IMPERFECT by Ngaia aka Hector - 58

Episode kal lai dah luhna

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

IMPERFECT by Ngaia aka Hector - 58

Unread post by Ngaia » May 28th, 2020, 8:38 pm

IMPERFECT by Ngaia aka Hector - 58

Lisa's POV

A banah ka uai nghal nawlh ni mai hian ka hria, ani lah chuan current man ang mai taksa zawng zawng fan chhuak thei khan min kiss zawm mawlh mawlh reng a. Tu nge ka nih a, khawiah nge ka awm pawh ka hre tawh lo... khawvel pum chu a ral riai riai a, amah chiah chu ka thil hriat awm chhun a ni tawh. Zei taka min zut kual velna karah chuan ka pil bo raih raih a, a taksa khauh tung leh a hmui, a lei zei leh nghal em em te, engkim mai chuan min tuam chhuak hlup hlup mai a ni.

Living room-ah eng lai khan nge min hruai phei pawh ka hre tawh lo hrim hrim, ka thil hriat chian leh hmasak ber chu ka hnungzangin couch a tawh laiin a ni a. Ani pawh a rawn bawk hniam ve nghal a. A jacket hnawk zet chu chhuatah a theh thla nghal zat a. A tie a phelh lai chuan kut khur dar darin ka lo pawh thawl sak ve sawk sawk a. A tie chu a lu chungah bang liamin ka taksa a rawn bawh thuah leh chiah chu khawvel dangah ka awm daih tawhin ka hria.

"Min feel rawh." zawi thawp sup hian a ti a. A kap bawr khawng zetin ka dul a rawn nawr takah chuan ka lo thaw halh a.

Chik nghar nghar chungin a darah ka hmer ngawt ngawt ringawt, eng tin nge ka awmdan chiah pawh ka hre thiam tawh lo, ka taksa pum chu khawsik sang tak ang maiin a sa chhuak vek a, ka tha khur lah chu a nasa tial tial bawk, ka tuar zo dawn lo tak ngialin ka hre tawh.

"Ka mamawh lutuk tawh che, Lisa. Kiss che a... hmangaihna chenpui che ka chakna a rei tawh lutuk."

"A ni maw?" inno thlak lutuk hian ka lo ti ve ringawt a.

Min nuih sak pahin,"I taksa pen tin kiss chhuah vek ka duh..."

A kiss chu a dam thlap a chu mi rual chuan a sam huam huam bawk, a mi kiss dan chu a ril a tam takzet. Duhtawka a lei a rawn hawl luh theih nan ka hmui a lo kau tiar reng a. My goodness, ka va tui ral chiang teh reng em. A hmuiah chuan a thlum, a thur, a thak, a al... engkim a tel vel. A lei han che vel reng reng chu a hnehsawh lutuk mah mah, a che vel engkim nau chu a bu ang thlap vek hi a ni mai.

"Alessandro..." ka nghawng lama a fawh thlak lai chuan rum tiah tiah chungin ka lo ti a, ka nghawng a han fawp chiah chu a nuam lutuk."Yes..oh yes.."

"I thlum tui lutuk... min khawih rawh.." ka kutah la in a taksa min chul kualtir a. A awm khauh tangah ka zut a, a dul lamah zut thla in a six pack bawk thla thliah thliah chu ka zuk thla zel a.

Eng tin nge a tih pawh ka hre lo ka kawr awm zawng chu chu a lo phel ruak vek tawh a. Dam thlap hian ka hnute sir chu a zut kual leh riak riak a. A hmuiin ka hnute hmur a hap tak chatah chuan ka mur chhuak leh ar ar a.

"Alessandro...Ka.. ka insum thei tawh lo.. duh tawk tawh mai rawh." tiin ka ding chhuak a, ani pawh a rawn ding chhuak ve nghal a.

Min hnaih em em hian thaw huam huam chungin a rawn ding chhuak a,"I fiam thu a ni lo maw?"

"ka..ka.." a khabeah dawmin a hmui hnuailam ka khawihsak niap niap a. Hepa duhawm zia em em hi chu hnar a va hat thin tak em, ka dang phal tak tak ngang lo a ni."Aih." a hmuiah ka fawp leh ta ngawr ngawr a. Ka mamawh zia a feel theih tur khawpa uarin kiss ngei ka tum bawk.

Ka hnungzang ruak kang leh couch chu a insi leh ta nge nge a, ani pawhin min rawn bawh thuah nghal chat, a hmui chuan ka nghawng atangin ka hnute a chhui leh nghal par par. A kiss a, a liak kual thul, ka hnute hmur chuan awm ngaihna ber pawh a hre tawh lo. Hnehsawh lutukin ka bra kilhna a phelh a, ka hnute pahnih chu duh thawh em emin a han khalh kual ta tak tak a, ka thaw a chham thei mai dawnin ka hria. Oh my goodness. Ka dang a ro vek tawh, ka thaw a sam huam huam bawk, engmah thil dang ka rilruah a awm thei tawh lo, tunah tak hi chuan thil pakhat chiah ka duh, thil pakhat chiah.

Ka dulah zut thlain hnuai lamah chu a zut kual ruai a, ka mawng, ka mal...

Ka underwear!

"Alessandro..." Min rawn kiss leh takah chuan ka aw chu a tham ral ta zawk a. A nawm em avangin han dang lui phal chi pawh ka ni tawh lo. Ka mamawhna a sang tawh lutuk, ka christian rinna dah tha in ka virginity pawh chu pek ka ready thlap.

A thil tih lai tawpa a ding thut chuan mak ti zetin ka en hu a. Hah taka tlan hrep ang maiin a thaw huam huam bawk a.

"Ti nge a, thil dik lo a awm em ni?" ka ding chhuak ve nghal a.

"Ka tawp san a ngai. Ka ui zia leh ka tan a harsat zia chu Pathian pawhin a hria ang... Lisa, i lakah chuan engkim hi dik thlapa tih ka duh si a. Hmeichhe chungchuang tak leh ka tana mi special bik i ni a, sex kan hman dun hmasak ber chu engkim special takin nise ka duh a, kum khuaa i hriat reng tura tih ka duh a ni."

A ngaihna ka hre thiam lo. A sawi awmzia engmah ka hre lo. Kan first sex chu paradise a hman dun a duh tihna em ni ang? Maldives, Paris emaw Bali tih velah kher sex min hmanpui a tum em ni? Tuna tih nen eng nge a danglamna?

"Eng nge i sawi awmzia chu?"

Min chhang nghal mai lo in a han ngawi vang vang phawt a, chu tah a thaw hawk a,"Lisa, innei ang."

"Eng a?"


Lisa's POV

Ka hre sual em? Inneih a duh maw?

Ka khabeah dawmin a mit takah min entir a, a melhah ka buai leh vek tawh."Kan induh tawn em em a, kan inmil dawn a ni tih kan chiang dun tawh bawk a. Innei pawh ni ila a hlawhtling ang tih a rinawm hle a ni."

Mak ti zet hian ka en a,"Tak tak?"

"Teh reng mai, tun ang tluka ka serious hi ka dam chhung hian ka la nei ngai lo."

"Mahse inneih em em te chu... aih... aih."

"Ti maw? Nun bul kan tan dun a, hma hun hlimawm tak kan tawng dun dawn asin."

Ka thawmhnaw chuar ka pawt mar mawlh mawlh a,"Ka ring chiah lo, Alessandro. Inneihna hi thil serious tak a ni asin, kan inhriatna pawh..."

"KUm 2" min lo tih khalh a.

"Mahse, relationship a ni lo alawm. Boss leh Secretary satliah ang mai mai kha a nia. chutin ka nei ngawt thei lo ang che."

Lungawi loh hmel zet hian hnunglamah awnin couch a ngheng a."Pasal neih i duh reng kha, I sawi ngei kha aw."

"Khate chu a hma daihin alawm. Jason-an min propose kha nghakhlel em emin ka lo ngaichang ve ran ran a, engmah lo ah a chhuak ta daih bawk sia."

Ka banah vuanin a lamah min pawt hnai a, a mal chungah min thuttir te te a, ka hnuteah tak a lu rawn dahin ka kawngah dam thlap hian a kuah leh bawk a."Ka bula awm turin ka duh che a, nun hman dun ka chak a ni. Chu chu i duh ve lo em ni?"

A aw sexy lutuk leh a tawngkamah chuan ka tui ral zo leh ta. Mipa naupang hmangaihan ngen ang mai hi a ni. Hmangaihna a thlahlelh ngawih ngawih a ni, kum 14 mi lek a nih laiin a nu leh pa ten an boral san kha a ni bawk hrim hrim a. Chuta karah a pi lah mi han duat hliau hliau chi a lo ni lo bawk nen. Ka khawngaih ngawih ngawih, hmangaihna zawng zawng pek vek hi ka chak.

A lu-ah dawmin a sam ka chul sak a,"Teh reng mai, i bula awm te chu ka chak lutuk ringawt. Mahse..."

"Come on Lisa, aw ti ve mai rawh. Hlim takin ka siam ang che. I chhungte zawng zawng pawh kan pahnihin kan enkawl vek ang a, rei lo teah kan pahnih hian chhungkua kan din ve dawn alawm. Ka mansion-ah kan cheng dun ang a. Khawvel hmun hran hran ka fanpui che nga.. Thawmhnaw, tlereuh i duh zawng apiangin ka vur ang che, ka neih engkim hi i ta a ni ang. Lisa, aw ti hram mai rawh."

"Woahh! Lawks lawks" ka nensawn a, "Ka nei che a nih pawhin i pawisa vang chuan a ni hauh lo ang, Alessandro. Pawisa chu ka nei ve tawk. Tunah ka pa an zai zo a, ka nu sumdawnna leh Liam-a zirna ka ngaihtuah leh a ngai e tih mai chauh a nia."

"ka hria, ka hria Lisa, chu chu ka ngaihdan che a ni bawk. I rilru hi ka ngaisang asin. Pawisa leh hausakna lam thilah i buai lo tih ka hria. I chhungte tan liau liau contract pawh hi pawm duh chauh i ni tih ka hria. Fanu rangkachak, chhungte hmangaih a, enkawltu hmeichhe fel tak i ni." Ka biangah a rawn dawm a."I bula awm ka duh, Lisa. Khawngaihin, nangmah ka enkawl che hi min phalsak rawh."

"Mahse... a rang teh thut e mai."

"Vawiin, thla leh, nakum, kum 10 hnuah, eng nge a danglamna? Kan awm dunna turin hun hlu tak kan khawhral mai mai a ni. Bakah, a khawharthlak hrim hrim..."

A tih tak tak hmel em em a. A mitah chuan min hmangaihna ka hmu bawk. Ka hmangaih ang chiah hian ani pawhin min hmangaih tih ka hria. Engvangin nge awm dun thei lo turin kan inhrem reng duh ang?

A ti dik chiah, kan innei sual lo ang. Hmangaihna avangin kan lo na ve ve hrep tawh a, kan inzir chhuak ve ve tawh bawk. Kan inkawm ngeih em em a, best friends ang mai kan ni. Chuan.. rei lo te ah.. lovers, damchhung partner kan ni dawn bawk. kan personality a in ang em em a, ka zodiac sign nen lam kanin match thlap.

A nghawng atangin a thi awrh lai pelhin a locket zungbun chu a rawn la chhuak a. A nu zungbun a nih thu leh chu chauh chu a nu hriat rengna tur thil a neih awm chhun a nih thu a sawi a.

Ka hmaah a rawn thingthit lai chuan ka thin a lo phu dawt dawt a."Lisa, i duhawm em em a. Ka hriat chian poh che leh i personality ropui tak avang hian ka duhna che a zual zel thin, i bula nun hman aia chak hi engmah ka nei lo a ni." Zungbun chu rawn lek chhuakin, "Lisa, will you marry me? Hlim takin ka siam ang che, kum khuain."

Zungbun chu ka han en a, silver zungbun hlui rap tawh, a tle pawh reh vek tawh hi a ni a. A chungah stone var hi a awm ve va va a. Zungbun nalh tak a ni, duat taka enkawl leh han tuaihnuam deuh a mamawh tih mai chauh a ni.

Ka chhana nghaktu Alessandro chu ka en a, nghakhlel taka min lo en kiau lai hmel chu a va han duhawm tak em, a hmui te chu a sen hiam bawk si, kan inkiss vang khan a ni ngei ang. Ka va han hmangaih tak em, a bulah kum khuaa awm reng ka duh.

"Yes, Alessandro. I'll marry you."


Han inngaizawng ve rih deuh se tha tur a nia, in hmanhmawh lutuk a, hei an in engage phah ringawt hi, dep2 tih hun pawh an nghak zo tawh lo hehehe

Story dangah in click tawh a nih pawhin tah hian in lo click leh theh dawn nia aw. Nikhatah vawi 2 click tur kan tih kha



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)