And it's so sad! Please don't forget
Don't stop this Love
CHAPTER - 15
"Mam ilo haw maw? U Rinrini naktuk ah a haw dawn" a ngawi reng a en pawh min rawn en lo a la thinrim hle a niang,ka room lam pan bawk chuan ka in her a a bul a rawn kal ve pawh chu Baby anih ka ring nghet nghal bur bawk a kal pui a rawn nei tih ka hriat rual khan ka en zui tawhlo hrim hrim
"A tullo.." aw thum zet in atih ri ka hriat chuan ka ke pen ka tawp chawt,ka va hawi let a ani pawhin chiang takin minlo en ve kar a ka leh hawi lehnghal vat " A haw lo ang" atih leh rualin ka thaw chhuak hawk a, nichin kha chuan a nun aṭang a min paih bo vang vang duh na in a khat a tun ah ka haw a phal leh lo maw!
Hmeichhe tenawm tak ang a min ngaih hnu ah ka chung ah thu neih na sâng tak a la neih a beisei anihchuan ati sual hle ang,ka hmangaih avangin tlawm takin a lak ah ka awm a ka hmangaih vang bawk in ka nat pawn a mah bak ka pan lo mahse min hnar anihkha! sual luih ka nih leh vau ka nih hai der in thiamlo zawk ah min puh tlat bawk a! engtik ah mah a bul ah hian let ka tum tawhlo
"Sangpui ilo kal a law,enge I rawn tih dawn?" Sangsangi tih rual vel a in chung lam pan a kal chho thlir tur chuan ka hawi let leh mahse ka hmu hman lo,a rawn kalpui hi Baby anih ka rin tehreng nen ka mi hriat ngailoh daih ani! ka lawm ruk rualin hmeichhe dang a hmu zui mai thei chuan min ti na tel bawk si
"Aw..Sir hian karleh ka entrance exam na tur atan a lehkhabu tangkai deuh anei tih ka hria a hawh ka rawn dil anih hi,khutah khan kan in tawk a " nui pah a hmeichhe thusawi ka hriat chuan ka awm alo la ti nuam ve em em ringawt,ka rilru tih nat tum ran a rawn hruai lut anilo tih ka chiang ta chuan ka hriatloh kar in minlo ti nui suk
"Lalrinmawi chutiang thil mai mai ngaihtuah tawh suh,in inkar a tawp fel tawh a nangpawn Lawmsangkima I theihnghilh tawh tur ani amah pawhin eng ah mah a ngailo che a thiamlo zawk ah a puh che kha" mahni a phun melh melh chung in room ah ka tlan lut nghal
Thim thleng rak in room ah ka tawm a midang pawhin min hrethiam aniang min koh chhuah pawh an tum lo,mahni te in ka phun leh sep sep reng a a chang leh Sangzela'n tih luih na hmang a a taksa min khawih kual tir Na ka kut chu ka en reng leh thin ka in ten lutuk hi bathroom ah lut in vawi tam ka kut ka sil bawk
★
"U Rinrin hei chaw ka lo ken che" ka room kawngka ri dat dat ah chuan ka va hawn sak a Sangsangi'n ka ei tur minlo ken sak pawh chu ka in thlahrung rawih rawih mahse a hnung a mipa lo ding ve reng ka hmuh chuan ngawi rengin ka en a
"Ih, Mama hian a be duh lawk bawk che a" a hnung a a U awm chu a melh let leh zauh a ka lungawi loh hlauh hmel takin keipawh min nuih tlawn lehnghal bawk "kan lo lut anga " atih chuan tha deuhin ka luh tir ve mai a Lawmsangkima erawh biak tum na ka neilo
"Ka lawm e aw,ka tibuai hle mai che"
"A ho lutuk ka buai teuhlo, naktuk ah min haw san daih dawn sia hreawm ka ti lawk e U Rinrin! mahni in ka awm leh tlawng anga "
"Nula dang in nei leh thei mai ang" ka tih chuan nguai ruih pahin a bu ve nghut a
"Anih leh ka chhuahsan ang cheu aw"
"ai,,hetah awm rawh I awmloh chuan ka ei tui theilo ang" ka ti ve ta tlat room khat a Lawmsangkima nen chauh a awm leh hi ka duhlo hul hual
"Mate lo va Chhuak rawh" a farnu duat hnen ah a rawn tih chuan a aw chhuak pawh a dam dap dap khawp mai, Sangsangi chuan keimah min en leh a ka mitmeng in aih ti rawh tiiin ka hrilh ve ngar ngar
"in sawifel hram zawk ru" in thiamlo hmel tak si hian min chhuahsan a,kan pahnih chauh a kan awm ta chu ka biak peih miau loh vangin chaw ka ei san hmiah hmiah,ka chaw ei lah chu khawi lam pang ah nge an kal tak tih pawh hriatloh khawp in ka ei tuilo bawk
"Ka duhlo" ka ei lai ka hak thut vangin ka khuh kherh kherh reng chu tui bottle ka room a ka in chhawp min rawn pek a tum a mahse k lo hnar ve hmak thung tun ah chuan chak takin ka awm angai tawh min duat der vel pawh nise a lak ah hian ka let tawhlo ang
"Hmeichhe tenawm bul ah awm reng duh suh" ka ti zui leh hlak bawk,a rum nghut a bottle chu ka dawhkan ah a dah ri nghal bur! ka hrelo awm hmiah hmiah a a ni pawhin min be chuanglo ka piah lawk chair ah bawk chuan zah na chhete mah neilo in a thu kar
"Ka va dah ange,chuan khawngaih in ka rawn let hma in room hi lo chhuahsan tawh la ka duh mahni chauh a in ngaihtuah ka mamawh" ka thil ei na te chu tray in ka chawi a
Ngaihtuah tur ka ngah lutuk hi ka tawt up up zawk ka haw hun ah ka nu te bul ah engtin nge ka sawi tan ang? ka haw chuan reilote ah Mampuia school fee pek angai leh ngei dawn bawk a a to si engtin nge chung man tur chu ka hmuh chhuah leh theih ang tih zawng zawng nen lam ngaihtuah nghal angai
"Ka tihpalh.." kawngka ka chhuak tep tawh tihin a rawn ti ve sup,ding in ka tray chawi lai chu na zet hian ka dawm bawk
"Tihpalh tih hian engkim siamtha thei se ka ti,mahse a theihloh zia chu kan pahnih hian kan chiang tawk in ka hria" ti let ve sep in ka chhuak nghal vat a tum dang ang bawk in kan pahnih a an awmdun chhung khan boruak tlachham ang maiin ka awm leh tawh
"Rinrin? " ka nu chuan kitchen lam a ka in chawi phei chu minlo au a " in khaw sumo ka be fel tawh a zing kar ah in chhuak dawm anihchu hetah a rawn lam thei che anga"
"Ka lawm e ka nu"
"Lawmthu sawi angailo,awi a hreawm emai hetiang boruak I tawng mai hi,I chhungte pawhin min dem mahse a awm lutuk tlat keimah ni hi kan lo ngaih tha leh lutuk ani a pawi emai"
"Ka nu a pawilo in thiamloh ani lo ania,ka chung a thleng tur a ruat anihchuan ka pum pelh thei chuang hleinem" zawi sup in ka ti a,ka chung a thleng tur a ruat pawh nise pawm thiam a har ru takzet tho
"Mut hun a hnai tho a va mu daih rawh, naktuk zingkar ah in chhuak dawn bawk si awi Bawihtei a lungleng leh dawn emai in a kawm tur a neih chhun che anih I ni ve a "
"Keipawn ka ngai ngawt ang Sangsangi ang unau neih hi a chakawm a sin a fel in min ngaihtuah em em reng bawk si"
"unaunu neih hi a chak thei lutuk a,a u te pahnih lah hian an ngaihsak thiam tawk bawk silo, engpawh nise mu hahdam tawh rawh I mu thei angem? I duh chuan Bawihtei I riah pui thei reng ania"
"Ka mu thei ang"
"Awle I mut theihloh leh rawn ko hreh suh aw,I bul a mut pawh a chak viau mai thei ani I haw san daih dawn bawk si"
"Awle ka lo hre reng ang" ka nu a kal a ka thil ei na sil fel zung zung in ka room ah bawk ka lut lehnghal Lawmsangkima bawk chu! " Tinge I la kal loh a?"
Nichin a a awmdan ngai reng khan a la awm,eng emaw ngaihtuah muk hmel zet hian a melh ngai a melh tlawk tlawk bawk a ka zawh na chu a hria min chhan erawh a tum lo aniang,min chhang lo mahse pawi tihna chhete mah ka neilo ka duh zawng chu ka room aṭang hian chhuak se tih hi ani
"mut ka duh tawh a khawngaih in chhuak tawh rawh" tlem in ka va din hnaih ve deuh hlek, darkar tam liam ta kha ka chuan min kalsan lo tur a ngen in ka kuah tawk tawk a tun ah erawh chuan a mah hnaih lo thei ang ber a awm ka tum tawh thung
"Bawihi.." Chutiang a min au tawh tur pawh chuan ka duhlo! kan in kar chiang takin a tawp fel tawh a hetiang hian min au tawh suh se " Ka zaidam loh zia vawi tam ka hrilh tawh che kha" ding chung in arawn ti a min rawn pan tum ni a ka hriat vangin ka tawlh hnung lehnghal dawrh
" A nihchuan I thinrim leh hma in kal rawh, engpawh sawi mah la ka tan chuan engmah a danglam thei tawhlo" engati nge maaw damlo ni tlat a ka hriat chu le! hman zan a damloh lai ang mai khan ka hmu leh tawh " I tan hmeichhe tenawm chauh ka ni tawh ani lawm ni"
"Lawmsangkim!..ding rawh" mitmeng alh vut vut lo chauh nen min rawn pan chu ka hlauh em vangin ka lo ti a mi rawn thlen chilh rual in duhthawh piah lam ah ramsa ko ham ang maiin min fawp nghal tawn tawn! a ka chhung lum hiam leh a lei sa zet a rawn nawr luh rual chuan ka ngaihtuah na a nu bulh hman! a âwm leh a dar ka theih na lai a piang ah chuan chum in nawr sawn ka tum ve ngar ngar bawk a chhan chu let ka tum tawh miau lo ani
"A tawp na ni rawh se nang misualpa!" ka theihtawp a ka nem sawn ,nilo a mah a awm sawn ani mah zawk ka tha lawng hi chuan ka hneh lo lutuk tlat,ka hmangaih em em chung a hetiang a ka in thlak danglam a ngai hi hreawm ka ti ve tho mahse ka na ngun tawh mah mah ani
"Min ring theilo tu mipa ka lo hmangaih che hi ka a takzet zet,mipa hmeltha hmeichhia te duh rawn em em in vawikhat min duh thu min hrilh a kei awlsam takin ka lo hmin mai bawk a ka mawl takzet nangpawn I ti tiraw?" ka biang a mittui rawn luang thla chu ka hru nghal tawk a hmuh ve ka duhlo
"Ka tihpalh.." Kun ngul chungin a phun sap a kei erawh in ka hre chiang viau thung " Ka thinrim na thunun ka harsat Hmingsangzela I khawih lai ka ngaihtuah let ringawt pawhin ka thinrim lutuk hi ka puak keh hial dawnin ka hria! " a vin em em ringawt a chau hmel nimai a ka hriat leh a aw rawl chu ala in thlau lutuk midang in kan thawm an hriat ka hlau hle bawk
"Ka duh vang reng a ti ka nih I ring em?" hnuk ulh tun chungin harsa zet chuan ka ti chhuak thei hram " I thinlung chuan a rin bik ka ringlo,minlo duh ve tak tak ngai anihchuan" ka ti lehnghal sep a
"Video hmu vek chung pawhin I kiang ah ka la awm char char chu a nih hi" chapo aw lek lek zawk a maw tih tur hian dam zet in a rawn ti lehnghal thei nia! he mihring mizia mak sak a lutuk hi kei ngei pawh hian ka hrethiam thinlo
"In ngaizawng tur a duan kan ni velo" tih ka sawi lai chuan thinrim si in a nui suk "i chhuak dawnlo anihchuan couch ah ka riak mai ang" ka room ngei pawh him ah ka ngailo tun ah pawh tak chuan,mahsela Lawmsangkima awmloh na hmun anih phawt chuan common room zau tawk ah pawh mahni in ka mu mai ang
"Thudik ka zawng chhuak ang keiman" ka chhuak tur chu ka kawng a rawn kuah in ka dar ah khabe arawn nghat nghal zat a kei in tal chhuah ka lo tum ve nghal bawk " Ka ring lo che tih vawikhat mah ka.la sawilo,I lam tan chhan tur ka neilo tih ka sawi mai anihkha"
"Baby te ang a thlem awlsam ah min ngai suh,min kalsan tawh a keipawh ka danglam tawh dawn engkim ka ti danglam vek tawh ang,ka hmangaih na che,ka rin na che leh engkim" min kuah na a thlah duh miau loh vangin a kuah chung chuan ka in her let a
"Sual luih ka nih loh thu i sawi lai khan engtiang chiah in nge ka nat I hria em? I hrelo tiraw a chhan chu I tan engmah ka nihloh vang ani" dak chho vah in chiang fek fawk in a hmel ah chuan ka en ve kar a mitmeng a in thiamloh na awm te chuan ati Lawmsangkima lo thlawt
"Ka hmangaih che a sin,ka hmangaih takzet che" ka hmangaih thu ka sawi lai chuan a hmel a hlim na rawn in tel khawm tap tap te pawh chu a ka hmu tel ve bawk "Mahse tun ah chuan kha hmangaih na kha paih bo vang vang ka duh tawh,ka haw anga a thar in nun hman ka tum tawh ang"
"Ka tello in I theilo,I tello pawhin ka thei biklo"
"Tun ah chuan ka theilo pawh ani mahna hun a liam zela nga ka theihnghilh hun ah che ka thei ani mai..min thlah la khawngaih in chhuak rawh hmuh leh che ka duh tawhlo" a ni pawh beidawn hmel takin a thaw chhuak hrawih " I khuasik vak hma khan damdawi ei rawh" ka ti zui leh hram
A kut athlah dul rual deuh thaw in ka tal sawn nghal vat a keimah zawk chhuah tum ah tang leh tho in mahse ka kal hma chuan min pawt let dawrh a ka sam tla chhum chu hui kiang in ka chal ah a fawp zauh a a mah zawk a chhuak ta nge nge a ka mittui luang te hru mawlh mawlh in ka in siam lawk leh te te a zingkar tak meuh a kal tur kan nih vangin thawh vel a in siam ai tiin engkim ka pack vek
"Ka rualin lo kal ve rawh aw" Lawmsangkima'n Sangsangi birthday ni a teddy bear min pek ka roh em em pawh chu ka la * Teddy tello chuan Bear chu ramsa hlauhawm bak ani ngailo* Lawmsangkima thusawi ka hre chhuak nghal zawk
"Lalrinmawi chutiang thil vang chuan I rilru thlak tum reng reng suh,a hlat ah kal bo vang vang rawh" khum ah mu in puan chuan ka in tuam hlun a ka tum em vangin dar12 vel ah dar9 vel aṭang a mu kha ka muhil ve chauh ka mumang nge *Kal suh * tihin ka beng bul ah hrilh ka ni lehnghal!
Mut har nen chuta kar ah dar3 dawn a ka nu leh ka pa te pahnih thawm ka hre lehnghal Lawmsangkima a damlo tiin an lo buaipui anih hmel an sawi dan ah chuan,Ka nu khan a damloh hmasak khan min hrilh tawh alawm * a naupan lai phei chuan thla tin ngei ngei in a damlo ziah a puitlin hi chuan amah a in enkawl u luk a damloh pawh a nei ngai mang lam tawhlo* ati anihkha
"Ngaihtuah tawh suh,I let leh duh mai palh ang" thawh a han buaipui ve zet ka tum nang in khum a ka thu chhuak tawh chu ka mu leh daih,dar3 vel ah ka harh a vang in thawh hai ai chuan ka tia ka meh tlang ta ngar ngar
Dar 5 vel ah chuan chhuah mai in peih in ka awm ta tuk dang a tho hma ngai miahlo Sangsangi pawh tuk in meuu chuan a tho hma kher mai, Lawmsangkima tihloh an vai chuan pawn ah sumo minlo lam hun tur min nghah pui thap a,ani chu nizan vangin a la mu aniang A khat tawkin ka pa'n case chungchang kha ngaihtuah hah lo turin min ti ve bawk
"Kal ang le.." Sumo lo thlen rual in driver chuan pbur zet hian a rawn ti a
"A nih mangtha phawt mai u aw" U Puia'n ka bag vel min hlan luh sak a an vai chuan ka thlah a,ka hnuk a ulh thut mi pakhat rilru chhiat zar ah ka mipa hmangaih leh a ka tan a mi tha em em chhungkua ka kalsan a ngai dawn chu ania
"U Rinrin minlo be ziah rawh aw" nguai tak chungin Sangsangi chuan arawn ti a ka tah chhuah ka hlauh vangin za lo zet a nuih pah chuan ka bu nghauh nghauh a a tawp nan tiin sumo chhung aṭang chuan in awm na lam ka thlir let a step tawp ah Lawmsangkima lo ding ka hmu
"Ka hmangaih reng ang che" mahni hriat tawk lek in ka phun sep,ka hua a kalsan ka duh chung pawhin ka hmangaih em em tho,mahse a kiang a awm a nat leh fo ka duh tawhlo ani
Aizawl khawpui leh mipa pakhat theihnghilh hmak tur chuan kan tlan liam a,ka thin zawn a hnawh tawt tlat tu awm chu a khat tawkin ka chum leh dat dat thin ka chuan pui ve midang chuan min ngaihven hlau in ka chum tha vak duhlo thin zawk Aizawl kan chhuahsan fel chiah tihin Lawmsangkima hnen atangin massage ka dawng nawlh
"Kha hmangaih na kha ti tawp suh" tih te chauh,a tir chuan min thlah ve na thu anih ka lo ring zawk a,let leh ka hlauh thin vangin a massage pawh ka reply duhlo a ka block nghal hmak bawk
__________________________________
★ 1 weeks later ★
Ka haw aṭang in kar khat ngawt alo ni ve ta! ka chhungkua te bul ah ka awm vang ringawt chauhin ka nui ve thei a mahni chauh a ka awm erawh in tu emaw ka ngai hi ka ruk hian ka tap ziah bawk theihnghilh tumin ka bei ngar ngar a mahse a mah vangin ka.la tap ziah tho!
Mampuia leh ka pa pawh an dam fel tawh a ka nu pawhin hahdam leh rilru nuam deuhin hna a thawk ve thei tawh,kei erawh ka la chhuak mumal lo ka chung a thil thleng ka hrilh aṭang phei chuan min veng deuh tawp tawh zawk,Ka nu phei chuan a hriat tirh khan a chauh pui phah nghe nghe a khulam ho biak ve hrim hrim a duh thu a sawi erawh chuan dem an ngaih loh thu leh case min buaipui sak thu ka hrilh a ka hmin thei hram
"kha in awm maw?" zan ab TV kan en thap a uChhana alo lut hlawl,ka haw ni bak kha kan in hmu leh miahlo a reh khawp mai
"U chhan nang! lo kal rawh" thut na kan lo kian nghal sawk sawk,kan in hi a tet bak ah bungrua kan nei vaklo a thuthleng sei pahnih leh TV hlui tawh zet nen wordrobe thing a siam rei tawh zet zet chu kan hung ve thluah tho
"Tunlai I va reh ve?" ka pa chuan polite takin alo tia
"Nia tunlai chu Aizawl kal ngun angai riau a kan hna hi hmun leh hmun ah lo chuan a thawh hi a muang mah mah thin lutuk a" ka nu ding lam a rawn thut ve pahin ati a kei ka nu vei lam ah ka thu thung Chuan U Chhana hi department pakhat ah hotu ber ani ve bawk a an chhungkua hi champhai ah chuan a hausa pawl tak an ni bawk
"Thingpui va lum rawh Bawihi keini pawn a hâng in kan lo in ve nghal ang,Chhana lo kal ve thin hian a hnial ziah mai zan in chu in ve ngei ngei rawh se" Ka pa bawk in atih chuan phur takin ka tho a thingpui ka buaipui nghal mawlh mawlh
"Mâ nu, hetah hian eng emaw sak deuh a awm ania" Mampuia'n room aṭang a rawn tlan chhuah pahin Lawmsangkima teddy bear min pek chu a rawn keng va va
"Mampui hei chu khawih ka phal loh kha" ka mihring huat leh hmangaih ber ni bawk lak a ka dawn awm chhun anih miau vangin hei chu ka roh takzet "Khawi maw a ruh lai chu?"
"Tah hian..." ruh atih lai teddy bear kawr hak ip te ang deuh chu a kawk a keipawn ka dap ve nghal,ip te ang tak tak a a lo awm vangin ka kut tang pahnih chuan ka zen lut ṭhi ka phawrh chhuak nawlh! zungbun nalh zet pakhat hi alo in thil tel nghal bawk " A va mawi!"
"Engtin nge a hma khan ka lo hmuh miahlo theih zawk!" mak ka tih em vangin ka thingpui chhuan lai pawh ka ngaihtuah tawhlo Aizawl lampang ka awm lai thil chu duhlo hle mahila ka ngaihtuah na ah a rawn lang nghal zut zut ka mittui rawn far fap ah chuan ka harh chhuak zawk
"Awi ka duhlo!" ka thingpui chhuan alo liam tep ka off nghal vat a Mampuia pawh room ah in fiam tur in a tlan lut lehnghal ṭhi pawh chu ka kawr ip te ah ka thun nghal vat a Teddy bear pawh chu uluk deuhin ka dah tha a thingpui ka siam zawm mial mial
U Chhana Chu a puitling bawk a ka pa pawn a ti ti pui peih em em a patling thil sawi tak meuh meuh a an han ti ti chu hmuh an nuam dun takzet an sawi duh zawng lah alo in ang thei bawk nen,an pahnih thingpui in a an email titi lai chuan thi bawk in ka rilru arawn luah leh tawh
"vawikhat chauh" ti ru sep in Lawmsangkima ka block tawh na chu ka unblock leh chhin a a last seen ka hmu chu awih a har zawk ka haw ni a min rawn text lai bak kha a online leh tawhlo hrim hrim anihchu!
Group massage vel ka en kual a private a mi biak ka neih lem loh loh vangin group massage a tam hlur mai chuvang in ka WhatsApp massage dawn ve te pawh ka en reng peih ngailo group massage bak ani ngailo a khat tawk in u Chhana hian Mampuia leh ka pa chanchin min rawn zawt ve zauh thin a ani mai
"Mama hi ka khawngaih lutuk" Sangsangi nimin piah a,a massage rawn thawn tawh ka hmu ve chauh
"Tinge a?" tih te hian ka reply a alo online lai ani bawk nen a seen nghal vat
"I case chungchang kha a buaipui char char a,a lungleng bawk nen beer in a hrat tawh bawk sia a taksa in a ngeih bawk silo a damlo zing lutuk tunlai phei chu ka nu hian a jection deuh reng mai college hna anihloh chuan I case ah khan ka pa nen an buai ngar ngar a"
- IMG_20200707_235807.jpg (74.57 KiB) Viewed 9032 times
Ka lo hriat ve dan in Sangzela khan ka bul tan zawk ah kei hi min puh ve tlat a chuvang in an man mai theilo a CCTV footage a lang thei turin tih luih na nen min vau miau vangin case a fel lawk theihlo a ni awm e
" Lo dam thuai rawh se" tha deuh chuan ka reply let ve a mahse a online tawhloh vangin a seen lo, Lawmsangkima ka unblock na pawh min rawn call thut ka hlauh vangin ka unblock lehnghal daih
"va thlah rawh I a thei lutuk" phone ka lo khawih tui luat ah u Chhana haw tur pawh ka lo hrelo ka nu chuan min rawn nghawk a
"Enga! aw ka kal" ka phone ake tha in I Chhana nen chuan kan in zui chhuak a
"lo leng ziah rawh aw,I lo len lah hian ka pa hian alo chang deuh chawt zel bawk che sia" ka han fiam zui ve hlak a
"Nia,ka lo len chhan ber pawh ka be hman lo che a" ati fiamthu veleh bawk " Mahse an ni ang han titi pui vel hi anuam alawm hmanlai thil an sawi han ngaihthlak te hi a nuam ve a"
"Awle ilo ning lo hlauh a a lawm awm anihchu" sawi tur dang a vang ta riau bawk nen chuan ka nui ringawt zel " a anih leh mangtha phawt mai aw" luh nghal ka tum chu ka bam ah minlo vuan nghal chawt
"eng emaw sawi lawk duh ka nei a " ka hawi let rualin zam hmel tak hian a ti sup a keipawh in thuawih takin a sawi tur ngaithla tur chuan ka han in her rem ve leh a