QUEEN BEE EPISODE-16 by INIROS 16

Episode kal lai dah luhna

Moderator: writers

INIROS 16
Posts: 59
Joined: April 13th, 2020, 2:47 pm

QUEEN BEE EPISODE-16 by INIROS 16

Unread post by INIROS 16 » May 26th, 2020, 11:49 pm

QUEEN BEE
EPISODE-16
---------------------------
In ngaihzawn fuh loh vanga in huat reng ai chuan ṭha deuhin in thlah ila, Ṭhian tal pawh kan la ni thei mahna, hmelma a insiam hi zawng a ṭha lo emai.
- Malsawmhlui
__________________________
MALSAWMHLUI'S POV


"I hma lam ah kha ngil takin kal rawh le"a beng bulah chuan phun sa sa in, a mit chu ka la hup zel a, ka sawi ang chuan a kal ve zel bawk


"Umm, i hma ah khan kawngkhar a awm a,han herh hawng teh le" ka ti a...



"SURPRISE!!!" Room chhunga awm zawng zawng chuan an lo ti a


Kan awmna room ah chuan cake chunga bati eng chauh chu kan eng neihchhun a ni...


"Happy birthday to you
Happy birthday to you
Happy birthday dear Tluanga
Happy birthday to you" a pian cham lawmpuinan hla chu kan han sa a..



Kan sak zawh ah chuan Tluanga chuan bati chu a chhem hlum a, a bati chhemhlum veleh chuan tu emawni hian room light a rawn on a, a eng ta tuar mai...




Cake chu Tluanga chuan a han zai a, a pa, pa Hriata chu a han barh hmasa ber a, chumi zawh ah kei a ṭhiannu neihchhun, Anil-a leh Aadvika-i, chumi zawh ah Peka, a ṭhiante ho min barh zo ṭheuh hnu ah chuan present in pek na hun kan hmang a..


Aadvika-i leh Anil-a chuan kamis par mawi deuh, changkang ru zet, tunlai zet mai hi an pe a..


Present dang pawh a dawng nual a, a dawng ṭha hlawm khawp mai...



"Malsawmhlu, pek ve i tum lo ami? Khawnge i thil pek ve" Peka chuan a lo ti vat a


"Ka pe daih tawh, keichu, zingah khan ka pe alawm" ka lo ti ve vat a


"Anih chu" a liam ve mai bawk a...





Birthday kan lawm zawh chuan a lo tlai tawh ngang mai, zanlai a lo ni der tawh a, Aadvika-i leh Anil-a pawh riak nghal mai tura ka pa ten an sawm tlat avangin an riak ve ta nge nge...




Aadvika-i leh kei, ka room ah kan mu a, Anil-a leh Tluanga erawh Tluanga te inah an haw phei thung a...



Aadvika-i nen chuan ka room ah kan inthlak fai sar a, ka khum ah ṭhu in kan ti ti dun malh malh a


"Malsawmhlu, a mak ka ti"a rawn ti chhuak leh hlawl a,


Henu hi chu thusawi lak lawh lai hian thil dang a lo sawi daih zel mai.



"Eng nge ni leh ta pek" ka han ti ve vat a



"George hi, khatianga a chet duh kha ka lo ring ngai miah lo asin le" a ti hniam raih a


"Nia, keipawh mak ka ti, mahse, mi hi an lan dan ang ngawt an ni vek lo an tih ṭhin kha"



"Ni e, a lan dan ah kha chuan mi fel tak a nih hmel asin, chhinghne beram vun sin an sawi ang chauh a lo nih hi" a ti ve leh a




"Hawh, George hi chu sawi tawh lo teh ang, Drama pawh hi ka tui tawhlo vek, ka inhnukdawk dawn mawni"




"Nia, i tan a nuam lo ang, i thu thu a nimai, ka lo mawl eee, mi landan hi an nihna ah ka lo ngai mai zel a, George pawh kha chuvang a nia ka lo duhpui ruk ve em em che ni, a chhelo bawk nen in inhmeh kha ka ti ru riau a, min ngaidam rawh aw" in thiamlo fahran chuan a han ti



"A ho lutuk, Addu, i thiam loh engmah a awm hlei nem, mahse maw, sap thufing pawhin 'Don't judge a book by its cover' 'Lehkhabu hi a kawm ah ngawt en loh tur' an tih ṭhin kha, hre reng ang che aww, fel hmel deuh sual deuh si te, sual hmel deuh lo fel ru phian, belhchian dawl deuh te pawh an awm ve a, mi zawng zawng hi an landan ang hi an ni vek lo tih hriat nan i hmang tawh dawn nia aw" ka han ti dap dap a... Ka va sawi ṭha em...




"Nia, ka hre tawh ang, chuan" a han ti leh a



"Enge chuan?" ka lo ti ve vat a


"Tluanga hi engtin nge i duh tih i hriatchhuah a" a han ti leh a


"Ih maw, ka nu, ka pa, ka nau lalpekhlua thleng hian, Tluanga hi enge ka ngaihdan/hmuhdan min zawt sek zel a"



"Chuan i duh ta mai tihna em ni?"




"Nilo e, ka duh em tih kha ka hrechhuak nghal mai lo a, a kianga ka awm te hian ka thin phu a rang thei lutuk, ka kianga a awm loh lek te hian ka thlahlel em em zel a, ka ṭhianpa eng tik lai mai pawh a ka kianga awm reng ṭhin a nih vang ah kha ni turah ka ngai mai ṭhin, mahse, min duh thu min hrilh aṭang khan a laka ka rilru put dan a dang tih ka inhre deuh a, ka duh tih ka la hrechhuak ta chuang lo a, zan khat chu ka nau hian ka mit min rawn keu hawn sak a, ka duh ve tho tih ka hrechhuak ta chauh alawm" ka han ti a





"Nia, Tluanga hi chuan a duh lutuk che tih hi Anil-a hnen aṭang khan ka lo hria a, bialnu pawh a la neih loh phah thak, Awi!!! Malsawmhlu, i van vannei tak em, ka awt che ee" a rawn ti chhuak leh hlawl mai a




"Timaw?, nang pawh Anil-a i nei reng alawm" ka han ti ve leh a



"Nia, ka nei tho a, mahse, aaa kan vannei ve ve ee tiraw, kan bialpa te hi an rinawm tlek tlek lutuk a" a ti leh ta daih a



"Ni e, vannei tak kan nia sin, i mu tawh ang aw" ham bai bai pah chuan ka han ti a



"Nia, mu tawh ang" a lo ti ve vat a



Ka phone a rawn vibrate cher cher a,George a lo ni... Lak loh chu ka tum zet a, mahse, vawiin vang hrim hrim pawh khan ka ngawi mai mai thei bik lo.



Call chu ka pick-up a


"Hello" ka ti chuai raih, biak chakna pakhat mah ka neilo


"Naktukah inhmu ang, thil hrilh tur che ka nei" a rawn ti vat



"Nang nen hian engmah sawi dun tur kan neih ka hrelo" ka ti let ve salh a


"Keiman ka nei alawm, a tawp nan vawikhat chauh inhmu ang, mawhhh, ṭha deuh a thlah che hi ka duh a lawm" a rawn ti ve leh a



Ni e, in ngaihzawn fuh loh vanga in huat reng ai chuan ṭha deuhin in thlah ila, Ṭhian tal pawh kan la ni thei mahna, hmelma a insiam hi zawng a ṭha lo emai.




"Awle, kan inhmu dawn nia" ka ti chuai raih a



Dik tak chuan ka hmu chak hlawl lo, mahse mihring a nihna angin a ngenna tih hlawhtlin sak hram hi chu a phu ve tho alawm tiraw...



Phone chu ka dah hmak a, Awle, George i han in chingfel vat vat teh ang hmiang...



____________________________
ZOTHANTLUANGA's POV

Hlutei chuan ka mit hupin ka kal na tur chu ka beng bul ah min lo hrilh ru sa sa a, engtak min tihpui dawn ni maw, tih pah in min hrilh dan ang chuan ka ti zel a


Khai a!!! Ka awih lo zawk, Pate Carter-a te chuan surprise party min lo throw sak reng mai hi a lo ni a.




Room chhung ah chuan cake nen min lo nghak thap mai, ka va vannei chungchuang tak eemm...


Kan lawm zawh chuan present ṭha tak tak ka dawn te chu ka pawm ṭun a, Anil-a nen chuan kan in lam panin kan phei chhat bawk a.



"Tluanga, ka lawmpui a che, i hmangaih ber i nghak chhuak ta" Anil chuan a ti a



"Nangpawh, kan vannei ve ve, eng nge i accident na hliam te chu a an tawh?" ka lo ti let ve vat a



"Hei, i hmuh ang hian a dam tawh lutuk, ka damdawi mumlian hi a chak khawp a" fiamthu ti tak deuh chuan a han ti a, a nui pah huah huah bawk..



Ka lo awh em em ṭhin Anil-a te angin tunah chuan ka hmangaih ber ka ta la ni pumhlum lo mah se, ka ta a ni ta..


Kan in kan thlen hnu chuan kan in thlak a, mut kan tum ve ta a.



Mu tur chuan kan in peih ap tawh a, ka phone chu a rawn vibrate zuai a, ka en nak chuan Hlutei message a lo awm kuau mai



"Sweet dreams my Prince " tih hi ni a, ka nui suk a




"Sweet dreams my Princess" ka han ti leh ve a



Chutah min lo call nghal vat, call pawh rang mangkheng hian ka pick up vat a


"Hello"

"Tluang" a aw ki chu a dang kher mai


"Umm, Hlute" ka lo ti ve leh vat


"Ih maw, naktukah George-a'n inhmu turin min sawm a,ṭha deuha min thlah a duh a tia" a inthlahrun hmel khawp mai a



"Aw, a ṭha lutuk alawm, kal rawh" ka lo ti ve leh


"Umm, hmelma a in chhuah hi ka duhlo a, in sawi fel ngei hi ṭha ka ti" a ti deuh hmuk a


"Ni e, hmelma a inchhuah hi chu a ṭha lo, kalpui i duh em?"


"Ngailo, ka chingfel thei maiin ka ring, ka haw dawn ah min lo lam la"



"Yessi" ka lo ti ve leh vat



"Anih muttui aw, naktuk chu kan walk lo mai dawn ami,kan ṭhiante an awm ve ve sia, kan awm loh daih chuan nuam an ti lo palh ang" a rawn ti ban chap


"Nia, i thu thu" ka lo ti let ve vat



"Awle, awle, mu tawh ang aw"


"Awle, muttui aw"


"Ummm, ka dah aw" tih pah chuan a phone chu a dah a



Hlutei chu George hian eng vanga hmu duh tlat nge anih le, ngaihdam dil a duh ani thei mai ang em?




Ni e, hmeichhe awm nen zawk laka kha tiang thil a tih avang khan ngaihdam a dil ngei tur a ni dawn lom ni?




A dil lo a, a hnu leh a awm a nih vaih erawh zawngin, kei, Zothantluanga hian ka la dil tir ngei dawn alawm.



____________________________
AADVIKA's POV


Ka ṭhiannu hian a pha lo, Tluanga a duh ve tak tak tawh, ka lawmpui takzet...



George erawh a thil tih avang khan ka ngei hluah hluah a ni mai,

Mu tura kan insiam zawh hnu chuan George-a hian Hlutei hi a rawn bia a, an inbiakna chu ka hre lem lo, an inbiak zawh chuan khum aṭangin a tho daih a, minute 5 emaw minute 10 vel hnu ah chuan a rawn mu leh a.




Kan mutthilh hnu chuan ka mumang ah hian Tluanga leh Hlutei hi ka lo hmu a.




Kan pali chuan vawiin lama kan len theih tak loh na hmun Adventure Park ah khan kan lo leng a...




Hlim em em maia kan lo len lai hian Hlutei hnung aṭang hian tu tih hriat loh mi pahnih hian Hlutei chu an man thut a.





Mak tak maiin kan bula awm kan bialpa te kha an lo bo daih, hmuh tur an awm tawhlo.... Khawiah nge an daih kal le....




Kei chiah chu ka bang tawh a, ka dinna hmun pawh park alo ni tawh miah lo, ramngaw pilril tak ah hian ka lo awm daih mai, mak tak a ni...




Chu ramngaw pil ril tak karah chuan ka kal zel a, ka hma ah hian in te tak te,hkui leh ram chhe zet tawh hi a lo awm a.





Chu in ka luh nak chuan Hlutei chu ni khaw hrelo in khum ah a lo mu bam mai, a kiang ah chuan George hi a lo ding bawk a.




George chuan Malsawmhlui chu khawichhiat a lo tum mek chu niin, George chuan Hlutei chu a hnaih tial tial a, a kut chuan Hlutei hmai khuh tu sam chu a han tih kian sak a, a hmai chu a kut te chuan a han zut vel a.




"GEORGE, duh tawk rawh, i kal thui mah mah tawh" tiin ka au vak a,



George chu hria ang pawh hian a lang lo reng reng, a kun hnai tial tial a, a mitmeng ah khan hmangaihna chu sawi loh, nawmsip bawl duhna, huatna leh tisa châkna bak ka hmu lo.





Hlutei chu a khawih chhe dawn tak ngial, ka venghim ngei tur a ni.




"George duhtawk rawh, Hlute tho rawh" ka ti chul a



Tu mah mah chu hria ang pawhin an lang lo, ka mang a ang tawh takzet...





"Aadvika, Aaddu" Hlutei chu min lo sawi vak vak a




Ka mumang aṭang chuan kaithawh in ka awm ta...




"Malsawmhlu, Hlute,nangmah i ni tiraw, ka mumang ani maw" ka va lawm tak em ka mumang a lo ni hlauh.





"Um, keimah i ṭhiannu Malsawmhlui ngei ka ni e" nui var var hian a lo ti a




A hnung ah chuan George-a bawk chu ka lo hmu ve leh a, a mit sen rum hian min lo melh khui a




George chuan Hlutei hmui chu rawmawl hian a rawn hup thut a, ka hmuchiang lutuk



Hlutei chu a zal riai riai a, a chechang tawh lo re re, George chu ka mumang ami a thiltih ang kha tih a tum ngei dawnin ka hriat avang chuan ka lo dang bet nasa, mahse a sawt silo.




Min nam dawrh a, khum aṭang chuan ka tla thla tawp,


"George ti suh, ti miah suh" tih pah chuan ka theihtawp chhuah in khum ah chuan ka han lawn kai leh a


"Lo in rawlh ve lo la ani mai, a thil tih man hi ka hmuh tir dawn a ni" a ti khur khur mai a



"George a duhtawk rawh, khawngaih takin duhtawk hram teh" ka ngen lawm lawm a, hria ang pawhin a awm lo.




Ka mumang a a thil tih ang bawk chu tih a tum leh a, tun ṭum chu ka dang tawh ngei ngei ang mawle...



Khum bula electric khawnvar chu ka chuh vat a, George-a lu ah chuan ka vaw ta chawrh a, a thi hnuang mai, a lu a hai a nih ka ring, a meng pual pawp pawp a, a tlu ta thlawp a...




"Malsawmhlu, harh teh, mawh, harh rawh" ka thiannu ni khaw hrelo a mu chu kai harh tumin ka sawi nawk nawk a, a harh thei chuang lo"



"Malsawmhlu khawngaihin khawngaih takin harh teh" a la che chang chuang lo, thi ang mai hian a che miah bawk silo, ka mittui a a tling pam tawh, ka sawi leh dat dat hnu pawhin a harh thei chuang bawksilo, ka mangang lutuk chu ka ṭap ta vak a....





"Addu, Aadvika, i harh em" ka hmai ah chuan Hlutei chuan min lo beng vak vak a, ka harh chiang lutuk tlat



Ka mumang lek a lo ni maw, ka harh chu ka chau ngawih ngawih, ka kut leh ke te a mu vek a, ka lo thlan vek bawk.



"Malsawmhlu, nangmah i ni tiraw" a hmai te chu ka han khawih vel a



"Umm, keimah i ṭhiannu Malsawmhlui ngei kha ka ni e" nui sang hian a lo ti ve leh a



Ka mumang ang chiah kha a ni...


"Min ko vak vak a, min sawi nasa nasa bawk si,i la ṭap zui, ka harh vek alawm, enge i mumangah chuan i hmuh a, kha tui hi in rawh, i harh hawk mai ang" hlauthawng hmel zet hian a lo ti a



"Ka lawm e" tui ka in zawh chuan ka ti a



"Min hrilh teh le, eng nge i mumangah chuan i hmuh a"



Ka mumang chu ka hrilh a, George hnaih lo tur chuan ka ti chamchi bawk




"Hlauthawng suh, ka hnaih tawh dawn hleinem, bakah chutiang ti duh tur khawp a sual a ni lo ang, i mumang mai mai anih chu, mu leh tawh rawh" Hlutei chuan min hnem pah chuan a han ti a



George hetiang ti duh tur khawpa sual chu i nih bik ka ring lo, chuan Tluanga leh Hlutei in kar ah tlak zeh lo tum buai duh suh ang che, a chhan chu kei hian ka theih tawpin ka venghim dawn a ni...



____________________________
GEORGE's POV


Malsawmhlu, min peh hel reng theih hi inring ngai suh ang che...


Ka ruahmanna anga thil a kal tluan chuan kei hian ka ta ah ka siam thuai dawn che, zawng hmelchhepa kha chu duh lo sateh mah la i ṭhen a ngai dawn tho tho....




Ka neih loh che chuan tuman an nei dawn bik hauh lo che, kei hian ka phal hauh lo ang..




Chuan kan inkar a lo lang apiang chu ka thianfai hmak hmak tawh ang.




Tumah kan inkar ah an in rawlh ka phal dawn lo, kan in zawmna hi awlsam taka ka chhutchah duh mai mai ring suh.





Timothee Wilmoth-a fapa George Wilmoth-a ka nih hi, tuman ka kawng an dal ngai lo, ka dal tir ngai hek lo tih hria ang che....



_______________💠END OF EPISODE-16💠______________



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)