LIBRARY - 11

Episode kal lai dah luhna

Moderator: writers

Esi Taylor97
Posts: 71
Joined: May 15th, 2020, 10:54 pm

LIBRARY - 11

Unread post by Esi Taylor97 » May 26th, 2020, 8:20 pm

LIBRARY - 11
By Esi Taylor







TOMMY ZOSANGLIANA P. O. V



"Ka fapa i ni? " ka pa aw chu a khur dar dar a, ka nuih suk



"Ka pa ini chiah em ka hre lo"



Ka chhanna avang chuan thinrim lutuk in a thaw chhuak nghal ham ham a,



"Tommy khatiang khan i pa chhang suh" ka nu, ka nuhrawn chuan a rawn ti hliai a, sum leh pai avangin apasal uire sanin ka pa pasal ah a rawn nei a, ka nu leh pa ka huat ang chiah in henu pawh hi ka hua.



"A tawk viau e... I duh ang chuan i awm rei ta bawk e, Irenei saw nei la i puitlin phah ve mahna"



"Hah!!!! Nupui neih a puitlin maw.. Ka pa nupui neih hi puitlinna a nilo tih nangmah atang hian ka zirchhuak chiang viau a sin"



"Zosanglian" a rawn ti leh hrawk a, hlau zet a min lo en tu ka nuhrawn fanu F-i kawngka bul ah lo ding ran chu thinrim zet in ka melh khui a, ka chhuahsan nal nal.





Ka pa in ka nu uire a man chhuak a, ka nu khan ngaihdam nasa tak in a dil a, tap zawih zawih a ngen lai pawh kha chiang tak in ka la hre vek, tisual leh tawh lo tur a intiam in ka pa a ngen ngawih ngawih a. Mahse mithianghlim ber anga inchhal in ka pa chuan kum16 ka nih in ka nu chu a hnawtchhuak a, chuan ka pa chuan mi nu uire bawk in nupui dang anei leh a anihchu!!!




Huatna leh tenna thinrimna hlir in ka nun kha a luah a, ka pa ka huat zia chu ka sawichhuak thiamlo.




Ka nuhrawm nen a an inneih kumkhat tawp kha chu ka nuhrawn hi ka be miah lo.



Kum18 ka tlinni tak in ka nu boral thu ka hre zawm zat a , kha ta tang khan ka pa hi ka pa ang tak in ka en thei tawh lo. Ni e ka nu kha uire nu ve tho ani ka haw emem bawk mahse a tihsual te kha ala pawm tal a, ka pa hi chu mi tha ber awm in ala awm zui tlat a tin ni.



Ka pa in min duatin min ngaihsak emem a , keichuan ka haw hluah hluah thung.



Achang chuan thih daih ka duh a, achang leh ka pa hi thi se ka ti thin.



Mi hausa leh thil ti thei ngang ka pa chuan mi te hmuh ah a nun dan chu a thup hneh hle thin a, election hnuhnung ber a atlin loh chhan corruption te kha finfiah na keiman ka lakkhawm a ,ka pek vek anni.







Kan in ai chuan hotel ah ka cheng tam mah zawk a, nuam ka ti zawk miau. Ka pa chuan a sumdawnn enkawl tur in min duh a, fa dang nei miau hek lo engkim chu ka kut ah a dah vek. Mahse keichuan heng a thil neih te hi enkawl zui ka tumlo mai nilovin enga tan mah ka ti lo.




Chuan tun ah mi hausa tak a thianpa fanu chu nupui a nei tur in min ti leh ringawt a!!!




Irenei hi hmeichhe nalh tak a ni tih chu ka hai lo, vawitam mutpui pawh ka tum tawh thin mahse khang uire na chiangtaka ka hmuh te avang bawk khan ka khawih thei ngailo.




Mahse tun ah chuan ka nun ah Isabella arawn lang a, nun mumal lo tak nei khan hmahun ka thlir a, mal tak a ka inngaihna te kha a rawn ti reh a, ka la hriat ngailoh hlimna min pe a, a tello chuan ka awm thei tawh lo. A mah hi ka engkim ka chakna a ni.



"Hey unaupa nupui hual inei tih ka lo hre miah lo a" Jimma chu ka pindan ah a rawn nui lut hawk hawk a



"Nupui hual maw? "



"Aww.. I pa in Irenei nen in innei dawn tih a sawi a, chaw te in lo eikhawm tawh der elaw? " hmanni khan Irenei te chhungkua in chaw an rawn ei tak e. Mahse kha tah khan ka tel ve lo.





"Dawt anih chu" ka ti nghut a, ve ringawt hian



"Mahse enteh Irenei whatsapp status hi"



"Engmaw"



"I hmuh ka ringlo reng a ka ko screenshot alawm" ka hmu lo reng ang chu a number ka nei miau lo.



A phone chu ka hmai bul ah a rawn lek va a, ka thlalak engtik lai a alo lak nge ka hre miah lo, "ka pasal hual 😍😍" a caption teh hrep chu!



"Hmeli chu leh" ka ti hrawk a, ka rilru ah Isabella a rawn lang nghal zat bawk.




"Nupui inei dawn anih chuan Isabella chu keiman.. "



"Ngawirawh aw" ka ti hmuk.


......


Hengthil hi ka hmangaih emem ka naute, hmangaih maw? Ni e ka hmangaih a ni. Ani hian a hriat hma in ka chingfel vek tur a ni, a hriat a a rilru nat ka phallo, a hlauhthawn pawh ka phal hek lo.



Irenei chu college ah ka zawng ruai a ka hmu lo lehnghal,a number ka nei miau lo, F-i nen an in zui chawt tih ka hria a ,ka call mai aniang chu.




Library ah Irenei a awm tih ka hriat avangin ka kal nghal vat a, min hmuh rualin min lo nuih nghal var var, F-i lak ah hi chuan ka nelawm ngailova, min nello mai pawh nilovin min hlau viau bawk. Tun ah pawh a mit alo khup leh zal zal tawh..



"Inbiak kan ngai" ka ti hmuk a, college miss nilai anih bak ah senior ber annih tawh avang hian helai college ah hi chuan hrelo pawh an awm lovang.



"Oo inbia ilaa" lerh zet hian anui ar ar a, ka lak a a inphal lutuk hi khawi hmun ah pawh a tilang zak miah lo amawle



"Hetah lo" ti hmuk in midang awm ve ho chu ka en kual a, min ngaihven ru tun hlawm mai.



"Ummm anih hmun tha deuh ka hria nia" atih chuan ka bu nghut a, F-i lo ding zum reng chu kan chhuahsan daih.


.......

"I status kha ka lo hmu aa" a meng phar nghal awk



"Kan inkar ah engmah a awm lo tih chu i hrechiang viau in ka hria"


"Ahhh Tommm ngatinge? Min duh emaw ka tia"



"Noo... Ka duh lo che " ka ti leh hmuk a, mi tawngkam thiam tak ka nilo a, nelawm pawh ka tum hran chuang lo



"Mahse i pa khan.."



"Ka pa thusawi kha lo ngai thutak suh innei tur in kan inkar ah engmah a awm lo, neih che tumna ka neilo"


"Ahhhh englo.. " hmalam ka bih ngur ngur a, sawizawm tur a hrelo nge ani pawh a ngawi ve run tho.




"Ka pa leh i pa te thuthlukna siam ve mai ania, i duh loh chuan ka duh biklo.. Vawiin hi ka birthday a nia, lo kal la ka pa chu kan pahnih in hrilh ila"



"A tha lawm"



"Umm kan in ah tlang nghal mai ang, ka pa bul ah kan pahnih ngeiin inneih kan duhlo tih kan sawi chuan a hrethiam emem dawn a, mahse ka ngen ve duh che chu ka birthday anih angin hlim taka hman ka duh ani"


"Atha lawm" ka ti leh nghut a, engkim hi chinfel a theih chuan chinfel nghal zel mai hi a tha reng a ni.



.......

Irenei pa bul ah inneih kan tum loh thu kan hrilh chuan a bu nghut nghut a, pa fing leh remhre ngang a ni a ,min hrethiam viau bawk.




"Reilo te chu la awm ve ula"



A thiante a birthday lawm tum an rawn thleng nak nak a, min hmu chu a tu amah chuan mak an tih hmel loh, a pasal tur ang maiin minlo sawi hman miau hek.



Jimm pawh a rawn lang hlawl


"Haw mai ka tum".



"Ka rawn thleng ve chauh a, i awmna ava rei tawh awm ve" ka sana bun lai chu ka melh zauh a, dar7 alo pel der.



Irenei pa nen khan kan inkawm rei viau kha a nia, ka pa chungchang leh sumdawnna lam thleng in min sawipui chiam a, ka duh aiin a tlai tawh.


An zik nuai nuai na chu chhuahsan in inhnuai lam ka pan nghal vut a


"Tomm i kal mai dawnmi? " Irenei chu ka bul ah rawn kal in ka ban bul a rawn vuan chawt a, ka dahthlak sak vut thung



"I kal dawn chuan ka pa hrilh phawt ila" ka bu nghut a, Isabella kha engmah sawilovin ka thlah lo ngawt a, a lo lungawi lo viau tawh tak ang. Ka hmuh vat angai!!



"Hey unaupa lo ding lawk Isabella! " aphone chu a rawn lek va a, keiman ka call hmasak loh avangin ka inthiamlo nghal ngawih ngawih.





"Hello" ka ti sap a, a lungawi dawnlo ani tih ka hriat avangin ka inthiamlo ngawih ngawih.




A tawng engmah ka hrethei miahlo,



"I rei " Irenei lah in alo ti ve sek



"Tommy ka be leh tawh ngailovang che" phone chu a off zui nghal hmak mai bawk si. Hrilhhai zet in Jimm phone chu ka pe let a, min auh zui lawm lawm na lam chu ngaihven lovin ka tlanchhuak zui nghal hmiah.



Chak zet in ka inkhalh a, an hostel bul ah ka ding nghal dat. An pindan zawn chu ka thlir a, Nu Sawmsangi dil ta ila ka lut thei maiin ka inring. Mahse a thinrim hmel em a, minlo be duh kher angem?



Ka call nghal zat a, a pickup lo. Ka call nawn leh a reject hmiah.



Beidawng lovin ka call leh a a switch off!!!



Zamzami ka call ve thung a, a ni pawn a phone a switch off.




ISABELLA P. O. V


"Ngatinge? " Zamzami chu hlauthawng zet hian ka bul ah a rawn thu a



"Tun ah pawh Irenei bul ah a awm! "



"Avan mak tak " a ti hliai a, ka mittui chu ka kut in ka hru tawk a



"Hetia tah vel hi ka duh miah lo a zahthlak mipa lerh zet vang lehnghal in" thinrim zet in ka ti chiam a, ka tho a, ka lehkhazir tur ka phawrh darh nuai a, ka chhiar nghal char char.




"Tomm an alo call che"



"La suh" lehkha bawk ka chhiar zawm leh a, ka rilru a a luh loh dan chu ka sawithiamlo zawk


"Alo call leh !!"



"Reject rawh!! "



Lehkha bawk ka chhiar zawm leh a, engkim ka theihnghilh vek thlengin ka chhiar ang!



"Iss be mai la" ka phone chu a rawn lek kang va a, tho chhuak in ka laksak a, ka switch off.



"I be duh lo mi? "



"Duhlo a dawt sawi ah ka tlu leh ang i phone pawh kha off rawh"





"I ti tak tak em? "



"Umm ka ti tak tak, hetiang teh thlawt a buaina tam bialpa ka nei duhlo"



"Okeyy" ti hliai in a phone pawh a off ve nghal.



..............



Kan pindan kawngka an rawn kik dat dat a, ka thinphu a rang nghal dawt dawt bawk. Zamzami zawkin ava hawn sak a, Tommy nise ka tihna leh nilo se ka duhna a in zat vel hial ang.



"Lehkha in zir alaw" warden a rawn nui lut var var a, ngaihsak lovin ka lehkhabu chiah ka bih.



"Issa hmu tur che an awm a"



"Tunge? "



"Tommy" ka khawng vek!!!



"I hman chuan rawn hmu zuai laa" tih pahin achhuak zui leh nghal.




"I kal dawn lo mi? " Zamzamin a tih chuan ka lu ka thing a, ka kal anih chuan a dawt sawi awihawm tak ah ka tlu lehnghal ang.



Lehkha ka chhiar lui ngar ngar a, a let tawh angem? Nge minlo la nghak ang? Enge sawi a tum reng reng, Irenei thusawi kha dawt tih sawi a tum ami? Chuan Ka aw hriat kha Irenei aw anilo tih arawn tum ami?



Zamzami chu a chhuak zui a, Engpawh Tommy a hnenah va sawi se pawi ka ti lo, ka ngaihven lovang!!



.......

"Naktuk ah kan chhuak dun dawn a, dar10 ah ka lo hruai ang a ti, a haw tawh"



Zamzami chu ka melh zauh a,"ka kal lovang" ka ti nghal nghek.



Nia naktukah hian indate kha kan tum alawm, a sawilawkna pawh a rei tawh kha. Mahse a van zak lo tak engmah thleng lo ang mai a min rawn hruai te a tum ngam zawk ni.



"Hey mu tawh ang" sana ka en a dar12 a ri dawn tawh. Nasa zet in lehkha ka zir chungpawhin ka thluak ah engmah a lut lo.



Hepa hi tu chiah nge anih le? Ngatinge ngaihzawng then vang a ka nat tak emem!! Ahma khan ka na ngai miah silo, misual tak min ti na tu mai chauh anihhi.


......


"Kal ang"


"Umm ka hman a ni mai" ka phone ka bag chhung ah ka dah lut a, Tommy kha lo kal tak tak ta se hnial a hmachhawn tur in leh amah hnawl turin huaisenna ka la nei lo, min duat na leh ngaihsakna tlem pawn tilang leh se ka ngaidam leh duh vek ang, chuvangin Zamzami chhuahpui ah ka sawm tawp anihhi.



A dawihzep thlak viau maithei mahse thudik chu tun ah hian ka dawih takzet!!



"Bazar ah kan kal dawn mi? "



Zamzami chu ka en a, nilenga bazar a vahkual chu a peihawm loh nasa lutuk



"Mama han tlawh ila, i peih em? "

"Tak tak maw" phur zet hian a ti hliai a, ka nuih tawp.


Taxi hmangin durtlang kan pan a, kawngtluanin Zamzami phur lutuk chu a tawng siam siam reng a, kan nui nasa viau mai.



Maman Gate bul ah minlo nghak a taxi atanga kan chhuk rualin "inva fel ve Zamzam" arawn ti nghal vat




Zamzami lah lai lutuk in "fel a mi" a ti hliai a, a biang a sen leh nghal tawn tawn tawh. Ka bul ah a insawi zei ve tehreng nen



ATC hmun nuam zet chu kan fang kual vel a, nidang a kan kal chuan kan haw leh nghal zel thin a hetianga plan mumal leh nuam lutuk ani tihhi ka la hre ngai miahlo.




Mama thianpa bazara kan hmuh kha a rawn kal ve a, a tawng duh in fiamthu a thawh a kan nui hak hak reng mai, a fel em a Zamzami nen pawh kan nel nghal mai.



"Mam dawr a awm em? "



"Awm ee inlo luhna bul ah khan ka kalpui ang che" Mama thianpa Uhmingtea chu arawn ding nghal zat


"Umm kan kal lawk ang" Zamzami ka siai zauh a, nui ru tet tet chungin kan kalsan, engtak lo sawi ve ang maw?



Eitur kan lei nual a, Uhmingtean pawisa minlo pek khalh daih zui, inthiamlo zet in ka hawi a hu!!



Kan let leh chuan Mama leh Zamzami anlo inkawm tui ve nasa mai, Mama en laih phet ka tum a, awmzia a awmlo. Zamzami enge an sawi ka zawt lehvek tho ang.



Programme anneih avangin kan haw san leh vat a, hostel a let ka duh rihloh avangin bazar a tlang ka rawt a, a mood a fuh bawk a min hnial lem lo.




"Engtik ah nge in rawn let dawn?" Biakhnapin a rawn ti lawng lawng a, a tawng hi a ring thei sia ka phone ka melh nghek



"Kan la rei dawn enge?"



"I bialpa Tommy a rawn kal, alo kalna a rei tawh sia a la nghak ngat ngat che" ka thaw nghal hak!! Min call theihloh na tur in ka block a, Zamzami a rawn call pawn chhanglo tur in ka ti kha a nia




"Lo haw tir mai rawh, kan tlai dawn lutuk"



"Ka lo kuah thuak thuak dawn ania" thawveng zet in a rawn nui leh ar ar a, ka nuih pawh a za ve rih lo.





Bazar a vak kual ta ngang chu tum loh deuh deuh vin thil kan lei ta teuh ringawt



Ka ni te in ah chaw kan ei a, thim thet thet ah muangchang in ke in kan haw leh. Kan hmanhmawh lo dun bawk a hostel kan thlen chuan dar7 a ri dawn der.


"Mama nen khan enge in sawi a" hostel bul a dawr ah eitur leiin kan ding dun a



"Thil ril deuh deuh mawle"



"Haha ka u khian thil ril pawh a hrelo ange"



"Taktak in a mah khi maw ka sawithiamlo a veiawm khat tlat, a cool a zahawm bawk si a fel tho bawk si" intithei zet in ka mitko ka san khum a



"Keiman kan pe ang" pawisa phawrh a tum chu hnial in ka pek khalh nghal vat.



"Ka lo biak dawn che mi? "



"Ngai lo keiman ka kherh thlu dawn " bawr zet a inkhai chungin kan nui dun leh rih



"I kherh thlu awm lo, Mama khi chuan zei deuh a duhlo ang"



"A tawk chiah a awm dan tur ka hria"



Gate inkhar chu ka bawr em avangin ka tlawh hawng a, "baby" Tommy aw ka hria chu ka nui lai ka tawp chiang hle.



"Ehe Tomm" Zamzami zawkin a rawn ti hliai a



"Ka lo nghak che a"



"Enge a? " nelawm lo zet in ka ti ram hmak a, gate ka tlawh khar leh nghal zat



"Inbia ang aw" ngenngawl zet hian a ti sup a, ka sa phat thung, engmah thleng lo ang mai hian a awm thin



"Enge sawi rawh"


."ka lo han chho ang" Zamzamin a ti chu "angailo chho rual ang" ka lo ti vat




"Heihi ka han dah lawk anga ka lo chhuk leh ang" chhan hman miah loh hian step ah a pen chho nghal hlawk hlawk



Chhoh ve nghal mai ka tum chu ka ban ah a rawn vuan a, ka thil khai lai ka thlauh darh niai a, rum zet in ka melh nghal khui



Kun hniam in ka thil thlauh ho chu a chhar a, "min pe rawh" ka ti vin leh nghal hluk



"Baby inbia ang ihh.. "



"Khati pawh khan min ko suh"



A thaw hak a, "ka tihpalh" a ti sup



"Awle a tha e" tih pahin a thil khai ho chu laksak ka tum a, ka ban phak lohna tur in a khai kang nghal vu anih chu



"Baby ka tihpalh aw.. Nimin khan thil pawimawh deuh.. "



"Nia a pawimawh khawp ang"



"Ka pa in nupui min neih tir a tum a"



"Ka hria lawm Irenei nen "



"Maw? " a rawn ti sup a, mak a tih hmel emem lehnghal "nia Irenei nen mahse engkim a fel tawh"



"Hah!! " ka ti hliai a, engpawh sawi se ring lo tur in ka in tiam ru char char



"Ka sawi tawh kha ka pa nen kan inkar a tha lo lutuk a, chuvang ania!! Mahse inneih kan tum loh thu nimin khan Irene nen kan hrilh tawh a, chuvang in tlai ah pawh khan ka thlah theilo che a"



"Niaa, a dik ang!! Mahse vawikhat lek min rawn call kha a har viau a mi? "



"Ka tihpalh" a ti leh sup


"Atha e.. Mahse Tomm ka be tawh dawnlo che, kan inkar ka ti tawp"



"A theihloh!! Baby ihhh kan inthen theilo"



Chhang lovin ka melh ngar a, beidawn hmel lutuk in min en a, thuthlukna ka siam fel tawh! Hetiang a buai nuai reng tur hian ngaihzawng neih ka duhlo tih ka chiang.



"Khawi" tihpahin a thil khai ho chu laksak ka tum a, a khai kang zel anih chu!




"Engkim ah khan ka tihpalh aw... Baby... Ihh khatiang kha a thleng leh tawh ngailovang, i thin ka tirim leh tawh ngailo ang"




"Tomm diktak chuan maw thil engemaw thleng se min biak takngial pawh i theihnghilh nghal zel a, engemaw thleng se min hrilh ve ka phut!!"




"Ka hrethiam ee... I duh angin engkim ka ti ang khawngaihin thinrim tawh suh"



"Haw phawt rawh! "



"Baby"



"Haw phawt rawh! Tun ah chuan ka thin a rim rih lutuk... "



"Ka lo bia ang che aw.. Min blocked tawh lo laa"



Chhang lovin ka bu nghat a, a thil khai ho chu muangchang in ka laksak a, diktak chuan a sawi zawng zawng hi ka awih vek mahse thuthlukna ka siam tawh! Amah hi ka natna tur chauh ani, khatiang natna kha ka duh leh a nih ngawt loh chuan hepa kalsan hi ka tan a tha ber tur ah ka ngai.




"Lawk.... " kal ka tum chu ka ding leh dat a



"Ka ngai lutuk che" a rawn ti thawp sup






(Tawi ti miah suuu aww 😁😁😁😁)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)