ADDICTED_TO_YOU Chapter : 14 By : Msi (Hmeichhe naupang tereuhte)

Episode kal lai dah luhna

Moderator: writers

Msi Miluhlulnui
Posts: 274
Joined: October 18th, 2019, 7:46 pm

ADDICTED_TO_YOU Chapter : 14 By : Msi (Hmeichhe naupang tereuhte)

Unread post by Msi Miluhlulnui » July 7th, 2020, 10:35 pm

ADDICTED_TO_YOU 💙 #CHAPTER -14

By : Msi, Hmeichhe naupang tereuhte


rps20200707_223331.jpg
rps20200707_223331.jpg (27.87 KiB) Viewed 6682 times


Ka ban chu dawm in bang ngheng chuan ka țhu thla a a nat ut ut avang chuan ka țhen leh tlawk tlawk zel bawk. Ka khup ah chuan ka ban nghat in ka chal ka nghat zui bawk a ka biangah ka mittui a rawn luang thla zung zung.



Khatiang thil a thleng dawn tih kha min hrilhlawk ni se chuan keipawn dawn sawn dan ka thiam mai tur ania mahse tunah hi chuan dawn sawn dan tur ka thiam si lo, rim takin ka thawk ve reng amaw ka ti a mahse banna lehkha ka kutah ngei ka keng si he hna ka thawh theih nan hian nasa takin ka bei asin mahse tunah chuan engmah lo mai ah a chang tawh si.



Lift a rawn din dat rual chuan ka kut lehlam chuan ka mittui hru thuak thuak in bang rinchhan chuan ka innem khalh a ka tho chhuak a mipa pakhat leh hmeichhe pahnih hi an rawn lut ve bawk. Min en duh ang reng hle a mahse kei erawh kûn ngul in a kil lamah chuan ka ding ta reng a floor dawt leh ah chuan an chhuk nghal bawk.



A dawt leh chiah ka chhuk hun anih tawh avang chuan pangngai tak in ka ding a ka ban na chuan min tur ut ut bawk. Lift a rawn inhawn rual chiah chuan chhuah ka tum a mahse ka hmaah tak chuan Damian-a chu hah hmel zet hian alo ding a amah ka hmuh rual chuan ka meng phâwk nghal hra.



"In bia ang duati" a rawn ti sup a, a hnunga hnathawk ho kal te chuan kan awmna lam chu an rawn thlêk nasa hle bawk "Engmah sawi tur ka neilo" ka ti a, chhuah ka tum a mahse lift kawngkhar ah chuan ding in min lo dang a a bek ah te chuan a thlan a luang ngiai ngiai bawk.



"Engkim kha ka sawifiah thei inbia ang aw... chumi hma chuan i ban kha ka lo en hmasa ang" a rawn ti a, ka hawichhuaka a hnung mai ah chuan a hnathawk te chu an lo ding țhup tawh bawk "Mi'n min en țhup ania hetiang hian awm suh" ka ti chhuak hap a, ani erawh a rawn thaw chhuak hawk mai.



"Inbia ang aw... engkim ka hrilhfiah ang che ka signature chu a awm ngei alawm mahse engmah kha ka duhdan ani bik lo. Hei vang hi ania nizanah pawh khan mi hlauh i neih chuan min hrilh tura ka tih che" ka kuta rawn vawn pah chuan a rawn ti sup a, a thu rawn sawi avang chuan amah chu muangchangin ka en chho leh a min lo en ngar ngar.



"Mahse..." ka ti chhuak sep.



"Ka hria engmah i hrethiam lo ang tih ka hria min zui la engkim ka hrilhfiah ang che tuna kan thiltih pawh kha Damdawiin venhim nana ti kan ni mi fiah nana kan tih ani a mahse tunah chuan ni lo, i ban kha en hmasak ka duh chuan kan sawi dawn nia um..?" a rawn ti leh sup a, ka kutah chuan a rawn hmer zui vang vang a.



A hnunga a hnathawk te ding chu ka en a eng emaw an sawi sep sep bawk. A bek a a thlan luang te chu ka en a ka kut thlah tum miah lo tih hriat zeta nghet taka a vawn te chu ka en leh bawk. Amah en tur chuan ka hawichhuaka beisei nei zeta min lo en rual chuan ka bu nghat a hahdam huai tih hriat zet hian a nuih suk pah hian a thaw chhuak ham ham a, a lamah chuan min pawt hnai a min kuah pah chuan "ka tihpalh" a rawn ti nghal sup bawk a ka mittui a rawn luang ringawt.



"Ah! Ana ka kut" ka tih rual chuan a awm hrang nghal hlawk a rang zet hian a rawn dawm a a chet zui hluk "Hmuhnawm engmah a awmlo in hnaah let leh rawh u ding mai mai hman in ni lo chuan Tlansang pu Tlana kha lo han ko ta che" hnunglam hawi pah chuan a ti zui nghut a midang chu an kalsawn nghal sap sap bawk.



"Lo kal teh" tih pah chuan min kai chhuak a ka in rin hma hma chuan min pawm kâng nghal nawlh anih chu! "Engmah sawi buai suh ang che hmuhnawm dang thlir tir i duh lo a nih chuan" țawng ka tum rual chuan a rawn ti zui nghut a ka hmuiah chuan a rawn fawp nghal zeuh bawk.



"Engmah sawi buai loh tur tihna anih kha" a rawn ti zui leh sup a, a pên zui nghal pâwk pâwk bawk. A bek a a thlan luang leh chil a lem ruala a hrâwk bâwk che ralh ralh te chu ka en reng a. Nichin lawk ah khati khawp khan ka ân khum a engkimah amah ka dem kha ania mahse engah mah ngailo in duat takin min la buaipui a amah hi a danglam takzet ani.



"Pu Tlana alo thlen hma in hetah hian lo țhu lawk rawh aw a reilo ang" tih pah chuan sofa dûp nuam zetah hian dîm zet hian min nghat thla a ka țhut fel rual chuan ka hmaah chuan rawn țhu thla in ka mal ah chuan a kut a rawn nghat a thûk zet hian min melh zui vang vang.



Ka mit hnuai chu rawn khawih in ka mittui tlakna lai vel chu a rawn khawih a inthiamloh hmel zet hian a thaw chhuak leh hawk zel bawk "I mittui tlak tir lo tur hi ka ni asin" inthiamlo tih hriat ngawih ngawih hian a rawn ti a, a ban rêk ah chuan ka vuan a rawn ding chhuak in ka chal ah chuan a rawn fawp vang vang ringawt.



A awmdan avang hian keimah zawk hian hreawm ka ti, amah dem a ka ân khum vak vak tawh chung pawn min haw miah lo a ngaihdam min la dil zawk ania sawi ve tur reng ka hre tawhlo. Ka thinrim ve na te zawng zawng kha a reh vek ni berin ka hria hepa hi ka tan chuan a țha mah mah ani ka phulo takzet zet.



"Damian eng nge ni a?" Mipa pakhat aw ri kan hriat rual chuan amah chu a ding chhuak a kan awmna chhungah chuan patling pakhat hi a rawn lut a chupa chu a pan phei a eng emaw a hrilh nghal zat bawk. Chupa nen chuan ka țhutna lam rawn pan leh in Damian-a chu ka bulah a rawn țhu thlaa ka kut na lo lam chu a rawn vuan nghal bawk.



"Lora... i ban chu ka lo en ang chu" a rawn ti a, a ngaihna hrelo zet hian Damian-a chu ka en a alo bu nghut "Engtin nge ka hming i hriat a?" Ka ti hû.



"I hming chauh pawh ni lo i chanchin pawh i duh ai ka hre hnem iti maithei" ala rawn ti ta deuh deuh lehnghal.



"A tliak anih hi Damdawiin lama kalpui a ngai ang hetah chuan ka enkawl thei lo ang Doctor pangngai zawkin ti se a țha ang chuan ngatinge hetiang thil hi a thlen a?" a rawn ti a, dîm zet hian ka ban chu a rawn siam rem nghal a che vak lo turin min hrilh nghal zat bawk.



"Damdawiin chungchang vel kha ania" Damian-a'n a tih chuan chupa chuan "oh!" A ti ringawt lehnghal.



"Engpawh chu nise a chenna in dap phalna chu in hmu tawh em? Vawiin ngeia kan tih loh chuan thil a su kuk thei tlat" Damian-a chuan a ti nghal sup a ka kut chu a tuai heuh heuh zel "Jephtha alo let țep ang Damdawiinah va kal hmasa rawh u kan lo buaipui dawn nia chuan Lora khatia i lo siam kha a țha lutuk a mahse i chêt pui nasa lutuk a a ruh dang kha a khawih maithei a fimkhur zual la" a rawn ti a, ka ban bulah chuan a rawn beng thak thak bawk.



"Lo kal rawh leh Duati" tih pah chuan Damian-a chuan min kaitho a kan awmna room ațang chuan min hruaichhuak a kawngkhar pui ațangin kan chhuak dawn amaw ka tia mahse ka rin loh lam daih ah min kualpuia ala thim reuh em em mai lehnghal.



"Khawi lai hmun nge a?" A kawr a vawn pah chuan ka ti chhuak sep, ding in a sira plug ni ngei tur chu a hmet ri khep a kan awmna chu a rawn êng zui nghal pup a kan hma lawk ah chuan kawngkhar alo awm a "Ka hmanhmawh emaw thildang pawimawh tihtur a awm anih chuan heta țang hian Car awmna lam ka pan țhin hretu an tam lo i hlau hman em?" Min rawn en pah chuan a ti sup.



"A thim a ka hlau ve deuh hlek" ka ti a, ka tukhumah chuan rawn dawm in ka sam ah chuan a rawn fawp a "a kalkawng a tawi a light ka on duh lawk lo anih kha" a rawn ti leh a kawngkhar chu ban in a hawng nghal zat bawk a.



Kan hmaah chuan step hi alo awm a a hnuaiah chuan motor alo awm nual bawk hnathawk dangte motor pawh a awm tel tho anih hmel. Step pakhat chu a rap a ka kutah chuan a rawn vuan a "fimkhur deuh in aw nge ka lo pawm zawk ang che chu" a rawn ti a, ka lu ka thing zui nar nar.



"Ka țha lawm ka kal thei ang theih lohna tur a awm hleinem kal hmasa rawh ka lo zui ang che" ka ti a, a kut nghet zeta vuan turin min hrilh a a chhuk leh a keipawh chuan ka zui thla ve zel bawk. Kan thlen thlak chuan ka țhat leh țhat loh thu min zawt nghal zat a țawngkâa chhang lo chuan ka bûk khum nghat ringawt.



Ka chunga thil thleng ah hian amah ka dem a a chhan chu a thuchhuah amaw ka tih vang kha ani. Office chhungah khan min hrilhfiah a tum a mahse na tak a țawngkhum in ka kalsan leh a ka kal dawn thlengin min la rawn umzui leh a min la ngaihsak em em mai bawk a amah hi phulo ka van in ti teh lul em!



"Dîm deuh khan țhu lut la rem deuh a i țhut hnuah che tawh suh aw" Car-a min țhut luh tir pah chuan a rawn ti a ka țhut luh fel rual chuan seat belt chu min rawn hren tir a a che vel chu ka lo en ngar ngar "tikhan a hreawm em?" Min en pah chuan a rawn ti a hetia min en apiang hian ka in thiam lohna hi nasa takin a pung țhin.



"Ka țha alawm min ngaihtuah lutuk anih kha khatianga ka tih avang che khan ka tihpalh, tunah i thusawi ngaihthlak ka tum leh tho sia tiraw?" Ka ti a, a rûm zui nghut "I dik alawm khatianga i awm pawh kha ka dem hauh lo che engkim hrilh hmasa tur zawk che ka ni" a rawn ti sup a, ka hnarah rawn fawp zeuhin a nui suk a tho kângin Car kawngkhar chu a rawn khar nghal dawp a.



A rawn țhut luh fel rual chuan Motor chu a tinung a eng emaw a hmeh rîk rual chuan Garage kawngkhar chu a rawn inhawng nghal riai riai bawk "Motor tlan tlemna lai ațangin kan hel anga Damdawiin kan thlen hunah i nu te chu kan hrilh dawn nia" a rawn ti dam thlup a.



"Ka lawm e" ka tih sep rual chuan a nui kiai nghal suk bawk.



Kan tlanchhuak a khatiang thil thlen dan leh ka chunga thil thlen dan te min hrilhfiah phei zel a mak ka ti ang reng hle bawk "Hetia kan chunga in tih hian an chêt lak leh zel dan tur a hriattir dawn che tihna ami?" Ka ti nghal sap.



"Yeap! Tunah chuan ruahmanna dang an siam daih tawh mahna hetia kan tih hian Hospital dinhmun a tla hniam ang in kan lan tira mahse thawktu thar kan la dawn tih tuman an hrelo nangni pawh in bang hlen lo a a ang taka tih kan tum vang ani. Heihi ka pa nena kan ruahmanna ania" a rawn ti a, ka lo bu nghat.



"Ka â hle mai, engmah hriatchian hmasak ka lo tum lo a khatiang khan ka lo ti vak che a ka hrethiam lo lutuk a ka rilru ana bawk a engmah ka ngaihtuah theilo. Dik tak chuan ka haw ngawih ngawih che a chhan engmah awm lo a ka chunga khatianga i ti kha ka dem em em bawk che ka hriattirh phei chuan ka hamhaih takzet. Khatiang khan ka ti vak vak che a min haw tur ini a chhan chu ka mawl êm a i thusawi ngei pawh ka ngaithla hmasa lo a" ka ti chhuak sap.



"Heng thil ai chuan i ban kha ka ngaimawh zawk, ni eng emaw zah chhung chu thildang itih theih loh hmel a ka kiangah i awm tam dawn tihna ani mai pawi viau mahse ka tan chuan vanneihna ani tlat" a rawn ti a, ka ner khum nghal nâwng.



"Engtin nge khapa pu Tlana i tih khan min lo hriat daih daih theih a?" Ka ti leh sep.


rps20200707_223401.jpg
rps20200707_223401.jpg (15.62 KiB) Viewed 6682 times
Fb-a pic-a mipa kha aw😍



"I hriat kha, ka pa chuan ka nupui tur zawng turin a ti a chuan pu Tlana khan hma a la a nangmah an rawn hmu ta che a i chanchin chu i rin phak bak in a hria ang dawr a kan inhmuh hmasak ber ni khan in thawmhnaw enkual lai Office ațangin ka rawn hmu daih tawh che a khami ni khan pu Tlana hian ka nupui tur ini tih min hriattir nghal bawk" a rawn ti sup a, kan inhmuhna hmasa ber dawr kha ka hrechhuak nghal zawk a.



Hmeichhe â tak chu ka ni ngei alawm thinrim luat leh nat luat avangin ngaihtuah hmasak ang ang in kan che țhin tu pawh kan ni ngei ang ngaihtuahna a tawi tup a ngaihtiah hmasak ang ang kha kan ring tawp țhin, kei pawh chutiang hmeichhia chu ka ni, a hnua inchhir leh in sâwtna a nei leh tawh lo chuvang chuan eng thil pawh tawng ila rilru fîm tak put hram hram a thil awmzia hriat hmasak ngei ka tum tawh ang chu chu thil nihdan tur chiah, â ka inti a insiam țhat ka tum leh ngei bawk ang.



"Nangmah in engmah lo ti suh keiman ka rawn buaipui ang che" a chhuk dawn chuan a rawn ti a, chhuk nghal in ka țhutna lamah chuan a rawn kual a dîm zet hian seat belt chu min phelh sak in min chhuahpui nghal bawk. Ama Damdawiinah ka kal duh lo tih a hria ani ngei ang hmun dangah min hruai a a hmun chu a nuam ang reng hle lehnghal.



Doctor pakhat hi kan lam pan in alo kal a an inhmelhriat ani ngei ang țhian țha tak ang maiin an inbe bawrh bawrh a an nui dun leh hawk hawk zel bawk. Chu Doctor nen chuan min in hmelhriat tir in țhian an nih thu a sawi bawk a "Sangtea ka nia" tiin a kut chu ka lamah a rawn lek a "Lora ka nia" tiin nuih pah chuan ka lo chibai ve nghal vat bawk a.



"Anih chuan hetah te eng nge in rawn tih dawn a? Lo lut ula" a rawn ti a.



"Duati ban hi en la ka duh a" Damian-a chuan a ti zui sup bawk.



"A koh dan che kha a dik hauh lo i hming ani lo a inzawmna eng emaw chu in nei ani" Doctor pa chuan a rawn ti a, Damian-a tukverh bula a ding chu ka en phei a ka nu te a be mek bawk "I rin dan dan le" ka ti ringawt a, a nui ri suk lehnghal. Damian-a chungchang hriat duh ka neih chuan amah be turin min ti a a thusawi chu Damian-a chuan a rawn hre ve ani ngei ang "Zawnga!" A rawn ti hluk lehnghal.



★Remzuali POV ★ (ti ve lawk ang🤭)

"Engthil ah nge min hmuh i duh a?" Ti nghut a ka hmaa țhu mipa chu nuih pah in intur chu ka pe nghal zat.



"I hmanhmawh lutuk lo maw.... nang nen hian sawifel tur kan ngah ania kan in pui tawn thei bawk a hmanhmawh lo khan aw... intur kha in hmasa la" tiin a hmaa țhutthlengah chuan ka țhu a ka kawrfual hak pan zet chu tlem a zawng ka hlim chho tel bawk a a thil in lai a hâk chiang kher lehnghal.



Ka rin sa ani tu mipa mah hian ka taksa an hmuh hian an insûm thei ngailo tih, chuan hepa pawh hi ka ring dik chiang hle bawk. High School kan laia min duh lo kha a inchhir viau tawh ngei ang le.



"I sawi duh chu sawi rawh" a rawn ti hmuk. A hmelțhaa a pa bawk ka mipa duhzawng tak ani High School kan lai min ti ngai rum rum thei hial alawm le.



"Kan inpui tawn thei ka tih tawh kha nangin i duh i nei anga keiin ka duh ka nei bawk ang chuan sum leh pai tlem a zawng nen" tiin whiskey chu ka lem zeuh a ka hmui chu sexy zet hian ka liak zui bawk a a awmdan danglam chu ka hmuh hmaih hauh lo. A insûm rei hauh lo ang le.



"I thilduh chu sawi rawh" tih nghut pah chuan a țhu țha a ka nui ri nghal hak.



"High School kan lai kha chuan min iai țhin tehreng nen tunah erawh hetiang hi ka lo ni ta a min ît leh deuh tihna em ni, kum tam tak hnuah kan inhmu ve leh chauh a a hma ai pawh khan i chhelo telh telh tawh mahse nangmah aia Hmangaih ka nei tawh tlat mahse... i duhdan chuan i che thei reng ania" ka ti a, a țhutna ațanga rawn tho chhuak zawk in duhthawh zet hian min rawn fawp nghal tawn tawn.



"Pehhel kual lo khan sawi mai rawh anih loh chuan ka ei zo vek duh mai ang che" ti hrâwih in min pawm kang zui nghal nawlh a ka țhutnaah chuan țhu thla in a malchungah chuan min nghat zui nghala a lamah chuan min pawt hnai nghal hrawk bawk.



"Damian-a ai chuan i zei lo zawk anih hi. Inzir i ngai nasa hle mai" a sam a khawih pah chuan ka ti a a thil tih lai chu tawp chawt in ka kawngah chuan a rawn hmer zui chawt!



"Tu phiangsen nge chu mihring chu!" A rawn ti zui hrâwk! Ka nui chhuak nghal hak "ka mipa Hmangaih ka tih tawh kha chuan nangnen hian tihtur kan nei tlat i duh tak ka pe thei che ania" ka ti sap a, a mal lam ka zût thlak rual chuan a rûm chhuak hrâwih a..



"Ani lakah chuan i zia i thup hneh hle mai maw i duh duh in i hruai kawi thei ava nih hmel ve"



"Ka duh ka neih theih nan chuan a ngai alawm mahse tunah erawh hmeichhe hnawksak zet alo lang a kei chu min theihnghilh tawh engah mah min ngailo chu hmeichhia chu i hria ani, i hrechiang hle bawk i hmeichhe la duh ruk em em Lora ani" tiin a malchung ațang chuan ka tho chhuak a Whiskey chu ka thli lehnghal zat bawk a.



"Ka Hmangaih țhin Lora kha maw?" A rawn ti chhuak hluk, a mak na ava awm hran lo em!



"Ani ngei alawm chuvanga ko che ka ni, ani kha ila duh tih ka hria a hnenah kal la neih let leh tum in va be rawh nilo, ruahmanna dang zawk siam a ngai ani chuan tuna a kawp mipa hi ka Hmangaih chu ani, ani hmeichhia kha alo lan ațang chiahin min hnungchhawna tawrh thiam a har i puihna ka mamawh hle bawk" ka ti sep, Whiskey lem zeuh pah chuan lehlamah ka țhu nghal bawk.



"Ka la duh alawm ani erawh chuan min ngaihsakna pakhat mah a nei tawh hauh lo ang ngaihtuah chu min la ngaihtuah ve mahna" a rawn ti zui nghut.



"I chunga thil thleng te theihnghilh la ani chu nei let leh rawh ala duh che anih chuan an inkar a chhia anga keiin ka Hmangaih ka nei let thei bawk ang rei a ngaih ka ringlo min pui ang tiraw? A hlawhtlin chuan tuna ka buaipui mek hian sum tam tak a hlawh chhuak dawna a chanve hlawk ka pe ang che i chunga thil thleng avang khan i danglam tawh tih ka hria" ka ti zui leh sap.



"A țha e, engthil nge ka tihtur chu sawi la" tiin min rawn pan phei a min pawm kang zui nghal nawlh bawk.



"Ka bialpa niin ka mipa ni ang che. Damian-a hmuh ah a thîk theih ngei turin awm la Lora hi muangchanga a rilru khalh buaiin i ta ni turin siam leh ang che. He thil hian a vawrtawp thleng ngei rawh se engtiang chiahin ka lakah feelings ala neih a a thinlungah hmun ka chan tam zia a lang ngei ang min la theihnghilh lo a a thîk ngei dawn che tih pawh ka chiang hle bawk" ka ti nghal sap.



Tunah chuan Second Game țan a hun chiah e First Game erawh a Over țep, a over hunah erawh chuan Bhoom! Ani tawh mai, ka hlawhtling dawn tih ka chiang a tunah pawh hian ka tih leh tur ngaihtuahin an buai tawh ngei ang.



Min lo thlir rawh Lora, min zuam sual ang ka tih kha an rin ang hmeichhia hi ka ni hauh lo eng ang chiahin nge ka Hmangaih min chhuhsak tum tu te laka ka chêt țhin ilo en dawn nia i duh ai pawn a rapthlak mah mah maithei ani.



★ Lora Malsawmtluangi POV ★

"Keimah in ka haw thei ka țha alawm chuan ka in dîm bawk ang min ngaihtuah suh i hnaah let leh rawh" Damdawiin ațanga kan chhuah hnu chuan ka ti sep a. A rûm chhuak nghut mai, he thil avang hian kan chhuk chhung zawng khan kan inhnial tawh min thlah a tum phêt a keiin a hnaa let leh turin ka duh thung.



"No! Hna chu nidangah pawh ala khawih theih tunah chuan i pawimawh ber ka thlah haw dawn che ka tih chuan ka thlah haw dawn che tihna ani min hnial tawh suh ang che" a rawn ti zui nghut.



"Mahse...." ka tih rual chuan ka ban bulah rawn dawm in ka hmuiah chuan a kutțang a rawn nghat a "Mahse... tih a awm tur ani lo a chiang em? Vawiin atan chuan ka thusawi chauh i ngaithla in i zawm bawk tur ani chu chu thil thlen dan tur ani" a rawn ti zui sup.



"Ah! Ana, ka ban na lai i dek" tiin ka au chhuak țhat..! "Hrep chuan! Ka dek palh ami?" Tih pah chuan ka ban chu a rawn en nghal vut a, a buai zia ka hmuh rual chuan ka nui chhuak nghal hak hak a.



"Ka tider anih kha engmah nâ ka neilo" ka tih rual chuan a rawn chet nghal hluk!



"Mahni nâ te chhuanlamah hmang in fiamthu thawh nan an hmang ngailo hre reng tawh ang che" a ti leh hluk a, ka chal ah chuan a rawn pen deuh kawrh a mahse ka chal ah chuan a rawn fawp zui leh daih thung.



"Kal ang aw chawl hahdam la ka duh zanah ka rawn kal dawn nia" a ti a, hnial theih lek lo in a Car awmna lamah min hruai phei leh a in lam pan chuan min hruai haw nghal bawk.



"Awi! Bawihte, ngatinge i chêt paw lawh țhin em em mai le" ka nu in min rawn hmuh rual chuan a rawn ti nghal vat a Damian-a chu a lo nui suk a ka ban na lo lam chuan ka nghawk zui nghal pawp bawk. "Engmah nilo nu ka dam leh vat dawn alawm in chiâi nghal vak zel a" ka ti a, ka ban na lo lamah chuan min rawn beng ringawt.



"Fimkhur ve tawh ang che midang i ngaihtuah hlur a mahni in ngaihtuahna chang pawh i hre ngailo â leh lutuk mai i kalna tur reng reng i mit pâwng khawp khawp in chiang takin en tawh ang che" a rawn ti hlak a ngatinge maw Damian-a awm lai ber kher a min hauh tak vak mai le tiang hian a ti ngai tawp si lo.



"Nute... i hau tui viau nâng in chawl hahdam se ka duh a i duh chuan a mut hnuah i hau leh dawn nia hnaa ka let leh hma in a mu ngei ani tih hriat ka duh a" Damian-a chuan a rawn ti a, ka nu chu alo bu nghat nghat.



"Aw le... hetiang khawp a ngaihsaktu che i nei hi lawm hle rawh va mu la, Bawiha nang pawh tui vawt ka lo lak dawn che nia" ka nu chuan a ti hlak a thinrim hmel zet hian choka lam chu a pan nghal daih bawk a "Kal rawh le, hauh hmabak ila nih kha" chimawm zeta a rawn tih rual chuan ka melh rum zui hrep a ala nui duh miah lo lehnghal.



Tlaiah chuan Maria-i te an lo kal a an hnungah Josh-a'n a rawn zui bawk. Biak phêt ka tum a mahse ka biakna min chhang miah lo "ngatinge i ban te chu? I bula kan awm loh hlek hian i inti na ve ziah" Maria-i chuan ka khum bula rawn țhut thlak pah hian a rawn ti a, ka ban chu chiang zet hian a rawn en nghal a kei erawh chuan min biakna pawh chhang lo chuan ka dawhkan tê bula tum hmuk a țhu Joshua chu ka lo en reng.



"Enteh.... Tei alo haw dawn asin naktukah, thil ka lo hrilh vek tawh a Damian-a nena in chungchang vel te nen chuan Remzuali te pawh kha a eng a mah hma in Remzuali kha alo ngei ve em em ringawt mai ni, ka sawi âwm ang ve sia ka nuih a za rapthlak lutuk ringawt a aia chiang zawkin nangman hrilh rawh khuta țang a rawn țang rapthlak" nuih pah chuan Maria-i bawk chuan a rawn ti leh a kan pahnih inkarah hian hlimna siam a tum tih ka hria mahse awmzia a awmlo anih hmel.



"Ui.... nangni pahnih hi in ninawm inrem tir cheu ka tum ve em em a engmah lo mai ani dawn anih hi ka ning inbe rawh u i nu ka va pui daih teh ang chhete pawha nuih tum dun bawk si lo" ti hlak in Maria-i chu a tho a ka room ațang chuan a chhuak zui nghal daih bawk.



Joshua engmah sawi lo a a ngawi reng chu ka en reng "engvanga ka chunga hetianga awm hi nge inih? Eng nge ka tihsual ka neih a engvanga min be duh miah lo nge inih? Englo, khami zana ka thusawi vang kha a nih chuan ka tihpalh mahse ka theih tawpin ka hnem ve che a huatna tur ka sawi âwm pawh ka hrelo" ka ti chhuak hlak a, mahse chêt pawh a chesawn lo.



"Joshua" ka ti leh nghek.



"Engmah ani lo tikhan awm mai mai rawh engmah ka sawi peih rih lo a chu zawng chu ani mai ngaih țhat lohna tur pakhat mah a awm lo" a rawn ti nghut. En pawh min en lo a a phone chu a phawrh chhuaka a khawih nghal daih.



"Kei leh Maria-i te bula i awmdan a inang lo kei chu min huat hmel em em a ka awm laia engmah ti duh lo chaw pawh ei duh lo kha ka awm loh veleh ah thil i ei a Maria-i te bulah chuan i țawng leh bawk si, tihsual ka nei em tih tal te min hrilh la tihsual ka nei anih chuan ngaihdam ka dil mai dawn che alawm" ka ti leh hlak. A rawn thaw chhuak ta hawk.



"Engmah ani lo ka tih tawh chu tumah biak ka peih rih lo che u min biak tum duhlo law law mai rawh, in bula awm pawh hi a hneawm lulai lutuk. Lo in enkawl țha la i ban kha enkawl uluk ang che" a ti hrâwih a, tho chhuak in ka room ațang chuan a chhuak nghal daih bawk.



Ka rizai sin chu pawt hawng in khum ațang chuan ka chhuk a ka chapal chu inthawlh sawk sawk in ka room ațang chuan ka tlanchhuak ve nghal a. Mahse kawngka pui a Joshua chhuak chu ka hmu hman țawk a ûm chhuah ka tum a mahse ka nu te an room ațanga alo chhuak ka hmuh leh avang chuan ka ding lehnghal dat.



"Mamawh i nei ami?" A rawn ti a, ka lu ka thing ringawt.



"Khawnge Maria-i?" Ka ti a, Joshua chhuak te kha alo hmulo amaw ni le.



"Choka ah a awm thingpui ka in chak a tia a siam anih kha" ka nu in a rawn tih rual chuan tlan meuhin choka lam chu ka pan a Maria-i chu thingpui keng chung hian lo chhuah a tum mek "Lo kal ka tum chiah a mahse ilo kal tho chuan tah hian in mai ang Room lam ai chuan a thawveng zawk" a rawn ti a, dawhkanah chuan thingpui no chu a nghat nghal a.



"Joshua a haw daih asin i hria em?" Tih pah chuan a lamah chuan ka va phei a a bula țhutthleng chu pawt chhuakin ka țhu nghal tharh bawk "hria e min rawn hrilh alawm hriatthiam tum rawh keini bulah pawh a țawng duh chuanglo heta alo kal theih nan hian ka nawr nasa alawm" ngaihsam zet hian a rawn ti ve leh mai a thingpui lah chu thlamuang zetin ala in ham ham zui.



"Mahse nangni bula a awmdan leh keima bula a awmdan chu a danglam bik alawm in hrethiam ve lo mai mai anih kha min huat hmel zet hian min melh țhin a a awmdan chu a danglam tih baka sawidan ka thiamlo" ka ti chhuak nghal hap.



"Chutiang engmah a awmlo chung ai chuan i ban i tih nat dan kha min hrilh rawh kha hmeichhia Remzuali vang kha ami? Nge ni a thildang vang zawk? Ho mai mai chuan i tina miah lo ang chhan eng emaw tak chu a awm ang" chiang zeta min rawn en pah chuan a rawn ti a a ngaih a țhat loh kha ka rintawk sa reng ani.



A bulah engmah zêp ka neih ngai loh avangin thil thleng chu a vai vai in hrilh lo mah ila a hriatthiam theih tur chuan ka hrilh a a âng nghal phuau phuau bawk "Ngatinge tunlai hi thil mak deuh deuh i tawn ziah a dik taka sawi chuan maw Lora amah ka demna chu ani miah lo mahse Damian-a i tawn ațang hian harsatna i tawk tam bikin ka hria" a rawn ti a, heihi keipawh vawiin khan ka ngaihtuah ve hman.



"Ani emaw ni lo emaw amah pawh tawng lo ila thil mak pui pui pawh ka tawng dawn anih chuan ka tawng mai ang, a ni ka tawn avanga harsatna tawk ka ni bik kher lo i ngaihdan in thil sawi tawp tawp zel suh" ka ti a, thingpui in pah chuan min ner khum nâwng mai.



"Aw eng nge ka rindan ka sawi chu a thianglo ami? Nidanga i nundan nena tehkhin chuan mak hlawm tak ani buaina i tawh loh leh nangmah i inhliam a nangmah pawh inveng ve deuh rawh" a rawn ti leh a, țhenkhatah chuan a sawi hi a dik ve tak tak a chhan chu hetiang em em hian harsatna ka la tawk ngailo mahse Damian-a ka kawp tak avanga tawk ka nih kher chu ka ring biklo bawk.



Maria-i haw hnu chuan ka pa nghah pah in vawiina thil thleng te ka ngaihtuah let rauh rauh a khua a thim fel deuh tawh bawk. Remzuali bulah khan Damian-a ka pek tur thu ka hrilh a mahse tun thleng in a call pakhat mah ka la dawng miah lo.



Mahse kha thu ka sawi avang khan Damian-a ka kalsan dawn tihna ani hauh lo kan Game khelh tur chu a ințan chiah zawk ani. I duh ang chuan thil ka thlen tir hauh lo ang kan in el na turah hian ka chak dawn ka tihna ani lo mahse nang el erawh chu ka duh alawm mahse ka thil tum erawh a dang daih ani.



"Bawihte.... inleng i nei ania lo chhuak rawh" ka nu chuan a rawn ti a, ka drawer chu khar sawk sawk in ka chhuak phei a tun ang hunah te tunge lo leng ang le. Damian-a chu nise min lo be hmasa tur ani a ti rilru nauh nauh a Sitting room lama ka phei chu sofa-a T.V en chunga lo țhu mipa chu ka hmu nghal zat bawk. Tunge maw anih le.



"Hei ka fanu chu aw lo țhu rawh thingpui ka rawn lak ang che" Sofa-a ka țhut thlak rual chuan ka nu chuan chuan a rawn ti a Sofa lehlama țhu pa chu a rawn hawi a amah chu ka hriat ngai loh êm avang chuan ka lo en deuh hê hâw a "I țha maw Lora?" A rawn ti a, ka hming a hre leh tawh kei lah in ka hre bawk si lo.



Ngatinge mi hian min hriat tak em em mai le keiin ka hre bawk si lo an ni'n min hre em em bawk si chuan hepa hi ka hre ngailo mahse ani chuan min hre bawk si.



"Ka țha alawm mahse tunge inih a?" Ka ti a, ala nui suk lehnghal.



"Kei hi min hre tawh miah lo tak tak em ni?" A rawn ti a, ka hriat loh thu a chhang in ka dar ka sân zui ak bawk ani lah chuan mak ala tih vak loh hmel em em mai lehnghal.



"Enteh Lora" tih pah chuan ka bul chiah Sofa ah chuan a rawn țhu a ka lo tawlhsawn nghal vat. "Hey! Eng nge i hriat a? Ivan zak lo ve eng nge ka bulah i rawn țhut ve ngawt a?" Ka ti nghal vak a, engah mah ala ngaih loh hmel em em mai lehnghal.



"Min hre tur chu ini asin mawle" a rawn ti leh a, avan zaktheilo tak! Tunge maw anih ve ngawt le "I zaktheilo hle mai ka hrelo che anih chuan insawi ve mai ta che engvanga hetianga rawn awm hi nge inih?" Ka ti leh ngat a ka tawlhsawn zui lehnghal zat bawk.



"I hriatna ala țhalo reng anih hi" tih pah chuan a rawn țhu hnai leh ka tawlhsawn a thawh kân ka tum rual chiah chuan ka nau aw ka hria a kalsawn ka tum a mahse nichina mi pa khan ka banah a rawn vuan ringawt.



"Hey! Ivan zak theilo ve a min thlah rawh eng nge min khawih ve ngawt a?" Tih pah chuan ka kut chu pawh thlak ka tum a mahse rawn thlah thut in keimah zawk chu ka pai nawk nawk a tu emaw hian ka ban bulah chuan min rawn dawm nghal chawt! "I țha em?" A rawn tih sup rual chuan ka hawichho nghal vat a Damian-a hmel ka hmuh rual chuan ka thaw chhuak nghal ham ham mai.



"Tu phiangsen nge inih? Engvanga ani hi lo khawih ngam nge inih a?" Damian-a chuan a ti zui hrâwk bawk.


★★★



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)