BY Esi Taylor
Last Chapter
ISABELLA P. O. V
Muhil theilo vin ka meng kar a, dar5 a pel awrh chauh a, thawh nan chuan ala hma mah mah bawk si.
Uhlutea te inneih pawh tluang tak in kan hmang zo a, an inneih ni a Tommy awmdan mawlh kha!
"Engtik ah nge ka neih ve theih dawn che?" Tih zawhna kha vawi engzat nge min zawh pawh ka hre seng tawh lo. A chang leh "keimahni zawk ni daih ila! " a ti thul.
Zamzami nen ka khum ah kan mu a, chhuat ah Rki leh Mary bak ah ka pa cousin fanu Hlutei an mu thung.
Zamzami tihharh hlau zet in ka tho chhuak a, hetiang emem a hma ah hian ka harh ngai mang lo ania, mak an ti hlawm ngawt ang.
Ka pindan ka chhuahsan chu thawm a reh duk, inchhung alo la thim khup bawk.
Inhnuai ah chhuk in choka ah ka lut a, Utetei dawhkan lo bawh zawi ngiai ka hmuh chuan ka phu nghal zawk!
"Ngatinge! " ka ti nghal hliai, an inneih na ni thum chauh ala liam a, mikhual te pawh an la haw kim loh lai a an lo inhauh ka ring bawk silo .
"I lo tho maw? " rang zet in a thu tha a, a nui nghal sang
"I mu thei lo ami? " ka tih chuan a bu nghut a, a lung a leng ani ngei ngei ang.
"Thingpui i duh em? "
"Aih tuilum ka in duh a, ka in lak mai ang! " tih pah in ka tho nghal hliai a, zawi zet in dawhkan a bawh leh nghal zat.
No ah tuilum ka thli chhuak a,
"I duh ve em a hrisel ania! "
Min chhang lo
"Utete... " hlauthawng zet in ka pan hnai a, a thawk dan a mumal loh bak ah a hmai a lo thlan hliam tawh.
"Ehe...! " ti nghek in inchung ah ka tlan chho a, An room kawngka ka nem hawng pawp
"Uhlute... " ka meng phar leh nghal awk!
Ngatinge Uhlutea hi khum ah mulo a couch ah a mut le?
Mak tih hmel zet in a rawn tho chhuak a
"Enge mate! " a rawn ti vat,
"Utetei awmdan a diklo lutuk... Rawn tlan vat rawh! " ti leh nghek in choka ah bawk ka tlan thla leh a!
Uhlutean a bawihsawm lai te chuan mangang zet in ka lo phi ve chiam!
Ka nu leh pa an rawn tho a, Tommy pawh choaka ah a rawn lut hlawl
"Hospital ah kal nghal ang! " ka nu in a tih rual in "motor ka va la chhuak ange! " Toman alo ti vut a, kal a rual nghal
"Angailo ang! " Uhlutean a rawn tih chuan Tommy hmanhmawh zet a a pen chu a ding chawt a, ka lo nui chhuak leh pek!
"Chawl hahdam se a tha mai ang! " a ti leh sup a, dim zet in a pawm kang a, an room ah a chhoh pui nghal zat
"Angai lo tak tak ang chu maw? " ka nu in a ti sap a,
"A pasal doctor ber in a tih chuan angailo niang! " ka ti nghal hliai.
Ka nu leh pa in Uhlutea an zui chho chu ka thlir a , enge an in kar ah awm ang le?
Zan ah ngatinge an mutdun loh le?
"I tha em? " ka beng bul ah Tomm an a rawn ti thawm ruih a
"Ummm" bah zet a ti nawk chung in ka nui lui sang a
"Ngaihtuah suh aw... Atha mai ang" a ti leh sup
Naktuk tuk leh ah Aizawl ah kan let anga engkim hi lo tha vek se ka ti!
"I tho hma sia... I mut a chhuak hma dawn nimaw? "
"Nangpawh! "
Nuisuk in a sana bun lai a bih zauh a, "dar6 pawh ala rilo... " a ti sup
"Chhuak ila... "
"Maw? "
"In veng hi min fan pui anga... " phur hmel zet in a tho nghal hliai a, ka peih lo zia ahria nge ni min pawt tho lawp!
.........
Kawngdun ah muangchang in kan kal a, a la hma bawk a walk ve dang tihloh chu lirthei pawh hmuh tur ala awm mang lo.
"Zing tin hetiang hian walk dun i peih angem? " ti sup in ka kut a rawn chelh a, ka en nghal vat!
"Kan inneih hun ah! " ati thawp leh sup
Min chelh na kut phelh sak ka tum chu min vuan nghet sauh sauh zawk!
Inkai rial in kan kal dun a, tun ang reng hi kan hmalam hun pawh ni thei sela. Ani thei ta ngang lo a, buaina tam tak in min hmuak pawh nise ka kiang ah Tommy hi awm reng sela.
Ni e, hepa ang vek hi khawvel a mipa zawng zawng te hi nisela chuan tumah an tap ngailo anga hmeichhia zawng zawng te hahdam leh thlamuang tak in an awm vek thei ngei ang mawle!
"Baby! "
"Ummm" chal ti chuar tap in alo meng dur khui a, ka nui nghal hak!
"Enge i ngaihtuah a... "
"Thil te te!! "
"Ka be char char che a, i hre thei miah lo a! "
"Ummm ihhhh i bul a ka hlim zia ka lo ngaihtuah a! "
"Takzet! " a ding nghal chawt!
Nui sang a ka buk tak nghut ah chuan hlim hmel zet in a thaw chhuak nghal hawk!
........
" i zia tawh em? " Choka a Utetei rawn lut chu ka be nghal vat, mi inthlahrung ngang hi ani bawk nen tun ah pawh nuamlo a tih hmel leh emem tawh.
"Ummm ka zia tawh lutuk! "
"Ngatinge i rawn thawh a.. Han mu rawh! " ka pi in a rawn ti lut bawrh bawrh a, engtiang pawn ti mah ila a tluk tawp loh chuan a mu tawh lo ang.
'Khawnge Uhlutea.. "
"Damdawi lei tur in a chhuak lawk a! " a ti tha ve mai a, a hmel chik zet a ka en chung pawn danglam na ka hmu bawk silo.
Nia, vawiin lam kha chuan Uhlutea pawh Utetei vangin a phe buai viau anih kha! Mahse ngatinge khum khat ah an mut loh, ka rilru ala ti buai ngawih ngawih tho.
.........
"Vawiin chu kan leng kual dawn em? " Rkin a rawn ti lang lang a, ka lu ka thing nghal vat.
"I peih lo maw? " Tomman a rawn ti nghal sup
Varandah ah kan thu a, mikhual an haw zo deuhthaw tawh a, a khawharthlak phian lehnghal!
"Naaa... Naktuk ah in kal leh daih anga! " lungawiloh hmel zet in a rawn ti nang nang a ka nuih tawp.
"Na i nei em? " Tomm an a rawn ti leh sup.
"Aih... Mahni khua a lenkual te chu a ho e! "
"Zamzami leh Tomman an chak ang! " Rki bawk
Ka peih loh em avangin ka chhang tawh lo tawp! Zamzami chu Mama nen chhuah an tum tih ka hre ru kur bawk sia.
"Ka peih vak lo keipawh! In ah thiltui deuh ei zawk ila... " Tomman a rawn tih chuan Rki pawh a phur leh nghal emem tho.
Diktak tak chuan apeih loh vang pawh anilo, keiman ka peih lo vang zawk tih pawh ka hre reng, hepa hi chuh ka van duh ngawih ngawih chiang tak!
.....
Lunch eiin kan thu khawm thap a , eng eng emaw sawiin kan nui ho dar dar reng a, Tommy nen in ep in kan thu a, ani pawh vawiin chu a nui ve hawk hawk mai. Anui tha duh lo thei lutuk hi ka hau tam na ber.
"Tlai ah maw in kal ang! " ka pa in a tih chuan Uhlutea a bu nghat a, Utetei nu an tlawh dawn a, chaw pawh an ei nghal ang.
"Tun ah chuan Mampuian a dawt leh anga! " ka pi in a rawn ti sup a, Mama kan en nghal thap!
Ka bul a thu Zamzami ka sik nghal hlawk a, a lo sen leh tawn tawn tawh!
"A hmu zo ve ange maw? " ka nu in arawn ti hliai a, ka nui chhuak hak!
Ka nu pawh hi in la zei lutuk mai!
"Hmu hrim hrim ang! " uar zet in ka ti leh nghek!
"Anih Mate nangve! " ka pi tak hi chuh!
"Hmanhmawh thlak mi? "
"Hmanhmawh vak nange! " Nghal zet in Rkin a rawn ti nghek a, ka pi tihloh chu Tommy nen kan inkar hre tu te vek anni bawk si, ka sen nghal tawn tawn.
"Hmeichhe tan chuan pasal zawn thiam hi angai a, mi tha leh rintlak annih chuan neih hmiah mai tur ania... Matei tan hian tha deuh ka hria ania! " ka pi in a rawn ti leh duah.
Rki bawk a rawn nui chhuak hak a!
"Tumaw? ". A rawn ti hliai
"Aa... Ka la sawi dawn lo" ka pi bawk.
Sawizawm tawh lo tur a ka duh avangin Rki ka va melhrum nghek!
Ngawi thap in thil kan ei zawm a a then in an ei zawh tawh avangin Rki leh Zamzamin a seng fel mek a!
Ka pi pawh varandah a a plant ho en in a kal leh tawh!
"Ka pu... " rawn ti thawp sup tu Tommy chu kan en nghal thap!
"Issa hi min neih tir rawh u...! "
Thawm a reh nghal duk!
Tun ah khan enge a sawi kha! Angaihna hrelo lutuk in ka en a, midang ho pawh chuti tho!
"Inneih maw? " ka pa in a rawn tih chuan ka thinphu dawt dawt ka hre leh chiah.
Enge maw a hriat ni?
Avan zahthlak tak!
"Aw... Tun ah ka ti lo a, in phal hun hun ah animai. Ka dil duh zawk che u chu midang neih tir lovin keimah chauh min phalsak rawh u! "
Ka khawng vek tawh!
"fel tak leh rintlak tak a in awm phawt chuan keini chuan phalloh na chhan tur kan nei hleinem! " ka pa in a rawn ti dam dap!
Sawi tur ka hre lo mai pawh anilo, awm veloh tawp ka duh zawk!
Utetei a rawn nui chhuak hak a, Uhlutea mak ti hmel mawlh te kha, bak ah Rki leh Zamzami pawn sawitur an hrelo tawp. Mama lah angaihtuah hriattheih miah lohvin a ngawi leh ngul tawh bawk si.
Ka zak hlawm tawp hi ani ringawt!
............
"Baby... " a message chu reply duh lovin ka chhiar thla char char, vanneihthlak zet in tuman engmah an sawi zui miah lo. Mahse ka zak lutuk a chaw pawh ka ei puar lo.
"Kan kal ania... "
"Rei over su aw... Zan ah hian chetsual a hlauhawm ania! " ka ti hliai a, a rawn nui chhuak hak!
"I u hi ring tawp rawh! " ti leh hliai in pindan achhuahsan a, Mama nen an lengchhuak leh dawn a, aphur em em mai ni.
Mahse, Zamzami takngial pawn chhun a thil thleng kha a sawi zui lo, engmah hrelo ang hmak a an awm vek te cuan ka zahna a tizual a, hreawm ka ti daih zawk. Ka ngaih te pawh a thalo rum rum zawk!
Inthlahrung zet in Tommy ka pindan ah a rawn lut a, ka en duh lo lui tawp!
Kawngka a kalh te pawh ka hau buai peih lo!
"Titau ka thlem thiam lo ania! " khum ah mu in ka inlukhup vek
"Min thlem bawk suh! "
"Anih... Ka thiam dan tactic ka apply mai ang! "
"Eng! "
"Kuah char char che! " tih leh ka bul a rawn mut a rual nghal der.
"Hei midang an lo kal ang, tho vat rawh! " tawng rin hlau zet in ka ti hliaia,
"I thinrim chhung chuan ka tho dawn lo"
"Tommy! "
"Yeass baby boss! "
"Tikhan uang suh! "
"Min en la, ka uang miah lo! "
"Hmmmm ninawm! " ka ti nghek!
Ka kawng ah a rawn kuah hlu hlu a, ka ngei rih tlat! Khatiang a sawi dawn te chuan min rawn ve tur ania, bak ah kan awmkim lai vek lehnghal in.
"Sorry aw... " beidawn hmel zet in a rawn ti sup a, ka thaw nghal hak!
"Ngatinge khatiang te i sawi reng reng a... Ala hunlo eeelawm! "
"Ka neih loh che ka hlau alawm! "
"Engvang in! "
"I pi in midang a hual tih a sawi anihkha! " naupangchhia zet in arawn ti nang nang a, awihlo zet in ka nuih tawp.
"A sawi ve mai mai anihkha! "
"Chupawh nise ka hlauthawng tho, baby min en teh! " thutak zet in a rawn ti sup a
"Keimah chauh hi min nei ang tih in tiam rawh! "
"Ka intiam reng alawm! "
"Chuan ka tihpalh aw... Ka titawh lo ang! "
"I tiam. Em? "
"Ka tih dawn pawn ka hrilh zel tawh ang che... " ka nuih tawp. Thinrim rei theih hi ani thin lo tak tak.
.........
.
.
.
"I phone a ri char char ania... " Zamzamin a rawn ti lang lang a, Tommy a nih ka rin vang in "lo chhang mai rawh! " ka ti nghal nghek!
"I inbual rei! " ala rawn ti talh!
Zamzami nen pawh MZU run kan bel ve tawh a, kan graduate hnu ah pawh hostel ah awmdun in kan la inhrawn dun char char!
Towel a ka lu hru mawlh mawlh chung in ka chhuak a, khum ah alo mu pharh duai!
"I chhungten an lo call che! "
"Tu ber! "
"Utetei! "
"Nimaw? " ti hliai in ka phone ka en nghal vat a
Utetei number hmetchhuak pah in "kan monu neihchhun ka ngaih emem kan be leh phawt ange! " uar zet in ka ti leh nghek.
"Monu sual i neih tep kha theihnghilh lo laa... " a rawn ti nghal nghek
Hetia ka tih hi chuan a meng rum thei emem mai a ni, Mama nen an la inzui ve tang tang a, an inngaihzawn dan lah hi a boring ka tihber chi. Ka unaupa ani sia ka sawisel lo vel mai mai a ni.
"Mate.. " a rawn ti nghal hliai.
Mo te nen inngeih taka awm nawm zia hi aneilo chuan an hrethiam kher lo ang, keitak phei hi chuan pianpui unaunu ka neilo bawk nen Utetei hi ka ngai fal takzet ani tawp.
"Ka lo inbual laklawh lutuk a... "
"Nia... Minlo be duh lo hrim hrim... " a rawn ti nghal lawng lawng a, ka nui tawp
"Ka ngai tho che... Midang an dam em? "
"Yeasshii thil hrilh tur che ka nei ania! "
"I aw atang chuan a van that hmel! " ka ti nghal hliai
"Yeass.. Lutuk... Aunty nih kha i duh ani lawm ni? "
"Tak tak maw? " ka ti nghal nghek
"Yeass... Ka hrilh chak tawp che a" ahlim takzet aniang a aw pawh a zangkhai vah mai
"Enge a! " Zamzamin a rawn ti hliaia, min hnaih nghal rawk rawk!
"Utetei a rai!.. Awiiiii! " ka ti chhuak nghek a, Zamzami pawh a rawn khek chhuak nghal raih.
Kumthum an inneih chhung khan a beidawng ve thei ngawt ang, keiphei chuan a naupai thei lo tur ah ka lo ngai hman deuh tawp tawh. Ka van lawm tak!
Rei zet kan inbiak hnu ah kan dah thei hram!
"Tommy kan hrilh nghal teh ang! " phur zet in ka ti nghal hliai a,
"Insiam vat mai rawh a rawn thleng tep ang! " Zamzami lah in a rawn ti hluk
"Kha kha lawm Pro Pastor bialpa ka nei e i tia, in date na hun pawh a awm silo... Kan bul ah lo kal ve mai la... "
"Pathian hian min awmpui reng tho alawm! " over zet in a ban a phar nghal hliai.
Mama pawh Dawrpui bial ah Pro Pastor in a awm ve mek a, rawngbawl tu tih tak ah mi mitmei ven a na duh ngang mai. Zamzami nen pawh hian an inhmu hman meuh lo chu a ni.
Inneih pawh an tum ut ut tawh a, Zamzami chhungte lam in Master zo phawt tur a an duh avang a la innei lo mai chauh an la nih ve hi.
............
"Gate bul ah ka awm? " chauh hmel zet in a rawn ti thawp sup a, ka bag ak in ka tlan chhuak nghal vat.
"Hey... " rang zet in ka pan a, ka thutna tur kawngka min hawnsak nghal zat.
"I chauh hmel! "
"Ka hmu che a ka chauh a reh nghal vek! " over zet in a meng kual a, ka nui chhuak nghal hak!
A pa sumdawnna peih lo leh duhlo zet chung in a en kawl chho a, diktak chuan a phur hlawl lo tih ka hria, keiphei chuan a thuthlukna ka zahsak avangin engmah ka zawipui lo hrim hrim a, apa in engtin nge alo hmin leh theih ka hre bik lo.
Mahse "nangmah vang in, nuamsa tak a dah che ka duh! " a tih kha ka la hre reng, kha chauh kha a chhan tunthleng in ka la hria.
"Khawi ah maw kan indate dawn a... "
"Ahh... "
"Hotel ah bawk a ni em? " ka nui chhuak nghal hak! Min len chhuahpui na tur a hriatloh theih lutuk avang hian kal dun na hmun a lawi pawh kan la nei lo. Mahse, amah nen hi chuan khawi hmun pawh hi nuam ka ti.
"E tak in Utetei a rai a sin! "
"Tak tak maw? "
"Umm alawmawm e tiraw?"
"Dik chiah! " a ti ve hliai, thutam hi a sawi ngailo ve hrim hrim
"Tommy keipawh Utetei ang hi ni ve ta ila... "
"Shhh atan leh dawn e.. "
Nau pai theilo dinhmun hreawm tur zia hi Utetei atang hian ka hre chiang a, ka dinhmun tur ani lo ang tih ka hre bik hek lo. Chuvang tak chuan Tommy bul ah pawh ka sawi lawk fo thin reng.
"Tommy... "
"Baby, kha thu kha i sawi leh chuan ni khat ka titau ang... "
"Ni khat maw? " ka nui chhuak nghal hak
"Hmm... Darkar khat ani mai... "
"I thei dawn mi chupawh! "
"Naa... Minute10 tal animai hey ka naute duat hmangaih ngawih ngawih te sawitawh suh aw.. Ka rilru i hriat kha.."
"Umm.sawi tawh.lo ang"
"Baby ka phone a ri, ka jacket ipte ah hian lo en lawk" a phone ka la chhuak nghal vat.
Phone screen ah chiang zet a "JIMMY" tih inziak kulh ka hmuh chuan ka thu khawng deuh lah
Khazan bak kha ka la hmu leh lo kha ania, ngaihdam min dil hnu ah a zirlai chawlh san in Bangalore ah a awmzui a, a chanchin ka hre zui ta miah lo.
.
"Min lo biak leh zeuh aching a" Tomm an a rawn ti sup a, ka nui nghal sang, kumkhua a hmelma nitur in ka duh bik lo.
........
Hotel ah kan lut a , sawi lawk lo mahse hotel ah bak kan kal hi ka ring lo hrim hrim.
"Ngatinge in hotel ah kan kal mailoh a.."
"Hmelngai hmuh reng ka ning!" Arawn ti hluk a, ka nui hawk thung
"Number engzat ah.. "
"Thil ei hmasa phawt ang" tih pah in ka kut a rawn kai a, kalsawn ka tum buai bik lo.
Lift a kan luh rual in "i nalh zia ka sawi tawh em? " arawn ti nghal zat
"La sawi lo""
"Ahhh engtin nge ka sawi loh theih i nalh lutuk " ka beng bul ah a rawn ti thawp sup.
......
"Wow... " ka thutna tur min pawhchhuah sak a
"Nuam i ti em? " a rawn ti thawp ruih
"Anuam lutuk... Bak ah a mawi tawp! Tomm... Hetiang hian nitin an chei reng a mi" hlim zet in ka hawi kual ruai
Hmuntin chu baloon, candle leh pangpar mawi zet zet hmanga chei chhuah vek ani a, a tu a te pawh chuan nuam an tih hmel emem vek!
"Enteh.. Hetiang hian in hotel pawh ti ve ula... Sawi ngaihna pawh ka hrelo" ka ti leh hliai.
Kan table an set dan te, table chung a pangpar khawi nalh lutuk te hian min ti hahdam sawng sawng!
Tommy ve thung chu heng thil mawi lutuk hmu awm pawh hian a awm lo, keimah ah a mit a fu ngur a, a khi ve leh suk suk zel.
"Eitur ka order tawh a, vawiin chu i pual ani mai e tiraw? "
"Lutuk he hmun a min hruai hi ka lawm lutuk, movie vel ah chauh ka hmuh ka lo ring a" a nui chhuak hawk
......
Ed Sheeran hla 'perfect" tih kha cool zet in an rawn play ruai ruai a, ka bul a mipa perfect lutuk mit hi keimah ah chauh a fu run bawk nen, engkim chu a cool in a romantic raih vek, anuam thlawt hi ani tawp.
"A tui i ti em? "
"Lutuk... Vawiin hi ka theihnghilh tawh miah lo ang! " hlim zet in ka ti nghal hliai.
"Ka theihnghilh phalloh ni leh, a thlen loh ka hlauh emem ni i hre ve duh em? "
"Umm. Eng? " ka thil ei lai chawl meuh vin ka en
"Library a ka hmuh hmasak ber ni che kha! " ka beiseiloh zet a rawn sawi leh ta.
"Kha ni kha a thlen loh ka hlau takzet! Chuan Library a awmloh kha ka hlau emem bawk! " ka nui chhuak nghal hak.
.....
Its a beautiful night, we're looking for something dumb to do
Hey baby, I think I wanna marry you!
An rawn play rual in midang awm ve ho chu an rawn tho suau a,
Mak ti zet in an lam lai chu ka thlir tawp!
"Tommy! " hamhaih zet in ka en kual a
Dont say no, no, no, no, no
Just say yeah ,yeah, yeah, yeah
And we'll go go go go go
If you ready like im ready
Tommy tho chhuak a, lam ho hma a a va din a, alam ve lai te chuan ka au chhuak nghal raih!
"Ka awih thei lo! " ka ti sup
I think I wanna marry you!
An zavai mai chuan nuisang in min en thap a
Ka hma ah muangchanga thingthi a zungbun a rawn phawrh chhuah lai te chuan ka hmui ka hup tawp
"Baby.... Will you marry me? "
Ka ring thei thlawt lo.
Bu nghut chung a ka kut ka pek lai te, zungbun min bun tir lai te chuan a ri chuah chuah hi ani tawp.
Surprised ropui tak ani!
Hengthil hi a tih tak tak ka beisei lo takzet, youtube ah he hla hmang a an in propose lai hi vawi khat kan en dun tawh a, "hetiang hian i lam ve angai! " ka ti fiam kha ani a.. A tih tak tak leh alo la hriat reng hi ka beiseilo hulhual.
Dingchhuak in nghet zet in min kuah bet a, Tommy hnung a ding a min en thap tu te chu ka zungbun bun lai hmuh in ka lek kang va a, kut an beng ri nghal dur dur.
.........
Couch ah amah ngheng chial a thu in ka zungbun bun chu ka thlir heuh heuh a,
"Naktuka ah palai ka tir nghal dawn ania... "
"Naa... Mama te kan tih hmasak tir dawn lo ami? "
"An hmanhmawh lo emai ka nghak thei tawh lo" a rawn ti nghut.
"Anih ka chhungte ka lo hrilh ang!"
"Takzet!" Ti hliai in min kuah bet leh rawk rawk.
"Ka hmangaih che! "
"Nangaia nasa in ka hmangaih zawk che! "
Ni e, engtik ni ah emaw chuan ka hmangaih ber tan hian nupui tha tak ka la ni ve ngei ang!!
Kan inhmangaihna hian engkim a hneh a, ho te te pawh nise dawt a sawi ngailo, min tihlawm nan a thu phuah chawp sawi a ching hek lo.
Amah ah hian ka him in ka thla a muang hliah hliah!
Ka tawng hi ka lawm a, ka tawn loh ka hlau hliah hliah zawk!
Piang nawn leh dawn pawh ni ila amah tho hi ka zawngchhuak leh ngei ang!
Min pawm kang nawlh in khum lam min pan pui a, khum dup nuam zet a min nghah thlak rual in min si chet in a rawn mu thla ve nghal zat
"Ka nunna i nihhi" ti sup in min kuah bet a, a awm khauh tang ah thlamuang zet a bei in ka muhil ta siai siai a.
THE END
(LIBRARY CHU ALO TAWP TA! THIAM LO CHUNG CHUNG A KA ZIAH MIN CHHIAR SAK HRAM HRAM TU TE IN CHUNG AH KA VA LAWM TAK EM!!! IN COMMENTS CHHIAR A NUAM THEI SI... ANGAIHNAWM VAK LOH ZAN PAWH A NGAIHNAWM MIN TIH SAK HRAM HRAM TU TE, A TAWP DAN A IN DUHKHAWP LOH LAI AWM TUR PAWH KA HRE VEK,
HAUH KA HUAM. AWW....
KA LAWM EMEM TAWP MAI ANI. 🥰🥰🥰🥰🥰🥰)