I LOVE YOU 24 HOURS CH-3

[Ngaia]

I LOVE YOU 24 HOURS CH-3

CHAPTER-3
BY- TLUANGTEI

Eli chu hmeichhe all round ve tak engkim ti thei zul ang chi hi ani reuha, zai pawh a thei phian hla sa chung chuan Timothy-a chu a rawn en a.

Zana thilthleng khan amah ah nghawng nasa tak in a neih phah bawk. Hmangaih a nei ngai lo a, neih a tum ngai hek lo. Mahse ani hi chu atan chuan midang lam tak theihnghilh har tak ani lawi si.

"Thianpa, tun a zai saw a hmeltha tiraw vawikhat tal chu ka la bem ve ang" Ruatfel-a chuan lungawi hmel tak hian alo en ngawih ngawiha.

"I theih phawt chuan ti ta che" mit la sawn lek lo chuan a en a.

Eli zai zawh hnu chuan Timothy-a lam pan in arawn kal phei a.

"Hey, nizan kha ka lawm lutuk aw awm lo la chuan ka che chhe hle awm sia"

"Engmah anih loh kha"

"Anih chuan ka kal phawt mai nge"

"Wow wow wow.....lawk in lo ding teh ka thianpa nen hian in in hria a maw?" Ruatfela chu phur zet hian a rawn tawlh hret hreta.

"Aw hria e"

"Lalpa leh ava lawmawm em, hey tinge engmah min hrilh duh loha, milar zaithiam hmelhriat te chu a tha lutuk alawm engtin nge ka koh ang che? Bawihte hehe" In ti zei tak maia, a tawng chhuak chu Timothy-a ngaih theih zawng ani hauh lo.

An bulah lo thu ve in an hming te chu an in hrilh tawna, Timothy-a te thenawm lawk a an awm thu te a hrilh malh malha.

"Tikhan in pahnih khan lo in kawm rawh u keichu ka lo va haw ang, in ah tih tur ka nei tlat" thinrim hmel tak chuan a kal chhuak a.Eli chuan a thlir reng a.

Chumi zan vek chuan Eli chu rui em em hian pawn ah a rawn chhuak a, Timothy-a chuan rawn hmu fuh in a enzui reng a. Kalkawng a bawlhhlawh bawm awm te chu a pal phei nawk nawk a.

Timothy chu a awm hle hle thei tawh lo in atang a tlan chhuak vuta. Eli bulah zu kal in a tlu tur chu a banah a zu chelha.


"Hey, khawnge i kal dawna tinge i va rui em em ve?"

"Maw, Timmy nang maw?"

"Timmy ka ni ziah lo"

"Ka tan chuan Timmy i ni tho tho" a ruih lai chuan Timmy tih bak in a ko ngai lo.


"Lo kal rawh in ah haw rawh zanah chhuak ziah suh"


"Aih ka haw dawn lo ka haw peih teuh lo inah ka awm duh lo zanin phei chu ka pa in palai a tir a i hria em nakin lawkah nupui a nei dawn asin, ka nu boral atang kum hnih na chiah ania, nikum kan rawn in sawn nachhan pawh ka nu sualnu thenfai a duh vang chauh ania, C section ah sawn kan awm reng thin alawm" a ding bu luk luk a.


"Lo kal rawh ka room ah i mu mai dawn ania pawn a i awm ai chuan a tha zawk tho tho, zanrei tawh lamah i chhuak ziah lehnghal"


"Min thlah rawh ka awm mai mai dawn ka duh duh ka ti ang"


"Min hnial lo khan rawn kal vat mai rawh" an in pawt nawk nawka.

"Ngaithla teh, he khawvel ka nin zia hi a thawpik thlak asin, mal ngawih ngawih in ka in hria ka hne tawh lutuk"

"Ka awm alawm i mal reng reng lo" a thusawi chu amah pawh a in ring hman bik lo, a ner nawka, van lam hawi in a dak leh zeuha.


"Engtin maw" ngun lehzual in a melh a.

"Lo kal vat mai rawh" a banah chelh in a kai kal dawr dawra.

In ah chuan a nu leh pa te living room a an awm lai chu thawm dim thei ang ber in a luh pui a, kawngka bul chiah ah a room chhoh na a awm avang in thui luh phei pawh a ngai lem lo.


Room a an luh veleh kawngka chu a khalh a, khumah chuan a muttir a.

Duhawm na hlir a khat a vun no chak mai te chu a thlir ning thei lo. Tui taka amu lai chu a thlir vang vanga.

An hma lawkah exam tur an neih avang in lehkhabu chu a inchhawp chhuaka, lehkha a zir zawh meuh chuan dar 12 alo ri der tawh.

Bathroom ah chuan lut in a hmai te a phih faia, mahni room a bathroom awm tih takah luh chhuah chhen angai lo.


A in phih fai zo chu a mut alo chhuak ve deuh tawh bawk nen, chhuatah chuan a mu ve maia.

Eli vanga hetia a khawsak tak mai chu mak pawh a in ti viau a duh na chu a thuk hle anih dawn hi tih ngaihtuah na te pawh a neih phah a. Lehlam hawi tur a, a inleh lai tak chuan in hnit feih feih thawm a hria a.

"Ka duh lo min kalsan suh khawngaih in kal suh" meng mang lo hian Eli chu a tal chiama, a tawng vai tel ni in a lang.


Timothy chuan a chhungte hriat ahlauh em avang in Eli chu a sawi nawk nawka.


"Harh teh tho vat rawh, Eli Eli......." A koh chiam hnu chuan a rawn meng thei hram, a biang ah mittui a rawn hnam tiak tiaka. Timothy chu nghet tak in a kuah beta.

"Min kalsan suh aw khawngaih in" lung ngaihna leh mang-an na namen lo chuan a rawn tuam a, mahni a awm hlau ni awm tak hian a hawi â vek.

"Kalsan lo e, mu tawh rawh i mumang mai mai anih kha" Eli chuan a pawt let vata. Timothy hmui ah fawp in a kuah nghet sauha.

Mipa tih takah a chakna chu a chhuak hma ngei mai. Insum na nei miah lo in a hnute bawr vel chu a tham nawk nawka. Hetia chet lak loh a awm mai mai a tum bik lo hmeichhia zawk in a fawp hmasa miau alawm.


Eli bianga mittui far chu hruk hul sak in a hmui ah chuan duh thawh takin a fawp let a.

A kawr hak lai chu phelh sak in amah pawh chu a in phelh ve bawk. Current an off thim vek avang in thla eng in tukverh arawn chhun en bak éng dang a awm lo. A thim deuh mup maia.


Timothy chuan a kekawr chu phelh sak a tuma.


"Zanin chauh ani ang hei bak chu beisei tawh suh ang che" Eli i'n aw tham tiak a, a rawn tih chu a lo nuih saka.


"Tunah chuan ka ta ni tur in ka siam thei tawh ang che tiraw? Ka mutpui tawh te chu vawikhat chiah ka ti ngai hleinem" fiamthu deuh chuan a beng bulah a phun sepa.


"Hey, ka lungngaih na min hnem tur nge i nih a, ka rilru ti na zual tur zawk inih?" A awm ah chuan a chum dawta.


"Min ring rawh ka ta ni tur in ka siam dawn che alawm"


"Chutiang tur chuan ka ngai miah lo che ania, bialpa neih ka duh bawk lo"


"Chuti si tinge min mutpui theih?"

"Sex hmanpui atan chauh ka duh che bialpa ni lo in"


"Ni rawh se, mahse kei min hmangaih thei tur hian ka la siam khawp ang che"

Chhuatah chuan an thawmhnaw chu an theh thla pheng phunga, pawl 12 zirlai tan chuan taksa in siam chhoh hun lai tak ani bawk nen Timothya taksa chu a khal tha in a sek tung maia, a taksa vawng tha tur in gym kal a lo hrat ve bawk nen.

A khum bul pawhdawh ah chuan condom la chhuak in a han tin ve râna. Eli chak na chhuak tawh thaw ri ham ham mai te chuan a ti phur lehzual ngei mai, vawikhat mah hmeichhia la mutpui ngai miah lo kha Eli lakah chuan thiam tak in chet a la ve vata.

A chhan chu mipa zei lo tak nih a duh miau lo alawm chu lo ah, sex hmanpui atan chauh bak a duh si loh chuan amah duh ngawih ngawih ang a lan chu a duh bik teuh lo.

Khum ah chuan bawh bet in a hnuai lam hrawl zet chu a han chuktuah a, Eli chuan phur hmel tak hian alo nawr ve ngar ngar bawk. Timothy chuan duh thawh tak in a han nawr kual vela.


Eli chu khum laizawl ah nuam ti in a rum hlat hlat bawk, duh aia athawm a rin a vang chuan a hmui a hup sak ta ringawta.

A hnute bawr rawn ti poh chho in a taksa chu a in pawt mar chho tan ta, a bawp in a khawkherh a Timothya hnung ah nghet tak in a kuaha.

Eli in a vawrh tawp a thlen lai chuan a nghik feih feiha. An pahnih chuan an zo rual ta. Timothy-a tan chuan a vawikhat na ni bawk Eli tan pawh a vawikhat na ni bawk, an zo rual ve ve thei chu an pahnih inkar ah hmangaih na leh in thlakhlelh na apiang dawn tih reng an hre lo. Kha mi zan atang kha chuan sawifiah theih si loh in an inkar boruak chu a alh chho ta zel a.


Zing dar 5 velah Timothy-a pa zing walk tur kawngka hawng ri chu Eli chuan a lo hre kara. Hmanhmawh tak in fimkhur tak si in a chhuak them thema. A kal hla tawh ang tih velah chuan pawn ah tlan chhuak in a naute room darthlalang chu lungte in vawithum vel a vawma. A nau chiah Ruat-a chuan a u ani tih hre lawksa ni awm tak hian mut kham loh hmel zet hian kawngka pui chu a rawn hawnga.


"Ninawm eeee, mi muttui lai lai in zanah riak bo ziah tawh suh" thinrim tak hian a lo ti bakhlarha.


"Va mu leh rawh tukin chu keiman eirawng ka lo bawl vek maiang chaw ei dawn ah ka lo kai tho ang che u" rilru engthawl tak leh hlim em em hian choka lam chu a pan sarh sarha. Nizan a thilthleng kha ngaihtuah chung in amah in a nui ver ver a.

"Ka nun ah a vawikhat nan hmangaih ka tawng ve ta, ka landan ang ngawta min en lo a, ka nihna ang ang a min pawm thei anih dawn chuan engtik ah mah ka thlah tawh ngai lovang" rilru a in be chung chuan a thil tih lai chu a chhunzawm zela.

"Eli, nizan ah khawnge i kal bo a, tunlai i awm dan hi chu ka hrethiam lo che tiang chuan kan khawsa ho reng thei lo ang. Hauh ngai reng ringawt mai nang chawm hlawm lehnghal duh duh ka ti e i tia i nu i lo chhun ber anih hi" a pa hrawn in thinrim hmel pu tak chuan arawn vin hrawka, chu tih lai chuan hria ang pawn a awm lo, dawh-kan ah chawi ei tur a chhawp a.

"Elizabeth Zodinpui ka sawi chu i hria em?" A aw vin tak leh hraw zet chuan a ti phu dawta.


"Ka hria" a ti supa.

"Nang hi chu enkawl that theih pawh i ni lo ve, class 12 pawh kum hnih i beih na ani tawh, engmah i lakah hian beisei tur ka nei lo, thla thar ni 5 ah nupui ka nei dawna, tun thla chu i school fee pawh ka tum sak thei lo ang che"


"Khawi ami nge ka neih bik ang?"

"In hlawh la ni mai, school kal lo in hna thawk tawh mai rawh i hautak ropui si"

A hlim na zawng zawng chu thawk lehkhat ah a bo vek, chil a lem hrawk a hlauh nei ang mai hian a rawn khur der dera. A ngaihtuah na chu a bing mup mup, taksa chak na reng a nei tawh lo, mittui chu dan rual loh in arawn tling nghala.

"Pa ka nu boral atang kum hnih na chauh ala nia, engtin nge ka lakah hian tiang hi i tih theih zawk lehkha thiam tak chu ka ni lo tih ka hria, ka school fee tak ngial pawh thla 5 ngawt min pe tawh lo tih hre rawh"

Dik tak chuan school chu a kal tawh miah lo school fee a pek theih loh avang in hnawh chhuah alo ni daih tawha, hrilh pawh a tum lem lo bawk, aduh reng vang pawh ni lo in, thian pakhat a chhar thar a, chumi chuan a nun hrehawm leh pik lutuk tih zia-awm nan damdawi chu ti tur in alo kawh hmuh ve a. Thian tha tak ang a kan ngaih te pawh hian kan nun an ti chhe vek thei ania.

"Zodinpui, i aw ri kha sân hlek suh ang che, ka lakah hian engmah beisei tawh suh ka hnawt chhuak lo che hi lawm hle zawk rawh"

"A tawk in hau tawh suh u zingkar atang in hau reng ringawt mai" Ruat-a chuan vin zet hian alo ti a.


An pahnih chuan ka hau in an en a. Apa chu a tho vut a.

"Nangni ho hi ka hne che u engkim ngaihtuah ngai bawk si, nupui chu ka neih phal lo mah ula ka nei tho tho ang"

"Nupui nei lo tur in tuman kan ti lui lo che, mahse i hmangaih na tal chu ka phu ve lo em ni?" Mittui tla zawih zawih in Eli chuan apa hrawn chu a thlir a.


Engmah sawi lo in room ah a in khar hnan hmak.

"Hetia awm reng hi ka hne tawh lutuk ka chhuak dawn"

"Ni lo u chhuak suh i kal daih in engtin nge kan awm ang min chhuah san lul suh" anau te pahnih chuan aban ah an chelh tlata.

"Engtin nge ni chuang ang keini ang naupang mai hi chuan engmah kan su kaw zo dawn lo anih hi"

"U nakin ah hna tha tak i thawk angnga kan la kal bo daih dawn nia" a naupang zawk Zote-i'n atih chuan Eli chu a khi suk a.

"Ni lo e, nang ni te chu in pa ania a hmangaih lutuk che u alawm keipawh min hmangaih tho a tiang a inhuat na tur chu ani lo ania, chaw ei ula school kal vat rawh u in tlai angnge"


Timothy-a harh veleh khum ah chuan Eli lo la awm beisei in a dap kual ruaia, ahan meng chianga, alo awm tawh miah lo. Ahma ang bawk khan a hriat loh laiin a tho leh ani tih a ring thiam nghal maia.

"Nizan khan engthil nge ka tih tak mai le, kha zan kha ka tan chuan hriat reng tur ka theihnghilh ngai tawh lo tur ani dawn anih hi, mahse tinge a nu boral thu te kha a sawi chhuah le! A pa in nupui dang a nei dawn bawk, hei vang hi em ni mal ngawih ngawih a alo in hriat thin engpawh thleng se ka veng him tur ani"

Khum atang chuan nui ver ver chung in a tho chhuak a. Hmeichhia zan khat lek ck pui a leng kual vel mai mai thin kha, hmeichhe pakhat in a rilru a luah hneh hle ani tih chu a hmel ah alang chiang hle.

School kal tur a pawn a chhuak chiah tih in Eli pawh arawn lang ve nghal in thurual ang mai hian an chhuak rual ve ziah. Ral khat atang chuan an in nuih sen sena.

"Hi, Timothy vawiin chu min be duh tawh em ang chu tiraw?" Sangtei bawk chu rawn lang leh in Timothy-a ban ah arawn kaia. Chu veleh Eli chu rang lutuk in hmalam pan in a kal tlang nghal.