KA UNAUPA - 12

Episode kal lai dah luhna

Moderator: writers

Esi Taylor97
Posts: 60
Joined: May 15th, 2020, 10:54 pm

KA UNAUPA - 12

Unread post by Esi Taylor97 » September 15th, 2020, 9:43 pm

KA UNAUPA - 12
BY ESI TAYLOR






"Zothantluanga khan engthil nge a hriat tehhrep a! " ka pa in a rawn ti khur khur a, khang a thil sawi kha keimah min tihchhan tih na em ni? Keimah vangin hma hun ah beiseina anei lo a maw?






"Hrethiam rawh ka u, a inzir nasa lutuk a achau deuh pawh ani maithei" ka ni in a rawn phat sak nghal ruai.




"Tunlai a awm dan pawh hi a dik lo hrim hrim! " ka pa in a rawn ti leh phei chuan ka hit mup mup.




Chi ai zet in ka pindan ah ka vei kual sek a, Uzothana bia in ka sawipui ang nge a awm dan ang ang ka enliam zawk ang!





Huppurh zet in a pindan ka pan a, kik mai ngam lovin kawngka bul ah ka ding leh rih!




Hmu ila engthu nge ka sawi hmasak ber ang ka hrelo, amah ka duh a, unau kan nih vang chauh a hnawl ka ni tih ka sawi tlang pawp zawk dawn em ni?




Keimah vanga a hma hun nei lo ang mai a a inngai khan min ti na zual em a ni!





"I U chu nichin khan a chhuak a! " ka ni chu hamhaih zet in ka en nghal kawk!




"A ni maw...? "





"A awmdan kha enliam la, engah mah ngai suh, a pangai leh vat mai ang, nangpawh class tur in insiam rawh! " ka dar ah a rawn vuan a, ka pindan pan in min kai zui nghal!




Ka ni hian engti kawng mah in min remtih pui dawn lo tih ka hria, ni e, inzawmna neih loh chu ka duh ve tho, mahse vawikhat tal chu bia in engkim ka hrilh vek angai a ni.





Phur lo zet in ka insiam a, thiante bul ah chuan thaw a veng deuh mahna.




Nizan kha!!




Vanlalhriatan zawhna tamtak min zawt dawn, engtiang in nge ka chhan tak ang! Nilo, thudik chu ka hrilh thei lul lo!




Mahse engtin nge ka tih ang!




College pan hmasa lovin bazar ah ka kal kual a, a birthday present ka pek tak loh avang khan engemaw tal ka leisak angai hrim hrim. A hak ngun theih em avangin hoodie dum leisak a, hmanhmawh zet in college ka pan leh nghal vat, ka hmanhmawh bawk a ka thlan a tla phang mai.





Hlawkna nei belh miah lovin class ah ka thu ve reng a, ka rilru chu hmun dang ah daih a awm.



"Engmah ngaihtuah hah suh! " ka beng bul ah Tein a rawn ti leh sup thin, inhrilh vanga reh thei nise chuan ka lam kual zar zar thei tawh hial ang.



Zan in ah engpawh thleng se Uzothana ka bia ang, engkim tha deuh a sawipui phawt ka duh ani, hetiang chuan amah chauh nilo keipawh ka pangai thei lo ang, ka â thei tak tak mai dawn in ka hria.





Nidang ang lo zet in Vanlalhriata pawn min be meuh lo, nizan khan a rilru a tibuai viau ani ngei ang, min zawt lo mahse dawt enge maw tal hrilh a ka sawifiah tho tho angai.



...




"Thil ei tur in ka lo nghak ang che u" class ka neih tawh rih loh avangin ka bag ak in ka ding chhuak a, kan piah lawk a thu Vanlalhriata chu ka en pah bawk!




"Enge i khai kha! " Rempuiin arawn ti lang lang a, nui suk in Vanlalhriata ka kawk zauh.




Class ala nei tih hre mah ila kan thian dangte awmloh lai a biak ka duh avangin a thutna ka pan a, min lo en nghal




"Hei thil pek tur che ka nei a, bak ah sawi duh te pawh ka nei a.. "





"Ehhhh nangni pahnih hi" Thawveng zet in Hruaian a rawn ti nghal nghek




"Chhuak ila.. " Vanlalhriata pawn a rawn ti nghal sup




"Class i la neih kha.. In chhuak dawn bik maw? "




"Lo ngawi maimai teh! " Vanlalhriatan a ti nghal hluk!



.


College park kan pan dun a, engtik lai pawn helai hmun ah hian awm an tam reng mai!




"I message ka lo ngai chang reng a! "Thut thlak pah in a ti sup a, a bul ah ka thu ve nghal




"Nia... A zia lo e i thin a rim viau em? "




"Rim lo e, mahse mak ka ti ve deuh a.. "




"Nangmah i ni tih a hre lova, ahma in zurui pakhat in min tibuai tawh a chuvang chu.. "




"Nute.. Dawt sawi i thiam loh zia hi i hria em? " ka sawi zawh hma in a rawn ti khauh! Chhuanlam dang ka hriat mai loh avangin ka ngawi leh rih





"Keimah tih a hriat hnu ah pawh khan a thin arim tho, bak ah misual in ti buai tur che a angaih theihna tur in engmah ka tilo, i dar ah ka vuan a... Kha kha chu thinrim chhan a tling lovin ka hria.. A farnu hi a hauh viau che anih pawh in.. "





"Nia... Englo.. Amah kha..! "





"I sawi hreh in ka hria.. Min hrilh i duhloh chuan a pawi lo mahse ngaihdan chu ka nei thiam mai! "




"Engmaw? "


"Min hrilh theih hun ka nghak zawk mai ang... " za lo zet in ka nui lui suk a, kan inkar diktak chu ka hrilh thei lo.





"Engmaw min pek duh chu? " nui hawk a a rawn tih chuan ka hahdam huai! Min zawt lui emaw min sawipui anih chuan ka buai zo vek dawn!





"I birthday present tlai tawh viau mahse! " ti hliai in ka keng kang va a, a rawn nui leh hawk!





"Ka beisei miah lo a sin.. "





"I duh ngawt ang" confi zet in ka lo ti nghal!




"Ka duh dawn chiang alawm, tun ah nilo zan ah chauh ka en ang" tih pahin a bag chhung ah a thun nghal daih. Ka nuih tawp!






"Nizan a ka thusawi kha i la hria em? "




"Engber? "




"I sawi duh hun ah ngaithla tur in ka inpeih reng ka tih kha"




"Ka hria lawm"




"Anih chuan ka lo nghak. "




"Hriat! " an rawn auh avangin kan hawi nghal vat a, a thusawi lai a tawp nghal bawk!




Library a ka hmeichhe hmuh kha a rawn kal a, a chhelo lehpek reuh hle!




"Ka rawn zawng deuh che a... "




"Lo thu rawh" a ti nghal vat! Kan bul ah a rawn thu thla a ka tho nghal vat




"Ka lo va kal ang.. "




"Angailo" a rawn ti nghut anih chu. Hepa han at zia hi chuh!




"Ka hmanhmawh lawm le... " nui var var chung in ka kut ka vai khum zauh a, ka kalsan nghal hlawk hlawk.




Khanu lo kal hlauh kha a vanneihthlak zawk, anih loh chuan khatiang mood a awmdun kha ka duh lo.




.....


"Kha nu kha ka bialnu ani lo a chuvang in inla zei zet a min thlahfal kha tum buai tawh suh ang che"




"Hmmm ka inla zei lo.. " ti nghek in a helmet ah ka beng ri leh kawrh!




"I hria maw? "




"Khanu khan a duh lo che animaw? "




"Aniang... "




"Vanlalhriat keimah vang anih chuan.. "




"Engmah sawi suh" a rawn ti leh ngal nghut. Min nghah ka duh lo, keimah vanga midang a ngaihtuah loh phah ka duh lo, achhan chu ngaihzawng ang in ka en ngai dawn lo tih ka hre chiang.




Kan in kawt ah a ding dat a, ka rin aiin kan thleng hma


"Ka rawn lut lo mai ang i u kha a den emai"




"Umm nidang ah i rawn leng dawnnia"




"Ka ngam tawh pawh ka ring lo" a hmel a ti chhe kual vel anih chu!




"Kal vat mai teh! " ka lo ti nghal nghek!




Nui hawk hawk chung in atlan liam a, a lan theih chhung zawng chu ka thlir char char!





A tlan liam hnu ah thawk la hawk in inchhung ah ka lut zui a, Uzothana hmuh mai ka inbeisei ania, hmuh tur a awm leh miah lo.




"Uzothana a awm lo mi? " Tpi ka zawt ta nge nge



"Awm e.. A pindan ah niang! "



"Umm" ti sap in inchung ah ka chho ve nghal!




A pindan a luh tlang mai ka tum deuh ut ut a, mahse ka ni alo haw tawh bawk nen zan lam ah bia ila a tha zawk ang hun thawl a awm zawk ang !.





Inthlak in ka inbual zui nghal a, ka zawh veleh Tpi pui tur in ka chhuk leh nghal.




Chaw ei kan siam mawlh mawlh a, Uzothana a la rawn chhuak miah lo chuan ka rilru alo kap tun mai. Ka pa a lak ah a lungawi lo bawk si.





"Nute i U han ko la.. " ka nu in arawn ti hlauh




"Nichin khan a chhuak a.. "




"Maw? " Tpi ka en nghal kawk




"I lo haw hnu lawk khan a chhuak a"




"A thiante in ah kal angai anih kha, chaw pawh a ei nghal ang" ka ni in arawn tih chuan ka pa a rum ri nghal nghut!




Zan ah chuan alo haw em ang chu maw?




.....




Ka ni inleng te haw hnu thleng pawh in Uzothana a la rawn let lo, balcony ah thu in gate lam ka en ngawt ngawt a. Alo haw hun ka nghak a ni.




Dar 12 a rik meuh chuan beidawng zet in ka mu ta ringawt!




.....



Ka phone ri avangin peihlo zet in ka meng chhuak a, khua a var tawh emaw ka ti hman hial.




Usangpuia maw? Ka thu chhuak nghal zawk!




"Nute gate bul ah kan awm kan lo tlanlut ngam lo, kawngka rawn hawng rawh! "




"Maw? Ngatinge" ka tho chhuak nghal rawk rawk




"I U hi a rui deuh hlek a, inchung atang khan kan lut mai dawnnia kawngka kha lo hawng sa la"




"Umm lo awm ru" thawm dim lutuk in ka chhuak a, inhnuai lam a chhuk lovin inchung lam a tangin ka chhuak nghal.





Gate bul ah Usangpui leh Usaia bak ah Veni an lo awm anih chu!




Usangpuia chu din pawh a ding thei lo ani ngei ang Usangpuian a lo kuah bet



"Ngatinge a? " hlauthawng zet in ka ti nghal , midang ho hian rui hmel pawh an pu ve hlawm silo.




Uzothana bul ah kal hnai in a ban ka vuan a "i tha em? " ka ti sup



Chiang zet a min en chungin ka kut a vai per lawp anih chu!



Hamhaih lutuk in ka ding khawng nghal lah!





"Sorry aw zanrei ah kan lo kaitho che a" Venin a rawn ti sap.




Tun ang zanrei lutuk thleng a an awmdun chuan ka thin a ti sa nghal hut hut, mahse thik tur in dikna ka neilo.





"Kan vai a kan luh chuan an lo harh palh ang, keiman ka hruai chho mai ang, lo va let rawh u" Usangpuian a tih chuan an bu nghal nghut.




Uzothana hi a san mai bak ah a lian tel bawk nen inchung a chhoh pui pawh buaithlak tak a ni!




Ngatinge ka khawih kha a duh loh, ngatinge??? A rilru ka tihnat avangin min hua tih na ani ngei ang!




Min huat hmel lutuk a min en te kha!




"Inbe lawk ang hmiang! " Usangpuian a tih chuan ka ngaihtuahna atangin ka harh chhuak nghal zawt!





Khum a Uzothana mu chu en in puan ka sin tir a,



"Sawi la" ka ti leh sap




"Zothana nen a in inkar hi ka hria a... Mak ti duh suh engkim a tir atangin ka hre vek ania.. "




"I hria maw? "





"Umm ka sawi duh chu ka thianpa hian a thinlung zawng zawng in a hmangaih che, nangmah lo hi duh pawh ala nei chhin ngailo. In harsat na hi ka hrethiam lutuk mahse Nute vawikhat ngaihtuah nawn leh rawh "




"Ka hrethiam lo, thil hi a kalbuai lutuk a... "





"Hey.. Hahdam rawh, khapa kha i bialpa anilo tih ka hria, mahse i bialpa angin i sawi a achhan chu pehhel dan i zawn vang ani a dik tiraw? "





Chhang lovin ka bu nghat ringawt!

"Ka vaw hman tep che alawm! He mihring luhlul bawk si hian thil a ti buaithlak ani tiraw? Ngaihtuah hah suh amah hi ring la in paltlang mai ang"





"Ka... Ka hrethiam alawm" ka ti bah nawk




"Ih maw thuruk ka hrilh ang che aw.. A unaunu inih hma atang khan a duh tawh che chuvang in.. "





"Engmaw? "





"Lehkha a rawn thawn nasat theih em che kha.. " a nui suk anih chu. Mak ti lutuk in ka ang pham a, khum a Uzothana mu chu ka en leh ringawt!





"Engtin!? "




"Kum 16 pawh ila tlin ka ring lo e a.. Nangmah avang hian a buai em em reng anihhi ka thianpa mawl a hi! Mahse thuruk ka tih kha aw. "





"Chuvang chuan a nimaw ka hun kal tawh a hriat em em... " mak ka la ti tho tho.




"Mi mawl anih hi hmeichhe pakhat a rinawm rei ber ka hriat chhun a nihhi Chuvang in alak ah hian that chhuah deuh rawh aw.. Ka kal phawt dawn an lo harh palh ang" a tih zawm leh nghal zat.





.....



A unaunu ka nih hma atang in minlo duh tawh a maw? Mahse ka lak ah khan ngatinge a sual theih em em si?



Engtin nge ka hriat miah loh theih zawk?




Muhil thei lovin ka inlet kual sek a, ka ni in zu a in ngai lo a ti chung khan rawn ruih haw a nei ta fo a, tun ah lah mahni pawh a kal thei lo khawp a rui in a awm bawk a.




Keimah vangin hma hun neilo in a in hre bawk a!




Mahse engtin nge ka tih chuan ang! Ka ni in kan inkar kal tlangpui lo tur a min duh thu a sawi vek tawh a, ka ti lui thei dawn em ni?




Unau dik tak pawh kanni lova thil mak thleng in kan nu leh pa te hian min pawmpui maithei a sin!





Mahse Uzothana biak phawt ka ngai ani, naktuk ah emaw bia ila tlang tak in engkim sawi pui ila a tha ber ang.



...




"Nute i U han ko ta che" ka nu in a tih chuan ka chawhmeh suah lai ka dah nghal vat.




"Lo ti rawh keiman ka han ko ang" tih leh chhoh a rual nghal. Midang chuan an ngaihtuah zui hauh lovang, mahse ka ni khan Uzothana nen a kan awmdun a duh loh vang ani tih ka hria.




Ka awm anuam lo nghal vek!




Uzothana a rawn chhuk chuan biak chu sawi loh melh pawh min melh eih lo anih chu!




Ka pa nen an in be miah lo bawk!




Lang chhuak si lo hian kan chhungkaw boruak hi a rit ngawih ngawih in ka hria.



Chaw pawh ka ei thei lo ka kham ta vat reng bawk!




Phur lo zet in ka insiam a, min hua anih pawn dem thei ka nilo, ka tawng khum dan kha a na tih ka hria. Chuvang in engkim ka hrilhfiah leh ngei ngei angai.





ka mu tlem bawk nen ka lan dan pawh a pawr chhep in ka hria, ka dang deuh bal bawk si.




Nidanga makeup hmang ngai hleilo khan ka inchulh ve nual angaih phah!




Ka bag ak in ka phone ka thun a, in ah chuan ka ni avangin Uzothana biakna hun ka nei thei lo maithei, college ka thlen veleh call ila hmun dang a inbiak ka duh thu hrilh mai ilang a tha ang.





Ka pindan ka chhuahsan a, Uzothana a rawn chhuak ve chiah!




"Uzothan... " min kalpelh mai atum avangin ka ko nghal chawt!




Min chhang lovin min en run a, kal leh mai a tum anih chu!




"Hrilh duh che ka nei a.. " a rawn ding thut a, "sawi tur ka nei ve lo" min en miah lova sawi in inhnuai lam ah a chhuk nghal daih anih chu!





Mak ti lutuk in ka ding reng ringawt! Ka lo ngaihdan ah kha chuan biak ka duh chuan phur zet a min lo dawnsawn kha ka beisei a, mahse a nilo. Min hua, min haw ngawih ngawih tawh!





....




Thinphu dawt dawt in ka phone ka beng bul a ka dah ri chu ka ngaithla a, a reject anih chu!!...




Ka call a reject anih chu!




Ka ban a zawi nghal hnawk!




"Ngatinge a? " Ka bula Tei ding reng pawh ka lo hre tawh lo.




"Engmah a nilo" ti hliai in ka phone chu ka bag chhung ah ka thun nghal vat!





"Ngati rawk rawk nge! "




"Ka nu ka call a a chhang thei lo a" awih loh hmel zet in min en a, engmah a sawi tawh lo.



Min be duh lo tak tak a maw? A pawi hleinem a tha daih zawk, buaina a awmlo ani mai a lawm!




Ka theihtawk in pangai hram hram ka tum, mahse ngatinge ka nat em em a?





.....





Inchhung ka luh chuan Tpi takngial pawh ka be lo. Zawi zet in inchung ka pan chho nghal chhet chhet a, damlo ang mai ka ni in ka inhria.




Ka pindan kawngka ka hawng chiah a, nui ri hak hak thawm ka hriat avang in lut lovin ka hawi let nghal vat!




Uzothana leh Veni a pindan atangin an rawn inzui chhuak anih chu!




Ka khawng vek in ka in hria!




"E.. I lo tawh maw? " Venin min hmuh rual in a rawn ti nghal vara, a hlim hmel lutuk te chuan ka tah a ti chhuak ut ut




"Umm... I lo leng a" ka ti zawi sap




"Nia... Hei ka rawn enfiah a.. " nui var var chung in Uzothana a melh chho ha a, mangang zet in Uzothana ka en ve nghal!




Min melh run chung a Veni pawt hnaiin a kawng ah a kuah a, a chhip ah a fawh sak nghal zauh!




Ka pindan ah ka lut nghal rawk rawk!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google Adsense [Bot] and 121 guests