WITHERING HOPE . Chapter#15

Episode kal lai dah luhna

Moderator: writers

Krystal varte
Posts: 31
Joined: August 4th, 2020, 5:50 pm

WITHERING HOPE . Chapter#15

Unread post by Krystal varte » August 27th, 2020, 8:43 pm

CHAPTER-14🌟






*****AIMEE *****



Ka mumangah chuan tuilian kha Alo kâm vek tawha. Niêngin ka hmazâwn chu arawn chhun tle siar siara, TRISTAN chu ka hmaa dingin min nuih ver ver pah hian ka hming Alam reng a .


"AIMEE..."


A âw leh chezia atang chuan a damtha vek tawh tih ka hrethei.

Ka mit ka meng phallo, ka meng anih chuan atak ram thimchhah khup Mai leh natna in a tuamchhah mup Mai Chuan minlo hmuak tih ka hria.

Nizan lamah kha chuan a pangtî sa vur Mai Khan min ur vut vut anih kha, mahse tunah pangti lum âwm reng ka bulah a awmlo.

Ka harh deuh zawka, ka bulah TRISTAN a mulo tih ka hmunghal, mahse ka bengah hian AIMEE tiin min ko reng Mai bawk si!!.. ka ngaihtuahna em mawni le.


Ka meng nghal kâwk kâwk a, hlauhna in min rawn tuam leh mup mup tawh.

Thimthamah Chuan TRISTAN a'n...' Aimee ' tia min ko rî ka hre tluk tluk bawk si.

Thâwm lo chhuahna lam chu thim karah ka VA pan hnaia, ka tui dahna bulah chuan TRISTAN Alo awm chu niin !!...
Hmanhmawh lutukin ka pan hnaia, a Tak Ani nge nilo fiah Nan ka kuah nghal chawta , a âwmah ka lû nghatin a lungphu dup dup rî ka ngaithla Kar a.

A Tak ngei Ani..... Ka tap chhuak lo chauh. He lungphu ri hi ka hriatleh ngai reng reng tawhloh tûrin Ava tâwp teuh si êm.


"Hahdam rawh AIMEE.. ka tha alawm, ka tha tawh lutuk " a rawn ti a.

Ka kuahnghet sauh a , ka inhnît nghal hlawp hlawp.

"I khawsik a awm thawhlo.." ka tichhuak thei hrâm.

"A landan chuan Ni e..." arawn ti sep a.


"Awm nawmlohna Ila nei em ? " ...ka ti a.


"Aih... Nei tawhlo, ka riltam tihmai loh chu " a rawn ti sep a.

"Khawsik kha... A awmleh angem " ..


"Ka hremailo le.." ka ti a.

"Ka natna vei ber hi ka hrelo--- ka rindan chuan virus , thosi atanga kâi theih chi ka kâi anih ka ring,
Khawsik kha arawn LETLEH maithei Ani, anih loh pawhin ka taksa râldotu hi an chak tâwk tawh maithei bawk. Nang itha em ?.." muang churh hian arawn ti a.

Ka lû ka bu nghat a.

"I âwmah hian kala Bei rih duh" Kati sep a.






TRISTAN natna hian Kan lakah zah angâi rih Ani mahna, mahse ramhnuai hi chuan Kan lakah zah angâi ve silo.

Kan awmna lâivelah chuan nitin Mai hniak tharlâm Kan hmu ziaha , kan tuidawnna thenkhat chu an chilh chhe darhvek bawka.

Nimin lawka inzir nana Kan bûte sak pawh kha hneh lutukin an phîn darh vek, an hnuhma atang chuan keitê pakhat Mai an Ni tawhlo.


A pûi leh Ano dangho thiltih Ani ngei Ang.


"Nihnih chhûng Kan inbuatsaih anga ... Helai hmun hi Kan chhuahsan Ang" arawn ti a.
Ka hnial lêmlo. Helai hmuna awm hi Kan tan ahim tawhlo . A damchian hma chu hahdam Turin ka duh lutuk, mahse Kan châm khawtlai thei tawhlo.

"I thal kha engtiklai pawhin keng rengla, ka hmuh phâkah awm reng bawk Ang Che " a ti leh sep a.


Tristan chuan Kan ramsa man tharlâm Tak chu thisen leh ramsa hriaka leih a ,thang atan hmun hla taka vawmbo arawt a. Kan thil ruahman hi a kaltluang anih chuan kan ramsa ruang vawmna lamah Khan keitê ho chu an tlandarh vek anga, kan insaseng Nan hun tlêm Kan neihbelh thei Dawn Ani.




Ka insiam sâwt theilo , TRISTAN ka ngaihtuah lutuk chu ka melh zeuh zeuh renga, a khua asik leh thut Ang tih ka hlâu hluah hluah.
Ka thiante'n ngaihzâwng thar an neihin an ngaihzâwngte an hmangaih leh hmangaih loh engtin nge an hriat Ang tih min zawt thina, khatih hunlai Khan CHRIS nen inngaizâwng reng mAh ila a danglamna engmah ka hrelo, Kan inkârah thil special em em a awm ngai miau lo.
Chhân ngaihna ka hrengailo anihkha


Mahse tunah chuan ka hretawh , I hmangaih takzet anih chuan Amah ineih chuan I famkim Zia I hrezual sauh Ang, a tello Khan engtin nge I nun Ilo hman theih zâwk tiin iin chhûtlêt Vang Vang Mai Ang...


Chutih rual chuan hlauhna in I khatliam bawk Ang... Amah chân hlauhna , a kalsan Mai Ang Che tih hlauhna nen.


Hmangaihna chuan thil atithei em em a ...
Hlimnain a Khah tîr thei che a, chutih rualin hlauhna Salah a tân tir thei bawk che.



"AIMEE.. " Tristan chuan arawn tileh thut a .
Ka hawichhuak nghal.
Vânlam athlir dauh dauh a , a enna lam chu ka hawichho nghal.

Kan Chung zawnah chuan thingkûng sâng pui pui chhah mup chauh ka HMU. Ka mit tizîm sen senin ka enchiang leh Vang vanga.. TRISTAN thilhmuh chu ka Han HMU nghal.


Thinghnah bukluih karah chuan vâna meikhu zâm chiai chiai ka Han hmufuh ta . Beiseina sâng Tak ka nei nghal.


"Enge a awmzia... Min chhanchhuak tûr an rawn Kal tihna em Ni " ka ti a .

"Kan hrevat Mai Ang" ... Ati êt a , thlawhna lamah chuan aphei nghal pâwk pâwk.

"Khawnge I Kal Dawn" a hnunglam atang chuan ka âu that a.

"Thlawhna chhungah... Thlawhna darthlalang kehthem ho kha kava lâ anga, nizung hmangin signal Kan thawn Dawn Nia. Ka tihdan uluk deuhin Ilo en Dawn ania" ati a.


Ka nui nghal ver ver. Ka thal chu lâ in ka hmaa pal âwngah chuan engtik Laipawha kah inring rânin ka tin rân rân a. Tristan chu thlawhna chhungah lûtin darthlalang kehthem kutphah tiat vel pahnih nen arawn chhuak leh a .



"Sawmi thingkûngah sawn kava lâwm anga ...." Tih pah chuan ka hmaa thingkung-- helai hmun Kan thlen tirha ka thingkung lawnna kha akâwk vâ vâ a. Pen leh lehkhapuan pakhat akeng tel bawka.
Cockpit-ah adahtha reng thina , hman aphal ngailo. Hemi hun atan hian Alo khêk ani ngei ang.


"Angai lehlo... Kan pahnihin lâwn zawk Ang, nangmaha lo awm Turin ka duhlo che. " Ati leh a.


Ka hmaah a lâwn a , nidang aiin a lâwn muang. Darthlalang kehthem Ken nên, a dam kawrhlim nen nidang aia let hnih velin alâwn muang.

Thingkûng lêr Kan thleng Dawn hnai tih chuan arawn tawng leha.

"Tahhian lo awmrih Mai rawh.. A lêrah chuan Kan pahnihin min dâwl zolo Ang " arawn ti dat a.


Aruala alêra Han lâwn ve a , signal athawn dân vel chu hmuhve ka duh lutuk, mahse atheih miau siloh chuan hetah kalo awm Mai aniang chu .

Ka rahna zârah chuan thûin TRISTAN lawnchhohna lam chu ka Han hawi chho hâ hâ a , ka luhai arawn chhuak leh mum mum tawh ka thutna zâr atang chuan ka tlathla lek lek.


"Engang signal nge I thawn Dawn " ka ti a.

"Morse code..." Arawn ti a.

"An hrethiam Dawn Ami.."


"Min rawn chhanchhuak tura an rawn Kal anih chuan an hrethiam tûr alawm " arawn tileh lâwng lâwnga.


"Anih signal chu ithawn Zo tawh emm." Kati leh a.


"Aw...kazo chiah " arawn ti a.


"An rawn chhanglêt che em.."

A reh nghal Vang Vang.

Chhânna ka dawn tâk lovah chuan ka ngaih atha thei reng renglo.
Kan meikhû hmuh Khan min chhanchhuak tura rawn Kal te hnen atangin anilo aniang.
Helai hmunah hian hnam mâwl awm an awm anga , chumite meichhêm khû Mai Mai chu em Ni ang. NILO... Kan bul velah hian hnam mâwl chu awmse Kan hretawh ngei Ang.....


Thâwk kala Vang vanga. Inbengdaih hrâm hrâm ka tum. Keitê leh hnam mâwl hoin min rawn Bei tur anga ka ngaihtuah chuan ka tiril hi a khûr nghal der der. Ka ngaihtuahna avang chuan ka khawng leh vek tawh. Tristan ka awmnaa arawn thlenthlak hunah Kan meikhu hmuh kha min chhanchhuak tu tur an nilo tih min rawn hrilh ta se... Ka chesawn thei tawhlo hial Ang.

"An rawn chhâng e..." A ngawih Vang Vang hnuah chuan arawn tichhuak hlol.
"Min rawn chhânglêt mek" arawn tileh zat a.

A aw anga a beiseina rawn langchhuak chu kala hriathmaihlo Chiang kher Mai. Ka thin Phu ri chu ahma zawng aiin a ring zual sauh a . An chhânna chu zawh ka duh viau naa chu TRISTAN ka tibuai duhlo. Morse code hmanga an inbiak Dan chu uluk deuhin kalo en Kar a.


Vawikhat chu Morse code chungchang hi TRISTAN a'n min hrilh tawh. Alphabet chu dot leh dash hmang vekin an thawn thin a . Hmanrua atan chuan ....darthlalang kehthem chu nî an enkhalh tir anga, dot leh dash hmangin thu an thawn tawh dawn Ani. Dot anih chuan darthlalang nîin a enkhalh zeuh anga , dash anih chuan dot aiin nîin a enkhalh rei Ang.
Mi pangai tân chuan a harsa Ang tih ka hria, mahse TRISTAN ah ka rinna ka nghat pumhlûm, a tithei ngei Ang.


SOS Tih kan thawn Dawn chuan , S- kha dot pathumin a entir a . O-vethung chu dash pathumin a entir veleh thung.


Uluk takin a en Kar a, an thusawi chhinchiahna Turin paper leh pen a inchhawp bawka.


Darkhat vel Kan awm hnu chuan tristan chu arawn au leh lâwng lâwng a.
"Chhuk tawh Ang Le...."arawn ti a.

"Enge an sawi ..." Kalo ti nghal vat.

"Chhuk phawt Ila ka hrilh Ang Che.... Fanghmir an tam lutuk min seh neuh neuh mai" arawn ti a.


Hmanhmawh deuhin ka chhukthla a . Thingkung zâr tawpber ka thlen chuan leilamah keitê emaw ramsa dang Ang awmleh awmloh ka enkual leh te te phawta , leiah ka tum thla ta a .

Thlawhna kâilawn lam pan chuan min Kai phei hnak hnaka , kawilawnah chuan thûin a thusawi hun chu ka nghak Kar a.

"Min chhanchhuak tûr team chu an awm ngei e.." arawn ti a. Ka lâwm lutuk chu ka khi nghal vur vur .

"Kan awmna atang hian engtianga hlâah nge an awm " ka ti leh a.

Lehkhathema a thil chhinchiah chu a melh zeuh a..." An chhûtdan chuan helai hmun rawn thlen Nan hian Kar hnih vêl anla mamawh dâwn Ani." A ti a.

"Naktûkah helai hmun atanga ka chhuah theih chuan , karkhat hnû velah alâitakah Kan intâwk thei maiang. Damdawi leh hmanrua vêl an neia , anni'n an awmna hmun atang chuan helicopter minlo hmuah nalâi turthleng min thlah thei Dawn Ani " a rawn tihzawm leh a.

"An awmna hmun chu engtianga hlâ nge..." Ka ti a.

"Ka hrebiklo le , min hrilh lova " arawn ti sep.

"Ngatinge helicopter chu hetah rawn kalin min rawn hruai Mai lovang, Kan awmna lâi an hretawh tho si a." Ka ti nang nang a.


"Ansawi dân chuan Kan awmna lâi leh a chhehvêl ah hian thlawhna thlawh an khap a. Kan thlawhna chhiat hnûa an dân Siam thar Ani ngei ang, ahma zawng kha chuan khap Ani ngailo" ati a.

Ka hnual nghal rawih thei.."Ngatinge helai hmuna thlawh chu an khap reng renga" ka ti sep a.

"An sawifiah lova, an hrebiklo anih ka ring .

Khapna dân hi chu state organisation hian an chhuah thîn a , a chhan engmah an sawifiah ngailo.Chubakah helai hmuna thingkung tehi asângin a bûk chhah em em sia, helicopter tân pawh tum theihna ziazâng anilo. Kal an phalna China minlo nghah tawp kha an tihtheih sângber Ani rih .." arawn ti a.


"Chhanchhuaktu team tân bik te chuan hetiang khap hi aawmtûr anilo asin " ati hlak a , ka thin arim titih dêr.


"Aho lutuk Aimee , engpawh nise helai hmun atang hian kan chhuah theih chuan atha Ani Mai " tihpah chuan a lehkhathem chu athlepa, a kekawr ipteah chuan a zenlût nghal a.
A hmelah chuan hlim hmêl hmutho mAh ila rilru nawmlohna anei tih ka hrethei. Ka hrechiang lutuk, a chezia engkim atang hian a rilru puthmang tur ka hrenghal vek tawh.Chutiang hretur khawp chuan kan inhnaih tawh rêng Ani.


"Chhanchhuaktu team techu tu rawih nge ... TRISTAN " ka ti a.

"CHRIS..an zîngah atel nghe nghe in ka hria." Arawn ti sep a, ka mitah a en tawhlo, hmundang a hawisawn daih.


"I mamawh tur vel I suitcase ah lova indap la , naktukah helai hmun hi Kan chhuahsan dâwn ania. Zanriah tur kava zawng Ang" min en tawh lêmlo chuan ati a Kal nghal Mai atum a.

"Pal hung pâwn lamah kalsuh oo" ka ti a.

"Um... Kal kher angai lovang, Sava kah tur atam tâwk alawm " arawn ti sep a.



CHRIS hi helai hmuna rawn Kal tur anilo a sin. Heng thingkung leh savate hian kei leh Tristan inkara hmangaihna chu a rûka min hriatpui tute an Ni a , helai hmun hichu Kan pahnih hriatreng atan chauh ka duh, a telve ka phal rihlo.

Chris ka hmuh huna ka thusawi tur zawng zawng ka ngaihtuah lâwk veka. A nupui hûalin midang hmangaih aneihsan tih a hriat hunah chuan a rilru Ana Dawn tih pawh ka hria Mahse ka tih chu ka tih Ani tawha , ka kîrleh tawh dawn lo. Ka theihtawpin ngaihdam ka Dil Mai Ang.




*********



Atuk zingah chuan Sava tûi zawngin ka kalchhuak a . Helai hmuna ka tukthuan ei hnungber Ani tawh âwm sia Kati rilru rauh rauha.
Ka Sava bû hmuh hmasak berah chuan Kan puarkhawp chu Alo awm hlauh a.



Ka rilru chu helai hmun kan chhuahsan huna Chris hnena ka thusawi tur ringawtin a luahkhat. Ka thiltih lâi pawh ka ngaihtuah tawhlo. Sava tûi ka lâkzawh chuan ka tûmna tur enfel hmasa lêklo chuan ka zuangthla thurh a . Ka bul vêlah chuan keitê an awmleh awmloh ka enleh thuak thuaka.


Ka pênleh tur chu ka tâwp chat. Ka kerêk veilamah hian arawn thîp zawk a, Ana lutuk chu ka thil khâilâi ka thloh nghal thlawp.
Ka kê chu en tumin ka kûnhniam nâ chuan ka bîng nghal mup mup thei... Ka kê zawnah chuan rûl dum zûl Mai hi anlo inkual ruih a .
Ka zuanthlak Dawn Khan ka tumnatur ka enleklova chuvang vek.


Hlau lutukin ka kê ka pen leh chiah chu arawn thîk têng leh sawk . Ka lû ahai nghal muai muai..


Ka theih anga chakin thlawhna lam panin ka tlâna, nikhua ka hriatloh hmaa thlawhna ka thlen hmanloh mawlh ka hlau.
Ka thâw a chham lek lek tawh... Mahse ka tâwp theilo, ka tâwp anih chuanin tlânleh tur ka awmtawh lovang.




"TRISTAN ...." Kailawn vawnbân vuan tâwk tâwk pah chuan ka ti a.
Ka kuta engmah ka khâilo chu maktih hmel deuh hian min en hâ a ... Ka tawngthei tawhlo ka kê ka kawh rual chuan arawn meng phar dawr .... A vawikhatna atan a chiai Lai ka HMU.....



Ka kerêk veilam chu a pilh deuh phunga , ka pênzawnga min chuktu Vang Khan Ani ngei a , a ngho têreuh tê pawh ala atâng VA VA.


Ka lû arawn hai muai muaia...ka luak arawn chhuak nghal hlûi. Ka luak chu ka upbet thei Maia mahse ka luhai lutuk chu ka dingngil Zo tawhlo , ka tlutûr chu TRISTAN a'n minlo dang hman hlauh.
Thlawhna chhungah chuan min pawm lût nghal a.
Ka kêna tur ut ut chu ngaihthah luih hrâm ka tuma mahse ka thei thlawtlo... Ka natawrh avanga ka au chhuah Mai lohnan ka Kutin ka kâ ka hupbet a.


TRISTAN a'n mutnaa min nghah veleh chuan ka ke chu khaikânga rûl chukna Lai chu en ka tum a .

Mahse arawn vuan bet nghal thlawp. Tichelo Turin minti tlata.
"A chukna Lai hi I lung ai hniama aawm angai" arawn ti hluk a. Ka âw atang chuan azâm tih ka hrethei.


"Engtin nge Kan tih tâk Ang " Mangang zet chuan ka ti a.

TRISTAN chi ai lutuk chu ka khawngaih zawk. Ka Kutin a hmai a tuai puat puata, a kut pahnihin a tukhum Sam athâm tawk tawk a.

"Tristan.... Engtin nge Kan tih Ang.... Tûr hi engtin nge Kan lâkchhuah tâk Ang" ka tileh a.


Ka hmaa ka thilchhiar ah chuan rûl tûr chakchi chu fawh chhuah reng rengloh tur, tâwnkhalh loh bawk tur, Kan tâwnkhalh anih chuan thisen luantheihlohna Lai zawng kha a tâwih anga, athi nghal Dawn tho tho tiin a inziak. Mahni thua engmah tilo tûrin leh damdawi thiâm râwn vat Turin a inziak bawk.

Achhan chu rûl tûr kha thisenah lûangin taksa hmun hrang hrangah ain semdarh châk lutuka , chuvang chuan Kan lûng athlen vat loh nan Kan lungphu Kan tih ranloh hrâm hram angai... Awmzia chu hahdam thei ang bera Kan awm angai Ani.


"Kan theilo..." Harsa titak Chung chuan arawn tawngchhuaka . A aw khûr deuh dar dar chu thup atum ve lutuk mahse ka hriathmaih hauhlo.
"Rûl tûr paichî anilo maithei bawk.." arawn tileh a.


"Tûr neilo a..." Ka vîn deuh thak a.
Ka kêna tur ut ut , tawrh hrehawm lutuk hi chu rûl tûr Vang anih ngei ka ring.
"Engtin nge I sawi theih zâwk, helai hmuna utawk takngial pawh hian tûr an pâi asin" ka tileh a.


"Min ngaithla rawh... Rûl tûr Pai chiin mi an chuk hian an tûr an chhuah vek kherlo ania...


Tûr nei chi Alo nih pawhin hahdam taka awm hrâm hrâm tur Ani. Kan lung Phu Aran viau chuan taksaa thisen insemdarh kha a chak sauh anga , tûr pawh a insemdarh chak sauh Ang" ... Arawn ti a. A hma ai chuan a âw adam deuh zawk...



"Khatiang kha minhrilh hnuah ka hahdam theih iring Ami.." ka tileh a.

"I tana thatur anih chu Aimee "... Ka bianga dawm pah chuan arawn ti a. A sawizawh rual chuan a âwmah min kuahbet nghal thlawp a.


A lungphu chu arang mAh mAh.. Amah zawk pawh a hahdam theilo tih a chiangreng.

Min pawm vawng vawng takah chuan engkim atha vek tawh dâwn emaw ka ti hman, mahse ka kê chu sah sawk sawk Ang Mai hian arawn na leha. Ka au chhuah loh Nan ka hmui ka pet fan fan.


"I thisenah tûr a awm ka ringlo" araawn tileh sep a. Theihtawpa min thlamuan chu atumve.


"Ka thlabâr loh nan I sawi Mai Mai Ani tiro..Ani em?.." ka ti a.

"Aih...atak Tak alawm.., a hmaa mission ka neih naah pawh tiang hi mi pahnih vêl chu ka tawng tawh "... A thusawi chu awih ka duh lutuk.. chuan chumite chungah chuan enge thlengzel tih pawh zawh ka duh Mahse thilthleng ka zâwt anih chuan a mangchhia ka chawktholeh Ang tih ka hlau bawksia ka ngawi ta hle hle.


"Tûr Vang Khan ka chiai hleinem " ka ti sep a.




Rubbing alcohol rawn lâin ka hliam vel chu a hrufâi a.


"Kanla chhuak thei tho angem.." ka ti a.

"Kalpawh I kaltheih loh hi... Kan muang Dawn lutuk, ramsa tan chuan duhthusam Kan nimai." ...a rawn ti a.


"Chhanchhuaktu team tekha thu ka thawn thaleh Mai Ang, ka chhuah huntur hi tlêmin Kan titlai deuh Mai Dawn ania" a tileh nghal a


Zankhuain ka mulo. Ka kêna chuan min tur ut ut renga. Arawn vûng nghal lûk thei.
Ka muhil ngamlo, ka muhil anih chuan ka harhchhuak leh tawhlovang tih ka hlâu.

TRISTAN pawh zankhuain a muhillo, min kuahbet tlata , ka kê chu akhât tawkin a en deuhreng bawka

Vanneihthlak deuhin min chuktu kha tûr Pailo chî Anni ngei Ang, tûr pai chi nise chu ka dam tawh lovang.



Mahse chumi anih vang ngawt chuan ngaih tihthat chi Ani ngawtlo.
Min chukna lâi bawr chu apilh deuh nuai a, natna hrik akâi palh hlauh chuan apûn NASA Dawn lutuk, chumi avang pawh chuan ka thithei!!..


Natna hrik kâi chu atîr atang rênga TRISTAN hlauhthawn sa kha ania, antibiotics Kan nei tawh dêr silova.


Ni hnih vêl aliam hnu chuan a vûng NASA lutuk pawh areh tawh, apilhna Lai bâwr chu a senduk, eng deuh thulh a . TRISTAN chuan bandage-in a tuam hnan a.
Ka kê kala hmang theilo. TRISTAN tiang min suihsak hawl Chung pawhin kala kalthei chuanglo. Kan tihtheih sâng berchu helai hmuna anlo thlentheih hun nghah ngawt Mai chu Ani... Mahse chumi chhung chuan keitê ho Khan min pawt darh vek Mai angem tihpawh a sawitheihloh.




Ningâni zingah chuan ka beiseina neihve chhun kha a bo riai riai.
Tristan chu cockpit-ah ariak a, keimahin cabin ah ka riak a.
TRISTAN rawn phei hmaa lo inthlak ka tuma , ka kawrfual thisen leh hnâi Nena inchâr deuh nuai hi ka ha peih tawhlo. TRISTAN chuan ka thutna atanga thochhuak miahlo Turin minti a , mahse ka thawmhnaw thlak ka duh avangin thei leh theilovin ka thochhuaka , ka suitcase chu hnûk chhuakin ka kawrfu pakhat kala chhuaka. Ka ke tuamna chu phelh miahlo Turin TRISTAN an minti a , bandage a thlak pawhin ka enve aphal ngailo.

Ka ketuamna chu ka phleh a , ka en dêk dêk chhin a ... Ka thilhmuh avang chuan ka Tim ngal sawng sawng... Ka hmulthi ading nghal ur ur thei.
Ka kê chu apân NASA tawh lutuk, thisen leh hnâi a inchawhpawlh deuh niai a, a tâwih tawh nimai hian ka hria... Ka rilruna lutuk chu ka mittui arawn luang nghal zawih zawih...


Min chhanchhuak tûr ANrawn thlen thleng chuan ka daih tawh lovang. Ka kê pân hi anasa tawh lutuk, Kar hnih em em chu ka daih tawh lovang.




Pawnlama thâwm ka hriat rual chuan ka mittui ka hruifâi nghal sawk sawka.
Ka taplai Tristan ka hmuhtir theilo, theihtawp takmeuh chhuahin ka tân abeia , ka beidawng hmel hi hmuhtîr ka duhlo.


"Eitur kava zawng Ange..." Arawn ti sep a.


Chhang lemlo chuan ka lû ka bu nghat a.



A chhuah hnu chuan ka mittui arawn luangthlaleh nghal.
Engvangin nge thlawhna tlâkrual Khan kalo thih mailoh...
Hmangaih NIH hlutzia min temtir a , beiseina ahmaa ka neih ngai reng rengloh min pe a , thawkleh khatah min lâksak lehnghal vek.



"Tihngaihna aawm thlawtlo.." tihpah chuan Tristan arawn lût hlawl a.


"Sava chu ka kâp thla ngeia mahse keitê hoin atla an chhar nghal zel, Kal chhuah ngam Ani bawk silo " arawn ti a.

"I riltam tawh Ani tiroo.." min ngaihtuah hmêl lutuk chuan arawn ti a.


"Diktaka sawichuan riltam pawh ka hretawhlo... Ka kêna hian ka rilru aluahkhat hneh lutuk " Ka ti a.

"Ole... Bâl Cho tur Tak kava zawng Ange.." tihpah chuan chhuah Mai atuma.


"Angailo..." Ka au nghal thawt.

"A hlauhawm lutuk.. keitê ho Kan bulhnaiah an awm reng hi, ithi Mai tur asin " ka ti a.


"Tam avang pawn athih theih tho alawm AIMEE" arawn tileh a.

Tam avanga ka thih hmain ka kê avang zawk hian ka tlinlo thuai Ang, chuvang chuan riltama awm Mai Mai chu pawi tihna Kanei tawhlo.


Ka tân chhuah ngaihna awm tawhlo, Kan chhuak anih pawhin ka kêna Vang hian ka thi tho tho ang. Tristan Tak hi Adam khawchhuah angai. Keitê awmna Lai hi himdam taka achhuak thei Anih chuan rescue team ho Ava pawh thei thuai Ang. Mahse keimah avang chauh hian helaiah ala atânga , awmlo Ila chuan helai hmun atang hian achhuak tawh ngei Ang. Keimah vangin athih ka phallo.

Helai hmun atanga chhuak tur hian ka hmin ngei angai Ang.


"TRISTAN.... Ngaihdan thadeuh Mai ka nei..engvangin nge rescue team te chu Iva pawh Mai lovang" ka ti a.


"Enga...!!.." arawn tichhuak thak. Awihloh hmel lutuk hian min en hâ a.


"Oo.. rescue team Iva pawh thei anih chuan Anni nen Khan helai hmunah hian min hruai Turin inrawn LETLEH Mai Dawn alawm " ka ti a. A mitah ka en ngamlo.

"TRISTAN nangmaha ikal Khan a sâwt zawk, damtha pangai pawh Ni Ila keimah avangin I muangchang tho tho ang" ka ti sep a.


Seat nghengthla dawt chuan a thuthla hnawk a, a hmelah chuan chauhna , tuihâlna leh riltamna ka hmuthei.. a pawr deuh fap bawka.

"Team Kan NIH kha AIMEE, chu chu nangmah ngeiin min hrilh kha. Kan thiltih apiang arual zelin.." ka mitah Tak enkalh pah chuan arawn ti a.


"Mahse nangmaha ikal Khan I Kal chak zawk alawm... Damdawi nen in rawn LETLEH vat anga, ka dam vat vat thei zawk Dawn alawm..
Riltamin ithi Mai anga sin...."min kalsan tura hmin chu kala tum fan.




Ka mutna zâwn chhuatah chuan rawn thingthiin ka kutpahnihin a hûmbet a .

"AIMEE.. ka damloh laiia ithil min hrilh kha ihria em.." ati sep a.


"Oo... Arsi chungchang vel Kan sawi teuhin ka hria " ... fiam pah chuan Ka ti a.


Ka kutpahnih chu lâin a nghawngah min vawntira ..
"AIMEE..... Natuk ka dam thleng dawnlo anih chuan nangpawhin naktuk hmel hmuh I duhloh thu isawi kha Ila hria em " arawn tileh sep a.


Ka lû kalo bu nghat.

"Aimee.. min chhanchhuaktu tûr rawn thlen thleng I daihlo anih chuan keipawhin chhanchhuah kaduh biklo " ka mita enkalh pah chuan arawn ti a . A sawizawh rual chuan min kuah nghal hlû hlû a.

"Mahse Aimee I damchhuak ngei ang... Ithaleh vat Dawn alawm " min kuah ngheh sauh pah chuan arawn ti a.


Helai hmun atanga achhuaklo anih chuan riltam ,tuihâl avangin a thi Ang.
Chuan keichu chumi hma chuan ka natna Vang hian ka tlinlo thuai Ang.



Keimah vanga riltama athih Mai lohnan ka thih vat vat angai Ani...







-------------------



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)