Nimin chhun lawkah in kalsan ngai lo turin thu min tiam a..inneih puiah hial min sawm a..tunah chuan awmzia awm tawhlo..a thusawi kha thleng ngailo ang maiin a awm leh tawh..ka mipa hmangaih ve hmasa ber ani asin..engati nge kan rem ve theihloh..Pathian pawh hian tinge remlo tur chu min in tawntir kher kher le
Heivang hi ani lawmni khang kum zawng zawng chhung khan ngaihzawng ka neih duh ngailoh..Delhi a ka kawm hmeichhia te ngei pawhin an bialpa te nen an inthen changin na an ti thei lutuk...a then lah drip hial khai ngaiin an awm thin...Pathian hian mihringah hian hmangaihna alo dah thuk em anih dawn hi
Tunah chuan na mah ila ka tana tha zawk tur aniang..hmangaih hmasa ber te hi chu an in kalsan ngei ngei zel an tih kha a lo dik anih dawn hi..ka chungah ngei pawh a thlen ve tak
••khua a var meuh chuan nizan khan ka lo tap muhil tih ka hre chiah..ka thuamhnaw pawh a ngai ngaiin ka lo la ha chu niin..rui te pawh ka ang a lawm le
Ka phone ka khawih hmasa.Dylan message lo awm thut takin tih thil thu ah mahse engmah hmuh tur a awmlo..5min liam ta mai kha a last seen tih ka hmuh phei chuan ka na zual..min biak hi a tum tawh miahlo niin a lang
Be hmasa dawn ila..amah zawk kan inkar chhu chat tu an ni bawk si..vawiin zet chu college kal chakna pakhat mah ka neilo..mahse vawiin test portion an sawi dawn bawk si..ka piantirh ata na ka tawrh zawng zawngah ala na ber..kan duh deuh te nena inthen bak bak a na awm leh chuan pawh ka ring lo
Rinchhanan min lo hruai leh a tum a..mahse ka kal har deuh dawn thu ka hrilh..a bialnu hi ngaihsak tam se ka duh..a bialnu hian min ngaih dikloh chuan a pawi thui mai mai..bakah vawiin chu third period atang chiah ka nei hrim hrim
Choka ah ka insiam zo apple ka ei mai mai lai chuan ka u leh ka nu chu common room ah an thu dun a..ka u leh ka nu hi chu an in close lutuk hrim hrim..ka u tawng laia Dylan hming a rawn lam rik thut chuan ka phu zawk a..a chanchin an sawi ringin ka beng ka dawh kar a
"Dylan leh Diki pawh an inzui leh tawh an tiin ka hria..hemi te pahnih hi chu an inthlah tawh pawh ka ringlo" ka u chuan ring lutuk silo hian ka nu a hrilh a..thup hi chu an neilo ve chiang alawm an inkar ah hian
"Diki chu in thiannu tho hmel chhe vaklo te kha ami..kha lo leng ve thin kha" ka nu chuan a ti zawm zat a..ka rilru chuan ka nu chu ka ngei ru lutuk..a ai chuan ka tha fe zawk
"Aw khanu kha..inkawp leh rawhse an inhmeh alawm..an ingaihzawnna a thuk ve tawh bawk a...ka kal aw nu class ka nei"
Dylan chuan a bialnu hlui nen an nih leh vangin min kalsan maw..a duh tawhlo emaw ka tia..mipa dawheh lutuk..tha deuhin sawi maise ka kalsan mai tur ania..tikhawp chuan emni ilo duh a Dylan..tenawm lutuk
•last period ah chuan test tur an sawi zung zung a..ban a hun avang chuan ka bag ah lehkhabu ka khung luh lai chuan kan class CR chu ka bulah alo kal a..ban veleh HOD in min hmuh duh thu a sawi a..engmah tihsual ka neilo in ka hre sia..ka luh tlai bik vang hi mi le
"Pui min lo kalpui la..duhleh kawngkhar bulah ilo ding ang a"
"Ummm..lokal rawh anih"
Corridor a kan kal lai chuan Rinchhana leh Debo-i pawh an lo inkai phei lai kan hmu a..an hlim dun hmel ka hmuh hian nizan a ka chunga thil thleng ve thung ka ngaihtuah a ka na zawk thei..ka nat vang hian mi inngaizawng ka haw ringawt tur anilo
"Khawnge in kaldawn" Rinchhana chuan min en nghal kar a..hepa hi chu mi a biak hian an mit ah en ngei ngei zel
"HOD in a hmu duh a" Puipuii chuan min lo chhan khalh a
"Ngati nge le..thil tihsual i nei em" a nuih a za deuh tlatin a lang
"Ka neih ka hrelo" keipawh chu ka in ringhlel ve ringawt..tumah ka insual pui awm pawh ka hre silo..chutiang mi ka nilo ve ropui sia
"Anih chuan chanchin min lo hrilh ve ru aw..Ella i mit ava bui ve"
Lalpa leh! Hepa mi chik lutuk hi..
"Awihawm loh..kan kal dawn" a tawng leh hma chuan puipuii chu ka kai dawr dawr a..
Rinchhana chuan min lo la enzui reng tih ka hre thei..mahse zawhna a ngah hret thin
Hod room kawtah kan ding ran tawh..ka lut ngam bawk silo..Puipuii lahin min nem luh a tum chhen..keilah ka tang tlat bawk si..room kawtah kan nui vak vak ringawt a..miin min hmu se mi â emaw min ti ngei ngei ang
"Pui min lo luhpui la..ka treat ang che"
"Ka zak e a..nangmah alawm a koh che" a ti tlat bawk si
Min nem thut a kawngkhar ka su ri ta dawp a..kan nui tawp chiang ngei mai
"Come inside" chhunglam atang chuan min rawn ko ta mai..ka hlauthawng lutuk chu ka mittui a tling pam tawh..min vua ngem le..mahse college ah em chuan an in vaw tawh ngai silo
Muangchanga luh pah chuan Puipuii chu ka melhrum vak a..ani lah chu a nui vak ringawt
"Lo thu rawh Ella" a mitmeng hi a ngainatawm thlawt loh..zawi deuhin ka thu thla a..ka bag hrui ka pawt ru char char
"Friday zan function kha i hria tiraw"
"Aih hre miahlo" a sawi lohin engtin nge ka hriat ang
"Mzu buatsaih basketball intihsiak turah khan kan college jersey hi friday zanah kan release dawn a..college dang pawh an awm nual ang..kan college model turin nangmah kan thlang chhuak che a..i theih i ring em"
a tarmit phena a mitmeng zim deuh chuan min en a..tunge hetiang hmel hi hnial ngam ang..aih ti ngat ila chu min sawisa hrep duh hmel a pu
"Ahh..aw theih mai chu ka ring" hlim hmel deuh chuan ka nui der vel ringawt
Jersey model maw....ka zak e a
"Kan college basketball captain nen in walk dun ang..Isaac-a ania..zanin ah in meeting dawn in a lang..i number dah la i haw thei aw..group ah anlo add ang che"
Ka tho kang nghal vat a..a tlan in ka tlan chhuak nghal..Puipuii chu nin hmel zet hian phone alo bih a..ngawi rengin a awm ka hmuh vawi khatna
Min lo hmu chiah chu a thaw huai thei...ka ban ah min lo kuah nghal vat a
"Enge a zawh che" a phone khawih lai a bag ah a ak nghal hmak
"Ka thil tih duhloh deuh min tihtir an tum"
"Eng maw!..Ella sawi vat teh" min beng sek tawh
"Barketball intihsiak hi i hre ve em"
"Hria e ...chu chu engtin" hmun dang reng reng a en tawhlo...ka thusawi lai chiah min chang tawh..hetiang hian nidangah ka thusawi hi ngaihtuah thin la anuam awm ka ti rilru nghal vat a
"Jersey release naah khan kan college ai awh a model turin min sawm a"
Ka sawi zo chiah chu a au nghal chiam a..a hmui ka hup nghal..ka kut chu dahsawn in a tawng leh a...ka hmuiphun in bengchheng lo turin ka hrilh nghal
"Awii..Ella ka lawmpui lutuk che..a nuam dawn e..ka lo tawiawm ngei ngei ang che" amah zawk hi a phur lutuk
"Ka peihlo e"
ka ngaihtuahna ah Dylan alo lang nghal..ka u leh Dylan hi MZU aiawh khan a hma pawhin basketball an khel ve tawh tih hmanni ah ka u in chaw ei laiin a
sawi tawh tak e ...an tel ve ngei awm sia...ka tui hlawllo
Gate kan pan lai chuan Puii chuan zawhna min zawt chho char char..ka beng a na vek tawh
"Tunge i kalpui tur" a rawn ti thut a..ka kalpui tur kha tunge kha aw..ka theihnghilh thut chu le
"Lawk aw..tunge kha le..captain ani tih chu kha hria..Isa.."
"Isaac ani em" a rawn meng phawk nghal a
"Aw..khapa kha..i hria mi..ka hre ve lo reng reng"
Puipuii chu a zuang vak vak a..amah zawk hi model ah tang se tha tur
"Awi Isaac maw..Ella i hre nange..a chhelo lar alawm..a ngo bawk a..a sang over...a lar nen nen engtin nge i hriatloh theih"
"Aw..ka hrelo ve tawp..a lar lo niang"
Ka ban ah min beng vak a..mawl min tih hmel em em in min en zui
"Engmah i hre ve ngailo..engmah i ngaihtuah ve ngai hleinem..ka thik che ..keimah lo pawh thik tu i ngah ngawt ang" tuna ka thil tawn mek hi hria se chu a chak vak biklo ang
"Khawnge Nathan"
"Ka nghah che vang khan ka haw tir"
"Tak tak mi..ka tihpalh..mahse thian anga i tih ve tur ani..min luhpui loh man ah" henu bulah hi chuan ngaihdam dil chiloh..a thinrim belh mai mai thin
"Hmm..alo nih tak chu ..Ella saw kan veng taxi alo kal..ka kal mai dawn" min bye bye pah chuan min tlan san nghal..henu thawt thawt thin hi chu
Keipawh chu taxi ka chuan chhung chuan ka phone ah Dylan message awm leh awmloh ka check char char a..pakhat mah hmuh tur a awmlo..kan inkar tih tawp hi a duh tak tak anih dawn hi
Kan tlanlai chuan ruah a sur vangin earphone ka vuah a..'Taylor swift-state of grace' chu ka ngaithla a..ka duh em em lai
'We fall in love till it hurts or bleeds or fades in time'
Alo sak phei chuan tukverh lam hawiin ka mittui ka hru char char...ni e..kan nat hma hi chuan thlah hi kan tum ngailo..hun hian thil hi a ti danglam thei takzet..rinloh deuhin kan nunah an lo lang a..an kal bo leh mai thin..chu chu hringnun awm dan ani miau sia..chelh din zawhloh hi chu an lo awm nge nge anih hi
Mi hian awlsam deuhin engtin nge an in theihnghilh theih zawk..ka tum nasat pauh leh a harsa
•Vawiin tlai chu chhungkua in chaw kan kil rual ve teh tlat a..karkhat ah vawi 3 vel chauh a thleng thin
"Karleh mai ani tawh intihsiak pawh..tun tum pawh chak leh hram ila" ka u chuan a thusawi chu a ngaihtuah zia a hmel ah a lang..a phur hmel lutuk
"Ella Diki kha i hria em..Dylan ka thianpa bialnu ka tih kha.." Chaw ei laiin khanu hming kha ka hre peih hleinem
"Umm..tinge"
"Mzu aiawh in kan jersey model tur ani ve leh dawn a....nikum pawn an hmang tawh..nangni tunge"
Ka hawi kual a..ka nu, ka pa leh ka u chuan min en thap a..ka zam chhe nghal
"Ih..vawiin ah kan HoD in min ko a..keimah min thlang a..hrilh cheu ka lo tum hrim hrim a" ka tih chuan an ri nghal hluai mai..
Ka pa meuh pawh a chaw ei lai ngaihtuah tawh lo in a nui suk suk mai..keipawh hi inthen hmachhawn hlim nilo ila chu a lawmawm zia ka tem pha ve maithei..college aiawh tur nih tawp chu..mahse ka phur hlawllo tunah chuan
"Ava lawmawm ve...kan fanu pawh alo duai biklo nih hi..zanin chu lawm ang u" ka nu chuan phur em em in a sawi a..a chaw ei lai a kham nghal rawk rawk a..ka pa leh ka u pawh an nui tawp
Ka peih thlawtlo zeplo chuan..Diki te nen kan kal ho dawn lehnghal..ka bialpa min chhuhsak tu ngei mai kha..ka haw ve thlawt.. Ngaihzawng neih hi chu huat loh tur kan haw tam
"Lawm kher angai mi nu..aho e" a lu a thing a..hetia a lu a thing tawh hi chuan awmzia awm tawh thinlo..a kaltlang pui dawn tho
"Rinchhana te chhung kan sawm ve ang e..Rinpui kfc han lei la aw" ka nu leh Puii hi inkawm se an inmil ngawt ang..
Room ah ka inbual zo kawr ka hak mek lai chuan ka phone ah message alo thleng a..group ah hian an bengchheng lutuk..puipuiin a lo sawi hman vek tawh
Ka phone screen chu ka en chiang a..Dylan message hi alo awm a...ka thin a rawn phu leh nghal ringawt
*congrats* tih te hi alo ziak a..engtin nge a hriat ve le
*thank you*
*i lar tawh khawp mai*
*engti zawngin*
*ngaihtuah ve mai rawh..inla lar lutuk kher lo la*
*iho emai*
*enge itih*
*Rinchhana te anlo leng*
A seen ringawt a..min reply tawhlo..a offline lehnghal..biak rei hi a chak thlawt lo anih hi..induh leh lutuk mai..ka ngaihzia ahre ve reng awm sia...sual leh lutuk mai..lo chhang lo tawp ila tha tur
Inhnuai ka chhuk thla chu Rinchhana te chhungkua pawh anlo kim thap tawh..min lo chibai nghal a
Cake lianpui hi anlo keng bawk a..'Congratulations' tih hi a inziak kiau a..mak ka ti lutuk chu lawmthu ka hrilh nghal mawlh mawlh...an polite kher mai
"Ella tinge min hrilh ve miahlo a" Rinchhana chuan kan corridor thlang lamah chuan min kai thla a
"Hrilh hman che pawhin ka khawsa hleinem..e naktuk test tur kan nei tak e"
"Thudang sawi suh...i phakar ve deuh ami" nui deuh pah chuan min en a..keipawh ka nui tawp..subject hi thlak keuh atha
"Enge Dylan hi a awmzia" ngatinge hepa hming hi an lam rik zing em em vawiin hian
"Enge"
"Vawiin tlaiah Diki nen an lokal a" Rinchhana hmel chu ka en nghal...fiamthu thawh hmel a pu bawk silo..ka ngaihtuahna ah thil hrang hrang alut nghal
"I ngaihtuahna ang kha nimai" tiin ka chhang let tawp..zanin tal chu theihnghilh ve ka tum asin le
"In inthen maw..Ella tinge" a hmel chu thawk leh khatah a danglam nghal vek
"I cousin kha a duhzawk a"
"Chu mi tenawm pa mai mai chu..anih leh Diki rai na pa hi a ni tihna mi"
Diki a rai a maw..ka duh theilo..a ni lo ang...tun ang zanah te tinge hepa hian min hrilh a..ka mood a ti chhe vek..min deng na lutuk..alo rai vang anih ngei dawn hi
"Engmaw..a rai maw..engtin nge i hriat"
"Vawiinah ka nu alo hrilh alawm..keipawh ka awm ve.." lehzel chuan
Ni e..ka rilru in ka siamfel ve tak tak a ngai tawh nih hi..heibak bak a warning a awm dawn em ni...mi inkar ah kei hi ka lo tla zep reng zawk em ni..keimah leh keimah chu thiamloh ka in chantir a..mi inngaizawg ka lo pawt then ni te hian ka in ngai
"Anih chu..hawh lut ang...ka ngaihtuah duh lo"
Inchhung ah chuan tv en pahin anlo ti ti mawlh mawlh hlawm a..an hlim hmel ka hmuh hian ka thik ngawih ngawih..ka thil tawn hi a hunlo bik khawp mai
Arbawp ka ei mawlh mawlh lai chuan Rinchhana pa chuan min be char char a..mi lehkhathiam tih takah min zawh tur chin a hre ngang mai
"Bawiha engtikah nge nang i hriat ve" Rinchhana pa bawk chuan a zawt a
"Basketball group ah jersey ha tur an rawn add tur thu an sawi a..tahpawh chuan ka la hrelo..chuan Ella hi an rawn add hlawl a..ka phone ka thlauh tep alawm" atih chuan kan nui vak vak hlawm a..tuman min ring dawnlo hrim hrim..ka lo heti mi lo ve bawk sia
"Amak iti ngawt ang" ka nu chuan nui awr awr pah chuan atia..a fanu chhuanna tur a nei ve tawh a..hetiang hian hlim reng thei se ka ti ngawt mai
An haw hnu chuan Basketball group ah chuan ka hming an lam ri nawk nawk a..Isaac an tih nen chuan min chhaih dun char char a..engmah thil thleng ka hre ve silo a..like ka han pe ringawt a
Number pakhat hnen atang message ka dawng leh a..a dp ka en chuan model ni awm hmel a pu..a pa lutuk..a pian a nalh bawk..username ah chuan Isaac tih hi alo inziak a..an captain kha nih ngei dawn hi
*group a min fiamna kha thutak ah ngai suh aw..an uang thei lutuk a..nuamlo ilo ti ange* tih hi alo awm a.. Nuamlo ti tur pawn an thusawi ka en let peihlo hrim hrim
*ngailo e..aho lutuk
* ..hepa hi maw ka kalpui tur chu..a chhelo hle tak anih hi..*zanin meeting ilo lang ve mang silo a..naktuk class banah kan hmu ve duh tawh che nia aw* atih chuan ka nui tawp..vawiinah min ruat chauh a..meeting vawikhatna ah ka pha nghal ringawt ania
*awle* tihpah chuan ka offline nghal hmiah...
ka ban chuap mai ...zanin cake kha ka hmai leh sam ah lalrinchhan an min tat lui khanglang a..vawihnih inbual a ngaih phah
Khumah ka inbual zo mu tura night dress thar ka lei chu ka ha a..zan dang aiin anuam ka ti bik tlat..silk anih vang hian..deh a nawm bakah a sexy ru ka ti
Mut hma in test tur ka zir zuai a..rilru ah chuan a lang lemlo..ka dah leh ringawt..duhleh zingah ni mai
Ka mu tur ka tawngtai zo...ka phone ka lukham hnuaiah ka dah chiah tih chuan a rawn ri leh nghal a..dah hma zawnga ri der silo
Dylan maw..tunang tlai tawh ah..ka la lo phal silo..ka chaklohna ava han ni chiang em
"Enge"
"Hello ti ve mai la"
"Sawi rawh enge"
"In inkawtah ka awm"
"Chuan"
"Lo chhuak zuai teh"
"I â mi..haw rawh..ka lo chhuak dawn lo"
"I lo chhuah hma chu ka nghak dawn che"
A sawi zo chu a off hmiah..hepa thu duh leh lutuk hi chu..ka chhuak awm chuanglo..
A rawn call nawn leh tawhloh avang chuan a haw tawh ringin mut ka tum leh chiah chu ka room varandah a rawn ri dup a..ka hawi phei nghal chu Dylan lo niin..ka thu chhuak nghal...