BEISEINA ARSI CHAPTER 21 by Nutty girl.

Episode kal lai dah luhna

Moderator: writers

Nutty girl
Posts: 209
Joined: May 2nd, 2020, 11:28 pm

BEISEINA ARSI CHAPTER 21 by Nutty girl.

Unread post by Nutty girl » July 8th, 2020, 9:00 pm

BEISEINA ARSI



🐼NUTTY GIRL🐼



CHAPTER-21



MATTHEW POV.



Buaina a reh duak tawh dawn ta maw tih ah Hmingsangi rai thu kan hre leh. Vawiin lamah check up turin kalpui kan ngai. Naute a pai dawn nge a ti tla dawn tih chu amah leh anu thu thlukna a ni.




Ngawi rengin car hnungah chuan Jass nen an chuang. Motor ka khalh malh malh thung.



A hmun kan thlen chuan Doctor Rsi kan hrilh lawk sa tawh bawk a,kan lut nghal thei mai.
A chunga thil thleng te kan sawi chuan a fala a biak duh thu a sawi chuan pawnah kan lo nghak thung.



Doctor Rsi a lo chhuah chuan min rawn be nghal vat. "Naute pawh a hrisel e,"a tih chuan kan kal thu vel zep turin ka hrilh. He case pawh hi tlangzarh a ni lo hrim hrim.



Hetianga pawngsual case mipuiin an hriat vak hi tha ka ti lem lo. A tuartu leh a chhungte ngaihdan tur pawh hre lo in an tawng chhuah pui ve phawng phawng. An sawi nasat pauh leh a tuartute tan a na telh telh thei tih an hrethiam si lo.



Kan ram angah chuan veng ten an hria a nih chuan Mizoram pumin an hria a ni nghal mai. Chuvanga engkim a ruk thei ang ber a ti kan ni bawk. Doctor pawh ka hmelhriat ngei leh ka hriat chian ngei thlang ka ni bawk.



"Nupui neih lam te hi ngaihtuah ve teh,thu chiang ka hriat hma phei kha chuan i bialnu a rai emaw ka ti hman,nei vat vat ang che,"nui hak hak chuan a ti. A thawven ngai in a lo la thawveng reng a nih hi a.



"Hmingsangi ka va hruai ange,"tiin Jass chu roomah a lut tharh. Cara min nghah tur thu sawiin an chhuak nghal.



"Awi,kha nu kha i bialnu a ni emaw ka ti dawn et et a mahse i duh chi a ni lo tih ka hrethiam mai, ka ngaina lo khatiang kha bialnu neih hlau hle ang che," Jass kal hnuah chuan a rawn ti sa sa,ka nui sak.



"Hey,hmela tikhan nui reng reng suh,hmeichhe ho thil tih theih zia hi i hre lo a nih hi aw,"a tih chuan ka nui huk.



"Doctor i nih ve tawh kha,i tawngkam te kha uluk ve tawh teh,"ka tih chuan a tum bar.



"Awi,ka buaina ber a lawm ka tawngkam hi ka uluk thiam lo mahse a hunah chuan ka thu tak ve thiam lutuk ringawt. En tur ka nei nual sia ka lut mai ang aw, kan in hmuh leh hunah chuan i bialnu ka hmuh tawh ngei ka beisei,"tiin min luhsan.




SIAMSIAMI POV.





Ka u lo haw khat lutuk hi engmah pawh a sawipui theih loh. Jaschhiai lah hi a duh tawkin inah a sapatal. Ka thiannu an tihnat em em laia nuam ti taka a awm hi hmuh ka hne.



Damdawiin atang kan chhuah pawh khan a awm dan a dik lo. Han zawh buai pawh ka tum lem lo,ka u vanga a nat dan han hmuh phei hi chuan ka in thiam lo ngawih ngawih zawk.



Tukinah Nu Nsiin min rawn call,a chauh deuh thut thu min rawn hrilh. Va kal ka tum deuh.



"Bawihi,ka chhuak lawk dawn ania aw,ti khan inah lo awm mai rawh,"a tih chuan ka phun nghal nung nung. Chhuah ve tum lai lai a,in nghak tura in tih daih.



"Ka rawn haw hunah i chhuak ve nghal mai dawn nia,"tiin a chhuak nghal daih. Sitting roomah thuin a lo haw hun ka lo nghak ran.



Kawngkhar a in hawn chuan ka nu emaw tiin ka hawi nghal vat, jaschhiai lek lo ni in. Ka mit sirin ka melh zeuh,ka ner nghal nawng. Awm nuam lo rakin siam ka tum thin mahse awm nawmloh hmel pawh a pu ngai lem lo.



Ka phone charge la tur chuan ka tho tharh,ka nu chhuak ve zawng.nghah chhuah a har dawn em mai. A thenrual thate a tlawh kim hman vek hrim hrim tih tur vel a thang thin.




Ka phone chu ka la,ka let leh lam Jasmine-i room ka kal pel chiah tih ah chuan a thusawi chuan ka beng a verh tlat. Ngaithla turin ka insiam rem sawk sawk.



"Matt-a ka duh zia chu i hriat kha,i awm lo ang tih ka hlau. Kha i dawra kan lo kal ni a , a bula mipa nen an in ngaizawng i tih atang khan Matt-a pawn a be tawh lo,"zawngi mai mai chuh.



"Umm,ih a hnuah chuan a hmeichhia kha chu a rawn kal a office ah. Kan thil sawiin a lo zir bawk nen ama chungchang kan sawi emaw a tia mahse ka va message sak kha,a rawn tih buai chhun zawm lo,haha,"a nui uar uar chu keh pawp ka chak.




"Buaina ka tawh teuh zia a. Kha nichina ka sawi a office a a lo kal ka tih kha,tah khan a um zui a. An in sawi fel ang tih ka hlau lutuk a,kal lo tur a ka tih pawn a um zui lui tlat sia. A hmeichhai zawk kha biain a lo umzui che a nih pawn enah hre lo ang in a awm ang ka ti lawk sa vek. Mahse chunglam pawh hian mal min sawm ve a ni mahna khapa nen bawk khan an lo awm dun leh. A bak chu hrethiam mai em,tunah chuan chhai thluk chiah ka hma bak tawh,"aw ka thian kharh kharh,a rawn hawi phawk hra mai.



"Haha...game over,"tiin ka nuih lui sak. "I game i lo khelh ve thin chu a tawp ta. Chunglam pawhin a pui tawh lo che ani mahna le. U Matt-an a hriat chuan engtin nge a tih tak ang che aw,"ka tih chuan thinrim hmel takin min rawn en.



"I u in a rin che a mi i rin,sawi pawh ni la a awih chuang lo ang. I thiannu pawn bialpa dang a neih san ve tho kha."



"Huh,i aw ah i hlauhthawn zia a lang a nih kha mawle,mi pahnih in kar i tih chhiat duh vanga i dawt sawi te,ka thiannu i lo tawngkhum dan te kha ka hre vek. Lungngai suh ka sawi chhuak em em ang,"tiin a room atang ka chhuak nghal vat.



"Hmeli leh, ka ruahman tih chhiat tum duh suh. Matt hi chu ka ta tur chauh a ni,"tiin ka samah chuan min rawn pawt nghal dawrh.



Hmeichhe pahnih thelh tu tur awm lo kan nih miau avang chuan tawp mai kan tum lo. A na thei ang ber chuan ka khawih let ve bawrh bawrh.




"Duh tawk rawh u," rawn ti thawt thawmah chuan min thlah chiang ngei mai. Kei chuan thlah chu sawi loh a ai na mahin ka kuai.



"Lalremsim a tawk ka tih chu," ka u in a rawn tih chuan ka thlah ve hram. Ngawi reng chuan min en run run. Kan lem chan thiami pawh a inhnit hruih hruih.



"Matt,"a tih deuh tuau phei chuan ka nui chhuak nghal huk. Nichina huaisen taka min lo khawih hmasa daw daw tu a ni tih hi rin a har zawk mah.



"U thil hrilh tur che ka nei,"ka tih chuan Jaschhiai chu a hawi phawk hra mai,ka nui lui suk. Kan mitenawmnu thusawi ka hriat dan zawng zawng chu ka hrilh ta vek.




"Chu chu thudik a ni em?"kan ngawih thiap lai chuan ka u chuan a rawn ti thawt ka phu dawrh thei. A thinrim hmel kher mai, jaschhiai pawh chu a hawi phawk hra mai. A hlau a ni tih ka hrethiam mai.



"Ih... Matt chu..chutiang pawh a ni lo,"a ti bah deuh nuai,a aw pawh chu a khur ti tih. U Matt-a ka en chuan kut thlak duh hmel a pu. Tun anga a thinrim hi ka hre lo.



"Ngawi rawh,"tiin a ban chu a vai deuh thuak,vase pakhat a tla keh nghal chuai bawk. Kut an in thlak duh mai ka hlau et et tawh.



Ka phone a rawn rik chuan ka en nghal vat. Nu Nsi lek lo niin ka la nghal vat. A thusawi vang chuan ka hlauthawng lutuk ringawt.



"U...u Eve.. damdawiinah,"ka tih chuan a rawn hawi phawk hra mai. Lo tha hram ang che. Kan kal sawn tur chu Jaschhiai chuan min en char char.



MATTHEW POV.



Simsiami thusawi vang chuan inthiamloh na,pawi tihna,inchhirna te in ka khat vek. He hmeichhia vang hrep hian ka hmangaih ber ka kalsan.



Han sawi vak tur pawh ka hre lo,ka hmaa hmeichhia thiamloh chu ni mahse ka thiamloh a ni ve tho. A thil tihsual a hriat loh thu a sawi laia ka awih sak duhlohte kha ka mitthlaah a lo lang nghal zut zut. Natna leh mahni inthiamlohna in ka khat nghal mum mum thei.


Ka hmangaih ti reng siin amah rinna ka lo nei reng reng lo. Ka thil hmuh leh benga ka hriatte zawng chauh ka ring bur a.



Siamsiamin Eve damdawi inah an dah tih a rawn sawi phei chuan ka na nghal ngawih ngawih. Ka thiam loh vek a ni.



"Matt,kal suh khawngaihin a ni lamah kha chuan kal tawh suh. A bum tak tak che lawm," Jass chu a rawn au thawt,ka kal lui tho.



"Kal suh ka tih chu a nih loh chuan hei hian ka in zai a ni mai,"a tih pawh chuan hawi pawh ka hawi eih lo.



"U,engtin nge kan tih dawn?" Siamsiami chuan min pawt ding vat. Jasmine-i lam chu hlauhthawn hmel takin a en char char.



"A duh duh ti rawh se,a duh thlanna a ni. Ka rawn let chuan he inah hian ka hmuh tawh loh ngei che ka beisei,"hawi pawh hawi let eih lo chuan tiin stepah ka chhuk nghal vut.



Ka hmangaih engtin mah lo awm suh ang che. Ka rawn thlen chuan min hau nghal bawrh bawrh la. Ka thiam loh vek a nih thusawiin,i thinrimna zawng zawng ka chungah lo leih baw vek ang che.




Motor ka khalh lai pawh chuan ka awm hle hle thei lo. Siamsiami pawh chu a ngaih a tha vak bik lo tih ka hria.



"Tunlai a in sawisel hrim hrim a mi?"tiha ka zawh chuan min rawn en zawk.



"A hma ami kha a ni mai,ti ila i bulah a sawi leh sawi loh ka hre lo,"ka bulah a sawi lo a ni ngei ang. Engmah ka hre lo, thatlam a pan thu chauh kha ka hriat hnuhnung ber a ni.



"I hre lo aniang,nu Nsi te pawh a hrilh na a la rei lo. A awm zawn a nat thin thu leh thawk harsa a tih thu a sawi zeuh zeuh zel,"mahni in thiam lohna in ka khat tulh tulh . Ka lo ngaihven ngai loh zia te ka hre chhuak. Ka buai viau a nih pawhin atan chuan hun ka nei tur a ni asin.



"In kha kan chhuahsan ringawt sia ka nu kan call ange,"tiin ka nu a bia.Nu Nsi callin an awmna a zawt leh nghal zat.Kan thlen chuan cabin a awmnaah chuan kan chho nghal vat.



"E...in lo thleng maw? Mutthilhna in an chiu a a mu leh deuh chiah,"kan thlen chuan nu Nsi chuan a rawn ti nghal vat. Nu Nsiin min rawn melhin min rawn nuih lui var var.



Khuma ka naute mu bam ka en chuan ka na ve ngawih ngawih. Amah tih nat belh nan tia kan thlalak Jass nena kan thlalaka ka thlak te kha ka hre chhuak uar uar.



Amah vangin naupang chhia takin ka che,a thik ve nan tiin. Mahse ka hriat miah loh pawhin a na sa em em si. Ka tihnat loh pawhin a lo nasa reng tih ka lo hre si lo. Mahse engkim...engkim a thleng vek tawh si.



Nu Nsiin min biak lawk a duh thu a sawi chuan ka zui chhuak ve nghal mai.



"Matt,in inkara thil thleng vel kha min hrilh a,"a chawl dat. "Kei chuan khang ho pawh kha tih chhan i neih ka ring a,in laichhinna ah chuan engkim hi a famkim.bik thei lo. Mahse ka fanu hi na lo se ka duh a ni,"a ti dam dap.



"I hriat angin a tette atangin englai pawha kan ngaihtuah em em reng kha nia. A taksa na bawka a rilru lam a nat bawk chuan a hrehawm dan tur ka hrethiam lo zawk. Inthen hlen turin ka ti dawn lo che,engkim in inhmuh thiamlohna sawifel ula ka ti zawk,in in hmangaih ve ve tho in awm hranin in in ti na tawn mai mai," a tih chuan ka lawm hle.



"Nu Ns,ka lawm e. Ka theih tawp ka chhuah em em ang,"ka tih chuan min nuih sun sun. Nu tam tak ni se min tawng khum dan tur ka ngaihtuah thiam lo zawk.



"An test hnuhnung ber kha a result a chhuak lo a mahse doctor Reuben chuan a lunglam a nih a rin thu a sawi a,"a thu hriat vangin a lungngai ve tih a hriat mai. Han hnem dan tur vak pawh ka hre lo.



"Engpawh ni se a result chu a tha em em ang,"ka ti thla ve rawk mahse kei ngei pawhin ka thusawi chu ka thlamuan pui lem lo.



Pa Rinpuia chu a lo kal ve zuai mahse an rawn call vangin a chhuak leh vat. Nu Nsi chuan awmpui a tum mahse zanin tal chu awm ka duh thu ka sawi.



"Nia,nu Ns va haw rawh ka u nen kan lo awmpui mai ang,"a tih chuan a lo rem ti ve mai. "Ni e, Hrili chhiat tawh vangin an khaw lamah a haw lai a ni bawk a,boruak a ni deuh thut bawk nen in lam kan ching fel phawt ange,"a ti ve ta nge nge.



"In lo awm hlauh chu kan vanneih phah a nih hi, damdawi a thawh zawh chuan a lo harh vat mai ang Thil chinchang min lo hrilh ula aw,"tia a chhuak chu Siamsiamin a zui ve.



" Ka thiamloh a ni. Lo harh thuai la min hau bawrh bawrh dawn nia,ka naute",tiin a kut vawt thler chu ka fawp vang vang.



Siamsiami chaw eiin a haw hmasa phawt. Kei chuan ka ei loh tur thu ka sawi. Ka kalsan phal lo,a kianga awm reng ka duh.



Siamsiami pawh a lo let hman,a lo la harh lo hrim hrim. Doctorin darkar thum li vel a mut tur thu a sawi atang dar kar li lai a liam tawh. A kut chelh chuan a bulah ka thu reng.



A chet deuh chuan ka en nghal vat. A mit a rawn men chuan min enin a nui sen sen. Chu chuan min tina zual bawk. A rilru ka tihnat sak chung pawn hlim takin min nuih sen sen thei. Hrep hian...



"Khawiah mah kal suh aw,ka mumangah tal chuan min kalsan tawh suh,"a rawn ti sep sep,ka kut a rawn hum chat bawk. Ka kawchhung hi chema zai ang maiin a na. Kei amah tina em em tu hi ka kalsan a hlau chu ania.



"Kan mimawla hian a kalsan pit ang che," Siamsiami chuan a rawn ti lawi rat. Eve pawh chu harh chiang kawk tih hriat zetin hlauhthawn hmel deuhin min melh,ka kut ata a kut chu a la sawn vat bawk.




"Ah..a tak...naute ni e,ka lawmpui che u,naute in nei dawn a,"a tih chuan a awmzia ka hre lo hle. Siamsiami ka va en pawh chuan engmah a hriat hmel bik loh.



"Hei,i tluknaah i lu i sawh ami?" Siamsiamin a rawn tih chuan hlauthawng takin ka tho nghal uai. A lu vel chu ka en fiah te te mahse engmah a awm lo.



"Aih...ih Jasmine nen hmaniah doctor inhmuh kha,naute...naute pawh a hrisel a tih kha,"a tih chuan ka hahdam sawng sawng thei. Ka hrilh fiah vat. Siamsiami chuan Jasmine chet dan vel chu a hrilh bawk,uluk takin Eve chuan a lo ngaithla kiau.



"Tak tak ami?"min en chuan a rawn ti deuh hu. Ka bu zauh. A nui nghal sen sen. Ka awmah kuahin a chalah ka fawp vang vang.



"Tih palh aw,ka tina leh tawh ngai lo ang che,"tiin a chalah chuan ka fawp nawn leh.



"In ninawm in tenawm dun si,ka awm ve tih reng in hre leh tawh lo ania,"ti hlak hlak in khum pakhat dang awmah chuan a mu thurh.




EVELYN POV.



Ka hlim veng veng mai. Siamsiami thusawi kha u Matt-an a dik tih a sawi phei kha chuan ka lawm lutuk ringawt. Siamsiami chuan phone khawihin min mutsan daih.



U Matt-a nen chuan kan awm rak rak. A inthiamloh thu a sawi leh thin. Mahse a thiamloh a ni vek lo. Kei pawhin thiamlohna ka nei ve tho. Engmah hriatchian tum lo in,midang thusawi te ka awih hmiah hmiah. Ka nu sawi kha a dik lutuk.IN LAICHHINNA AH INRINTAWNNA A AWM LOH CHUAN AWMZIA A AWM LO.



Ka awm a rawn nat leh ralh ralh thin avang chuan mu hahdam turin mi ti. "Ka lo veng ang che,tui deuhin i mu dawn nia,ka hmangaih em em te,"tiin ka chalah a rawn fawp vang vang..



"Lo mu ve rawh,"ka tih chuan a nuih suk. Min hnial ka rin nen. "Ka duh zawng tak a ni,"tiin a lo in thawlh nghal kuk nia.



In hmatawn chuan muin ka en reng. Ka beiseina arsi chu a lo lang leh tak tak,ka bulah ngei rawn kir leh. Ni lo,ka bulah a awm reng a hla tlata ka hriat vang chauh zawk a ni.



"Muhil vat vat la,dam vat vat ang che ka hmangaih,"amah ka en reng lai chuan a rawn ti. A muhil tawh zawk emaw ka ti a. A awm ah chuan ka bei hle hle,hetia awm kumkhua hi ka duh.




Chhun lamah ka buai deuh avangin ka type hman lo,ka lo dah tlai aw. A thui lo hle a ni😊 An buaina a reh tan ta,ka thawl huai mai. Dik taka sawi chuan ka thinrim thei lutuk hi keimah zawk ka titau a maw,ka phonete hi ka dah leh tawp thin. 😆 Ngaihtuah chawp ngai,tawngkam thiam bawk lo nen a tih hi a ni nawk nawk sia a kal sawt thei lo.Ka story tlawmte in lo chhiar avang hian ka lawm hle ni🥰


💋💋deuh pawp pawp.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)