NUTTY GIRL
CHAPTER-15
AMELIA ROSANGPUII POV.
Edit vak lo aw.
"Zanah eitur kan order dawn nge kan pahnih kan bazar anga,kan siam zawk dawn?"ka hnunga min kuahtu lama in herin amah en chho ha chuan ka ti vat.
"Eitur bawk maw!"nuihza in sum deuha a tih chuan a awmah ka nam vak.
"I thu thu ani mai baby girl,"a rawn ti sup chuan ka nuih nghal ver ver.
"A nih chuan zanah kan chawhmeh kan lei anga,chuan kan pahnihin kan siam vek bawk ang."
"Chuan romantic dinner,"mit sia suk chuan a rawn ti.
"But..tun hi chu mut hun,"tiin ka kawngah min chelhin min pawm kang nghal nawlh. Ka tlak hlau zet chuan ka kuah bet ve nghal tai."Mut duhpa,"ka tih chuan a rawn nui nghawr ve dat. Mut ka duh viau emaw ka tia,kei aiin mut a duh fe zawk. Khumah chuan zawi tein min mut tir,puan min rawn sin tir nghal hlun. A kawrlum hak lai chu hlipin a rawn in thawlh ve.
Ka khum chu a khum ang em em in a lian lo mahse kan pahnih chuan kan leng tawk ve viau. Min rawn kuah chuan ka lo kuah ve vat.
"I muhil ami?"rei fe ngawi renga kan mut hnu chuan ka kuta innem khalhin ka ti deuh hluai.
"Umm,"tia min rawn kuah leh chuan ka nui hak hak. Tumah muhil chungin an tawng ngai lo. Ka mut a chhuak ve si lova tih harh dan tur mawlh ka zawng,a meng duh thak lo leh nghal.
A chunga thu chuan a awm zawnah ka beng ka nghat. A lung phu dup dup pawh chu ka feel nghal veng veng thei. "Tho teh," tiin a men hun ka ngai chang reng, a mit pawh a phu eih lo hrim hrim.
Thawh tir dan tur mawlh ka zawng. Muhil der kaihthawh har zia an sawi hi chu hepa pui bulah hian a chiang ber! Ka sam hmawr chuan a hmai vel chu ka zat kual, a hmui ,a mit,a beng leh a nghawng thlengin. A la meng duh chuang lo.
"Ka len bosan daih dawn che,lo mu char char rawh,"tiin ka in la hrang chu ka banah a rawn chelh a che deuh hrut. Boruakah ka kang dawrh ni maiin ka hria,ka men leh chuan ka kut khinghnih ka lu chunga chelh bet in,ka chungah amah zawk a lo awm fel diam tawh!
"Babe,ka muhil tur min tihbuai man chu ka pe khawp ang,"thum supa a tih chuan ka mengphar dawrh. A mutchhuah vanga a mit sen deuh ram nen chuan min melh run bawk si. A muhil tur tihbuai vanga in hrem te chu a.
"Sakawlh ang mai,"ka tih chuan a then sak.
"Sakawlh muhil tihbuai that loh zia ka hmuh ang che,"tiin a rawn kun hniam ka te nghal tung.
"Kal rawh a za..kal rawh..ka tlawm. Ka tibuai tawh lo ang che,"ka ngawnga a khabe a rawn nghah rual chuan ka rak nasa tawh lutuk! A za ka ti tih a hriat velah a hma aia nasa mah in a che. Ka tal nasat em avangin ka thlan a tla ti tih, mittui tlaphungin ka nui bawk!
A mut thlak hnu chuan chau taka ka mu zawi ngia chu min rawn melhin a nui suk. Amah vangin ka thlan a tla phung chu sawi loh ka sa hut hut thei.
"Suala,"ka tih sup chuan a rawn che deuh hrut. A mitmeng atang chuan tun lawka a thil tih kha tih leh a tum tih ka hmu nghal!'Engtin maw min koh!'tih melhin min melh.
"A...ih hmelthapa ka tihna a nih kha,"ka tih chuan rawn nui chhuak hawkin a mu thla nghal dawt.
"Ka naute phakar te,"tiin ka chhipah chuan a rawn fawp zeuh. "Ka intleuh zuai anga min lo nghak rawh. I duh leh i intleuh ve thei tho a mahse kawr hak thlak tur i nei dawn si lo a."
"Ti hian a pawi lo,a nih loh pawn kan chhuah hunah inthlakna tur kan va la lawk anga. Naktuk lama inthlakna tur te pawh,"a thusawi danah chuan heta awm hrih pawi a ti viau lo chuan ka hria mahse nuam ka ti lo.
"Hetah kan awm hrih tak tak dawn ami? A pawi lo ami?"
"Umm..i thu thu a ni ka tih tawh kha. Heta awm i duh chuan kan awm ang. I awmna apiangah a ni mai. Tum pawh ni ila i tello a mut chu ka thei tawh lo,ka dawithiamte,"tiin ka hmuiah a rawn fawp leh zeuh.
~~~
Bathroom atanga ka chhuah chuan khumah a lo la mu reng. Ka thawm a hriat chuan a rawn hawi vat. Bawkkhupa mu in a bana a lu nghat chung chuan min rawn melh! Kei bathrobe nen chauh ka awm teu bawk sia,mit ti zim suna min melhna vang chuan ka lung a phu nghal dup dup thei nia! Ka biang a rawn sat deuh ham ham chuan ka hawisawn vat,a la nui huk zui!
"Babe,zak duh suh ka hmuh hnu vek an nih kha,"tiin a rawn thle buk.
"Maw!"
"Mak ti viau teh suh. I bialpa ni mahila nangmah enkawltu che doctor tho kha ka la ni," nui suka a tih chuan ka teu nghal hlar.
"Hmela."
"Thawmhnaw ngai reng ka hak tir thei hleinem che a ni lawm ni. Engmah i tih theih loh avangin tihfai i ngai bawk a," ka lampana rawn pheia a tih chuan ka lungphu a rang zual sauh! Chil ka lem nghak khalh.
"Bathrobe nena sexy taka i rawn chhuah ka rin avang a lawm ka lo nghah che. Ka rin phak bakin i sexy bawk,"a kut lum thur thura ka biang a rawn dawn chuan ka sa nghal pup pup thei!
"But,i hritlan a hlauhawm va inthlak rawh,"ka hmuia rawn fawp zeuh chuan a ti. Bathroomah min luhsan nghal nal nal. Cabinet ah towel a awm thu hrilhin ka au nghal lang lang.
Ka closet atang chuan ka ngainat em em hoodie var chu la chhuakin ka in thawlh nghal sawk sawk. Nidang ang chu nise a hnuaiah hian kekawr bul ka ha tawp ang mahse kekawr tlawn ka ha ve teh mial. Ka ngainat em em boot ka bun leh hmiah.
Ka hmaia cream ka hnawih mawlh mawlh lai chuan Nico chu ka hnungah a lo ding run. Amah en chho ha chuan kan tho nghal vat. Ka inchei dan chu min thlek nghal vut.
"Tinge a mawi lo ami?" amah en chho ha chunga ka tih chuan a lu a thing nghut.
"I mawi lutuk. Mipa dangin an hmu ve tur che erawh chu ka duh lo,"a tih chuan nui hak hak dingdihlip ak ak chung chuan a nghawngah ka kuah. Thawmhnaw engmah a in bel lo tih ka hriat chhuah chuan ka in la hrang nghal vat.
"I in peih tawh bawk a,kan insiam ve ange,"tiin ka chala fawp zeuh chuan a kal sawn nghal vat.
"Kal tawh ila,"a tih chuan ka zui ve nghal vat. Ka rin aiin kan lo awm rei zek,khua pawh a lo thim fel hman vek tawh. Motor a khalh lai chu hmuhnawm ti takin ka thlir leh veng veng thin! A hmuhnawm chiang a ni!
- 19-13-52-images.jpg (19.2 KiB) Viewed 3842 times
Atana hmasa ber ka ni em chu ka hre hauh lo mahse ka tan chuan ka thisen zawmpui tih loha ka hmangaih hmasa ber a ni! Mi chuan an hmangaih an tawn hmaa in mi duh an nei pawh a ni maithei mahse keimahah erawh chuan hmangaihna a lo kal hmasa ber. Ka hmangaih a,ka duha,ka kiangah awm se ka tia a tawpah hmangaihna bawk in a tawp a khar leh. Chu chu a laka ka feeling ka sawi chhuah thiam dan a ni.
"Ih..hmeichhia i hnaih hmasak ber ka ni lo tih chu ka hria mahse..ih keimah lo hmangaih i nei em?" ka ti nawi nia,chu chu a hnena zawhna ka zawh duh ber a ni.
"Hmeichhe tam tak ka kawp tawh,an tan khan rilru puthmang ka nei em ka hre lo. An landan mawi vang leh thiante nena inchawi vanga tam tak kha chu hnaih ka ni. Hnehtu ka nih ngei theih nan,"a thusawi ah chuan a cheng em em a ni tawp. A chil a len khalh chua a hrawk bawk a che deuh ralh bawk.
"Khang kha tleirawl rilru put lai a ni. Tun hnuah chuan hmeichhe hnaih chakna ka nei lem lo mahse ka kiangah chuan an awm reng tho. Hmeichhe tan ka rilru ka seng ngai lem lo nang ka tawn hma zawng che kha chuan."
"Ka hmangaih hmasa ber chu i hre tawh mai em?"mit ko san euh euh a a tia min rawn melh chuan ka bu nghauh...
"A hnuhnug ber tur pawh i ni,"tiin a kut lehlam chu rawn phar chhuak hluai in ka lu a rawn kuai deuh chuan a fawp zeuh. A kut khing khat chauhin hneh tak chuan motor a khalh,a lem lamin ka kut a hum ran bawk. Thla a muang hliah hliah!
In kairial chuan kan bazar, rin phak bak a ni! Super market ah ringawt pawh mi an tam hle. Ka bula mi lah chuan ka kawngah a kuah loh leh nghet takin ka kut a hum run zel. Naupang apain bo hlau taka a kai te pawh kan an hial a nia ka rin ni!
Mall atanga kan haw hnu chuan kan pahnih eirawng kan bawl. Apron nena inthuam upa a che tla vel chu ka lo thlir mai mai. A chan ngai tih vel chu aman a ti vek,kei chu a sil tur tih vek chauh min tih tir thung. Amah chauha in luah thang a ni bawk a, a thil tih reng rengah chuan a bu ang thlap a ni mai. Ni lo ni lo...a bu ai mahin a famkim zawk! Thafamkima ka ti lo thei lo.
Kan sira caninet ka va en chuan thil ka hre chhuak zawk. Cabinet lampan chuan ka kal nghal vat. A chhungah chuan whiskey leh beer tih te wine pawh chi hrang hrang a awm thut. Ka pa kha sumdawnna thila ina an lo tlawh chang a tam,chuta mi tur chu kan kawl ve nual reng zel.
Wine tui ka tih em em leh whiskey chu la chhuakin a bulah ka va keng phei va va. Ka thil ken a hmuh rual chuan min rawn melh nghal deuh run.
"A tullo,"a ti deuh hmuk. Ngawi renga inkuangkuah uta ding chu ngenngawl tak chuan ka dil tang tang. A tawpa tawpah a phal ve hram.
"Ka bulah lo chuan in tum buai duh suh ang che. Wine chauh kha i in ang,i hria em,"a tih vut chuan nui ver verin ,"Yes boss," ka ti vak. Nui suk chuan ka kawngah a rawn kuah nghal than. A thu vet vet em,boss berin a phal tawh chuan in nghek ila a ni mai lawm.
Romantic dinner a tih ang tak tak aman a chei vek bawk. Hei pawh hi movie kan enin 'ka chak ve e,'ka ti a ni awm e. Keimah pawh hian ka lo hre tawh lo zawk mahse a sawi leh chuan ka hre chhuak ve uar uar. Ka sawi avang ringawt a hetiang ti hi a nia! A hmel en mai chuan a tih atan chuan a sweet mah mah tih tur a ni!
"Lo kal rawh le,"tiin ka banah min kai. Light thim mup kara candle eng va va te. Engkim hi a sweet vek a ni mai! Dawhkana wine in chhawp dan te, a laitaka pangpar te zawng zawng chu mawi tak an ni! A chet dan,tuna ka tana a thil tih zawng zawng te hian pawimawh bik riaua inhriatna min neih tir! Atana mi pawimawh em em anga ka in ngaih theihna hial tura chet a la thiam hi mak ka la ti fan!
"I tana mi pawimawh ber niin ka in hria,ka hlim tak zet,"nui vur vura ka tih chuan min melh deuh run. Candle eng va va karah phei chuan kha a mitmeng mawi tak kha a mawi zual sauh!
"Khawvela ka tana mi pawimawh ber i ni,"a tawngka ngeia hriat phei chuan ka hlim veng veng. Ka zam em em rualin nuam ka ti em em bawk! Ani hi chuan hlimna ka tawn ngai hauha ka rinloh hlimna tam tak min thlen! Keiin engmah tih theih ka nei lo chung pawn.
A eitur siam ho pawh chu a tui em em vek! A siamtu siam thiam vang ka ti lo thei lo. Muang changa thil ei chuan ka ti ti leh bawrh bawrh thin. A nuih loh leh tawi te te in,ril leh thum dut hian min lo chhang ve bawk.
~~~~
Kan dinner eizawh chuan aman engkim a ti fel leh vek. Engmah ka tih a phal lo. "Vawiin chu i ni bikah ngai tawp rawh,"a tih chuan ka lo pawm ve mai. Ka birthday nen a danglamna a awm lo. Vawiin ang bak bak a nuam hi chu a awm chuang bik lo ang!A tihfai zawh chuan balcony-ah dingin wine ka in. A niin whiskey a in thung.
~~~
"Kha le i ta tur,"tiin red tulips bawr nalh zet chu a rawn lek chhuak va.Room light dim ruih karah pawh chuan a nalh em em tho! Pangpar ngaina lo mahila a nalh takzet tih chu ka hria!
"A awmzia i hria em?"a tih chuan buai tak chuan ka melh deuh ha. A nui deuh suk.
"Pangparte hian awmze hrang hrang an nei niin an sawi,"a tih chuan phur tak chuan a awm zia chu ka zawt vat.
"Ka hmangaih thu che ka puanchhuahna a nih kha,"a tih chuan dingdihlip ak ak chung chuan a hmuiah ka fawp tan tan. Min chhang tha kher mai. Min pawm kang nawlhin khum lam min pan pui. Kan thil in kha harhfim lohna tham a ni lo mahse a boruak a min chen tir khawp lek a ni. Kan thleng thui telh telh a,thil thleng tur pawh ka hria. Ka duhthlanna a ni a,a bultantu pawh ka ni. Ka in chhir bawk hek lo ang.
(18+ lutuk hi chu ziak turin ka kumin ala pha thlawt lo
min hrethiam mai teh un..)Red tulip symbolises a confession of love
Awi..a tawi tawp... Assignment pali panga vel ka khawl bawk a.
Buaithlak ve tak a ni hringnun hi. Ads kha min lo click sak leh hram hram ru aw