Alpha:1995 Book II Ch-6.

[Melz Hrahsel]

Chapter-6

°Jade's Pov°

"Zion" Eros ka melh nghal ha. Mak ka tih ang tho in mak a ti ve tih ka hria "Zion hetah a awm maw"

"Aw Ma'am. Mr. Grant nen an awm" Maria in min chhang a, a kalsawn nghal mai bawk.

Ka thu hriat hi ka awih thei lo. Ka hlim lutuk chu eng nge tih hmasak ber tur pawh ka hrelo.

"Duhtak" chiar a ka thu chu tho chhuak in Eros a lamah ka phei a ka va kuah nghal chawt. Min kuah nghal thuai a, inhnuai lamah min hruai thla nghal vat.

"Atlanta ah inneih hmang turin an awm emaw ka tia"

"An rawn haw leh tawh tepawh a ni mahna" Eros pawh a hlim tih a mitah a lang vek. Inhnuai a kan chhuk chhung zawng in min kuah a ka tlu palh tur a veng bawk.

Zion chu thutchawlh na pindan pawnlam ah Donovan hian a lo awmpui a.

Ka hmuh rual chiah chuan ka thin a phu nghal dawt dawt hian ka hria. Engtin ber nge ka awm tih pawh hi ka sawi chhuak thei lo. Hlimna nasa tak ka neih rualin eng emaw awm nawm loh ruk na ka nei tlat bawk.

Kun ngat te hian brick ah a lo thu a. A kut tereuhte in a hmai chu a hup bawk. A tap ni nei in a lang.

"Zion"

A rawn hawi chhuak a. Ka ti dik. A tap a ni. A hmai ah mittui a luang ngiai a chutia a awm ka hmu chiah chu ka rilru hi a na nghal zawk.

"A nu" aw chhang deuh tiak hian a rawn ti a.

"Aw..ka naute" a lamah ka phei a. A hma ah ka thingthi a thlamuan ka tum bawk.

Eros pawh ka hnungah a rawn ding a. A kut in Zion chu a chelh bawk. Ka tah chhuak lutuk chu ka thunun thei lo, a chhan pawh ka hlim em vang a ni. Kan in hmu khawp leh ta e.

Eros in ka bek ah a rawn fawp zauh a, Zion a chalah a fawp zui nghal zauh bawk. A ni pawh hi a hlim takzet a ni tih ka hre thei, a mit a lawmna mittui tling pap pawh ka hmuh hmaih lo. Mipa tawh khirh tak a ni mahse a hmangaih tak te bul ah chuan mi rilru nem tak a ni.

A tawp a tawp ah Zion chu ka hmu leh thei ta. Ka kuah a, ka fawp a, na ti ti pui bawk. Kan hlim ngei mai.

"Mr. Gonzales in gate thleng a rawn thlah a" Donovan chuan ka hnung atangin a rawn ti a. "Eng thil in nge a rilru thlak tih ka zawt a. Mahse a ni chuan a buai thu leh ti ti na hun a nei loh thu in min chhang a"

"Eng thil nge diklo. Emergency a awm a mi" Eros a ding a Donovan a en nghal vat.

"Ka ring chiah lo. Eng buaina mah thleng awm in a sawi lang lo. Mahse a sawi chu Zion hian engmah a la ei lo a, zanin hun in hman pui thei ang a ti"

"Tak tak maw" thil ropui tak a thleng ni mai hian ka ngai. Mana van atanga lo tla ang hial in. Tukin zing a ka mumang thalo zet lha kala theihnghilh lo. Ka mumang kha a tak ramah hi chuan a nilo zawng hlak in a thleng a nih hi.

"Aw. Chu chauh chu a ni a kal dawn a a sawi"

"Nakin lamah ka call mai ang" Donovan hnenah Eros chuan a ti a "eng thil chiah nge thleng tih hriat ka duh a ni"

Zion chu ka kutin ka chelh ran a, a kalbo mai ka hlauthawng a ni. Ka mumang lam a ka hmuh ang khan ma mitkhap hlan lek pawh a a kalbo ka hlauthawng a ni. Ka ngai takzet.

"Duhtak. Khatin phili vak suh. Zion a nen hian zan hun hmang ho se min ti tihna a ni mai lawm. Kan inhmuh loh na pawh a rei lutuk tawh"

Eros in min en. Eng thil emaw tak a ngaihtuah tih hriat na ka nei ru tlat. Mr. Gonzales in Zion a hetia a rawn dah mai hi engtin emaw tak rinhlehna a nei tih ka hria.

A lu a thing nak a Zion a bulah chuan a thingthi a. A lu ah duat takin a tuai a, chumi zawh ah a hnungah dim deuh takin a chul ruain a chalah a fawp zui nghal zauh.

"Engvang in nge i tah a Huh...lo kal teh" Eros chuan Zion a kaih hnai pah in a ti sap a. "Eng thil nge diklo. I riltam a mi" min kai tho a, a kut lehlam in min kai ve ran tho.

"Inchhung a luh hi a hlau a nih ka ring" Donovan chuan a ti a "i in thar a nih hi tiin ka hrilh a. A pa Eros a lei. Mahse min ring duh tlat lo a"

"I hlau a mi" Eros in a han ti mahse Zion chuan a chhang hauh lo. Eng eng emaw a melh kual ringawt.

"Oh..ka fapa cute lutuk te. A vawikhat lo kal na alawm tiraw" Zion a kut ka fawp zauh a. Thil eng emaw ngap zet mai ka hriat rualin ka hmui ka tuai fai nghal thuai. Lei a lo khawih a ni ngei tur a ni. Engtia a kai chu ni ang maw. A kawr leh jeans ah te chuan chirh a lo kai niaih a, chutiang bawk in a pheikhawk bun ah pawh.

"Ka kal a nge" Sana en zauh pah in Donovan in a ti a.

"Dinner te min lo eipui ve la eng nge i ngaihdan Donovan"

"Aih nilo ka lawm Jade. New York ah ka let leh thuai ang. I nu nen dinner kan ei dun dawn a"

"Oh a that chu min lo biak dawn nia"

"Ka lo hrilh ang" A kal nghal nalh a.

***

"Chaw kan ei hma in inbual pawh a ngaih hmel" Eros hnenah ka ti a.

"Nakin lamah kan la inbual dawn nia duhtak. Kan ril a tam tawh, tiraw big boss"

"Awwww" Zion pawh tunah chuan a nui ve ta. A ni ti nui tur hi chuan Eros hi a tha ber in ka hria.

"Ole. I kut sil hmasa la" Zion chu choka ah ka phei pui a. Thlengsilna ah pawm kan ka tum lai takin Eros in min rawn ding nalh.

"Ti suh duhtak. Raipuar i nih kha i tan chuan a rit mah mah" min en in a lu a thing zui nghal nak. Chawikang mai ta lo in faucet chu ka hawng ta zawk a.

Handwash chu Zion a kut ah dah in ka nuai phawn sak a. A kut a lasawn nghal hmak.

"A nu ka kut te chu ka sil thiam"

Min thawng ngei mai. Ka puina a mamawh lo a maw. Eros ka va melh a, mahse a dar a san ak ringawt.

"Big boss alawm a nih A nu" Eros chuan a tih rualin ka hmuiah a rawn fawp zauh.

Zion chu paper towel ka lo pe a. A hmui, a kut leh a hmai a hru fai vek.

He naute hian min thawng reng mai chu a nih hi. Eng emaw hriat loh tamtak ka nei a nih hi. A hringtu nu pawh ni mah ila a engkawl seilian tu ka ni miau silo a lawm le. A nuih hmasak ber, a thusawi theih hmasak ber leh a kal hmasak ber te a engkim ka hmu ve lo.

A chaw ei hma in a tawngtai thlap a. A chaw tur a la a ngawireng in a ei mial mial. Eng emaw kan sawih pawn min en kar chungin a rul tawk chiah in min chhang. Thil a ei laiin a tawng hek lo. A nungchang a mawi in table manner vel pawh rin ai daih in a hria. Gonzales chhungkua te hian an enkawl tha hle a ni tih ka hmu thei.

Lehlam ah Eros chu a hlim khawp mai. A hmelhmang vel a nuihzatthlak lutuk. Zion a hmuh loh hlan in 'big boss a ni ka tih kha' tiin a hmui a rawn phun leh zap thin. A fapa hi a chhuan hmel hliah hliah. A mitah hian ka hmu a ni.

"Nakin ah magic trick ka hmuh dawn che nia ka fapa"

"Awwww...magic ka ngaina" Zion an a chhang a.

"Tak tak maw" Eros ka zawt a. Magic trick a thiam tih ka la hre miah lo.

"Aw duhtak. Trick tamtak college ka kal lai a mi te mawle"

Chaw kan ei kham a. Zion chu tho chhuak in a tlang pawh choka ah sil turin a keg phei thlap. Eros nen chuan thil dang reng kan melh thei lo. A tih ang chuan kan ti zui ve nghal a.

A bedroom tar tur te kan hmuh tir a. A racing car khum a hmu chiah phei chu a meng ve kak mai.

"I duh em" Eros in Zion a zawt a.

"Aw" Zion chu khum awmna lam pan in a tlan phei a. Khumah te chuan a let nghal tawp tawp. Eros in a zui phei a Zion a tih ang in a ti zui nghal zat. Chutia mipa naupang ang mai a a awm vel han hmuh chu nuin a za duh ngei mai. Zion chu Eros a tezawk ang mai a in chhung fuh an ni.

Silai lem Zion in a la chhuak a. Bottle pakhat chu a kap nghal zauh a, bottle a kah fuh rual a chhuat a a tla te chu a nuih kiah kiah mai.

Eros a pawh chuan Zion a tih ang chuan a ti zui ve nghal zat a. An pahnih in an kap a, a nui a, an tlan kual a, a in bihruk siak a an hlim dun ngang mai.

An sir a chair ah chuan ka thu ve ran a. An infiam lai chu ka lo en ve bawk. Hlim tak a an infiam hian min ti hlim ve a ni.

Eros a sawi ang in magic trick chu a show a. Zion chuan mak a ti ngei mai. Chutiang in keipawn. A ni hi zawng min thawng reng mai a nih hi hei vang chiah hian a nia nitin a ka hmangaih zual zel ni.

"Engtin nge i tih a" Eros ka zawt a.

"Ohhhh...thuruk a nia"

Zion a pawh chuan a tih dan a zawt cham chi mai "min zirtir rawh...min zirtir rawh...a pa.. please"

"Awle. Mahse inbual hmasak phawt la"

"Aw a pa" a kawr phelh sat sat pah chuan a ti a "khawr ka lo keng miah lo A nu"

"Oh..kawr tamtak i thawmhnaw bawm ah a awm alawm. I lo insawn hun a tan tamtak ka lo lei lawk alawm" a thawmhnaw a sawi lai a hmel awmdan te chuan a ti duhawm ngei mai.

"Ole" a ti a.

Ka bual fai a. Nu ka nih na ang a ka mawhphurhna chu ka chungah a tla ve tak tak ta ah ka ngai. Khang hun ka hlauh tawng te kha siamtha in kumkhua a enkawl ka duh a ni. Mahse chu chu thil theih a ni lo tih ka hria.

A inbual zo a, thawnthu ka chhiar sak a. Kar hmasa a thawnthu bu ka lo lei hlauh chu a tihzai khawp mai.

A race car khumah chuan ka mu a. Ka hnung a nat deuh avangin ka in siamrem a ka ke ah na zawk a hre zui nghal zat.

"Duhtak ka ke a aikhirh a nia" Eros a couch tetakte a hna thawk lai chu ka va melh zauh a.

A tho a ka lam pan a rawn kal in a rawn thingthi nghal thuai a. A ke chu muangchang in a hmet bawk.

"A na a nia" ka au deuh a.

Zion lah chuan mit khap lek lo in min lo en. A hmel lah chu engtin emaw tak hian a awm a, a hlauthawng deuh a ang. A tho a a khum atangin a chhuk a, ka bulah a rawn ding vang.

"A tah e A nu. I tha leh mai ang" a sawi zawh rual chiah in ka banah na zawk ka hre zui leh nghal a. Hriau lian zet a in chiu na ang mai a ni.

"A nah" ka au tuarh a.

"Eng thil nge" Eros a rawn au tuarh.

Zion chuan min lo en kar. Eros pawh chu a in thiam loh hmel zet hian a meng nghal a.Zion chuan Eros a pen fim hi a lo hum vang mai.

"Eng nge i tih a ka fapa" dam duap hian Eros chuan a zawt a.

"Tihpalh a pa. A nu chu ka chiu tawh a, a tha tawh mai ang"

Oh lalpa Doctor lemah a lo chang a maw. Min chiu a nga ka that leh mai te a lo ring a.

"Ole Zion A nu chu a tha tawh e. Ni em A nu" Eros an min rawn melh zauh.

"Aw aw..ka tha. Ke aikhirh mai mai alawm" a nihna takah chuan ka ke chu a zia tawh na zawk chu ka ban hi a ni. Ka kut zungtang chuan ka nuai a.

Eros chuan a pen hum lai a chhuhsak nghal thuai "hei hi pen a ni. Thil ziah nan kan hmang thin. Hei hi Syringe doctor ho in mi an chiu na a an hman ang hi a ni lo"

Zion a ti tap lo a thi awmzia hrilhfiah chu engtiang tak in nge Eros a tan chuan a harsat ang tih ka hriatthiam pui.

"A nu hian ke aikhirh a nei a. A chhan pawh a rai vang a lawm. Hmeichhia chu tiang hian an awm thin"

"Aw ni e. A nu hian naute a pai a lawm"

"Naute maw"

"Aw lo kal hnai rawh. Ka pum hi khawih la Naute che hi i hre thei dawn alawm" ka sawi rual chiah in naute chu a rawn che talh talh a.

Zion chuan a kut a la sawn nghal lawp a. A hmelhmang chu hlauhna tangin thlaphanna ah a in thlak zui nghal. A ngaihna hriat loh hmel zet chuan min en a.

"A nu engtin nge i theih zawk. Naute i ei a maw" a au tuarh a. Tah a tum nghal ta mai.

Eros chuan naute lo pian dan te chu a hrilhfiah a naupang hriatthiam dan tur ber in. Khuai te leh sava atang te in a sawi chho bawk. Chutiang vel atanga han sawi chu a nuihzatthlak duh ngei mai. Thawnthu hrilh tak hian a la hrilh zui.

A bedroom sir a playroom tur chu ka hmuh tir a. A rilru lakpen nan a naktuk nilo a tun a hmuh tir hi kan duh ta zawk a ni. Naute chungchang a rilru atanga kan thaibo theih na hmanrua a ni hrih tlat.

Toy car, rode leh plastic bike te, jumper leh rel te nen chuan a infiam a, bawl chi hrang hrang a awm bawk.. hrui ah te an lawn a. A hnu phei chuan Eros nen an infiam dun a nuam pawh an ti ngei mai.

Darkhar khat vel a liam ang tih a Zion chu a rawn ham bai bai a. A room ah kan phei pui nghal.

"A nu" Zion chuan a ti a.

"Aw ka mipa naupang" a nuih sang a.

"Ka haw thei tawh lo a mi"

Haw maw. Haw a duh a maw. Mahse a inah chuan a awm reng tawh si a.

A haw duh tih a sawi chu ka ngaihtuah zui nghal char char...a chhungkua ni a a hriat te inah chuan a haw duh a nia. Gonzalese chhungkaw bulah.

Ka thinlung hi a rawn na nghal zawk a.