LOVE IS NEVER ENOUGH CHAPTER - 28 by Amy Cck

Episode kal lai dah luhna

Moderator: writers

Amy
Posts: 432
Joined: May 15th, 2019, 8:49 pm

LOVE IS NEVER ENOUGH CHAPTER - 28 by Amy Cck

Unread post by Amy » September 24th, 2020, 12:16 am

CHAPTER - 28 💘 by Amy Cck



" Van zah thlak tak! " Ti chhuak sap in ka u a chhuak chiah tihah khum khuhna chu ka pawt hlip nghal vat vat a, nizan ka ngaihtuah let a ka zak lutuk hi ka taksa a rawn lum pup pup thei hial. Mahse nupa tak tak ang a ka in ngaihna avang chuan ka hriat loh kar in ka lo nui leh sen sen thin bawk.



" Hubby! " Ti chhuak sap in ka nui nghal sak. Ka chhung lam atang a hlim ruk veng veng na rawn awm bawk, khum khuhna chu bathroom lamah pawm phei in shower ka nei ve nghal a. Shower neih zawhah in thlak sawk sawk in ka rei lutuk hlau chuan ka sam chu towel a tuam lak in room atang chuan ka chhuak phei ve a. Mahse sitting room lam a ka lut phei chu ka mi hmuh te vang chuan ka khawng nghal at.



Hlau thawng ru zet in ka u ka zawng nghal ruai a, thuthleng pakhatah a thu a rawn thawh chhuah takah chuan ka thaw chhuak halh. Ka dinna atang chuan ka kutah vuan in thutna awl lam pan chuan min kai phei a. Ka pa leh ka pu te hmaah kan thu thla zui nghal a. Ka pa mit meng thim khup ka hmuh rual in ka taksa a khawng nghal talh a, thawk pangai pawn ka thaw tawh lo hial in ka hria.



" Angel rawn hruai tur cheu in kan rawn kal a. " Ka pu in a rawn ti sup a, chhang lo in ka ngawi ta ringawt. Ka pa erawh tawng tum hmel a pu lo thung.



" Ka pu rawn haw tumna kan nei lo! " Ka u in ka kut hum run chuan a ti sup a. Ka pa a rawn thaw ri nghal hrawk.



" Kan sawi tawh ang khan kan let rual in Ruatpuii hi a rawn let dawn! Engtin nge damlo damdawiin a admit lai hi i ruk bo theih zawk? " Ka pa in a rawn ti chhuak chhur chhur a. A aw atang pawh chuan thinrim in sum tih a hriat viau bawk.



" Kei pawh ka sawi tawh kha. Kan in neih in rem ti a nih loh chuan a rawn haw ka rem ti lo. Kan rawn let a nih pawn kan in dang ang! " Ka u chuan a ti ve sup.



" Khanglang cheu chuan! Ka fanu a ni a , ka thu a zawm tur a ni ringawt! Ruatpui min rawn zui rawh! " Ka pa chu rawn ding vut in a ti chhuak hrawk a. Ka banah min rawn pawt ding nghal nawlh. Mahse ka ban leh lamah ka u in min vawn beh ve avang chuan lawm lo zet in a phun nghal hluk.



" Pa.... Ka lo haw duh lo! Ka u bulah hian ka awm duh! " Ka pa hlau ru zet a ka ti chhuak halh chu mit meng thim khup a min melh in a mit meng atang chuan kut min thlak pawh a hreh loh hmel hial bawk.



" I chiang em? Tunah ka rual a I rawn let lo a nih chuan ka fanu i ni tih hi ka theihnghilh ang! " Ka pa aw khauh ru zet vang chuan mit ka chhing sawk.



" Ka tihpalh! Ka zui haw thei lo cheu! " Ti chhuak tiau in ka pa min vawnna ka kut chu ka pawt let a. Ka pa mit meng a rilru natna leh thinrimna lo lang chuan ka thawk a ti sak ve talh. Mahse ka pa ka hlauh vang in ka u ka phat san thei lo. He ti chen kan thleng tawh a, tunah inah let leh mah i la a hma ang khan ka hlim in engkim theihnghilh in kan awm thei tawh dawn chuang lo a. Chu bakah zak tak a ka u siam hi ka duh lo.



" I thu thluknaah in chhir suh ang che. Tih luihna chuan ka haw pui lo ang che. Mahse i lo haw lo a nih chuan engtikah mah rawn haw buai tum tawh suh ang che! " Ti chhuak hmuk in a chhuak zui vut chu mittui tling pam in ka thlir a. Ka pa te an chhuak fel chiah tihah sofaah thu thla hnawk in ka mittui a luang nghal zwih zawih a. Ka u in min rawn kuah nghal vat.




" Angel rilru hahdam deuh khan awm rawh u. I pa te kha an thin a rim rih mai mai a nih kha. Ni te han kal se an rilru pawh a dam ve hret hret a nga . Nu leh pa te hi chuan kan fate hi kan thlah thlam mai mai thei lo a nia. Nang ni pawh an la pawm ve mai ang ! " U Rinzuala pu chuan a rawn ti sup a. Mahse ka ring chiah lo. Midang ang kan ni ve miau lo a.



" I zia awm deuh tawh em? " Room a ka thu ngawi reng chu ka u in a rawn ti sup. Engtik in nge a rawn luh ka hre miah lo. Ka pu nen khan an in be fal lawk kha a nia.



" A hreawm ka ti! Ka pa thinrim zia kha i lo hmu em? " Ka hma zawn a a rawn ding khawng luah chu melh chho in ka ti sap a. Ka sawi zawh rual in ka thaw chhuak halh.



" A la zia awm ve mai ang! Rei nghah pawh a ngai lo ang tih ka chiang. " Ka biang a kut lian zet a rawn khuap in a ti sup.



" Engtin nge i chian em em theih! " Rilru buai zet in ka ti chhuak halh.



" Ka hre ve tawp. A hmasa ber in naute kan nei phawt a nga! Ka pa chu a tang rei thei tawp lo ang! " Ti sup in a then suk a. Ka ner nang a hmuh rual in ka sam ka tuamna towel chu pawt thla in ka sam chu min hruk sak nghal mawlh mawlh a. Ka rilru pawh a nuam ve ta deuh.



" Ni e.. Fa kan neih chuan an rilru pawh a dam phah hrim hrim ang" Ka ti ve ta sap.

*

*

" U Angel i duh chuan va in siam tawh rawh! U Reubena a lo haw tep tawh ang! " In kan ti fel zo chu Dindinin a ti sap a, lu ka bu nghat. Hun a ral ve zel a, Christmas pawh tluang tak chuan kan hmang zo ve a. Chrismas tuk khan ka nu nen kan in be ve a, mahse rei lo te chiah a ni thung. Ka ngai viau nan mahse ka sawi lang duh ngai lo thung. Ka u rilru tih hreawm ka duh loh vang in.



Ka u pawh ka pu ai hnaah kal sak thin in , nitin a chhuak ve a. Heta kan awm chu kawng leh lam takah chuan a hahdam zawk viau. Ka chhuah vah ngai loh vang nge tuman kan chan chin an sawi ve luam lo a. Mahse a chang chuan ka in thlahrung ve thin.



Nula ve uai tawh mah i la kan inah khan in chhung hna sek rek vel ka khawi ngai loh avang khan engmah thiam a lawi ka nei lo. Rawng bawl tur tak ngial pawn ka lak tlak hlawl lo a nih chu. Dindini a fel hlauh avang in min phut buai ngai lo a. Mahse a ruk chuan a nuam lo duh tak zet. Kan inah kha chuan ka ei in in, ka duh ang ang in ka awm tawp thin kha a nia. Mahse engkim chu thiam tum in ka in zir chawp ve zel thung.



Room ah lut in ka in thlak nghal mawlh mawlh a. Ka u a hna thawhna lam a a hmelhriat ten zan riah ei tur in an sawm a, ka kal ve chak lem lo viau nan kal tur in min ti ve tlat sia ka hnial duh bik lo.



Kawr fual eng dal lam, hak nuam zet chu in bel in pheikhawk pawh a flat simple zet ka in rawlh a. Thawmhnaw he tah chuan ka neih tam loh avang in han in chei vak na tur pawh ka nei hran lo. Ka sam chu ka bawk khawm vek a. Ka mit hnuai lam a dark circle rawn val deuh ralh ka hmuh chuan ka ner sak.



" U Angel! I duh chuan ka makeup hi hmang rawh! " Darthlalang a ka in thlek kual vel lai chuan Dindini rawn lut in a rawn ti a, ka hnar lem lo.



Ka u pawh a rawn thleng ve mai a. Ka lo in siam sa vek tawh a vang chuan kan chhuak zui nghal a. Kei in hmelhriat ka neih vak loh kaiin ka u chu hre tu a ngah tawh viau a. Doctor specialist a nih vang a lo ral khat hriat nawk an awm bakah ka pu ai hna kal in office work a thiam zawng tak a ni bawk a. Ka pu pawh in in dang luah kan sawi pawn min ui der ve viau a. Mahse kan awm reng dawn chuan in dang luah chu kei chuan ka la duh rilruk viau thung.



" I nuam lo a mi? I va ngawi chawi ve ? " Ka u chuan motor khalh chung chuan a rawn ti sup a. Nui lui sak in lu ka thing vat.



" Kan haw leh vat dawn nia." Min ngaihtuah zet chuan a ti leh sup. Kan Kal na tur chu a lo hla lutuk lo bawk nen kan thleng thuai a. Nupa tuak lek a khawsa ve tho an lo ni nghe nghe a. An nu zawk chu ka u thawhpui nu ni in , an pa pawh chu ka u te nen school an lo kal tlang hrep tawh tih ka hre chawp ve zel a. Nuam lo em em chu a ni bik lo.



Nupa lek a khawsa an nih bakah hna an neih ve ve avang chuan tleirawl pakhat chenpui an nei nghe nghe a. An ti ti an tui chhoh tak deuh vang chuan boruak dang hip tum in pawnah ka chhuak a an in chung la sak loh lam chu pan in ka hawi thaw veng a. Ka phone rawn ri chu en in ka thaw hak.



" Hello! " Babyi call chu la in ka ti zawi sap.



" I va in duh ve!" A rawn ti thawr chu ka ner sak. Phone thar ka hman bakah ka no thleng a a dang lam vek avang in tumah ka be thei lo reng a. Mahse ka u phone ah Babyi no a lo awm avang in hmanni deuh atang khan kan in be ve a. Kan chung chang vel pawh ka hrilh hre ve ta vek. Babyi leh Kimkimi chiah hi ka biak awm chhun an ni bawk.



" Min ngai thei viau suh ! ' nui hak a ka ti chu a rawn nui ve hak hak. Eng eng emaw kan sawi nual a. Thian te han biak chuan tawng duh viau lo mah i la kan in be tawp thei leh meuh lo.



" Tak in class i kal lo vang vang sia exam tal chu i rawn pe ang ti raw! 4 semester a ni tawh dawn a. Term tharah chuan core student kan ni ve tawh dawn a! " A rawn ti lang lang. Kei erawh chuan heta kan awm rei ve tawh zia ka ngaihtuah daih thung. Kum chanve deuh thaw kan lo awm ve reng chu a nia.



" Ka la hre lo le! Ka kal chhun zawm theih rih pawh ka in ring lo! " Ka ti zuai raih. Ka u in let lam a la ngaihtuah hmel si lo a. Hman zanah pawh helam a clinic hawn chung chang ka pu nen an sawi dun kha a nia.



" Naa... Ngati maw? Mi te pawh pasal nei chung te pawn an kal ve tho a. U Reubena i sawi pui hrim hrim lo a mi? " A rawn ti leh lang lang chu ka thaw hak.



" Midang nen kan in ang ve lo hi lawm buaina! " ka ti sap. Midang te chu unau a in nei an ni ve tlat lo. Ka hnung lam a pen ri ka hriat avang chuan ka in her a, ka u a nih ka ring deuh a mahse in neitu pa zawk a lo ni.



" Baby ka lo be leh ang che! " Ti sap in phone ka dah a ka bul a mipa lo ding chu ka nuih lui sak.



" I tha maw? Ei tur kan peih fel tawh a sin! " A rawn ti sup a. Tha deuh a chhang in in chhung a chhuk tum a ka in her chu a rawn tawng leh vang chuan ka ding dat.



" Reubena hian a sawi nasa thin che kha ka ti reng a. Hetiang in zawmna in lo neih vang a nih ka ring ta! " Nui suk hian a rawn ti a. Kei pawn nui hmel ka hmuh tho a mahse a thu sawi erawh ka awi em em lo. A chhan chu ka u hian a thian kawm nazawng hnenah a mimal nun a sawi ngai lo miau.



" Ka ring chiah lo na in a lawmawm lamah ka ngai mai ang! " Ti sap a kal mai ka tum chu ka banah a rawn man bet chawt a. A lam ka hawi rual in min elh sen hmel zet hian a nui nghal sawng.



" Induh thiam viau lo teh! Kawm tlangnel che ka tum a nih hi. " A rawn ti hluk chu ka ner sak.



" Enge i hriat a? ' ka kut a vawn pawh let mai ka tum chu a thlah duh loh avang in ka vin ta nghek.



" In la viau in chapo reuh viau mahla i nihna chu i thup thei lo ang! ' ti chhuak hrawk in a lam a min pawt hnai hrawk a, thinrim zet in ka tal nghal vak. Zak thei lo ka tih zia chu pui tak a ni.



" Enge i sawi ka hre lo. Min thlah vat rawh ka au vak hma hian! ' ka ti vin hlar a. Mahse min thlah tum hmel a pu miah lo a nih chu.



" Eng ang tak in nge mipa i mamawh chu min en tir la! I unaupa ngei pawh i ngaih melh thei a nih chuan kei nen pawh hun hlim awm tak kan hmang dun thei ang chu! " Ka beng bulah a rawn ti sup a. A thu sawi vang chuan ka khawng awt.



" Lungngai suh tuman an hre lo ang! Tu nge hria i u Reubena leh ka nupui pawh khu an hna thawh na lamah an lo che na duh viau mai thei tih! Ka nupui hian i u in hna a rawn thawh atang hian hna kal hi nuam a ti sawt viau a nia! " A rawn ti leh sup, engtik lai in nge a hmaiah ka ben ka hre lo. Ka hriat zawng chu ka thin a rim hle tih hi.



" Tenawm lutuk! " Ti fak a ka benna dawm tu pa chu melh nghek in ka pen sawn nghal hlak hlak. Engtin nge kha tiang khan ka chungah chet ngam. Ka awm dan a en hian ka lo xuam awm viau zawk nge, ka taksa rawn pawt let nawk tu vang chuan ka rak that.



" Min kal san theih mai ring suh! Min hnar der tih ka hria a lawm. Reubena hian kum engzat I nih in nge he I taksa no nalh zet hi a khawih kual vel! A ni au chuan ka siam nuam zawk ang che. Mipa dang tem chhin chu i chak ve tih i mit mengah ka hmu thiam a nia! " Bang a min nem bet chuan a rawn ti chhuak chhur chhur a. Ka hlau lutuk leh thinrim bawk si chu ka tha te a khur vek hial a nih chu.



A kut chuan ka hnute ka kawr chhanah a rawn tham nawk nawk a. In chhung pawh ni lo a hetiang a a che ngam chu ka ten in ka rap tak zet bawk. Min fawh tum a a rawn kun hniam chu ka lo thlek sawn zel avang chuan thinrim zet in ka khabe a rawn hmek sawk a, na ka ti chu mit ka chhing sawk.



Ti fuh in ti zet a then suk a rawn kun hniam chu ka theih ang a na in a kapah ka pet sak chawr a, rum hrawk in a na ti a kun nghal ngawih ngawih chu rem changah lah in stepah ka tlan thla a, ka tha khur nasa lutuk leh ka mittui tla vang chuan duh ang pawn ka kal chak thei lo. In chhung ka luh rual a ka u leh kha mi thenawmpa nupui lo awm duh ka hmuh teri chuan ka thin a ti rim hlur.



" Naute.. Khawnge i lo kal daih? " Ka u in min hmuh rual in a rawn ti sup a. Kei erawh tah in sum zet in ka ding thung.



" Ka haw dawn! " Ti leh sir lam bang bul a ka bag dah chu la in ka chhuak zui nghal!

💜💜 Ads i la click ve lo a ni maw? A hnuaia ads milem khu lo click ve rawh le 👇
💜💜 Ads i la click ve lo a ni maw? A hnuaia ads milem khu lo click ve rawh le 👇



Link:
BBcode:
HTML:
Hide post links
Show post links

Amy
Posts: 432
Joined: May 15th, 2019, 8:49 pm

Unread post by Amy » September 24th, 2020, 11:23 pm

* ZAWMNA *



Ka hma zawn kawngah chuan thinrim zet in ka kal hlak hlak a. Ka mittui rawn chhuak reng vang chuan ka khaw hmuh pawh a phe ruai bawk. Engtin nge kha pa khan kha tiang khan min tih ngam zawk. Ka awm dan leh chet danah zuam awm leh mawi lo khawp in ka awm pawn ka hre lo a. Hmeichhe lep chiah zet ang a min ngaih bakah a ma nupui ngei chanchin a sawi duh dan kha ka ten ngawih ngawih.


" Lo lut rawh! " Ka zawnah motor rawn ding in driver seat atang chuan ka u in a rawn ti hmuk. In seh ruh nghek in ka hma lamah chuan ka kal lui ngar ngar thung. Ka hnung lamah motor kawngka in nem hawng rawp ka hriat rual in ka kal chak zual nghal sauh. Mahse ka taksa zo zet in hnung lam atang chuan min rawn pawm kang nghal nawlh a. Ka tal zui ve phat chu engah mah ngai lo in motor dinna ah chuan min let pui a, passenger seat pawh hawng in min nghat lut hmuk a nih chu.



" Ka haw duh ka tih kha! Kha mi te bulah khan ka awm peih lo! " Ka ti chhuak nghek. Kawngka zawnah a ding khawng luah bawk nen chhuah mai ngaihna lah chu a awm tawh miah lo leh nghal. Ka tah chhuah vak hlau in ka in seh ruh fan bawk.


" Naupang chhiah viau lo teh! Chhuak harh ve tur in ka duh che a,mahse tunah i chet dan kha chuan min ti lawm miah lo a nia! ! " Ka dar a min sawi deuh nawk in a rawn ti chhuak hrawk in ka mittui a rawn chhuak nghal zawih zawih. Ka u pawh chuan mak min ti a ni chek ang chu min en ngur ta tawp.


" Ka haw duh tawh! Aizawlah haw tawh ang! " Tap aw tiau chuan ka ti ta ngawt. Engtin kha thu kha ka sawi chhuah ka hre lo mahse ka sawi hma khan ka ngaihtuah hman tawh lo a ni ber. Ka u rawn rum nghut vang chuan ka thaw chhuak hak.


" Hei hi engtin nge i tih nat? " Ka ban vei lam chu rawn vuan in a hmai zawnah a lek nghal vut a. Rang zet a pawt let in ka kawr hak ban tluan chiah lo chuan khuh tir tum in ka pawt nghal vak.


" Engmah a ni lo! " Ka ti sap. He khuaah hian rei lo te chiah kan la cham a, buaina siam ka duh lo ang chiah in tum thil thleng kha chu theihnghilh ka duh.


" Engmah a ni lo maw? He hnu hma hi tu siam che nge? I sawi lo a nih chuan ka zawng chhuak tho ang tih i hriat kha! " A rawn ti chhuak hrawk . Chutia a tih takah chuan tul lo zet in ka rilru no a rawn chhuak a ka tap chhuak ta hawk bawk.


Ka chung a kha pa chet dan khan ka lawm lo ngei mai. Mahse kha aia ka rilru ti na tu chu kei leh ka u chanchin a sawi dan vang khan. A mah mai ni lo in he lai a cheng ve midang ho pawh hian kha tiang ngaih dan khan an lo nei fur dawn tih ka hre chhuak a. In ah ringawt ka awm reng vang leh midang ka kawm ve ngai loh vang in engmah ka lo hre lo mai zawkah ka ngai hmiah bawk.


" Sawi rawh le! Tu thil tih nge? " A kut a ka biang rawn khuap in ka mittui chu min hruk sak a, a rawn ti chhuak hmuk. Ka sawi duh loh a hlauh vang nge a aw erawh a dam ta deuh. Mahse hetiang a a tawng tawh chuan a lakah zep neih a duh loh zia a lang chiang zual sauh thung tih ka chiang. Sawi lo mah i la hriat chhuah ngei a tum dawn tih a mit meng leh tawng chhuah dan atang in ka hre thim nghal vek bawk. Thawk la halh in thil awm dan ka hrilh a, a thinrim thin thawk thut hlau in a dam thei ang ber in ka sawi hram hram bawk.


" Hrep tak chuan! " Ti chhuak hrawk in motor kawngka chu a chum deuh bur a, ip chawiin min ka chhing sawk.


" Haw tawh ang! Ka nu leh pa bulah kan haw thei lo tih chu ka hre tho a mahse helai hmun hi nuam ka ti lo! A mah kher pawh ni lo midang pawh hian chutiang chuan min ngai thum ang! " Zawl dawh zet chuan ka ti sap. Ka u mit meng erawh a chang zual sauh thung. Motor kawngka chu rawn khar ri dawp in motor chu a kal hual pawk pawk a. Driver seat a a rawn thut luh rual in pik zet in a thaw chhuak hawk.


" Lo chhuak suh ang che! " Ti hmuk in kan chhuah sanna in kawtah chuan a ding dawt an motor atang chhuak in in chhung lam a pan a a pen lut pawk pawk chu hlau thawng lutuk a melh in motor kawngka chu ka nem hawng ve zui nghal rawk rawk. In chhung a hman hmawh leh hlau thawng zet a ka tlan kut chu ka thil hmuh chuan min ham haih zual vek bawk.


Ka u leh a thianpa lo in sual chu an nu khan thelh tum in a lo buaipui a. An thinrim dun bawk a in chhung bungrua pawh an bawh chhe hman nual a nih chu. Rang zet a pan ve nghal in ka u kawngah chuan ka kuah bet a, ka tha zawng zawng chuan pawh sawn tum in ka bei zui ve nghal bawk. Mahse sawt lo tak hi a ni tawp.


" I nupui thu sawi vang a hetiang a min khawih a nih chuan i ti sual hle ang! Kei hian tih luihna chhe te mah ka hmang lo , a ni lawm ni? " Chapo zet a a la rawn ti zawk za mah chu ka u lah in a ngai thei der lo.


" Hrep tak che chuan! " Ti chhuak hrawk a Hnek leh tum a a kut a tin leh uai chu an in karah ka in rawlh ta tawp.


" Duh tawk rawh! Buaina emaw mualphona dang neih belh ka duh lo! Haw ang... He tah chuan ka thawk a chham mai dawn in ka hria! " Ka ti chhuak tiau.


" Racheal! I pasal hi veng tha ang che ! Complain in duh chuan kan in peih reng!" Ka u in kan hma a hmeichhe hlau thawng a ding leh chhuat a mipa na tuar rum tuah tuah chu melh in a ti hrawk. Engmah sawi fiah theih ni tawh hek lo, kawngka lam pan in ka pawt kal nghal a. Pawn kan thlen rual in motor a lut ta mai lo chuan ka u chu ka melh nghal vak.


" I rilru a fim tawh em? Kha tiang a I chet ka hlauh vang khan a lawm engmah sawi ka duh lo! " Ka ti chhuak halh. Ka u erawh in bengdaih tum zet in a thaw chhuak leh hawk thin.


" Lut rawh le! " Ka thu sawi hre lo ang hmak a tiin motor kawngka chu a pawt hawng a. Thaw chhuak halh in ka thu lut ve mai a. In a kan haw chu ka pi leh ka pu an lo leng chhuak hlauh a. Dindini erawh sitting room ah TV a lo en thung. Thu khaw muang lo in room kan in zui lut a. Ka mit sir in ka u ka melh leh zeuh thin.


" I ril a tam em? " Ka en reng lai in a rawn ti sup a ka phu chiam leh nghal, min rawn en in mit a kan uk takah chuan lu ka thing ta ringawt. Room atang a a chhuak chu thaw chhuak halh in ka thlir a. Aizawl lam a haw chung chang kha sawi pui leh ka duh viau nan mahse tunah rih chuan ka ngam rih chiah ta lo.


Ka in thlak mawlh mawlh lai chu ka hnung lam atang ka kawngah a kut rawn zen lut in min rawn kuah a. Sir zawng a melh chho ha in ka nuih nghal sak. Zan tir lai ai ngawt chuan a hmel pawh hmuh a nuam ta deuh. Ka dul zawn a a kut chu ka kawr hak chhungah zen lut in ka hnute a rawn hup nghal run a. Kan hma darthlalang atang chuan a hmel pa zet chu ka melh ralh.


" Vawin ang kha a thleng leh a nih chuan zep tum tawh suh ang che! " Ka beng bulah chuan a rawn ti thawp sup a. A thaw lum ham ham chuan ka taksa a ti mur sung sung thei hial. A hmui lum ham ham chuan ka nghawng vel chu a hrut kual ruai a. Muang chang in ka kawr chhung a a kut chu a chet kual bawk.


" I hrethiam ti raw! " Ka beng seh zeuh a a ti sup chu mit chhing in thawk ka la halh. Lu ka buk nghat tak ah chuan nui suk in kan hma lam darthlalang atang chuan mit meng sexy zet in min melh run a. Kawr a ha ve tawh lo a, kekawr bul dum chiah a ha bawk. Darthlalang a min en reng chung chuan zawi muang in a kut ka kawr chhung a mi lo zawk chuan ka kekawr hakah a zen lut a. Ka point takah tawp chawt in a lamah min pawt hnai zual hrut a. Ka kawng zawn ah a mipatna in min kam nghal run vang chuan chil ka lem nghal kawlh.


" I duhawm zia saw in en teh! Mipa dang in an melh ve hlek che pawh hi ka phal lo! " Ti thawp sup in ka kekawr chhung a a kut chu a chet a. Hetiang thu a sawi hian chhan let dan ka haih chham thin. Mahse a lakah ka special bik riau tih ka hre thar a, chakna leh tuarchhelna ka neih phah thin thung.


A hmui a ka nghawng vel nawr kual ruai in a kut tang pahnih chu ka hmeichhiatnaah zawi muang in a rawlh lut a. Kan hm darthlalang atang in ka feel dan hre duh ang mai in sexy zet in min melh run bawk. Zawi muang a a kut chu chet in a ti rang tulh tulh a. Ka hmui hnuai lam pet fan fan in ka bawp ka chip leh chawi thin te chuan a ti phur zual sauh emaw tih tur in a chet a uar zual sauh zel bawk.


Ka tai bawr za chuai leh ka taksa khur der der vang chuan kei mah pawn ka ding nghet zo lo. Ka u taksa hlai lian zet ngheng chuan ka ding tawk tawk a. Ka u pawn ka zo dawn a ni tih hre thiam in a hma aia rang chuan a kut chu a chet a, a ban rek lian zet a hmer bet chawt in a taksa rinchhan chuan ka ding di hlip leh chawi chawi thin.


Ka bul mai khum a min mut tir in khum tlangah chuan a thingthi thla ruai ruai a. Eng thil nge i tih dawn? Tih melh a ka melh chu min chhang lo in ka mal pahnih a rawn vuan in a lamah min hnuk hnai hrut a. Ka mal in kar a a hmai a rawn phum tak ah chuan ka tu khum a khum khuhna nawr vak in ka kut chuan ka tham nghal ngawt ngawt bawk!


Duh thaw leh uar lutuk a, ka hmeichhiatna a hmui leh lei hmang a sawng bawl chuan ka taksa a ti danglam hneh lutuk ringawt. Ka malah a vawn beh nghen em avang in ka nuam ti awm ngaihna hre lo ka tal leh laih thin pawh chu engah mah a ngai lo. Ka hriat loh leh tum lo zet in ka rum chhuak leh dar dar thin. Mahse chu chuan a hmai ai zawng in a ti phur zual zawk tih a chet danah ka hre thei.


A mipatna ka hmeichhiatna zawnah rawn dah in zei zet chuan a hrut kual nawk nawk a, ka taksa chakna a vang a za chuai chuai chu tih reh dan ka hre lo. Ka ngaihtuah na bing mup mup ah chuan ka taksa chhungah rawn lut se tih mawlh ngaihtuah in ka taksa ka kan ve iak iak a , min film kual reng chu ka thinrim hlur tawh hial in ka hria.


" U... Khawngaih in! " Seh chilh nak in ka ti chhuak halh. Ka u erawh in mit meng chimawm zet a min melh in chet lak mai tum hmel a pu lo.


" Eng thil ti tur in nge min duh Naute! " Ka beng bulah a rawn ti thawp sup chu mit chhing sawk in ka hmui hnuai ka pet fan fan. A thaw lum ham ham te chuan eng dang mah min ngaihtuah tir thei tawh lo.


" A tawp min thlen pui rawh! " Seh chil nak in ka ti chhuak halh.


" Kha ti mai tur kha! ' Nui suk a ti in ka hmuiah a rawn fawp zui tawn tawn a. A lei lum leh thap hrak a ka hmui rawn nawr kau in thuk zet ah a lei chu a chet nghawng nghawng a. Kei pawn uar zet in ka chhang let ve nghal. Zawi muang a ka taksa chhung a a rawn luh in uar zet in a che zawm nghal a.

* sensor *

" Angel Dindini class a rawn haw tlai dawn a. Kan pahnih in bazarah chawhmeh kan va en dawn a mi. I pu lah tunlai chu huan lamah a tui thar riau a inah pawh a awm hman meuh si lo! " Ka pi in a ti barh barh a. Nui lui sak in lu ka bu nghat.


Dik tak chuan ka u leh Racheali pasal an in tih buai vak atang khan midang ho hian min sawi duh tan tih ka hria a. Chhuah vak ka chak hran lo. Mahse ka pi in a ti miau sia, ni leng in engmah tih vak ka nei ngai lo bawk nen ka hnial ngam lo a ni ber.


Ka in thlak ve a, tunlai ka taksa na thum thin hi enge a chhan ka hre lo. Zanah ka mu thei lo a, ka u mutthilh hnuah pawh thawh leh chang ka nei fo a. Thil ka ei thei lo a, in thlahrun vang in chaw erawh ka mil ve ziah tho. Ka thin chhe thar ta thut leh ka huat thu che ta em em pawh hi ka in hre thiam lo lek lek. Ka u hian min dawh zel zawk lo phei se chuan kan in kar chu a buai nuai tawh in ka ring.


Bazarpuiah kan kal kual a. Ka pu in bawngsa a ei chak thu a sawi avang in sa zawrhna lamah kan kal a, sa hi ka ngaina lem lo sangha leh arsa hi chu ka duh ve mahse a dang hi chu ka ei lo ve thei khawp. Sa rim thang huap chu ka ngai thei lo tlat leh nghal. Vawin ni takah, ka pi bul a chutiang sawi lah ka hreh ve ting tang bawk si.


A ruk chuan ka hnar ka hup leh thin. Ka pum rawn let but but thin te chu a ruk in ka tuar ta ngawt. Ka thil ei thei lo leh mut that theih loh vang in ka pum lam a nuam loah ka hmeh bel tawp. A bak han hmeh bel tur vak ka hre lo. Ka damdawi ka ei tha viau bawk si chu kei pawn ka in hrethiam lo hial.


" Awww... Angel poisa kir kha ka la emaw ka tia ka la lo a nih hi! " Bazar atang a kan chhuak chu ka pi in a rawn ti chhuak hliai a. Ka rilru chuan sa zawrhna chhung a luh leh kha ka huphurh tak zet tawh. Ka lut leh a nih chuan ka luak thei tawh tak ngial in ka in ring a nih chu.


" Tihian lo awm la, ka va let lawk ang aw! Kha.... Heng hi lo khai bawk la! " Tih leh a thil khai min pek a rual a. A rual a kal ve lo tur a min ti ka lawm zia chu pui tak. Ka dinna a kal kawng deuh avang chuan awl rem chang lai ah in sawn in ka ding a. Ka piah kawngpui leh lam a ka u motor ding ka hmuh chuan ka nui sak.


Ka phone la in ka call nghal a, a haw tawh dawn a nih chuan a rual in ka pi nen kan let theih ka ring bawk nen, chubakah ka ke a kham tawh hrim hrim. Ka call a a la thei mai lo leh nghal. Ka beng bul a phone dah reng chung chuan motor lam pan chuan ka kal a. Mahse motor chhung a thu te ka hmuh vang chuan ka ding dat.


Passenger seat lamah Racheali kha a thu ve tih ka hmu chiang viau bawk. Ka hmuh reng lai chuan motor chuan an tlan ta daih a, ka call pawh chhang miah lo in, kha nu kam hawi khan nelawm deuh in a nui vel a nih chu. A pasal in ka chung a a chet dan zawng zawng hre vek chung khan.


Ka bul a motor horn rawn ri vak vang chuan ka phu nghal chiam a, ka tomato khai lai ka la thloh zui. Harh chhuak zawk in ka dinna atang chuan ka hawi kual a kawngpui lai takah ka lo ding reng a nih chu!


💘💘Nizanah a tawi tiu teu sia ka rawn zawm leh hram a nih hi😬😬 Zan khatah thui deuh ka type thei si lo a maw, min lo hrethiam ru aw. A story hi tawp tir ka duh tawh viau nan ka ziah tirh atang a ka ngaihruat dan ang a ziah ngei ka duh sia, tlem chu a la ngai deuh bawk ang aw😬😬

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)