hlawm takzet....

An sangha man kan en a,ka lo teh chhin vela ka ban chen² te a ni hlawm,hetiang ang em² a dil khawi lian hi mizoram ah ka la hmulo reng² ka tia,patean min nuih nasa mai..keipawh ka nui ve tho...

Khua a tlailam tawh a vangin tlam kawt ah meipui an chhep hluah a,a nuam reuh phian mai,kan chawei chhung leh kan tih nek² chhungin khua pawh alo thim fel der...

Kan hawn dawn ah ruah a tla deuh cher² a kan hmanhmawh phian,hma kan hruai leh a,ruah a tlak tan tawh vangin tlanchak lo tur leh fimkhur turin min chah mawlh² hlawm mai...

Ruahdo nuam ka tih em vangin keilah pek chu ka lo pbur phian leh nghal,lalreman naupang chhia lutuk min tia a tlanchhuak nghal zat..

Kawng rin ai a nal a,accident kan hlau ve bawk nen kan tlanmuang viau,khawpui ri leh kawlphe zawr² a awm renga ruah pawh a rawn sur tam chak khawp mai,kar loh ah kan huhzawr hnap mai..

Kan tlan tluang ve viau,newserchhip kan thleng tep tawh light eng pawh kan hmu thei tawh,kan thleng tep ta ka tia,rem an vawt iti em a tia,ka chhan leh hma chiah in kan bike a ri bur,kan chhak kawnga thingzar tliak in mindelh,ka lu a hik muai² a ka bek zawn ah thisen a rawn luang thla ngiai²,nunsang tiin ka phunchhuak sepa thlil thleng engmah ka hre chhunzawm tawhlo..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)