SU CHIKA CHAPTER-26

Episode kal lai dah luhna

Moderator: writers

Nutty girl
Posts: 209
Joined: May 2nd, 2020, 11:28 pm

SU CHIKA CHAPTER-26

Unread post by Nutty girl » May 27th, 2020, 11:29 am

🐼 *SU CHIKA* 🐼




🐼 NUTTY GIRL 🐼




CHAPTER-26




NUNSANGI POV.



Nizanah mut pawh ka mumang lo,U Mama an zawng nasa lutuk,a thiante tumah an be pawp thei lo bawk nen,an buai char char khawp mai.Dar 2 velah an beidawngin mut an rawt tawp,chu tah pawh an muhil thei kher lo ang tih vel a ni.Tho hmain eirawngte ka bawl,kan upa ber pawh vawiinah a rawn haw dawn.Boruak a ni luk lo deuh ang chu.



Chaw pawh ei loin ka insiam nghal.Inchung atang a ka chhuk chu ka pa chuan min ko.Nizan a thil thlen hnu kha vawikhat pawh kan la inbe lo.Thu tura min hrilh chuan ka thu thla ve nghal mai.



"In Principal in min lo call a,"ka thut thlak velah chuan a rawn ti thum chhurh."In Sir nen in inkarah eng pawh awm se titawp la that zawk ka ring,vawiinah office a kal turin min ko,i hlimn kan duh ber rualin hetiang in zirtirtu kher chu a theih loh ang,chuan nizana thil thleng kha chu..."a sawi zawh hma chuan ka pawt chat vat.



"A ho lutuk, theihnghilh a tha zawk,"tiin ka tho hluai,ka chhuak nghal nal nal.Nu leh pate hi chuan an fate an thil tihsual ngeiah pawh an tih a ni lovang tiin an sawi thin,ka nu leh pa erawh chuan ka tih a nih an ring nghet hmiah a nih hi.
Ka tih a nih loh thu sawi chu ka chak lutuk mahse an rilru lo tih hah belh leh kha ka duh lo.
An sawi ang ang hian awm tawp mai ang.



School ka thlen chuan min en hre hre hlawm.Rinpuia nen kan in tawk,ka bul a thlen chuan a ding dat mahse keimah min en hauh lo..Ka hnung lam ka hawi chuan Ruthi hi a lo ding ve reng.Rinpuia chuan min kal pel nghal bawk.Huii...engnge maw ka la beisei reng ni.




Classroom a ka luh chuan ka thiante chu an lo indah fel vek tawh."In tho a a ni lo maw,in va hma ve,"hlim thei ber anga awm luiin ka nui ver ver.An bul ka thlen pawh chuan min en ngawt ngawt ringawt.Ka hlim loh zia an hria pawh a ni mahna le..



Classah pawh chuan rilru ka pe thei lo.Ka chhungten Principal an hmu dawn,engtin nge min tih ang.Third period ah chuan Miss Baby-in min lo ko ta.Rilru hah sa nak a laia he Ramhuaipitar kher hi tinge min lo koh tir kher thin?Mei nei tak takin a tawng leh char char.



Office kawtah chuan ka ding deuh vang vang.Luh ka dil chuan min lo chhang vat,thu turin min hrilh leh ta nghal bal bawk."He thilah kan school dan i bawh chhiat avangin hnawhchhuah theih i ni,"a rawn ti chang fak.



"Mahse nang hi school dan bawh chhiat vanga
hnawhchhuah i nih chuan in Sir pawh kha hnawhchhuah a ngai ang."a tih chuan lu ka thing vat."Kha thil kha engmah tih ka nei lo, naupang leh zirtirtu in ngaihzawn khap a ni mahse kan in ngaizawng lo,thil dik lo chu kha thlalak post chiah kha a ni.Tuar a ngai a nih chuan ka tuar ang sir erawh chuan in hnam hnawihna engmah a nei lo".




"Mahsela min hnawt chhhak thei lo hrim hrim a chutiang bawkin hremna pawh.He school dan hi pakhat mah bawhchhiat ka nei miau lo.I fapa ah Sir Joseph-a nen in kungkaihna kan nei lo a.Thlalak kha ka thehdarh a ni hek lo.Ka diknaah hian ka tang ve tlat tawh dawn,ka tih ni miah lo chu tuar mai mai ka tum tawh lo,"ka ti ve ta siah.



"Hah..kha thu kha in Sir pawhin a sawi chiah,i tih a nih loh zia kha.Ka fapa hnen atang in i karah engmah a awm lo tih ka hre bawk,i thusawi atang pawh khan i mizia awm ka hre mai e.Ka fapa in a rin tlat nachhan pawh a ni reng bawk a.Chance ka pe ang che mahse fimkhur tawh ang che u,i dik zia min hmuhtir ngei bawk ang che,"ka rin aiin a fel daih.Lawm thu sawiin ka chhuak nghal vut.



Engtin nge ka tih a nih loh zia ka lan tir ang tih mawlh chu ka ngaihtuah char char.Thudik chu a tawpah a lang chhak nge nge an tih kha a,a la lang chhuak hrim hrim.School lamah chuan buaina a awm lutuk tawh lo,mi min melh hrek hrekna hi chu a tuar theih em em ang.



"Principal chuan chu ti chuan a ti maw?a hmel a nelawm loh nen ka rin aiin a van fel",Principal nena kan inbiakna ka hrilh chuan Lizz chuan a ti vat.Ka bu ngauh ngauh. Principal hi Sir Joseph-a pa a ni tih ka la hrilh duh lo.




"Tha maw?"Msa chuan kan bul a lo thlen chuan ka bulah a rawn ti sup."Tehreng mai.. that loh lai ka nei mi?kei chu ka tha reng,"ka tih chuan a nui hawk hawk.Rinpuia leh Ruthi chuan min lo kal pel,Rinpuia chungchang a sawi zui lo chu ka lawm hle.



Ina haw pawh ka phur lem lo khawp mai.U Mama a lo haw tawh a ngem le aw,kan thianho chuan kan ti ti baarh barh hlawm mahse ka rilru erawh hmun dangah a awm daih si.In ka luh hma chuan kan in chu ka en vang vang,hreh tak chungin ka lut.



Ka pa tih loh chu an lo awm vek.U Mama pawh an accident na a ni mahna a a kut leh hmai pawh a khem nuai mai.An lo tawng sep sep,kawngkhar ka hawn rik chuan an lo hawi thap.In chungah ka chho nghal daih.




Ka in thlak mawlh mawlh lai chuan ka u a lo lut. "Thil thleng ka nuin min hrilh a,"ka thil tih lai ka chawl dat mahse ka tihzawm leh nghal."Tinge i tih a nih loh thu pawh i sawi miah loh,in sir nen in inkarah engmah a awm lo tih ka hria,chu thil chu sawi mai tur che lawm."Ka la ngawi reng tho.



"Hey....ka nau ka zin chhungin i lo va inthlak nasa hman ve,"ka dara lo chuan a ti."Hey,chiang deuhin han sawi teh le,"ka ngawih char char vang chuan a ti.Dik tak chuan inchhungah a naupang ber ka nih angin duat pawh min duat.Chuvang a ni mahna ka rilru a no tlat bik.




"I tap ringawt dawn law,"nui vur vur chung hian a rawn ti leh."Ka tap bawk lo e aw,engnge tuman min ring lo a nih kha,ka nuin a hrilh che chuan nang chuan ka tih a nih i ring lo nghal a.Nizanah te chuan thu chiang pawh sawi hmain ka pa in min beng nghal.ringawt a nih kha,"ka sawi zawng chuan ka mittui a parawl kuang mai.



"Ka pa chuan a naute duat kut a lo thlak a maw?kan hau hrep dawn nia.Khatiang a mualpho taka i awm a hlauh vang aniang bakah Mama vangin a rilru a hahte pawh aniang."



"A ni bawk lo aw...biak pawh ka be tawh dawn lo hrim hrim,thudik a nih leh nih loh pawh min zawt reng reng hleinem."ka tap lo chauh tawh.



"Ehe...kan naui chu a lo chhe leh per pur tawh a law?"U Mama chu kawngkhar bulah a lo ding reng."Kal mai teh ka tap bawk lo aw,bo pawh bo tawh reng reng suh ang che,"ka tih hlar chuan lu thing chung hian a nui suk.A chhuk leh nghal daih.



Ka pa lo haw chuan chaw ei an rawt vat.Kan thut khawm laih chuan nidang ang lo takin kan ngawi thuap mai.Boruak tih zia awm nan tiin ka u chuan a zinna chung chang a sawi bawrh bawrh.Kei leh U Mama chu kan ngawi run.Ka la lungawi zo chuang lo.



Chaw ei kham chuan tumah pawh be lem loin inchungah ka chho nghal hmak.La lungawi lo mahila tlemin ka thawveng deuh huai tawh.Room kawng khar chu a lo ri khep ka pa chu a lo lut.Ka hawi sawn nghal hmak.



"Ka naute duat hi a va titau rei tawh ve,"a tih pawh chuan melh pawh ka melh duh lo."Ka tih palh aw,ka rilru a hah vang a ni pakhata",a tih chuan ka lungawi leh nghal vek tawh mahse ka la titau der dawn.Ka la ngawi char char.



"Le...ka fanu duat chu a titau tawh lo tiro?"a rawn tih leh chuan tum bur hian a lam ka haw.
"I sual em aa nih kha aw .."ka tih chuan a nui hawk hawk."Min ngaidam tawh em?"a tih chuan ka lu ka thing vak vak."Pawisa min pe phawt la," ka ti leh chhaks.Naktuk chu in tihthawven nan bazar ka duh.Pawisa pawh min ve mai.



Kan na a nih pawn kan natna te kan hriatreng chhung chu kan la na reng dawn tho tho.Chuvangin theihnghilh tum te hi a tha.Bakah chhungte lakah chuan lungawiloh rei theih chuang loh.



Ka pa ka room atang a chhuah chuan a tlai tawh lutuk.Thil thlen dan zawng zawng min zawt a ka hrilh vek,a hmel en khan a rilru a na tih a hriat.A fanu midangin dawt a an puh a an sawi sep sep tur a ngai ngam lo a mahna le.



Ka thiante bulah chuan naktuk tlaia bazara kal turin ka sawm.An lo pawm ve thlap.Zan danga ka tih thin ang bawkin ka phone gallery ka en kual.Rinpuia nen a kan thlalak chu ka en vang vang.He pa ber hian rilru a ti na ngawih ngawih.




#############



Schoola banah chuan kan sawi lawk angin thawmhnaw lei turin kan kal. "Ehe,Rinpuia thiannu kha i ni tiro?",thawmhnaw dawr thar a kan luh chuan nu pakhat hian a lo ti vat.Ka hmuh hnu a ang tawp,ni dawn tak Rinpuia nu a ni.


"E aw ni,in dam tha maw?"ka ti ve ta ringawt. Kan in biak kan inbiak hnu chuan U Jessi leh U Jenny an lo lut hlawl.


"Ehe...kan monu hual chu,i van lo leng khat em em,"pakhat zawk chuan a rawn ti.Ka la hre hrang thei lo reng reng.An monu hual ka nih loh zia an hre lo mawni le,ka nui ta ringawt."Ehe.. tunlai hi i in hau a ni maw? Rinpuia pawh tunlai chu a thinchhe thei rapthlak,a bialnu hmasa ber i nia hriatthiam te hi angai ve thei ania,"pakhat zawk chuan a rawn ti leh.An ti ti barh barh reng.




An dawr atang kan chhuah chuan tlai tawh tak a ni."A mak e Rinpuia hi ka hrethiam thlawt lo.Ns thil hi a lan dan ringawt a ni thin lo ania,a hm pawh Ruthi khan amah an duh thu te a sawi vak vak a mahse an ni chuan nangmah hi a bialnu emaw an la tih char char tho che kha,Ruthi hian game a khel mai mai a ni lo maw?"Lizz chuan a rawn tih chuan ka ngaihtuahna a buai khawp.



Mahse a bula ka awm chuan ka hlim lutuk mahse na tak bakin kan in siam tawn lo ve ve.A thusawi chu ngaihven viau angin ka lang duh lo mahse ka ngaihtuah zui char char.






A KIANGA AWM CHUAN KA HLIM A LAWM MAHSE HENG NATNA KEN TEL NEN HI CHUAN A HARSA VE THIN SI A ~LEJANO




IG:love.lejano.6



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)