LOVE IS NOTHING STRONGER_TAEHYUNG FANFICTION CHAPTER 11

Episode kal lai dah luhna

Moderator: writers

Roses Are Rosie
Posts: 70
Joined: February 23rd, 2020, 2:20 pm

LOVE IS NOTHING STRONGER_TAEHYUNG FANFICTION CHAPTER 11

Unread post by Roses Are Rosie » August 1st, 2020, 12:08 pm

🌼LOVE IS NOTHING STRONGER🌼

🌼 TAEHYUNG FF🌼

CHAPTER ELEVEN

_______________





EMMA P.O.V






In lam ka pan lai mekin ka thiannu Betty in nau a neih dawn thu leh a chhungte an awm loh avangin a mah tanpui turin min rawn ti a,

Ka rilru hmanmawh nen, Ka chhungte engmah ka hrilh hman lova, taxi chuan kan inlam nilo vin betty te inlam pan chuan ka tlan tir nghal a..

Inchhung ka luh rual rualin betty chu na tih hmel takin thuthleng ban a lo vuan tang² a, nau neih hun hnaiah te khawiah nge a chhungte pawh hi an bo zawh vek le..

Betty chu kai chhuakin damdawiin hnai ber chu ka pan pui a, a nau neih hun hma in nau a hring dawn a nih hmel, darkar khat lai a vei tawh a, a chau tawh a ni ngei ang, nikhua a hre lo nghal a

Doctor ten zai mai a that thu leh a chhungte ka nih leh nih loh min zawt a, ka nih lo thu in ka chhang a..

A chhungte phone tumah ka phone ka dap chuan ka hmu zolo, ka thlauh bo emaw taxi chhungah khan ka theihngilh a ni ngei ang

Number han call mai tur lah ka hre bawk silo, rangtak chuan hospital atang chuan tlanchhuakin betty te inlam pan chuan ka tlan a, a nu a lo awm hlauh a, thil awmzia ka sawi zawh chuan damdawiin lam pan chuan kan tlan lehnghal a,


Khua a thim tan a, ka chhungte lakah ka inthiam lo hle a, ka vawikhat chhuah ve na ah ka tlai nghal der chu a nia, Taehyung atan phei chuan min tawngkhum theihna chances a ni leh dawn a..

Ruah lah chu a sur chur chur a, tihngaihna dang awm chuang lo le, damdawiin ah chuan ka awm ve char² a, betty pawh tluang takin an zai hlawhtling thei a, naute duhawm deuh mai a nei a, ka lawmpui takzet, engtik ah emaw Taehyung nen fa kan la neihdun ve awm si a, nge ni a, fa neih lovin kan awm kumkhua zawk ang..

Zan dar 8 a ri tawh a, ka chhungte engmah ka hrilh bawk silo, an mangang in min lo zawng ta se, engtin nge ka tih ang?

Haw ka tum lahin betty chhungten an inlam ah haw tur leh zanriah ei turin min ti a, ka hnial taknghial pawn ka thusawi an ngaihthlak duh loh avangin hreh tak chung chuan betty te inlam pan chuan kan haw leh a..

Rilru thlamuang pawn chaw ka ei lo, ka za chung maiin ka hria, ka chhungte hnenah chuan thil awmzia ka sawi anga, min hrethiam em em ang, mi rilru zau tak an ni alawm..mahse Kim Taehyung mawlh hi, engvanga tun atakah hlau ta em em nge maw ka nih le?? A tawngkam chhe taktak te chu nitin ka tuar ziah tho a, mahni in inhnem chawp mahila awmzia a awm lo kher mai

Nana a rawn lang hlawl a, ka lawmzia mai chu, a hmel ka hmuh hian ka thlamuang sawtin ka hria

Thil awmzia a hriat hnu chuan Taehyunga number a neih thu leh call a tum thu a sawi a, call suh han ti ngawt dawn lahin betty chhungte ka hmaizah bwk si, ka pasal nen kan inkar a that loh thu hi an hriat ve kher a ngai lo

Nana in call lai te chuan ka kawr tlang ka lo hmer vang vang a, engvanga zam thar em em nge maw ka nih le? A ni pawh a rawn haw tlai ve thin tho a, engtin mah kan ti ngai bik lo

Nana in kan awmna address a hrilh hnu chuan phone off in "a rawn kal mek" a ti a, ka nui suk ringawt

Doorbell rik apiangin Taehyung emaw tiin ka hawi phei nghal vat a, ka awm hi a nuam thei lo reng reng, min hauh hunah chhandan tur te ka ngaihtuah a, ka bo tial tial bawk si, ingaih lo hle mahila, nitin inhauh reng chu ka peih bik lo..bakah a thin a chhe angreng si a, betty te chhungkua hma ah hian min rawn hauh hnek ang tih ka hlau

Doorbell a rawn rik leh pawh chuan ka ngaihsak peih tawh lo, zawi hniang chuan sofa ah chuan ka thu der der a, thil engkim a nih tur a ni zo vek tawh a, hetia ingaihtuah hah vak vak hi awmzia a awm lo, ka inti hreawm mai mai zawk

"Kan nu ka rawn hruai dawn a" tawngri ka hriat avang chuan kawngka lam chu ka hawi phei vat a

Taehyung nen chuan kan inmelh kar a.ka hrethiam lo a mit mengah sawn thinrim hmel pawh ka hmu lova, lawm hmel pawh ka hmu chuang lo

Ruah a do tih hriat takin a sam atang chuan tui a rawn far keuh keuh a, tukin zingah a hak thawmhnaw chu lo la inbelin, a rawn haw hnuah min zawng nghal a nih lo pawhin a haw tlai ve a ni mai thei..

Mi awm lai ah inhauh chu a duh bik lo pawh a ni mai thei, zaidam hmel takin a la nui suk zui, ka ngaih a ti tha tehchiam lo, hlauhawm deuhin awm se awmdan mi ti hre zawk ang, hetia mipa fel ber ang ziazangah a awm chuan ka ngaihtuahna a ti buai vek zel..


"Kan haw nghal mai dawn a mi" aih tih chi lah a ni silo, bu nghauh pah chuan ka kal a

"Anih, kan kal mai ange..lo inenkawl tha ru aw"

"I chungah kan lawm takzet a nia, awm lo la chuan naute kan neih theih awm silo, engtikah emaw in nupa khan zanriah rawn ei ang che u aw" betty nu chuan a ti a

"Tehreng mai, a nih muttui ule" Pawn ka chhuak chiah tihah ka hlauthawng nghal, Taehyung lah chuan engmah sawi lovin car ah a lut nghal daih a, zan a rei tawh a, motor veivak hmuh tur a tlem tawh hle a, ke a haw nan lah a hla angreng sia, hepa nen ah motor khatah chuan dun leh hi ka peih tawh lo a sin le, engtin emaw hian ka awm ziah, a uap thei bik lutuk..

Kan tlan chhung zawng chuan a ngawikar a, biak hmasak dawn in sawi tur ka hre bawk silo, min hau in, min ankhum se chuan tihdan te a la awm zawk a, hetia a ngawihkar hian ka awm a ti nuam lo telh telh zawk..

"Ihh...i haw na a la rei bik lo a mi" ka ti tawp a, min rawn en suk a, a hawi let leh nghal, inla ngeng reuh lutuk mai

"Rei love" hmalam melh ran chung chuan a ti a,..a thinrim a nih te chuan ti lang law law mai se, hetia awm tlat lo hian

A changa a rawn khur leh beuh beuh thin chu ka khawngaih angreng, mawl em mai, ruah sur tih a hre ve reng a, nihliap ken ve mai tur alawm, mahse keimah vanga ruahdo a ni awm sia, aaa..ka thluak a na, ka ngaihtuah duh tawh lo..


Kan inkawt kan thlen rual rualin ka chhuk nghal a, lawmthu sawi ka tum deuh uk a, ka thulh leh ta zawk, min lo hruai tur pawn ka ti chuang hleinem...


Kawngkhar hma ah chuan ka ding vang vang a, tinge maw ka luh hreh deuh thut chu le?? Enge ka sawi ang? Zawhna hlir min lo zawt dawn sia, Taehyung motor dah tha pawh chu a va han rei em em ve mawle..riah nghal a tum zawk a mi..

Muangchang chuan ka tawlh hnung hret hret a, tu emaw ka la su zawk zui

"Thil tihsual i nei a mi" Taehyung hmel ah chuan min nuihzatna ka hmu

"Teuh lo" pawr tak chuan ka ti a, a nuih erawh a zat hmel viau..


"Lut ta che" tifuh inti zet chuan a ti a, thawk la hawkin "tehreng" kawngka chu ka hawng nghal rawk a, a nui ri ka la hre thei, tunlai chu a mood a tha thei hle mai, engemaw thil hlimawm a tawng bik te pawh a niang..

Inchhung ka luh rual rual chuan ka nu chuan min rawn kuah nghal thlawp a..

"I tha em?? Na i nei lo tiraw" engemaw a hriat le, misual in min man pawh a ni lova

"Ka nu, ka tha lawm, ka tihpalh lutuk, ka phone ka ti bo a" inthiam lo tak chuan ka ti a

"A pawi lo, him takin i rawn haw theih a, ka lawm lutuk, i rilte a tam em" ka lo beisei aia thil a kal that daih zawk chu le..tinge maw ka vanneih theih em em le..

"Tam love, ka thiante inah zanriah ka rawn ei tawh a"

"A nihchu mawle..han inthlak la, Taehyung khan zanriah a la ei lova, i siam sak dawn nia aw, a mangang nasa ropui si a" ka nu thusawi chu ka hriatsual emaw ka ti hman tep, keimah vangin a lo mangang ve amaw, a va awiawm lo zawk ve, mahse ka nu hi chuan dawt a sawi dawn lo nasa si a, ka inthiam lo nasa tulh²..

"Awle..ka han inthlak lawk ange" room lam pan chuan ka tlanchho nghal a

Kan pindan ah ngei pawh inthlahrung taka ka luh an ngaih chu le..

Muangchang chuan kawngkhar ka hawng a, thawm dim takin ka khar leh a, Taehyung bathroom a lut lai ka hmu hman hram..hepa hian min pehel deuh tlata ka hriat chu le, nidang chu nise min vin leh thur² anga, a mizia a thlak reng a, awmdan min ti thiam lo vek

A inbual zawhah a hak tur ka zawnsak nghal a, hetiang thil te hi engvanga ti ta mai nge ka nih pawh ka inhre lo

T-shirts leh Jogger pants chu khumah chuan ka dah a, a lo chhuah leh hma in pindan chhuahsan daih ka duh, nih loh chuan a mah ngaihtuah ang deuha min ngai palh ang


Cont



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Bing [Bot], Google [Bot], Google Adsense [Bot] and 150 guests