Alpha:1995 Book II Ch-5

Episode kal lai dah luhna

Moderator: writers

Melz Hrahsel
Posts: 136
Joined: March 21st, 2020, 8:02 pm

Alpha:1995 Book II Ch-5

Unread post by Melz Hrahsel » July 7th, 2020, 8:25 pm

Chapter-5

°Jade's Pov°

"Zion hi in hmu thei tawh lo ang" Mr. Roberto Gonzales chuan thinrim fe in a ti nghal hrawk.

"Nilo. Ka fapa a ni"

"I kalsan kha theihnghilh suh. A nu i ni tawh lo"

"Hetiang thil hi ka chungah ti suh....ka ngen a che. Ka hmuh a ngai a ni" ka tap hawm hawm a. Mr. Gonzales a hma ah ka thingthi rawp tawh, a kawr hmawr ah ka vuan ran bawk.

Ka kut a vai sawn nghal lawp a. A tawlh hning nghal hmak a , a car hnung a melh zui nghal zauh.

A hawina lam ka en phei a Zion a backseat a awm ka hmu zui nghal zat. Min en reng a a tap bawk. Eng emaw a sawi a mahse ka hrethei lo, a chhan chu car kawngka a in khar tlat. A hmuiphun chu hriat ka tum a, mahse ka hre thei chuanglo.

Engthil nge a sawi engvang a tap nge a nih.

"Zion hi i la dawn chuang lo. Kan fapa a nih hi"

Mr. Gonzales chu ka melh leh a "i lak atang hian ka la hrang hauh lo ang khawngaih in...rei lo te a kiang a hun hman ka duh mai a ni".

"A lak atang hian kalsawn nghal rawn. Ka chhungkua i ti buai a ni. A nun chu a hmang mek a nih hi, kan chhungkua in"

Mr. Gonzales chu car chhungah a lut a remchang ah la ve in car handle chu ka vuan a Zion lak chhuah ka tum a. Mahse a in kalh tlat. Ka pawt vak vak a mahse a in hawng thei chuang lo.

"Kawngka hawng rawh. Zion, ti rawh le, unlock button kha hmet rawh ka naute...khawngaih in"

Zion pawh chu a tap hawm hawm a. A harsa tih ka hriatthiam pui. A hmui phun in Anu min pui rawh...a nu..min pui rawh...anu.

Pui tur in min duh a ni. A hmuiphun chu hriat belh ka tum a mahse a dang zawng chu ka hre thei lo. Mrs. Edna Gonzales, Mr. Gonzales sir a thu chu a melh leh zauh a. A la muhil zui. Hetiang thil a thlen lai hian engtin nge a mut theih zawk ka ti a ni.

Mr. Gonzales in a car chu a ti nung a car tukverh chu ka chum nghek nghek a ka kut pawh a na ngang tawh. Ka beidawng tawh a ni, mahse car tukverh ka ti keh thei chuang lo.

Car a ti kal a. Zion a thusawi pawh chiang leh fiah takin ka hre thei tawh "A nu...min chhan rawh. Anu...min chhan rawh" car darthlalang chu engtin tin emaw a rawn hawng a ka lam ah a kut a rawn phar nghal thuai. Mahse car a tlan chak tawh lutuk a, a kut zungtang ka tawh bak chu tih theih ka neilo.

"Nilo...nilo...nilo...aih Zion" Zion a kut man pha reng turin ka tlan a. Mahse car a tlan chak tawh lutuk a, ka umpha tawh lo. Chak zet in an tlan zui a ka mithmuh lai in an tlan liam zui nghal.

A ngaihna hrelo zet in ka tap hawm hawm a. Kawng dum ruih ah chuan mal leh hneh ni mai hian ka in hre tawh.

Zion ka tih rual chiah chuan ka harhchhuak nghal zawk a.

Oh Lalpa....ka tah chhunzawm nghal char char. Ka mit ka khawih a ka mittui a tla nasa ngang mai. Ka khur a ka tan thawk te pawh a harsa zo tawh in ka hria. Thawk ka la vang vang a, ka rilru hah na thunun ka tum a ni.

Ka mumang chu a tak a ang ngei mai. Ziona chungah hian eng thil diklo emaw tak chu thleng a awm chiang a ni. Ka mumang ah pui turin min ngen a a tap hawm hawm lehnghal. Eng thil emaw tak a awm tih ka hre thei....MAHSE...mumang mai a ni bawk si.

Ka sir a Eros a mutna lam chu ka en a. A lo ruak huai mai. Bang a sana in tar ka en vat a dar 8 a lo ri tawh. Backyard ah a awm tih ka hrethiam mai, huan a siam leh a ni ngei ang. Zin tin in a ti ziah thin reng a ni, Georgia a kan awm atangin a la ti ziah lehnghal a.

Ka hlauthawng deuh tlat. Ka mumang khan min ti chau zo. Khumah chuan rei fe ka mu leh a ka pum thang mek chu na tuai that that a, chutih rual chiah chuan ka naute a rawn che talh talh mai.

"Shh...a tah e naute...a tha vek e. Kan tha em em ang" ka mumang a Zion a ka hmuh dan chu ka ngaihtuah chhuak leh a, mumang mai chauh a ni vanneih thlak takin a tak a ni lo hlauh. Ka ngaihtuah zui reng tur a ni tawh lo. Mahse ka ti lo thei bawk silo. Min ti buai rilru tlat a ni.

Minute10 a ral a. Tho chhuak in balcony lam ka pan phei a, ka pasal Eros chu huan velah a buai hle tih ka hmu zui nghal zat.

Ka duh theilo hnimbuk a phun nia.

Ka phur lutuk chu ka thin a phu rang ngang mai. Khung hnim buk tamtak te khu khawi atangin nge a lo kal a tam ropui lehnghal a. A chanve lai chu a phun zo tawh lehnghal a.

Pangpar nalh tak tak ka suangtuah zui nghal a. Rose, daisie, tulips leh poinsettia te...pangpar rawng hrang hrang awm chu chhimbal ang mai a ni...mahse rose chu ka duh ber tho tho.

Ka hlim lutuk in ka mumang te ka lo theihnghilh hman der tawh.

Eros hian min ti hlim takzet a ni. A lakah hian ka luangliam takzet a ni...ka thinlung zawng zawng in ka hmangaih a ni.

A hmai te chu a tai deuh hlak mai, chutiang bawkin a ban pawh. A kawr var hak pawh chu a thlan in a bual huh vek mai. A sam dum hlap pawh chu nizung in a en tle siau bawk. A taksa in phir leh tihrawl lian zet te chu a hnathawh rualin a che talh talh lehnghal a. A kutkawr bun leh hnathawh na booth te chu lei a kai deuh nuaih bawk.

A awmna hmunah khuan kal ve ka chak a ni. Towel leh tui pek pah a han fawh leh kuah vel te chu ka chak zual, chutih rualin a hmai leh taksa a thlan te khu hruk sak i la. Tichian engtiang chiah in nge ka hmangaih tih a hre thei ang. Hetiang a huan a siam hi a hlutdan ka hriatthiam pui takzet.

Mahse. Ka kal ve a phal lo. Chhuat khu a nal em a kei ang rai lai tan phei chuan tluk palh a hlauthawn awm em a ni.



°Eros's Pov°

Jade hian Rose a duh em a Rose hrang hrang phun vek ka duh a ni, a sen, a senno, a sen eng, serthlum rawng, lavender, burgundy, coral leh a pawl le. Mawi takin an par a nga an timtui zet te chu boruak ah a leng vel chem chem dawn a ni. Perfume ang in...ka hmangaihna rimtui leng vel ang mai in. Hlim tak in a nu sang a nga ka gift pek vang hian a hlim ngei ang.

Manto zet in Georgia ah Rose ho te hi ka chah thleng a. Rose hrang hrang ram hrang hrang, china, india, north america, europe, burma, leh north america atanga te a chah luh chu a harsa angreng in a vang duh khawp mai. Heng rose buk te hi Georgia boruak a tha tur ang ka thlang a ni.

Heng rose te hi a bik liau liau a ni...mahse chu ai mah a ti danglam leh ti bik tu chu Jade i tan liau liau a ka siam a nih vang a ni.

Rose zawng zawng ka phun zawh meuh chuan chhun lai a ni der tawh. Huan en ringawt pah hian min ti hahdam sawng sawng mai. Tun atanga hun reilo te a lo thleng mai tur chu ka mitthla thei a ni. Backyard zawng zawng chu rose par nalh tak tak in a khat chuk dawn a nia. Kan in pawh hi a ti lang nalh zual bakah hlimna taktak min rawn then pah ka beisei.

Jade pawn a duh ve ngei ang...rose hi a duh ropui si....Zion leh kan naute lo piang mai tur pawh hian heng pangpar nalh tak tak leh rimtui tak tak te hi nalh an tih ka rinh bawk, huan ah hlim tak a an infiam tur hmuh hun pawh hi ka nghakhlel a ni.

Kan hmanlam hun tur ngaihtuah chuan min ti hlim vawng vawng mai. Ka hah pawh ka theihnghilh hman hial.

"Duhtak...i hnathawh avang hian ka lawm ngawt mai. Pui che chu ka duh viau na a mahse ka dinhmun hi tiang hi a ni leh bawk sia" Jade chuan lunch kan ei lai chuan a ti a.

"Jade duhtak. I tih a ngai hleinem. He huan hi chu ka thilpek tur che alawm"

"Ohh...Eros ka lawm e" a tho a, ka malpui a thut pah chuan a rawn ti a. Min fawp a nghet takin min kuah bawk.

Ka malchung a a thut hian nuam ka ti. A taksa khawih in a pum lian zet te ka chul theih phah a. A pum a Kan naute piang mai tur Pathian thil pek nen chuan a lang tha takzet a ni.

"Rose buk kha i phun a maw"

Ka nuih sak a "ka hrilh dawn lo che"

"Ti teh duhtak...min hrilh la. Rose i phun tih ka hria a nia aw...a rawng te pawh min hrilh la. A sen nge a senno"

"Ka hrilh dawn lo che. A par hun lo nghak mai rawh"

"Tak tak maw..."

"Dawhthei phawt mai teh Naute" a sam chu tuai zauh in a nghawngah ka dawm a. Ka fawh theih nan ka kuai hniam zauh bawk.

***

Zanlam a ni der tawh a Jade nen bedroom ah kan awm a 84inch TV ah Youtube a en mek a ni.

"Khi Asian pa khian eng thil nge a tih chiah a. Thil awmze neilo mai a ni a sawi"

"Shhh...lo sawisel reng lo teh. Hmuhnawm ka ti teh mai a nia. A nuihzatthlak lutuk" a nui hawk hawk a. A thusawi kawi tin a nuih a ni ber.

"Engtin nge 15million followers a neih theih zawk a. Khitiang nuhzatthlak, atthlak leh video awihawm loh lutuk mai...han en teh, a inti nuihzatthlak a, a in siam chhia a, thil atthlak tak tak a ha bawk. Eng thil ber nge lantir a tum a"

"Abstracle Course a nih khi" a popcorn chu a hmawm leh thaih a. "Ka sawifiah thiam chiah lo, mahse ka en tawp mai. Duhtak, a nuihzatthlak lutuk"

"Duhtak video nalh deuh deuh te en zawk ta che. A nih loh pawn movie te en la music hahdamthlak deuh te ngaithla ta che...eng emaw naute tan a tha deuh tur te pawh. Hetiang thil hi nilo in. Hepa hi karkhat lai i en tawh a nia. Ka naute in a duh takzet a maw"

"Ohh...a ropui lutuk alawm. Han en la a duhawm em khi thiam thil a ngam ropui si"

Ka mitko ka san zauh a mahse video en chu ka thlang ve ta zawk a. Darkar 1 vel a liam tawh, keipawn chuan hmuhnawm ka ti ve tan. Eng thil nge thleng ka hrelo mahse ka ti chak ve deuh tlat mai. Ka ti chhin a, a tlangpui thuin ka thei ve zel mahse vanduai thlak takin vase ka ti keh hlauh.

Jade in ring zet in min lo nuih a, ka nui zui ve nghal hawk hawk. Popcorn kan ei a nuam kan ti dun khawp mai.

"En la. Ryan Higo chu i duh ve tho kha" nuih hak hak pah in min rawn kuah a.

Kan in kuah a. A lang tha takzet a ni. A vun pawh a nung sar mai, a nem in a nalh han bawk. A rai hian ka duh zual.

***

Kan bedroom kawngka a rawn in kik dat dat rualin dinner ei turin kan inpeih nghal fer tawh.

"Eng nge ni a Maria" Jade in kawngka ka hawn rual chuan a ti zui nghal zat a.

"Tlawhtu i nei a ma'am"

"Tlawhtu maw" Jade in min rawn melh zauh a "tu emaw inleng i nei dawn a mi duhtak"

"Aih" ka lu ka thing a. Tuin nge helai Georgia ah hian min rawn tlawh ang tun ang zan ah tawh lehnghal. Jade i zawk a nih ka ring.

A ngaihna hrelo zet in Jade chuan a mitko a san zauh a. Maria i lamah a phei nghal thuai "tu nge ni a"

"I fapa Zion" sawi sap hian a rawn ti chhuak a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)