D&M Episode 2 by feli june 19

Episode kal lai dah luhna

Moderator: writers

Feli june 19
Posts: 12
Joined: February 2nd, 2020, 12:05 am

D&M Episode 2 by feli june 19

Unread post by Feli june 19 » June 30th, 2020, 6:34 am

Ka zep lovang saw bathrobe nen sawn a sexy thlawt... Fridge chu hawngin tui ka la chhuaka ka in nghal khawlh khawlh mai, a mah vaning ka chhang thawp ei lai ka hah phah mai mai sala...

Ka in her chiah chu ka phu nasa lutuk ka hnung ah a lo ding ngawi reng mai... " Ilo tho a ni maw " Pangai tak chuan ka ti a.... "Aw.. " Tih zawngin min chhang. " Ei tur e nge maw I duh a ngem?? " Kan ti leh hrama... Ka ti tur a lawm a mi rawih ve mai ka nia... " A pawi miahlo ang... " a rawn tia... Eng lam nge a ei duh ang aw... Ti ah ka rilru a buai nghal der in ah eng mah a ei ngai silo.

Ka hre ta... Eng mah a la ei bawk silo a... Chuan lu lam leh mawnglam hre lek lo khawpin a rawn rui haw bawk a... Tiang a nih chuan soup lam nise a tha tak ang... Pi latei kan ti teh ngawta nu latei tih a fuh zawk mah ang... Chutia tar em em pawh a ni hleihnem a...

Nu latei bawngsa chhum sa chu ka la chhuaka... Kut zungpui tia vel chuan ka chep leh vek a... Thil dang dang ka pawlh bawka, a so nghah pah in thil dang ka siam tel nghal bawka... Antam chu chan lovin a nih ang ang chuan ka sil hrep hnu ah ka kang a... Ka kang deuh sawlh.. Ka tui tih dan berin... Bean pawh ka chhum hang bawk... A awlsam chi hlir mahse tui bawksi a ni...

Ka rawngbawl ka lo tui fal leh bik lutuk a... U mapuia a thu tawhlo tih pawh ka lo hre reng reng hlei hnem, a rawn kir vat chu ka ring tho... Eitur ka siam te chu dawhkan ah chuan ka chhawp nghal veka... Bowl ah chaw tlem ka dah tel bawk.

10 minutes vel ka nghah hnu pawh chuan a lo la let lo, ka eitur siam ho chu khuh tha in in chhung ah chuan ka zawng deuh a ka hmu chuanglo. A room lam ah a awm a nih ringin a room lam chu ka pan a... Kawnga ka kik zawh rual chuan lut turin min ti nghala... A eitur ka peih tawh thu ka sawi zo chiah chu a mah ka va en leh deuh kher a... A kut ka tuam sakna chu a in phelh ni ngei tur a ni, tuam that a lo tum ve nasa mai.

"Ka lo pui ang che... " Tih leh ka pan nghal.. a thar a tuam a ngai ngei dawn a nih hi, a chhe vek a lawm le... First Aid box kha ka la chhuak leh a... Khum bul a thutthlengte chu ka pawt hnaia... A zawn ah tak chuan ka thu ran mai. U mapuia erawh khum tlang ah a thu thung, ngawireng chuan ka tuam tha nghal malh malh a... " Ka zo e... " Ka tho nghal nalh... Ka thil lak te chu ka dah tha leh nghal veka... Eitur ka peih thu chu ka sawi leh a ka chhuahsan leh nghal.

Ka room lam ka pan nghala... Adrian pawh a lo harh tawh... Ka naute hmeltha duhawm fel em em te a hi. A zun a ning a ni ngei ang... a diaper ka thlak saka.. Ka zawh hnu ah pawm chhuakin kitchen lam ka panpui a, a hnute hnek tur ka siam sa chu ka la nghala...

U mapuia a pawh a lo ei mek a nih hmel... Kan awm ve tih pawh hrelo ang maiin ka ei malh malh mai, living room lam chu ka pan pui ta daih a...thlamuang takin a chaw kha ei teh se.

Adrian chu ka chheih vel a... Tun ah chuan thla 2 leh ni 5 a upa a ni ve tawh... Naute tawng a ni mai ang chu... a ma tawngte hian a bei ve nasa reuh thin a nia... Minti hlim ve em em mai ni.

Adrian nen hlim taka kan hanin fiam vel chu... Kil khat a tang min lo en reng tih ka hre thei... living room ah hian darthlalang lian tha zet a awm miau a lawm, eng pawh nise zan rei tawh dawn lam a in chhaih vak chi ni pawn ka hre chiahlo.

Adrian chu pawmin ka kalsawn puia... U mapuia chawei dawh kan a thu pah in phone a lo hmet nuap nuap a, a lam chu panin tun kar tawp chawlh chu kan in lam ah hman ka duh thu ka sawi a... Chuan Adrian pawh hruai ve ka duh thu ka sawi chuan... A ngawi reng a.. In ngaihtu ni awm takin a mit mu te chu a ti che vel a...

" Ka hruai che u anga ,ka rawn lam leh bawk ang che u" a remti tih ka hrethiam mai.. Yesss ka van lawm tak, diktak chuan naktuk hi saturday a nia.. Chu vaning ka kartawp chawlh chu a in tan dawn chiah e ka van hlim tak ka lawm bawk si.

Ka naute hmeltha te a pawh a chhing leh der tawh... Naute mut hlan chuan ka in siam nghal malh malh a, ka zawh a bathroom ah lut in ka in ti faia.. Ka naute kiangah chuan ka mu ve nghal.



** MAPUIA POV **

He hmeichia hi min ngaina ang pawn a awm lo a min ngaina lo ang pawn a awm chuanglo, ka fapa min enkawl sak tura ka ruai thei hi ka ti fuh chiang a ni. Ka fapa lah a enkawl tha tih la hairual a nilo... a duh chu min dil tawp a min be tam hranlo.. Biak theihin ka awm ngai tlat lo a ni.


Jennifer-i ka theihngilh theih nan zu ka in nasa em em a... Hmeichhia ah pawh chuti tho, ka hna lam ngaihtuah lek loin ka khawsa tih pawh ka hailo. Ka tello pawn ka miten tha takin hna an thawk thei tih hi ka chiang em, zanin kha hun rei tak hnu ah ka in ngei ah chaw ka ei leh na hmasa ber a ni... Chuan a thil siamte kha a tui em em bawk... Ka luna pawh a zia sawt mai.


Kar tawp chawlh kha a hman ziah theih tur thu ka lo tiam tawh a... Ka tih sak ngei a ngai, ka tiam tawh chu sut leh mai mai thin mihring ka ni lo ka ni ngai hek lo ang. Dinpuii room lam chu ka pana thawm dim thei ang berin kawngka chu ka hawnga... Ka fapa leh Dinpuii tui taka an lo muhil ka hmuh chuan ka nui suk mai... Nufa ni awm zawk tak an ni... Duhawmtak an ni..

Tun mai khan Duhawm tih tawngkam ka hmang zo chiah... Tu nge duhawm ka tih chhan ber a chu... Ka fapa chu sawi ngailo in a chiang sa, ni e Dinpuii a ni ka belchiang ngailo a eng ang hmeichhia nge a nih tih pawh ka lo chik ngai reng renglo.

Kan en chiang leh hnu hnawh vel a... a sam kir sei mawi tak te.. a pumrua leh a vun nalh tak te, a hmai fang dik em em mai te nen.. Hnar pawh a mawi khawp mai a mit chhing mahse a mitmeng a lian tih ka hre thei... a hmui ka en leh chiah chu... Fawh chak awm khawpa no nalh a ni tlat... Ka rilru hi a kalsual hma ngeiin chhuak vat ila a tha ber.


Dinpuii hi a pi leh pute enkawl seilen a ni a, a pu damthat theih tak loh avangin sum an mamawh em em a... a duh ang leh a tum ang pawh ni thei lo mahse a pu dam theihnan a duhthusam te chu a paih bo ta zawk a ni.. College pawh a zo hmanlo a ni awm e...


Ka harh chuan khua a a lo eng uar tawh mai pawh nilo in... ni a tlang sang tawh lutuk tlat, Bathroom lam chu pan in ka inti fai nghala thawmhnaw pangai deuh chu ka in bel ve tawh.

Kitchen lam pan chuan ka chhuak nghala... an hlim nuiri te chu hriat a nuam ngei mai, mahse min hmuh rual chuan an nui tawp hmaka... Ka chung chang sawi ni awm taka min hmuh rual ruala nuih tawp hmak mai chu..

Dinpuiin Adrian hnute a lo pe mek bawka... Thingpui ka duh leh duhloh min zawh chuan ka duh loh thu in ka lo chhang hmak. Ril a la tam chiah lo bawka thu pah in ka phone bawk chu ka khal leh ta, heng hmeichhe ho lah hi sum par lawm vek an nih hi.. An message ka reply na chhan tur a awmlo ka tan an tang kaina zawng chu khum ah chauh a ni.. Chu bak a in zawmna neih ka duh lo.


Adrian a muhil a kan pa 3 chuan tukthuan kan kil ho a... Dinpuii chaw ei tlem zia chu.. Min thawhsan ta daih mai, nu latei hi chu a ei rei ve thin hrim hrim a tun ah pawh hian a la ei dawn chauh zawk. Zing lamhi chu chawei a har duh ngei mai... Rei vak lovah ka tho ve ta daiha... Living room lam ka pan a... Ka meizial chu ka tan nghal a... Ka zu khu leh ta luih luih mai.


Ka lo thu rei deuh nge ni... Dinpuii chuan thingpui min rawn pe a... a inbual tih ka hre thei ... A shampoo rimtui tak leh a perfume rim in chawih zet chuan ka hnar a verh nghal zar mai. A sam kir sei nalh tak chu a thlah a... A ro vek tawh...a chhem ro a ni mahna..


An in peih fel vek hnu chuan Dinpuii leh ka fapa chu hruai chhuakin Dinpuii te in lam kan pan a, ka bul ah thu mahse ka awm ve tih pawh hrelo ang hmakin a awm thiam nia... Ka fapa chu a changin a chhaih a a chang leh duat takin a chul heuh heuh bawk a. ahraipuar bawka... a ruk tak chuan an hmuhnawm khawp mai... nufa ni awm hliah hliah an ni... Dinpuii pawh hi a hleitling ve viau mai.. a pian pawh a chhelo.. Kum 20 chauh a upa a ni nghe nghe.


An in kan thlenga.. car a tanga a chhuah hma chuan a phone nbr ka dila, e nge maw tul leh thil pawimawh tak a awm thut a tana ti ka ni. Car a tanga chhuakin ka lam chu an rawn hawia, " Papa bye bye " Ka fapa bana vai lauh luah chuan a rawn ti a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Abbra Reo Ririni and 48 guests