BY ESI TAYLOR
Min ngaihthu a sawi a maw?
"Umm" ti sap in ka buk khum nghut a
"Lawk baby! " ka ding leh chawt
"Ka lo bia ang che aw" ngenngawl zet a atih chuan, ka mittui a tling nghal piau, he misual Tommy hian min ti chaklo zo vek tawh
"Ummm"
"Ummm chho rawh, keimah vangin i rilru tina suh aw.. Chuan.... Min ring tiraw? " ka rin ngam loh vang zawk a kalsan tur ka ni tih a hrelo, amah ka en chuan a thusawi ka awih leh vek anga ka thuthluk na siam ngei pawh ka bawhchhe thei mai ang.
"Min ring rawh aw"
Amah en duh lovin ka bu nghut a, "haw phawt rawh Tomm"
"Ummm chho rawh ka lo en ang che" chhang tawh lovin ka chhoh san a, ka inkhai bawr em vang nge ka khurh ruk dar dar vang zawk ka kal chak theilo.
Tommy kha ka duh ka duh takzet, mahse hetiang emem a na hi chu tawrh ka duh tawh lo, amah kha ka ring ngam lo nakin ah buaina dang awmin minlo bum reng thei a, kan inthen hun a lo la thleng leh ngei bawk ang, chutih hun ah chuan tun aia nasa in ka na bawk ang. Chuvang in tun hun hi a awlsam lai ber a ni.
Awlsam lai ber pawh hian a van harsa em!!
"I tha maw? " pindan a ka lut chu Zamzamin ka thil khai ho min laksak nghal thuai thuai a,
"Ka tha lo in ka hria" ti bah nawk in khum lam ka pan a ka bawk nghal thlawp,
"Ngatinge enge a sawi" ka bul ah arawn thu hniam a, ka mittui tling piau chu ahmuh ka hlauh avangin lehlam ka hawisan daih bawk
"Amah ring tur in min ti , ka duh alawm mahse Zam ka thei lo, ka ring lo" ka tahchhuah mai loh nan ka heh ka pet fan fan a
"Ummm.... Inngaihtuahna hun tam tak ila nei alawm mu phawt rawh" puan min sin tir mawlh mawlh lai pawn ka rilru ah Tommy bak a awm lo
Tommy chu ka unblock ngei a, mahse ka rilru a nem leh mai ka hlauh avangin ka be ngam miau lo ka phone ka switch off ngawt bawk.
Inthlak lovin ka mu tlang a, muhil lo mahila ka muhil der tawp thung
"Ummm"
"Lawk aw a muhil in ka hria" Zamzami ka mutna bul a rawn kal pawh chu ka hre reng ka maimitchhing tlat
"A muhil a, naktuk ah be mai la"
"Ummm
"Aw a tha ee"
"A nih le" phone a a biak chu tudang nilovin Tommy tih pawh ka hria, ka chanchin ngaihven a Zamzami a rawn call te chu ka thinlung tak chuan ka lawm ru veng veng a, mahse kan inkar tihtawp a tul in ka hre bawk.
.........
"Hey tho teh aw" Zamzami chu ka sawi nawk nawk a, hma zet ah tho in ka inbual vek tawh!
"Ehe! " ti hliaiiin a rawn tho chhuak a
"Inkhawm kan tlai ange tho vatteh" nui var var chungin ka pawttho lawp a,
"Nanghi i tha maw i cry char char ang chu ka tia"
"Tha eee... Bialpa then vangin ka thi duh bik hleinem" nizan ah Tommy vangin ka tap char char tawh a, tah ka tum leh tawh lo hrim hrim.
"Isabella dik tak kha a lo let aniang" ti hluai in washroom a pan nghal zat a. Nia ka na reng a lawm, mahse na lo anga lan ka duh, Tommy nen a kan inkar pawh ka ti tawp chiang fak bawk.
.........
Inkhawm tur in kan chhuak a, khua lah chu a tha emem lehnghal, ka mood in a zir viau vang nge inkhawm laiin ka muthlu miah lo tluan thak.
"Haw nghal ang khaw awm dan hian mut a chawh" Zamzami chu a nui hak a, Jimm kan hmuh palh ka hlau ru viau bawk, chuvanga haw rawt nghal chung chung pawh ka ni reng.
"Tommy chu!"
"Ka then tawh lawm"
"I ti tak tak maw"
"Umm min en la ti tak tak lo hmel ka pu mi?"
"Anih single lawm ila eitur lei teuh ang" kan nui nghal hawk hawk mai.
....
Tommy chu hostel gate bul ah a lo ding run a, min hmuh rualin a nui tawi tak "hey call i chhang lo a" zawi zet hian a ti sup a, heta alo kal chu ka ngei viau a, mahse a call tal kha lo chhang ila a lo kal lo mai tur.
"Nia ka inkhawm a"
"Ummm enge in tih leh dawn?"
"Aaa... Assignment tihtur ka ngah lutuk a" thawven hmel zet in ka ti hliai a, engmah sawilovin Zamzami lah in min chhoh san leh nul nul anih chu.
"I la thinrim reng a mi?" Ka thaw nghal hak! Thinrim.mai nilo in kan inthen tihte hi a hrelo nge ni?
"Tomm ka sawi tawh kha, kan inthen nilo ka then tawh che.. Chuvangin ka thinrim tawhlo kal rawh" chhoh san ka tum chu min pawt let nawk a, ka te nghal that
"Enge a" ti nghek in ka hawikual nghal ruai a , miin min hmuh ka hlauh zia chu
Ka awm dan ngaipawimawh lo zet in a lam ah min pawt hnai dawrh a, hmai in si lek lek in min en a nih chu
"Ka then ve lo che.. Kan inkar nangmah in i ti tawp ngawt theilo aw"
Ka thaw a tawp mai dawn in ka hria!!
"Ehemmmm.!!" Hmeichhe nui hak hak ri kan hriat avangin rang lutuk in ka tawlh sawn nghal dawrh a, Biaki ,Sawmtei leh Umahruaii inkhawm bang gate ah anlo ding a, ka zak lutukk.. Anni lah chu min chhaih pahin an nui thaw hlawm lehnghal a.
"Inlo haw maw? " ka ti hliaia, Tommy nen khan kan hmai a insi lo chauh bawk si, kan infawp emaw an ti ngei ngei ang
"Yeass... Tomm lo leng la" Biaki chuan an ti leh nghal zat bawk a
"A haw dawn chiah a, chho ang u, Tommy bye" hmanhmawh zet in step ah ka chhoh pui nghal hlawk hlawk a, Tommy chu ka enlet duh tawh lo hrim hrim.
"Chhun pachang ah pawh anuam awm bik" Sawmteina ti lang lang a, ka biang a sa vek thei!! Kan infawp emaw an ti chiang lutuk!
"Nawmhmel intih chuan nei ve ru" kan ti thla ngawt a, an nuih ka ti za zual zawk.
......
Khum ah Zamzami nen kan mu dun ar ar a, Mama thlalak ka neih ang ang kan en dun a, heti em em a avei hi a mak zawk
"Bialnu nei miah suh ang che keiman tha tawk ka hual sak che" Mama ka han thawn hmiah, keiman ka hriatchian emem fel ka tih ve thlawt nu hi Mama tan ka duh ber ve miau hek.
"
â deuh ka duh lo aw" ti hian min rawn reply, Zamzami hrilh lovin ka nui nghal hak hak a, Zamzami hi hmeichhe â a nilo, a fing a, a smart a, lehkha a thiam bawk, ka confi ve emai!! Kawngka an rawn kik avangin "lo lut rawh" ka ti nghal vat a, kan mut dan ngaiin kan la mu reng tho
"Hey tu emaw bialpa a rawn kal! " Sawmtein a rawn ti lang lang, ka thu chhuak nghal zawt
"Tumaw? "
"I bialpa chhelo zet kha" nui ar ar in a chhuak zui leh zat a, a haw reng sia ngatinge a rawn let leh? Nge a haw lo zawk avan buaithlak tak!
"Zam nangmah va chhuak la a muhil minlo ti teh"
"Va kal. Maimai rawh a rawn lang sek tho ang".
"Naaaa"
"A duh tak tak che niang a rawn lang peih emai"
"Ti khan sawi lo teh mi mah rilru siam fel a har nen nen aw" ka ti nghal chiam
"Va kal rawh Biaki te ho in an lo kawm nasa dawn ania"
"Lo kal ve tal rawh"
"Huizzz nangmah in va kal rawh"
"Rawn tho rawh" tih pahin ka pawttho nghal lawp, a rak nghal that a "i lo kal loh chuan aw ka be tawh lo ang che"
"I van ninawm reuh tak" ti hluk chungin a sam a tuai mam nghal sawk sawk a, min kai chhuak nghal dawr dawr anih chu.
Kitchen ah an vai maiin an lo awm thap, (kan floor a room nei ho bik ka sawina) min hmuh rualin a rawn nui suk a, ka nuih let ve duhlo.
"Hey chhun ah i mu reng zel a mi" Jimmy aw ka hria chu ka hawi a nghal hu, an pahnih in an rawn kal a maw
"Enge in rawn tih a? "
"Aww... Anlo leng ve nimai lawm" Biakin a rawn ti lang lang a, engtik lai atang khan nge anlo nel tak emem pawh ka hrelo.
"Hostel neitu in kan hostel kan lo tlawh a" Jimm chu a nui sang a
"Maw? " ka ti nghal nghek.
Nia, kan warden hi an ni ani miau a, an ta ve tho chu ani reng alawm.
"Eitur kan rawn keng a, ei ho ang u kan ti" Jimm bawk, Tomm thung chuan min en ngur thung, ka awm a ti nuamlo leh vek tawh
Umahruaii ho vin thingpui an lum a, cheese cake tam zet an rawn keng a nihhmel.
Tommy bul ah thu duh lovin a hlat thei ang ber ah ka thu a, ngatinge a rawn in lan chhen ka hrethiam theilo.
Midang ho chu an tawng lawng lawng reng a, an nui a, an hlim ve thlawt.
Kan eizawh hnu reilo te ah haw an rawt ta thuai a, ka thaw nghal hak.
"Ka unaupa hi thinrim khum rei lutuk suh aw, a buai vek ania" Jimman an haw dawn in min hrilhru su su kha a nia. Keihian ka tih buai aia nasa in aman min tibuai daihzawk sia. Chapona ka la neihve te hmachhuan ve tang tang in then ka tum ve hram hram a.
Zan ah Jimman min rawn call ngat ngat chu chhang duh lovin ka reject hmak hmak a, a message erawh a rul tawk te te in ka chhang ve zel.
"Mate Tommy hian a duh ve tak tak che a nih ka ring, mipa induh tawk tak khan a rawn buaipui char char che a" Zamzamina tih chuan
"Ka hrethiam biklo " ka ti zuai raih.
................
Tomma min hruai tur a arawn kal hma in class kaltur in kan chhuak a, kal hma vet vet tak kan ni. Nakin zel chu ka hre lo a, tun ah hi chuan pehhel hram hram ka duh.
Kan thlen chuan kal mang pawh anla awm lo, ka kal hma ber tum ani hial ang chu.
Phone ah games ka khel a, Zamzami lah Zualtei nen lehkhabu buai in an buai dun bawk a,
"Minlo kalsan daih a" kan class a arawn luh lai reng reng ka hrelo
"Nia kan hmanhmawh a" amah pawh en lovin games ka khelh zawm char char
"Baby".
"Tikhan mi awmlaiin min ko suh" kan class ah chuan mi3 chauh an la awm
"Tuman an hrelo" tihpahin ka bul ah a rawn thu thla a, ka melh nghal kawk
"Nangmah vang ka game over" ka ti hluk a, a nui ri hawk anih chu
"Thinrim tawhlo la, mi thlem hi ka la ti ngailo a, ka thiamlo lutuk hreawm ka ti nia"
"Tomm"
"Umm baby"
"Tikhan min ko suh"
"Aih ka kâ ania ka thu thu" angaihna hrelovin ka melh tawp
"I thinrim a reh hma chuan ka thlem char char ang che, kan inkar tihtawp kha chu sawi pawh sawi tawh suh" engemaw a hriat ni? Hetiang emem a dawhthei hi ani tak tak reng em? Amah nen pawh hian a inmil thlawt lo.
"Tomm"
"Inthen tihloh engpawh sawi rawh" ka melh tlawk tlawk ringawt, engtin nge ka tih anga?
Zamzami leh Zualtei an rawn lut a, kan thutna bul an rawn thlen in Tommy chu a ding nghal hluai.
"Zam in pathum hian chhun ah ka treat ang che u" hepa hi enge ahriat a!!
"Tak tak maw? " Zualtein phur hmel zet in a rawn ti nghal hliai a
"Tak tak, lo in hrek riltam ula" min en chung in a nui leh suk a, min be leh tawh lovin a chhuak nghal daih bawk.
Zualtei phur lutuk chu a khek nghal raih a, "Tommy nui kha ka vawikhat hmuhna, ka rin ai daihin a fel hmel" a ti zui nghal char char. Kei erawh ka bangbo ngawih ngawih!!
Luch ei a hun chuan a intiam ang in kan class ah Tommy bak ah Jimmy an rawn lut a, kan class a awm ve zawng zawng in min ngaihven nghal thup.
Hnial tlat theih nibik hek lo kan inzui chhuak a, Tommy hlat thei ang ber in ka kal lui hram hram, ka awm dan chuan a nuih a ti za nge min nuih suk suk reng lehnghal a.
Canteen ah kan lut a, college ah hian canteen panga lai a awm ve a, mahse college lian tak kan nih ve bawk avang hian an awl hman meuh lo, college pawn lam a thil ei engemaw zat hi an awm reng bawk.
Tommy bul a thut ka duh miau loh avangin Jimma bul ah ka thu lui hram a, Zamzami min signal ruk char char na pawh ka ngai pawimawh duhlo.
Tommy chu ka hma zawn chiah ah a thu a, engthleng nge min umzui hi a peih tehreng tih pawh hriat a chakawm a lawm?
Eitur kan chah fel chiah tih ah Irenei leh F-i an rawn lut a, ka awm anuam lo nghal vek.
Kan thutna an rawn pan ve nghal chat anih chu!!..
"Kan lo thu ve" Irenein a rawn ti nghal zat, Tommy chu ka melh zawk a, hnial tur innka duh ngawih ngawih
"Inva leng awm lo ve" a ti nghut a, ka thaw nghal hak!!! A hnial ngam lo tihna!!
"Table hi kan rawn zawm mai ang" tih pahin kan piah a mipa thu ho chu table a rawn zawn tir leh nghal zat anih chu!!
Tommy sir ah thutna a rawn dah belh a, Tommy si chat in a rawn thu thla ve nghal zat! Nuam lo tih hmel zet hian F-i pawh Irenei bul ah a rawn thu a, Ka awmdan chu ka sawifiah thiamlo, ka na tih ka duh lo a mahse ka hmuh lai ngei a an thu dun hmuh chu lo dawnsawn dan tur mai ka hrelo.
Engmah hrethiam velo Zualtei chu nuam ti zet in a tawng siam siam reng a a awm ve chu lawmawm ka ti letling hial mai.
Eitur a rawn thleng a, ka hma a mi te pahnih chu en duh lovin ka ei nghal mawlh mawlh a, a tui leh tui loh pawh ka hrethiam lo.
"Tomm ka pa in hmuh leh che a duh a" Irene in a tih te chu ka beng ah a ri lut rum rum a, hetianga ka nat thin vang hian lawm hepa hi hnaih ka duh loh emem ni.
Zamzami pawn Zualtei tawng a zawm ve leh zauh tihloh chu a tawng biklo.
"Isabella kan van inhmu khat ve" Irenei chu ka melh kawk a, intihtheih hmel zet in min nuih sawng, a der pawn ka nui lui ve thei thlawt lo
"I ei tui vak lo ami? " Tomm an min ngaihtuah hmel zet a arawn tih te chuan ben hrep emaw tah khum chiam emaw ka chak.
"Tui e" ka ti hmuk a,
"A dang chah leh mai la.. Enge i duh" rum zet hian ka melh a, abul ah intitatu zet a thu Irenei awm lai a engmah thleng lo ang mai a a awm te chu rapthlak ka ti ngawih ngawih.
"Nia a dang chah leh rawh, kan bul ah chuan tawng ve bawrh bawrh rawh aw" Irenei bawk, ka malchung a ka kut dah chu ka hum ruh nghek a,
"Zamzam ka phone kha i ak tiraw? " Zamzami ka melh a
"Ahhh.. Awww.. ". A rawn ti bah nak, hemi te pahnih hian min be tawh lo se chu chu ka duh animai.
"I tha maw? " ka beng bul ah Jimman arawn ti ru sup a, ka inhumruh lutuk chu min hmu ani ngei ang
"Tha e" ti sap in ka nui lui sang a, rilru na tak anga lan ka duh reng reng lo.
"Isabella F-i hi chu i hria ang tiraw? " Irenei bawk ka hria tih a hre reng, Tommy unaunu hmang hian a chungnun zia lantir a duh tih pawh ka hrethiam ,
"Tommy leh Jimmy hi chu ka hrechiang dun ve a, kan inkawm nasa in ka inpawh ve a, an sual vaih chuan min hrilh dawnnia... Tommy phei hi chu..."
Ka thil eilai ka hak lo chauh tawh, inthunun hram hram in ka nui lui sang a, nuam a ti sauh emaw tih mai tur
"Tomm vawiin tlai ah ka pa chu i rawn hmu hman angem?" Irenei bawk
"Hmanlo" arawn ti hmuk, a chhan dan chu ti hmuk mahse ka tan lawmna tur pakhatmah a awm lo, Tommy tawng dan pangai ve reng a ni.
"Naaa... E takin Isabella" ning zet in Irene i chu ka en a
"Kan inkawm fo angai maithei ania hetia Tomm leh Jimm ten an kawmngeih viau che chuan" a nuisawng chu ben hrep ka chak!! Mahse ka inthunun hram hram henu hma ah hian tlawm tak in ka awm dawnlo, ka na tih pawh a hre tur a nilo.
Ka kut chu ka humruh nghal nghek a, a ni aia nasa in a nui lui sang a
"Engtik ah nge in inneih dawn?" Pangai zet in ka ti chhuak sap
"Maw?" A rawn ti nghal hu
"Inneih maw?" Tommy pawn a rawn ti nghal vut
"Aww... In inneih tep tawh tih hmanni khan min hrilh sia, Tomm ka lawmpui dun che u" ka nui lui sang a, ka kut erawh ka hum thlan dap
"In innei dawn maw?" Zualtein phawk zet ina rawn ti chhuak a
"Dawnlo" Tomman a ti nghal hluk
"Irene i hian innei dawn tih hmanni khan min hrilh a, ka hresual a mi?" Irenei chu ka melh kar a, a hmel a buai nghal nak
"Kha kha maw englo" ati bah nawk a, a thusawi hriat chakin midang pawn an en nghal thap
"Enge awmzia!" Nelawm loh zet hian Tomman a rawn ti leh hmuk a
"Library a kan awmlaiin min hrilh kha , i hretawh lo mi? Takin F-i nangpawh i awm ve kha i la hria em? " min chhang lovin F-i nen an in melh zuk zuk a
"Chuvang ania nupui nei mai tur Tomm pawh hi kawm ka inthlahrun phah!! Mahse i phal te chuan ka lo la kawm thei leh si animaw?" Ka nui lui sang a, Jimm a rawn nui ri hawk a, Tomm hmel lan dan erawh a chang leh awl awl hle mai.
Tawngthei min ti in min ngei mahse pawi ka tilo, chapo na ka la nei ve!! Heng mi te hma a tlawm buai vel hi ka tum bik lo.
"Kan lo va kal ang, Tommy min treat a kan lawm hle mai" tihpahin ka ding nghal a, ka nui lui char char
"Nia Tommy kan lawm lutuk aw" Zualtein a rawn ti zat bawk.
Hnunglam hawi leh tawh lovin kan chhuak a, pawn ka thleng chu ka khur nasa hle tih ka hre ve chiah bawk.
(Current te innei lo ve em? Ka phone thi teuh lutuk, dah theih loh ka hlau sia... Hmanhmawh tawkin ka type a...keipawn a ngaihnawm ka ti vaklo.... In fel kha a der pawn angaihnawm ti ru awww
)