LIBRARY - 10

Episode kal lai dah luhna

Moderator: writers

Esi Taylor97
Posts: 71
Joined: May 15th, 2020, 10:54 pm

LIBRARY - 10

Unread post by Esi Taylor97 » May 25th, 2020, 8:55 pm

LIBRARY - 10

BY Esi Taylor







"Ngatinge a? " ka hma ah Tommy chu a rawn ding thut a, ka su lo chauh



Kal leh mai ka tum chu ka ban ah a rawn chelh leh hmiah tawh. Mi an awm avangin ka tang tun ngam bik chiah si lo



"Min chelh suh"



Min vawnnna chu a thlah a, "ngatinge min biak duh loh? "



"Ka be peihlo che" rum zet hian ka melh a, ka thinrim tihhi a hrelo der nge a hrelo tak tak zawk?



"Sorry baby i lung ka tih awi loh chuan" ala ti, ka thinrimna te kha engmah a hrethiam lo nge a mawl zawk?



Tommy nen a kan indinchilh run chu min melh nghal hrek hrek hlawm bawk nen nuam ka ti lo



"Library ah kal ka ngai"


"Umm" ka kal chu min rawn zui ve nghal vat



Ngawirengin lehkhabu ka hawh te ka dah let a, engmah a sawi biklo, min zui kawi char char tho.



"Inbia ang aw" class ah ka lut tep ka ding leh dat a



"Sawila"



"Hetah lo hian inbia ilaa" ngen ngawl zet hian min en a, pawisawi lo hmel te pawh a pu zawk alawm le



"Class ka la nei!"



"Umm apawilo ka lo nghak ang che" engah mah hian min hnial ngailo reng reng ka tih tawh kha



Ka thinrim em avangin class ah ka luhsan a , Zamzami rawn lut ve chu inthiamlo zet in ka lo nuih var var



"I tha maw? " arawn ti nghat a



"Sorry" ka lo ti ve thung



"A pawilo, Tommy rawn tlanchhuak ve nghal kha Tluangan zawhna a ngah phah lutuk a, ka hrilh ta tawp"



"Umm pawilo" Min zui sek phah tawh lo anga a tha zawk daih ang chu




"Tommy saw a lo ding run a"


"Animaw" kawngka lam chu ka en a, ka hmu thei bawk silo, akal ve mai ang chu, Remruati pawn alo nghah dawn tak kha




"Chuan i thinrim ropui sia a reh tawh em?"



"Reh lo, a sual ve thlawt, Remruati nen kan pahnih ah hian duhthlan tur hrelo te pawh a ang" rilru na zet in ka ti sap a,



"Naa.. Anilo ang, canteen a Remruati a chhan dan te kha"



"Chupawh nise mi mawl anihsaw mi phakar" ka ti nghal nghek


......


Class a zo a, muangchang in ka lehkhabu ka bag ah ka dahlut a. Tommy leh Remruati inphur ka hmuh hman ka hlau, ka hmanhmawh peihlo.



Class atangin kan chhuak chiah a, Tommy alo la ding run ka hmu thut chu ka beisei loh em avangin ka phu deuh zawk a, Remruati athlah loh avangin a ruk tak chuan ka lawm viau bawk, hahthlak hian.



"Hey hi" a rawn ti hliai a, a hmel naupangchhia deuh inthlahrung zet ang khan a la awm zui



"Hi Tomm" Zamzami pawn a ti vat



"Inbia ang aw" ka hnial hlauh hmel zet hian min en a, ka buk tak nghut ah chuan hahdam huai hmel a pu



"Lo inbe ru, ka lo va hawsan ang che, lei tur neuh neuh ka nei a" chhan hman lek loh hian a kal nghal der


"Sorry! "



"Umm"


"Baby..... Ihhh a hreawm ka ti nia" chhang lo vin ka melh ngur a, a nuam tilo hmel chu naupang angchiah hi ni ringawt.



"Khawi ah emaw kal ang aw" atih chuan ka bu nghat a. Ka kut rawn vawn atum chu duhlovin ka tawlh hnung dat a


"Ni tak" tih pah in a nui suk lehnghal.



Bawngkawn lam ah kan tlan phei a, zemawbawk lam ah kan tlan zel a, Zuangtui peng ah kan kal kal leh a, ka la kal ngailoh na hmun anih avangin ka hawi nghal hu mai.



In awm a awm tawh lova, kawngpui ngil zet ah kan tlan a, thlifim thaw in min chhem a, boruak chu nuam tak hi ani ringawt.



"Woww avan nuam" ti hliai in kan piah a tlang lang chu ka thlir a, midang tumah hmuh tur an awm bawksilo, boruak chu anuam thlawt.



"Nuam i ti maw? "


Inher in amah chu ka en a, ka awm dan chu mitkhap lek lovin minlo thlir ve thung


"Nuam i ti ve lo mi?"


"Nuam itih chuan a tawk mai" a ti sam leh et.



Ke a kal theihna tawk tawk ah kan kal a, tlang pawng tereuhte ah kan chuang chhuak hlawl a, "avan nuam tak" ka ti chho char char ringawt.



Thing kung bul ah mau hmang a siam thutna lian vak lo alo awm ran bawk a, hetiang hmun hi engtin nge a awm tih pawh a hriat zawk ni.




Min si chet hian a thu a, thlifim in min chhem heuh heuh a, view a nuam emem bawk si ka thinrim na pawh ka theihnghilh hman thelh a ni.




"Nuam i tih chuan kan kal ziah dawnnia"


Chhang lovin ka bu nghat a, ka kut a rawn vuan leh chawt tawh



"I thinrim chuan hreawm ka ti lutuk, ka call i chhang thei lo a, min be duh bawk silo a"


"Ka ngei che lawm"


Rang zet in alam ah min kuaiher a, a chal in ka chal a rawn nawk a, a thaw chhuak nghal ham ham



"Ka ti thinrim che a sorry aw baby, ka tum a nilo"



"Ummm"



"Chuan i thinrim tawh lo em?"



"Insawifiah rawh...zing ah khan ka lo nghak ziah che tih pawh i hria.."




"Umm ihh englo ka pa vang ania..." A thaw hak a,



"Kan inhau a.... Diktak chuan ka pa nen a kan inkar hi a tha lo a"



"Ngatinge?"



"Sawi tur a tam lutuk, aaaa... Ka naupan lai atang daih tawh in....chuvang chuan ka rawn hruai theilo che a... Class kallo tur in min tia mahse hmu lo che in ka awm thei lo chuvangin ka rawn kallui aa..."



"Mahse Remruati nen.."




"Kha kha chu college thlen dawn tep ah minlo phar ding a ka rawn phur alawm"



"Dawt i sawi em?"



"Min en la.. Dawt ka hrilh ngailo ang che" dak chhuak in ahmel chu chiang zet hian ka en a, dawt a sawi lo tih ka ringnghet nghal thlap.



"Ummm sorry!" Inthiam lo zet in ka ti sap a



"A pawilo, mahse i thinrim chuan ka bul ah sawila ka duh , i lungawiloh na engkim pawh khatianga min awm khum khan hreawm ka tih zia chu i hretthiam lo ang"



"Umm ka sawi zel tawh ang"



"Ummm .... Chuan ka ngai hman lutuk che lawm" ka nui chhuak hak a!



A lam ah min kuai hnai a, nghet zet in a awm ah min kuah bet hlu hlu a ,ka thla a muang nghal hliah hliah.


.........


Hostel gate bul ah Zamzami alo ding run a,

"Ka lo hmuak che" a lo ti nghal var, khua a thim lek lek tawh a, ka duh aiin kan let har. Haw kan tum apiang in "reilo te" ati zel a, kan thu leh ngenge zel kha ania.



"Let nghal mai rawh a tlai tawh si"


"Umm ka lo bia ang che" a nui leh var var tawh.



"Warden in ka awmloh a hria em? "



"Chaw i eipeih lo ka ti tawp"



"Umm pawilo midangin an hriat kha a thalo zawk" ka ti sap a .



Zawi zet in khum ah inthlaklovin ka mu a, Zamzami ka chanchin ka hrilh mawlh mawlh a, "i thinrim chung a nihkha" minla ti zek zui.




"Ka ril a tam eitur stock i la nei em? " chaw ka ei hman miau si lo a, ka pum a ri rawih rawih mai.


"Naaa... Chutiang puar na lam engmah ka neilo, dar8 ala rilo dawr ah kal ang"



"Umm" hmanhmawh zet in ka inbual sawk sawk a



"I muang"


"Ninawm reuh" ka ti hlak a, ka sam huh hniang chu towel in ka hru thuak thuak a, ka purse la in Zamzami ka kai chhuak nghal hlawk hlawk



"Eee Isabella lo koh che ka tum a" warden kan hmu thut chu kan ding chiang teh e



"Animaw? "



"Tommy alo kal a"



"Maw? " Zamzami in a rawn ti nghek



"Hall ah a awm"


"Ummm" inthiam lo zet hian ka ti sap a, ahma in Jimmy a rawn kal tawh bawk a, hostel rules ah chuan mipa in min rawn tlawh hi a theihlo, kan chhungte hnai tak annih loh chuan.



"room ah ka lo awm ang min lo hrilh mai rawh" Zamzamin min let san a, Warden akal liam hnu ah hall ah ka chhuk chauh, alo kal dawn tih a sawi miah bawk silo a.



"Hey" min hmuh rualin anui suk a, a inbual zawhna ala rei bik lo tih hriat zet in a sam a hnawng chap bawk. Alan dan thar sur leh pa lutuk chu en ngawih ngawih mai ka duhhial.



"I lo kal thut a"


"Niaa ka lo hrilh hman lo che a"


"Ummm warden in a hau che em? "



"Teuh lo mai" abul ah thu duhlovin a hma zawn ah ka thu a, midang lo kal thut thei reng anni bawk si.



"I ril atam ka ring a"



"Umm dawr ah kal kan lo tum a".



"Kha" tih pahin paper bag a rawn lek chhuak nghal vu



"Eitur maw? "



"Ummm chaw anlo eisan che tih ka hria lawm"


"Ummm enge a! "



"Thil" tihpahin a rawn ding hluai a, min rawn hnaih lutuk avangin ka tawlh hla nghal dat



"I hlauthawng si" tih pah in anui suk a, ka chal a rawn tauh dat



"Ka ngai che, mahse ka kal mai ang i hlauthawng hmel kha hmuh anuam lo"



"Chu pawh anilo"



"Anih gate thleng in min thlah thei"



"Ummm" ka thil khai lai chu min laksak leh vut a ,"ka khai thei alawm" ka tih pawn a hrelo der hmiah.



"Naktuk ah ka lo hruai ang che"



"Ummm"



"Lut rawh "



"Kal phawt la ka lo thlah ve che a"



"Lut hmasa phawt la hmeichhia inihkha keipawh ka kal nghal ang" hlauhawm a awm loh em avangin ka nui hak ringawt



.........


"Chuan Bialpa zeilo pa chuan enge. Arawn tih a"



"A zei ve tho aw"



"A chukss tawh che em?"



"Ve tawh ang chu"



"Ka awih thlawt lo" ka melhrum nghal nghek.



"Khawimaw bialpa zeilo a thil lo ken chu" ka bag khai lai chu min laksak a, a khum a pan pui nghal vut



"Hei ita nihloh kha aw"



"Wowww tui dawn eee, cheese cake cheese i ngaina tih ilo hrilhhman animaw, wowww chuan sandwich pawhhh ka nuih a za khulai a zote bakery mi khu a rawn lei anihhi " za zet a anui chu ka melh rum a



"Khawi ami pawh lei se enge atui tho"



"Aww... Chawpchilh tawk arawn lei a ang em a" a nuih a za telh telh lehnghal



"I ei ve lo ang"


"Atam ee.. Min leikep aniang" ala ti zui.



Ka ngainat emem hi a hria nge alei fuh palh zawk, nge aman angaina ve hrim hrim zawk pawh ka hrelo.


........


"Vawiin Friday"



"Enge chu chu"



"Aw naktuk ah i u a rawn chhuak dawn lo a mi" za zet in ka nui chhuak nghal hak, library a awm kannih avangin inthlahrung lutuk in ka hmui ka hup leh chawt a



"Saturday tin arawn chhuak bik lo aw"



"Naaaa.... Weekend ka lo nghakhlel ve emem aa"



"Vanlalzam i a zo tawh anihhi, assignment kha ti tha hle hle rawh"



Zamzami hian Mama hi a duh tak tak nge mawni?



Assignmet hautak zet kanneih avangin class awl hlek ah library kan pan nghal zat zel, lehkhabu han hawh dawn ila hawh tur atam dawn lutuk a, library ah kan tih chilh hmiah.




"Tu zawk hi nge Isabella? "



"Keimah" min be tu hmel ka hmu chu ka phu nghal zawk thei.



Library a Tomman a fawh hmeichhia kha! Chiang lutuk in henu nen a an infawp lai hi ka hmu, chuan tun ah pawh hian ka mitthla ah chiang zet in an rawn lang nghal uar uar bawk.



"Nangmah hi maw? " min eiloh hmel zet hian a ner nawk a, a bul a ding a thiannu ni ngeitur tur nen chuan an in melh nghal ralh ralh bawk.



"Enge ni a? " nelawm bik fahran lo hian ka ti hmuk a



"Biak lawk che ka duh aa, thil pawimawh deuh a nia"




"Aw sawila"



"Mi awmlai hian maw? I thiannu hian a hriat ve i duh pawh ka ring lo" ngeiawm zet hian a nui sawng a, Zamzami hmel pawh a buai nghal nawk



"Engthil nge..! "



"Lo kalla" bu nghut in ka ding chhuak a, kei aiin a hniam kan senior pawh ni sawmsarih mahse ka zam bik lo.




"Mate hetah hian lo awm lawk la" a bula mi chu amelh zauh a, in hrethiam zet hian an in mitmei ka ti mai




"A chung ah khian chho ila mi an awm vak lo ang"



"Atha lawm" ti hliai in ka zui chho a, Tommy nen boruak annei tih ka hriat avangin a sawi tum chu ka hrethiam deuh mai, mahse engvang a min thamloh hmel emem nge anih ka ring thiamlo.




A sawi ang chiah in a chunglam ah chuan mi5 chauh an lo awm




"Lo kal rawh" chhang lovin ka zui ve zel a, tuman min rawn ngaihven lem lo.




"Thu la" atih leh chuan ka thu ve leh mai a, naupang thuawih tak te pawh ka ang zawk. Engtin pawn min ti se dawihzep tak a awm erawh ka tumlo bur thung.



"Tommy nen hian in inkar ah enge awm? " ka nuih a za zawk ka rin dan vel chiah



"A bialnu ka nia"



"Chuan"



"Chuan enge! "


"Min hria em? "



"Hre miah lo che! "



"Tommy nupui hual ka nia" awih lo lutuk in ka melh a, hei kher hi chu ka rindan piah lam daih. Nupui hual maw anuihzathlak zawk!!




"Tommy hian ala hrilh lo che anih ka ring mahse a nupui tur ka ni "


."ka lo la hre miah lo a" Tommy a duh lutuk vangin a â zo vek aniang



"Pa Zamliana hi ka pa nen hian thian tha tak annia, an monu atan min duhthu te pawh hmaichhan ah min hrilh hial tawh a sin, chuan Tommy hi hmeichhe mi ve tak ania hetia alo fiam vel che hi i lo lakthutak palh ka hlau a... "



A tak tak anih hlau zet in ka melh a, mahse dawt bak a sawi lo ang


"Chuan in inhual a maw?"



"Tunlai chu Tommy hi ka lak ah a thinrim rih a, achang leh Remruati a tia achang leh nang achang leh hmeichhe dang! Hmanni deuh lawk pawh khan Tommy te in ah kan chhungkua in chaw kan ei a, a sawi em? "



Engmah a sawi lo tak tak!!



Thil tak tak ni thei pawh a ni lo!



Henu hian dawt bak a sawi lo!



"E chuan Isabella Tommy ah hian lo serious vak suh, ani hian tu hmeichhia mah duh tak tak anei ngailo, naupan lai atanga in kawm tawh kannia ka hrechiang ania, aaa ka sawi tum chu i hriatthiam ka ring! "



Hetiang emem a tlawm leh zah hi ka la damchhung in ka la nei ngailo!!!




Sawitur engmah ka hrelo! Ka hrelo tak tak! Tommy hian min fiam lo tih khum chiam ka duh a, keimah ah hian a serious tih pawh ka duh mahse henu ang hian Tomma ah ka inringtawk ve tlat lo!!




"Irene Tomman min lo call a, a zawng che nia" hnuai tak ah ka tla thla vawn vawn, natna leh zahna in min hual mup mup a, thawk lak a sak nghal vek



Henu hi Irenei maw lo ni a!!



"Library a ka awm thu hi hrilh la" min nuih sawng te chu ka en tawp



Nichin a a thiannu khan kan bul a rawn thleng a "e chuan F-i hi Tommy u anihhi, kan kal mai aww"



Tommy u maw!!!




An kal chu ka thlir zui a, rilru na lutuk in ka thaw chhuak nghawk kawk!! Ka thaw tha theilo zawk...



A tu amah chuan min rawn ngaihven lo chu ka lawm takzet.



Ka mittui rawn parawl tuau chu duh lovin ka mit ka khap sak sak a, helai a tap mai tur a chaklo ka ni lo. Mahse ka na, ka na thlawt.


Khang kan inkar a thil thleng zawng zawng te kha lemchan vek ni tur chuan a awihawm lutuk mahmah.



"Isss i tha em? " Zamzami en in ka bu nghat a, ka mittui a rawn far nghal zawih"



"Lalpa leh!! Issa khanu kha tunge a, ngatinge? " a hlauthawng hmel te chuan ka rilru a ti no zual




"Haw ang Zam... Haw ka duh "



"Ahhh aww kan haw dawnnia" a ti bah nawk nawk a, helai a mualpho ka duh loh chuan ka haw nghal a tha ber.





Tommy ka hmuh avangin step a kan chhuk lai chu ka ding chawt a, Irenei nen inbia in an inzui chhuak nghal zat bawk anihchu.



Anihchuan nichin khan Tomman Irenei kha a zawng tak tak, F-i khan dawt a sawilo. Engvangin nge dawt a sawi ang Tommy u ani miau alawm.


.......



"I tha em? " khum ah zawi zet in ka mu a, kan haw chhung zawng khan Zamzami pawn vawikhat mah min be lo.



"Zam khanu kha Tomma nupui tur anih kha"



"Enga!!! "



Ka mittui bawk a rawn tla leh!!



"A sawi vek alawm, chuan pakhat zawk kha Tommy u anih kha" mak ti lutuk hian min melh ngawt ngawt a, awmdan tur ka hre bik lo. Ka a vekkk!!!!




"Ka awihlo" rei zet angawih hnu ah a rawn ti sap a, keipawn ka awih phal biklo.


.......


Sana chu ka melh ngawt ngawt a, class ban a hun tawh.


Nidang chu nise ka awmna hriat tumin Tomman min rawn call leh tawh ngei ang, mahse min rawn call miahlo.



Irenei khan engkim min hrilh tawh tih ahria te pawh aniang, mahse min lo call tho tur a sin!!!


........


Dar 5



Dar 6


Dar 7


Call pakhat mah ka dawnglo



"Jimm ka bia anga thil ka zawt chiang ang"



"Naaa" ka lo ti vata ,a tak tak ani tih a chian ka hlau zawk



"Dawihzep lohtur, ka ngei tlat hmela chu" Zamzami thinrim hmel ka hmuh chuan ka nui suk a , hetiang hian aawm pawh ka la hrelo.




"Keiman kan bia ang"



"Umm. Be rawh " ka phone chu ka kut ah a rawn hmehbel nghal rawk rawk



A in ring chhung te chuan ka lo thaw dep dep



"Aww Issa " thawm bengchheng zet ka hre zui nghal vat



"I buai em? "



"Buailo ee... Lawk aww"


Thawm bengchheng rehna hmun ah a kal tih hriat zet hian eng thawm mah ka hre zui lo




"Enge ni ta a minlo call vawikhatna " a rawn nui hawk a, za lo zet in ka then ve suk



"Tommy chungchang ania englo"



"Tomm maw i be theilo mi? Hetah a awm lawm phone hi kan pe dawn mi?" Arawn ti leh nghal zung zung



"A awm maw.. Khawi ah nge in awm a?"




"Aaa... Irenei i hrelo maithei, kan thiannu birthday kan lawm a"



Ka khawng vek in ka hria



"Animaw?"



"Umm lo nghak rawh aww..."



"Ahhh .....angailo, .....Tommy chu biak kher a ngailo" ka ti bah nawk nawk a



"Hello!" A rawn ti thawp sup



Tommy aw chu khawi ah pawh hria ila ka hai lovang



"Isabella nangmah mi?"



Isabella tiin min ko maw?




"I rei ..." Irenei aw ka hre zawm zat



"Lawkkk!!! Hello... Hello.. Isabel...."



"Tommy ka be leh tawh ngailo ang che" phone chu ka off a, ka mittui a rawn baw leh nghal hawk.





(A ngaihnawm lo in ti em? Nge ngaihnawm ve tho? 😆😆😆 inngaihdan lo sawi ru aww... Ka Insiamthat phah zel na tur in)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)