FATED LOVE-3 by NUTTY GIRL

Episode kal lai dah luhna

Moderator: writers

Nutty girl
Posts: 209
Joined: May 2nd, 2020, 11:28 pm

FATED LOVE-3 by NUTTY GIRL

Unread post by Nutty girl » August 3rd, 2020, 8:12 pm

FATED LOVE



NUTTY GIRL



CHAPTER 3



Engtinnge ka tih ang? Ka bathrobe phelh a tum chuan ka tal nasa ngang mai. "Lo tal buai duh suh naute,ka ta ila ni thuai dawn,"tiin a rawn pawt vak,a ri deuh thawt. "I khawlhsen lutuk hi lawm nangmah min hnaih tir chak em em tu chu." A rawn tawng pah chuan whiskey rim a la nam huam huam zui.He mihring hi thah aia chak ka nei lo.




"I chunga he thil ka tih zawhah a chuan chapo thei i nih loh zia i hre tawh ang,"tiin ka taksa chu a zut kual. "I hmui fawh chakawm tak te hi,"min fawp tura a rawn kun hniam chiah chuan na thei ang ber in a luah ka tauh. Ka lu a hai ve chhawlh mai. Kan misualpa pawn chutia ka chet chu a ring bik lo a ni ngei ang a awm sawn nghal dawrh. Chu chu rem changah lain ka tho vat,ka khum bula table lamp chu ka la.




"I kawlhsenna hian nang min hnaih chak tir zual sauh ka tih tawh kha,"nui chhuak haka a tih chuan ka thil ken chuan ka tin. "Lokal hnai tawh suh,thah che ka hreh lo a nia,"ka aw khur deuh der der chu ka thup thei bik lo. A nui chhuak hak. "I aw ah pawh i hlauhthawn zia a lang a lawm baby,ka ti na lo ang che. Ka taah ka siam ringawt dawn che lawm,"a tih chuan ka sa phat mai mahse tih theih engmah ka nei si lo.



Ka lam pan chuan a rawn kal hnai ,kei pawh chu ka hnung tawlh nghal zel bawk. "Rawn kal hnai tawh suh,"thinrim tak chuan ka khur ngat ngat tawh a ni chuan ka thusawi chu a ngaih nep hmel hle. Bang ka sut dawn chuan a rawn then nghal sak bawk. Hei lo chu tih theih dang ka nei lo,a rawn kun hniam rual chuan a luah ka tha tawpin ka hlap nghal pawp.




"f**k,"a rak that. Ka vuakna lai chu a dawm vawng vawng. Chu thil chu remchangah lain ka tlan nghal vat. "Nangnu kha ka that dawn chiang khawp mai che, " kawngka ka pelh chuan a thusawi chu ka hre hman thuak. Thaw hlawp hlawp chuan ka tlan chhuak. Ka hmanhmawh lutuk chu ka kalna tur pawh ka en lo,thil ka su dawt.




"Pa,"ka hawi chhoh chuan ka ti nghal sap,a bulah ka nu a ding bawk.



Ka pa chuan min kai tho vat. Suraj chu ngawi rengin a ding,an lo haw a ring bik lo a ni mahna.
Ka pa chu a thinrim hmel hle,tiang em em a a thinrim hmel hi ka la hmu ngai lo. Ngawi reng chuan rei tak kan awm chawt chawt.



"In laka ka thatna tiang hian maw i thung rulh dawn a,"ka pa chuan a ti chhuak hrawih. A aw a tang chuan a thinrim hle a ni tih leh a lawm lo a ni tih chu a hriat theih.



"Pate,i hmuh ang hi a ni lo ania,kan lo infiam kual vel mai mai a lawm a ni lawm ni?"min rawn en chuan a ti. Engtinmah ka chhang lo.



"Infiamna a nih chuan leh lam leh lamin nuam an ti tura ni. I mi bum kual mai mai rual pawh ka ni lo."



Phat kual a tum chu ka pa chuan kut a thlak. "Fapa ang maiin ka en che a,hetianga tenawm i nih hi ka ring lo. Ka hnen atang pawn puihna in hmuh chhun zawm lo ang," Suraj chu a thinrim hmel hle. Ka pa chuan kan driver chu a ko, Suraj chu hruai haw turin a ti. Kan buai nuai nuai a ni ber. Engkim hi a thleng zut zut ni mai hian ka hria.



Ka nuin min rawn biak chuan ka harh chhuak zawk. Suraj pawh a awm lo awm tawh lo. "Bawihi va inthlak phawt rawh le,lo kal rawh,"ka nuin a tih chuan ka kal ve mai. A tak ramah ka cheng leh tawh. Ka nu chuan khuma min thut tirin ngawi rengin ka closet lam chu a pan. Room hnawk nuai ka en chuan nichin maia thil thleng kha ka mitthlaah a rawn lang zut zut.



"Kha hei hi i ha dawn nia,"tiin ka a hmaa kawr kan lei dun chu min rawn pe. Ka in thlak chu min nghak ve reng. Ka inthlak zawh chuan ka pain min nghah reng avangin kan chhuak.



"Zanin chu chhungkuain kan ei chhuak ve dawn ami, bawihi?"a tih chuan ka nui var var in ka lu ka bu nghat. Engmah thil pawi a thleng lo a,an awm nawm lohna tura awm ka duh lo.



"Nuam ka tihna hmun berah khan kan kal angai ang aw,"ka tih chuan an hahdam huai hmel an pu. Ka pa thinrim hian engtinnge a tih dawn ka hre bik lo. Thinrim tak a che buan buan chi a ni lo ka tih tawh kha mahse a sawi ang kha chuan a puih chhun zawm duh ka ring tawh lo.



"E..tak a na kan rawn haw hma chhan chu dinner eia hruai chhuah che kan duh a. Pasal pawh neih tir che kan tum tawh lo. Ka lalfanute titau chu kan awm lo ang hmiahin i che thin si a, hetia awm reng ai chuan neih tir loh mai che kan tum,"ka hahdam nghal huai thei.




"Pasal neih i tum pawn kan phal miah lovang. Kan inbulah i awm reng ang,"ka nuin a lo tih chuan ka bu ngauh ngauh. Bialpa pawh neih hma hma a pasal neih chu hnai lo tak a ni.




"Lawk min lo nghak ru ,kan chhuah dawn chuan kan in thlak ve ang nge,"tiin ka room lamah ka tlan phei tharh. Kawngkhar ka hawn dawn chuan ka lut hreh deuh ti tih. Ka hawi let chuan ka nu leh pate chuan min rawn nuih var var. Ni e,tunah chuan ka mamawh laia min pui reng tur ka nu leh pate an awm tawh. Hlauh tur a awm lo....kawngkhar chu hawngin ka lut tham tham.



Kan chhungkuaa dinner ei chhuak tura kan kal chhuah hnuhnun ber pawh kum hial a tling tawh ang. Chuvang chuan ka phur em em a ni tawp. Hoodie var chu hain a hnuaiah kekawrbul ka ha,chuan thigh-high boots ka bun leh tawp. Nidangah pawh ka nu leh pate pawn ka inchei dan an sawisel ngai lem lo.



Kan chhungkua chuan ka restaurant ngainat em em ah chuan kan kal. Mi an tam lutuk lo bawka a zia phian mai. Hmun lun deuha kal chuan ka pa hre tawk hi an awm ve leh nuk zel. An in biak chhung nen ka hne hman vek zel.



"Chhungkaw thlalak pawh kan nei khat a lawm,"tiin ka pa chuan waitress chu kan thla la turin a tir.



"I fanu chuan a chhun hle mai che ka pu. Tui deuh in in ei dawn nia," a tih chuan ka pa chu a nui vur vur.



"Kha maw i fanu hian min chhun ka tih reng kha,"ka nu bula a tih chuan an in hnial leh tan der. "Nia in inchhun pafa em,luhlul dun si,thu duh dun bawk si,"a tih chuan ka pa nen kan nui char char.



"Tikhan i duh loh lai peih chhuak ngauh ngauh zel suh,"ka ei duh loh chin ka lak chhuah chuan ka nu in min lo khak leh tawh. "A..a ei duh lo a ni ve mai a,"ka pa chuan a lo ti awlsam leh et tawh.



"Khatin lo ti ve ziah suh. Thil hrisel sel hi a ei duh lo a a than theih loh em hi." Kan hlim dar dar hle. Ka nu leh pa en chuan te reuhte ka ni hi chu a mak a ni.



Zanriah kan eikham kan kal chhuak dawn chiah tih chuan ka nu leh pa chu mi pakhat hian a rawn be leh lak lawh. Ngawi rengin an sirah chuan ka lo ding char char. Pawn lam ka va en chuan bike atanga mipa lo chhuk chu ka hmu. Ka hai love pua kha a ni.



A bula hmeichhe kal chuan a banah a vuan,a bialnu a ni ngei ang. Hmeichhia zawk chuan a beng bula thil a sawi sa sa,pua pawh mawi takin a nui bawk,a duat hmel tak zet. Ani bulah pawh hlim takin a nui thei tho sia,kei ve min melh run zel bawk si. Na...engnge maw i hriat le...a bialnu nen tea i lo intehkhin...ka lu ka thing nak nak. Kan lam pan chuan an rawn kal,min rawn pelh dawn chiah chuan min rawn melh ve zawk. A nui lai a la tawp hmiah zui....hmela mai mai chu(h). A van ngei awm tak.



"Bawihi chhuahna tur ka nei leh dawn sia kan haw nghal mai dawn nia. Ka va thlah phawt ang che u."



"Umm..awle,"




"Bawihi,i hlim nan leh kan chhungkaw hlim nana nasa thawk ka ni tih i hrethiam tiro? Mahse i pa nih ka tlin loh zia ka hria,thudik min hrilh ngam lo khawpa fate ngaihsak lo ka ni. Tun atang chuan a tam thei ang ber i nu nen i bulah hun kan hmang anga. I tan pa tha ber ka ni tawh ngei ang,"ka pa chuan motor khalh pah chuan a ti. Ka hlim veng veng tawh. Keipawh fanu tha ber nih ngei ka tum ang.




"Zai ang u,"tiin kan chhungkaw hla duh ber a ni tak chu "Can't help falling in love,"tih chu kan sa dial dial.



🎶Wise men say
Only fools rush in
But I can't help falling in love with you
Shall I stay?
Would it be a sin
If I can't help falling in love with you?


Like a river flows
Surely to the sea
Darling, so it goes
Some things are meant to be

Take my hand
Take my whole life too
For I can't help falling in love with you

Like a river flows
Surely to the sea
Darling, so it goes
Some things are meant to be

Take my hand
Take my whole life too
For I can't help falling in love with you
For I can't help falling in love with you🎶




Ka pa aw nen chuan a inhmeh a ni tawp. Keiin video in ka la bawk. Ka nu nena an sak phei hi chuan an hla ni hliah hliah hian ka hria.


15-04-10-images.jpg
15-04-10-images.jpg (28.63 KiB) Viewed 4835 times
AMELIA ROSANGPUII 👆💜





ONE WEEK LATER.




Kha thil a thlen atang kar khat lai a liam ve tawh. Papui oh kan mitenawmpa pawh a rawn kal mahse ka pain an lakah in hnam hnawihna a neih duh tawh loh thu a sawi. A sum pek tum pawh a thulh,chuan puih a tumnaah pawh a in hnuk dawk tak tak bawk.



Ka pa leh ka nuten dinner an ei chhuak,hna thil a nih vangin ka kal ve duh lo bur thung. Ka pain zanah movies kan en ho dawn nia a tih vang chuan ka nghak ve ran. Tunah dar sarih chauh a nia ka lo in peih fel diam. Popcorn leh drinks pawh dawhkanah ka tlar dul.




Dar riat a ri...dar kua...dar sawm pahnih dawn thleng pawh chuan an lo la haw lo. An lo haw hma theih dawn loh te chuan sawi lawk ve tur ania aw... Phur fahran lo chuan ka in dah fel leh. Dah pawh ka dah fel zo hman lo tihah chuan ka phone a rawn ri ral ral. Suraj a ni,ka reject hmak. A rawn ti nawn leh zel. Ka ning lutuk chuan ka la ve hram.



"Baby,ka call te i reject ngam a maw? Tunah khan video ka lo thawn che kha en rawh le,i nu leh pate hi i mangtha duh lo em ni?" a thusawi vang khan ka lung a phu nghal dup dup. Ni e tun ang chen chen chu an chhuak lo tawp ang.An haw a hun daih tawh. Rang takin a video min rawn thawn chu download in ka en vat.



Nu...pa..ka duhthei lo. Thuthlangah an taksa phuarin an ke leh kut pawh an phuar sak vek. An hmui pawh chu an tuam sak tlat,thisen an kai hnuang bawk. Ka nu mittui luang zawih zawih ka hmuh chuan ka kawchhung hi chemte a vih ang mai a ni.



"Khawnge an awm? Engtinnge tiang hi an chhungah i tih theih? Khawngaihin chhuah hram rawh,"ka au nghal tawn. Engnge ka tih ang? Nu,pa kan nun bul kan tan tha ve leh dawn chiah a sin.




"Khawnge hmeichhe kawlhsen tak kha? Baby i tap mai a law? Ngawi rengin ka awm mai mai i ring em ni. Engthil atthlak mah tih tum suh ang che. I chhungkaw nunna hi ka kutah a awm tih hria la,ka thusawi chauh zawm ang che. In kawtah khan motor a ding a ngawi rengin chutah chuan lut ang che. Midang hrilh buai i tum a nih chuan i nu leh pa nunna lak nghal a ni ang."




"Aw...i sawi ang ang chuan ka awm ang. Ka nu leh pate kha chu tina tawh suh khawngaihin,"a nui ri chuan ka kaw chhung a tina vek thei. "Hetiang hian a hma daih tawh atang lo awm lang chuan he thil hi i chhungte chungah a thleng lo tur. Nanga hmaneaw thawh vangin ka thisen hial a chhuak. Thisen aiah thisen kan ti ang chu. I pa pawn kut min thlak ngam tawh tawp lovang."




"Khawngaihin...ka tihpalh tak zet. Khawngaihin ka nu leh pate kha ti na suh. Khawngaihin,"a khawngaihna ka ngen mawlh mawlh.




Ngawi rengin a sawi ang ang chuan ka ti tawp. Kawta ka chhuah chuan a driver a lo awm. Min rawn nuih phei chuan ka ten lutuk ringawt. "Driver kha phone pe rawh,"a tih chuan thu awih takin ka pe. Driver bulah chuan kan kalna kawng ka hriat lohna turin ka mit a tuam tir.Suraj chuan a phone a dah.




Nu,pa lo tuar hram hram rawh u aw. Engtinmah in awm lo ang. In bulah ka rawn kal ve dawn...



Motor a din dawt chuan tawng ri nawk nawk ka hria mahse an tawng awmzia erawh ka hre lo thung. Eng tawngin nge an tawng pawh ka hre lo. Ka dara min rawn chelhin min phih kal deuh lawp lawp.



Ka mit tuamna an phelh chuan ka hmaah ka nu leh ka pa ka hmu. An lam pan chuan ka tlan phei nghal vat. "Nu,pa,"ka pa chu an sawisa nasa tawh tih a lan dan atang chuan a hriat hle. Ka nu chu a hmui tuam sak chung chuan a rawn tap nghal. A aw chhuah mahse an tuamna vang chuan a chiang lo hle thung. Ka mittui ka dang zo bik lo.



"Pa,pa,"ka pa chu ka au mawlh mawlh. A rawn meng siar siar peih chauh a ni. "A tawk tawh e,chair ah khan phuar bet ve nghal rawh u," mipa pakhat chuan tiin ka pa lak ata chu min pawt hrang nghal lawp. Suraj biak ka duh thu ka sawi pawh chuan engahmah an ngai lo. Ka sual let ve chuan pakhat chuan ka hmaiah a rawn beng chawrh. Ka nu a tap nasa zual tulh tulh bawk.




"Ngawi hle hlein lo awm rawh,"ka bianga rawn nawr vak chuan a ti. Thuthlengah min thut tirin ka hmui an rawn tuam zui nghal zat. Ka kut leh ke an phuar dawn chuan ka tal vak vak mahse awmzia a awm lo. An pathuma an chhuah hlan chuan ka theih tawp chhuahin tal chhuah mahse awmzia a awm lo. Tal chhuah ka tumnaah chuan ka kut chu a thip hlur tawh.



An rawn luh leh chuan ka lo melh rawm rawm. Tiang ti duh tur khawpa tenawm an nih ka ring lo. Suraj-a aw ka hriat chuan theih tawp chhuahin aw ka chhuah.



"A hmui tuamna kha phelh sak rawh u. A aw ka hriat hnuhnun ber tur pawh a ni maithei asin." Ka hmui tuamna phelh sak tura min tih chuan an rawn phelh.



"Khawngaih takin ka nu leh pate hi chhuah rawh,i thu ang angin ka awm ang. Engmah tihsual an nei lo,chhuah rawh khawngaihin,"tap zawih zawih chuan ka sawi.



"Aw...a tlai zo tawh a ni. Engkim hian hun a nei a,a hun a pelh hnuah chuan a siam that theih tawh loh tih i hroat kha..."chek tlat tlat chuan a ti. Khawngaih ka dil lawm lawm mahse engmah ka thusawi a ngaithla duh lo.




"Nang khan ka luah min chhu a ni tiro? I pa phiangsen khan kut hial min thlak bawk a. Ka thil tih tur hi chu in chan tur ve reng a ni. Che rawh u,"tia thu a pek chuan mipa pahnih chuan ka nu lam an pan. Ka aw rawl tawpin ka au a,ka tap a. Ka theih tawpin ka tal bawk mahse awmzia a awm si lo.



Ka pa rilruna hmel leh ka nu na lai hmel chu hmuh hrehawm tak a ni. Ka mit ka chhing, ka en thei lo. I hmaah ngei nangmah hringtunu pawngsual ta se engtinnge i awm ang? Tih theih engmah ka nei si lo. Keimah in huatna in ka khat.




"Dear,abul tanna chauh a nih kha. Engtianga na in nge ka la siam zel dawn che lo en reng rawh," phone ka bengbuala rawn dah chuan a ti. "Hmela... mitenawmpa nuam sa takin i nung bik hauh lo ang."




"Umm...ti kha chuan nangmah i ang leh tawh a lawm. Naktukah chuan tuipuiah in ruang an zawng tawh ang. In tih tur tih chhunzawm leh rawh u le."



Ka pa chu an sawisa chhun zawm leh. Ka pa na tuar rum thawm te,ka nu mangang tap ri leh an sawisak thawm vel chu a ri muai muai ni mai hian ka hria.



"Suraj....duhtawk tir tawh rawh. Khawngaihin,ka ngen a che. An that mai ang,"ka thusawi chuan a nuih a ti za hle. A nui ri te chu ka rap ngawih ngawih tawh. "Khawngaihin...duh tawk tawh rawh u,"ka theih tawp chhuahin ka au.



"I va bengchheng reuh ve mawle,"pakhat chuan thir tiang chu lain ka ngalah chuan a rawn hlap pawp. Ka lua min rawn hlap leh chuan ka lu hai muai muai. "Hey..hey kha kha chu a tawpa chinfel tur a nih kha,"pakhat chuan a rawn ti. Ka nu chhuat laia mu ngat chuan thei leh thei loin mittui nen min lo en. Ka awm zawn hi a tawt up up,au chhuak tur pawn chakna ka nei tawh lo.




Ka nu leh pa chhuata mu ngat chu ka en. "Pa,pa harh teh,"ka theih tawpin ka au mahse min chhangtu an awm si lo.Thisen...thisenin a bual khat vek tawh. Ka nu pawh chu a lan dan atang chuan a chau tawh hle tih a hriat. Keiin engmah tih theih ka nei bawk si lo.



~~~~~~



"Apa hi chu a thi tawh a nih hmel. Anu pawh hi a chatthla chu a ni deuh tawh mai,"an tawng chu ka hre vuai vuai a ni mai. Ka meng siar siar.Nu,pa min kal san thei lovang. "Ehe,i lo harh tawh a ni maw? I nu leh pate hi mangtha rih phawt rawh le. Zaninah nang chuan an thlarau i tawk ve dawn chauh si a."




Ka nu leh pate ruang an la sawn chu ngawi rengin ka lo thlir ngawih ngawih tawp. Engkim hi tawp turin ka duh a mahse chelhdin rual lohin a kal zut zut thung si. Aw chhuah lo mahila ka rilru chuan ka nu leh pate chu a au lawm lawm mahse min chhang thei tawh lo.
Nu,pa ka tihpalh in hrehawm lai ber pawn engmah tih theih ka nei si lo a.



~~~~~~




Thawm ri nak nak a awm chuan ka mengchhuak ria ria. Ka tui a hal,ka dang a ro vek tawh. Ka awmna ngaiah bawk chuan ka awm leh tho. Tunah chuan thih ve vat vat aia chak ka nei tawh lo. Phone a rik chuan pakhat pa chuan ka bengbulah a rawn dah.




"Baby,a tawpna atan thilsawi duh te i nei em?"nui huah huah chuan a rawn ti. "Heng thil thleng zawng zawng hi nangmah vang a ni tih hria la. I nu leh pa thih chhan pawh hi nangmah i ni. Kei chuan in chhungkaw thihna hi chu thawnthu ang maiin ka lo phuah chawp ve tawh dawn nia."




"Nang chu nuamsa takin i thi dawn nia. I chuap chu tuiin a khat vek anga,a tawpah tui hakin i thi tawh mai dawn ni. I theih tawp chhuahin i dam khaw chhuahna i bei dawn nia. Van atangin in sum kan chen lai leh in sum thil tih theihzia i lo en dawn nia,"thil ri chawrh chu ka hriat hnuhnun ber a ni.


11-24-38-images.jpg
11-24-38-images.jpg (35.16 KiB) Viewed 4835 times
NICOLAS ZOMUANKIMA 👆🖤





NICOLAS ZOMUANKIMA POV



Tun ang zing kar karah enga tan nge min rawn call le..."Engnge? Dar zat hi en ta che,"ka lak rual rual chuan ka ti nghal hmuk. "Ngawi mai mai teh, kawngkhar rawn hawng rawh,"a va hma e. Kawngkhar ka hawn rual chuan a hmeichhe pakhat hi a rawn nawr luh tir.




"Engnge?"




"Engmah sawi hrih loh teh. Khumah han muttir phawt teh se. Khumah han mut rawh u," Ka han chhoh ve chuan ka khumah chu hmeichhia chu an lo mut tir diam tawh. He nu chuh...A hmel ka en chuan hman nia ka hmeichhe hmuh kha a ni,a hmai a khem nuai bawk.




"He hmeichhia hi enkawl turin ka duh che. A luah hmun hnihah hliam a tuar a ni.Ngaihtuah awm viau a ni tawh lo,a thawk pawh a pangngai vek tawh. I mamawh ang ang chu min lo hrilh mai dawn nia. Tun din hmunah chuan tumah ka ring zo lo. He thil hi ka team leh nangmah bakin kan hre lo."



"Ka ina mi an chen ve ka rem tih loh zia i hriat kha,"lawm lo tak chuan ka ti. Ni e he inah hi hian ka thianpa tih loh hi chu an lo la lut miah lo.



"Ka case chhui turah min pui dawn tih na a nih hi. Doctor i ni tho bawk. Kha kha Pu Rosanguala fanu a nih kha. Amah chu i hre tho ang a,"a tih chuan ka bu nghat.



"A kut leh ke en khan sawisak a ni tih i hre tho anga. Anu leh pate pawh hmuh an la ni lo. Sumdawng hausa tak an ni a,zankhat thil thuah an chhungkua in hmuh tur an awm lo thut. Karkhat dawnah Mr Yadav te pafain an rawn report chiah.




Sumdawng an nihna angin hetianga an chungah chet an duh a nih chuan an thihnaah hlawkna an nei ngei anga. A nih loh vek pawhin an sum duh vang a ni thei tho mahse hetah hi chuan in vauna mai ni lo in thihna a thleng. An thihnaah hlawk tur an awm tih na. Chuvangin tumah ka ring zo lo,chhungte a nei tawh lo rau rau a nih chuan keini bak pui tur kan awm chuang lo. He case zawh fel hma chu i kutah ka dah aw. Nang baka enkawl thei tur ka hre lo,min pui turin ka ngen che tihna a nih chu."




"Kan hnam pui an ni na ngeiah pawh kan pui tur a ni lawm ni,thiana. Bakah doctor i nih naah chuan hliam tuar hi i kalsan thei lo bur."




Reife kan inbiak hnuah chuan ka rem ti ve ta. Ka hmeichhe ngaih ang mai kha chu a ni hauh lo. Engpawh chu nise ka puih ngai an awm a nih chuan ka pui tur a ni. Rei pawh an awm lo, min chhuah san leh nghal vat.




Tuna story genre hi a dang ta deuh a. Ka thiam ang tawk chuan ka ti ve nawk nawk ania. A storyah kan lut tan chiah😆Ka story min lo ngaihhlut saka,min lo chhiar sak avangin ka lawm ania,hmeltha ho💕


STORY CHHIAR THIN ZAWNG ZAWNGTE TIH VE NGEI NGEI TUR.

STORY a thlawnin chhiar tur nitin kan chhawp chhuahsak che u a, nikhata i chhiar man hi duli man tal ni a i hriat chuan website a advertisement hi i lo click ve thin dawn nia. Online website a story i chhiar theih nan pawisa tam tak kan seng a, i chhiar paha i lo click ve hian i chhiar man i pe ve a ni tih i hre dawn nia.

Mi pangai chuan miin sum senga an tana buaisaih a nih chuan an theih dan ang angin pek let veleh ngei an duh thin. A thlawna dawnga pe let ve tu nih peih tlat loh hi a zahthlak, a changkang lo lutuk, smart phone tha pui pui kan nei a, kan rilru pawh ti smart ve ila. Story in chhair theih nan hian writer te hlawh sing khat ai tlem lo kan pe ziah a, website hrim hrimah hian sang 6 vel kan seng bawk. Story in chhiar man hi chawitir zel dawn che u ila chuan mi tam tak hi chuan story in chhiar theih lohna a rei tawh ang, chuvang chuan a thlawna chhiar liam mai lo in lawmthu sawi nan i lo click ve hi kan phut tlat a ni.

Advertisment hi a chung berah leh a hnuai berah kan dah a, Vawi khat ve ve click a tawk mai. Vawi khat ai click kha awmzia a nei vak lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)