The Boy of The night suga fanfiction episode 4

[Roses Are Rosie]

THE BOY OF THE NIGHT

SUGA FANFICTION

EPISODE FOUR

________________


SUGA P.O.V




Hah...eng ang hmeichhia nge ni ngai, a hmel lah chu a tha phian a, ka tum lo deuhah ka en reng tak kha, mahse a ni kha chuan min hmu ang pawn a awm lo, thildang daih a ngaihtuah a niang, takah ka fawh beisei deuhah a hmui a rawn tep chuap2 tak kha mawle..hmeichhia hi chu an lo in ang vek a nih hi, hmeichhe easy deuh chu ka duh tawh lo, nilo.. ngaihzawng neih ka peih lo, a hahthlak maimai..


"Tae haw tawh ang u hmiang, 12 a hnai tawh a nia" Taehyung leh Jungkook te bul ka thlen phei rual chuan ka ti nghal a..

"Aw..hyung, khawinge i lo awm bo daih a, enteh hei, So-yeoni a nia, kha hmanni ah cafe kan chawlhna ah waitress kha" Taehyung chuan min inhmel hriattir nghal mawp mawp a..

"Aw..ni maw, hetah te enge i tih ve a" tihpahin ka chibai a, nui sang hian "ka thiannu nen kan rawn kal ve a, kartawp chawlh kan rawn enjoy ve zuai a nih hi" a ti a..

"A nih tak chu mawle, nuam deuhin in hmang dawn nia, Taehyung, Jungkook, kal tawh ang u hmiang"

"Hey... So-yeon, khawinge i awm bo daih a, enteh mipakhat a zet mai ka tawng a, ka mood a off vek" hmeichhe pakhat hian a rawn ti a, a aw chu ka hriathnu a ang hle mai, a lam hawi ah ka inher chiah chu ka phu zawk mai, a ni pawh min hmu chu mak a ti hmel kher mai

"Nang..nangmaw" bah deuh nuai chuan a ti a,

"Aw..chuan mi a min tiin ka hria" ka tih chuan a tim hmel kher mai, a thiannu banah chuan a pawt zauh a, min la melh kur kur zui

"Hey..in² hria a mi" a thiannu in a tih chuan ka en kar, a chil chu a lem ri kalh a, "aw..nia, inhria ti a, kan inhmu zuai a, nichin khan, tiraw kal ang" tih leh a thiannu chu a pawt dawr dawr a, a awmdan chuan min ti hlim ru zek..

"Hyung..a ni kha i hria mi" Jungkook in a rawn tih chuan "hre nang, ka hriat kher a ngai a mi" nelawm lo fahran chuan ka ti a..

"Aaa..ngai chuang lo e, nangmahni mantir tu che u kha a nia, i lo hre tawh emaw ka lo ti a" Jungkook in a tih chuan ka phu deuh zawk mai..

"Engtin a.. khanu kha maw, police kotu" mak tih hmel zeta ka tih chuan a bu nghauh a..

Khanglang chuan le..lo hria ni ila chuan zirtirna ka pe ve hlak mai tur a nia, a zarah jail bang ka zut leh phah tep a lawm..

Mahse...a hmel kha chu a tha thlawt a ni, engtin emaw hian min aikaih deuh tlat mai, a ruk chuan ka phur ru em em a, engvang nge tih chu ka hre hauh lo, engpawh nise..khanu kha belchian deuh chu a ngai dawn a ni..

"Tiru..kal ang u" casino atang chuan kan chhuak a, mahni inlam pan chuan kan tlan nal nal a..


MORNING




"Hyung tho tawh teh, a tlai tawh a nia" Jungkook in min sawi dat dat pah chuan a ti a..

"Reilote chuah" tih leh puan lu ka inkhuh nghal a

"Tho tawh rawh" tih leh ka puan chu a rawn hlip a, Jungkook tho hma thei lutuk hi chu ka ning tep zel..a harhvang in a tuan a rang bawk si a, kei leh Taehyung hi min enkawl a ni deuh tawp mai..a tello chuan engmah kan ti thei taktak thin lo..

"Aw..ka hria, ka tho dawn lawm" tihpahin zawimuang chuan ka tho a, bathroom lam pan ah ka kal pawh chuan ka la muthlu deuhin ka hria..

Ka inbual a, ka harh sawng sawng mai, zing thawh hi chu a hreawm thlawt, tunge maw ka chhun a, mut hi ka duh emem mai le..

Bathroom atanga ka chhuah chuan Taehyung pawh a lo awm kur tawh

"Zingkar² ah enge in lo tih dawn a" closet chu hawngin ka hak tur chu ka la nghal mawlh mawlh a..

"E..engmah i hre ve na nge" Taehyung in a tih chuan

"Enge hriat tur awm a" ka kekawr hak malh malh pah chuan ka ti a..

"Hyunjin nen zanin ah race in nei dawn, a mite min rawn hrilh tir a, police kutah a awm vang hrim² pawn i lakah phuba lak a tum" a tih chuan ka nui suk, zankhat a tang dek dek a, a huai nghal em em a..

" A va tha ve, ka phur zawng tak alawm"

"Mahse..hyung, a dan a dang deuh ka ring, huatna bak a pai tawh lo" Jungkook in a tih chuan ka khi suk, duhtawkin min lo haw rawh se, min huat poh leh chak a nuam ting a ni mai, keipawn ka rilru ah huatna bak engmah ka pai bik lo..zanin hian a tlawm lai hmel ka hmuchak tawh takzet...

"A lawmawm hlauh chu, tiru breakfast ei ang u" ka tih chuan Jungkook chuan "inah chuan a tui lo, sawlai ah cafe ah khan va kal ang u" a tih chuan Taehyung nen chuan in enin kan nui sak..

Taehyung tan chuan waitress So-yeon hmuh theihna chance a nia, Taehyung hian So-yeon a ngaizawng tih ka hre thei, kei erawh kha hmeichhia kha hmuh ka duh, dawr ah chuan a thawk ve em ang chu..

"Nih kal ang u" kan pathum chuan kan inzui chhuak a

Cafe kan thlen chuan rin aiin customer an lo nghah, hmani zing nen kha chuan in ang lo tak a ni..

Kan thutna thinah erawh tumah an lo thu lo hlauh a, rangtak chuan chumi lam pan chuan kan kal nghal a

Waitress So-yeon ngei chuan order a rawn la leh ta, a hma ang bawkin Taehyung nen chuan an inmelh no leh phawt e, An inmelh renglai chu Jungkook nen chuan khabe dawm meuhin kan en a.. Jungkook in "in² melh zawh tawh chuan eitur lamah rilru pe ila" a tih chuan an harhchhuak dun chuah..lai zetin order chu a la mawlh mawlh a..a kalsawn velah Jungkook in "khai a, Tae hyung..kha² maw i thinlai di ruk chu, hmanzan club ah i va hmuh chat dan atang khan i lo duh hle tawh tih ka hre mai" nui huah huah chung chuan a ti a, Taehyung erawh lai zetin tui a thli sek..


Kan titi mawlh mawlh lai chuan choka lam atang chuan hmanmawh hmel zet hian hmeichhe pakhat hi a rawn tlanchhuak a, khanu ngei kha a ni, ka hrechiang lutuk tlat, Counter a bag dah chu la in chak zetin kawngka lam panin a tlan a, engvanga hmanmawh viau nge maw a nih le, hriatchian chakna in ka khat tlat, "in pahnih khan lo ei ru, ka va chhuak lawk" tih leh tlan ka rual nghal a

Pawnah chuan chunu chuan taxi phar din tum hian a ban a lo vai chhen a, a bulah va kalin "i va hmanmawh awm ve a" ka tih chuan rawn inherin thip hmel zet hian min melh a, hmanzan nen kha chuan hmeichhe dang hlak a ni mai, engvanga min melh rum emem nge a nih ka hre hauh lo

"Khawinge i kal dawn..ka lo thlah ang che"

"Ka lawm e, a ngai lo mai" tih leh taxi lo tlan chu a phar a, tumah a pharding thei bawk silo

"Ti teh..lulul chhuah lo khan lo kal mai rawh" tih leh ka bike ah chuan ka chuang a, min en vang vang hnu ah "a nih tlanchak suh ang che" a tih chuan ka nui suk..rum taka min melh pah chuan a rawn chuang a..

A awmdan atang chuan bike chuan a hlau tih ka hre thei mai, ka kawngah nghet lutuk maiin min kuah a, tiangte chuan engtin nge kalh thei se min ti le..

"Hey.. accident tir min tum a mi, min kuah nghet lutuk" ka tih chuan min thlah nghal a

A awmdan chuan ka nui a ti za reuh lutuk, hmeichhe naupang titau te pawh a ang alawm le..

"I inring em, kan tlan dawn nia, i duh leh min kuah leh rawh, mahse nghet lutuk lo in aw" ka tih chuan thuawih takin ka kawngah min rawn kuah nghal a, ka hnungah bei nghal thlawpin side glass atang chuan ka en reng a, hlau tih hriat zet hian a mit a chhing nghal hmak a, hmeichhe dangdai tak chu a ni..

A mi kawihna te chu engtin emaw hian min ti phur riau a, mak tak maiin ka kim hliah hliah hian ka hria..

Bike chu ti nungin tlan chhuak mai lo chuan ka race vak vak a, a hlau lutuk hmel chu a lawmawm lutuk tlat, a hma aia nghetin min kuah a, a awmdan chu a nuihzathlak reuh lutuk..

Nuisukin zawimuang chuan ka tlanchhuak a, a awmdab chu mirror atang chuah en pah rengin a mit a la chhing tlat a..

"Meng rawh, a hlauhawm lo" ka tih chuan muangchangin a rawn meng a

"Inthlahdul la, min kuah nghet lutuk, ka thaw tha thei lo" ka tih chuan muangchangin min thlah rial rial a..

"I vawikhat bike chuanna em ni, a ni tih min hrilh miah suh"

"Teuh lo mai, ka chuang zing lutuk" a tih chuan ka nui suk

"Chuti, tinge khatia tlak hlauh hmel zetah i awm a" ka tih chuan

"Tunge hlau, ka hlau hleinem" tihpah chuan a ban a phar hluai a, chutiah a tih chuan race sang thutin chak lutuk chuan ka tlanpui a, a au nasa nang mai, ka kawngah a rawn kuah nghal thlawp a, zingkar² ah henu hian min ti nui hnem lutuk..

Ka nui chu hria ni awm takin ka hnungah chuan min chum a

"Takah khawiah nge i kal dawn" kan tlan chhuak ve ringawt a, a kalna hmun tur ka hre der silo..

"City hospital ah"

"Ngati nge..i damlo a mi"

"Dam e..ka unaunu zawk"

"Engtin nge a awm a"

"An school ah a chesual a"

"Ohh pawi ve"

Min chhang tawh lo..city hospital kawt kan thlen chuan rang lutuk chuan a chhuk a, a awmdan hian ka nuih a ti za emem ringawt

Kal mai a tum chu a banah vuanin "lawmthu i sawi dawn na nge" nui sang chuan ka ti a, heipawh ka tih ngai lo thil, tumah nui chungin ka be ngai lo, Taehyung leh Jungkook tih lo chu.. hmeichhia phei chu ka nuih peih lo hrim²..an lo ngaikawi ziah..

"Ohh..ka lawm e" tih leh hospital ah chuan a tlan lut nghal a..khi sukin Taehyung te awmna lam pan chuan ka inkalh chhuak leh nghal a..


CHAE-YOUNG P.O.V



Hospital chhung ka luh velleh ka thaw deuh hak a, engvanga khapa bulah khan zam emem ringawt nge ka nih!!..

A lum lutuk, ka sa deuh pup pupin ka hria, ka kut chuan ka inzam malh malh a..

Ka nau school ah a accident thu min rawn hrilh khan engdang ngaihtuah lovin kan dawr atangin ka tlanchhuak mawl tawp a, ka chiai hma thin lutuk hi ka in ngei leklek zel, na vak lova mi an intihnat pawh hian ka ngai serious thei emem a, ka nau pawh a lo na vak lem lova, ka lawm takzet...


"Maria..engtia in ti na nge i nih a? Hliam dang i nei em" ka nau casualty khumah lo thu chu ka kuah nghal thlawp a, tlem² ah lungphu chawl ka nei tep alawm le..

"Unaunu, ka tha lawm, engmah a ni lo, hlauthawng suh" ka hnungah chuan a rawn beng thek thek a, ka nau mahnise kei ai hian a hawizau a, thian kawm a thiamin tupawn an ngaina vek ang tih mai tur a ni..

A mah tawkah bright tak mai a ni a, mi ningkhawng a hria in, a hun leh hmunah awmdan tur a hre em em a, kei nen chuan in ang lo tak kan ni..

"I tha chu ka van lawm tak, ka hlauthawng lutuk a, ka chhang siamlai pawh ka rawn tlansan ringawt alawm" nui suk pah chuan ka ti a

"Ka u thin hi chu aw...min ngaihtuah leh thin lutuk mai"

"Engah nge ka ngaihtuah lo ang che ni, ka unaunu neihchhun i nih hi, chan che ka duh hleinem" tum bar chuan ka ti a

"Awle²..ka hria e, tiraw kal ang, class min chawlhtir a, bazar daih ila" a tih chuan ka melhrum nang mai, rawn nui sukin "ka ti maimai" a rawn ti a, a awmdan avang chuan ka nui chhuak huk

Ka unanu tlukah ka kawmngeih hi an awm tawh kher lo ang, engkimah ka thu lakna ber thin a nia, ngaihzawng lamah pawh nise, kei aiin a hawizau daih thung a, kei ve hi chu inah leh dawrah bak ka hun ka hmang ngai lo..pawnlam ningkhawng chu hre lo ve tak ka ni..

"A nih haw la, keipawh dawr lamah ka va kir leh tawh ange.. So-yeon i a lo buai lutuk palh ange" ka tih chuan a bu nghauh..

"Ummm..kal rawh, keimah in ka haw thei alawm, taxi fare pawh ka nei"

"Awle..a that chu, i kut chu ana viau em"

"A ulh ringawt alawm..engmah a nih lo hi" nui huah huah chung chuan a ti a..

"Nidangah chuan fimkhur tawh rawh aw..min ti hlau a nia"

"Tehreng mai..a nih kal rawh, keipawh ka kal tawh dawn" min bye bye lawp lawp chung chuan taxi lo tlan chu pharin a haw nghal a..keipawh taxi pharin dawr lamah chuan ka let ve nghal a..

Takah nichinah min phurtu kha, ka rilru chiai nen ka lo ngaihtuah mang lova..hman zanah casino ah ka tawn kha a ni tlatin ka hria..

Nilo...a ni thei lo, a mah a ni chiang lutuk, awi leh..ka awmdan zawng² te kha a hre vek lehnghal..mahse min chaih hauh lova, ka lawm kher mai, hre awm pawn a awm lo in ka hria..

Ka tetlaiin bike ah ka unaupa nen kan inphur a, tlanchak turah ka tih chhen avangin kan accident a, ka unaupa chu a hmunah thi nghalin, kei erawh hliam na lutuk lo ka tuar thung a, khatah tang khan bike ah chuan leh chakna hi ka nei lo hrim hrim.. tlanchak phei chu a teuh lo..a hlauhin ka hlau tawh

Mahse khapa bulah erawh hlau hle mahila, reilote chuah a ni, thlamuan rukna riau ka nei a, a bulah khan him hliah hliah ah ka in hriat tlat chu le..

Mahse engvanga a lakah that chhuah theih lo nge maw ka nih le..ka lakah a sual pawh ni hlei lo, keimah thiam lo vek a ni, ka zahna tur thil ka ti tlat a, a lakah khan ka inthlahrung a niang..

A hmel lah chu a tha phian a, a nuih te khan hmeltha ka ti takzet, engdang ngaihtuah lo hian ka lo en leh veng veng thin, tiang hian vawikhat mah mipa lakah feeling ka nei ngai lo

Bakah khapa chu ka dream boy thin ang chu a ni lo tawp mai, a in dress dan te reng² kha.. leather jacket, cotton jeans leh sneakers, nidangah leather jacket nalh ti vak lem lo khan khapa in a hak kha chuan ka hmu nalh em em ringawt, ka a tawh a ni ngei ang..

Taxi chhungah chuan ka thaw leh deuh hak thin, ka awmdan maimai chu a zahthlak ka ti takzet, ka hriatchian lo mipa lehnghal, ka vei emem ringawt a, a awm ang lo lutuk..

Ka ngaihtuahna ka kawm melh melh chhung chuan dawr kawt chu kan thleng leh der tawh, chuan man pe felin rangtak chuan ka chhuk a, pawnlam atang chuan customer thenkhat chu an hmu theih a, khapa kha lo awm tawh lo hram se tih chu ka duhthusam a ni, ka hmuh apiang hian ka danglam ve ziah..

Cont