Let it be (18+) - 8 By Abella Ralte

Episode kal lai dah luhna

Moderator: writers

Abella Ralte
Posts: 179
Joined: October 27th, 2019, 1:10 pm

Let it be (18+) - 8 By Abella Ralte

Unread post by Abella Ralte » May 25th, 2020, 6:34 pm

Bung – 8





“nang pawh hi ka ring zo tawh lo che…. Ka naupai hi tih tlak mai te pawh ka duh mual pho zau hma hian” a ti a……




“kha thu kha vawi khatmah sawi tawh suh“ ka ti chhuak thawt a.





“eng nge , ka awmdan chiang lo lutuk hi ka ning a lawm” a ti leh hmarh hmarh a, a dikna chen a awm tho mai, kei hian nupui dang neih ka tum bawk nen ka thiam lo chuang lo, ka thu hniam vat a





“My love, min ring tawp rawh, I mualpho hi ka phal ngailo ang, tin I career a chhiat pawh ka phal chuang lo” ka ti a , Heleni pawh a nem ve leh ta deuh a, ka phal lo tak tak bawk reng a





Ka room a chhuahsan dawn chuan ka enzui vawng vawng a, a kal pah a amawngbawr sawi laih laih chu hmuhnawm ti zetin ka en a, nichin lawkah ka ti zo chiah a, tunah ka chak leh nghal der tawh nia, he nu hi chu L** a nuam ve chiang a lawm.




A chhuah fel hnu chuan ka thu thla hnawk a, Office a sex hman hi ka duh dan ani vak thin lo a, mahse loh theih loh erawh a thleng zeuh zeuh a, mahni ka inthiam chawp mai aniang chu





Tunlai Amelia awmdan min hnial reng mai hi ka kham ta riau mai, inneih ni a ka kal loh vangah kha chu ni mahse a em em ve deuh tawh, neih tum lo ka ni lo a, kala nei dawn tho a, mahse tunah Heleni a rai bawk si a, ka ngaihtuahna h a buai ve nuaih mai a tin buaina neuh neuh ka tawk chho ve reng nen tunlai ka awmdan chu ka hne tawh tak zet ani.




***********************




Tun tum shooting chu kan nei tluang ang reng a, Francisa pawhin min awmpui ve reng a, a nu ai thlawt chuan dawr a nuam a, min lo appreciate peih bawk nen hah hre miah lovin shooting kan nei thei a, Johny pawh reilo te a rawn awm ve a, awm ve han tih ah min enthla ni zawk mah in ka hria, keima tawkah chuan ti tha ve thawkhat chuan ka in hria a, ka hlim hle a, bakah ka chawlhsanna rei tawh a nuam ka tihna te pawh an lo kir leh ni in ka hria, nghaktei lah in nuam alo ti nasa.




Francisa erawh chuan duh aiin min hnaih mah mah, zawh veleh ka in thlak nghal a, Francisan min thlah a tum na chu ka hnial a, tih tak zetin min thlah tum ve bawk si nen office let ka peih lo chung chu ka let phah ta ringawt a, a tlai tawh nen ka peih tawh lo viau ania.




Kan room kan lut chu an lo haw hlawm nual tawh a, kal tak rau rauah tiin ka tih tur thenkhat ka ti leh a, Johnya hmuh hrim hrim pawh ka duh ve reng reng a, muang chang in Johnya room lam ah chuan ka chho a, kawngka chu ka kik dawn zet a, ka thawm hriat avang chuan ka kik ta lo a, Ka luak a chhuak lutuk office ah em em te chuan insum ve bawk awm a nia, Heleni nuam tuar thawm chuan ka beng a luah tlat, ka vawihnih hriatna ani ta.






Khur dar darin ka kalsawn a, room ka thlen chuan ka thu thla hnawk a, ka khur nasa lutuk chu tih reh tumin thawk ka la ham ham a, hei hi ka hriat ngei a ngai, Johnyan min neih a tum talh chhan hi.






In ka thlen chuan Muansangpuia pawh alo thleng tawh a, nidang aiin ka haw tlai reng reng a, khami te pahnih vang khan ka mood a off vek, mahse Muansangpuia kitchen eirawng bawl a alo buai ka hmuh chuan ka dam sawng sawng thung, min lo nuih var var a





“vawiin lam eng nge a an”


“a tha khawp mai, rin aiin kan zo hma”



“I ti tha dawn tih ka hria a lawm” a nui var var a, a ha rual nalh zet te chu a in hmeh tak zet a “I chauh hmel riau mai” a ti leh zat a






“ka tih lohna a rei tawh a, rin aiin a lo hahthlak a lawm mawle” ka ti tha ve mai a, ka hah miah lo shooting vang chuan mahse khatia ka chhan mai loh chuan chhan dan tur dang a vang ve em bawk ani.






Zanriah eikham chuan in hnung lamah kan thu dun a, khua a nuamin a dai raih mai a, thlasik in tan chho tur chuan boruak lum lutuk pawh a tidai mek a, boruak nawm hunlai tak ani a, thei tui in tur kan in chhawp bawk a, ka bul chet ah chuan a thu a. A rim pa hrak mai te chuan min ti buai tlat a, ka duh angin ka inthlah dul thei hauh lo a,





“engtik ah nge Johnya I ban dawn” a rawn ti sup a






“ka hrethiam rih lo tunah mai chuan” ka ti tha ve mai a, ka hre thiam lo tak ta k reng bawk a




“ban tawh la ka ti”



“nga ti maw?”



“ka nupui a bialnu chei reng hi ka kham riau anih chu” a ti thawp sat a, a hmel ka en chuan a thu tak ngang mai bawk a, a mit meng tak ran mai chu ka en a, ka hawi sawn thei tawh lo, ani pawh chu ti ve tho chu a niin ka hria.



Min fawp dawn tih pawh ka hria, lo dan tumna ka nei lo, lo dan a hnekin ka lo insiam rem sauh sauh a, a mi fawhna duh thawh leh duh am lutuk chuan ka taksa hi a fan chhuak vek a, kei pawhin ka lo kuah let tawk tawk a, harsa takin ka in la hrang thei hram a, engnge mawni tak sawi se ka duh tak zet a, mahse a ngawin gul a, ahmel chu a thutak hmel kher mai. A thinrim ka tih dawn chuan a ni bawk si lo, ka awm a nuam lo lutuk chu ka che sek a.






Ka tah a chhuak nghal ut ut a, “ka kal tawh a nge” tiin ka tho chhuak a, min dan ka rin nen min dang miah lo a, ka kal tur chu en pawh min en zui lo, ka rilru chu a na kher mai, min thlem emaw engemaw kha chu ka beisei ve a ni. Mahse a ti hauh lo







Khumah chuan ka thu thla hnawk a, englai ber kha kal dik lo tih chu ngaihtuah ka tum a, mahse ka hre chhuak thei lo, kan hun hman dun pawh a nuam viau a. “Hmeichhe vawt lutuk mai” chu thu chu ka bengah a rawn ri nawn tluk tluk a, chu chu Johnyan min tih dan ani, a awmzia ka lo hrethiam ngai lo a, tin pawi tihna pawh ka nei lo.





Johnyan vawikhat tiang khan min ti tawh, it awmna reng reng neilo, hmeichhe nalh tak si, vawt lutuk mipa pawh tih lawm thiamlo tiin min hau tawh.






Ka nihna chiah ani, kalo pawm ngailo mai mai ani, Muansangpuia pawhin tiang chiah chuan min hmu, a nupui ka ni a, ka nalh ve tawkin ka in hria, mahse mutdun chu sawiloh in fawh bak kan la pel lo a ni si a, ka zak kher mai, eng angina nge min lo hmuh ang le. Min hmsit viau a ngem…..






Hmeichhe vawt tak leh sexy lo tak chu ka lo nih ngei dawn chu…. Ka ha leh ka hah chu ka lo seh nghet lutuk a niang, ka biangte chu a kham vek, tunah chuan hetah pawh hian hma ka sawn ang,. Mipa hian hmeichhia ka nihna angin min en tur ani. Chu chu ka thutlukna ani tawp mai.







Ka mittui chu a rawn luang lum thla pap pap a, hepa vang hian ka mittui a luang ta fo mai, ka duh em em a, mahse ani chuan hmeichhia ka nih angina min en lo a, hum him ngai ka nih ang chauhin leh min mamawh vang chauh a min nei a ni. A ni pawh Johnya nen danglamna an nei chuang miah lo, in ang khat reng an ni.






Mahse kan inneih chhan kan ngaihtuah a, inngaihzawnna lam chu a ni lo nasa mai si a, eng nge kei hian ka lo beisei tehreng ni. A ni dem thei ka ni miah lo, ka sawm zawk ani leh nghal ka zak hnuhawh kher mai, kei hian mipa kalo mamawh viau em ni le???






Keimah leh keimah pawh ka in hre chiang tawh lo a nih hi. Ka na vawng vawng mai. In en let ka ngai nasa anih hi. Hei ai a nasa hian tan ka la ang, incheina ah pawh eng kawngah pawh nise tiin ka in fuih ru ta sauh sauh a.






Nghaktei thu min hrilh chu mak ti viau mah ila, ka in thunun hram hram a “hmu fuh lo ila chu I hre miah dawn lo a nia, anni chuan kal lo turin an duh ang che; mahse kal theih dan a awm a ngem?” a rawn ti ha a, min zawhna chu ka chhan lawk loh avang chuan nasa fe hian ka la phu vak zui a





“Maw…. Eng tin maw, ?” ka ti hu a, a thu sawi kha ka hre vek a, mahse an thil tih duh dan chuan min shock deuh avangin kalo in ngaihtuah nasa lutuk deuh a ni.





Nghaktei chuan min en kal a, … “ I card kha an pawt chhe daih a, launch hun kha naktuk zan a ni tawh, Heleni thusawi ka hriat ruk a nih chu” a ti hmarh hmarh a.






Ni e, tanishq ho in thlalak tlangzarhna leh an thil siam ho showcase na an nei dawn a, TV a live tur a nih a vangin mi sawm tam an duh lo a, mahse Aizawl a chal lang ho erawh an awm dawn a, model pawh tlemte bak an sawm lo a, show hran a awm dawn lo a, party ang reng deuhin a zui ang tih vel a ni a, Office lamah ka buai ve deuh avang leh





Nghaktei lam chu enin, ka thnrimna chu ka control hram hram a, an tih tur reng a lawm tiin ka in fuih sauh sauh a, Johnya pawhin a hriat pui ngei ka ring a, Johnya thu lo chuana ti miah lo ang.






Nghaktei chuan min ngaichang reng a, ka nuihsak a, “an duh ang chu ka thlen tir lo ang” ka ti a, Nghaktei chuan min ngaihtuah hmel deuh hian “Engtin nge I tih ang, bakah naktuk ani tawh a, kawr hak tur engtin nge niang” a ti hap a, min ngaihtuah tih a hriat hle bawk a.





“Kawr thar hak kher a ngai hlei nem, ka ngaihtuah thei mai ang “ ka ti sap a, nghaktei chhuak tur chu ka en reng a, ka thutna ah chuan muangchang in ka thu a, ka kut chuan dawhkan ka khawng kauh kauh a, Duh ni ila chu Muansangpuia puihna ka dil thei, mahse tunlai kan boruak a nuamlo a, a tang teuh reng bawk si nen ka duh vak lo a, ka ngaihtuahna chuan hmun tin kil tin a fang a, kal lo tur a min duh danah eng nge maw awm ngei ka ring a, ka kal ngei tur a ni.





Bakah hetiang programme pawimawh a in lan pha nih hi kan hna a tan hian a pawimawh em em bawk si a. ka ngaituahna avang chuan ka phone ka phawrh nghal sawk sawk a





Ni e , Francisa kha engtin nge ka hriat fuh loh theih le. Mahse a number ka lo nei miah lo, Nghaktei bawk tih buai leh a ngai dawn, ka va be nghal vat a, Nghaktei pawhin rei rial lovin a number chu a zawng hmu nghal aniang, min rawn thawn vat a, Francisa khan min haw lo tih ksa hre ve tlat.






ka ngaihtuah tam hma a ka biak loh chuan ka be ngam leh lo ang tih ka hlau a, ka call ta nghal a, ka zam deuh a niang ka kut te pawh a thlan dap a, vawi li vel a ring hnu chuan a la ta hram a.






“Hi, Amelia, teh tlat che chuan” a aw chu a zangkhai kher mai, ka number a lo neih avang pawh chuan ka confi deuh sawt a.




“Hi, I dam maw”



“Cammon Amelia, ka dam leh dam loh hre turin min lo be lo” a ti a, a rawn nui zui hak hak bawk a





“ok fine, Naktuk zan ah hian kalpui ka nei lo a” ka ti ta tawp a, han thup mawi vak pawh ka tum hran lo a, bakah a hmun vel ka hre lo bawk nen tan hun thlengin






“I chiang maw, nang ang nula nalh thusawi atan chuan ka awih lo a,, mahse ka lawmthu tak anih chu, dar 7 In peih hman angem?” a ti a






“hman ang”



“ok ka lo lam ang che, khawiah nge niang”



“Vaivakawnah ni se, a buaithlak angem” a rawn ti a



“ok, buaithlak loh e” a ti a






Kan inbiak zawh chuan lawm a vangin ka nui var var a, an tum ang chuan min va ti dawn lo rua em ka ti rilru a, programme awmdan tur chu ka hre lo a, Francisa a neitu te ber an ni a, ka zam na tur a awm ka hre lo tawp mai.






Hma takah ka mu a, ka thawmhnaw hak tur ka ngaihtuah fel vek tawh a, Muansangpuia pawh a lo la haw lo a, khami hnu atang khan min be tam lo khawp mai a, min peh helna tur a zawng emawni tih turin a awm a, nge ka ngaihtuahn mai mai zawk, a buai zawk pawh ani thei tho a.





Naktuk zan programme ka chhuahna tur pawh hrilh ka duh viau rualin hrilh theih pawhin a awm lo a, zingah lah a chhuak hma leh daih a nga, tunlai chu interview a tm deuh nge zintin a chhuak hma ni maiin ka hria a. A hma a kan inkar boruak nuam deuh kha ka ngai hle mai, kan inneih chhan ka lo theihnghilh tep tawh zawk khawpin ka lo duh hman a nia. Ka thaw hak a, ka duh tur a ni lo, a ni nen chuan kan inpui tawn chauh a lawm. mahse keipawhin chu ka ngaihtuahna chu ka awih em ka hre bik lo.





Muansangpuia lo haw lai pawh hre lo chuan ka muttui hle a, ka rin ang ngeiin zingah pawh kan in hmu ta lo reng a, Siama hnen atangin zan lamah a lo haw tih ka hre bawk a, ka thla chu zu han muang deuh huai thei a. Nghaktei chuan min kalpui chu duh viau mahse ka ti duh ta lo a, inchei pawh inlamah keimahin ka in chei a, chutiang vak a inchei leh make up hman uchuak ka tum hran lo bawk a.




ka kawr, nikum lam a mi tawh, Johnya min lei a ni nghe nghe a, a dum fual ka ha a, a tight hran lo a, kawngfek erawh a ti lang chiang a, arh ni si lo, tight em em ni si lo, hak nuam zet mai ani a, a thui a dikin a zahawm em em bawk si a, chu chu ka ha tawp a, ban tawite a nei bawk a, Coat chhing erawh ka keng ve tho a, clutch silver colour, stone a cheimawi ka hum leh tawp a, ka mit pawh ka hnawih mang lo a, ka hmui erawh a hming chuahin a maroon colour tak vak lo in ka hnawih bawk a.





ka sam erawh sang takah ka zial chho tawp a, ka lang fel fai thlap a ka hriat avangn ka confi ve reng mai, rei pawh kan la ding lo, Francisa pawh a rawn thleng ve nghal a, siama chu ka phone lo ngaichang turin ka hrilh thung a.




verna car var ah chuan ka lut ta vat a, beraw tlang lamah daih a lo ni a, mahse zanlam te a ni bawk a, Francisa chuan “meeting kha 7:30 ania, meeting tih a rules vel sawi ho lawk ani mai” a tih chuan ka lo bo hu a, mahse hre turah min ngai a, hre lo ang chuan ka awm duh bik lo a, eng meeting tak ni ang maw, ka hre chak kher mai. Chu ti tak a ka awm an duh loh chu ka ti rilru nauh nauh a.







kan thleng chuan midang pawh na lo thleng ve tawh aniang motor a lo awm ve nual tawh a, Johnya motor chuan ka mit a la hmasa ber a, ka in hum ruh nghal a, F


“I zam deuh elaw” a ti a



“zam lo e”




“zam reng reng suh, Pu Raj kumara khan I thlalak pawh nalh a tih kha, deal tha tak a niang kan siam ang” a ti a, a sawi awmzia pawh ka hrethiam tha thum lo e, kei hi engmah hrilh fiah ka ni ve tlat lo a. mahse an duh ang ngawt hi chuan minsawp tawh dawn bik lo lutul tlat.





Conference hall ah kal tlang nghal mai ang a tih chuan ka lo zui ve zel a, pawnlamah an lo la ding a, Helenin Joihnya ban a in ti neitu taka a vuan tai chu ka hmu hmasa ber a, min hnung chhawn avangin min la hmu ve lo zawk mai pawh a.





Francisa chu an lo biak buai ve neuh neuh avangin kan ding deuh reng a, wash room hman ka duh tho avangin ka hrilh zeuh a, ka kal a, ka va chhuah leh chuan francisa ka hmu mai lo a, ka hawi kual ruai lai chuan Johnyan thinrim hmel fahrana min lo pan ka hmuh chuan ka lo nghak tawp a.





A piah deuh a Heleni thinrim hmel tak a lo ding chu ka va en a, ka nuih deuh sak a, thinrim hmel tak hian a thaw deuh hak bawk a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)