DUNCAN CH-4 (ATEI ATEUH)

[Atei-i]

DUNCAN


CHAPTER-4


MARGARET POV.



"He naute hi i pai hlen duh anih chuan i thu alawm mahse i hmu leh tawh ngai lovang kha sakawlh pa fa kha kei hian ka hmu peih hrep lo ve" Richie aw rum zet chu ka tan tawrh hlelh awm tak ani, kha tia ka duh lo chung min hruai haw hnu khan khawi ah mah ka chhuah a phal lo va, in ah khung beh reng ka ni a, tun hma a ka lo suangtuah na hun hlimawm tak hmang ve tawh tur a ka in ngaih te kha mit khap kar lek ah tih chhiat in a bo ta.



Richie ka lo ring kha chu ka tihsual lian ber ani, ka u chu alo that ngei ani Duncan ni lo in, chuan Jimmy pawh alo that daih tawh chu ni in engvang a nun rawng em em nge maw anih le! Sum chiah a hmangaih anih dawn hi ka u pawh kha sual hle in ka lo hre thin a, ani ai chuan a lo rapthlak fe zawk.



"Nang misual pa keihi i duh duh dan in min ti lo ang ka naute hi i that anih vaih chuan keipawh ka in that ve nghal ang"


"Ka that lo ang mahse kan inneih phawt angai ang chu chu min tiam rawh naute i duh anih chuan kei hi min nei la i dam chhung in ka bulah i awm ang"



"Ni lo ve, kan pahnih hian min that law law zawk rawh ka dam chhung a i bula awm tur chuan ka inphal lo ka lo ring che kha ka tihsual lian ber ani" khum ah chuan ka thu hnawka, ka nu leh pa kha la dam se chuan tiang hian ka u pawh a sual miah lo ang, ka nu ka pa ka van ngai tak che u em....ka rilru chuan a ti vawng vawnga.



"Min rawn hnaih hlek suh i sum duh luat ah ka nun i ti chhe vek a, kei min la neih i tum amaw duhâm lutuk mai"


Ka sam ah chuan dim lo lek hian min rawn tham leh nawka, Richie te ang sa tha leh lian bawk si chuan min hnehsawh khawp mai.


Ka dak awrha, ka hmui ah chuan na tak in min fawp leh a, ka theih tawk a ka tal chung pawn awmzia a awm lo ka kut chuan ka chum vak vak a, a kut leh lam chuan ka ban ah min rawn man bet chawrha.



"Ka nupui i ni tho tho ang eng ang pawn tlan chhuah han tum leh vaih teh i awm na apiang ah ka awm zel ang" tih pah in min rawn fawp leh vaka.



"Mr. Richie biak che an duh a" Mr. Jason chuan kawngka rawn kik pah chuan a ti a.



Ka kawrfual hak lai ka mal chen thleng a tawm chho vek tawh chu ka pawt thla sawk sawka, min nuih suk a min thlam loh hmel zet hian min chhuah san nghala.



"Nang Putar kha Duncan nen pawh thian tha tak in ni lawm ni? Keimin phiar ru tu hi ka chhuah hauh lo ang che Duncan a thlarau tal in a rawn umzui ngei che ka beisei"



"Thlarau te chuan engmah an ti thei tawh chuang hleinem i duh duh chu ti la ka tan hlauh tur a awm lo ve, Mr. Richie chuan sum tam tak min pe a, keichu min hmu leh tawh ngai lo ang hla tak ah ka kalbo dawn in enkawl tha la aw"



Kawngka chu a khar hmaka, ka thinrim takzet engtin ka awm tak ang Duncan tel lo chuan he khawvel ah hian dam chhuah ngaihna pawh a awm dawn hleinem kan hun hman dun te kha rei lo te mah nise ka tan chuan hlim na min thlen tu mahni in rin tawk na min pe tu ani asin ka ngai takzet ka nunna chhan tum in theih tawp a chhuaha, keimah vang in a nunna hial a chan leh a, chutah a fa ka pai tih ka hre leh zel bawk nen. Thla nga lai anih ve tawh avang in ka pum pawh a puar ve tawh hle a, tukverh ah ka han dak a in leh a chhehvel ah body guard an lo ding fur a, CCtv ni se a in hung thluah bawk si. Engtik ah emaw chuan ka la tlan chhuak leh khawp ang.




Ka pum a naute hian a pa chu a hmu ngai dawn si lo va, engtin nge ka tih tak ang Richie nen innei tur a ka mitthla ringawt pawn ka chhungril hi khur hial thei lo thi law law ila ka tan a tha zawk tur ania.



YAYA POV.



Ka rai tih ka hriat veleh Benjamin chu biak tum in ka phone ka keng renga, naktuk ah lo haw a tum tawh tho a hmaichhan ah ngei hrilh ila a tha zawk ang alo lawm viau ang nge a thinrim ang tih chu ka ngaihtuah nasa hle.


Zanah chuan ka pa lo haw har em a vang in pawn ah ka thu reng a. Thla te lah chu a eng em em mai lehnghal thla bial zan ani hial lo maw! Keimah chuan ka rilru ka kawm melh melh a.



"Hey, tinge kha tah i thut reng a?" Ka hnung lam atang David chuan Apple ei tuam tuam chung hian min lo en reng chu ni in.


"Ka pa ka nghak anih hi? I hmu veng lawm ni eng vak nge ka tih a?"


"College naupang ve si i tawng chu a chaltlai hle mai"


"Hmm, i lo sawi ve tur a awm lo"


"Tinge nangmah in i tawng char char a tuman i bulah midang an awm si lo a" .


"I awm alawm" ka han melh chho hrâk a.


"Ka awm ve tih i hriat hma pawh khan i tawng char char alawm, min hrilh teh hlauhthawn na nei riau in ka hria che"'


"I lo buai ve na tur a awm lo"


"I nunaupa ka nih hi ka in hriat chhuah hma chu i unaupa ang a ka awm angai ani lawm ni"


"Ka pa in a tih vang chauha awm i nia keichuan ka pawm ve lo che"



"Tinge min huat em em a, i pawi ka sawi em ni?"


"Chutiang in ka haw lo che"


"Anih ka haw lo che i tia mahse kei hi min pawm thei bawk si lo a, hriatthiam ava har ve keimah pawh ka in hriat tawh loh laiin ka hming takngial pawh ka hre tawh lo a, engtik ah emaw chuan ka la hrechhuak em em ang" ka bulah chuan a rawn thu thra sauh sauh a.



Khua a thiang nuam in van boruak han tem vel te pawh a nuam ngang mai thla leh arsi te lah chu an êng phe vun mai a, in ti lungngai duh lo phawt teh ang.



"Kum engzat nge i nih a?" Ka mit ah tak hnai set sawt ah min rawn melh a.



"20 ka hmang mek, nang?" Ka ti let vat mahse ka hrechhuak leh thuta.


"E angai lo mai"


"Ka kum zat han ring chhin teh" nui suk chung chuan a ti a, a hmui te lah chu ala phir zui a ban sek tak mai leh a dul in phiar tung mai te a san zia te leh a vun mar chhoh dan vel te chu ka ngaihtuah kual vel a, alo ber ah kum 35 chu a hmang tawh hrim hrim ang.



"Nang in i hriat si loh chuan engtin nge ka hriat bik ang?"


"Han ring chhin teh ka tia lawm"


"Engnge i en reng a?" A mitmeng pawl riai mai te chu ka lo thlir leh dauh dauh thin.


"Ahhh, engmah ni lo e ih kum 32 i nih ka ring" ka ti liam puata. A nuih a za em em mai leh nghal.


"Ti nge i nuih vaka?"



"Ka rin aiin ka la naupang daih mai"


"Maw.....?"


"Kum 32 ka hmang mek anih hi, engtik nge ka birthday ni ang?" A hnung lamah a ban pahnih chu dah in van lam a melh chho vaha.


"Tinge keipawh chu min zawh renga?"


"Ka kum zat i sawi tawha adang pawh hriat belh zel ka chak alawm, tunge ka nu leh pa unau te ka nei em engmah ka hre si lo, min hre tu tal hi tawng ve ila ka ti asin" chutia kan ti ti lai chuan ka pa pawh arawn thleng ve mek bawka.


"Yaya Min lo nghak ani maw?"


"Um i chau em zanin chu thla a eng lutuk lung a ti leng khawp mai"


"Min ngai ani maw?" Ka lam hawi chuan a rawn khi vur vur a.

"Um Pa ka ngai che alawm engtik lai pawn ka ngai che"



"Um, Dr. Berry umm...." Sawi tur ber pawh hre lo chuan in kiltawih zet hian atawng bah nuka.


"Ka pa min ti thei ang, a pawi na engmah a awm lo, in ah lut ang u lo kal ru" inchhung luh pah chuan kan ti ti dun mawlh mawlha.





A tuk zing ah chuan college kal tur in ka insiam phur hle mai, vawiin tlaiah Ben-a chu alo thleng hman ngei awm sia ka sam chu ka khuih sawk sawka chaw pawh ka ei tha hman meuh lo.



Pawna ka bike dah chu ka ti nung vut vut a. "Khawnge i kal dawn a?" Kan mi chhar pa bawk kha ani.



"Class ka kal dawn"


"A nung thei miah lo lehnghal ka tlai tawh sin mawle"


"Khawi ka lo tih sak ang che" mi rawn nem phei dawrha.

"Engtin nge i thiam ve ang le, kalsawn vat mai teh"


"Hei ka ti nung thei reng alawm lo kal rawh vawiin chu i bike hi hman ka duh ka lo dah leh thlap ang"


"Khawi ah maw? A ngai mai mai lo"


"Ka bo lo ang"


"Aih ka phal lo tuma khalh ve ka phal lo"


"I unaupa ka nih hi"


"Nang pa hi min ti khawtlai vek dawn rawn chhuk vat teh"


"Aih, lo chuang mai rawh"

"Vawithum ka chhiar hma a i lo chhuk lo anih chuan ka pawt thla tho tho ang che" ka kut zung chal chuan ka vau ti tih tawh.


"Hahaha, i theih phawt chuan han ti ta che min pawt thla zo dawn ami?" A rawn dak âk âk lehnghal.


"Awle ka thei khawp ang" tih pah in ka pawt tak tak mai ah ka pawt che zo lo reng reng a taksa khauh trung mai leh sek tak mai te chu tha hian a hneh hlawl lo.


"Ka hmanhmawh tawh ania......"

"Lo chuang vat rawh i unaupa ka nih hi" a rawn ti leha.


"Ui i chak lo ang chu awww" ka hmanhmawh tawh em avang in ka chuang ve ta ringawta.


"Nghet deuh in min vuan ang che"



"Khalh chak suh" ka ti zo chiah chak mangkheng in atlan zui nghal mak ka ti hial zawk, engtin nge hetiang te a khalh thiam amah pawh a in hre si lo a. A pum ah chuan na tawk in ka va hmer vaka. Kan tlan kawi zawk nghe nghe.



Kan college kalkawng chu ka kawh hmuh phei zel a, ti hian amah in chhuah a tum chu a ni sia, ka ngaihtuah khawp mai.


"Ti lai hi maw in college chu a zau reuh hi khawlian vak lo a awm tur chuan a tha khawp alawm" a helmet phelh thlak pah chuan min lo nuih ver vera.


"Hey, nang kha tunge i nih a?" Benjamin maw hetah engtin nge alo thlen hmana.


"Ben, engtik ah nge i lo haw a?"


"Hepa hi tunge a?" Rum zet hian an in melha, David lah chu a duai duh bik hauh lo a hmazawn ah tak ava kal hnaia.


"Tunge i nih zawk a hnek i duh deuh ami nau-a?" A lo ti let ve vata.


"Engmaw i sawi a?"

"Hey, in tibuai suh u, Ben heihi ka unaupa David anih hi rei lo te kan bulah alo khawsa ve a ka Pa u fapa anih hi" dawt ka sawi zawm zata. A hriat chhuah vaih chuan zawh na tam tak a awm thei dawn tlat atin ni.


"Ka va hre ngai lo ve, a chanchin engmah i sawi ngai si loa, ka thiam loh ani Benjamin ka nia" a kut arawn pharh a chibai tum ni awm tak hian.


"I hriat loh chuan tha tak a sawi hmasa tur i ni asin, ka kal ania ka lo let leh vat ang" a chibai duh thak lo a kut chu a en zeuh chauh. Hepa han mak zia hi chu aw.


"Tinge a ka tih dan kha a na viau em ni?" Ben chuan mak tih hmel tak hian min en hâ a.


"Na lo e, engmah ani lo a ni chu a mizia ve ania hriatthiam angai lutuk, engtik khan nge i lo haw a?"


"Ka ngai tawh lutuk che a nizan khan ka lo haw nghal alawm"


"Tinge engmah min hrilh loha?"

"Ka surprise duh che a" a nui leh suka.


"Thil pawimawh deuh hrilh tur che ka nei lunch break ah kan sawi dawn nia tunah chuan class tan a hun tep tawh sia"


"Engnge good news nge bad news? Duh thawh taka min fawh pah chuan a ti a.


"Ummm......ka hre lo ani ve ve mai thei bawk"


"Anih chuan kan in hmu leh vat dawn nia"


Class lak lai te chuan ka phi sek mai ka thu hle hle thei tawh lo, ka za cheng ringawt. Engtin nge ka sawi tan angnga engtin nge min chhan ang teaching pawh ka hre mumal thei lo.



Lunch break anih veleh ka bulah lo kal in ei tur min lo ken saka. Hall ah chuan ka thu ngawi reng engmah ka ei thei lo.


"Bawihte engnge sawi tur i neih chu sawi vat la ka hre chak tawh ania"


"Um e aw nia ni tak e hrilh tur che ka nei a"


"Sawi la ka lo ngaithla ang" a thil ei lai chu a dah tha hmaka, engtik lai pawn keimah hi min dah pawimawh ber zel heihi ania ka duh em em na chu.


"Lo innei dawn ta ila ala hma viau angem?"


"Hehe....chutiang te i lo ngaihtuah thleng tawh ani maw? Tun dinhmun ah hi chuan nupui nei thei ka la ni lo alawm eng hna mah ka la thawk si lo a, i nawmsak loh ka hlau si a, theih tawp in lehkha ka zir angnga nuam sa tak a ka siam theih hunah che ka nei chauh ang che chu chu min nghak thei angem?"


"Aw nghak thei tehreng mai kum 10 pawh ni se ka nghak thei ang che mahse min nghak thei angem tih zawk ani?"


"Ehee Bawihte min va ring lo ve a, min nghak thei anih phawt chuan keichu nang tluk a khawvel a hmeichhe duhawm leh fel hi ka tan an piang chuang hleinem hlim na zawng zawng pek che hi ka chak asin"


"Anih chuan ka rai a" chu thu ka han sawi chiah chu a ngawi ve dâk mai fiah em em hian min rawn en a. Ka tah te pawh a chhuak rum rum tawh.


"Tinge engmah i sawi loh a mawhhh?"


"Ih ummm amak teh tawp em a!" dawh-kan lam chu a bih nghal chata. Min en tha ngam tawh lo, a zâm chhe ve hle ni in ka hria. Ka taksa chu a khur der der a.


Ka kut te chu a hik vek tawh tinge engmah a sawi loh le, min duh tak tak lo ani ngei ngei ang, a ngawi rei tawk tawh viau ani.


"Ui tinge engmah i sawi loh a?" Ka duh aiin ka lo tawng ring room a awm zawng zawng chuan min lo en thapa. Benjamin pawh arawn ding hluaia.


"A tawk e ka be peih tawh lo che" tih pah in ka tlan san vang vanga ka hnung ah min rawn umzui chuan ka hria mahse corridor lamah ka biru daih ka tah a chhuak lutuk ka thin hnûn ah hian min khei zak mai. A hma hun ti chhe tu ni mai hian ka in ngai, chutiang a tih chu ka duh bik miah lo asin ka lo in veng tha tawk lo a tin ni avan hrehawm tak em.



MARGARET POV.



"Engtik thleng nge ka lakah hian ila hel dawn a kei min nei la engkim hi i ta ani mai dawn alawm" Richie thusawi tenawm zet engtik ah mah thudik chhak chhuak lo tu hi ka ring leh tawh ngai lo ang.



"I sum duh luat ah kei min ti chhe vek a, pawi sawi lo nun na tam tak i la bawka, kei hi chu min neih tum buai duh suh Duncan chiah ka hmangaih a, a fa pawh hi ka pai tlang bawk ang a fapa hian phuba chu ala ngei tur ani"



"Engnge i tih theih chuan ang tumah lam tang i neih loh hi tikhan nitin ei tur ka pe tlem tial tial ang che ka hmangaih na che leh sum chu a dang daih hausak duh mah ila ka hmangaih na che a danglam chuang lo Duncan Laurane a ram zau tak ah sawn 5 star hotel ka sa angnga khawvel pum huap in ka la hausa ang an damdawi tawlh ruk zawng zawng te leh a hmun pui te nen ka dap chhuak vek tawh ka lam ah an tang vek a pa pawh jail atang engmah a rawn ti thei lo dam chhung tang tur saw chhe te mah in ka hlau lo e" A tawngkam te chu chapo tak ani tiang em em hian a zia alo thup thei ang tih hi ka ring pha ngai lo.



"Nakin ah chuan an ala chhui chhuak khawp ang che i la thi vat ang f*ck i la thi vat ang"


"Ni e, i sawi dik maithei mahse tunah mai chuan ni lo ve, Police officer lam tang ka ngah lutuk tlat min join dawn lo anih chuan i tang reng ang"


"Min hmangaih na hi eng in hmangaih na nge ni ngai mi tenawm pa F*ck.......you" hrawk phiar tawn tawn chuan room ah ka au a.