I LOVE YOU 24 HOURS CH-2

Episode kal lai dah luhna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

I LOVE YOU 24 HOURS CH-2

Unread post by Ngaia » May 28th, 2020, 8:22 pm

I LOVE YOU 24 HOURS CH-2

CHAPTER-2

Timothy a'n lungawi lo tak chung a, a haw san hnu chuan Eli chu haw ve mai ala tum lo a awm na ah chuan a thu tha leh te te a, zan thim hi atan chuan engtih na mah ani lo thi mahse a tan a nawm zawk a ring thin. A nu leh pa chu a ngai in a thlahlel em em renga, kum naupang te anih laiin apa in car accident ah a boral san hlauh maia, anu chuan rethei tak in a enkawl seilian ve zela. Amah chauha khawsak pui chu harsa atiin hrehawm pawh a ti thei hle, a hrisel na in alo tlin bawk si lo nen, pasal dang chu nei leh in ahma ai chuan an khawsak te pawh alo zia awm chho ve hret hret a.


An hlim viau dawn emaw tih laiin a pa hrawn chuan a duat lo tial tial a, a nu nen a an fa te pahnih mipa leh hmeichhia chu a duat bik in a duh sak bik thei hle thin. Eli chu mi tuar chhel tak a rilru nat pawha mahni a tuar mai thin anih avang in a nu tan harsat na siam a tum ngai lo.


Vawikhat chu thih ngam in a nu chu a na thut maia, thluak a khawsikpui lut anih avang in a na chu a tuar rei lo hle mai, Eli khawngaih thlak tak chu he khawvel ah mal tak a awm tur in a nu in a liam san ve leh ta, ti chuan midang belh tur mumal nei si lo in a pahrawn bulah chuan a seilian ve ta zela. Duh sak na leh duat na te ngaihsak na te chu a tan van a rah ang lek ani.

"Ka nu ka pa ka van ngai tak che u em tinge keimah chauh in min kalsan in fanu hi min hmu ve reng lo em ni, min tanpui hram teh u. Ka taksa hi engtik ah emaw chuan ala tawih ral ve ngei ang ka thlarau chuan in kiang a awm a thlahlel tawh hle si a. Ka taksa hi tih chhiat vek mai ka duh thi ila in bulah ka awm thei angem nu i thlarau tal hi min hmuh tir rawh khawngaih tak in" anu thlan chung ah chuan lungchhe em em in a tap zawih zawiha.

Ni e, mi te chuan thlarau te ramhuai te an hlau thin mahse ani chuan anu thlarau chu hmuh a chak ngawih ngawiha zan ah te hian hmu thei dawn a in hriat na a nei tlat thin. Anu boral atang kum hnih na chiah a ni a. A tuk lawk hi a thih cham a ni nghe nghe.

A tah na avang chuan a mi te chu a bui luk a ataksa chu a khur der der bawk, thilfim vawt tak chuan a rawn chhem thaw heuh heuh a.

"Nu i fanu hi min haw ngawt ang tiraw ti hian damdawi ten ka in chiu a keimah leh keimah ka in ti chhe vek tawh anih hi ka thiam loh vek zawk ani, ka enkawl hman si lo che a, theih ni se i tan rim tak in lehkha ka zir angnga hna tha tak ka thawk angnga nuam sa tak in ka siam tur che ania, keimah avang in pasal dang i nei a, ti hian min kalsan leh mai si a. Ka nau te pahnih chu ka lo veng him tlat ang"

Zan dar 10 a ri tawh ang tih vel ah chuan an in lam pan in phur lo tak chung chuan a kal zawi hnuang a. A taksa rit zet mai chu a kal chak pui thei lo ani ber. Damdawi chuan a thisen zam a rawn fan raih raiha, chhungril ah phur na leh nuam tih na in a khat chho telh telh bawk. A nawm hun chhung chu rei lo te chauh a ni si. In a thlen chuan kawngka chu hawn mai a han tuma chhung lamah an lo kalh vek tawh a.

Ring tak in a han chum ri dawt dawt a, an hawn hun nghak in beng a chhi renga, thawm ri va hriat tur reng reng a awm ta si lo. A nu leh a pa hrawn laka a nau te pahnih chu an mutui hle maia. A pa chuan hre reng chung in a hawn duh lo nge a mutui zawk tih chu a ngaihtuah ngut ngut a. Thenawm te tih harh a hlauh a vang in an in kawt step ah chuan a thu hnawka. Alu chuan hnuai lam a bih ngur ngur a, a malpui kar ah chuan a ban pahnih chu rawlh in lei lam chu a bih reng a.

Chu tih lai chuan Timothy-a pawh alo la muhil bik lo bathroom lamah a thawm hnaw thisen kai chu a chiah tawpa, a tukhum na lutuk tur ven nan zu no thum vel a tlak leh pawp pawpa, darthlalang hma ah ahliam chu en tum in a vir buai hle lehnghal.

"Hrep tak chuan tiang te chuan engtin nge ka tih theih teh lul ang ka nu ten an hriat hma in ka tihdam vat angai zanin chu an lo mu hma hlauha thil pawi a thleng hman lo chu ania" room atang chuan thawm din thei ang ber in a chhuak a, pindan lehlam a, a u room kawngkhar chu a bihthla dek dek a. Puan pawh sin lo in alo mu darh huang ahmuh chuan a let leh rang kher mai. A kut in a khawih zeuh pawn a thip vet vet thei a ner leh nawka. A khum bula cigarette chu la in zu no bawk chu a dawm leha, a mei zuk lai chu a hip lut vang vang a. Pawn lam atang thawm ri lo chhuak chu hria in, tukverh atang ava bih thuaka, street light eng avang chuan pawn lam pawh chiang tak in a zu hmu thei, Eli te in kawta hmeichhia lo thu kun reng a hmuh chuan mak tiin chiang leh zual in a han bih leh a.


"Elizabeth-i maw!? Tinge khutah te a awm reng a, tunlai a awm dan chu a maksak sawt hle mai" a room veranda ah chuan chhuak in cigarette pak khu vut vut chung chuan a thlir reng a.

"Eng chu nge maw ka hriat le, tinge engtin mah ka tih loh theih zawk ka zu kal dawn nge? ka mu dawn engtin nge ka awm ang eng chu nge ka tih ang" room chhung ah chuan a vei tawn sek a. A awm hle hle thei tawh lo atawp ah chuan a taksa chu thunun zo lo in an in kawngka in khalh na chu zawi te in a hawng a. A meizuk chu pawn a chhuah rual in a rap hrual nawk a.


"Hey......hey......tinge hetah i awm renga?" Ahma lawk kha chuan a kalsan si a, tunah a pan tu zawk ah atang leh chu ani sia, Timothy-a tih awm lo tak zawng a ni ngei mai.


"Tunge i nih a?" Zawi hnuang in a rawn dak chhuaka.

"Ehhheee....i va lo lang leh hma ve Timmy nang elaw?" A nui har hara.


"Timothy alawm Timmy ni lo in"

"A eng a pawh chu ni se in in ah ka lo riak ve thei angem zanin chauh" Timothya mak ti lutuk chu phawk fe hian a meng kawka.

"Mo.....maww...."

"Khawi ah pawh ani mai, bathroom ah pawh a pawi lo, sitting room ah pawh choka ah pawh puan a awm phawt chuan a tawk ani mai" a tawng pawh a fiah tawh lo a rui hle tawh ni in alang.


"Lo kal phawt teh" midang in an hmu ang tih hlau in a hawi vual vuala. Timothy chuan a ban ah kai in a vun nem nak mai te chu a khawih fuh ringawt pawn a chhung ril chu a zam chhe ngei mai.


"Oee ka mut a chhuak tawh teh mai ania"

"Shhhh.....tawng ring suh ka chhung ten an hria angnge"

"K tawng ring viau ami?"

Inchhung ah chuan an in khak deuh reng a, a room ah mut tir dawn se ni thei in a hre bawk si lo, choka lamah chuan a din tir reng a. Mikhual room ah mu ta se atuk zing ah anu ten an hriat chhuah a hlau bawk si.


"Hey, tah hian ka ding reng mai dawn ami a?" Thinrim hmel zet leh lungawi lo hmel tak hian alo ti a.

"Tawng tawh lo khan lo kal mai teh" a room lamah chuan an in kai lut dat data.

"I khum ah hian ka lo mu thei angem?"

"Aih thei lo chhuat ah khuan i mu ang?"

"I van sual reuh hmeichhe awm nem zawk ka nih hi"

"Nichin lawk khan bathroom ah pawh i mut theih thu i sawi ani lawm ni? Ka mut tir lo che hi lawm hle rawh" tih pah in chhuat ah chuan a mut na tur a phah fel chiah tih chuan a let thla nghal tawp thei.

A muhil tawh anih ring in a kawr chu a phelh a, a taksa khal tha ve tak sek nalh em em mai en ringawt pawn, a in fit tih hriat tak chu a thlan tui in a bual huh zuih a, darthlalang ah chuan in en leh in first aid chu ala chhuaka, thei leh thei lo a in ban tawk tawk in damdawi chu a hnawih a.


"Tiang te chuan i ban i herh tliak mai dawn asin khawi keiman ka lo hnawih ang che" darthlalang atang chuan a rawn thu chhuak luai chu a hmuh in a phu deuh uih a. Mitthi tho leh te pawh a ang dawn alawm a sam a rawn thur chho nasa mai si.

"Angai lo keiman ka ti thei alawm"

"Luhlul chhuah duh lo mai teh ka ti ve thei vek alawm" Timothy-a lah a lo rui ve deuh tawh bawk nen. Na pawh a hre chang tawh lo, a ban phak ang tawk in a in hnawih chhunzawm leha.

"Nang mah pawn i ding ngil zo lo ania engtin nge i tih theih teh lul ang va mu zawk rawh" atih chuan a khi suka, a thusawi chu a ngaipawimawh teh chiam lo lapua chu la in a ding bu luk luk a. Khawi ka taksa chu control zo lo mah ila ka thluak chuan engkim a hria alawm.

Damdawi chu a tat sawk sawka, band-aid pathum vel a bel bawka.

"Tikhan a zo ani mai lawm" rang tak in a rawn leh hawi a, Eli hmui chu a en vang vang a, a in sum zo tawh bik lo a hmuiah fawp in a sam chu a hui chhoh saka. A biang bul vel chu a zut pah chuan Eli chu a melh leh zeuha. Rei tak alo duh tawh a biak pawh theih miah si loh chu a room ah zan thla eng hnuaiah duh thawh taka han fawh vel chu a thil thlakhlelh ber a ni ngei ang.

Eli chuan a fawp let ve miah lo Timothy-a erawh mipa tih takah a thisen a rawn lum chak hle a, mi hrisel tha pangai tan chuan insum a har khawp ang. Duh thawh tak in a fawp leh a. A hnuailam pawh a khauh tha tawh khawp mai. Eli kut chu la in a khawih tir a. A kut chu a thlah rang kher mai Timothya chuan mak tih hmel tak hian a en a, Eli hmel ah lung ngaihna awm tlat hian a zu hmu a.

A fawp nawn thei tlat lo. A rawn meng pual veka, Timothya darah tak arawn bei thlawpa. A chhatthla zui nghal ani deuh mai. A khum ah chuan a pawm phei a, dim tak leh duat tih hriat tak mai hian a mut zal tir ta zawka.

Chhuata mut tum miah lo kha a mu ta zal zal a. Mak a in ti hle hetiang hian a khawsa ngai si loa. "Engtin nge ani ang damdawi rui mai mai lakah khan ka chapo na hi a tlak hniam em em theih zawk ka duh viau ang ah min ngai ngei ang awlsam taka ka thlem thluk theih hi chu keipawn eng atan mah ka ti bik hleinem khua lo var sela thilthleng hi a hriat chhuah loh ngei ka beisei" na chhawk na chu a hmawm leh zeuha engtik laiin nge a mutthilh pawh a hre lo a harh leh chuan tukverh atang a ni lo chhuak chuan arawn chhun ser ser a.

Chhuatah a mu ani tih pawh a hre chang tawh lo.

"Engtin nge hetah hian ka mut diah theih?" Mak tiin a hawi kual a, a khum chu alo ruak vek bawk si.


"Timothy lo tho vat rawh school kal......" A u Ruatdiki chuan a sawi zo hman lo chhuata a mu lai chu ava en tha leh ngata.


"Tinge hetah hian i mut daiha?"

"Ka hre bik nang?"

"A mang chhiat thlak lutuk rawn chhuk la chaw rawn ei rawh school kal i tlai zo vek dawn ania"

"Um" a bu nghuta, alu chu na atih em avang in a dawm bet a. Chutia alu arawn nat takah chuan nizan a thilthleng kha a hrechhuak ta chiah. Rang lutuk in tukverh lam a zu hawi thla leh, Eli te in kawngka lam chu ava bih vata, alo la in khar thap mai a room lam a en leh chuan parda alo in zar phui mup a.

Ngaih that loh na in akhat engtik lai in nge Eli kha a thawh tih reng reng a hre lo. A ngaihtuah na ah a khat liam tawh lutuk. Chaw pawh a ei tha thei tawh lo amah chu tûr tu awm ni mai hian a thut lai pawn a ke chu a ti phe hlawp hlawp renga.

Eli te pawh tuk thruan ei tur in an chhungkua chuan dawh-kan an kil thapa, a naupang zawk hmeichhia chu pawl 8 zirlai ani ve tawh, a nau zawk mipa chu pawl 5 a zir ve mek bawk.

"Eli in unau pathum hian ka enkawl seng vek tawh lo che u, chuvang chuan nu in mamawh ve tawh in ka hria kei ka hna ah ka tul thei si a" a pahrawn in atih chuan thil awmdan a hrethiam nghal mai, a bialnu Jennifer i nen khan inneih an duh ani ngei ang. A sawi lai chu a chhunzawm leh in.


"Zanin hian palai kan tir dawn a, in zavai a min support na ka mamawh dawn ania nula ala ni si a" atih leh chuan Eli ngaihdan ani tawh lo.


"Ni lo e, ka nu thih cham ah chuan ti lul suh, nidang ah sawn mai rawh u, nupui i nei duh anih pawn i fa te tal hi chu i veng him zo tur ani kei chu min ngaihtuah ka ngai lo ang, ka kal dawn" a bag a la a, hmanhmawh tak in a tlanchhuak nghala. Pawn ah chuan Timothy-a cylce khalh tur chu a tawng fu leh hlauh an mit chu in tawng fuh in ral khat atang chuan an melh ren rawn a.

Mahse rei a daih lo kher mai, Sangtei bawk chu rawn lang leh in Timothy-a chu arawn be buai leh char chara.

"Hey, vawiin chu kan va kal rual ve a, min lo phur leh la"

"Nang phurh reng che hi ka bat a ni lo ve" tih pah in a tawlh sawn hret Eli hmuh tum in ava hawi leh zeuha. A lo thleng hla hman hle a hnung lampang chu a hmu hman chauh tih vel ani.

"Ka u phai atang alo haw a, hei hi alo hawn teuh a, i duh ve tak in ka tia" Sangtei chuan beer chu a bag atang arawn phawrh zal zal a. Kawng tam tak in tih lawm a tum tawh ni mahsela a rilru chu midang lakah alo pe hman daih tawh a.

Sangtei thil pek chu atan chuan thil nih phung ve reng ang ah a ngaih theih. Nitin midang hnen atang thil pek a dawng reng zel alawm hnawl sen pawh ani lo.

Beer chu la in phur lo tak chung chuan a hnung ah a phur ve leh ta a. Pawn lam landan chu sak hmel hle mahse chhung ril tak ah chuan rilru chhia a pu ngai lo.

"Timothy tinge nizan khan i lo kal ve loha Ruatfel-a khan alo hruai che sia i rawn lang thei bawk si lo" a kamis ah chuan vuan trung chung chuan a ti a. Nizan lamah a ke a ti na sa tawh bawk nen a cycle khalh kal chu harsa a ti hle a, Sangtei erawh engmah a hrilh duh lem lo.

"Nia" tih bak in a chhang lo a bek ah chuan thlanfim a rawn hnam tiak tiak a.

An in atang school chu a hlat vak loh avang in rei lo te ah an thleng a, Sangtei a chhuk thla fel chiah tih chuan Lalchhuanmawia chuan kal pah in a rawn nghawk thawi fua a, engmah hre lo awm ang tak chuan a kal tlang nghal. Timothy-a ngaih dan ani lo nasa mai a ke na pawh chu hre chang tawh lo in, a bag a paih thla sawka, Lalchhuanmawi tih leh hnek a rual nghal a kut a rang bawka, a hnek nghal zawt zawt a.

Nizan atang tawh in a thinrim a in mûng chho tawh bawk nen a kut thlawn chu tawrh a tum lo nasa mai, lei ah chuan a nem bet tlata ahmai ah dim lo tih hriat tak hian a hnek buan buan a.

"Nizan ah khan nang ni hian ka hnung lam atang brick in min rawn vawm tih hi ka hre vek i chak dawn lo lutuk nang ramhuaipa hi ka sawi sa hlum law law dawn che, nangmah vang in ka kal tha thei lo tih hre rawh"

Sangtei chu a au chel chula, Lalchhuanmawia thian te chu a thleng hmasa zawk ah an tran avang in Timothy-a chu an rawn bawhthlu rawp rawp a, Chhuanmawia chu a thlah duh chuang der lo.

"Timothy duh tawk rawh khawngaih in duh tawk teh u...." Ruatfela te thian ho in an thawm chu hria in an rawn tlan khawm ve nghal school gate bul lawkah chuan an in phek sual nuaih nuaih a. Chhuanmawia te thian ho chuan an hneh lo kher mai.

An class teacher chu rawn chhuk thla vat in arawn thelh nghala. Midang ho chuan hmuhnawm thlir in an lo la thlir thap thung, teacher dang an rawn thlen belh leh takah chuan an in beng dai tlang ta. Hetiang khawpa insual buaina hi ala thleng zen zen lo school pawn lamah bak a thleng ngai meuh lo. An principal chuan insual tawh lo tur in thu a in tiam tir a.


Vawikhat pawh an insual leh anih chuan school atang a hnawh chhuah an nih tur thu thleng in a hrilha.


Sangtei chuan in thlahrung tih hriat tak hian Timothy-a thut na bulah kal in a kut thisen kai hnuang chu a rawmol var tha tak mai chuan a hruk fai sak a.


"Chhuanmawia nen khan kan inthen na a rei tawh ania khawngaih in min haw suh aw" hlauthawng hmel tak a atih chuan hria ang pawn alang lo a melh ngai a melh renga.


"Hey, nang nu thilthleng hi nangmah vanga thleng ah i ngai ve ringawt a law, vawihnih khat vel a cycle ah a phur che a, i lo in la luck ve em em a, kal bo vat teh chemistry room pawh a nih loh hi, hei chu Arts chauh awm na tur ania" hmeichhhe pakhat chuan nghal zet hian alo vin chhur chhur a.


"Timothy, class banah ka lo nghak dawn che ania aw" a ti leh hram, chhan na a dawng chuang lo. Timothy chuan a melh hlek lo bawk.

"Vawiin chu class kan bang hma dawn tho a, coffee min khilai ve la ka taksa nat zia mai chu" Ruatfel-a chuan thawveng tak in arawn ti ham hama.

"Hey, Lalchhuanmawia chu a na hle a ni ang in ah an haw tir tawp"

"A that chu kha aia na khan ka la khawih ang"

"Naaa, em em a che duh tawk teh"

"Ka thianpa i ni emaw ka tia, ka pa zawk lo ni reng che a, min khap tur hian eng thiam loh na mah ka neih ka hre lo ve" Ruatfel-a chu za em em hian a nui hak haka, a thianpa thu tha han hrilh chu a sawt mawh khawp mai.

School ban hnu chuan gate bula Sangtei lo ding reng chu Ruatfel-a chuan ava bia a, Timothy-a nen an chhuah dun tur thu a hrilh hnu chuan, cylce chu khalh in a hnung ah Timothy-a chu a phur ta daiha.

"I ke na chung chung te chuan rawn in khalh chhuah loh mai tur ania" a ti leh sepa.

Coffee shop an thlen chuan step chhoh ngei angai tih a hria, Timothy chu in hum ruh tak chung chuan na nei lo ang maiin a kal chho ngak ngak a.

"Helai hun hi hmanni lawk khan an hawng thara Kevin-a nen chuan kan kal tawha cake te pawh an nei sial lutuk zaithiam tak tak te pawh an zai thin ania" phur tak chuan a chhung ah a luh pui a.

School form nen ni mahse hmeichhe mit chu a chung ah a fu nasa ber tho. An lo melh thapa, a hmelthat na chuan nutling pawh a ti buai zo vek thei, a hnar ngul sei leh sang tak chu a hmelthat na ti zual tu a ni a, mit khur thuk tak a neih te chuan mi chunga leng ni mai hian a ti langsar vah bawk.

Dawh-kan ah chuan coffee rawn chhawp in alo in ve nghal vata, a dang ro halh chu a ti zia awm hle. Lungawi hmel zet hian a hnung lam a aw mai em em mai chu en tum in ava thlek a.

A rin loh deuh mai in, Elizabeth-i lo ni reng in mak a ti lutuk chu a thut na a dah her sawka, chik lehzual in a en a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)