Writer::Dee gigi
"You leave me...And all the good in me has also gone.Without you I'm not okay"
SANDRA BECKRAN POV:::::
"Aih, buaina kan duh rihlo...Enteh u..." Ka sawi zawh hma in Mabel chuan a kawr awm a tham tu nu chu a hnek ta pawp mai!!!
Gosh...Shit,Mabel lo khawih tum ve tu nu pakhat zawk chu a sam atang ka kek phei ve hmiah!! Warden te an lo la thlenglo.
A ri ta bur bur mai, tray pakhat chu ka la lawp a, chu nu chu ka vaw nghek.Mabel chuan rum fahran a a insualpuinu en pah chuan a au thawt a, a va hnek leh pawp pawp, chu nu chu a mitko te a thi vek thei!! Mabel kutthlak nat zia ka la sawi lo in ka hria?
"These bitches....Trionna, min lo puih ta che u!"
Pakhat zawk chu ka tray ken lai chuan a hmai ah ka vaw thlawrh!!
A rik nuaih nuaih tak ah chuan chef in bell a hmet ri a, warden ho an lo tlan khawm.
"Henu hian min lo hnek hmasa a nih kha! Ka...ka..."
Mabel chu alo kawk sawk sawk, warden chief chuan "Ngawi rawh!! Nang, enge sawi tur i neih ve?"
"Ka neilo" Mabel chuan a ti hmuk, huiss...ka meng kual rulh ringawt
"Warden, anmahni zawk hian min lo tibuai hmasa alawm.Mabel awm ah an lo tham atin nih kha! Buaina siam kan duhlo kan ti a...mahse"
"Engvangin nge a kawr awm ah chuan i tham?"
Kan ngawi thap, an thawmhnaw min suktir thu kha an sawi a remlo tlat hek.An thawmhnaw kan suk mi a fai loh vanga khatiang a lo ti ta kha an ni.
Hremna kan pumpelh leh ta bik lo e....
........................................
AELLA VINGETT POV:::::
Kawngka alo rik avang chuan ka chips ei lai chu ka dah a, ka dul puar vah tawh nen, thawh mai ka harsat phah hle.Mabel leh Sandra an man atanga thla khatna ani tawh! Mahse puih theih na tur a pawimawh engmah ka hmu lo.Tawp san ka tum hnai tawh vang ani.
Alo rik nawn chhen avang chuan "Ka lo kal mek...."
A ri nawn tlut tlut, muangchangin ka kal a, ka thaw hap hap bawk.
"Tu...." Ka tawng lai ka tawp chat,
A hmel a min rinhlelhna chu a reh riai riai a, "Aella...nangmah..." A thaw huai,
Ka mittui alo parawl tiau a, hawisawn lui pah in ka hmui chu ka hup, ka tahchhuah loh nan a ti ka ni mah zawk.
Ani pawh chuan mit sen ram in a nui lui hak a ...kan tawng mai lo ve ve.
"Tu fa nge?"
Zawhna hmasa ber...Ka thinlung lalpa zawhna min zawh hmasa ber.
"Pasal nge... ngaihzawng dang i nei em ni a?" A mittui chu a far loh nan ti ni awm tak in a khap sak sak a, a kawng dawm pah in hmundang a hawi bawk.
"Rendell....." Ka kuah hnawp nghal!!! A awm a bei a, a rim tui tak hip leh vang vang ka chak zia hi sawiin a siak lo ang!! Canada thleng thlengin maw alo kal a!?
Ka tah chhung zawng chuan a chechang lo, "Ka tlai ani maw??" Chu thu chauh chu a sawi nawn tluk tluk.Tawng ka la harsat em avangin engmah ka la sawi theilo.
Tlem in ka in la hrang deuh a, nui lui saih pah in "Enteh...Rendell....He naute hi maw...Kan pahnih a...kan fa...."
"Anilo...tih sawi belh i tum tiraw?"
Ka lu ka thing mat mat, min lo zawn chhuah hun hi alawm ka chan reng!
"Engemaw tal sawi rawh....Aella...."
"Kan pahnih a kan fa ka pai mek...Rendell....."
A mittui kar atang chuan hlim zet in a nui chhuak hawk a, min kuah nghet zual sauh..."Tihpalh...Aella, ka tihpalh takzet..Kal tir lo tur che ka ni asin..."
Ka tap bang hleitheilo, hetiang a in thawn thut lama min hmuh hi chu ka rin phak bak ani.
.................................................
Amah ang lo takin a thu ve run a, zan dar 7 a pelh tawh avangin khua a thim titih, "Chuan....Mr Isones id hack tu kha zawnchhuah ka tumna lamah ...i address hi ka hmu chhuak a....Nangmah i nih ka ring pha miahlo" min en ralh,
Chips ei pah chuan "Puih che u ka tumna lamah a nia..."
"Aella....i inrawlh ve loh ka duh ber.Chu chu nang pawn i hria, i hming a lan ve loh ka duh vang ani..."
Ka ban phar hluai pah chuan "Nilo,nilo..Rendell, puih ve che u ka duh alawm....En teh, kan naute lo piang tur tan a nu leh pa tha ber nih...." Ka sawi zawh hma in
"Thil sual ti ve ve nu leh pa a neih i duh ami a!? A pa hi chu ka fihlim tawh loh sa avangin a nu tal atanga in zir tur in ka duh a tin ni!! ...naute vang kher pawh nilo in tel ve lo la tih ka duh ani!" A au ani ber .
Ka tawm deuh chawih thei hial.Thinrim awrawl a min tih ngai loh vang ani
"Mahse..rendell....."
"Min puih a ngailo tih na anih chu Aella...."
Ka ngawi hmak, a sawi kha a dik na chen chu a awm! Mahse ....nilo eng vang a inrawlh ve phet tum talh nge maw ka nih le? An tan a hnawksak zawk ka lo ni reng thei anih hi.
Ka dul lo puar lah tawh chu a en a, "Thla engzat nge?"
"Thla riat...."
A thaw hap a, "Damdawiin lama in dah tawh a tha ang....Khawnge i pindan?? "
"Nga...ngatan?!" Damdawiin ah tunah maw! A a ami!
"Khawnge i pindan?!"
"Inchungah sawn......"
A chho hmawk hmawk a, ka kal chak ve thei silo , muangchangin ka chho ve dat dat "Eng thil nge maw tih i tum le??? Ka pindan a mut i tum ngawt elaw?? Raipuar zawk ka nih hi....."
Step tawp ka thlen ve meuh chuan ka luggage alo hnuk chhuak der tawh!!
"Enge kan tih dawn!?"
"France ah kan let ang"
"Aih...hey! Chutiang ani ngawt theilo.Hetah...hospital in entirna bik ka nei vek tawh a....Chu lo ah, Wendy leh ka pi..."
Ka biang lo dawm pah in "Min ring tawp rawh.Wendy leh i pi chuan an tibuai lo ang che....Ka kiangah i awm ang..."
"Naute hi....i fa anih avangin wendy in a thik a...tihtlak an tum a...ka tlan chhia..." Ka sawi zawm theilo.
Ka chalah a fawp vang vang a, "Nangmah chauh a i tawrh atan a....nilo, ka kal tir che kha ka dikloh ani.."
"France ah chuan ka phei theilo ang"
"Ka kiangah i awm dawn alawm...Engmah hlauh tur kan neilo.Del Telliege atang ka bang tawh a, tuman min tina theilo.Lungngai suh..."
"Chutiang ngawt anilo..." Ka la ti hram.
Ni e, hospital in entirna bik ka nei vek tawh a, chutah nurse ten min thlamuan em em bawk a..ka tlansan theilo ani.Enge France a ka phei chuan ka chungah thleng ang ka hrelo.
"Hetah chuan ka ngaihsak thei dawn hleinem che!! France a ka kianga awm chu i tan pawn a hahdam thlak zawk ngei ang tih ka hria! Min hnial reng lo khan min zui tawp la ani mai!"
"Anih...Ka thawmhnaw ho kha keiman ka en tha lawk ang" ka ti ta nge nge.
"Maids pakhat mah i kawl nange?"
"Kawl lo."
"Anih leh le...." Min kai phei dat dat a, min venthawn lutuk vang nge kei ai pawn a kal muang!
.....................................
A jet chhungah ngei...Ibiza kan kal tum a kan awmdan ang chiah khan...
A awmah ka bei a, ka muthlu sek sek bawk.
.............................................
"Mereby nen in awmdun emaw ka tia..."
Ka luggage a hnuk lut mek.A kut lehlam in min chelh bawk.
"Cheng dun lo.Ngati nge ?"
"Ka lo call lai che khan aman alo chhang sia..."
"Palh anih kha."
"Lawk...sandra leh mabel?"
Ka ding deuh dawt bawk.Ka hrechhuak thut alawm le!
"Theo ten an ngaihtuah mek.Kar leh vel hi chuan a fel thei mai ang"
"An tlanchhuak dawn anih chuan...ka....Ih...map leh a tihdan tur vel ka lo nei hman a..."
Mit chhing sawk pah in a thaw hawk a "Tel ve lo tur in ka ti tawh che.I tel ve dawnlo"
Ka ngawi ta daih thung.
THEODORE SPEIRS POV:::::
"I hruai lut a maw!? Rendell, i a takzet ani!"
Min ngaih pawimawh loh hmel zet in beer a lem kalh kalh a, "Hospital ah ka dah lut...A bak enge?"
"Engkim ka hria rendell. ...Mahni fa nilo i ngaihsak ve reng a tullo"
Ka dawt sawi avang chuan dawhkan nem in ka thaw hap, a tul miau si ani.Mission nei tur in a va kal a, aella zawk alo hruai haw ta mauh si.Aella hi kha hacker kha anih ka ring pha lo hrim hrim.
"Ka fa ani!" Dawhkan chum chawrh pah in rum fahran hian min lo en a.
"Nang mah chauh a mut pui lo che tih i in hriat kha"
"Reynold fa ani tih sawi i tum ani maw?" A thinrim tawh hi chuan kei ngei pawn ka hlau deuh thin.mahse mipa ka ni alawm
"Aw"
Min lo hnek a tum chiah chu matthew in alo dang vat "Thih i duhloh chuan khatiang dawt kha min hrilh tawh miah suh!"
"Reynold fa anilo tih fiahna i neilo.Nangma fa ni se chu a tirah a hrilh daih tawh ang che chu.A zep reng chhan te kha enge?? I fa anih loh vang mawle."
Matthew in a dang nasa, kei erawh ka din ngaiin ka la ding reng!
He thil hi a thlen ka rinlawk sa reng ani.
RENDELL ROSCOE POV:::::
"Dna leh genetic test kan nei mai dawn lawm.Naute lo pian hun chu nghak ila ani mai" matthew an thawveng zet a alo tih phei chuan ka thinrimna a zual.
Ka fa ni tur a ka duh leh lutuk vang hi ani mai lo maw ?? Ni e, midang fa ka Aella in a pai hi ka phal hlawl loh vang ani.
"Reynold fa anilo." Ka ti chang leh fak.
Theo chuan "I hrechiang lo"
"Aella nen a kan inkar ani a, ilo buai ve na tur a awmlo."
"Nia, a awmlo...mahse mission buaipui tu ber ka nih vang hi ani.Ka thu ngaithla..."
"Ka sawi tur hi ngun takin lo ngaithla ang che u.Aella hi tihnat emaw in tum anih vaih chuan kan in hmachhawn ang, Mr Pentagon lak ata a him ve chauh a, nangni leh zel in a in tihbuai ka phallo"
"Mahni fa nilo ngaihsak hlut hian awmzia a neilo takzet'
Chair chu ka chhuih pawp a, ka chhuak zui nghal hmak bawk.
Ka car ah chuan thu in marijuana ka tan a, ka hip kawk kawk .Reynold fa maw? Huh, ka nui suk , ka rin hi a ring reng reng ami le??
Woofer chu on in car pawh start lemlo chuan hla ka play kual sek a, tunah Mereby saudi arabia ah a awm mek a, alo haw hun chuan sawi fel tur kan ngah leh dawn hle mai.
Mahse theo sawi kha a dikna chin pawh alo awm ve palh thei...
Nilo, Aella hi chu ka thlahthlam dawn hlek lo .Hun in thudik chu alo la her chhuah pui mai ang.
Hospital lam pan in car chu ka khalh nghal.
AELLA VINGETT POV:::::
Hospital a deluxe room ah min dah a, ka vei thut pawh a kan buai lutuk loh nan ani ber.
Zinglam dar thum vel a rik hnu pawn ka mu theilo chuan theihai hmin ei pah in candy crush ka khel mai mai a,
"Ila mu nange?" Ka phu chiang lutuk!
"Enge ilo tih teh thut a??"
A ruih hmel khawp lehnghal! A meng kai chhap mai.Zawi zet hian alo kal phei a, hetiang a ka rai puar lai em chuan a ruih duh ka ringlo asin.
Khum bula chair a thut pah chuan ka dul chu alo dawm vang vang, a chet dan mak ka tih em avang chuan hrethiam lo zet in "Enge maw i hriat le?"
"Ka fa ani...Tiraw?? Aella, keima fa ani??" A aw chu a chhuak chang chang ani ber.
A kut hum pah chuan "Tinge?? I fa ani alawm..."
"Beng in a hriat loh tur a hriat tam lutuk thin hi chuan thil pawi hi a thleng leh nge nge zel..."
Ka nui mawl tawp, eng thu nge maw a sawi awmzia hi le??
"I fa anih i ringlo em ni?" Ka tap teu nghal nia! Ni e, rai lai chuan pangchan leh mittui tlak hi a awl lutuk tlat ani.
Ka dul a a lu na lo te a nghat pah in "Ka fa ani tih ka hria..."
"I ring em?"
"Aw"
Reynold kha a sawina ani thei mai angem le??
Alo tho kang deuh a, "Tap suh, naute kan neih tep tawh hi.I rilru ti hah suh, bang teh..." A kutphah hlai hlup chuan ka mittui chu alo hru fap fap.
"Reynold kha....i ringhlel ve ani tiraw?"
"Sawi tawh suh.Ka fa ani tho tho"
Naute alo pian hun chuan a dna test ngei a ngai ang! Kei ngei pawn a pa zawk ka hre chuanglo!!
Leather jacket dum a ha a, a biang hmul to deuh siar siar tawh lam nen, a cigarette rim te....a engkim hi a fuh vel vek ani.He naute hian Rendell hi a chhun anih hlauh chuan a vannei ngawt ang le.
"Rendell....Ka hre biklo...Nang nge... Reynold"
"Kha uicho hming kha sawi ve tur in ka duhlo che...Aella, ka fa anih ring la a tawk"
Min fawp vang vang nghal, mit ka chhing chawih thung.
Nurse duty alo lut hlauh "Arhh....Mr Roscoe, patient hi a mut a hun tawh viau ani.." in thlahrun hmel deuh takin Rendell chu a en a,
"Ok...okay, Babe....anih phawt...." A che buai deuh nuaih leh a mitmeng a rilru natna in phum ka hmuh chuan tap teu hian ka en reng a, a chhuak zui vut bawk.
Tinge buaina hrang hrang hi kan chungah a thlen reng mai le!?
..............................................
Maid of honour Mrs Roxel leh Roger an awm reng a, pawn lamah kawngkhar vengtu a hran in an la awm cheu.Canada ai kha chuan ka mal lo ta deuh alawm.
Rendell chu nitin alo kal a, min ngaihsak in min duat viau mah se naute a rinhlehna hi a awmna chen chu a awm ve tho ang!! Chu chu ka rindan ani.A nuamlo lek lek zel.
"A damdawi a ei tawh em?? Vawiin thil a ei tha em?"
Mrs Roxel chuan "Ei tawh...Thil pawh a ei tha viau...Diktak chuan nang mah zawk hi i in ngaihtuah ve a hun tawh ani.I cher vek ania...."
"That's don't matter" ka lamah alo kal leh nghal.
Ka phone khawih lai chu alo la hmuk a, "Hey!" Ka ti that thung.
A off hmak, ak tha pah in "I mit a kham ang.Lehkhabu pangnga i chhiar duh zawk em? Wattpad tih luklak chhiar reng ai chuan?"
"Mahse phone kha...."
"Roger, Barbara Cartland ziah lehkhabu i hmuh ang ang va lei rawh"
Ka nui chhuak hak , ka duhzawng te alo hre ve anih hi!!!
"Tears and love leh Love poison chu ka chhiar tawh aw....Who can deny love nen"
"Aw, a dang"
Rendell chuan a sana en pah in "Zan ah ka lo kal leh dawn nia, ka hna a let leh a ngai tawh tlat"
Nurse pahnih in kheuh ru zeuh zeuh ka hmuh chuan ka en ha, Ni e, helai hmun a thawk te hian Rendell alo kal tawh chuan an en nasa thei khawp.An ngaizawng ru viau ani maithei.
Mrs Roxel chu Nigerian-American ani a, nulian tak ani.A bul a awm a nuam in a rilru a zau hle.
SANDRA BECKRAN POV:::::
Bar a ka hmai ti bet pah in "Min lo chhanchhuah hi an tum lo ami le?" Ka ti ngiai, thlakhat lai ani tawh! Trial kan nei reng a, kan lawyers te lah in sawi tur a lawi an nei thin silo.
Mabel chuan cement khawk lo tla mi chhut vak vak pah in "Zawng ho hi ka hne tawh viau ania,pem thar damdawi lah an nei chhe ropui si..."
A hmai a Rondes in a ham na khem niai ka en chuan ka nui suk, thlakhat kan awm chhung hian insualpui mi 8 kan nei hman!
A then kha chu bathroom inchuhna lamah te, a then lah thawmhnaw chungchangah.
Warden mipa awmchhun, lu kawng vah mai chuan alo round leh ta.
"Mabel, plan ka nei!"
"Eng plan?"
Ka insiam tha a, Warden pa alo kal chiah chu "Hey mister... " Mabel chuan a kawng dawm meuh in min lo en mawl tawp.
"Enge?? " Alo kal hnai deuh.
"Jail chhungah hian sex hman phalloh tih hi danah a inziak em le?"
"Ziak teh meuh mai"
A thinchhiat hmel fu, ka nui sak a "Dan te chu bawhchhiat tur a siam ani lo em ni?"
"Enge i sawi tum?"
Ka lei chuan ka hmui ka liak zauh a, "I hrethiam lo maw??" Ka nuih sang .
A hawikual rak rak, chutah aw thawp sut hian "Enteh, nang mihring nu hi.Sex hmanga min thlem tum suh, in lam tang ka nih hi.Klay hnuai ami ka ni.In awm rei tawh lo ang, Rendell Roscoe khan trial in neih leh hun a inchhuah dan tur a ruahman fel vek tawh.Chuvangin heti hian awm suh"
Mabel alo nui hawk ,, ka zah pah deuh avang chuan ka nui lui seih a, "Anih tak chu..." Hnungchhawn in ka towel ken lai chu ka vawm hluk bawk.
Ni e tlanchhuah a an zawn reng nih ai chuan sawrkar hriatpuina thlap a chhuah kha a tha zawk.
Mahse kha pa kha thlem thei hlauh ila chuan zanin la la hian kan tlanchhuak thei ang, alo luh rual a khawn thluk leh tlanchhuah.
"Duh aiin i plan chu a kal fuhlo ani maw?" Mabel chuan alo ti hap.
"Lo fiamthu suh, ka tum ve bawk alawm."
"Klay Callister chuan mi leh sa alo ngah angreng"
"A mi leh sa , a thuhnuai a awm kan nih ve loh nan inven a ngai"
"A thu ang ngawt chuan kan awm dawn hleinem"
Zan dar 10 a pel va va tawh.
To be continue
Chapter dawt leh ah chuan hei ai a phuisui zawk a lo tih ka tum ang, zanin phei chu duh aiin ka tlai viau mai.Sorry guys....
Gigi Dee 