JANET ZIRSANGPUI

[RVL.REMRUATFELA]

#*JANET ZIRSANGPUII*#
RVL.REMRUATFELA
Bing 1 na
.
(Ka type sa ka file a lo bo daih a, duh ang pawh in a thui thei ta lo, ka lo dah ang ka ti tawh si a, min lo pawm sak phawt mai teh u, zankhat danah hei chu dah tum ang u aw)
.
Kum 2006 kum kha ka theihnghilh tawh dawn lo a nih hi maw, ni e, kha hmeichhia vang khan he ka thinlung hi a keh sawm vek, ka ring tawk a sin, ka hmangaihna leh rilru zawng zawng ka pek lai in a ni chuan derna anka min hlan a, a khawhar hnemtu ah bak min lo ti si lo, khua hmuna leng lo ta chu engkim hriat theih ni hek lo, ka lo ring sual deuh a ni, mahse atan tih theih ka nei tlem em a, ka dem hran lo. Pian nawn leh ngat i la chuan tun ang hi chu ka ni hauh lo ang.
.
Kum 2006 kum tir ni in kan khua ah college a awm loh avangin Aizawl lamah college zawm tur in ka in pu lut ve rawih kha a ni, keini thingtlang mi ah pawh, nitin ei chawp zawng lehnghal, keini school chawlh apianga ram lam a liam leh mahni in luma hun hmang ṭhin nen chuan kan danglam kher mai kan uk deuh khak mai.
.
Kum chanve ka awm tlin meuh chuan Aizawl ah chuan ka ngampa ve ta deuh e, mahse college chawlh a kan pocket money tur mai ni lo kan ei leh in hlawhchhuah chu a la bang chuang lo.
.
Ka hming chu Nicky Zothanpuia a ni a, ka ṭhiante chuan Nick ti in min ko mai ṭhin ka nu leh pa te hi nitin ram lama liam ṭhin an ni a, chhungkaw harsa ve tak aṭanga seilian ka ni, marawhchu ka vanneih a siam in lehkha hi ka thiam ve theih hlauh, ka nih tum ber chu Doctor a ni, kan sum leh pai kan dinhmun en chuan a huphurhawm kher mai, mahse min hruaitu Pathian kan nei a, ka kawng chu min hruai ngei ka ring.
.
Vanneihthlak deuh in Aizawl a science subject lakna ṭha berah seat ka chang ve hlauh mai, 2nd year kan nih kum in a ni ka hmeichhe theihnghilh ngai tawh loh tur hi a tawn ni, a hming chu Janet Zirsangpuii a ni, Aizawl mi hlun ni in chhungkaw khawsak pangngai tak aṭanga lo sei lian a ni, a hmel leh an chhungkaw dinhmun ka en chuan ka phu lo kher mai, mahse hmangaihna hi dinhmun a ni ber lo tih ka hriat phah ta a ni.
.
Ni e, Aizawl ka kum hnih awmna ni in tlangnel tawh viau mah i la ṭhian hi ka kawm tam lo khawp mai, ṭhian kawm ai chuan lehkhabu chhiar hi nuam ka ti tlat, ka pawisa neih zawng zawng pawh hian ka lehkhabu duhzawng a nih a ka hmuh fuh hi chuan ka lei hreh hauh lo, kan khawsak phu lo hian lehkhawbu chi hrang hrang hi chu kawl pawh ka kawl ve nual reng a ni, college ah pawh hian class lai a nih loh hi chuan ka hun hman tamna ber chu library a ni.
.
Tumkhat library a lehkhabu hrang hrang in chhawp a ka bih vang vang lai hian ka bul maiah chuan hmeichhe pakhat hi lo khuh deuh kharh kharh in, kha i va bih nasa ve, ka bula ṭhuthleng awl chu kawk in hauh an awm em lo ang chu maw ka lo ṭhu ve thei a ngem ti in a nui var var mai, kan class a in anga ka hmu fo mai he nu hi, a hmelṭha in a pian a dik kher mai, chutianga hmelṭha leh duhawm in min lo bia a, ka bula ṭhut a duh chu mak ka ti, chhan mai nachang ka hre lo hial, chutianga ka en reng lai chuan, khatin min enreng lo la ka lai ve thei tho a nia a lo tih takah chuan bah deuh nuaih hian lo hu rawh tumah hauh an awm awm pawh ka hre ti a lo chhang in ka bul thuthlengah chuan a lo ṭhu ve ta a.
.
Janet-i chuan a hming ve chu sawi in lunch te hi i ei ve ngai lo emni, library ah hian hmuh tur i awm reng mai a tih chuan ei ve tho e, lunch tur hi ka in pai mai zel ti a lo chhang in, janeti bawk chuan lehkhabu chhiar hi a tui viau a ni maw, ti in ka lehkhabu chhiar lai vel leh ka in chhawp te chu a en kual nghal zung zung a, nia lehkhabu chhiar hi a nuam ber ti in ka lo chhang ve mai bawk a, ka tiril chu a la khur a ni, ka zam chhe hneh hle hian ka in hria a lakah chuan ka te lutuk, ka biak phak pawh a ni lo mahse tunah hian ka bulah awm in kan in kawm a ka lehkhabu chhiar lai vel a en kual mek a ni.
.
Chuta ṭang chuan Janeti nen pawh college library ah chuan kan in kawm ta ziah mai, eng engemaw sawi in, canteen lamah pawh kan kal dun ta fo bawk a, ka sawi tak ang khan mahni in hlawh chawpa khawsa ve mai ka nih avang khan canteen vela sum khawhral ai chuan mahni a tiffin pai mai kha ka duh zawk a ni, kan pi leh pu ten an lo sawi ṭhin hmeichhe pakhat in mipa panga chhuahvahna ah a hruai thei an tih ang deuh khan, Janeti pawh hian canteen lamah, min hruai ta fo mai, a hmeichhia zawk han in treat tir kha chu tlawmah ka lo la ve tum hrang bawk nen, ka treat leh nge nge ṭhin, a chang chuan a pawisa ip ka en hian ka ui ve ṭhin khawp mai hehe..
.
Chutia Janeti nen kan in kawm tak fo ah chuan kan lo in hre chiang chho ta zel a, a ni hi Chanmari veng ni in Chanmari ah pawh hian a khawsa thei pawl an ni, keipawh chanmari ah tho in luah ve in ka lo awm ve bawk nen, kal lam leh haw lam pawh kan in thurual ta fo mai, ṭhian lam ngaihsak ngai lo kha Janeti ka tawn aṭang chuan a ni chu ka ṭhian a ni a rual pawh tlem chuan ka pawl tam ta deuh, chutia in kawm ta reng chu muang chang in kan lo in nel a, pawn lamah mai ni lo in chhung lamah pawh kan in chho ve zel hi a lo ni, engtik laiin in nge ka lo hmangaih hman ka hre hek lo.
.
JANET ZIRSANGPUII
.
Fanu mal ni in u mipa pa hnih ka nei a, kan upa ber phei hi chuan nupui a nei tawh nghe nghe a ni, fanu mal tih takah duat rawn ka lo ni bawk nen ka duhzawng hi chu ka hmaih lo ti i la, ka sawisual lutuk awm lo e, duh chuan phai lam college ṭha zawkah pawh kal thei ka ni, marawh chu ka nu leh pa ka unau te bula awma duh duh dan a awm, ka duh zawk avangin phai lamah pawh college kal duh lo in Mizoram ah college ka kal a ni.
.
Nicky a hi 1Semester kan nih lai aṭang tawh in ka hmu fo mai, a khawsak phungah tlangval ti zawk zawk lo, nun zawi tak ni in ka hria, rual a pawl ngai lo a, ṭhian a neih awm ka hre hek lo, a khawsak phung engin chhungkaw khawsa thei tak aṭanga seilian a ni lo tih a hriat, a hmelṭha kher mai han tih tur a ni bik lo, Nicky a hmuh duh chuan class room ah emaw library ah kal i la khawi emaw zawk zawk ah a lo awm ngei ngei ṭhin. A hmelah tumruhna leh rinawmna a hmuh theih a, tlangval in ngaitlawm tak a ni tih pawh a hmuh theih. Ka biak hmasak ber ṭum phei a, a khawsak dan chuan kei hmeichhe in duh tawk tak, zahna pai lo emaw tih mai tur pawh ka lai ve lek lek mai. Kan in kawm tak fo ah chuan ka hre chiang telh telh a, a nun awhawm zia ka hmu chiang telh telh, a neih tawkah a lungawi a, khawi hmunah pawh a hlim thei emaw tih mai tur a ni, pawn lamah chuan duhawm viau lo mahse chhunglamah erawh chuan mi tamtak tluk loh a ni tih ka hre chiang khawp mai. Engtiklai in nge ka duh, engtiklai in nge a zunah ka uai lai reng ka hre lo, a chang chuan min duh ve tho hian ka hre ṭhin, mahse engmah a la sawi miau si lo, a hmeichhia zawk in bul han ṭan kha tlawm thlak ka ti ve bawk nen, a chet hun ka sakuh ser nghah ve ngat ngat mai a ni, a chang phei chuan a che har lutuk hi ka dawh theihna in a tlin lo lek lek ṭhin, ka in duh tawkna in min hneh em zawk a ka la insum ve thei hram hram a ni.
.
Hun leh ni te liam in Janeti nen pawh kan in pawh tawh kher mai, kal lam leh haw lam pawh kan in thurual ta zel mai, kan college aṭangin ka in luah hi a hlat zawk avangin college kal dawn hi chuan an kawt vel ah min lo nghak mai ṭhin, college ban hun a thawl deuh hi chuan thingpui in kawi tura min sawm ṭhin avangin ka in kawi ve ta zeuh zeuh mai, mahse an khawsak phung ka en hian kei a kara mirethei tan hi chuan an in chhung rah fo pawh hi a in thlahrunawm ve ṭhin khawp mai, chungte avang chuan tihtur dang chhuan lam in ka chawlh erawh a tlem zawk a ni. A nu lah a nelawm loh ropui si, min lo melh leh kur ṭhin, ka hlau deuh ṭhin hian ka hria, marawhchu Janeti kianga awm ka duh ṭhin avang te hian ka hmu lo der fo mai, an in chhunga ka luh tirh leh tun hun phei hi chu a khawsak phung a dang sawt kher mai, kan in zui rei hnu phei hi chuan an in chhungah hian ka lut khat ta khawp, college a nih loh chuan ka in luah chep tak, parawl luah tih hriat tak mai a, a lo lawi luh hi a ni deuh mai kan in hmuh, assignment chhuan lam hian ka i luah hi a lo chuang kai zeuh zeuh a chu chu a ni mai in hmuhna hun kan neih.
.
Zirtawp ni, ni ta in ka hria, subj kan ngah loh ni tak ni in, hun awl a tam kher mai, in a haw ringawt chu ka peih rih lo kher mai, mahse han len kawi na em em tur ka hre bawk si lo, subj pakhat kan la nei chu bak chu vawiin ah kan nei tawh lo, ka subj neih hun a thlen hma chuan college library ah lehkhabu ka lo en vel mai mai lai chuan, pu librarian a chu hmuh i awl hle mai ti in Janeti chu ka lam pan a lo kal in a nui var var mai, a hmelṭha chiang a ni he nu hi chu, a nuih a a biangsum tereuhte lo lang ṭhin mai ni lo, a ha var kuhva a ei ngai lo tih hriat zet var har mai rual ṭhat te chuan a hmel a ti ṭha kher mai, a pian lah sawi sel bo, a awmbawr lah mipa mit la tawk chiah hian a pawng par mai, a piang a dik in a mawng bawr te lah a vawng nalh ropui mai si, Janeti ah hi chuan sel tur a vang kher mai, ka bula a awm tawh hi chuan ka in hmu hmelṭha zo vek zel, kan pahniha kan kal dun hian min hmu duh kher mai mipa mai an ni lo hmeichhia thleng thleng hian an thlir zui ve ṭhin a ni tih ka hmu fo mai.
.
Janeti chuan canteen ah i chawl tawh em? A tih chuan chawl nang tiffin pawh ka pai lo vawi in chu a haw hma theih dawn tho a, ril pawh a ṭam hman dawn chuang lo ka lo ti mai a sin ka tih chuan Janeti chuan haw a tih tur i nei em? Tih tur i neih loh chuan leng khaw thawng mai mai ang hmiang a tih chuan ka phu zawk mai, min melh dan velah min haw lo tih chu hre mah i la ka phu thlawt lo a ni, ka chhan mai tak loh ah chuan in thlahrun hmel zet hian i remchan loh chuan ka ti lui miah lo che a nia ti in ka ṭawng leh hma chuan a lo ṭawng zui leh zat a, kei chuan nei hran em em lo e, min hriat kha lenna tur ka hre lo reng reng i hriat a thu a ni mai lawm ka tih chuan i van fel tak class ban veleh college kawtah in nghak ang aw ti in a sana bun lai chu melh zauh in hei class ṭan a hun dawn class lam pan in kal i la a tih chuan a lehkhabu chheh darh vel chu la khawm in class room lam chu kan pan dun ta a.