IMPERFECT by Ngaia aka Hector - 57

Episode kal lai dah luhna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

IMPERFECT by Ngaia aka Hector - 57

Unread post by Ngaia » May 26th, 2020, 6:15 pm

IMPERFECT by Ngaia aka Hector - 57

Alessandro's POV

Dammit. Chutiang thu hre turin a rilru a la inpeih lo hle a ni ngei ang, mak tih hmel em em a ka en lai chuan ka sawi chhuah avangin kei lah ka lo inchhir ve em em thung. OH god, um bo ka phal teuh si lo.

"Min duh maw?" tiin min zawt a.

Ka lo bu nghut ringawt a, ka hluahthawnna a reh mial beiseiin dessert chu ka han hawp leh pawk a, ka thinphu nasa lutuk hi a zia ve mial mai thei asin.

"Ka tih palh, ka...ka zep thei tawh ngang lo a ni."

Thil ka ti buai zo ta vek e, lo ngawi mai mai zawk ila ni tur hi a nia. Kan inkar ka ti chhe lo zo vek dawn a nih hi. Hei chiah hi a nia ka hlauh ruk em em chu - min chhan let ve loh hi.

Engmah a la sawi lo, ka no a tui chu ka in khawlh a. Eng nge a ngaihtuah? Mi rilru hriat theihna neih ka van chak teh reng.

"I ngaihdan a ni lo viau a nih chuan... ka thusawi kha theihnghilh daih rawh."

"Aih, ni lo e." thutak ran hian min en a,"Keipawh nangmah ang tho kha ka ni."

Ka lungphu a tawp thutin ka hria, ka hre dik chiah em pawh ka hre tawh lo."Min duh ve maw?"

A nui sak a, duhawm zet hian thle deuh ha hian a biangin a kut hnunglam a va ngheng a.

"Ka sawi awmzia chu thian angin a ni lo a nia, Lisa. Hmeichhia i nihna angin. Bialnu lem atan ringawt chuan ka care mah mah tawh che a ni. Ka sawi awmzia chu i hrethiam em?

"Ka hria lawm..."

Lawmna ka khat! Ka ke ler atanga chhip thlengin hlimna chuan min fan chhuak nghal vek a ni.

"Min duh ve tak tak maw?"

A bu zauh a, a mit chu hlimna hian a der ser ser bawk a.

Ka nui tawp thei lo. Wow. Just wow a ni tawp mai. Mt.Everest tlang chhipa lawn chhuak hlawl ang hi ka ni. Hetiang reng reng hian ka rilru a la hlim ngai lo.

A kut ka va vuan a, ka kut nen ka suih chial a. Kan thil ei lai pawh chuan ka inmelh a, ka innuih leh var var thin, kan mit hmang ringawt pawhin thu tam tak kan sawi mawlh mawlh tawh mai a ni.

Zan nuam tak chu a ni, thil dang reng rengin pawimawhna an nei tawh lo. Kan pahniha kan awm dun hrim hrim chu nuam kan ti veng veng mai a ni. Penthouse a ka va thlah chuan green tea kan in dun leh te te a.

Living room-ah thu in kan chhungkaw chanchin te, nu leh pa ten min enkawl seilen dan te kan sawi dun a.


Lisa's POV

Hun pawh kan lo hre chang tawh mang lo a, dar11 a lo ri der tawh. Kan titi tui dun lutuk a, sawi tur hi a rawn kal pur pur zel. Kan induh tawn a ni tih kan inhriat pawh atang phei chuan kan in close zual sawt a. Kan inring tawn sawt a, kan ngaih dan leh duh dan hrim hrim pawh open takin kan sawi dun bawrh bawrh ngam leh zual tawh a ni. Hetiang hian Jason-a bulah khan ka rilru chhungril tak tak ka sawi chhuak thei ngai lo. Zalen leh ngaihngam taka inpawrh chhuah chu a free halh mai a, thil nuam tak a ni.

Alessandro-a chanchin ka hriat a, ka hriat tam pauh leh ka hmangaihna a zual tulh tulh bawk. Rim taka hnathawk duh mi, englai pawha a mawhphurna tlin taka tih zel duh leh tum tlat mi. Hma lam pan turin engmah hlauh a nei hek lo, chu chu ka ngaisan zual phahna a ni reng bawk.

Zanin hian min kiss ang em tih ka lo ngaihtuah nasa, a hmui sexy em em chu ka melh awl lo a, a titi zawnga a nui deuh sak thin te chuan min ti trim leh ar ar thin. Kut kan indawm a, ka inkuah bawk.... mahse a bak engmah a la thleng lo. Dawh thei lo zetin min kiss hun ka lo nghak ngawt ngawt, ani lah chu a hmanhmawh loh hmel em em mai bawk si.

Rin loh deuhin a ding hluai a.

"I kal dawn a mi?"

"Aw, vawiin lam i hah deuh bawk sia, chawl hahdam tawh rawh." a kekawr ipte zen ut chung hian a ti a.

Nia, a dik alawm, nilengin hospital-ah ka nu leh pa te bulah hun ka hmang a, chumi hnuah office-ah ka buai leh char char bawk. Tunah kan la in date mek. Mahse maw, ka chau miah lo. A bula awmin ka chau thei lo, chakna thar min pe zel zawk... ka vitamin, ka multivitamin.

"Buai chu buai a, mahse a ho lutuk..." ka tih pawh chuan kawngkhar lam a pan ta tho a. Amah zawk a nih hi chawlh hahdam a mamawh zawk chu.

Kawngkhar thlengin ka va thlah a, a lu a rawn kun hniam rualin phurna in ka khat nghal, ka nghakhlel lutuk tawh chu ka lo za mer mer thei. Mahse, a hmuiin ka biang a rawn tawh rualin ka phur zawng zawng chu a zawi nghal rawih rawih.

Min mangtha a, a kal nghal daih.

Lungawi lo zetin kawngkhar ka khar a, ka kawngkhar nghengin ka ding deuh vang vang a. Kha zawng kha maw? I Like You tih thlengin kan inhrilh tawn vek tawh hnu ah pawh?

Living room-ah pheiin couch-ah ka tlu hnawk. Ka zawi vek... ka lunghnur hle bawk. Kal turin ka la duh lo, a bulah ka la awm chak asin. A kuah, a kiss... a tawngkam thlamuanthlak tak tak te kha, ka thlahlel vel vek.

Ka maimitchhin rualin ka mit sir atangin mittui a rawn luang chhuak ngiai ngiai a. Ti nge mal ngawih ngawiha ka inhriat tak thut le?

Kawngkhar kik ri ka hriat chuan ka meng nghal zawk a. Rang lutukin kawngkhar lamah ka tlan phei nghal, ka hawn rualin AMAH ngei chu hmeltha leh pa em em hian a lo ding zan tawh a.

"Thil ka theihnghilh a." tih pahin a lamah min kuai nghal dawrh a. Zan tir atanga ka lo chak em em tawh a hmui lum hiam chuan ka hmui a rawn delh thuah nghal chat. Oh my goodness... he thil chak hian a lawm ka lo riltam huam huam.



Chawlhni tuka Pastor bial fang kha innei tharte inah a lut a..
Pastor : Khawimaw,monu chu lo ṭhu lang ve reng reng se la.
Monu : ( Hreh taka inhlim pahin ) Kan Pastor hi i ti kher kher em mai..


Hetiang tur hi ka duh ve 😬 🙈

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..


NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)