Ka kereka tihrawl awm ho chu an tawihral tial tial a.... Ana pawh chu azual telh telh bawka.
Mahse ka duh ANGIN ka thi vat theilo.
Nihnih chhûng ka thih hun ka nghaka , mahse chuti Mai Chuan kala chatthla bîklo.
Ka bul Maia chem chu lâin ka nunna hi ka titawp thei, mahse chutianga ka ti anih chuan kumkhuaa inthiam thei tawh ngai reng renglo Turin Tristan ka Siam dâwn si a.
Tui in tawhloh ka Tuma , mahse TRISTAN chuan ka in ngei Ani tih chian Nan akut ngeiin min intîr zawk hlauh a.ka khawsik avang chuan ka sa vur tawh. Mahse Thih chu chuti Maia awlai anilo.
Ka mutnaah chuan ka mu kawm ngal Maia , ka khawsik sâng lutuk Vang chuan ka sa vûr tawh.
Nihnih chhûng chu engmah Kan ei tawhlo. TRISTAN chuan Sava akâpthla thei tehmeuh Mai , mahse min chharkhalh tu lam hi an cholo zawk Mai Ani. Ka pal hung pâwnah chuan keitê an awm deuh renga, Tristana Sava kahthlak apiang chu minlo chharkhalh a... Pal hung pawna mi chu Kan Chang ngailo. Thal pawh ka nei tlêm chak hle, Kan Ren viau loh chuan rescue team rawn thlen hmain a Zo vek Mai Ang.
"A tawp atawpah chuan..." Pawnlama Tristan aw chu ka hrethei.
"AIMEE... Ka Sava kahthlak saw pal chunga I hlîng dah ah Khan atla ania" ...a awrawl atang chuan ahlim tih ka hrethei.
"Engtin maw.." ka lo tisep a.
"Hlîng khâ, ahnai adum aniang itih kha..." Arawn tileh a.
Ka hrechhuak thut , ka dâra min taitu kha Anih kha , tûn thlengin ala dum .
Hmanhmawh deuhin sava chu Ava chhara...
Hlîng athen neuh neuh pah chuan min rawn melh leh zeuh a.
"Enge I an AIMEE ..." Min ngaihtuahnaa khat mitmeng hian min rawn melh a.
"Ka tha alawm.. ka chau deuh Mai chauh Ani" ka ti a.
"I kê kha ala nâ em " arawn tileh a.
"Aih vawiin chu Ana vaklo zawk"... Ni e.. vawiin chu nidang aiin ana vaklo zawk. Ka kê hian nâ ahretha thei tawhlo zawk nge ka hrelo.
Ka thingro thenkhat kailawna kandahkhawmsa chu lâin sava rawhna tur Mei achhem a.
A rawh hmin hnu chuan tui ti takin kan ei a,
Kan eizawh hnu chuan Kan soda bur tlemtea Kan tui neihchhun chu arawn la a.
Tlêmte a in a , a dang zawng chu ka inzawh Turin ka hmui bulah a rawn dawm a.
A kut chu kalo nawrsawn nghal . Mak ti lutukin min en deuh hâ phawta.
"Tui intam I mamawh alawm... I khua asik kha.." a rawn ti a.
"Ka khawsik Vang hian ka thidawn tho tho ... TRISTAN... Haider tawhlo Ang." Ka ti sep a.
"Ka theilo Aimee...I thaleh Dawn alawm, rescue team an rawn thleng hman em em Ang" a ti a.
"TRISTAN ..." A hming ka lam apaing Mai chu atawpna tur nimai hian ka hretawh.
"Rescue team rawn thleng pawh nise, helai atanga helicopter awmna thleng tur chuan ka tlin tawhlo... Nangpawn ihriat kha " zawisap hian Kati a.
"Damdawi an kawl alawm ...I dam leh em em Ang"... Beiseina ala nei fan. Min thlamuan Nan asawi Mai mailo tih ka hrethei.
Ka natna hi damdawi narânin a chawk theilo, bâwma kenkual Mai Mai theih chî damdawi chuan ka dam zolo tih ka hrechiang lutuk .
A Beiseina takram changlo tûr hi Ani vat angai Ani, thudik hi apawm angai, ka damchhuak Zo dawnlo. Thudik chu kha viau mahse a pawm angai, chuti chuan hma asawn thei chauh Ang.
Thil engemaw sawi tumin ka âng zuau a, mahse ka chîp lehnghal.
Khawizawk nge nunrawn thlak ang--Beiseina takram changlo tûr neihtir reng NGE, a beiseina neih ve chhin zawng zawng tihchhiat sak vek hi.
Ka rilrua thilawm hria niâwm fahran hian min rawn awmhnaih sauh a , min fâwp nghal vawng vawng. Engthil mAh ka sawizawm thei tawhlo. Ka bulah chuan rawn thuin min fâwp duhthawh zual sauh a. Ka kut chuan ataksa ka khawihleh ngai angem tihpawh ka hriatloh chu ka chûlkual vel ruaia.. a awmbawr tihrawla khat thin te, a bân thahrui nghahzet Mai te , a hnungzâng techu ka chûl kual vel a, a chêr tawh takzet, a khêr bawr techu aruh alang deuh titih tawh.
"Ka engkim ini asin, chu chu ihria em...Ini reng bawk Ang" ka hmui zawnah chuan arawn phun sep a.
"Kumkhuain maw.." fiam zeuh pah hian Kati a." Kumkhua te chu arei asin, tih Mai Mai anilo ania" ka tileh a.
Ka mita enkalh pah chuan min rawn chhang leha.
"Kumkhuain ... Ka pahniha kan vun achuar vek thlengin , pitar , putar phun peih deuh Kan NIH thleng pawhin. Zingtin Coffee ka siamsak thin Ang Che , chuan zanah ka âwmah ka kuahbet tlat zel bawk Ang Che. Zantin i muhil Lai thlir theih tluka duhthusam ka neilo. Nangmah nena upat dun leh Kan tarhun thleng pawha hmangaih taka enkawl zel che tluka thil thlakhleh ka neilo" arawn ti sep a .
Ka thinphu hi achâwlta nimaiin ka hria. A thusawi Tak zawng zawngte kha a takram Chang theilo atan chuan a duhawm mAh mAh Ani.
"Aw.. tiin min chhang angem" ka mita en reng Chung chuan arawn phun sep a.
"Helai hmunah hian awmlo Ila, I duhthusam Ang taka ropui inneihna kha buatsaih sak thei bawk che Ila , AIMEE min neiduh angem" arawn ti leh a.
Ka âwmah chuan zawitêa namsawn zeuh pahin ka fiam hlak a. " A teuhlo Mai.."
A hmêl a dur nghal khup , ka fiamthu chu a nuihpuive hauhlo.
"Inneihna ropui Tak ka duhkher hleinem " ka tihzawm lehnghal .
"Mawlmang Tak Mai, mahse duhawm Tak si ka duh zawk " ka ti a.
"Nia.. " tihpah chuan arawn nui suk a.
"Inneihna azawh veleh case engemaw chingfel Turin I tlanchhuak nghal anga" arawn tileh a.
Ka tûm deuh bâr a.." case ka chingfel Dawn hleinem,.. lawyer NIH pawh ka duh tawhlo" ka ti a.
"Tak Tak maw.." mak tih hmel deuh hian min rawn en a.
"Umm... Thildang engemaw tih ka châk " ka ti a.
"Anih chuan keipawh pilot ka NIH chhunzawmlo maithei Ani " fiamthu deuh pah chuan arawn ti a.
"Tehreng Mai ka Pu, ithu vek alawm..." Tih pah chuan ka fâwp leh zeuh a.
"Doctor nih I châk thu kha isawia, chu chu ini Mai Dawn em niang" ka ti sep a.
"Aih... Ka upa tawh lutuk" ...
"Teuhlo.. Kum 28 chauh Ila Nia, upa I inti tawh em em amaw" ka ti nghek a. A nui chhuak hawk hawk a.
"Chuan... Min neih chu iduh angem.." ati sep a.
"Oo.. ka nei Ang Che " a mita enkalh pah chuan ka ti a.
"Inneihna puitham ka duhlo kha itia, engang NGE iduh... Khawilai hmunah nge niang" arawn tileh sep a.
A awma ka lû nghah pah chuan ka chhanglet a.
"Hmm...khawilai hmun fianrialah emaw , Kan thian hnaivai Tak Tak te nen chauh nise... Ka duhthusamah chuan Kan pahnih chauhin awm Ila ka tia, mahse ka thainte ka sâwmve loh avanga lungawilo tur Tak Tak an tam sia, chung mite chu Kan sâwmve anga...chuan a mokawr simple deuh ka hâ anga, chuan ....pangpar tamdeuhin min hual vel SE ka duh bawka.....ee... Chuan ahmaa isawi kha, hnam pakhatin an inneihnaa an kawppui te hming an taksaa an chhutkâi Ang chi kha ka duhve bawka ..." A âwma Bei hle hle pah chuan ka ti a.
TRISTAN chuan ka khabe ah dawmin alam hawi Turin min kuai dâka..
A hmel ka hmuh chuan Alo then suk a.
"Ka sawilâi Khan taksaa rehthei tawhlo tura chhut chu a nunrawn thlak ITI emaw ka tia " ati a.
"Ka tihchhan te chu khanglai hun Khan kan hmangaih te hnena inhlan pumhlum kha a awmzia kala hretlat lova , mahse tunah chuan kahre tawh alawm " ka ti a.
Amah hnaih lehzualin min kuah beta, ka mittui chu ka dangzo nganglo.. ka biangah arawn luangthla riai riaia, Tristan chuan a kungzungpuii a nuia zeuha.
Kan thusawi tâk zawng zawngte kha thâmral Mai tûr chuan ka phal bîklo . Ataka tihthlawhlin vek ka duh asin.
"AIMEE.." arawn phun sep a.
Ka hming Alam ri ka hrethei tawhlo tur hi ka hua, chuai mAh chuan ka neitheilo tur hi ka haw lehzual . Mo kawrfual vâr mawitak hâin, ka bula dingin inneih thutiam ka lâkpui thei ngai dawnlo, chuthil chu athleng thei ngeilo Ang. Ka ngaihtuahna hrehawm lutuk hian min that thei hial Dawnin ka hria.
Ka duhthusam pakhat Tak hi hlawhtling thei Dawn se chuan TRISTAN Nena inneih ka thlang ngei Ang.
Mahse hehmun hi damin ka chhuahsan dawnlo tih chu ka bengah Ari nawn tluk tluk a.
Kan damthat vervawr Lai chuan Kan duh duh sawiin kan duh duh Kan timai thin a, mahse dam thatloh meuh chuan second tin Mai pawh hi ahlû ngawih ngawiha, Kan theih tawpa thaa hman Kan tum thin zawk Alo Ni .
He zirlai pawimawh Tak hi ka nun tâwp Dawn lamah ka zirchhuak chauh hi lehlam takah chuan apawi Ani.
Damtha vervawr in awm Ila , tu zawk zawk mAh thihngam khawpin nalo Ila chu ka zahna avang leh thil mawihnai ka dâwn avangin TRISTAN laka ka rilru puthmang hi ka thupbo daih ngei Ang.
Chuvang chuan tuna kan thiltawn pawh hi anchhia pumhlûm ah chuan ka puh phal vek biklo.
"Pangpar tam deuhin an huâlvel che iduh anih chuan helai hmuna mi hi kan chhuah pahin ka lo thei tho alawm " a rawn ti a
"Hetah hian kan tithei alawm " phûr Tak chuan arawn ti a.
"Hetah hian engthil maw Kan tih Ang" ...ka ti hâ a.
"Inneih mawle.." ka bianga dawm pah chuan arawn ti a.
"Pangpar mawi deuh deuh a Tama, chuan mo kawr hâk miahloh inei bawka , chuan zungbun chu awmrihlo mahse zungbun tellovin kan tirih Mai anga, chuan pal chunga hlîng hnai dum nei itih khan tatoo chu ka chhu Mai anga.. " phûr hmel Tak hian Arawn ti a.
"Aw.. tia min chhân hnuah I inchhir leh titih dêr Ani amaw... Aimee...engtin nge min chhân Dawn .." ka chhânna nghakin ka mitah Tak chuan min melh rân a.
"Awle.. ti Ila.." ka ti sepa.
Min kuahbehna chu phelh thâwl deuha ka chalah arawn fâwp Vang vanga.
"Pangpar kava zawng lawk Ang o.. minlo nghak rawh " ati a..
"Aih.. angailo. Ka ngaihtuahnaah an châm reng alawm. Ka mit ka chhin zawng hian ka hmunghal vek thei , pawnlam chu ahlauhawm em Mai chhuaklo Mai rawh " ka ti a.
"Ka insiam zawh hunah imokawr ka rawn hâktîr dawnche ania... NGE I mokawr ka hâk hmasak tir phawt Dawn che .." arawn ti a.
"Aih aih... Keimahin ka inthlak zawk Ang"..
"Mahse I chetthat theihloh kha, ka rawn pui Ang Che.."
"Aih ... TRISTAN ....keimaha tih ka duh " ka ti a.
"Awle.. atha alawm " a rawn ti leh sep a.
Phûr fahran chuan cockpit lamah inthlak Turin a phei hnak hnaka.
A phei hnu reiloteah chuan ka thutna atangin ka tho chhuaka, ka kê chu ka chêthlek pawhin ana, thei leh theilovin ka suitcase chu ka hnûkchhuaka...
Ka mokawr fual vâr nalh zet Mai chu ka lachhuaka, muangchangin ka inthawlha...a fual em avangin ka kê alang thei manglo, chu chu ka tan atha hlei hlei... Ka kê hmuh nuamlo zet hian Kan mood a tihchiatvek ka duhlo.
Thla hnih vel Zenzawn ka bâwk tawm tawh ka Sam chu ka phelha, ka hnungah ka thlah hnuanga , Kani deuh hûiin ka hria.
Ka suitcase mawnga ka make up bag, a awm tihpawh ka hriat tawhloh chu ka lachhuaka. A chhunga darthlalang tereuhtê chu phawrhin ka in Ena.. ka landan chu a mawi lemlo... Nunna nei tawhlo Ang maiin ka Hil bul a.
Ka vûn techu a dâng vek tawh... Ka rinphâk bakin ka rihna ka hloh NASA, ka biang techu a kî vûng a. Thawhawk mAh chuan ka hmui hnuailam ka pet zeuha .
TRISTANA'N KA MAWILAI BER HI HRERENG SE KA DUH ASIN LE...
Ka ti nang nanga . Tunah chuan mithi Ang Mai ka Ni tawh.
Ka make up chu lachhuakin ka theih Ang angin ka inchei vê a ....
Ka inchei zawh chuan darthlalang tereuhtê ah chuan ka inen leha... Ka nalh phah em em chuanglo, mahse mithi chu ka ang tawhbik hauhlo.
Cabin chhung chu ka theih Ang tawkin ka thianfai a, hmun khata khâwlâ lo inzam hnawk nuai Mai chu kava hmufuh hlauh a , Tristan Khan thal a suih nana ahman bâng kha Ani Chiang Mai.
Khawllâ chu ka kutzungtangah ka vet Kuala.. zungbun Ang theitur berin ka thiamang tawkin ka siamchawp a. TRISTAN surprise na'n ka zungbun siamchawp chu ka hnungah ka thuru a.
A rawn lêt chuan a pilot thuam famkim a inbela... A coat hnuaih shirt vâr aha bawka. A pilot thuam chu sukfai sa diam hian Alo dahtha reng chu niin.
"Woow...I mawi lutuk AIMEE " tihpah chuan kalamah arawn phei a.
"Ka lawm e..." Tia nuih ver ver pah chuan ka kê nalâi chu ahmuhloh Nan ka khuhtha thuak thuaka.
"Nangpawh inalh lutuk TRISTAN..." NUi sâng Chung chuan ka ti a.
"Ka necktie hi khawiah emaw ka daha , ka hmutawh miahlo . Ngatinge I kut kha I hnunglamah I thuhrûk tlata" arawn ti a.
"Lo ngaihvenlo zawk Mai rawh oo" ka mit tizîm sen sen pah chuan ka ti a. A rawn nuichhuak hawk a.
"Enge ithuhruk .." tihpah chuan ka kut rawn en a tuma. Ka thuhrûk kual na lamah ka kê nâ chu ka hawiah emaw ka toh palh a... TRISTAN nui sen sen chu arawn tawp nghal hmuk.
A rilru a nawmloh hlauin ka nuih Lui saka...mahse a na kher Mai.. arûkin ka rûm vawng vawng. Min ngaihtuah hmel lutuk hian arawn hawia.
"Sh... en Suh surprise anih hi ...Kal rawh I necktie chu VA zawng vat rawh" ka ti a.
Ka kê chu rawn en tumin arawn kûnhniam a
"Kal rawh VA zawng vat rawh... Ka rilru ka thlakleh hma hian " ka ti a. Zawng tur chuan a pheileh nghal a.
A phei veleh chuan ka kê chu ka bih dek dek a, a khuhtu puan chhanah chuan arawn thi ser sera, ka en ngamlo. Ka khuh thaleh thuai thuaia.
A rawn letleh hnu chuan necktie arawn awrh vâ vâ a. A rawn then phei suk suk bawka, a chezia engkim Mai chu aduhawm velvek.
"Kumkhuaa ka ta Ni Turin I inpeih tawh em" arawn ti êt a.
"Aw.. inpeih tawh e " tiin kalo chhangleta.
Ka kutchu vuanin a thiamang tawkin inneih thutiam chu achham a .
"Ka inpuahchah lâwk miah lova , sawitur pawh ka hrelo.
Ka nupui Ni Turin ka pawm che a , nitin ka hmangaih zual deuh deuh Ang Che anga, nitin i nuihmel ka hmuh theih Nan theihtawpin ka Bei Ang. I bianga mittui luang pawh hlimna mittui chauh anih ka phal Ang " a rawn ti a.
Ka tawngchhuak thei lawklo...ka hrawkah min hnawh tlata. Ka sawive hun tia min hrilh hnu chuan ka theihtawpin tawngchhuak ka tum a.
"I thutiam tur I ngaihtuah salo maw..." Tih pah chuan ka nui Lui sak a.
Ka chhungrilah Tak chuan tah hawm hawm Mai ka châk. Hmahun Kan neih ngai reng reng lohtur atan chuan a intiamna te kha a duhawmin a hlû mAh mAh Ani.
"Hey... Thutiam sawitur I hrelo anih chuan Kan infawp thei tawh Ani Mai.." a rawn ti a
"Aih... Minla fâwp thei mailo " ka ti a.
Ka kuthnung suih chu phelhin ka kut atang chuan zungbun pahnih khâwlla atanga Siam hi kala chhuak a.
Pakhat zawk chu ka pê a . .
"Amawi ITI em....zungbun inang Kan neih ka duh sia... ka ti a.
"Ka duhthusam Ani.." a rawn ti sep a.
Amah zawk chuan zungbun min buntir hmasa a, a hnuah ka buntir veleh a. He hun hi ka tân engtiang taka hlû NGE ka sawifiah zolo. Ka hnuk a ulh leh tûn tawh. Rawn kûn hniamin min fâwp vawng vawnga.
"Hlîng khâ rawn la tawh la.." ka ti a.
Magazine chungah chuan hlîng chu arawn dah a .
"Ka tih hmasak dawnche Ami.." a ti a.
"Tehreng mai " kalo ti êt a.
"Ka hnunga letter hmasa ber chauh hi ka ziak Dawn em Ni aang " a ti a
"Teuhlo... A avaiin ziak vek rawh ka duh alawm" ka ti a.
"I Chiang Maw...".
"Tehreng Mai ..".
"Awle... Ka ziak tan .." a ti a.
Ka bâna a hming a ziah chhung zawng uluk takin ka en Kar a ... A hmithmul Dak dum kâk Mai te, a hnar ngul mâwi zet leh a hmui nem Thep Mai techu ka thâwk tawp thleng pawha ka mitthlaa châm atan ka chhinchiah a.
"I tihve hum...keimawh ihming pumpui ka duh " a rawn ti a
"Angailo .. ka hming letter hmasa ber hi animai, Anni pawhin letter pakhat chauh an ziakthin itih kha " ka ti a ..
"A inanga tih ka duh Alawm...ti rawhle.." arawn ti a , hethil kalo rawt ta kher kher hi ka inchhir leh têp Ani...
A kawrbân chu thlep chhoin ka hmazawnah a bân chu arawn dah a, tîm dai hian ka hming chu ka ziak a.
Kan hming Kan ziah zawh chuan nupa kalo Nita dêr.
Ka bianga Dawn pah chuan alamah min pawt hnaia...ka chal leh achal insîk tir reng pah chuan arawn phun sup a.
"Ka hmangaih che.." ka âw chuan ka taksa zawng zawng hi a fan chhuak vek , ka lûngchhe Mai turchu duh lovin ka insûm tang tanga... Hepa nen hian ka nunpum hun hman ka duh asin, heiai rei deuhhlek hi hun lanei Ila tha tur...
"Keipawn ka hmangaih che " tih sep pah chuan ka fâwp vawng vawnga.
--------------------