QUEEN BEE EPISODE-15 by INIROS 16

Episode kal lai dah luhna

Moderator: writers

INIROS 16
Posts: 59
Joined: April 13th, 2020, 2:47 pm

QUEEN BEE EPISODE-15 by INIROS 16

Unread post by INIROS 16 » May 25th, 2020, 12:46 pm

QUEEN BEE
EPISODE-15
__________________________
Maybe we found love right where we are
(Kan in hmangaihna hi tunah, tun hun ah ngei hian kan hmuchhuak/hrechhuak ta a ni mahna le)
________________
MALSAWMHLUI's POV

Ka bialpa te dinna lam pan chuan kan phei chhat chhat a, Tluanga a lo vei tawn sek tawh bawk....



A awm ve tho mai, tlai reng ṭhin mah ni ila, vawiin angah tal te hi chuan tlai lo tur ka ni asin le



Tluanga chu Anil-a hian a kheuh zeuh a, ka lo hmu lo der hram hram, mahse ka hmu chiang lutuk....a zakzum ve angreng sia, a zah ka hlau ve alawm



Tluanga chuan ka lam a rawn hawi a, mit khap lek lo in min lo en a, a hnen ka thlen thleng chuan a mit fukna pawh a ngai reng.





Ka thutlukna siam ah chuan ka in chhir miah lo, Tluanga leh George ka khaikhin lo thei lo bawk




Kan nih hmasak ni ber aṭangin George nen
chuan a fuhlo nghal vel vek anih kha maw, in tawng tura ruat nilo na na na intawng hi chu a tawp ah rilru na zawk an awm ngei a ngai ṭhin a ni hi, a rilru na zawk ka ni lo hlauh...



Tluanga hmai zawn ah tak chuan ka kut ka han vai lauh lauh a, hria ang pawhin a lang lo.




Rei lo te hnu ah ka han sawi dat dat a, a ngaihtuahna ram aṭangin ka kai harh thei hram..



Mumang aṭanga harhchhuak hlimin in tih harh tuma an lu an thing naw naw ang mai hian a lu a han thing nawk nawk a...
Enge a ngaihtuah tih chu ka zawt a




"Eng ni lo e, ka bialnu hi a mawi lutuk a, ka mit ka la sawn theilo alawm" a nui sang pah, ka lai teh asin aw...



Ka duhthusam ang ngeiin ka bialpa pawhin ka incheina chu mawi a lo ti ve khawp mai.... Ka va hlim si em...



Kan pali chuan kan nui ho dar dar a...


"Malsawmhlu" chu aw vin ṭhak, thinrim in hrosa aw chu tunge anih ka hrechiang khawp mai...


"George" "George, eng nge hetah i rawn tih" George-a lam chu ka pan vat a, zu rim a nam ham ham zui



"Malsawmhlu, eng vanga ka call leh text chhang duhlo nge i nih" ka dar ah min sawi dawt dawt a..



"George, a na a nia, min thlah teh" ka tang ve nasa, min vawnna ban tha chu a chak em avangin ka tal chhuak thei miahlo thung.



"Mawh, sawi rawh, i thawmhnaw te chu,ka tel lovin khawiah nge kal i tum" ka chhip aṭanga ka ke ler thleng chu min han en chhuak vek, hepa hi tunah chuan ka haw lutuk...



"Kal tir rawh" Tluanga chuan George-a kut man pah chuan a rawn ti vin ṭhat a...



"Nangkha, lo inrawlh ve suh, i lo tel ve na tur a awmlo" tih pah chuan Tluanga'n a kut a vawna chu a phih thlak sak dawrh a, George chuan min la thlah duh miah lo...




"Sawi rawh, khawnge i kal dawn" ka dar ah chuan min ṭham zual sauh, a na teh asin, a tha ngah zia chu, a hmel en ang reng reng a ni hauh lo.



"Duh tawk rawh George" Aadvika-i pawh chuan a lo ti ve vat a


"Aadvika, nang pawh maw, engtin nge in tih theih zawk, min thlim a lenchhuah in lo tum vel a maw?" Aadvika-i lam en chuan a han ti vin leh thak a.




"George, ka thiamloh a ni, min ngaidam dawn nia, in then ka duh" ka ti chhuak ta nge nge



"Eng vang ngawt chuan maw, ni hnih er awrh chauh kan la ni hman a, tunah inṭhen i duh a maw, mi mumal lo tak chu ilo ni e"





"George, ngaihzawng dang ka nei, in ṭhen ka duh, nang nen chuan kan hlim ngai tak tak dawnlo"



"Min lo kawp a maw??? " ka mit ah tak chuan min en hawl a,



A mitmeng sen, thip râm mai a min han melh kawk chuan hmeichhe awm nem zawk tih takah ka zam ve deuh chu a ni e...




"Tuna ka thil tih dan hi Kawp i tih chuan kawp a ni mai ang chu, chu vang chuan ka kawp reng loh nan che in ṭhen fel vat hi kan tan a ṭha zawk" ka ti let ve salh a





"A ṭha alawm, min phatsan man hi i hre dawn alawm" ti leh ka kawr dar bah pakhat chu a hawn pawt peh hawk a, strapless(a bahna awm lo) bra ka lo la ha zui bawk nen, ka in hup vat, ka zak lutuk..



"Min hlat theih hi inring ngai hauh suh ang che" ka mit ah tak min en a, a sawi zawh chuan min nam dawrh a, ka hnung ah Tluanga a lo awm hlauh.





George chu a kal nal nal bawk...



Tluanga chuan a jacket va la in min tuam vat a,George, hmela, ka haw so bawrh bawrh che.




George kal liam chu thinrim em em in mittui karah ka thlir liam thei hram a.... He muttui hi chu in huat lutuk vanga mittui tla anih hi....




"Tluang, inthlak ka duh"



"Awle" a ti dam thlap a....



Nichin a phur taka chhuah ka chak ve em em na te kha a bo zo vek, mahse Tluanga birthday a ni ve sia, hmela vang mai mai kha chuan ka ṭhulh phah dawn lo...



Ka room ah chuan ngawi rengin ka ṭhu a, Aadvika-i pawn tih ngaihna vak a hre bik lo, kha George hmelchhepa khan kan boruak a chawk buai vek...


Tluanga leh Anil-a erawh in kawt ah min lo nghak leh a



"Addu, ka sam te ka makeup te a chhe vek a nia,George hi ka haw so bawrh bawrh" ka mittui a rawn tla leh ringawt.



"Umm, ṭap tawh suh le, kan hnawih ṭha dawn nia, a hma aia mawi leh nalhin aw niang" a nui sen sen a, boruak chawhphur a tum ve hle tih pawh ka hria, mahse, ka phurna a reh vek...




Ka hmai ka phih a, Aadvika-i chuan eng eng emaw min tat leh mawlh mawlh a, ka kawr hak tur pawh sexy vak tawh lo, a fual hi a rawn la chhuak a.



"Addu, kawr fual chu min hak tir tawh lo hram teh, khawngaihin"


"Anih chuan enge i hak ang awww" "Eee, ka hre ta, Tluanga pawh a dum suit in a inchei a, nangpawh a dum suit in i inchei ve ang chu le"



"Awle" ka ti hniam raih


Jockey T-shirt dum, a nghawng thuk ve deuh (v-cut) , jeans dum min haktir a, military boot min buntir mawlh mawlh bawk a.




A hma ang em chuan mawi in sexy tak ha tawh lo mah ila, ka makeup leh incheina te, ka tlereuh in bel te chuan min chei ve hle niin ka hre bawk.



A vawi hnih nan kan chhuak ve thei ta hram a.... Anil-a'n car khalh in Aadvika-i nen a hma ah an ṭhu, kei leh Tluanga a hnung lamah kan ṭhu ve thung a...




"Tluang, ka tihpalh aw"


"Inthiam lo mah ta che, i thiamloh a ni hleinem" a lo nui var var a


"Nilo e.... George kha hrilh vat tur ka ni asin le, boruak a rawn chawk bam vek" ka ti hniam raih a


"A pawi lo ka tih tawh kha, ka ngai pawimawh em em hran lo, a pawimawh ber chu tunah ka kiangah i awm a, ka ta i ni tawh a,chu chu ka tan chuan a tawk chiah"



"Ni e,hun kal tawh theihnghilh daih ang aw"

Kan han in fawp zeuh a, kan pahnih chauhin awm hek lo, ka ṭhiante an awm ve kur, ṭhiante mah ni se kan zah ve deuh tho a lawm le....



Amusement Park chu kan han thleng a, ka lo en chiang lo nge, vawiin ni tak ah a lo inkhar kher bawk..... A fuh lo vel vek...



"An lo siam daih a" Anil-a chuan a thu zawh fiah dan nen chuan report kimchang deuh a han pe a...



"A pawi in tih loh chuan, hawh u, view nuam deuh ah kan kal mai dawn mi"



"Nia" ka tih pah chuan ka pum a rawn ri ruk ruk a.. Ka pum ka hup bet vak...



Tluanga ka en a, a nuih za insum chu ka ngei lek lek.... Ka thinlung chuan a ngei tak tak lo tih in hriat kha...



Tukin khan ka helh hawlh lutuk vang nge ni, chaw pawh ka ei mumal lo a, dar 2 vel a lo ri tawh bawk nen...



"Ṭhiante Ei tur i ei phawt ang u hmiang, pi ber hi a ril a ṭam tawh anih hi" Tluanga chuan min fiam zeuh pah chuan a han ti a, a la nui vur vur zui.




"A ngai lo, ka ril a ṭam lo" ka lo ti deuh hmuk a...



"Malsawmhlu, mawl mawl lo teh aw, keipawh ka ril a ṭam" Aadvika-i chhan a lo ti vat a


"Anih chuan, saw lai ah sawn karaoke bar a awm a, eitur an nei sa bakah cake lei ila, kan kal mai dawn mi, cinema hall lah kan book lawk silo a, bollywood movie thar an release bawk nen ticket pawh a lo zo vek hman sia, eng nge in ngaihdan" Anil-a chuan a lo ti ve vat bawk a.




"A ṭha khawp a lawm" Tluanga pawh chuan a lo ti ve leh vat bawk a....



"A tha alawm" ka ti hmuk a
"Tluang, ka tihpalh aw" ka han ti leh a



"I thiam loh a nilo ka tih tawh kha, khawi hmun ah pawh kal ila, i kiang anih phawt chuan ka hlim vek ang"



"Anih chuan kal ang u hmiang" pi ber ka nih na angin min zah thiam khawp mai a, ka tih loh chu tilo bur mai chi ka lo ni bawk nen, ka ṭhiante pawh hian ka thu hi an ngaichang phawt zel.



Bakery ah kan kawi zuai a, karoke bar ah ka chuan kan kal a, room nuam ber chu ka han book thawr a....




Ka nu pawhin ka pa secretary a lo bia a, ka credit card min unblock sak tawh bawk, mi hausa fanu dik tak ka ni leh taaa.. Awle, vawiin chu han hmang ṭan tak tak ila.





Cake ah te chu bati kan han chhi a,

"Happy birthday dear Tluanga, Happy birthday to you" kan pali chuan kan kut kan beng dar dar a.



Tluanga pawh chuan bati a lo chhem hlum ve mek a, cake chu a zai a, min barh ta, ka ril a ṭam tawh bawk a, cake chu a tui reuh phian lehnghal, min barh hnu chuan ka biang ah a han fawp zeuh a....




Hepa hi maw, a lo zei ru phian mai ka ti, mahse a zei dan hi duh tak tak tu tan chuan tenawm loh chi, a romantic ru phian mai a....



"Malsawmhlu, barh ve rawh le" Aadvika-i chuan a lo ti vat a....



Ka barh ve leh, a tih dan chiah chuan a biang ah ka han fawp leh zeuh a, a lo nui suk suk a, a va ṭha chiang tak...


A hnu chuan Aadvika-i leh Anil-a te pawh a han barh ve leh a....cake lian lutuk kan lei duhlo bawk a, kan ei zo hma khawp, kan eitur dang te nen chuan puar peng pawng in kan han in hnawh phawt a...



"Zai tawh ang awww" Aadvika-i chuan boruak siam tum deuh hian Anil-a a han pawt chhuak a.....In chhawn hian an zai rat rat a.



Lucky tih Jason Mraz leh Colbie Caillat sak kha an sa bawk..





Kan pali thawnthu ni mai te hian ka hria, an zai zawh chuan




"Tunah chuan, tuak thar te, nupa an la nih loh avangin nupa tuak thar kan ti rihlo mai ang a, awle, tuak thar te lam turin i lo sawm ang, whoooo" Anil-a nen chuan phur zet in an kut an han beng a, kan pali chauh pawh chuan in tihlim tham kan ni ve reng reng a...



"Ka lam ngai lo" ka ti deuh tlat a...


"Keipawh" Tluanga chuan a lo ti ve vat bawk..
"Mahse, ka birthday a nih man ah min lampui duh ang em"a ṭhutna aṭanga rawn thawh pah chuan ka hma ah a ṭhingthi in a kut a rawn dah chhuak a, nelawm fahran, hnar loh theih loh tur hian, a nui leh sak bawk. Awi!!!! Ka lungphu...


"Anih lam chiah ila" a kut ah chuan ka kut ka han nghat ve a, min kai tho a, kan stage te tak te ah chuan kan han lawnchho a....



"Awle, in ring ru leee, music ka play dawn nia aw"

Music a rawn ri ral ral mai, Ed sheeran sak Thinking out loud tih ngei mai kha, Tluanga nen pawh music ri riai riai ah chuan in hma tawn in kan lam a..



A kut leh lam ka kawng ah, ka kut lehlam a dar ah, kan kut lehlam zawng chuan kan kut kan insuih a, kan mit leh mit a in tawng chiah bawk...ka lai teh asin




Inneihni a monu leh mopa romantic deuh a an lam ang mai hian ka inchan thei...



"And darling I will be loving you 'til we're 70
(Chutichuan ka duh tak, kum 70 pawh thleng mah ila ka hmangaihna che a dai ngai lo ang)

And baby my heart could still fall as hard at 23
(Kum 23 ka nih laia ka hmangaih leh duhna ang tho che hian ka duh in ka la hmangaih reng ang che)

And I'm thinking 'bout how people fall in love in mysterious ways
(Tichuan mi te hian engtin nge mi te hian chhan leh vang mak tak tak te hian an in hmangaih theih ṭhin le)

Maybe just the touch of a hand
(Kut in tawh/in kaih ringawt vang pawh a ni mahna le)


Oh me I fall in love with you every single day
(Kei ve chu, ni tinin ka hmangaihna che a pung tual tual si)


And I just wanna tell you I am
(He thil hi hrilh ngei che ka duh a ni)

So honey now
(Tunah hian ka duhtak/ka hmangaih)

Take me into your loving arms
(I hmangaihna ang chhung ah chuan min kuauangkuah/la lut la)


Kiss me under the light of a thousand stars
(Arsi sang tam tak hnuaiah hian i hmui nem tak khan hmangaih takin min han fawp leh teh le)

Place your head on my beating heart
(Nang vanga ka thin phu dup dup te hi ngaithla turin i lu kha ka awm ah rawn nghat teh le)

I'm thinking out loud
(Tichuan he thu hi ka sawichhuak ta)

Maybe we found love right where we are
(Kan in hmangaihna hi tun ah tun hun ah ngei hian kan hmuchhuak/hrechhuak ta a ni mahna le)



Tluanga nen chuan kan han in fawp leh a, chutah Aadvika-i leh Anil-a ten kut an lo beng dar dar a.... Kan zak leh hnu hnawh lutuk.... Ṭhiante hma a in fawh du du te chu a zahthlak ve duh em alawm...



Tichuan hla dang eng eng emaw sa in kan han in tihlim a, kan haw meuh chuan tlai a lo ni der tawh.... Ka nu chuan min hauh loh hram ka beisei




"Bawihi, i ṭhiante nen khan lo haw tawh ula" ka pa chuan phone aṭang chuan a rawn ti a


"Awle, pa, kan lo haw dawn chiah hei"


"Awle, a ṭhat chu, hei i pate Olivera te, i pi leh pu te pawh an lo thleng kim tawh a, i ṭhiante pawh kha an chhung te bulah hetah chaw an eia an riah nghal tur thu lo hrilh tir ang che aw"ka pa chuan thu pe aw deuh zaidam tak si chuan a rawn ti a




" Awle, ka pa, kan rawn thleng har lo ang" ka ti a,




Ka pa nen kan in biak zawh hnu chuan ka ṭhiante chu an chhungte phone a, kan in a zanriah an ei tur thu leh an riah tlang nghal tur thu hrilh turin ka ti a, an chhungte an phone ve sap sap hnu chuan kan haw ta.....





Zanriah kan ei a, kan ei kham hnu chuan ,kan ṭhian pali chuan huan lamah ṭhuin, kan nunhlui te, kan chet chiatna te sawiin, kan han nui dar dar a.





Kan thut khawmuan hnu chuan zan dar 10 vel ah ka nu chuan min rawn signal zeuh a...


"Tluang, maimitchhing lawk teh" a maimitchhing zawh ah chuan ka ṭhutna atanga thoin a mit ka hup sak a



"Enge i tih dawn?" a lo ti vat



"Meng rih miah suh aw, inher rawh le, chuan ka sawi ang zelin i kal dawn nia" a beng dulah chuan nui pah in ka phun sa sa a... Ka phur tawh mah mah ani.



Chawhma lama kan boruak chhia kha chu ka hre chang tawh lo re re...

___________________________
ZOTHANTLUANGA's POV

"Tluang" tih pah chuan a
Ka hmai zawn ah a kut chu a lo vai lauh lauh a.



"Uhh, aw" tih pah chuan intih harh tumin ka lu ka han thing naw naw bawk a



"Enge i lo ngaihtuah vung vung a" min ti a

A landan chu mawi ka tih thu te chu ka han hrilh ve luam a, kan hlim em em lai chuan a bialpa hlui George kha a rawn lang thut...



Kan boruak kal lai a rawn chawk chhe vek, a dar ah dawm in a sawi dawt dawt a, ka en mai mai thei biklo.



Tu mipa mah hian kan duh tak tak, kan bialnu, kan hmeichhia, kan hmuh lai renga, mipa dang tu pawh, an bialpa hlui emaw an ṭhian mipa te pawh nise, hetianga mipa dangin an bialnu te an hmuh laia an khawih lai an thlir liam mai mai theih bik hi ka ring lo.


An thlir liam thei anih ngat chuan tuai an nih loh vek pawhin mipa dawihzep ber an ni mai.



Ka pan phei vat a, George ban ah chuan ka man chat a, Hlutei chu thlah vat turin ka ti a, a chak phian lehnghal, eng mi emaw tak chu anih ka ring hepa hi..



Ka ban chu a rawn phih thla dawrh a, zawnga mai mai chuh, ka khawih chak lutuk tlat, ka bialnu leh a ṭhiannu chu awm ve lo se, ka khawih ngei ngei ang.




Hmeichhe hmuh laia insual hi ka duhzawng a ni hauh lo, a ṭul anih erawh chuan ka hnial hauh lo thung.




Mahse, hmeichhe awm nem zawk mitthla a khatiang thil lang tur kha ka duh lo ani, dawihzep vang ni hauh lo in a tlawm zawk ah ka tang ta, Hlutei hnung atang chuan George chu rum fahran in ka lo melh ve ngawt a, ka inhum ruh ṭeuh bawk...





Hlutei'n inṭhen a duh thu a hrilh phei chuan George-a thinrim na a so sang zual
sauh a, amah hlat thei tura in ring ngai lo turin a hrilh bawk.




Chu thu a sawi hnu chuan ka hma ah, ka mit hmuh lai ngei maiin, ka hmangaih-i kawr dar bah chu a pawh peh sak hawk a,



A kal liam hnu chuan ka jacket, car chhunga a ṭul hun a awm tak thut atana, a spare tur ka dah reng ṭhin chu ka va la a,Hlutei chu ka khuh vat a.





A rilru a na ngang mai, George a kal liam lai chu mit khap miah lo rum fahran mai hian a melh tlawk tlawk a, a meng sen rum a, a mittui rawn hnamin, a mittui a rawn luang ngiai ngiai a, ka khawngaih teh asin.... George i thil tih man hi i la tel dawn khawp a lawm...


Inthlak ka duh a tih tlat avangin inthlak tur chuan Aadvika-i nen chuan an chho leh a



"Ṭhianpa, kei chu ni ila ka hnek chawrh ang mawle" Anil-a chuan thinrim fahran hian a lo ti ve bawk.


"Nia, mahse, kan hmeichhia te pahnih hmuh laia insual kha ka duhlo alawm"


"I thei zawk ngawt mai, insual vaih ula chuan ka rawn pui nghal tur che a nia"


"Ni e, mahse maw, insual ringawt khan kan buaina a chingfel dawn chuang lo tih ka hria a, bakah kan hmeichhia te mitthla a, kan insual thinrim, thi sung tur hmel vel awm tur kha ka duhlo ani, a lehpek a awm anih erawh chuan maw,hmeichhe hma pawh nise, ka khawih tawh khawp ang mawle" thinrim insum ru ṭeuh chung chuan ka han ti a..



Hmeichhe hma a inlak pa duh vanga insual kher hi keichuan ngai ka ti hran lo, mipa chu kan awm tawp pawh hian kan pa sa tih hi ka ngaihdan dik tak a ni bawk.



Rei ve tawk tak kan han in nghak leh rih anih kha, nichin ang tho khan ka nghakhlel leh khawp mai.




Dik tak chuan, Hlutei makeup tel miah lo hmai fai sar mai kha ka duh zawk, makeup hi chu hmeichhe mawina ti zual tu ani tih ka hre tho a, ka kinga a awm dawn rau rau chuan in hmeh hle mahse make up hmang tam lo se ka duh daih zawk...




Kan nghak chuak ta hram a, a thawmhnaw hak pawh chu a inhmeh leh pek lutuk tlat, eng pawh ha se, a inhmeh thlup vek mai te hian ka hria...


A tawp a tawp ah chuan car ah chuangin kan tum ram chu kan pan ta...


A inthiam loh thu a sawi cham chi a, kha a bialpa hlui buaina rawn siam vang vek kha...




George vang khan rei lo te kan boruak te buaiin han thinrim hman viauin, ka mood pawh han off mah sela, Hlutei kiangah hi chuan rei lo te chhungin ka mood a on leh nghal vek thei nia mawle, ka hlim lutuk tlat, a hma lawka kan boruak chu theihnghilh turin min ti a


"Awle, ka lawm lutuk, ka hlim lutuk vawiin hian present ṭha ber min pe a ni" ka han ti a



Kan kal tumna park chu an lo kalh daih lehnghal, an lo siam ṭha ni ngei tur a ni, kan pi ber pum a rawn ri rawk rawk mai, a rik zawh chuan a pum a hup vat bawk a, a zak ve a ni mahna...




A chetdan naupang chhia si lawmawm zet chuan ka nuih a ti za leh ta tlat, hmuisit nuihza lam ni lo in, hei hi chu duhawm tih lutuk vanga nuihzat zawk ang kha aw....


Cake leiin karaoke bar lam kan pan ta thung a.



Kan room hman man chu Hlutei'n ka pe dawn a ti tlat a, ka pek tir ta nge nge...


"Happy birthday to you.... Duhthu sam rawh le" Hlutei chuan a lo ti vat a


Ka duhthusam ber chu nang nen a nu pa kawp chawi a, rinawmna thu tiam dun a, thih thleng a 'Tiam tlat e' tih hi a ni...



Duhthu ka sam zawh chuan bati chu ka chhem hlum a, chem chuan ka han zai bawk a.



Cake zaina hun kan hman zawh chuan, Anil leh Aadvika-i te chuan boruak muk lutuk thlak danglam tur chuan hla min han sak sak a....



Kan pali hla ni maiin ka hria...



Ka thian nen kan ni ta phawt mai a, a hmangaihna dik tak hlawh chhuak tur hian kawng a va la thui si emmm..... Tunah chuan min duh ve ta phawt mai a, min hmangaih zual zel turin ka bei sauh sauh ang...



An zai zawh hnu chuan Aadvika-i te chuan Hlutei nen lam turin min ti tlat, kan lam ngai lo ve ve.




Mahse ka birthday anih ang leh kan in hmangaihna kawng kan zawh ṭan dun hmasak ber ni anih vang hrim hrim pawh hian kan lam dun ngei a ṭha in ka hria a.




Ka ṭhutna aṭanga tho chhuakin lam turin ka han sawm a, min hnar biklo...


Kut in vuan rialin music ri milin kan lam dun ta, nuam dangdai veee... Min duh ve ta tak tak in ka hria...


Kan haw hnu chuan an inah kan pathumin Pate Carter-a ten chaw ei turin min sawm avangin kan inlam pan ta lo chuan kan chaw ei na tur lam kan pan a..


"Tluanga,Anil, Aadvika, ei ṭeuh ang cheu aw" Nute Ivy chuan nui sen sen in min ti a


"Awle"



"Awi, duhtak kan fa te han len tawh zia hi" Nute Ivy chuan kan pali chuan min han en dauh dauh a, ka zam ve reuh lutuk...




Chaw ei kham chuan huan lama an in kawt ah chuan kan ṭhian li in kan thu ho dal a, kan nunhlui te kan sawichhuak a, kan nui dar dar a...




Chutah Hlutei chu a thutna atangin a tho thut a, ka hnung ah chuan rawn kal in ka mit a rawn hup thut mai.




Ka ṭhutna atanga tho paha inher tur chuan ka beng bulah min hrilh ru sa sa a, engtak ti dawn ni maw awww ka ti rilru a...



Pi te thu awih ṭhang tih tak ah, ka pi ni ṭhin, ka bialnu lo nih tak avanga a thu ka awih loh kher na tur ka hre hauh lo bawk.... Ka awih telh telh zawk ang chu lee..

____________________________
AADVIKA's POV

Ka ṭhiannu thil tawn chu ka khawngaih kher mai, Tluanga awm lo hlauh phei se chu George kha ka an khum piap tur....



A Guardian Angel(amah veng tu Angel), Tluanga a awm a, ka lo inrawlh ve ṭul vakin ka hre ta lo, George chuan keini ho hi min ngei in min haw ngei dawn anih hi..



George-a'n Tluanga kut a phih thlak sak ngam leh ka thiannu dar a a hmer ngam ka hmuh chiah phei kha chuan e, ka thin a sa phat mai, va dan ka tum a mahse Anil-a chuan min lo dang bet tlat


Ka ṭhiannu kawr dar bahna a pawt peh kher kha chu hmuh a nuam vak lemlo..... A kalsan daih lehnghal, George i ti ve mah mah ani, ka ṭhiannu tana ka lo awt che kha ka thil tihsual lian ber a ni...


Kan inthlak fel leh hnu chuan kan tum ram panin kan in khalh chhuak a, a theih tak loh avangin karoke bar lam kan pan ta thung a.




Kal lamah chuan Tluanga birthday lawmna tur cake te fel tak, tui bawk si kan lei a, kan ei zawh chuan kan boruak muk lutuk tih reh nan Anil-a chu ka kaichhuak a, kan zai dun ta...



"I'm lucky I'm in love with my best friend
(ka thian ṭha ber nen kan in hmangaih hi ka va vannei tak em)

Lucky to have been where I have been
(tuna kan dinhmun kan thleng thei te hi mi vannei chungchuang tak kan ni)

Lucky to be coming home again
(ka duh tak kianga ka haw leh thei tur te hi vannei tak ka ni)



Oh oh oh oh oh oh oh oh
They don't know how long it takes
(Mi te chuan engtia rei nge a ngaih an hrelo, ka beih nasat zia an hrelo)

Waiting for a love like this
(Hetiang hmangaihna nei tur hian)

Every time we say goodbye
(Mangṭha ti a kan in thlah apiang hian in)

I wish we had one more kiss
(Vawi khat tal min han fawp leh la ka tiin duhthu ka sam ṭhin)

I'll wait for you I promise you, I will"
(Ka nghak reng ang che, ka tiam a che, kum khua in, ka hlen ngei bawk ang)



Kan pali tana kan hla in hmeh tak tur kan sa zo ta...


Hlutei leh Tluanga chu lam turin kan sawm a,

"Awii!!!, an inhmeh ee"


"Kan inhmeh fe zawk lo em ni" Anil-a chuan a lo ti


"Kan inhmeh ve ve, uiii a nuam eee, Romantic Movie a a changtupa leh changtunu lam lai en ang mai ka nii" khabe dawm chuan an lam chu hmuhnawm ti tak in ka thlir dauh dauh a



"Hei hi a romantic zawk daih lo ami?" tih pah chuan ka hmui ah muangchangin a rawn fawp a, ka lo fawp let ve bawk, a music ri zawng zawng nen chuan nuam dangdai tawp...


Kan haw hnu chuan an in ah chaw ei tura Nute Ivy ten min sawm tlat si avangin kan kal ho leh ta nge nge....




Kan ei kham ah chuan an huan lam kawt ah kan thu a, Hlutei chet dan chu a lo zeilo miahlo, awiii ka duh dun reuh lutuk, hlim reng se tih hi ka duhthusam ber a ni...



____________________________

GEORGE's POV


Malsawmhlu, ka call i la duh lo a, ka message pawh i chhang duhlo vel maw.




Ngawitak rawh i la hre dawn alawm, i mi ngainat loh nih aiin i mi huat tal nih ka duh ka tih khan ka sawi mai mai lo tihh hi ka hmuhtir dawn chiang lutuk che..



Ka zu no chu dawmin ka han tlak pap a, no khat dang thlit belhin ka han tlak leh pap bawk..


An in lam panin ka in khalh chhuak a, chutia ka message takngial pawh a chhan duh loh leh ka call pawh a lak duh loh tak si ah chuan hmaichhan ngeii ah ka zawt khawp ang le....



Ka thlen chuan kha mihring Tluanga nen khan an lo ding dun a, in haw lo tih hriat zet hian an lo in nuih vur vur lehnghal....



Ka ko vin ṭhat a, ka bulah rawn kalin in ṭhen a duh thu leh ngaihzawng dang a neih thu min hrilh anih kha, ka rilru chu na lo a ni bil lo, ka thinrim chu ka insum zo ta lo, a kawr darbah pan te chu ka pawt peh palh hawk ta mai.




Ka inthiam lo thinrim bawk si chuan ka kalsan ta, Malsawmhlu min pehhel rei theih hi ring hauh suh aw...




Ka ta i nih loh chuan, tuman an nei dawn biklo che...



_____________💠 END OF EPISODE-15💠________________



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)